تمرد صحفيه بقلم {دودومحمد}

⁦✍️⁩تمرد صحفيه ⁦✍️⁩ 28

?الفصل الثامن وعشرون?

فى شقة سعيد

فى اوضت مؤمن

كان قاعد بيفكر فى كلام أخته وجاله إشعار على تليفونه فتحه لاقه من سندس وكانت كل الرسايل من سندس بتترجا أن هو يرد عليها علشان محتاجه ولسه هيدوس على الحذف لاقها بعته ليه رساله بتقول لو مردش عليها هتنتحر غمض عينه بحيره يفكر يرد عليها ولا لاء واخد قرار يرد عليها وكتب

مؤمن :- ايوه يا سندس
سندس :- ردت عليه بلهفه وقالت حرام عليك يا مؤمن كل ده علشان ترد عليا انا محتاجك اوى جنبى انا وحيده ومش لاقيه حد يبقى جنبى فى الظروف دى
مؤمن :- تقصدى حبس اخوكى أدهم
سندس :- ايوه ممكن تتصل بيا عايزه اتكلم معاك واسمع صوتك
مؤمن :- سندس كن
سندس :-قطعته وقالت ارجوك يا مؤمن محتاجه اتكلم معاك بجد
مؤمن :- ماشى هتصل بيكى وطلب رقمها
سندس :- اول ما شافت اتصاله ردت عليه بسرعه وقالت اخيرآ سمعت صوتك
مؤمن :- سندس انا كنت عايز اتكلم معاكى فى موضوع
سندس :- وانا مش عايزه اسمع حاجه انا محتاجه انت تسمعنى وبس ممكن
مؤمن :- سكت شويه وقال ماشى اتفضلى
سندس :- بس الاول اوعدنى أن الكلام اللى هقولوا ليك محدش يعرف عنه حاجه
مؤمن :- اشمعنا يعنى
سندس :- بليز اوعدنى
مؤمن :- اوعدك قولى
سندس :- انا عرفت أن كل اللى أدهم فيه ده بسبب بابا وماما سمعتهم صدفه بيتكلموا مع بعض على موضوع حبس ادهم وكمان عايزين يخدوا منه كل حاجه وانا خايفه اتكلم مع اى حد
مؤمن :- واشمعنا انا اللى قولتى ليه الكلام ده
سندس :- علشان انا بثق فيك اكتر من نفسى
مؤمن :- سكت بكسوف من نفسه ومردش عليها
سندس :- مؤمن روحت فين
مؤمن:- ها م.م.معاكى
سندس :- قولى اعمل ايه انا خايفه اتكلم مع حد من اخواتى ماما وبابا يعرفوا أن انا اللى قولت وخايفه اسكت ينجحوا فى خطتهم وياخدوا كل حاجه من ادهم
مؤمن :- امممم مش عارفه الصراحه اقولك ايه خايف اقولك قولى لاخواتك تتأذى من ابوكى وامك ومش عارف هيكون ايه رد فعلهم
سندس :- يعنى مقولش لاخواتى
مؤمن :- متقوليش
سندس :- بس كده أبيه أدهم هيتأذى وهيخسر كل حاجه
مؤمن :- مش احسن انك انتى تتأذى
سندس :- طيب احنا ممكن نقف جنبه ونساعده بطريقه غير مباشره
مؤمن :- ازاى
سندس :- يعنى احكى لاختك داليا وقولها متقولش لحد خالص الكلام ده وخليها تساعد أبيه وتقف جنبه وتحميه منهم
مؤمن :- بس انا وعدك مقولش لحد
سندس :- بس داليا مش حد دى مراته والوحيده اللى انا واثقه فيها انها هتقدر تساعده
مؤمن :- هقولها ماشى
سندس :- شكرآ يا مؤمن
مؤمن :- على ايه بس
سندس :- على انك وافقت تقف جنبى وتساعدنى
مؤمن :- بس انا معملتش حاجه
سندس :- بالعكس انت عملت كتير يكفى انك سمعتنى فى وقت محدش فاضى ليا فيه بجد انت طيب اوى يا مؤمن وجدع
مؤمن :- اتنهد بوجع وقال انا موجود فى اى وقت تحتاجينى فيه
سندس :- أن شاءالله باى وقفلت السكه معاه
مؤمن :- قفل التليفون وحطه على المكتب واتنهد وقام خرج راح عند اوضت داليا
~•~•~•~•~•~•~•~•~•~•~•~•~•
عند النيابه

الكل كان واقف بيفكر ازاى يخرج ادهم من المحنه اللى هو فيها وتدخل خالد فى الكلام ووافق على مساعدة ادهم ودفع الشروط الجزائيه بس كان عنده شرط علشان يعمل كل ده والكل سألوه ايه هو الشرط
خالد :- الشرط هو أن أدهم يمضى على الورق ده
علاء :- ورق ايه ده يا بابا
خالد :- ده توكيل عام ليا
دينا :- وحضرتك محتاج توكيل ليه
خالد :- علشان اقدر أمضى مكانه واقدر اتصرف فى أمور الشركه براحتى
أكرم :- مش شرط توكيل على فكره لو حضرتك عايز تساعده ادفع الفلوس ليه ومتشغلش بالك بحاجه تانيه
خالد :- ازاى لازم يكون معايا توكيل من ادهم علشان أمضى على الأوراق اللى متوقفه على امضته هو علشان امشى مصالح الشركه وارجع وقفها من جديد
تامر :- خالد باشا عنده حق فيه حاجات مش هتنفع غير بأمضت ادهم أو حد معاه توكيل منه
دينا :- بس أدهم مش هيرضه وبالذات لما يعرف أن التوكيل ده لبابا
علاء :- هات انا هحاول ادخل ليه واخليه يمضى
أكرم :- بس هو رافض حد يدخل ليه
تامر :- انا هدخله على مسؤوليتى تعال معايا
ومشى علاء مع تامر بعد ما اخد الورق من خالد تحت نظرات خالد الشيطانيه وفى الوقت ده وصلت ماجده وجوزها واول ما خالد شافهم اتعصب وقال بغيظ
خالد :- ايه جابكم
مصطفى :- وانت مالك
خالد :- والله وطلعلك حس يا جربوع
ماجده :- بغيظ الجربوع ده سيدك وجذمته برقبتك يا خالد
خالد :- مبقاش غير واحده خاينه زيك تتكلم معايا انا بالاسلوب ده
ماجده :- اخرس انا اشرف من عشره زيك وأشرف من الحربايه بتاعتك على الأقل مدخلتش بيوت الناس وخربتها زيها بس الحمدالله ربنا عوضنى براجل بجد وعيشنى اسعد ايام عمرى
خالد :- انا لو منه مكنتش بصيت فى وشك بعد ما نام معاكى وانتى على ذمة راجل تانى
مصطفى :- مسكه من هدومه وقال سيرة مراتى متجيش على لسانك تانى فاهم انا مراتى اشرف واحده على الأرض وانا ليا الشرف أن اتجوزت واحده زيها
أكرم :- تدخل وبعدهم عن بعض وقال وحدوا الله يا جماعه مش وقته الكلام ده المهم ادهم دلوقتى
ماجده :- بدموع هو عامل ايه دلوقتى
دينا :- رافض يقابل اى حد
ماجده :- انا لازم اقابله لازم اشوفه واقف جنبه فى محنته
مصطفى :- انا مستعد اسدد كل ديونه وأخرجه من هنا
خالد :- وانت مفكر ابنى مستنى منك مساعده يا جربوع
مصطفى :- اللهم طولك يا روح وبص لأكرم وقال انت صاحبه صح
أكرم :- ايوه انا صديق عمره
مصطفى :- يعنى اكيد عارف الشركات اللى مقدمه الشروط الجزائيه
أكرم :- ايوه بس ليه
مصطفى :- الصبح تعال معايا وانا هسدد الشروط دى
أكرم :- انا سدد شركتين والشركتين التانين خالد باشا هيسددهم شكرآ ليك
ماجده :- محدش هيسد ديون ابنى غير احنا مش محتاجين فلوس حد
أكرم :- بس حضرتك عارفه أن مستحيل ادهم يوافق بكده
مصطفى :- مش لازم يعرف أن احنا اللى دفعنا الفلوس
أكرم :- مينفعش صدقنى
خالد :- ما قالك ابوه هيدفع ليه الفلوس ما خلصنا بقى وخد مراتك وغور من هنا متشكرين لخدماتك
ماجده :- بصت لجوزها وقالت انا مش همشى من هنا غير لما اشوف ابنى واطمن عليه
مصطفى :- هعملك اللى انتى عايزاه بس أهدى علشان متتعبيش
خالد:- بص ليهم بقرف وبص الاتجاه التانى
مصطفى :- تعالى معايا هحاول ادخلك ليه واخدها ودخل جوه وفى الوقت ده اتجمع الصحفيين وقعدو يصورا خالد واكرم ودينا وحاولوا يسألوهم بس هما رفضوا يتكلموا معاهم ودخلوا جوه بعيد عن الكاميرات
~•~•~•~•~•~•~•~•~•~•~•~•~•
عند ادهم فى المكتب

