تمرد صحفيه بقلم {دودومحمد}

✍️⁩تمرد صحفيه⁦✍️⁩

?الفصل التاسع عشر?

فى شقة فاطمه

جهزت فاطمه نفسها وبصت فى المرايا على نفسها ودموعها نزلت منها وقالت

فاطمه :- بدموع كان نفسى اكون بجهز نفسى لأكرم وهو واخدنى يعرفنى لأهله بجد مش مجرد تمثليه كدابه آخرها ضحكتين وخلاص واخدت نفس واتنهدت ومسحت دموعها وبصت لنفسها بصه اخيره واخدت شنتطها وفتحت باب اوضتها واتسحبت وهى ماشيه وراحت عند باب الشقه ولسه هتفتح براحه اتخضت لما سمعت صوت امها وهى بتقولها
ام فاطمه :- بتتسحبى ورايحه فين بليل كده
فاطمه :- م.م.ماما
ام فاطمه :- اه ماما يا روح امك
فاطمه :- احم رايحه عند داليا صحبتى اليومين دول بتجهز نفسها علشان فرحها اخر الاسبوع ده
ام فاطمه :- طيب يا بنتى ربنا يسعدها يارب وعقبالك يا بنتى
فاطمه :- بتريقه فى المشمش عند اذنك ونزلت راحت المكان اللى بتقابل فيه أكرم علطول وكان لسه أكرم موصلش وقفت مكانها تنتظره واخدت تليفونها من الشنطه وطلبت رقم أكرم وانتظرت الرد وقالت انت فين
أكرم :- انا قربت اوصل الشارع اهو ربع ساعه بالكتير واكون عندك
فاطمه :- طيب اخلص وقفلت معاه وسمعت صوت تصفير بصت على الصوت وقالت انت
رامى :- ايه الجمال والحلاوه دى يخربيت كده يا شيخه هو القمر مكانه اليومين دول على الأرض ولا ايه
فاطمه :-هه خفه عايز ايه يا رامى
رامى :- وهو بيقرب ليها قال عايزك انتى يا بطة حياتى
فاطمه :- رجعت لوراه وقالت اللهم طولك يا روح من فضلك خليك مكانك متقربش اكتر من كده
رامى :- فاطمه كفايه دلال عليا بقى انا غلط فى حقك واعتذرت ليكى ارجعى ليا يا قلبى مش قادر اعيش من غيرك
فاطمه :- بعينك يا رامى انا بكرهك ومش طايقه ابص فى وشك حتى فمن سكات يا ابن الناس امشى ومشوفش وشك هنا تانى فاهم
رامى :- انتى بتحلمى يا فاطمه انا هفضل متمسك بيكى لحد اخر يوم فى عمرى انا بحبك يا طمطم لاء انا بعشقك
وفى الوقت ده اخد بوكس فى وشه وقعه الارض
فاطمه :- بخضه أكرم
أكرم :- مسكه من هدومه وقفه وقال مش انا قولتلك اياك تقرب منها تانى انت ايه مش بتحرم ده انت اخد ضرب حمير المره اللى فاتت وقعد يضرب فيه لحد ما وشه كله جاب دم
رامى :- وهو بيحاول يبعد عنه قال انت عارف نتيجه اللى بتعملو ده ايه ودينى لادفعك تمنه غالى اوى
أكرم :- وهو بيضرب فيه ورينى يا حلتها هتعمل ايه
رامى :- زقه وطلع يجرى ركب عربيته ومشى
فاطمه :- شافت ايد أكرم كلها دم مسكتها وقالت انت ايدك اتجرحت يا اكرم
أكرم :- شد أيده وقال بعصبيه ملكيش دعوه
فاطمه :- بأستغراب من ردة فعل أكرم قالت مالك يا اكرم
أكرم :- مليش واتفضلى اركبى العربيه يلا
فاطمه :- طيب قولى مالك
اكرم :- مسكها من دراعها وركبها العربيه بالعافيه وخبط الباب جامد وراح ركب العربيه ومشى بيها وهو متعصب ومحدش فيهم نطق ولا كلمه ووصل عند الفيلا بتاعتهم نزل وراح فتح الباب عند فاطمه وقال بعصبيه اتفضلى انزلى
فاطمه :- نزلت من العربيه وربعت ايديها على صدرها وقالت انا سبتك طلعت كل عصبيتك فيا ممكن تقولى ليه كل ده بقى
أكرم :- بعصبيه يعنى مش عارفه انا متعصب ليه بالطريقه دى
فاطمه :- لاء وانا هعرف منين ما تتكلم وتقول في ايه يا تمشى واخلص
أكرم :- انتى ازاى تسمحى لنفسك تقفى مع واحد زى ده
فاطمه :- انا مكنتش واقفه معاه هو اللى جه وحاول يتكلم معايا وانا كنت بصده وبعدين انا لو حابه اقف اتكلم معاه ما كنت قبلت أن أرجع ليه تانى
أكرم :- انتى بتفكرى ترجعى ليه تانى
فاطمه :- بقولك لو كنت عايزه كنت رجعت ليه لكن أنا مش بطيقه اصلا وبعدين ليه محموق اوى كده انت مالك اذا كنت واقفه معاه ولا لاء انت شاغل بالك ليه دى حاجه تخصنى انا شكل اللعبه مأثره عليك شويه
أكرم :- ها ا ا افرضى حد من اهلى شافك هيقولو ايه مكرم وبابا واختى كلهم يعرفوكى وعارفين انك حبيبتى انا خايف على مظهرى انا مش اكتر
فاطمه :- والله
أكرم :- احم ي.ي.يلا بينا ندخل اتأخرنا عليهم
فاطمه :- بصت على أيده وقالت هتدخل وايدك كده
أكرم :- بص على أيده وقال لما ادخل جوه ابقى اعالجها
فاطمه :- ماشى ودخلو الاتنين وقال أكرم
أكرم :- السلام عليكم
الكل رد عليهم السلام
وفاء :- ايه اخركم كده
أكرم :- معلش يا ماما انا السبب فى التأخير ده
فاطمه :- ازيك يا طنط
وفاء :- الحمدالله يا حبيبتى اخبارك ايه
فاطمه :- تمام الحمدالله وبصت لايه وقالت يويو حبيبتى عامله ايه
ايه:- الحمدالله تمام واحشتينى اوى يا طمطم
فاطمه :- ده على اساس اننا بقالنا فتره كبيره مشوفناش بعض يا بنتى ما كنا مع بعض امبارح
