تمرد صحفيه بقلم {دودومحمد}

⁦✍️⁩تمرد صحفيه ⁦✍️⁩ 25

?الفصل الخامس وعشرون?

فى فيلا ادهم الحناوى

كان ادهم متعصب من اللى حصل بينه وبين داليا وبيكسر فى كل حاجه تقابله وسمع صوت جرس الباب فكر أن داليا رجعت تانى راح فتح الباب بس اتصدم وقال

ادهم :- انتى جايه ليه هنا
ماجده :- ايوه انا يا ادهم جايه اشوف ابنى اللى اتحرمت منه السنين دى كلها
ادهم :- اممم ابنك اللى اتحرمتى منه ودخل وقال تقصدى تقولى ابنى اللى رميته علشان راجل يمتعها ابنى اللى كنتى بتسبيه نايم خايف فى اوضه لوحده وتروحى تنامى فى حضن عشيقك ام اتخلت عن طفلها اللى مش بيفهم حاجه فى الدنيا علشان ترضى شهوتها ام انانيه اهم حاجه عندها مزجها ونفسها لاء بجد ونعم الام ام مضحيه صحيح
ماجده:- عارفه أن غلط بس اتعقبت على غلطى بحرمانى منك يا ادهم حاولت كتير اقابلك وافهمك الظروف اللى كانت السبب فى كل اللى حصل لينا بعد ما إنعام دخلت حياتنا وهدمت سعادتنا بس تملى كنت بترفض تقابلنى وتشوفنى انا اتظلمت زى زيك بالظبط يا ادهم
ادهم :- بقولك ايه بلاش تعيشى دور الضحيه
ماجده :- ايوه يا ابنى انا ضحيه كلنا ضحايا انعام هى السبب فى كل اللى حصل لينا فى حياتنا
ادهم :- عارفه انا بكرهك وبكره كل الستات وبكره اى حاجه تفكرنى بقذرتكم انتو الاتنين وبكره أسمى علشان مكتوب على اسمكم انا بكره القدر اللى خلانى ابنكم اطلعى بره بيتى اخدى وقت اكتر من وقتك معايا مش عايز اشوف وشك تانى مفهوم روحى لجوزك اللى اصغر منك وعيشى حياتك واستمتعى بيها
ماجده :- اسمعنى يا ابنى بس
ادهم :- بعصبيه متقوليش ابنك انا بكرهك وبكره الكلمه دى منك ومسكها من دراعها وشدها وحدفها بره الفيلا وقبل ما تقع على الارض مسكتها ايد ولحقتها
ماجده :- شكرآ يا بنتى
داليا :- حضرتك مين
ماجده :- انا ام ادهم
داليا :- انتى أمه
ادهم :- شاف داليا واقفه مع أمه خرج بعصبيه مسك داليا من دراعها وقال الست دى ملكيش دعوه بيها مفهوم وشدها دخلها الفيلا وقفل الباب فى وش أمه
ماجده :- دموعها نزلت منها وبصت على الباب بحزن وقالت ربنا يهديك يا ابنى ويصلح حالك
مصطفى جوز ماجده :- برضه رفض يكلمك
ماجده :- بدموع ايوه يا مصطفى رافض يسمعنى ومش قادر يسامحنى على اللى حصل بينا زمان
مصطفى :- طبطب عليها وقال بكره الايام تنسيه ومتيأسش وحاولى معاه كتير لحد ما يسامحك امشى يلا واخدها وروحو على بيتهم
داليا :- انت ايه يا اخى دى امك ازاى تمد ايدك عليها وتعمل فيها كده
ادهم :- بعصبيه متدخليش فى اللى ملكيش فيه فاهمه
داليا :- اعوذ بالله من شرك يا اخى مش سايب حد الا واذيه ربنا على المفترى
ادهم :- داس على سنانه وقال كفااااايه بقى انتى بتوصلينى لاقصى مراحل العصبيه ولو فقد اعصابى هأذيكى يا داليا
داليا :- قربت من ودانه وقالت انت شخص ضعيف وجبان
ادهم :- مسكها من دراعها وداس عليه جامد وقرب منها وداس على سنانه وقال وهو الشرار بيطلع من عينه خافى على نفسك منى يا داليا وزقها بعيد عنه وقعها فى الارض وفتح الباب وخرج ورزع الباب وراه ركب عربيته ومشى بيها
داليا :- حطت ايديها مكان مسكت ادهم ليها ودعكتها من كتر الوجع وبصت حاوليها لاقت حاجات كتير مرميه فى الارض متكسره عرفت أن أدهم اللى عمل كده قامت من على الارض وجابت مكنسه ولمته وطلعت تجيب تليفونها اللى نسيته فى الاوضه بتاعتها ورجعت علشانه وهى ماشيه ورايحه الاوضه سمعت صوت عياط دينا خبطت على الباب عندها وقالت يا انسه انتى كويسه
دينا :- بدموع من جوه انتى مين
داليا:- انا داليا مرات ادهم انتى مين
دينا :- بدموع انا دينا اخت أدهم
داليا :- بصدمه أخته بس انا مشوفتكيش خالص قبل كده
دينا :- علشان احنا متقبلناش ولا مره
داليا :- طيب هو ليه عمل معاكى كده وحبسك
دينا :- بدموع علشان انا غلط
داليا :- مهما كان غلطك ميديهوش حق يحبسك كده انتى تعرفى تامر
دينا :- تامر ا.ا.ايوه ده متقدم ليا وادهم رافض
داليا :- ايوه سمعت كلامهم امبارح
دينا :- هو تامر جه امبارح هنا
داليا :- ايوه بعد ما طلعك الاوضه
دينا :- بس انتى تعرفى تامر منين
داليا :- تامر صديق اخويه ومتربى معانا
دينا :- بجد طيب ممكن اطلب منك اطلب
داليا :- اكيد طبعآ
دينا:- عايزاكى تطمنى تامر عليا
داليا :- حاضر وانا هحاول اوصل للمفتاح وافتح ليكى تاكلى وهو مش هنا
دينا :- مش مهم الاكل المهم تطمنى تامر عليا
داليا :- حاضر عايزه حاجه تانى
دينا :- شكرآ ليكى بجد
داليا :- العفو كان نفسى نتقابل فى ظروف احسن من كده انا نازله الشغل
دينا:- ربنا معاكى
داليا :- دخلت الاوضه تاخد التليفون لاقت رقم تامر متصل بيها كتير قالت اكيد علشان دينا اتصلت بي وانتظرت الرد وبعد وقت رد عليها بلهفه وقال
تامر :- معلش إن بتصل بيكى وبزعجك بس انتى اكتر واحده هتساعدينى يا داليا
داليا :- علشان دينا صح
تامر :- انتى عرفتى
داليا :- لسه متكلمه معاها وعرفت ان انتو مرتبطين ببعض وادهم رافض يجوزكم لبعض
تامر :- للاسف ايوه علشان انا صاحب اخوكى
داليا :- عرفت وعمومآ دينا بطمنك عليها وبتقولك انها كويس
تامر :- طيب ممكن تديها التليفون اكلمها واسمع صوتها
داليا :- للاسف مش هينفع
تامر :- ليه بس
داليا :- لان أدهم حبسها فى الاوضه ومعاه المفتاح بس هحاول ادور على المفتاح واعمل نسخه وهخليك تكلمها
تامر :- شكرآ يا داليا على وقفتك جنبى
داليا :- العفو على ايه بس ده ميجيش ربع مساعدتك ليا
تامر :- خلى بالك منها يا داليا بالله عليكى
داليا :- حاضر
تامر :- مع السلامه
داليا :- سلام وقفلت معاه واخدت تليفونها ومشيت راحت على شغلها الجديد
~•~•~•~•~•~•~•~•~•~•~•~•~•
فى شركة أدهم الحناوى