كان قاعد وبيشرب السيجار بتاعه وهو حزين ومكسور والباب اتفتح عليه واتفاجئ بأخوه علاء وقف بعصبيه وقال

ادهم :- مين سمح ليك تدخلى
علاء :- صعب عليه اخوه وراح عنده وقال انا اللى سمحت لنفسى يا ادهم عامل ايه
ادهم :- كويس
علاء :- راح وقف قصاده وبص ليه شويه وقال انت ليه مش عايز تتكلم فضفض ليا كلمنى وقول اللى جواك اى انسان مننا بيجى عليه لحظات ضعف وبيشاركها مع اقرب الناس ليه سكوتك ده وصلابتك مش كويسه عليك هيجى عليك يوم وهتقع قدام الكل الغريب والقريب الحق نفسك يا ادهم وأتكلم معانا خرج كل اللى جواك صدقنى احنا قوتك مش ضعفك احنا أهلك منك هنخاف عليك ونحميك حتى من نفسك اتكلم يا ادهم قول كل اللى وجعك
ادهم :- بصله شويه واخد نفس من السيجار بتاعه وخرج دخانه فى الهوا وقال انا مش محتاج حد جنبى انا اقوى منكم كلكم عمرى ما عرفت الضعف ولا هعرفه ولا هدى فرصه لحد مستنى أن انا اقع انا ادهم الحناوى وهفضل كده طول ما انا عايش
علاء :- بكلامك ده أثبت ليا قد ايه انت ضعيف اوى ومحتاج مساعده بس بتحاول تمثل انك قوى
ادهم :- عايز توصل لايه يا علاء اخلص قول الكلمتين اللى جاى بخصوصهم
علاء :- مد أيده وقال أمضى على ده
ادهم:- بص بأستغراب وقال ايه ده
علاء :- ده توكيل عام
ادهم :- توكيل عام !
علاء :- ايوه احنا كلنا جنبك مهما رفض ده كلنا بنحاول نسدد الديون اللى عليك ونوقف ليك الشركه من جديد وعلشان يحصل كل ده لازم توكيل منك علشان نقدر نمشى الشغل اللى واقف ده
ادهم :- اخد الورقه وبص على الاسم وضحك وقال بصوت عالى خالد الحناوى ههههههههه فرصه وجت ليه
علاء :- بس قرر يقف جنبك يا ادهم
ادهم :- ههههههههه يقف جنبى ولا ياخد شركاتى وينتقم منى
علاء :- لاء غلطان بابا زعلان علشانك بجد مش زى ما انت متصور كده الدم عمره ما يبقى مايه يا ادهم
ادهم :- ده على اساس خالد الحناوى ده اب ولا يعرف حاجه عنها ابوك تبع مصلحته وعلشان يعمل كده اكيد فيه مصلحه من وراه مساعدته ليا
علاء :- احسن الظن بلاش تسرعك وحكمك على الناس بالباطل
ادهم:- احسن الظن صح وهما ليه مكانوش بيحسنه الظن بيا ليه تملى كان شايفنى ابن الخاينه فى نظرهم ليه تملى كان بيعاقبنى على ذنب انا مليش دعوه بى ليه مرحمش طفولتى وحولنى من طفل برئ لطفل عدوانى كل همه ينتقم وبس ليه ضيع سنين طفولتى فى اهانه وضرب بالنسبه ليك انت الكلام سهل إنما بالنسبه ليا انا الكلام صعب يا علاء روح لابوك وقوله ادهم مش محتاج مساعده من حد
علاء :- غرورك وتكبرك دول هما سبب تعبك
ادهم :- ومين قالك تعبان انا احسن منكم كلكم
علاء :- احنا عايزين مصلحتك يا ادهم
ادهم :- مصلحتى انا عارفها كويس اوى مش محتاج حد جنبى
علاء :- احنا جنبك مهما رفض بس بجد محتاجين توكيل منك لاى حد فينا علشان نقدر نمشى مصالح الشركه لحد ما تخرج من هنا يا ادهم
ادهم :- بص لعلاء وقطع التوكيل وقال قوله العب غيرها ميجيش يلعب عليا انا اتفضل روح بلغه كلامى
علاء :- بص لادهم بصدمه وخرج وسابه من غير ولا كلمه
ادهم :- بص على علاء بأنكسار وهو خارج وقعد على الكرسى غمض عينه بوجع وفى الوقت ده دخلت ماجده بصلها ادهم وقال جايه ليه
ماجده :- جايه لابنى حبيبى اقف جنبه وأخرجه من محنته دى
ادهم :- انتى اخر واحده فى الدنيا دى هحتاج مساعدتها متحاوليش تعيشى دور الأم المضحيه انتى واحده انانيه باعت الدنيا بحالها علشان شهوتها روحى لجوزك وانسى أن ليكى ابن
ماجده :- بدموع بلاش كلامك اللى بتجرحنى بي ده يا ابنى انا امك وعمرى ما بعتك ابوك هو اللى اخدك منى علشان يعاقبنى غلط ايوه غلط بس احنا بشر وبنغلط مش ملايكه حاولت طول السنين دى اتواصل معاك من وانت طفل بس تملى كنت بترفض تشوفنى ارحم قلب امك من العذاب ده يا حبيبى وسامحنى على غلطه مكانتش مقصوده
ادهم :- وقف وقال اهى الغلطه اللى مكانتش مقصوده دى نهت حياتى حولتنى بنأدم تانى ولدت فيا الشر والحقد خلتنى عايش طول عمرى وانا حاسس بالنقص الغلطه اللى مش مقصوده دى وقفت حياتى عند لحظه معينه لا انا قادر انساها وأكمل حياتى عادى ولا قادر ارجع الحلو اللى كنت عايشه قبليها عرفتى بقى غلطتك دى عملت فيا ايه
ماجده :- بدموع حرام عليك يا ابنى انت كده بتوجع قلبى عليك اكتر واكتر وبتخوفنى عليك من نفسك
ادهم :- بضحكة وجع لاء متخافيش بقى عندى مناعه من الوجع بقى جسمى منحس مش بيحس مهما حصل فيه زى ما تقولى كده بقيت جسم من غير روح روحى شوفى جوزك ولو ليكى عيال منه خلى بالك منهم علشان متعمليش فيهم زى ما عملتى فيا اتفضلى امشى من هنا متحاوليش تشوفينى مره تانيه علشان مضمنش ردت فعلى عليكى بعد كده هتبقى ايه اطلعى بره
ماجده :- يا حبيبى اسمعنى بس
ادهم :- بزعيق اطلعى بره بقولك
ماجده :- بصت ليه بدموع وجت تلمسه بعد عنها خرجت تجرى من عند ادهم وهى منهاره من الدموع ومصطفى جوزها سندها واخدها وروح
ادهم :- يا عسكرى
العسكرى :- جه يجرى وقال ايوه يا باشا
ادهم :- انا مش قولتلك مش عايز اقابل حد
العسكرى :- اسف يا باشا بس تامر باشا هو اللى قالى ادخلهم ليك
ادهم :- مليش دعوه بحد كلمتى انا بس اللى تتسمع مفهوم
العسكرى :- ح.ح.حاضر
ادهم :- غور واقفل الباب وراك ومدخلش حد تانى من غير اذنى
العسكرى :- خرج وقفل الباب وراه
ادهم :- قعد على الكرسى وحط ايده على دماغه وسند ضهره لوراه وقعد يبص على اللمبه
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه ليبدء ادهم بفتح عيونه عدل جسمه ودعك رقبته من النومه وهو قاعد وبص فى الساعه وفى الوقت ده الباب اتفتح عليه ودخل تامر وقال