ايه :- يخربيت طريقتك متعرفيش تردى رد دبلوماسى خالص
فاطمه :- زى ايه يعنى
ايه :- انتى يا صحفيه اللى بتسألينى ده انتو أساس الكلام عمومآ يعنى مثلا تقولى انتى اكتر متحرمش منك كده يعنى
فاطمه :- انافق يعنى لاء احبوش انا
ايه :- هههههههههههه جدعه يا بت تعال فى حضن اخوك يا فواز هههههه
منير :- يا بت ابلعى ريقك شويه خلينى اعرف اسلم عليها
ايه :- اهى عندك اهى اشبع بيها
فاطمه :- حبيب قلبى منور الدنيا كلها يا مينو
أكرم :- مين مينو ده
فاطمه :- ده المز اللى قاعد هناك ده
منير :- شايفه الدلع عمرك ما دلعتينى كده
وفاء :- يا راجل عيب اختشى
أكرم :- انتى جايه تعملى فتنه ما بين أهل الفيلا ولا ايه
فاطمه :- هههههههههه وانا مالى انتو اللى عيله عندها جفاف عاطفى
جاسمين :- وانتى يا بتاعه انتى بقى اللى هتحلى موضوع الجفاف ده
فاطمه :- اه انا اللى هحلو زى ما برضه هجيب شلل لناس عزيزه على قلبى اوى اوى وحياتك
جاسمين :- سم
فاطمه :- عايزه سم عنيا علشانك وعايزه بطعم ايه بقى
جاسمين :- دمك تقيل على فكره
فاطمه :- عندى شوية شربات هبقى اخففه بى شويه علشان اعجب حضرتك
جاسمين :- يا سكر
فاطمه :- لاء مش محتاج سكر علشان انا مسكره لوحدى
جاسمين :- عااااااا مستفزه
فاطمه :- ايه يا عمو ليه مش جايبين ليها مهدأت الصنف ده انا عارفه بياكل نفسه لو ملاقاش حاجه يكلها
ايه :- احم اهدو كده انتو الاتنين ويلا نتعشا احسن بطنى صوتت من كتر الجوع
أكرم:- امال فين مكرم
وفاء :- قال ان هو هيتعشا بره النهارده
أكرم :- ماشى ومشو كلهم على السفره علشان يتعشوا
ايه :- قربت من اكرم وقالت بصوت واطى يا بختك يا ابن المحظوظه اتنين بيتخانقو عليك مع أن انا نفسى اسألهم سؤال واحد هما بيتخانقو عليك على ايه
أكرم :- وحياة امك اتلمى لعلقك وبعدين اخوكى عنده إمكانيات مش موجوده فى اى راجل تانى ده انا مميكن
ايه :- هههههههههههه ماشى يا مميكن كل وانت ساكت بقى
وقعدو يأكلوا وبعد وقت انتهوا من الاكل وقامو يقعدو مع بعض يشربو العصير ويضحكو وشويه وقال منير
منير :- أكرم
أكرم :- نعم يا بابا
منير :- خد طماطم وروحو اقعدو مع بعض شويه فى الجنينه
فاطمه :- بصدمه طماطم مين انا لاء انا مرتاحه هنا معاكم ووسطكم
وفاء :- قومى يا حبيبتى متتكسفيش
أكرم :- وقف وقال يلا يا فاطمه
فاطمه :- لاء انا مش هتحرك من هنا
ايه :- يا شيخه اتنيلى حد لاقى شاب حليوه زى أكرم يطلب منها تقعد معاه لوحديهم
أكرم :- خلاص سبوها براحتها عن اذنكم وسابهم وخرج الجنينه
جاسمين :- بصت على أكرم وهو ماشى ووقفت وقالت عن اذنكم وخرجت وراه
فاطمه :- اول ما شافت جاسمين رايحه وراه أكرم اتوترت واتغاظت
ايه :- يا عبيطه هتاخدو منك أجرى وراهم ومتسبيش حبيبك لحد
فاطمه :- وقفت وقالت عن اذنكم وراحت عند اكرم وجاسمين
أكرم :- كان واقف سرحان ومره واحده ايد اتحطت على عينه ابتسم وقال كنت عارف ان انا مش ههون عليكى وهتيجى ورايا ولسه بيلف لاقها جاسمين اتصدم وقال انتى جايه ورايا ليه
جاسمين:- جيت اطمن عليك علشان شكلك زعلت لما البنت دى رفضت تيجى تقعد معاك مهانش عليا اسيبك كده لوحدك
فاطمه :- يا حنينه تصدقى صعبتى عليا روحى يا شاطره العبى بعيد عن حبيبى وحطت ايديها على دراع أكرم وقالت اسفه يا حبيبى بس كنت مكسوفه شويه
أكرم :- بص على ايد فاطمه اللى على دراعه وابتسم وقال ولا يهمك يا حبيبتى
فاطمه :- اتفضلى انتى يا حبيبتى سبينا نتكلم براحتنا ممكن
جاسمين :- بصت ليهم هما الاتنين بغيظ ودخلت تجرى وهى بتجرى وقعت فى حضن مكرم
مكرم :- لاقها بتعيط قال جاسمين انتى بتعيطى
جاسمين :- لاء مفيش
مكرم :- مد أيده تحت عينيها ومسح الدموع وقال امال دى ايه
جاسمين :- بعصبيه قولتلك مفيش يا مكرم مفيش
مكرم :- ضمها فى حضنه وقال شششش أهدى يا جاسمين
جاسمين :- دموعها نزلت منها وهى فى حضن مكرم وقالت أكرم يا مكرم بيوجعنى اوى طول ما هو مع البنت دى هموت من غيرتى عليه وهو وهى بيصرو يجرحونى ويغيظونى وهو عارف انا بحبه قد ايه
مكرم :- طبطب على ضهرها واتنهد وقال محدش ليه حاجه فى قلبه يا جاسمين هو مش بأيده أن حب فاطمه ولا هى حبته ده احساس اتولد جواهم مشاعر حلو اتخلقت علشانهم هما وبس ياريت كان بأيدينا الاختيار كنا اختارنا نحب مين ونكره مين وارتحنا من عذاب الحب وناره
جاسمين :- بعدت عن حضنه وقالت بس انا بقى اختارت احب مين وهخليه يحبنى زى ما انا بحبه والبنت دى هعرفها مقامها ورجعت تانى عندهم
مكرم :- اتنهد وبص على جاسمين وهى داخله وبعدين دخل اوضه