وصلت رودينا على المكتب بتاعها وسألت على فادى قالو ليها أن هو مجاش مسكت تليفونها واتصلت عليه مردش عليها افتكرت أن هو عرف حاجه وخافت ليبعد ويسيبها وجربت مره كمان رد عليها وقال

فادى :- ايوه يا رودينا
رودينا :- احم انت مش جاى الشركه ولا ايه
فادى :- لاء
رودينا :- ليه ومال صوتك
فادى :- مش هاجى الشركه تانى خلاص يا رودينا
رودينا :- مالك بس
فادى :- مخنوق شويه يا رودينا
رودينا :- حصل حاجه طيب
فادى :- ممكن اقابلك
رودينا :- اه طبعآ شوف عايز نتقابل فين وانا اجيلك
فادى :- فى (……) عارفه
رودينا :- ايوه نص ساعه واكون عندك وقفلت معاه وهى قلقانه ليكون عرف حاجه اخدت شنتطها ونزلت تجرى راحت على المكان اللى قال عليه فادى لاقته مستنيها راحت عنده وقالت هاى
فادى :- هاى تعالى يا رودى اقعدى
رودينا :- قعدت وهى متوتره وقالت م.م.مالك يا فادى
فادى :- اتخانقت مع ادهم امبارح ومد أيده عليا
رودينا :- ليه
فادى :- علشان اتكلمت معاه بأسلوب مش كويس
رودينا :- بص هو انا اه مش بطيقه ولا بتصوره قدامى بس فكده معاه حق المفروض تحترم اخوك اللى اكبر منك ومهما عمل فيك لازم متزعلش منه لأن بيبقى تملى الاخ عايز أخوه احسن منه
فادى :- ادهم بالنسبه ليا مش مجرد اخ يا رودى ادهم اب ليا بحس معاه الحنيه اكتر من أبويه نفسه بشوف خوفه علينا وعارف ومتأكد أن هو عايزنا احسن منه وانا طول عمرى بعتبره قدوتى وبتمنى ابقى زيه بس أدهم فى الاخر وصل لمرحله صعبه جدآ حاسس ان تايهه عمال بيخبط فى كل اللى حاوليه بيخسر اللى بيحبوه كلهم وكل ده مزعلنى عليه مش عارف هو عايز يوصل لايه وده اللى خلانى اتكلمت معاه بالاسلوب ده علشان يفوق من اللى هو فيه ده خايف عليه بجد
رودينا :- اتوترت وقالت هى علاقته ايه بأبوك فى البيت
فادى :- ادهم طيب اوى على فكره واللى بيخليه يقسى كده معاملة بابا وماما ليه تملى بحس انهم بيكرهوا نجاحه بيتمنوا وقعوا فى اى وقت مع أن ادهم العكس عمره ما فكر يحارب بابا فى شغله واختار مجال تانى خالص غير مجال شركته علشان ميبقاش منافس لبابا بس مش عارف ايه السبب اللى مخلى بابا عايز يحاربه فى اكل عيشه طيب اقولك سر
رودينا :- بتوتر ق.ق.قول
فادى :- انا اشتغلت مع ادهم علشان احميه من شر بابا لان دخلت عليهم مره لاقيته بيتفق مع ماما على ادهم بس معرفتش الاتفاق كان على ايه وانا فى الشركه مخصوص علشان احميه من اى اتفاق ضده
رودينا :- ها ر.ر.ربنا يخليكم لبعض
فادى :- انا ممكن اسامح فى اى حاجه الا ان حد يفكر يأذى اخويه ادهم مش هرحم اى حد يفكر يقرب منه ولا من شغله
رودينا :- اخدت كوبايه المايه بتوتر وشربت منها وجت تحطها وقعت على الأرض
فادى :- حصل خير حصل خير
رودينا :- ا.ا.اسفه وقعت من ايدى غصب عنى
فادى :- ولا يهمك
رودينا :- احم ا.ا.انا لازم امشى علشان هرجع الشركه تانى
فادى :- خليكى احنا ملحقناش نتكلم مع بعض
رودينا :- م.م.معلش
فادى :- ماشى تعالى اوصلك
رودينا :- معايا العربيه بره باى وخرجت تجرى
فادى :- بصلها بأستغراب ودفع الحساب ومشى
~•~•~•~•~•~•~•~•~•~•~•~•~•
فى الصعيد