تامر :- صباح الخير يا ادهم باشا
ادهم :- مردش عليه وولع السيجار بتاعه
تامر :- اتنهد وقال عمومآ انت حر دلوقتى تقدر تمشى
ادهم :- بص ليه وقال ممكن توضح كلامك
تامر :- كلامى واضح مفهوش حاجه محتاجه تتوضح الشركات اتنازلت والقضيه اتقفلت ووجودك هنا ملوش لازمه تقدر تروح
ادهم :- ومين اللى عمل كده
تامر :- تقدر تروح دلوقتى تاخد شاور وتريح جسمك شويه وبليل أكرم هيقولك كل حاجه
ادهم :- بص ليه وقام وقف ومشى لحد الباب
تامر :- ادهم باشا
ادهم :- وقف وبصله من غير ولا كلمه
تامر :- استأذن حضرتك تمضى هنا علشان نقفل القضيه دى نهائى
ادهم :- مشى بكل ثقه وغرور اخد القلم مضى وحط القلم من غير ولا كلمه ومشى وسابه
تامر :- اتنهد وقال الغرور وحش ربنا يهديك واخد ملف القضيه ومشى
~•~•~•~•~•~•~•~•~•~•~•~•~•
فى الصعيد

صحى حمزه من نومه قام خرج من اوضه لاقه ميرفت لسه مصحيتش دخل الحمام اخد شاور واتوضه وخرج من الحمام دخل اوضه تانى لبس هدومه واده فرضه وخرج تانى راح خبط على باب اوضة ميرفت وقال

حمزه :- ميرفت اصحى يلا علشان نروح نزور قبر ابوكى بس محدش رد عليه خبط تانى وقال ميرفت ردى عليا يا ميرفت قلق لما محدش رد عليه فتح الباب ودخل لاقها نايمه وقف على الباب قعد يبص عليها بحب وبعد شويه راح قعد جنبها على حرف السرير وخبط براحه على وشها وقال ميرفت حبيبتى اصحى يلا
ميرفت :- اتقلبت وحطت ايديها على رجل حمزه والغطا وقع من عليها وجسمها كله ظهر
حمزه :- اتوتر وبلع ريقه بصعوبه وعرق وقال ايه الحوسه السوده اللى انا فيها دى وقال احم م.م.ميرفت اصحى الله يحرقك احسن بنهار وحاول ينزل هدومها على جسمها
ميرفت :- اتقلبت تانى وادته ضهرها ومردتش عليه
حمزه :- بتوتر احم ك.ك.كملت وقام وقف بعيد عنها وحاول يغير اتجاه وشه وميبصش عليها وقال ميررررررررفت
ميرفت :- فتحت عينها وبصت لاقت حمزه واقف قدمها قامت نطت بصت على نفسها لاقت هدومها مرفوعه اتكسفت وجابت الغطا حطته على جسمها وقالت ا.ا انت بتعمل ايه هنا فى اوضى
حمزه :- وهو بياخد نفسه بصعوبه من كتر التوتر ا.ا.انا ك.ك.كنت جاى اصحيكى علشان تجهزى وننزل نزور قبر ابوكى
ميرفت :- احم م.م.ماشى ا.ا.اطلع بره و.و.وانا ثوانى وهجهز
حمزه :- طيب مش محتاجه اى مساعده
ميرفت :- بكسوف بطل قلة ادب يا حمزه
حمزه :- راح عندها وقعد على حرف السرير وقال ميرفت احم م.م.ما بلاش ننزل النهارده و.و.و احم يعنى احم نخلى الجواز رسمى انا خلاص مبقتش قادر على العذاب ده
ميرفت :- رجعت لوراه بكسوف وقالت احم م.م.مش دلوقتى
حمزه :- ليه بس ايه المانع معقول كل ده مأخديش عليا
ميرفت :- ا.ا.اخد ب.ب.بس م.م.مش مستعده
حمزه :- سيبى نفسك ليا خالص ومش هتندمى
ميرفت :- احم ط.ط.طيب نروح الاول نزور قبر بابا
حمزه :- بفرحه يعنى قررتى خلاص هنعيش مع بعض زى اى اتنين متجوزين
ميرفت :- احم م.م.ممكن تطلع بره بقى ع.ع.علشان اجهز
حمزه :- من فرحته شدها فى حضنه وقال انا بعشقك انا هروح معاكى وهستنا لقاءنا ده على النار وبعد عنها بسها برقه فى خدها وخرج من الاوضه
ميرفت :- بصت عليه بكسوف وهو خارج واتوترت وقالت غبيه ازاى قولتى كده شوفى هتعملى ايه بقى يا فلحه لما نرجع من عند ابوكى ويطلبك بحقه الشرعى وقامت غيرت هدومها وخرجت اتوضت وأدت فرضها ونزلت مع حمزه راحت المكان اللى فيه المقابر الخاصه بيهم وسألت على اسم ابوها وعرفت مكان قبره وراحت عنده ووقفت قصاده ودموعها نزلت منها وقعدت تقراه ليه قرأن وتدعيله وحمزه كان واقف مستنيها بره وبعد وقت خرجت ميرفت وعينيها كلها دموع صعبت على حمزه وقف قصادها ومسك وشها بين ايديه وبص فى عينيها وقال
حمزه :- العيون دى متخلقتش علشان تنزل دموع العيون دى اتخلقت علشان تضحك علطول وتكون سعيده ومبسوطه
ميرفت :- بدموع عمرى ما كنت أتخيل أن علاقتى ببابا مجرد كلام انا بتكلمه وهو نايم تحت التراب كنت منتظره يخرج من مكانه ده ويمسح دموعى ويقولى زى ما انت قولتلى كان تملى يقولى نفس جملتك دى بابا واحشنى اوى
حمزه :- ربنا يرحمه يا حبيبتى هو دلوقتى فى مكان احسن من هنا بكتير هو فى دار الحق واحنا فى دار الباطل ادعيلوا تملى هو مش محتاج منك حاجه غير الدعاء علطول ليه هى دى الصدقه الجاريه ليه بجد وهو ده اللى هينفعه دلوقتى مش اى حاجه تانيه
ميرفت :- بدعيله تملى وبدعى ربنا يصبرنى على فراقه
حمزه :- يارب يا حبيبتى يلا
ميرفت :- بتوتر ي.ي.يلا فين
حمزه :- نروح البيت
ميرفت :- ها ل.ل.لا
حمزه :- بأستغراب لاء ليه
ميرفت :- ها ع.ع.علشان اه علشان انا جعانه ومليش نفس اكل فى البيت
حمزه :- فهم أن ميرفت بتتهرب من مرواح البيت ابتسم وقال اللى انتى عايزاه تعالى أكلك فى مطعم
ميرفت :- ضحكة ليه بتوتر وقالت ش.ش.شكرآ
حمزه :- ركب العربيه وركبت جنبه ميرفت وراح عند مطعم علشان ياكلوه
وفى الوقت ده ظهر احمد ابن خال ميرفت من وراه قبر من القبور وقال
احمد:- عيشوا ليكم يومين حلوين قبل ما كل واحد فيكم يبعد عن التانى وضحك بشر وراح قعد فى المكان اللى مستخبى فيه من الحكومه
فى المطعم