عند أكرم وفاطمه

أكرم :- ايه غير رأيك وجابك ورايا
فاطمه :- احم م.م.ما انا حسيت أن اللعبه هتبوظ بسبب الحركه دى قولت اجيلك وخلاص
أكرم :- يعنى انتى جيتى ورايا علشان اللعبه بس
فاطمه :- احم ا.ا.اه طبعآ امال هاجى عندك ليه
أكرم :- اتنهد وقال ماشى وقعدو شويه ساكتين وبعدين أكرم قال فاطمه هو انا ممكن اسألك سؤال
فاطمه :- اه طبعآ أسأل
اكرم :- احم هو يعنى كان ممكن تحبينى بجد بعيد عن اللعبه
فاطمه :- ها ل.ل لا طبعآ م.م.مستحيل
أكرم :- بزعل ليه
فاطمه :- مش لايقين على بعض وبعدين بتسأل ليه
أكرم :- ممكن ع.ع.عادى سؤال جه فى بالى بس انا عارف ان مستحيل اننا نحب بعض بجد د.د.دى مجرد لعبه واكيد هيجى يوم وهتنتهى
فاطمه :- بزعل ا.ا.اه طبعآ
أكرم :- فاطمه
فاطمه :- نعم
أكرم :- هو انتى ممكن ترجعى لخطيبك بعد ما نخلص اللعبه
فاطمه :- لاء طبعآ مستحيل بس اكيد لو جه ليا عريس تانى هوافق عليه علطول
أكرم :- اا اه اكيد
فاطمه :- زيك بالظبط يعنى بعد ما تسافر بنت عمك اكيد هتقابل واحده تحبها وتحبك
أكرم :- ربنا يسهل بس انا مبسوط اوى من اللعبه اللى احنا بنلعبوها دى علشان عرفتنى بشخصيه جميله زيك
فاطمه :- ش.ش.شكرآ و.و.وانت كمان شخصيه طيبه وشهم جدآ
أكرم :- شكرآ
فاطمه :- وقفت وقالت ممكن ندخل جوه عندهم بقى
أكرم :- وقف وقال اه طبعآ ودخلو الاتنين جوه
جاسمين :- ضحكة بشر وقالت لعبه ماشى يا أكرم هوريك وانتى كمان يا بيئه هوريكى ودخلت وراهم وقعدت
وفاء :- كنتى فين يا حبيبتى
جاسمين :- كنت فى الحمام وبعدين بصت لفاطمه واكرم وقالت صحيح يا جماعه ناوين على الخطوبه امته
فاطمه :- كانت بتشرب مايه وشرقت
أكرم :- خبط على ضهرها وقال اشربى واحده واحده كنتى هتموتى على فكره
فاطمه :- كح كح كح ا ا.اسفه
منير :- ولا يهمك يا حبيبتى المهم انك تكونى كويسه
ايه :- صح سؤال جاسمين ناوين على الخطوبه امته
أكرم :- بص لفاطمه وقال احم ل.ل.لسه شويه
وفاء :- لسه شويه ايه بصت لفاطمه وقالت اتفقى على معاد مع أهلك وبلغينا بي يا حبيبتى
فاطمه :- ها
ايه :- مالك يا بنتى مش مصدقه نفسك ولا ايه مسبهله كده
فاطمه :- م.م.مفيش حاضر هقول لبابا وهبلغ أكرم ووقفت وقالت همشى انا بقى
ايه :- مستعجله ليه لسه بدرى
فاطمه :- معلش علشان السكه وكده وسلمت على كله وخرجت مع اكرم
جاسمين :- ندمت لما قالت كده فكرت انها لما تقول كده فاطمه واكرم هينهو اللعبه واكرم يبقى ليها هى دخلت تجرى على اوضتها واترمت على السرير وقعدت تعيط
أكرم :- خرج مع فاطمه بره وفتح ليها الباب وقال اركبى
فاطمه :- وقفت وربعت ايديها وقالت ايه العمل دلوقتى
أكرم :- مش عارف والله
فاطمه :- انت قولتيلى اننا هنلعب عليها لحد ما تزهق وتفقد الامل وتمشى لكن شكلها كده روحها طويله ومطوله وفوق كل ده موضوع الخطوبه اللى هما طلبوه منى اعمل انا ايه دلوقتى
أكرم :- سكت شويه وقال هاتى ميعاد من ابوكى وهاجى اخطبك بجد
فاطمه :- بصدمه نعم
أكرم :- ايوه هاجى اخطبك من أهلك وبكده هى هتفقد الامل اكتر ومع شوية بهارات مننا هنطفشها بدرى شويه وبعد كده نسيب بعض وكل شئ قسمه ونصيب واحنا لا اول ولا اخر ناس تتخطب ويسيبو بعض
فاطمه :- اتنهدت وقالت ماشى لما نشوف اخرتها معاك انت وبنت عمك ايه وركبت العربيه وركب أكرم ومشى بيها وصلها على البيت ورجع تانى الفيلا
~•~•~•~•~•~•~•~•~•~•~•~•~•
فى الصعيد

عند حمزه وميرفت

نزلت تجرى ميرفت على الشارع بعد ما عرفت أن ابوها وقع راحت عنده وضمته فى حضنها وقعدت تعيط وتصرخ بأسم ابوها ونزل حمزه وراها وطلب الإسعاف وجت اخدته المستشفى وراح معاه حمزه وميرفت وهى منهاره من العياط ودخل ابو ميرفت اوضت الكشف ودخل الدكتور بسرعه وراه وفضلت ميرفت تعيط وتدعى ربنا يقومه ليها بالسلامه وفى الوقت ده خرج الدكتور من الاوضه وطلعت ميرفت وحمزه يجرو على الدكتور