فى شقة حمزه

صحى حمزه من نومه وخرج من اوضه شم ريحة اكل وصوت جاى من المطبخ عرف أن ميرفت فى المطبخ راح وقف على الباب من غير ما ميرفت تاخد بالها وقعد يتفرج عليها وهى بتعمل الاكل وكان بيبص ليها بحب وجت تحط المكرونه فى المصفه علشان تصفيها البخار طلع على ايديها واتلسعت حمزه اتخض عليها وطلع يجرى عليها ومسك ايديها واطمن عليها وفتح المايه وحط ايديها تحتيها وقعد يدعكها بأيده
ميرفت :- اتوترت لما حمزه كان مقرب منها اوى وماسك ايديها وقعدت تبص ليه
حمزه :- قفل المايه ونشف ايديها وقال مش تخلى بالك على نفسك
ميرفت :- احم ح.ح.حصل خير مش حاجه صعبه انا متعوده على كده
حمزه :- الاول حاجه ودلوقتى حاجه انتى دلوقتى بتاعتى انا وكل حاجه فيكى تخصنى انا يعنى لازم تحافظى على نفسك كويس اوى
ميرفت :- ح.ح.حاضر
حمزه :- غمض عينه وقرب ايد ميرفت لشفايفه وبسها برقه وقال سلامتك يا قلبى
ميرفت :- سحبت ايديها بكسوف وقالت ا.ا.الله يسلمك
حمزه :- ههههههههههه فظيعه فى الكسوف
ميرفت :- احم ا.ا.الاكل قرب يخلص اقعد و.و.وانا هخلص واجيبه
حمزه :- لاء هساعدك
ميرفت :- احم ا.ا.انا خلصت خلاص بس يستوى على النار
حمزه :- يبقى برضه هفضل واقف معاكى لحد ما تخلصى
ميرفت :- احم ا.ا.اللى تشوفه بس ثوانى وخرجت جابت كرسى وقالت ا.ا.اقعد عليه بلاش تقف علشان متتعبش
حمزه :- باس ايديها وقال ربنا يخليكى ليا وقعد على الكرسى وبقى يتابع حركات ميرفت لحد ما لاقها بتمد ايديها تجيب الملح من الدولاب اللى فوق راح وقف وراها ومد أيده وجابه ليها
ميرفت :- لما حست بجسم حمزه فى ضهرها اتوترت ولما شافت أيده بيحطها على الملح فوق ايديها اعصابها سابت وشدت ايديها بسرعه من تحت ايد حمزه
حمزه :- حس بتوتر ميرفت نزل بشفايفه على رقبة ميرفت وبسها برقه
ميرفت :- بعدت عنه وقالت احم ا.ا.انت وقفت ليه ا.ا.انا بعرف اجيب الملح على فكره
حمزه :- ابتسم وقال انا قولت مش هطوليه
ميرفت :- احم ل.ل.لا اقعد وانا لو احتاجت حاجه هقولك علطول
حمزه :- ماشى وقعد تانى مكانه وكملت ميرفت باقى الاكل بتوتر من نظرات حمزه ليها وبعد وقت خلصت الاكل وحضرته على الترابيزه هى وحمزه وقعدو ياكلوا مع بعض
ميرفت :- وهى بتاكل حمزه
حمزه :- نعم
ميرفت :- على فكره ادهم الحناوى مش بيشتغل فى حاجه وحشه اللى تملى بيرسم الصوره دى عنه ابوه
حمزه :- خلاص يا ميرفت قفلى على الموضوع ده مش عايز اعرف حاجه
ميرفت :- انا لحم كتافى من شركة أدهم الحناوى ولو الشركه كانت بتشتغل فى الممنوع انا مكنتش قعد فيها لحظه واحده لان بخاف ربنا وفعلا معايا اسرار الشركه كلها بس اللى يخص الصفقات وطريقة تلاعب ادهم فى الأسعار زى يحط سعر وهمى لشركات ووقت الشراء يقول سعر تانى أعلى ويكسب هو الصفقه بذكاء ادهم عنده عين فى كل حته وتملى القدر بيوقف معاه ويكون فى صفه من الاخر رجل اعمال شاطر جدآ وشريف جدآ جدآ
حمزه :- انتى ليه بتقوليلى الكلام ده دلوقتى
ميرفت :- لان انا سمعتك وانت بتقول عايز توقع أدهم الحناوى ادهم شغله كله سليم علشان كده صعب توقعه وفيه حاجه كمان ادهم عمره ما جه على حد وظلمه بس لو حد داس ليه على طرف بيتحول وبيبقى بنأدم تانى خالص عصبى بس بجد بنأدم طيب اوى اوى
حمزه :- بغيره ياريت مسمعكيش تشكرى فى اى راجل غيرى مفهوم
ميرفت :- بفرحه هزت راسها وقالت حاضر بس كنت بوضح ليك كل حاجه عن أدهم الحناوى علشان متتعبش نفسك كتير على الفاضى
حمزه :- ماشى خلصنا بقى واسم البنأدم ده ميجيش على لسانك تانى فاهمه
ميرفت :- ح.ح.حاضر وبعد وقت خلصوا اكل ولم الاطباق حمزه وميرفت غسلتهم وعملت الشاى وقعدو يتفرجوا على التلفزيون لحد ما ميرفت عينها راحت فى النوم على كتف حمزه نام حمزه على الكنبه ومد دراعه لميرفت وصحها وقال
حمزه :- ميرفت تعالى نامى هنا
ميرفت :- بصت لايده بكسوف ونامت على دراعه وادته ضهرها وابتسمت وغمضت عينيها ونامت
حمزه :- بصلها بحب وهى نايمه فى حضنه وحط الغطا عليها وقعد يبص عليها لحد ما عينه راحت فى النوم
~•~•~•~•~•~•~•~•~•~•~•~•~•
فى بيت سعيد

فى اوضت مؤمن

كان قاعد مؤمن بيتكلم مع سندس على الفون وقال

مؤمن :- انتى بتحبى اخوكى أدهم
سندس :- بحبه اوى أبيه أدهم بحس تملى معا بحنان الاب مش مجرد اخ كده وخلاص طول عمره حنين علينا رغم أن هو تملى بيظهر قصاد الناس أن قوى وشخصيه صعبه بس معانا فى البيت شخصيه تانيه خالص لما يكون حد فينا زعلان هو اول شخص بنلجأ ليه ولما نكون فرحانين هو اول واحد بنجرى عليه أبيه أدهم بالنسبه ليا اسطوره من بتوع الروايات بتمنى لما اكبر اتجوز واحد نفس شخصيته الطيبه دى بالظبط انا بجد بحسد داليا عليه
مؤمن :- بقرف انتى ليه محسسانى انك بتكلمى على ولى من أولياء الله الصالحين
سندس :- علشان هو بجد حاجه عظيمه اوى يمكن انت من الناس اللى شيفينه متكبر ومتعجرف علشان كده مش حابب شخصيته بس لما تقرب منه بجد هتلاقيه انسان تانى خالص غير الصوره اللى انت واخدها عنه
مؤمن :- انا لا عايز اقرب منه ولا ابص فى وشه انا كل اللى عايزه يبعد عن اختى خالص ويسيبها
سندس :- بزعل مؤمن بليز بلاش تتكلم عن أبيه كده
مؤمن :- براحتى اخوكى بنأدم ثقيل ومش بطيقه يمكن اول ما عرفت أن هو جاى يتقدم لاختى داليا كنت فرحان ومش مصدق نفسى أن أدهم الحناوى رجل الأعمال المشهور جاى يتقدم لاختى انا بس لما دخل عندنا وشوفته كرهت شخصيته الزباله وعجرفته الكدابه
سندس :- بزعل انا اخويه شخصيته مش زباله انا أبيه أدهم اعظم اخ فى العالم واللى مش عجبه يخبط راسه فى الحيط
مؤمن :- لاء زباله ولو زعلتى عليه اتفلقى انتى كمان فى ستين داهيه وقفل السكه فى وشها وضحك وقال انا هعرف ازاى انتقم منك يا ادهم يا حناوى وفى الوقت ده دخل سعيد عليه وقال
سعيد :- انت بتكلم نفسك ولا ايه
مؤمن :- ها ل.ل.لا يا بابا ده انا بذاكر بس بصوت عالى شويه
سعيد :- بص على الكتب وقال ازاى وانت الكتب مقفوله
مؤمن :- ها ل.ل.لا ما انا لسه قفلها علشان بسمع لنفسى
سعيد :- طيب يا ابنى ربنا معاك
مؤمن :- خير يا بابا كنت عايز منى حاجه
سعيد :- اه يا حبيبى خد اتصلى بأختك اطمن عليها
مؤمن :- كل ده ومش عارف تتعلم ازاى تتصل من المحمول
سعيد :- يا ابنى وانا ايه عرفنى بالبتاع ده بيشتغل ازاى انا كان أخرى البتاع الكبير ده اللى بيبقى تبع التليفون الارضى
مؤمن:- ماشى يا بابا هات واخد التليفون وطلب رقم داليا وانتظر الرد