وصل حمزه وميرفت المطعم نزلوا علشان ياكلوا وسأل حمزه ميرفت هتاكل ايه وطلب الاكل وبعد وقت جه الاكل وبدأو الاتنين ياكلوا من غير ولا كلمه وكانت ميرفت بتاكل ببطئ شديد وكان حمزه متابع حركاتها وعارف ومتأكد أن ميرفت بتعمل كده علشان متروحش البيت دلوقتى وكان بيكتم ضحكته على شكلها وهو بيبص ليها
ميرفت :- اخدت بالها من نظرات حمزه ليها وده وترها اكتر قالت ليه بتوتر ا.ا.انت بتبصلى كده ليه
حمزه :- بسرح فى جمالك ايه غلطان
ميرفت :- بكسوف حمزه بلاش طريقتك دى ب.ب.بتوترنى اكتر بقى
حمزه :- بأبتسامه هههههه خلاص خلاص بس مش يلا بينا بقى
ميرفت :- ها ي.ي.يلا فين
حمزه :- هههههههه البيت
ميرفت :- عملت نفسها بتاكل وقالت ها ل.ل.لا انا لسه جعانه وباكل
حمزه :- حط الحساب وقام وقف ومسك ايد ميرفت وقفها وخرج بره وركبها العربيه وركب جنبها
ميرفت :- ا.ا ايه اللى انت عملته ده ك.ك.كنت باكل على فكره
حمزه :- شغل العربيه وقال انا عارف انك لا جعانه ولا حاجه وبتحاولى تأخرى الوقت وخلاص
ميرفت :- لاء ا.ا انت غلط على فكره وانا هعمل كده ليه
حمزه :- علشان اتفقنا
ميرفت :- بتوتر ها
حمزه :- بغمزه ايوه زى ما فهمتى كده بالظبط
ميرفت :- قعدت تدعك فى ايديها بتوتر وبصت من الشباك
حمزه :- شاف ميرفت وهى بتدعك ايديها بتوتر مسكها وبسها وقال الموضوع مش محتاج كل التوتر ده يا بنتى
ميرفت :- سحبت ايديها من ايديه ومردتش عليه
حمزه :- ضحك وساق العربيه بسرعه اكبر وبعد وقت وصل البيت ونزل من العربيه وفتح الباب لميرفت وقال يلا انزلى وصلنا
ميرفت :- ح.ح.حاضر ونزلت من العربيه وطلعوا عند الشقه وفتح حمزه الباب وقال ادخلى يا عروسه
ميرفت :- بتوتر ل.ل.لو سمحت بلاش توترنى
حمزه :- حاضر يا ستى ادخلى
ميرفت :- دخلت الشقه ببطئ شديد ووقفت مكانها
حمزه :- وقف وراها وحضنها من وسطها وبسها فى رقابتها وقال وقفتى هنا ليه
ميرفت :- بعدت عنه وقالت ها م.م.مفيش ا.ا.انا دخله الحمام وطلعت تجرى على الحمام
حمزه :- بص عليها وهى ماشيه واتنهد وقعد على الكنبه يستناها تخرج
ميرفت :- قعدت جوه على حرف البانيو وقعدت تاكل فى ضوافرها وقالت انتى اللى جبتيه لنفسك يا غبيه ا.ا.انا حاسه ان قلبى هيقف عليا من الكسوف اعمل ايه بس وبعدين قالت اجمدى كده ده مش حد غريب ده جوزك وحب عمرك ومش عيب ولا حرام اللى هيحصل وقامت وقفت قلعت هدومها واخدت شاور واتوضت ولبست البورنص وفتحت الباب بكسوف وخرجت وهى بتبص فى الارض
حمزه :- اول ما شافها كده قام جرى عليها ولسه هيقرب ليها بعدت عنه وقالت
ميرفت :- م.م.مش هينفع على فكره تلمسنى ع.ع.علشان انا اتوضت
حمزه:- ابتسم ليها وقال ربنا يبارك فيكى انا هدخل اخد شاور واتوضه وجيلك
ميرفت :- احم م.م.ماشى ودخلت الاوضه لبست هدومها واستنت حمزه وبعد وقت دخل حمزه بالبورنص ولسه هيقلع البورنص علشان يلبس هدومه
ميرفت :- غيرت وشها وقالت بكسوف ا.ا.انت هتعمل ايه
حمزه :- هلبس هدومى علشان نصلى
ميرفت :- احم م.م.مش هنا تلبس هدومك ر.ر.روح فى اى مكان تانى
حمزه :- على فكره خلاص انا لبست هدومى وانتى بتتكلمى
ميرفت :- بصت ليه لاقته فعلا لبس هدومه وفرش المصليه ووقف قدام ووقفت وراه ميرفت وصلى بيها وبعد وقت انتهى وقال الدعاء وقام وقف ووقف ميرفت وقال
حمزه :- ربنا يبارك لينا فى حياتنا ويرزقنا الخلف الصالح يارب وبسها فى راسها وقلعها الطرحه ومد أيده فتح سوستة الايسدال وقلعه ليها لاقها لبسه ترنج بصلها بأستغراب وقال ايه ده
ميرفت :- ا.اايه
حمزه :- فيه حد يلبس ترنج يوم دخلته
ميرفت :- احم ا.ا.انا معنديش هدوم غير كده
حمزه :- ومقولتيش ليه علشان اشترى ليكى
ميرفت :- بكسوف م.م.مكانش ينفع
حمزه :- على العموم مش مهم ومد أيده فتح سوستة الترنج وقلعها الجاكت وشالها حطها على السرير وقرب منها و(سكتت شهرزاد عن الكلام الغير مباح ?? ليكى وحشه يا غاليه ??)
~•~•~•~•~•~•~•~•~•~•~•~•~•
فى اسكندريه