حمزه :- خير يا دكتور
الدكتور :- بأسف البقاءلله
ميرفت :- لالالا انت بتهزر يا دكتور ب ب.بابا ا.ا.اكيد عايش بابا مستحيل يموت ويسبنى ه.ه.هو عارف ان انا ببقى ضعيفه من غيره فى الدنيا دى مستحيل يعمل فيا كده طيب هو مش هيهون عليه يشوف دموعى هو قالى طول ما انا عايش مش عايز اشوف دموعك ليه بقى هو اللى يسيبنى اعيط اتأكد بالله عليك يا دكتور ا.ا.انا عارفه بابا بيتعب شويه بس بيستحمل علشانى مينفعش يكسر ضهرى ده هو سندى فى الدنيا وراحت عند حمزه وقالت ادخل انت يا حمزه ه.ه.هو بيحبك هو قالى كده ولما يشوفك هيقوم يوصيك عليا ا.ا.انا عارفه بابا بيحبنى ومستحيل يبعد ويسيبنى طيب خلينى ادخل انا يا دكتور هو هيمسح دموعى ويضمنى فى حضنه زى ما بيعمل تملى قولو يا حمزه يدخلنى عنده بابا يا باااااااباااااااا رد على بنتك رد ليها روحها يا بابا رد عليا بقى
الدكتور :- البقاءلله يا مدام متعمليش كده عمره وانتهى ياريت تهديها شويه يا استاذ وتخلص إجراءات الدفن بسرعه بعد اذنكم
ميرفت :- ب.ب.بيقول ايه الراجل ده دفن مين ها هو بيتكلم على حد تانى صح م.م.مستحيل يكون يقصد بابا اسمع كلامى بابا ممتش
حمزه :- أهدى يا ميرفت متعمليش فى نفسك كده هو دلوقتى راح للمكان اللى احسن من هنا بكتير هو دلوقتى فى دار الحق ادعيلو بالرحمه يا ميرفت هو دلوقتى اكتر حاجه محتاجها الدعاء
ميرفت :- زقته وقالت ليه بصوت عالى ودموعها نازله منها بس بقولك متقولش كده انت مش بتفهم حاجه بابا عايش يا بابا رد عليهم وقول انك عايش طيب اثبت ليهم بحضنك ليا بضحكتك اللى بتحلى ايامى قوم يا بابا يلا وقعدت فى الارض وقالت ه.ه.هو مش بيرد عليا ليه ه.ه.هو زعلان منى صح زعلان علشان بيقولى أن انا ضعيفه اوى وهو عايزنى ابقى قويه طيب خلاص يا بابا رد عليا وانا اوعدك هبطل ضعف كل اللى انت عايزه هعملو بس بلاش تسيب بنتك وحيده قولو يا حمزه علشان خاطرى يكلمنى انا هموت لو حصله حاجه
حمزه :- شدها فى حضنه وطبطب عليها
ميرفت :- بدموع بابا يا حمزه هو كل دنيتى لو مات بجد يبقى دنيتى انتهت قولى أن هو عايش قول يا حمزه قوووووول بابا يا بابا
حمزه :- ربنا يصبر قلبك ويرحمه يا ميرفت
ميرفت :- زقت حمزه وقالت عايزه ادخل اشوفه
حمزه :- مينفعش
ميرفت :- بصوت عالى بقولك عايززززززه ادخل اشوفه دلوقتى حالا
حمزه :- طيب هروح اسأل الدكتور
ميرفت :- انا مش هستنا أوامر من حد علشان اشوف أبويه وراحت عند باب الاوضه وفتحته ودخلت عند ابوها مدت ايديها وهى بتترعش تشيل الغطا اللى على وش ابوها ودموعها نازله من عينيها واول ما وشه اتكشف كله اترمت فى حضنه وقالت بدموع ليه سبتنى فى الدنيا دى لوحدى يا بابا هو ده وعدك ليا ليه كسرت ضهرى بعدك انت كنت سندى فى الدنيا ضهرى اتكشف من بعدك يا حبيبى وغمضت عينيها وهى الدموع نازله وراه بعض وقالت ربنا يصبرنى على فراقك اصعب حاجه حصلت فى الدنيا هى فراقك يا بابا ااااااااه يا وجع قلبى من بعدك يا ضحكة اتكسرت بعد غيابك عنى يا دمعه هتفضل فى عيونى مهما طال الزمان ااااااااه يا بابا هتوحشنى الكلمه دى خلاص مبقاش اقدر اقول الكلمه دى تانى مع السلامه يا حبيبى مع السلامه يا احن واطيب قلب راح وبسته من راسه وبصت عليه بصه اخيره وحطت الغطا تانى على وشه وبصت عليه تانى وخرجت من الاوضه وقالت بدموع اتصل بأبنه يجيب الاوراق اللازمه علشان نخلص إجراءات الدفن
حمزه :- طيب الأرقام فى القسم مش هنا
ميرفت :- انا حافظه رقمه واخدت التليفون وطلبت رقم اخوها وقالت تعال على المستشفى حالا وهات كل الأوراق الخاصه بأبوك
حسن :- انتى مين
ميرفت :- بدموع انا اختك ميرفت يا حسن
حسن :- يا بنت ال***** بقى انتى تعملى كده فينا وتحطى راسنا فى الطين ده انتى اجلك على أيدى
ميرفت :- اقفل بؤقك واسمع اللى هقولو ليك بابا م وسكتت شويه تجمع الكلمه وطلعتها بكل صعوبه والدموع نازله من عينيها وقالت بابا مات يا حسن واحنا فى مستشفى (…….) هات الاوراق وتعال بسرعه
حسن :- ابوكى مات وانتى هتحصليه يا فا**** انا جاى حالا وقفل السكه فى وشها
ميرفت :- هتفضل طول عمرك زباله حتى موت ابوك مش فارق معاك واتنهدت ومدت ايديها بالتليفون لحمزه
حمزه :- اخد التليفون وقال ارتاحى شويه هنا على ما اخوكى يجى
ميرفت :- هزت راسها بمعنى لاء وقالت ارتاح ازاى وانا سبب راحتى مات من بعد منه مبقاش فيه غير الدموع والعذاب والدموع كانت نازله من عينيها
حمزه :- تعالى بس أن شاءالله ربنا هيصبر قلبك على فراقه وقعد على الكرسى وقعد ميرفت جنبه وحط راسها على كتفه وأيده على كتف ميرفت وبعد وقت وصل حسن وأحمد وامها ودخلو يجرو على المستشفى واول ما شوفو ميرفت نايمه فى حضن الظابط اتصدمو وبصو لبعض
احمد :- بصدمه انا قولتلك من الاول ان الظابط ده وراه حاجه مش طبيعيه وعارف مكان اختك مصدقتش اهو اختك نايمه فى حضنه بكل جرأة
حسن :- دخل يجرى وشد ميرفت من شعرها وضرب حمزه بالبوكس فى وشه وقال بقى انت شغال تبحث عن البنات اللى متقدم بلاغ عنها وتخدهم علشان تشوف نفسك معاهم
حمزه :- حط أيده مكان البوكس وضرب حسن بأيده التانيه وقال سيب مراتى يا وس***** انت مفكر الناس كلها زيك وشد ميرفت من أيده ووقفها وراه ضهره
احمد :- مراتك انت كداب اتجوزتها امته وازاى يعنى لما كنت بتبعتنا اسكندريه علشان تبعد الشك عندنا انها موجوده فى الصعيد انتو الاتنين لازم تنضربو بالنار قصاد اهل البلد
حمزه :- ولا انت ولا عشره زيك يقدرو يقربو من مراتى انا امحيه من على وش الارض
حسن :- بصوت عالى متقولش مراتك انا اختى مخطوبه لده ابن خالها فاهم وشاور على احمد
ميرفت :- كانت خايفه ومسكه فى هدوم حمزه ودموعها نازله منها
ام ميرفت :- راحت عند ميرفت وقالت جبتى لينا العار انا من الاول كنت رافضه خلفة البنات وكنت عايزه اموتك واخلص من عارك منه لله ابوكى الله يجحمه مكان ماراح
ميرفت :- اتعصبت ووقفت قصاد امها وقالت متقوليش كده على بابا مش هسمح ليكى تهنيه حتى بعد مماته كفايه عليه اللى شافه منك من يوم ما تعب
ام ميرفت :- انتى ازاى تكلمينى بالطريقه دى انتى محتاجه تتربى من اول وجديد ورفعت ايديها ولسه هتضربها بالقلم
حمزه :- مسك ايديها قبل ما تنزل على وش ميرفت وقال اياكى تفكرى تمدى ايدك عليها فاهمه
ام ميرفت :- خافت ورجعت لوراه وقالت ادينى اثبات انها مراتك
حمزه:- طلع ورقه من جيبه وقال دى ورقه تثبت أنها مراتى علشان لسه مستلمناش القسيمه بتاعة الجواز
احمد :- الجواز ده باطل علشان كانت خطيبتى وثانيآ لازم ولى امر ليها
حمزه :- جوازنا صحيح ميه فى الميه والواصى عليها ابوها الله يرحمه على ايد مأذون شرعى واتنين شهود مفيش اى حاجه تبطل الجواز
احمد :- كده طيب انا عايز دهبى يا حراميه
ميرفت :- بدموع الدهب مع حسن وماما مأخدش حاجه معايا وربنا شاهد على صدق كلامى
حسن :- بص لأمه بتوتر وقال ك.ك.كدابه الدهب معاكى انتى صح يا اما
ام ميرفت :- ا.ا ايوه صح الدهب معاكى انتى
حمزه :- كدابين الدهب معاكم انتو الاتنين وبص لأحمد وقال لو عايز الدهب دور عند عمتك وابنها وبدل ما انتو بتتكلموا على حاجات مش مهمه روحو خلصو الإجراءات
احمد :- حسابكم عندى انا مش هرحمكم انتو الاتنين وبص لحسن ولام ميرفت وقال يلا بينا نخلص إجراءات الدفن وخلصوا كل حاجه واتغسل ابو ميرفت وعند خروجه علشان يندفن جت تروح معاهم ميرفت حسن مرضاش وقال
حسن :- رايحه فين
ميرفت :- بدموع هروح وراه بابا
حسن :- لاء مش هتيجى معانا والنهارده اتنين ماتوا ابوكى وانتى أنسى أن ليكى اخ وام فاهمه ومشوا وسابوها
ميرفت :- بصت عليهم وهما ماشين بأبوها ودموعها نزلت منها وقعدت فى الارض وقالت بابااااااااا
حمزه :- شدها فى حضنه وقعد يطبطب عليها
ميرفت :- اخدو بابا خلاص يا حمزه هيندفن من غير ما اودعه حتى ياااااااااارب صبرنى على فراقه يارب وقعدت تعيط فى حضنه لحد ما نامت
حمزه :- شالها ونزل بيها حطها فى العربيه وراح هو ركب العربيه من الجنب التانى وروح على البيت ونزل من العربيه راح فتح الباب عند ميرفت وشالها وقفل الباب برجليه وطلع بيها على الشقه دخل اوضه حطها على السرير بتاعه ونام جنبها واخدها فى حضنه وناموا هما الاتنين
~•~•~•~•~•~•~•~•~•~•~•~•~•
فى اسكندريه