داليا :- الو اذيك يا بابا واحشتنى
مؤمن :- عامله ايه يا داليا
داليا :- الحمدالله يا حبيبى ايه اخبارك
مؤمن :- الحمدالله انتى عامله ايه مع البنأدم اللى عايشه معاه
داليا :- اهو عايشه سيبك منى انت عامل ايه فى دراستك
مؤمن :- الحمدالله متشغليش بالك انتى بحاجه كل حاجه ماشيه زى الفل
داليا :- طيب الحمدالله وبابا عامل ايه
مؤمن:- خدى اهو معاكى
سعيد. :- عامله ايه يا حبيبتى
داليا :- انا كويسه يا بابا متقلقش عليا بنتك قويه خلى بالك انت بس من صحتك
سعيد :- يا حبيبتى انا كويس طول ما انتى واخواتك مبسوطين
داليا :- انت عارف وواثق يا بابا أن بنتك لما بتدخل معركه مش بتقبل الهزيمه ابدآ ولازم تكون هى الفايزه علشان كده اطمن وحط فى بطنك بطيخه صيفى
سعيد :- ربنا يصلحلك حالك ويسعدك يا حبيبتى
داليا :- حمزه عامل ايه
سعيد:- كويس بيكلمنى علطول وبيسأل عليكى واتصل بيكى تليفونك كان مقفول
داليا :- اه ما انا كنت قافله تليفونى بس فتحته وقولت علشان اطمنك عليا ابقى سلملى على حمزه على ما ابقى أكلمه
سعيد :- ماشى يا حبيبتى خلى بالك على نفسك
داليا :- حاضر وانت يا بابا متنساش العلاج بتاعك وخليك متابع مؤمن فى المذاكره علطول احسن ده فاشل وعايز يقعد علطول على الواتس والفيسبوك
سعيد :- ايه البتاع اللى قولتى عليه ده حاجه وحشه يعنى
داليا :- لاء يا بابا دى حاجات على التليفون بيقعد عليها
سعيد :- ماشى يا بنتى متشغليش بالك انتى بأى حاجه مع السلامه يا حبيبتى
داليا :- مع السلامه يا حبيبى
سعيد :- قفل السكه وقال ربنا يسعدك ويهنيكى ويهديلك العاصى يا بنتى يارب وخرج من اوضت مؤمن
مؤمن :- لو متهداش نهديه احنا بطريقتنا وفتح تليفونه لاقى سندس متصله بي كذا مره وبعته ليه رسايل كتير علشان يرد عليها ضحك وقال كله ماشى زى ما انا عايز والعين بالعين والسن بالسن والبادى اظلم يا ادهم يا حناوى وقفل تليفونه وقعد يصفر
~•~•~•~•~•~•~•~•~•~•~•~•~•
فى الجريده

كانت منتهى قاعده شغاله على المكتب بتاعها وتليفونها رن بتبص لاقته رقم علاء ابتسمت وردت عليه وقالت
منتهى :- السلام عليكم
علاء :- وعليكم السلام عامله ايه
منتهى :- الحمدالله
علاء :- معلش بقى متصلتش بيكى بدرى النهارده علشان اتأخرت على الشغل وكان عندى شغل كتير اوى
منتهى :- لاء عادى ولا يهمك ربنا يقويك
علاء :- كنتى بتعملى ايه النهارده
منتهى :- ولا حاجه بخلص شوية شغل وهروح اجهز نفسى علشان حفلة رجال الأعمال النهارده عندى تغطيه عليها
علاء :- بجد انتى جايه فيها النهارده
منتهى :- ايوه ليه
علاء :- علشان انا كمان هكون موجود فيها وهنقضى مع بعض الحفله النهارده
منتهى :- احم صدفه حلوه اوى
علاء :- كل صدفك حلوه اوى من اول ما جيتى عندى المكتب لحد ما خطفتى قلبى وحبيتك
منتهى :- احم م.م.ماشى ا.ا.انا هخلص شوية الشغل اللى فى ايدى وهروح
علاء :- تمام انا هعدى عليكى بالعربيه
منتهى :- مفيش داعى
علاء :- مستحيل جهزى نفسك انتى بس ورنى عليا
منتهى :- احم م.م.ماشى
علاء :- هتواحشينى
منتهى :- ب.ب.باى
علاء :- كسوفك ده اكبر مشكله مع السلامه
منتهى :- قفلت التليفون وقالت لنفسها بفرحه هيييييا احلى خبر ده ولا ايه حبيب قلبى هقضى معاه اكتر وقت ممكن النهارده يلا بقى خلصى شغل بسرعه علشان يجى بليل وتشوفيه وقعدت تشوف شغلها
~•~•~•~•~•~•~•~•~•~•~•~•~•
فى شقة فاطمه

فى اوضت فاطمه

كانت نايمه على سريرها بتتألم من كتفها وتليفونها رن بتبص لاقته أكرم غمضت عينيها بزعل واتنهدت وردت عليه