صحيت داليا على صوت تليفونها بتبص فيه لاقته رقم منتهى ردت عليها وقالت

داليا :- صباح الخير يا توته فين صوتك من زمان
منتهى :- اهو الشغل مطلع عينى خصوصآ بعد ما انتى وفاطمه قعدوا وسبتونى لوحدى
داليا :- غصب عنى والله والبت فاطمه الواطيه برضه بقالها فتره متصلتش بيا
منتهى :- اصل ممدوح ابن عمها رجع من السفر نازل اجازه كام يوم وانتى عارفه فاطمه لما ممدوح بينزل اجازه مش بتعرف حد
داليا :- اه علشان كده
منتهى :- عرفتى أن أدهم خرج النهارده
داليا :- بصدمه خرج طيب ازاى
منتهى :- معرفش ازاى بس علاء كلمنى وقالى أن أدهم خرج النهارده
داليا :- سكتت ومردتش عليها
منتهى :- داليا انتى معايا
داليا :- ها ا.ا.ايوه معاكى
منتهى :- انا عرفت انك رفضى تقفى جنب ادهم وقولتى هتطلقى منه
داليا:- انا فعلا أطلقت يا توته
منتهى :- بصدمه اطلقتى امته وازاى
داليا :- امبارح روحت وطلبت منه الطلاق وطلقنى
منتهى :- بسهوله كده
داليا :- ايوه بسهوله كده
منتهى :- وانتى فكرك أن أدهم هيقبل بالوضع ده كتير ادهم مستحيل هيسيبك فى حالك
داليا :- اتنهدت وقالت عارفه بس متوقعتش يخرج بسرعه كده انا قولت هشم نفسى شويه واجدد طاقتى علشان اعرف اقف قصاده بقوه زى ما انا متعوده
منتهى :- هى حرب يا بنتى ده جواز
داليا :- بالنسبه ليا ولادهم فعلا دى حرب ولازم يكون واحد بس اللى كسبان فيها
منتهى :- ليه تخلوها حرب ليه متخلهاش حياه سعيده مسابقه ما بنكم مين يسعد التانى اكتر
داليا :- علشان هو بنأدم مغرور
منتهى :- وانتى عنيده ومتمرده يا داليا
داليا :- مش حكاية عنيده ولا متمرده كل الحكايه مش بحب حد يكسرنى لو حد ضربنى قلم احب أرده ليه أضعاف مضعفه بحب اخد حقى لو هيكون فى بؤق الأسد
منتهى :- ربنا يصلح الحال ما بنكم يارب
داليا :- قولى ربنا يبعده عنى احسن
منتهى :- انا متاكده ان الكلام ده من وراه قلبك
داليا :- سيبك منى عامله ايه مع علاء
منتهى :- انا فى مشكله كبيره والله
داليا :- مشكلة ايه
منتهى :- يوم الحفله بتاعة رجال الأعمال كنت ركبه مع علاء العربيه واول ما نزلنا والصحفيين والإعلاميين شافونا مع بعض سألوه ايه طبيعة العلاقه اللى ما بنا قال دى خطيبتى ومن حظى الاسود كان متذاع على التلفزيون واهلى شافوا اللقاء ده ونيلوا عشتى وعايزين علاء يجى يتقدم علشان سمعتى قدام الناس وجيت أكلمه جه موضوع اخوه ادهم وانشغل معاه وخايفه يرفض ويقولى مينفعش دلوقتى غير لما يقنع أمه توافق عليا
داليا :- يااااه كل ده حصل وانا معرفش
منتهى :- ما انتى مشغوله بمشاكلك محبتش ازود ليكى مشاكل اكتر من اللى انتى فيها وفاطمه مش معايا خالص اليومين دول حاسه انها مخبيه حاجه عليا ومش عايزه تقولها ليا وغير كده مشغوله بتحضير نفسها للخطوبه اللى كمان يومين دى
داليا :- طيب هتعملى ايه
منتهى :- مش عارفه وحتى مش بيخلونى انزل لوحدى اخويه بيوصلنى الصبح الشغل وبابا بيجى يخدنى بليل
داليا :- ربنا يهدى علاء ويجى يخلصك من اللى انتى. فيه ده
منتهى :- يارب المهم هتيجى خطوبة فاطمه
داليا :- اكيد طبعآ هما هيعملوها فين
منتهى :- فى جنينة الفيلا بتاعة أكرم
داليا :- خلاص تمام نتقابل هناك ان شاءالله
منتهى :- أن شاءالله ولو جد حاجه جديده بينك وبين أدهم ابقى بلغينى بقى
داليا :- أن شاءالله باى وقفلت السكه مع منتهى واتنهدت وقالت يا ترى يا ادهم ايه حالتك دلوقتى وقامت دخلت الحمام اخدت شاور واتوضت وخرجت لبست هدومها وأدت فرضها وخرجت من اوضتها وقالت صباح الخير يا بابا
سعيد :- صباح النور يا بنتى
داليا :- امال فين مؤمن
سعيد :- فى اوضه
داليا :- طيب انا هدخل اصحيه وهاجى احضر الفطار
سعيد :- صحيه انتى بس وانا هدخل احضر الفطار
داليا :- دخلت اوضت مؤمن لاقته صاحى قالت صباح الخير
مؤمن :- صباح النور
داليا :- ايه النشاط ده صاحى لواحدك.النهارده وبدرى كمان ماشاءالله
مؤمن :- انا منمتش اصلا يا داليا
داليا :- بصدمه ليه كده
مؤمن :- ضميرى بيأنبنى اوى من ساعة كلامك ليا امبارح
داليا :- علشان انت تربيتك مش كده ومش متعود تكون شرير بالطريقه دى
مؤمن :- فعلا بس اوقات بتيجى عليكى حاجات بتجبرك تغيرى شويه من تربيتك وشخصيتك علشان خاطر حد بتحبه بس اللى مستغربه بجد انتى يا داليا
داليا:- انا ليه
مؤمن :- علشان لما جيت وبلغتك بالكلام اللى سندس قالته ليا رفضى برضه تساعدى جوزك واتخليتى عنه رغم تربيتك مش كده
داليا :- علشان سبق وقولتلك اللى شوفته على ايد ادهم مكانش قليل أبدآ اللى شوفته منه غيرنى خلانى واحده تانيه غير للى هو شافها اول مره اللى عاش اللى انا عشته صعب يصعب عليه ادهم ابدآ
مؤمن :- طيب قررتى تعملى ايه معاه
داليا :- ولا حاجه هو من طريق وانا من طريق
مؤمن :- اممممم مع أن انا مش مصدق كلامك أن الموضوع انتهى لحد كده بس اهو انا معاكى للآخر
داليا :- طيب قوم يلا يا لمض علشان تفطر
مؤمن :- يلا الفطار النهارده مميز علشان داليا بنت الحاج سعيد هتفطر معانا منه
داليا :- لعبة فى شعره وقالت مصيبه انت وخرجت وسابته
مؤمن :- خرج من اوضه وقعد على الترابيزه وقال صباح الخير يا بابا
سعيد :- صباح.النور يا حبيبى
مؤمن :- القعده نقصها حمزه علشان تكمل زى زمان
داليا :- واحشنى والله
سعيد :- ده لما عرف انك اتجوزتى ادهم اتعصب وهد الدنيا ومن يومها متصلش بيا
داليا :- اكيد من حقه يزعل وبالذات أن السبب فى اللى هو فيه ادهم الحناوى
سعيد :- يعنى ايه
داليا :- يعنى المسدس اللى ضاع من حمزه طلع اللى واخده ادهم يا بابا يعنى هو سبب لكل مصيبه احنا فيها
سعيد :- سكت ومردش عليها
مؤمن :- سكت يعنى يا بابا مردتش علي كلام داليا
سعيد :- هرد واقول ايه مبقتش عارف اذا كان هو مرض ولا طبع فيه عمومآ خليكم تملى مسلمين امركم لله وهو عادل حكيم هيحكم ما بينكم وبين الظالم بالعدل
داليا ومؤمن :- ونعمه بالله
مؤمن :- وانتى يا داليا ناويه ترجعى تانى شغلك ولا ناويه على ايه
داليا :- طبعآ هرجع شغلى بس لما الاقى مجله ولا جريده ترضى تشغلنى لأن البيه ادهم مانع دخولى اى جريده
سعيد :- ربنا يسهلك الأمور يا بنتى ويكرمك
داليا :- اللهم امين ووقفت وقالت عن اذنك
سعيد :- اقعدى يا بنتى كملى أكلك
داليا :- الحمدالله يا بابا هدخل اوضى اريح شويه وسابتهم ودخلت اوضتها وقفلت الباب ودموعها نزلت من عينيها وراحت وقفت قصاد المرايا وقالت لنفسها بتعيطى ليه دلوقتى علشانه علشان طلقك وسابك هتنفذى كلامه اللى قالوا إن طلاقه ليكى اكبر عذاب وسكتت شويه وقالت اه ما هو فعلا عذاب بتحاولى تظهرى قصاد الكل انك قويه ولا همك فراقه وانتى بتتقطعى من جواكى وسكتت شويه وقالت لاء مش هسمح لنفسى أضعف هتعب شويه بس هرتاح بعدين وسكتت تانى وقالت هتقدرى تعيشى وانتى اصلا ميته من غيره انتى بتضحكى على نفسك ولا بتضحكى على مين وسكتت تانى وقالت يعنى وانا عايشه جنبه كنت مرتاحه ده كان بيدبح فيا بعزم ما ربنا يديه كان بيعيش على اذيته ليا وسكتت تانى وقالت ما انتى كده ميته وكده ميته وجودك جنبه موت وبعادك عنه موت وقعدت على حرف السرير ورمت جسمها لوراه ونامت على ضهرها وبصت على السقف بدموع وقالت يبقى ارضى بعذابك واسكتى
~•~•~•~•~•~•~•~•~•~•~•~•~•
فى فيلا خالد الحناوى