اشرقت شمس صباح يوم جديد بنورها الساطع فى سماء الاسكندريه لتبدء دينا بفتح عيونها على صوت تليفونها اخدت التليفون من جنبها وبصت فيه لاقته رقم تامر قامت قعدت بسرعه وردت عليه وقالت

دينا:- عملت ايه يا تامر
تامر :- دينا انا جاى ليكى حالا
دينا :- جاى فين
تامر :- عندك الفيلا
دينا :- م.م.مش هينفع ادهم هنا وممكن تحصل مشكله
تامر :- مش مهم اللى هيحصل من ادهم لما يشوفنى المهم المصيبه اللى احنا فيها ربع ساعه وهكون عندك وقفل السكه علطول
دينا :- اتوترت وقلقت من كلام تامر ليها وقامت دخلت الحمام اخدت شاور واتوضت وخرجت لبست هدومها وأدت فرضها وقعدت متوتره فى اوضتها لحد ما سمعت خبط على باب اوضتها وحد بيبلغها بوجود تامر تحت فتحت الباب ونزلت وهى حاسه قلبها هيوقف من الخوف وراحت عند تامر وسلمت عليه وقعدت قصاده وقالت خ.خ.خير يا تامر
تامر :- اسر انتحر يا دينا
دينا :- بصدمه ا.ا.ايه
تامر :- دخلنا الصبح لاقنه خانق نفسه وكاتب جواب جنبه ومعاه ملف جنبه اخد انا الظرف لاقيته فيه الصور بتاعتك معاه وبص على الأرض بغيظ
دينا :- اتكسفت وبصت على الأرض
تامر :- محدش شافهم غيرى متقلقيش
دينا :- بدموع نزلت من عينك لما شوفت الصور صح
تامر :- لاء يا دينا انا واثق فيكى و فى ادبك وعارف أن ده كان غصب عنك ومكنتيش فى وعيك انا غيرت عليكى مش اكتر
دينا :- منه لله طيب معرفتش مين اللى بعت الصور دى ليا
تامر :- جيجى وبنحاول نوصل ليها الأهم الجواب ده يا دينا
دينا :- جواب ايه ده
تامر :- ده جواب سايبه ليكى اسر
دينا :- سايبه ليا انا
تامر :- ايوه ومد أيده بي وقال خدى شوفيه
دينا :- اخدته منه وفتحته وهى متوتره وقريته واتصدمت من كلامه وكان مكتوب
اسر :- دينا حبيبتى واحشتينى اوى عارف انك زعلانه منى علشان الصور بس انا كنت عايز ذكرى حلوه ما بينا افتكرك بيها موضوع الفلوس ده انا كنت هخدهم سلف علشان اكون نفسى بيهم واتجوزك لكن انتى فهمتينى غلط مع أن الأوضاع دى كانت عادى ما بينا وكان بيحصل ما بينا كل حاجه عادى وانتى كنتى بتمتعينى احلى متعه وعمرنا ما وصلنا لدرجه دى اذا كانت الصور زعلتك منى انا اسف انا هموت وهريحك منى بس ارجوكى متنسيش الايام الحلوه اللى كانت ما بنا صورك دى انا كنت محتفظ بيهم دلوقتى من حقك انتى اه وخلى بالك جيجى معاها نسخه تانيه من الصور اخر مقابله قولت ليها أن انا بحبك انتى مش بحبها هى وحلفت انها هتنتقم منك خدى بالك منها حبيبك المخلص اسر
دينا :-بصت لتامر بصدمه وقالت ا.ا.انت قريته
تامر :- هز راسه وقال اه
دينا :- ومصدق كلامه ده
تامر :- لاء طبعآ انا عارف ان هو بيعمل كده علشان يوقع ما بينا بس المهم دلوقتى نوصل لجيجى فى اسرع وقت
دينا :- بدموع لو عايز ترجع فى كلامك وتدور على واحده احسن من
تامر :- قطعها وقال شششش متقوليش كده يا دينا انا ما صدقت لاقيتك عمرى ما هفكر ابعد عنك ابدآ
ادهم :- انت بتعمل ايه هنا
تامر :- احم ادهم باشا انا تامر العريس اللى متقدم لاختك وكنت جاى أكرر طلبى منكم تانى
دينا :- بصت بصدمه لتامر
ادهم :- واهلك معرفوش يقولو ليك أن لما تدخل بيوت الناس لازم تستأذن من رجالتها الاول
تامر :- اسف ليك بس انا جيت اتكلم معاكم فى الموضوع على أساس أن انا اتكلمت معاكم قبل كده فيه مش اكتر
ادهم :- وانا معنديش بنات للجواز
تامر :- بصدمه نعم
دينا :- بصت لادهم بدموع وبصت لتامر
ادهم :- زى ما قولتلك اتفضل من غير مطرود
تامر :- طيب ممكن افهم سبب رفضى
ادهم :- مش مطلوب منى اشرح اسبابى لحد
تامر :- بص لدينا ورجع بص لادهم وقال بتحدى انا ماشى بس اعمل حسابك دينا مش هتكون غير ليا ومش هسيبها عمرى ومشى وسابهم
دينا :- بصت لادهم بدموع وطلعت تجرى على اوضتها
ادهم :- بص على أخته وهى بتجرى واتنهد وخرج ركب عربيته وراح على الشركه
~•~•~•~•~•~•~•~•~•~•~•~•~•