فاطمه :- ايوه يا اكرم
أكرم :- عامله ايه دلوقتى
فاطمه :- الحمدالله كويسه
أكرم :- بتعملى ايه
فاطمه :- ولا حاجه نايمه على السرير
أكرم :- اكيد الجرح وجعك
فاطمه :- بحزن ياريت هم الدنيا كلها فى جرح صغير زى ده مكنش حد غلب لكن فى جروح مش بتكون ظاهره بس بتألم اوى يا اكرم
أكرم :- ليه بتقولى كده يا فاطمه
فاطمه :- متحطش فى بالك اعتبره تخاريف بقولها من الجرح اللى فى كتفه
أكرم :- انتى شكلك زهقانه تحبى تخرجى
فاطمه :- لاء مش عايزه
أكرم :- دى حفله لرجال الأعمال وناس كتير اوى ومهمه فى البلد هتحضرها وفيه كاميرات تلفزيون وفيه صحفيين كتير هيحضروها
فاطمه :- مليش نفس
أكرم :- علشان خاطرى اجهزى وانا هجهز وهعدى عليكى بالعربيه اخدك
فاطمه :- صدقنى يا اكرم مش حابه أخرج
أكرم :- اسمعى كلامى بس والبسى الفستان الجديد وجهزى نفسك وانا هاجى اخدك سلام وقفل السكه من قبل ما تقول ولا كلمه
فاطمه :- الو أكرم يا اكرم ونفخت ورمت التليفون واتنهدت وقالت يووووه بقى يا اكرم وقامت اخدت مسكن ودخلت الحمام اخدت شاور وخرجت لبست الفستان وجهزت نفسها وقعدت تستنا تليفون أكرم ليها وبعد وقت وصل اكرم ورن عليها التليفون وخرجت من اوضتها وعرفت مامتها ونزلت واول ما شافها أكرم بلع ريقه بصعوبه وقال
أكرم:- ا.ا.انتى ازاى كده
فاطمه :- كده ازاى مش فاهمه
أكرم :- حلوه اوى
فاطمه :- على فكره محدش معانا مفيش داعى لتمثيل دلوقتى وسابته وراحت ركبت العربيه
أكرم :- اتنهد وبص عليها وهى فى العربيه وبصه الاتجاه التانى وركب العربيه هو كمان وراح على الحفله
~•~•~•~•~•~•~•~•~•~•~•~•~•
فى فيلا ادهم الحناوى