فى اوضت فادى

كان نايم على سريره ساكت وبيبص لسقف وبيفكر فى كل اللى حصل من رودينا وابوه واتنهد ومسك تليفونه وجاب صور رودينا اللى عنده على التليفون وقعد يبص عليها بوجع وكبر الصوره ومشى أيده على الشاشه وقعد يلمس كل ملامح رودينا وكان حابس فى عيونه الدموع وحدف التليفون على السرير وقال بعصبيه

فادى :- كدابه غشاشه واحده حراميه وخاينه متستاهليش افكر فيكى ولو ثانيه هنساكى يا رودينا وهعيش حياتى انتى كدابه كدابه وقام خرج من اوضه ونزل يجرى من على السلم قابل ابوه على السلم بص ليه بوجع وحزن ونزل وسابه من غير ولا كلمه وركب عربيته ومشى وبيها
خالد :- بص عليه وهو ماشى بأستغراب وقال ده مالو ده كمان وهز كتافه وطلع على اوضه ودخل نفخ وقعد على حرف السرير
إنعام :- انت جيت عملت ايه
خالد :- ولا حاجه المحامى قال لازم شهاده تثبت أنه مريض نفسي علشان ناخد احنا كل أملاكه
إنعام :- طيب ما سهله دى فى ايدك تكلم اى دكتور يعملها ليه ولا يدخله بالغصب المستشفى
خالد :- سألت دكتور قال الشغلانه سهله نحط ليه فى العصير او القهوه حبوب هلوسه وحاجات بتدخل على خلايا المخ وتخليه يتصرف ويعمل أفعال غريبه وسعتها هيدخل المصحه وبما انا ابوه ليا الحق ادير ليه الشركات واتحكم فى جميع أمواله
إنعام :- بس مين اللى هيعمل كده
خالد :- هخلى دينا تعيش معاه وهبعت واحده من عندى على أساس تخدمهم وهى اللى هتعمل كل اللى هقولها عليه
إنعام :- امال فين مراته
خالد :- عرفت أنها أطلقت منه وده هيسهل معانا المهمه بتاعتنا
إنعام :- فى داهيه ويبقى بقى كل حاجه بتاعتنا انا وانت وبس بس فيه سؤال محيرنى
خالد :- ايه هو
إنعام :- مين اللى دفع الشرط الجزائى الاخير وخرجه من الحبس
خالد :- سألت وعرفت من صاحب الشركه دى أن اللى دفع الفلوس مصطفى جوز أمه
إنعام :- بغيظ والله وهو معاه فلوس كتير اوى كده لدرجة يدفع مبلغ زى ده
خالد :- معاه ولا مش معاه ميخصنيش
إنعام :- انا لو منك انتقم منهم واخسرهم اللى وراهم واللى قدامهم على اللى عملوا فيك زمان
خالد :- متنسيش أن انا عملت فيهم كده زمان
إنعام :- ورجعوا شدوا حيلهم اكتر من الاول
خالد :- ملناش دعوه بيهم خلينا فى اللى بنعملوا دلوقتى
إنعام:- عندك حق ركز انت بقى مش عايزين المرادى تفشل زى كل مره
خالد :- لاء المرادى مضمونه أن شاءالله
إنعام :- يارب قوم يلا غير هدومك على ما اخلى الخدم يحضروا الاكل وسابته ونزلت
خالد :- قام دخل الحمام واخد شاور وغير هدومه ونزل وكان علاء ودينا قاعدين قعد وبص لدينا وقال اعملى حسابك هتروحى تعيشى مع اخوكى أدهم فى الفيلا بتاعته بدل ما هو عايش لوحده بعد ما طلق مراته وهخلى واحده تروح معاكم تخدمكم
دينا :- حاضر يا بابا ربنا يخليك لينا
إنعام :- اخيرآ عرفت اوصلك يا سى علاء
علاء :- ليه يا ماما ما انا موجود علطول بس اليومين اللى فاتوا كنت مشغول شويه مع ادهم
إنعام :- ايه موضوع خطيبتك دى بقى أن شاءالله انت روحت خطبة الجربوعه دى من ورانا
علاء :- لاء والله يا ماما بس انا اتحطيت فى أمر واقع ومعرفتش ارد واقول ايه غير كده
إنعام :- موضوع خطوبة البنت الجربوعه دى أنساه فاهم
علاء :- ليه بس يا ماما انا بحبها ومقدرش اسيبها وابعد عنها
إنعام :- اعمل حسابك لو فكرة تخطبها يبقى لا انت ابنى ولا اعرفك مفهوم
دينا :- ما تسبيه يا ماما يعيش مع البنت اللى اختارها قلبه هو مين اللى هيعيش معاها انتى ولا وهو
إنعام :- اسكتى انتى مسمعش حسك انتى لسه دورك جاى معايا
دينا :- ليه بقى أن شاءالله
إنعام :- علشان رفضك لتامر
دينا :- ومين قالك أن انا رافضه انا موافقه عليه ومستنيه موافقة اخويه ادهم
إنعام :- نعم يا اختى واحنا فين من الموضوع ده
دينا :- انتو رأيكم على عينى وعلى راسى بس اهم شئ موافقة ادهم على جوازى
إنعام :- سامع بنتك بتقول ايه
خالد :- بصلها وقال ومالو ما هو برضه اخوها الكبير ورأيه مهم
إنعام :- فهمت قصد خالد وقالت ها ا.ا.اه صح عندك حق
علاء :- عقبال ما ربنا يهديكى يا امى وتوافقى على جوازى من منتهى بقى
إنعام :- عمره ما هيحصل يا علاء طول ما انا عايشه مستحيل تتجوز الجربوعه دى
علاء :- اتنهد وقام وقف وقال بزعل عن اذنكم وسابهم ومشى
إنعام :- ازعل ولا اتفلق ميهمنيش
دينا :- اتنهدت وقالت امال فين سندس
إنعام:- معرفش تلاقيها لسه فى اوضتها
دينا :- محدش قال ليها تنزل تفطر
إنعام :- الاكل موجود وقت ما تحب تاكل تبقى تاكل
دينا :- بصت لامها بقلة حيله ووقفت وقالت عن اذنكم وسابتهم وطلعت اوضتها
ومسكت تليفونها وطلبت رقم تامر وانتظرت الرد