فى شركة ادهم الشرقاوى

وصل فادى الشركه بالعربيه بتاعته ونزل من عربيته ولسه هيدخل الشركه سمع صوت حد بينادى عليه بص حاوليه اتفاجئ بوجود رودينا راح عندها وقال

فادى :- انسه رودينا خير ولدك حصله حاجه
رودينا :- بدموع بابا بيضيع يا استاذ وسكتت
فادى :- أسمى فادى
رودينا :- بابا بيضيع يا استاذ فادى الشرط الجزائي كبير اوى علينا ممكن تساعدنى لو سمحت
فادى :- اكيد طبعآ اللى حضرتك تأمرينى بيه يا انسه رودينا
رودينا :- ممكن تشغلنى هنا عندكم فى الشركه اى حاجه ان شالله لو عاملة نضافه علشان اقدر اسدد لو جزء صغير من الشرط الجزائي ومش عايزه مرتب هشتغل من غير مرتب
فادى :- احم اكيد طبعآ ده طلب سهل بس المشكله ان الشركه دى بتاعة أدهم اخويه ومليش اى حق اتصرف فى حاجه فى الشركه بس تعالى معايه وانا هكلمه ولو وافق هشغلك سكرتيره خاصه لاخويه ادهم لان هو محتاج سكرتيره ليه خاصه
رودينا :- ياريت والله لو حصل جميلك ده هشيله فوق دماغ العمر كله
فادى :- اتفضلى معايا يا انسه وطلعو الشركه فوق وطلب منها تستناه بره وخبط على باب مكتب ادهم ودخل وقفل الباب وراه وكلم اخوه وأقنعه بموضوع رودينا وخرج بلغ رودينا موافقته على شغلها معاه
رودينا :- فرحت جدآ بالخبر وشكرت فادى واتفقوا على أنها تيجى الصبح تستلم الوظيفه الجديده بتاعتها ومشيت وهى فرحانه انها قدرت تدخل شركة أدهم بسهوله وان خطتها ماشيه زى ما هى رسمتها بالظبط
~•~•~•~•~•~•~•~•~•~•~•~•~•
مر اسبوع بدون احداث تذكر

منتهى وعلاء :- علاقتهم مفيش فيها اى جديد وبيحاول علاء يقنع أمه توافق وهى مازالت رافضه
دينا وتامر :- بيعيشوا أسواء ايام حياتهم بالنسبه ليهم بعد رفض ادهم على طلب جواز تامر وكل واحد فيهم هيتجن على التانى بس محدش عارف يوصل لتانى لا تليفون ولا حتى يشوفه بعض فى النادى
فاطمه واكرم:- مستمرين فى اللعبه بتاعتهم وجاسمين متغاظه منهم وهطق بعد ما اهل فاطمه حددو معاد لمقابلة اهل أكرم
ميرفت وحمزه :- ميرفت مازالت حزينه على فراق ابوها وعلى ظلم امها واخوها ليها وبيحاول حمزه يخرجها من الحاله اللى هى فيها بس ميرفت بتحاول تبعد عن حمزه كل ما يحاول يقرب ليها
فادى :- بيحاول يقرب لرودينا وكل يوم بيزيد إعجابه بيها
رودينا :- ماشيه خطتها زى ما هى عايزه وبتوصل الاخبار اول بأول لخالد الحناوى
مؤمن :- زى ما هو بخفة دمه وحركاته المضحكه
ادهم وداليا :- اليوم هو فرح ادهم وداليا بعد أيام من التجهيز وكل واحد بعيد عن التانى داليا مش عارفه تفرح ولا تزعل مشاعر كتير اوى متلغبطه عندها مش قادره تحدد موقفها اتجاه أدهم
وادهم بجبروته مازال يحتقر داليا ويتعامل معاها بطريقه مهينه وبيتوعد ليها بأيام كلها عذاب
~•~•~•~•~•~•~•~•~•~•~•~•~•
بدأت المعازيم تتجمع فى قاعة اكبر فندق فى اسكندريه والصحفيين والإعلاميين وبعض الشخصيات المهمه فى البلد