وصلت داليا قبل ادهم ما يوصل ودخلت على اوضتها غيرت هدومها وخرجت خبطت على دينا اول مره مردتش عليها خبطت تانى وقالت
داليا :- دينا يا دينا انتى كويسه
دينا :- ايوه يا داليا انا كنت نايمه
داليا :- انا كنت بطمن عليكى بس
دينا :- متقلقيش انا كويسه
داليا :- اجمدى كده لحد ما اعرف اجبلك المفتاح وافتح ليكى الباب واكلك
دينا :- متخفيش انا كويسه بس اهم حاجه كلمتى تامر طمنتيه
داليا :- على فكره هو اللى اتصل بيا علشان يطمن عليكى ويوصينى عليكى وانا طمنته
دينا :- بدموع حبيبى يا تامر
داليا :- معلش انا حاسه بيكى وان شاءالله ربنا هيجمعكم فى بيت واحد قريب إن شاءالله
دينا :- يارب يا داليا يارب
داليا :- انا ورايا مشوار واحتمال أتأخر شويه ماشى
دينا :- ربنا معاكى
داليا :- ومعاكى يارب وسمعت صوت باب الفيلا بيتفتح دخلت تجرى على اوضتها وقفلت الباب على نفسها بالمفتاح
ادهم :- طلع على اوضه بص على باب اوضت داليا وعلى باب اوضت دينا واتنهد ودخل اوضه اخد شاور وغير وهدومه ونزل ركب عربيته ومشى
داليا:- اول ما سمعت صوت قفل الباب بصت من وراه الشباك لحد ما أدهم ركب عربيته ومشى وفتحت الباب خرجت بسرعه ووقفت تاكسى ومشيت
~•~•~•~•~•~•~•~•~•~•~•~•~•
فى إحدى الاماكن الفخمه بالاسكندريه يتجمع فيها رجال الأعمال و بعض الشخصيات المهمه فى البلد وصل خالد الحناوى ومعاه مراته انعام بالعربيه بتاعته ودخل بيها وبدء تتجمع حاوليه الصحفيين ويسألوه أسأله عن حياته الشخصيه والعمليه وكانت واقفه جنبه إنعام بكل غرور وشويه وهما واقفين بيتكلموا وصل علاء وبدأت الصحفيين يسألوه ويجاوب وكانت ركبه معاه منتهى واول ما نزلت من العربيه بدأو يسألو عن علاقتهم ببعض ومكنش عارف يرد عليهم ويقول ايه بس مع إصرارهم على السؤال رد وقال إنها خطيبته الكل اتفاجئ من الخبر وإنعام اتغاظت وقربت من خالد وقالت
إنعام:- سمعت ابنك قال ايه بيقول أن الجربوعه دى تبقى خطيبته
خالد :- اهدا بس علشان الكاميرات علينا ولما نروح بليل ليا كلام معاه
إنعام:- بصت عليهم بغيظ وحاولت تدارى وتضحك قدام الناس
منتهى :- ايه اللى انت قولته ده
علاء :- طيب اعمل ايه مش شايفه اسألتهم ولو مردتش عليهم كانوا طلعوا إشاعات عليكى انتى اكتر
منتهى :- ياريتنى ما سمعت كلامك وجيت معاك فى العربيه
علاء :- خير إن شاءالله يمكن ماما لما تعرف كده تستسلم بقى وتريحنى
منتهى :- ربنا يستر بقى عن اذنك هشوف شغلى وسابته ومشيت وفى الوقت ده وصل مصطفى جوز ماجده ام ادهم والصحفيين اتجمعو عندهم وبدأوا يسألوهم
انعام :- اتغاظت وقالت مش دى ماجده الخاينه وجوزها اللى كان عشقها
خالد :- بص عليهم بغيظ وقال ايوه هما
أنعام:- هما رجعوا مصر امته
خالد :- معرفش ومش عايز اعرف متشغليش بالك بيهم
إنعام :- بس جوزها رجع وقف تانى على رجليه بعد اللى عملتو فيه
خالد :- قفلى بقى على ام الموضوع ده وسابها ومشى
إنعام :- بغيظ تملى بتوقعى وقفه يا جربوعه وراحت وراه خالد
وفى الوقت ده وصل أكرم وفاطمه ونزلو الاتنين من العربيه وبدأوا يسألوا عن معاد الجواز ويسألوا عن سبب الخلاف اللى بينه وبين أدهم بس أكرم رفض يتكلم واخد فاطمه ودخل جوه وبعد وقت وصل أدهم ونزل من العربيه وكل الصحفيين والإعلاميين اتجمعوا حاولين عربيته وسألوه عن عدم حضوره فرحه وعن علاقته مع داليا وليه اتجوزو سر من غير ما يعلنوا وسألو عن عدم تواجدها معاه ورفض ادهم يرد على كل الاسئله دى ودخل بعد معاناه من الأمن علشان يدخلوا من وسط الصحفيين واول ما أكرم شافه راح عنده وقال
أكرم :- ازيك يا صاحبى ومد أيده ليه
ادهم :- بص على ايد أكرم بقرف وسابه ومشى
فاطمه :- اتغاظت وقالت ليه تسلم عليه وتصغر من نفسك اهو سابك زى الكلب ومشى
أكرم :- فاطمه ياريت متدخليش ما بنا انا وادهم بالذات
فاطمه :- انت حر عن اذنك ومشيت شافت منتهى طلعت تجرى عليها وسلمت عليها وحضنتها وقالت واحشانى يا جزمه
منتهى :- وانتى يا طمطم واحشانى اوى وضمتها جامد
فاطمه :- اتألمت من الجرح وقالت اااااه حاسبى
منتهى :- ايه ده مالك
فاطمه :- بعدين ابقى اقولك بس مفاجئه حلوه أن شوفتك فى الحفله
منتهى :- المدير الله يحرقه صمم ان انا انزل اغطى الحدث بتاع حفلة النهارده بما انك انتى النهارده اجازه وداليا مش بتيجى
فاطمه :- البيه هنا وهى مش معاه
منتهى :- قصدك مين
فاطمه :- على الزفت ادهم جه من شويه لوحده مش معاه داليا
منتهى :- ممكن تكون هى اللى رفضت تيجى معاه
فاطمه :- اموت واعرف هى ليه مش بترد على التليفون
منتهى :- وانا كمان مش بترد عليا
فاطمه :- ربنا يصلح ليها الحال
ادهم :- جاله تليفون خرج بره يتكلم
داليا :- فى الوقت ده وصلت ونزلت تجرى من التاكسي بعد ما حسبته وبطلع الكارنيه بتاعها وبتجرى رجليها لفت ووقعت فى حضن أدهم
ادهم:- بصلها فى عينيها وسرح فيهم
داليا :- اتصدمت من اللى حصل وقعدت تبص فى عينيه وبعدين فاقت لنفسها قامت وقفت ونزلت جابت الحاجه بتاعتها اللى وقعت على الأرض ووقفت وقالت احم ش.ش.شكرآ
ادهم :- ايه اللى جابك
داليا :- جايه تبع المجله بتاعتى
ادهم :- والناس اللى تعرف انك مراتى لما يشوفوا الهانم شغاله وبتجرى وراه ده شويه وده شويه
داليا :- والله ده شغلى مش بعمل حاجه لا عيب ولا حرام
ادهم :- غمض عينه وداس على سنانه وقال امشى من قدامه دلوقتى احسن ما أفقد اعصابى عليكى
داليا :- ضحكت بأستفزاز وقالت هاجى اعمل معاك حوار كمان شويه عن اذنك ودخلت تجرى
ادهم:- داس على سنانه بغيظ وداس بأيده جامد على التليفون بتاعه ودخل تانى الحفله