تامر :- احلى صباح على احلى عيون حلوين
دينا :- بكسوف صباح النور
تامر :- اكلتى يا عمرى
دينا :- اه الحمدالله
تامر :- بألف هنا وشفا يا قلبى
دينا :- الله يهنيك
تامر :- مروحتيش الفيلا اطمنتى على اخوكى أدهم
دينا :- انا هروح اعيش معاه علطول
تامر :- احسن برضه خليكى جنبه فى وقت زى ده
دينا :- انا خايفه من ردت فعله اوى لما يعرف أن اللى دفع الشرط الجزائى انكل مصطفى جوز مامته
تامر :- الراجل عمل كده علشان خاطر مامت ادهم كانت منهاره من خوفها عليه
دينا :- عارفه بس صعب ادهم يفهم كده
تامر :- حاول يعرف منى مين اللى دفع
دينا :- وعملت ايه
تامر :- اتهربت منه
دينا :- ربنا يستر بقى
تامر :- اهم حاجه متحاوليش تبقى قدامه وهو متعصب
دينا :- عمرى ما هخاف منه يا تامر باللعكس وقت ما الاقيه متعصب هحاول أهديه شويه ادهم رغم عنده بس عمره ما حاول يطلع عصبيته فينا قليل اوى لما يزعل حد فينا حتى لما ماما كانت بتجرحه بكلامها مأخدش حد فينا بذنب اللى ماما وبابا بيعملوا فيه أبدآ
تامر :- ربنا يهديه لنفسه والمهم ويهديه علينا ويوافق على جوازنا بقى
دينا :- انت فى ايه ولا ايه
تامر :- انا فى كله مدام فى الاخر هيجمعنى بيكى
دينا :- طيب يلا بقى باى
تامر :- طيب قوليلى اى كلمه حلوه منك
دينا :- اقفل يا تامر
تامر :- هو ده اللى ربنا قدرك عليه اقفل يا تامر حاضر يا اختى هقفل بس خدى بالك لقفل على قلبك زى ما قفلتى على قلبى وسرقتيه
دينا :- غلس باى وقفلت السكه وقعدت تضحك على كلام تامر ليها
~•~•~•~•~•~•~•~•~•~•~•~•~•
فى فيلا ادهم الحناوى

كان ادهم قاعد فى اوضه ورافض يكلم اى حد وبيفكر فى كل اللى بيحصله وقام وقف اخد نفس من السيجار بتاعه وخرج من الاوضه بتاعته دخل الاوضه اللى كانت داليا بتنام فيها وقعد على حرف السرير ومشى أيده على السرير مكان جسم داليا واخد المخده قربها منه وشم ريحة داليا فيها وقعد يشم فيها وحضنها قربها من شفايفه وغمض عينه وبسها ومره واحده بعدها عنه وحدفها على الأرض وقام وقف خرج من الاوضه وراح اوضه تانى بص على نفسه فى المرايا ومسك ازازة البرفان بتاعته وحدفها على المرايا كسرها كلها وحدف كل حاجه على الارض وقعد على حرف السرير وهو بينهج وحط راسه ما بين ايديه بأنكسار ووجع
~•~•~•~•~•~•~•~•~•~•~•~•~•
فى بيت فاطمه

كانت فاطمه نايمه فى اوضتها وصحيت على صوت تليفونها بتبص لاقته رقم أكرم قامت نطت وقعدت على السرير بفرحه وقالت