فى اوضه داليا فى الفندق

كانت قاعده داليا ومتوتره وكانت فى قمة الجمال والرقة

منتهى :- ماشاءالله يا دودى طالعه زى القمر
داليا :- بخوف وتوتر انا مش شاغله بالى طالعه ازاى انا كل اللى شاغل بالى دلوقتى ازاى هيتقفل على وعلى أدهم باب واحد انا هتجن وحاسه أن قلبى هيوقف عليا من الخوف
فاطمه :- هييييييييح هيتقفل عليكم باب واحد وهتلعبوه عروسه وعريس هييييييح الله بقى
داليا :- انتى عندك خال اهبل يا بت انا بقولك خايفه وانتى تقوليلى نلعب عروسه وعريس لعبة نفسك على عود ازرق يا بعيده
فاطمه :- الله وانا قولت ايه مش هو ده اللى هيحصل عقبالى يارب
منتهى :- ما انتى كلها يومين وتتخطبى لأكرم صاحبه
فاطمه :- بزعل يا شيخه اتنيلى اسكتى الله لا يسيئك متقلبيش على الواحد المواجع واتنهدت
داليا :- مين يقول انك توقعى الراجل لشوشته يا سوسه ده انتى مش سهله وساكته ومش بتحكى لحد ما جه وهيخطبك وانا اقول الراجل ده بينط ليه كل شويه الجريده
فاطمه :- مش بقولكم اللى ميعرفش يقول عدس
داليا :- وهو كمان بيتكلم معايا يوميآ فى التليفون ومقالش ليا اى حاجه عنكم انتو الاتنين لايقين على بعض اوى ربنا يهنيكم ويسعدكم يارب
فاطمه :- اتنهدت وقالت اه إن شاءالله وفى الوقت ده الباب خبط قامت فاطمه تفتح ولاقته مؤمن قالت نعم
مؤمن :- نعم الله عليكى اوعى كده
فاطمه :- رايح فين انت يا عم الحلو
مؤمن :- مش دى اوضت اختى داليا برضه
فاطمه :- اه
مؤمن :- اه ايه فيكى حاجه وجعاكى ولا ايه
فاطمه :- اه نموسه عمال بتزن عند ودانى وشكلى كده هقلع اللى فى رجلى واضربها بى
مؤمن :- وتهون عليكى النموسه تعملى فيها كده افرضى كانت النموسه حامل تموتيها هى واللى فى بطنها اخس عليكى يا ام قلب قاسى
فاطمه :- مسكته من كتفه وقالت انت اهبل يالا
مؤمن :- ابعدى ايدك عنى ده انتى طلعتى قاتله ومعندكيش رحمه اهئ اهئ اهئ
فاطمه :- معنديش رحمه عندى ريهام ينفع هههههههه
مؤمن :- ايه ده بجد طيب جوزهانى بسرعه اللهى يسترك
فاطمه :- يا عم اتنيل مش لما انا اتجوز الاول معندكش ليا عريس
أكرم :- والله
فاطمه :- لاء بقى ده لو انت قصدها مكنتش هتظبط نفسك على الكلمه دى بالشكل ده
مؤمن :- مين الاخ طيب نتعرف
فاطمه :- ده أكرم
مؤمن :- كرم الله وشك أن شاءالله بس أكرم مين بقى
فاطمه :- بيقولو خطيبى
مؤمن :- ايه ده يا طمطم انتى اتخطيبتى لا حولا ولا قوة الا بالله ربنا يجعلها اخر الاحزان ويصبرك على الخطوه دى يا اخ كرم الله وجهك
أكرم :- ده مين اللذيذ ده
فاطمه :- ده سفن اب
مؤمن :- هههههههه يا لذيذ يا رايق هههههههههه
فاطمه :- ههههههههههههه حلوه هههههههههه
أكرم :- برضه محدش عرفنى على كتلة الغلاسه ده مين
فاطمه :- ده مجموعه طبيعيه من مواد جماديه لكائن البندا
مؤمن :- اشطات عليكى يا طمطم يا جامد ههههههههه
أكرم :- مسكه من هدومه وقال انت عارف يالا لو منطقتش وقولت انت مين هولع فيك ابو تقل دمك
مؤمن :- اه انت بتسأل عليا انا
أكرم :- ايوه يا خفه
مؤمن:- انا الزمان هدنى ولا حد بيودنى انا مين انا مييييين
فاطمه:- ههههههههههه حلوه
أكرم :- لا انا اتشليت بجد انت بنأدم مستفز وبارد ودمه يلطش
فاطمه :- امشى ده مؤمن حبيب قلبى والنحمه لو كان كبير شويه كنت اتجوزته
أكرم :- وهو بيدوس على سنانه قال لمى الدور يا فاطمه
فاطمه :- طيب الم الدور الكام اصل انا مزنوقه ومحتاجها اوى
مؤمن :- هههههههههههه هموت مش قادر وربنا قفشاتك عالميه ههههههههه
أكرم :- عالميه ولا على عشرين هههههههههه
مؤمن :- ايوه بقى خليك معانا على الخط
فاطمه :- خط ولا كارت ههههههههههههه
وفى الوقت ده خرجت داليا وقالت
داليا :- انتو واقفين هنا ليه كده
مؤمن :- مين الاخت
فاطمه :- اختك داليا يا ولا
مؤمن :- احلفى
فاطمه :- اه وربنا
مؤمن :- هما عملو فيها ايه سنفرو وشها ولا غيرة صواميل وشها ولا عملو ايه بالظبط علشان يطلعوها حلوه اوى كده
داليا :- والله ده على اساس ان انا كنت وحشه الاول
مؤمن :- احم لا طبعآ بس فيه فرق بين حسن وحسين
فاطمه :- ومحمد ومحمدين ههههههههههههه
أكرم:- هههههههههههه
داليا :- حتى انت يا اكرم بتضحك
أكرم:- كلامهم فظيع الصراحه
داليا :- انا اصلا بكره اليوم اللى فاطمه ومؤمن بيتجمعوا فيه مع بعض بيبقى يوم مطلعش ليه شمس
فاطمه :- بس اكيد بيطلع فيه قمرين
مؤمن :- قمرين دول ولا عينين
داليا :- اطلعو بره انتو الاتنين
فاطمه :- اخس عليكى يا دودى كده بتطردينى
مؤمن :- اه صح اخس عليكى يا دودى كده بتطردينى
داليا :- اه ومش عايزه اشوف وشكم طول الفرح
فاطمه :- طيب لو عرض ماشى
مؤمن :- وممكن كمان مربعات ههههههههههه
داليا :- بررررررررررررره
فاطمه :- احم وانت عامل ايه بقى واخدت مؤمن ومشيت بيه
مؤمن :- نهار اسوح نسيت استنى ورجع يجرى وقال بيقولك بابا اتصلى بخطيبك علشان لسه مجاش والمعازيم والمأذون وصلوا
داليا :- ماشى وبصت لأكرم وقالت هو ازاى انت مش معاه
أكرم :- مرضاش وقال ليا اسيبه لوحده هو اصلا بقاله اسبوع متغير معايا فى المعامله معرفش ليه
داليا :- ماشى ومسكت تليفونها وطلبت رقمه لاقت تليفونه مقفول قالت تليفونه مقفول
أكرم :- مقفول طيب جربى كده تانى
داليا :- جربت وقالت برضه مقفول
أكرم :- طيب استنى كده وطلع تليفونه وطلب الرقم التانى الخاص بأدهم ومردش عليه قال حتى ده جرس ومش بيرد
داليا :- بقلق والعمل ايه
أكرم :- طيب هنزل انا اروح الفيلا اشوفه
داليا :- اجى معاك
أكرم :- لاء طبعآ مش هينفع خليكى وانا هبلغك فى التليفون ومشى وسابها
داليا :- دخلت وقعدت على حرف السرير والقلق ظاهر عليها
منتهى :- مالك
داليا :- ادهم مجاش لحد دلوقتى وبرن على الرقم اللى معايا مقفول والرقم اللى مع اكرم بيرن ومحدش بيرد
منتهى :- يمكن تليفونه فصل شحن ولا حاجه والرقم التانى مش معاه
داليا :- مش عارفه ربنا يستر
منتهى :- متقلقيش خير إن شاءالله
داليا :- يارب يا توته يارب ومر الوقت وراح أكرم ملاقاش ادهم فى اى مكان وبلغ داليا بكده والناس بدأت تمشى من القاعه والمأذون مشى وانوار القاعه انطفت
داليا :- كانت قاعده على حرف السرير ومش بتنطق بولا كلمه والدمعه واقفه على طرف عينيها
أكرم :- وهو بيرن على ادهم يارب طمن قلبنا عليه استر يارب ومحدش رد عليه قال لاء الوضع كده ميطمنش
فاطمه :- طيب متعرفش الاماكن اللى هو بيروح فيها يسهر
أكرم :- لاء طبعآ انا عمرى ما روحت معاه اماكن زى دى علشان كده معرفش الأماكن دى فين
منتهى :- اكيد فيه حاجه كبيره منعته يجى الفرح
مؤمن :- حتى لو كده كان اتصل وعرفنا
أكرم :- ايوه بس لو حاجه وحشه لاقدر الله هيتصل ويعرفنا ازاى
وفى الوقت ده الباب خبط
منتهى :- طلعت تجرى تفتح الباب بتحسبه ادهم وفتحت الباب وقالت علاء
أكرم :- راح يجرى وقال علاء خير عرفت حاجه عن أدهم
علاء :- لاء انا جيت اطمن قولت يمكن انتو تكونو عرفتوا مكانه
أكرم :- للاسف لاء تعال ادخل
علاء :- دخل وهو باصص فى الارض وقال السلام عليكم
الكل:- وعليكم السلام
داليا:- ساكته ومش بترد ولا بتتكلم
فاطمه :- حضرتك اخوه صح
علاء :- ايوه
فاطمه :- طيب متعرفش هو ممكن يكون راح فين فى يوم زى ده
علاء:- لاء للاسف بس المكان الوحيد اللى بيروح فيه لما يكون مضايق الفيلا اللى كان هيسكن فيها مع داليا
داليا :- بصت ليه وهى عينيها كلها دموع
أكرم :- بس هو ايه هيضيقه فى يوم زى ده يا علاء
علاء :- معرفش انا بقول على اللى اعرفه المكان الوحيد هى الفيلا
داليا :- ممكن تطلعوا كلكم بره علشان اغير هدومى
فاطمه :- بزعل ماشى كله يتفضل وانا هساعدك فى تقليع الفستان
الكل خرجو وهما زعلانين على حال داليا وفى نفس الوقت قلقانين على ادهم
فاطمه :- ساعدت داليا فى تغير الفستان وخرجت
داليا :- غيرت هدومها ووقفت قدام المرايا بدموع وفكت تسريحت شعرها وغسلت وشها ومسحته واخدت شنتطها وخرجت من الاوضه ونزلت من غير ولا كلمه
أكرم :- نزل يجرى وراها وقال داليا يا داليا ثوانى
داليا :- سبنى لوحدى لو سمحت
أكرم :- مينفعش اسيبك تمشى لوحدك فى وقت زى ده
داليا :- لا متخفش انا أقدر احمى نفسى كويس اوى عن اذنك ووقفت تاكسى وركبت فيه ومشيت
أكرم :- بص عليها وهى ماشيه واتنهد بحزن ورجع تانى عند فاطمه والباقى
~•~•~•~•~•~•~•~•~•~•~•~•~•
فى فيلا ادهم الحناوى