داليا :- اول ما دخلت اتجمعوا حاوليها الصحفيين وسألوها عن سبب عدم حضور رجل الأعمال ادهم الحناوى فرحهم ردت وقالت بصوا يا جماعه انا هنا فى مهمة عمل زى زيكم بالظبط بس هرد عليكم علشان نقفل الموضوع ده ادهم محضرش الفرح بسبب ظروف خاصه حصلت منعته من أن هو يجى واتصل بينا عرفنا ده واتلغى الفرح
صحفى :-طيب ليه اتجوزتوا بعد كده فى السر
داليا :- لان احنا مقدرناش نستنا مده تانى نعمل فيها الفرح استعجالنا واتجوزنا علطول وعلى فكره مكانش سر خالص
صحفى تانى :- طيب ليه مجتيش معاه فى العربيه وجيتى لوحدك
داليا :- علشان انا هنا بصفتى الصحفيه داليا سعيد مش زوجة ادهم الحناوى يعنى جايه فى مهمه رسميه زى زيكم بالظبط
صحفيه تانيه :- طيب ايه سبب منع دخولك لجريدة (…..)
داليا :- بااااااس كفايه يا جماعه أسأله وخلونى اشوف شغلى ومشيت من عندهم
ادهم :- كان بيتابع تحركات داليا وكان عجبه طريقة ردها على الاسئله
وفى الوقت ده جه مدير المجله اللى شغاله فيها داليا وراح عندها وسلم عليها وقال
المدير :- انا سعيد جدآ بوجودك معانا
داليا :- ضحكت ليه وقالت شكرآ جدآ لذوق حضرتك
ادهم :- اتغاظ داس على سنانه وغمض عينيه وعمل نفسه بيتكلم مع الناس علشان ميظهرش غيرته عليها
المدير :- معلش بقى وخدينك من ادهم باشا وبص عليه
داليا :- ضحكت وقالت ادهم باشا متفاهم جدآ على فكره هههههههههه وبصتله
ادهم:- كان عمال يدوس على سنانه بغيظ وضحك ليهم وغير وشه
داليا :- عن اذن حضرتك اشوف شغلى وراحت عند ادهم وقالت ممكن اخد حوار مع حضرتك لمجلة (…..)
ادهم:- بصلها بأستغراب وقال نعم
داليا :- ممكن اعمل معاك حوار بصفتك اشهر رجل اعمال فى مصر
ادهم:- بتكبر اوك معنديش مشكله
داليا :- شكرآ جدآ لحضرتك وطلعت ورقه وقلم وقعدت تسأل ادهم واول سؤال جننت بي ادهم
داليا :- حضرتك متجوز
ادهم:- والله انتى شايفه ايه
داليا :- لا انا مش بشوف حضرتك بس اللى بتشوف
ادهم :- اوك وقال لاء
داليا :- اتغاظت وقالت نعم
ادهم:- والله انا حر فى اجابتى هو ده اللى انا شايفه
داليا :- داست على سنانها وقالت اوك وقعدت تسأله ويجاوبها وبعد وقت انتهت وقالت شكرآ لسعة صدر حضرتك ليا وقت سعيد وضحكة ليه وقالت عن اذنك وسابته ومشيت واول ما شافت فاطمه ومنتهى صرخت وطلعت تجرى عليهم وحضنتهم وقالت واحشتوووووووونى
منتهى :- انتى اكتر يا روحى ليه مش بترضى علينا
داليا :- غصب عنى والله المهم ايه اخباركم
فاطمه :- اتخطبت لأكرم والخطوبه الاسبوع الجاى والفرح الشهر الجاى
داليا :- بفرحه بجد مبرررررروك يا طمطم ما جمع الا ما وفق انتو الاتنين مجانين وبصت لمنتهى وقالت وانتى يا توته عملتى ايه مع علاء
منتهى :- لسه ام اربعه واربعين رافضه
داليا :- وليه بوزها ناشف كتها نيله العيله كلها عايزه يتولع فيها
فاطمه :- ايه ده يا دودى انتى اشتغلتى فى مجله تانيه غير الجريده بتاعتنا
داليا :- ايوه اتمنع دخولى الجريده عندكم بأمر من جوزى بس مجلة (….) شغلتنى عندها ومخافتش من ادهم
منتهى :- بس سمعة المدير مش حلوه يا داليا
داليا :- انا مالى بي انا واحده ليا شغلها وبس
فاطمه :- طيب خدى بالك انتى بس
داليا :- ربنا يستر عن اذنكم هروح اشوف شغلى ونبقى نتكلم مع بعض بعدين وسابتهم ومشيت ضي
ادهم :- بص عليها وهى ماشيه وابتسم بس اتغاظ لما لاقها وقفه مع واحد تانى وبتتكلم معاه وطول الحفله عينه منزلتش من عليها
وطلبوا من ادهم وداليا يرقصوا مع بعض رقصت سلو يفتحه بيها فقرات الحفله
داليا :- اتوترت وبصت لادهم
ادهم :- راح عندها وداس على سنانه وقال امشى معايا
داليا :- لاء انا مش هرقص معاك انا هنا ورايا شغل
ادهم :- شد ايديها وراح وقف فى النص وحط أيده حاولين وسطها ومسك بأيده التانيه ايديها وبدء يرقص معاها
داليا:- كانت متوتره ومش عارفه ترقص معاه وكل شويه تدوس على رجله
ادهم:- وهو بيدوس على سنانه ركزى رجلى اتهرت
داليا:- مبعرفش سبنى بقى
ادهم :- مش هموت يعنى علشان ارقص معاكى بس لازم علشان الناس
داليا :- على فكره انا ميهمنيش الناس
ادهم :- تعرفى ترقصى وانتى ساكته
داليا :- لاء هموت علشان اتكلم معاك ده انا حتى ببقى عايزه ارجع وانا بتكلم معاك
ادهم :- الله يقرفك بنأدمه مقرفه
داليا :- مقرفه علشان اتجوزتك
ادهم :- متعصبنيش
داليا :- ولو اتعصبت هتعمل ايه يعنى ولا تقدر تعمل حاجه
ادهم :- بلاااااش
داليا :- لاء بلاش علشان بخاف بليز بلي
ادهم:- قطعها ببوسه قدام الناس كلها
داليا:- اتصدمت من اللى حصل واتكسفت لما سمعت صوت الشباب وهما بيصفرو ليهم
ادهم :- بعد عنها وبصلها
داليا :- بتوتر ا.ا.انت واحد مش محترم ا ا ازاى تسمح لنفسك تعمل كده
ادهم :- رفع حواجبه ليها وقال ده على اساس انك واحده غريبه انتى مراتى
داليا :- ا.ا.انا بكرهك يا ادهم بكرهك
ادهم :- بلاش تعصبينى تانى
وفى الوقت ده دخل أكرم وفاطمه وباقى الازواج والمرتبطين وبدأوا يرقصوا مع بعض
فاطمه :- هو لازم يعنى نرقص مع بعض
أكرم :- ايوه علشان دى كلها صور بتتصور وبتتنشر فى المجلات
فاطمه :- ماشى
أكرم :- ليه حاسس انك مضايقه
فاطمه :- هو البعيد بيحس مكنتش اعرف
أكرم :- نعم
فاطمه :- لاء متحطش فى بالك
أكرم :- انتى زعلانه منى فى حاجه
فاطمه :- انا ولا زعلانه منك ولا زعلانه من غيرك انا زعلانه من نفسى يا اكرم أن سمحت لنفسى ادخل لعبه انا مش قدها دور مش لايق عليا خالص عارف نفسى اكون بحلم واصحه الاقى نفسى فاطمه بتاعت زمان اللى بتضحك وتهزر ومش شايله وجع فى قلبها
أكرم :- حقك عليا يا فاطمه أن دخلتك فى اللعبه دى
فاطمه :- ولا يهمك