فاطمه:- الو
اكرم :- صباح الخير
فاطمه :- صباح النور
أكرم :- متصلتيش بيا امبارح يعنى
فاطمه :- واتصل بيك ليه أن شاءالله
أكرم :- علشان تطمينى عليا متصلتش بيكى ليه
فاطمه :- عادى يعنى تتصل ولا متتصلش فيها ايه
أكرم :- بجد يعنى مش فارق معاكى اوى كده
فاطمه :- انت ناسى أن دى لعبه ولا ايه يا اكرم
أكرم :- ها ل.ل.لا طبعآ مش ناسى
فاطمه :- طيب امال مالك بتتكلم كأننا مخطوبين بجد وفى الوقت ده دخل ممدوح وقال
ممدوح :- طمطم يا عصره قلبى عصر
فاطمه :- شاورت ليه يسكت
أكرم :- بأستغراب مين ده
فاطمه :- هو ايه
أكرم :- اللى انتى عصره قلبه ده
فاطمه :- وهى بتكتم ضحكتها محدش تقصد ايه
أكرم :- انا سامع بودنى واحد بيقولك طمطم يا عصره قلبى عصر
فاطمه :- اااااااه انت تقصد على ممدوح ابن عمى
أكرم :- مين يا اختى
فاطمه :- توحه ابن عمى
أكرم :- ما تتكلمى عدل يا فاطمه
فاطمه :- طيب ما انا بتكلم عدل اهو هو انا اتكلمت بالشقلوب
أكرم :- بعصبيه فاطمه انا عايز اشوفك حالا اجهزى وانزلى وانا هاجى اخدك بالعربيه
فاطمه :- لالالا متجيش قولى انت فين وانا هجيلك
أكرم :- انا فى الفيلا وهنزل اهو علطول
فاطمه:- خلاص نتقابل فى كافيه (……) كمان نص ساعه
أكرم.:- بعصبيه اوك
فاطمه :- قفلت السكه مع اكرم وقامت تجرى واترمت فى حضن ممدوح وقالت بفرحه انا نازله اقبله يا توحه
ممدوح :- ده أكرم مش كده
فاطمه :- انت شايف ايه
ممدوح :- شايف فرحه هتنط من عينك علشان هتشوفيه
فاطمه :- ايوه كده القطها وهى طايره يا توحه اطلع بره اوضى من غير مطرود بقى علشان اجهز نفسى
ممدوح:- انا جاى معاكى زى ما اتفقنا
فاطمه :- مش المرادى بقى يا توحه
ممدوح :- لاء المرادى يا فاطمه انا هدخل اجهز نفسى على ما انتى تجهزى
فاطمه :- حاضر ما انا مش هخلص منك انا عارفه
ممدوح :- بس زى ما اتفقنا لو حسيت أن هو بيلعب بيكى هتبعدى عنه علطول
فاطمه :- بزعل ماشى
ممدوح :- انا عايز مصلحتك يا حبيبتى
فاطمه :- عارفه يا ممدوح يلا علشان منتأخرش
ممدوح :- خرج من الاوضه بتاعة فاطمه ودخل اوضه يجهز نفسه لخروج وبعد وقت جهز وكانت فاطمه كمان جهزت وخرجوا الاتنين مع بعض نزلوا تحت فى الشارع وقال ايه رأيك فى دى بقى
فاطمه :- الله دى عربيتك يا توحه
ممدوح :- مأجرها اقضى اليومين بتوع الاجازه بيها مش بعرف امشى من غير عربيه
فاطمه :- ياااااه نفسى يكون عندى عربيه زيها كده
ممدوح :- يا سلام بس كده انتى تأمرى من بكره يكون عندك واحده احلى منها كمان
فاطمه :- يا مجنون ازاى بس وانا مش بعرف اسوق
ممدوح :- انتى هتكدبى
فاطمه :- ازاى
ممدوح :- ما انتى بتعرفى تسوقى بس الهبل على الشيطانه هههههههه
فاطمه :- تصدق انك غلس امشى يا بارد امشى
ممدوح :- طيب طيب بس متزقيش كده هههههه
ومشوا الاتنين وراحوا عنوان الكافيه ونزل ممدوح من العربيه وراح فتح الباب لفاطمه وكان فى الوقت ده أكرم مستنى فاطمه عند عربيته واتفاجئ أنها نازله من عربية شاب داس على سنانه بغيظ وقال
أكرم :- صلاة النبى احسن وده مين ده كمان
فاطمه :- بصوت واطى ممدوح أكرم ده اللى واقف عند العربيه اللى هناك
ممدوح :- ده الواد الحليوه ده شقطيه منين يابت ده الواد مز على الاخر
فاطمه :- وحياة امك انت هتعاكسه
ممدوح :- ههههههههه انا راجل زيه يا بنت العبيطه هتغيرى عليه منى
فاطمه :- طيب اسكت بقى علشان جاى علينا
أكرم:- راح عندهم وسلم على فاطمه بغيظ وقال مين الاخ
فاطمه :- ده ممدوح ابن عمى
أكرم :- اه عم الخلاط اللى كان قلبه بيتعصر عصر ده وانا بكلمك فى التليفون
فاطمه :- وهى ماسكه ضحكتها قالت بالظبط كده
ممدوح:- مين ده يا طمطم
أكرم :- وهو بيدوس على سنانه اللهم يطولك يا روح مد أيده وقال بغيظ انا ابقى اكرم خطيب طمطم
ممدوح :- ااااااه ومد أيده وقال اتشرفنا يا استاذ كرم
أكرم :- داس على أيده جامد وقال بغيظ أكرم مش كرم
ممدوح :- اه سورى مقصدش اصل طول عمرى عندى مشكله فى لغبطة الاسامى الوحيده اللى اسمها كان محفور فى راسى بطه وبس
أكرم :- داس اكتر وقال ما هو واضح فعلا علشان من ساعة ما شوفتك مش بتقول اسم فاطمه خالص علطول بتقول اسامى الدلع وبس
ممدوح :- اصل طماطم انا وهى واخدين على بعض جامد صح يا طمطم
فاطمه :- صح يا توحه
أكرم :- بغيظ يا ايه يا اختى
فاطمه :- توحه
ممدوح :- تسلميلى يا قلبى توحه من جوه
أكرم :- على فكره انا خطيبها فياريت كده تحترم نفسك وتتكلم معاها عدل بدل ما هتشوف منى حاجه مش هتعجبك
ممدوح :- وانت ايه مزعلك على فكره طمطم مش بتخبى عليا حاجه وقالت ليا الحقيقه بلاش تعيش الدور بقى
أكرم :- بغيظ لدرجاتى انت غالى اوى عندها بقى
ممدوح :- اكتر مما تتخيل
أكرم :- داس على سنانه وبص لفاطمه وقال مقولتليش يعنى على ابن عمك ده قبل كده
فاطمه :- عادى يعنى مجاتش فرصه اقولك
ممدوح :- طيب ايه مش ناوى تعزمنا على حاجه ولا ايه شكلك بخيل على فكره
اكرم:- بصوت واطى العن ابو تقل دمك يا شيخ
ممدوح :- وطى على فاطمه وقال بصوت واطى ده واقع لشوشته يا مخفيه
فاطمه :- بفرحه بجد يا توحه
ممدوح:- وحياتك عندى
فاطمه :- بصوت واطى انت احلى توحه فى الدنيا
ممدوح:- بس يخربيته عليه جوز عيون يعدمهم
فاطمه :- اتلم يا روح امك
اكرم:- بغيظ طيب امشى ولا ايه حاسس ان انا عزول ما بينكم
ممدوح:- ولا عزول ولا حاجه ما احنا مع بعض علطول فى البيت حتى فى اوضت نومها
أكرم:- اتعصب وقال نعم يا روح امك وضربه بالبوكس فى وشه
فاطمه :- اتخضت عليه وقالت ايه اللى انت عملته ده وبصت على وشه
أكرم :- ابن عمك كان بيعمل ايه فى اوضة نومك يا هانم
فاطمه :- وانت مالك ها اما حاجه غريبه قولتلك عارف كل حاجه يعنى مش محتاج تمثل قدامه على فكره
أكرم :- مسكها من ايديها وقال تعالى معايا
ممدوح:- ايه يا عم النحنوح واخدها ورايح على فين كيس جوافه انا
أكرم :- غمض عينه بغيظ وقال الصبر من عندك يارب علشان مصورش قتيل يا اخ بتاع انت غور من وشى حالا
ممدوح :- لاء انا هروح معاكم
أكرم :- هو ايه انا هروح معاكم ابن اختى شبطان فيا انا ولا ايه
ممدوح :- لاء ابن اخوك يا ظريف
أكرم :- داس على سنانه وقال قولى لشئ ده يغور من هنا علشان مش مسؤول على اللى هيحصل منى
فاطمه :- بس هو هيجى معانا
ممدوح :- اهى قالت ليك اهو هروح معا
أكرم :- قطعه ببوكس تانى فى وشه ومسك ايد فاطمه وركبها العربيه ومشى بيها
فاطمه :- انت ايه اللى عملتوا ده وقف العربيه
أكرم.:- كان ممشى العربيه من غير ما يرد عليها
فاطمه :- بعصبيه بقولك وقف العربيه احسن ما أنزل منها وهى ماشيه
أكرم :- كان ساكت وبيزود فى السرعه
فاطمه :- اتغاظت وقالت كده ماشى ولسه هتفتح الباب
أكرم :- مسك ايديها ووقف العربيه على جنب وشدها ليه وقرب من شفايفها وبسها
فاطمه :- اتصدمت وبعدت عنه وضربته بالقلم وقالت ا.ا.ايه اللى انت عملته ده يا حيوان
اكرم:- حط أيده على خده وغمض عينه
فاطمه :- بعصبيه انا غلطانه اصلا لما وافقت انزل من نفسى واسمح لواحد زيك يلعب بيا فى تمثيليه هبطه شبهك
أكرم :- فاطمه ا.ا.انا اسف معرفش عملت كده ازاى بس اتعصبت شويه وحصل منى اللى حصل ده
فاطمه :- وانت لما بتتعصب من حد بتعمل كده معاه
أكرم :- لاء والله العظيم اول مره معرفش عملت كده ازاى انا اسف بجد
فاطمه:- لسه هتفتح الباب وتنزل
أكرم:- مسك ايديها وقال فاطمه خليكى متنزليش
فاطمه :- سيب ايدى لو سمحت
أكرم:- هسيبها بس أهدى وسيبى الباب
فاطمه :- اهو اتنيلت سبته عايز ايه بقى
أكرم:- احم أهدى
فاطمه :- اتزفت هديت
اكرم :- فاطمه انا بح………
~•~•~•~•~•~•~•~•~•~•~•~•~•
بقلمى #دودومحمد