وصلت داليا عند الفيلا ونزلت ودفعت أجرة التاكسى ومشى وبصت على الفيلا من بره بحزن وراحت عند البوابه وفتحتها ودخلت فيها وهى حابسه دموعها فى عينيها وراحت عند باب الفيلا ورنت الجرس وانتظرت حد يفتح بس محدش فتح لفت ضهرها ولسه هتمشى سمعت صوت الباب بيتفتح رجعت تانى وبصت لاقت ادهم هو اللى فتح الباب وبيبص ليها بصت شماته وبيضحك ليها بأستفزاز وبيقولها
ادهم :- العروسه بنفسها جايه لحد عندى ايه الفرح مكانش عجبك ولا ايه
داليا :- بدموع ليه عملت معايا كده
ادهم :- ليه ايه انا عملت معاكى احلى واجب لبستك فستان عمرك ما كنتى تحلمى تلبسيه وجبت ليكى اكبر ميكاب ارتيست عمر ما حد فى أهلك جاله ودخلتك اكبر فندق اخرك كنتى تشوفيه فى التلفزيون فى الافلام والمسلسلات وعملت ليكى فرح حضره اكبر ناس فى الفرح يبقى عملت ليكى ايه وحش بقى
داليا :- بدموع نسيت اهم حاجه فى الموضوع ده العريس
ادهم :- دخل وهو بيضحك وبيولع سيجار من بتاعه وشرب نفس وخرجه فى الهوا وقال ههههههههه انتى مفكره أن انا هنزل لمستواكى واتجوز واحده زيك كده انتى اخرك تشتغلى عندى خدامه تكنس وتمسح اوعى تحلمى وتسرحى بخيالك لبعيد ولا تفكرى نفسك حاجه فى وسط البنات انتى حتة بنت جربوعه آخرها بالنسبه ليا انام معاها شويه وارمى ليها قرشين واروح ادور على غيرها
داليا :- دخلت وراه وهى حابسه الدموع فى عينيها وبصت ليه بكل كبرياء ورفعت ايديها فى الهوا ونزلت بيها على وش أدهم بالقلم وقالت انت ازبل بنأدم على وجه الارض
ادهم :- بص الاتجاه التانى من عزم الضربه وداس على سنانه ومقالش ولا كلمه
داليا :- بدموع انت ازاى كده انت شيطان مفكر نفسك قوى تقدر تذل وتجرح فى الناس عادى بس ناسى أن فيه اقوى منك فيه ربنا قادر يجيب ليا حقى منك قادر يكسرك ويوجعك زى ما كسرتنى ووجعتنى قادر يحكم فيك ظالم زى ما انت بتتحكم فى المظلوم ومشيت قدام شويه ورجعت تانى قصاده وهى بتضحك ضحكة انكسار وقالت وانا اللى كنت مفكره انك اتغيرت وزى الهبله حبيتك وضحكة وقالت ههههه اه شوفت هبل زى ده انا حبيت واحد زيك هههههههه تعرف انا اللى استاهل اكتر من كده علشان هبلى وعبطى وثقتى الزياده فى الناس بس خليك فاكر انك جيت على قلب حبك بصدق وجرحته بكره الايام تدور وتحب وتنجرح نفس جرحى مش هقول غير حسبى الله والنعمه الوكيل انا مش عايزه الفضيحه تترد لحد من اخواتك البنات لانهم مش ذنبهم حاجه إنما نفسى تترد فيك انت نفسى تبكى بدل دموعك دم ونفسى اشوف ده بعينى وسعتها هبصلك بقرف وهبعد واسيبك مرمى فى نارك لوحدك عن اذنك وسابته وطلعت تجرى من الفيلا ودموعها على خدها وقفت تاكسى وراحت على البيت
ادهم :- بص عليها وهى بتجرى وحط أيده على وشه وقال عااااااااا ماشى يا داليا هدفعك تمن القلم ده غالى اوى عااااااااااا ومسك تحفه وحدفها فى الارض اتكسرت وقعد على الكرسى وهو متغاظ
~•~•~•~•~•~•~•~•~•~•~•~•~•
بقلمى #دودومحمد