عند ادهم وداليا

داليا :- هوف بقى انا زهقت وعايزه اخلص لسه كتير
ادهم :- اتنيلى واسكتى ممكن
داليا :- متقوليش اتنيلى لو سمحت
ادهم :- ايه مستعجله عايزه تروحى توقفى معاه
داليا :- بأستغراب مين ده
ادهم :- انتى عارفه
داليا :- فهمت قصده وقالت اه مستعجله علشانه وانت مالك
ادهم :- متنسيش انك مراتى يا هانم
داليا :- ودى حاجه تتنسى فكره طبعآ
ادهم :- تبقى تحترمى نفسك وبلاش شغل المياصه
داليا :- انا محترمه غصب عنك
ادهم :- لاء واضح فعلا الاحترام
داليا :- تصدق انا غلطانه أن برقص معاك عن اذنك وسابته قدام الناس ومشيت
ادهم :- اتغاظ منها وقال ماشى يا داليا حسابك فى البيت
داليا :- سابته وراحت تشرب عصير
المدير :- ممكن اشرب حاجه معاكى
داليا :- ها ا.ا اه طبعآ اتفضل
المدير :- وقف قصادها وشرب مشروب كحلى
داليا :- بصت ليه بأستغراب
المدير :- مالك مستغربه ليه
داليا :- هو حضرتك بتشرب
المدير :- مش علطول فى الحفلات بس
داليا :- احم دى حريه شخصيه طبعآ
المدير :- تجربى ومد أيده بالمشروب
داليا:- لالالا شكرآ مش بشرب
ادهم:- متابع كل ده بغيظ وعمال يدوس على سنانه
ماجده :- ادهم
ادهم :- امشى من وشى علشان متعصبش عليكى قدام الناس
ماجده :- يا ادهم اسمع امك هتقول ايه ده ربنا امرك بالطاعه يا حبيبى
ادهم :- بعصبيه بقولك امشى
مصطفى :- متكلمش امك بالطريقه دى
ادهم :- اهلا بالعاشق الولهان
مصطفى :- انت شكلك شارب
ادهم :- خد مراتك وامشوا من قدامى حالا بدل ما اخلى منظركم قدام الناس مش تمام غورو يلا
مصطفى :- انا مش هكلمك دلوقتى لان شكلك مش فى وعيك بس ردى عليك هيكون بعدين
ادهم :- ولا بعدين ولا قابلين عارف لو شوفت وشكم تانى هفرغ المسدس فى دماغكم
مصطفى :- يلا يا ماجده
ماجده :- بدموع حاضر ومشيت مع مصطفى وهى بتبص على ادهم
ادهم :- شرب الكاس مره واحده وبص على داليا لاقها لسه واقفه مع المدير بتاعها اتغاظ وداس على الكاس بأيده جامد وكسره
المدير :- داليا ممكن تيجى معايا فوق بس
داليا :- بصدمه نعم
المدير:- انتى شكلك فهمتينى غلط انا اقصد ان انا هخرج من هنا على المطار وعايز اسمع الحوارات اللى عملتيها علشان اقولك هننشر ايه وأبلغ المجله بده
داليا :- احم ح.ح.حضرتك ممكن تتفضل التسجيلات وتسمعها وابقى بلغنى موافق على ايه
المدير :- شكلك مش مطمنه ليا صح
داليا :- ها ل ل لا طبعآ بس يعنى مفيش داعى اطلع مع حضرتك فوق
المدير :- يا مدام داليا ده شغل وانا مديرك ولازم تنفذى كلامى والا تعتبرى نفسك مرفوضه من الشغل
داليا :- طيب افهم ليه حضرتك مصمم على طلوعى معاك الاوضه فوق
المدير :- علشان زى ما قولتلك انا خارج من هنا على المطار وعايز اشوف شغلك واتناقش فيه معاكى متنسيش أن ده اول شغل ليكى فى المجله
داليا :- سكتت شويه وقالت اوك
المدير :- بضحكة خبث اوك يلا بينا
داليا :- بصت على ادهم لاقته مشغول اتنهدت بتوتر وراحت مع المدير الاوضه ووقفت على الباب بخوف
المدير :- ادخلى
داليا :- احم ح.ح.حاضر ودخلت ولسه الباب هيتقفل قالت ممكن لو سمحت تخلى الباب مفتوح
المدير :- اه طبعآ اتفضلى والباب هيفضل مفتوح
داليا :- دخلت ولاقت اكل ومشروب محطوطين على الترابيزه بصت ليه بتوتر
المدير :- اتفضلى اقعدى
داليا :- لاء شكرآ ا.ا.انا مرتاحه وانا واقفه وطلعت التسجيلات وقالت اتفضل حضرتك الشغل اهو
المدير :- اقعدى طيب كلى لقمه
داليا :- شكرآ بس ياريت حضرتك تشوف الشغل علشان انزل تحت
المدير :- حط مشروب فى الكاس وقال اتفضلى طيب اشربى
داليا :- قولت لحضرتك انا مش بشرب
عند ادهم كان قاعد بيتكلم وجه حد كلمه فى ودنه اتصدم واتعصب وحدف الكاس وطلع يجرى
عند داليا
المدير :- قرب منها وقال انتى خايفه ليه ما اناسايب الباب ليكى مفتوح أهدى شويه بقى
داليا :: بعدت عنه وقالت ل.ل لو سمحت متقربش منى وياريت تشوف الشغل علشان انزل لجوزى تحت
المدير :- قرب منها وقال جوزك هو حاسس بحاجه وقرب اكتر ليها وقال اقعدى بس شويه واهدى
داليا :- انا هاديه حضرتك عن اذنك انا غلطانه أن طلعت مع حضرتك
المدير :- شدها من دراعها ووقعها على الكنبه وقال رايحه فين هو دخول الحمام زى خروجه
داليا :- ااااااه ا.ا انت هتعمل ايه
المدير :- قرب منها وحاول يعتدى عليها
داليا :- بصويت ا.ا.ابعد عنى يا حيوان ااااه ابعد عنى يا وسخ وقعدت تزق فيه
المدير :- كتم بؤقها وقعد يبوس فى رقابتها
داليا:- عضته فى أيده وزقته وطلعت تجرى وخرجت من الباب
المدير :- اااااااااه يا بنت العضاضه وطلع يجرى وراها وقعها على الارض وسحبها من رجليها دخلها الاوضه تانى
داليا :- قعدت تصرخ وتنادى على ادهم
المدير :- لسه هيقفل الباب رجل اتحطت منعته وزق الباب وقع المدير فى الارض
داليا :- بدموع ا.ا.ادهم وقامت تجرى
ادهم :- مسك المدير وقعد يضرب فيه وقال انت مجنون يالا بتفكر تمد ايدك على مرات ادهم الحناوى ده انت كتبت شهادة وافتك بأيدك وقعد يضرب فيه
المدير :- وشه كله جاب دم واغمى عليه
ادهم :- مسك ايد داليا وجراها وراه ومشى
داليا :- كانت منهاره من العياط ومشيت وراه ادهم وهو بيشدها بس ايديها وجعتها وسحبت ايديها من أيده وقالت ايدى لو سمحت
ادهم :- بعصبيه انتى ليكى عين تتكلمى بعد العامله المنيله بتاعتك
داليا :- بدموع انا معملتش حاجه هو اللى طلع وسخ وزباله ا.ا.انا كنت طالعه معاه علشان الشغل
ادهم :- بعصبيه مسمعش حسك فاهمه
داليا :- انت بتكلمنى كده بصفتك ايه ها ا.ا.انا مغلطش انا كنت طالعه اشوف شغلى
ادهم :- ضحك بسخريه وداس على سنانه وقال بصفتى جوزك يا هانم ولا نسيتى اصلك واحده واخده على الوساخه شكلك كده نظام وماشيه بى على الكل مش عارفه تكونى واحده نضيفه لو لمره واحده فى حياتك انسى بقى ايام الشحاته بتاعتك وارتقى وعيشى مستوى احسن بلاش شغل بنات الليل ده
داليا :- ضحكت وقالت شغل بنات الليل تصدق انا مشوفتش اوسخ منك فى الدنيا دى انا لو عايزه السكه السهله دى كنت عملتها من زمان بس انا متربيه غصب عنك أبويه ربانى على الخوف من ربنا مش واحد زيك انت سكرى وبتاع بنات هيجى ويقول عليا شغل بنات الليل بنات الليل دول اللى انت بتسهر معاهم طول الليل يا ادهم
ادهم :- هههههه اسمع كلامك اصدقك اشوف امورك استعجب قوليلى انتى يا شريفه واحده محترمه زيك تسمح لنفسها ازاى تطلع مع راجل غريب اوضه وبالذات أن سمعته معروفه لتكونى مفكره أن هو شغلك معاه لسواد عيونك هو عارف بيعمل ايه كويس اوى شاف قدامه واحده رخيصه زيك قال يستغلها كلكم صنف واحد كلكم بتوع متعه وشهوه كلكم لحم رخيص
داليا :- رفعت ايديها وقالت اخرس
ادهم :- مسك ايديها وقال عملتيها مره واحده مستحيل تعمليها تانى وداس على ايديها جامد
داليا :- بألم سيب ايدى يا حيوان اللحم الرخيص ده انت اللى تعرفه إنما أنا متربيه غصب عنك ولحمى غالى غالى اوى يا ادهم
ادهم :- شدها ركبها العربيه وقفل الباب وركب هو كمان وشغلها ومشى بسرعه جنونيه وصل الفيلا نزل وفتح الباب من عند داليا وشدها من دراعها جراها وراه وفتح الباب ودخل شدها وطلع بيها على اوضه هو وفتح الباب وحدفها فى الارض وقفل الباب عليهم بالمفتاح و………..
~•~•~•~•~•~•~•~•~•~•~•~•~•
بقلمى #دودومحمد