تمرد صحفيه بقلم {دودومحمد}

⁦✍️⁩تمرد صحفيه ⁦✍️⁩

?الفصل السابع عشر ?

فى الصعيد

وصل حمزه الشقه ودخل بس اتفاجئ بوجود ميرفت بصلها بأستغراب وقال

حمزه :- انتى لسه هنا
ميرفت :- ايه زعلت لما شوفتنى
حمزه :- لاء بالعكس بس استغربت انك مش مشيتى زى ما قولتى
ميرفت :- انا ماشيه فعلا بس قولت استناك اشكرك لآخر مره على وقفتك جنبى وانك قعدنى فى بيتك غيرك كان قال مليش دعوه ورمانى فى الشارع مش هنسى جميلك ابدآ بس عايزه اطلب منك طلب
حمزه :- اطلبى
ميرفت :- دموعها نزلت منهاو مدت ايديها بورقه وقالت ده رقم بابا ابقى أسأل عليه وقوله إن انا بحبه اوى وان الحياه من غيره وحشه اوى اوى انا استحملت علشانه كتيره بس كان هو جنبى وبيواسينى إنما دلوقتى الحياه صعبه اوى قوله يسامحنى بالله عليك
حمزه :- بشك انتى تقصدى ايه بكلامك ده
ميرفت :- مسحت دموعها وقالت ولا حاجه مع السلامه ومشيت لحد الباب ووقفت على صوت حمزه
حمزه :- ميرفت
ميرفت :- نعم
حمزه :- مد أيده بشريط برشام فاضى وقال ايه ده
ميرفت :- ها د.د.ده بتاعى واخد منه اخر حبايه
حمزه :- بشك حبايه
ميرفت :- وهى بتمسك بطنها قالت ا.ا.اه عن اذنك
حمزه :- استنى هنا انتى اخدى شريط البرشام كله انتى انتحرتى صح
ميرفت :- وهى بدء يظهر عليها التعب قالت لاء سبنى امشى بقى
حمزه :- مش هتمشى غير لما تقولى الحقيقه
ميرفت :- ملكش دعوه بيا وهمشى وفتحت الباب وهى بتحاول تستحمل التعب وحاولت تمشى
حمزه :- طلع يجرى ومسكها من دراعها وقال مستحيل اسيبك تمشى انتى شكلك بتموتى
ميرفت :- ياريت سبنى اموت ارجوك مش عايزه اعيش فى الدنيا دى وحاولت تشد دراعها من ايد حمزه
حمزه :- بعصبيه انتى مجنونه انتى ازاى تعملى فى نفسك كده انتى كده هتموتى كافره وشالها ونزل يجرى بيها وحطها فى العربيه وطلع يجرى على المستشفى
ميرفت :- بتعب سبنى اموت هعيش لمين انا تعبت من الدنيا دى الموت اريح ليا
حمزه :- وهو بيسوق العربيه قال وانتى فكرك كنتى هترتاحى بعد موتك انتى كنتى هتتعذبى فى قبرك غير عذاب ربنا فى الاخره لأنك موتى كافره انتى كده سقطى فى اختبار ربنا ليكى فى الصبر واعترضى على أمره
ميرفت :- بدموع ربنا اعلم بالسبب اللى وصلنى كده اااااااااه
حمزه :- اجمدى خلاص وصلنا اهو ونزل يجرى من العربيه وشال ميرفت ودخل بيها المستشفى ودخلها اوضت الكشف وكشف عليها الدكتور ودخلت العمليات قامو معاها بالعلاج اللازم وبعد وقت خرجت من العمليات ودخلت اوضه خاصه ودخل ليها حمزه وهو الغضب ظاهر على وشه
ميرفت :- بدموع انا اسفه
حمزه :- انتى ازاى بالساذجه دى ازاى تكفرى بربنا بالطريقه دى امال ازاى بتصلى وبتقري فى المصحف وحافظه كلام ربنا
ميرفت :- بدموع انا تعبت اللى شوفته فى حياتى مش قليل ذل وقهر عمرى ما اعترض على الفقر ولا الظروف كنت عايشه وراضيه ومرتاحه لكن كان فيه عوامل تانيه كتير كانت بتعذبنى من معاملة امى ليا وقسوة اخويه عليا والاخير جوازى من ابن خالى اللى كسرتنى بجد وكرهتنى فى الحياه وبسببه متشرده فى الدنيا وهربانه زى اللى عامل عامله ومحرومه من نظرة بابا ليا انا كرهت الدنيا وكرهت الناس وكرهت كل حاجه فى الدنيا انا عايزه اموت على الأقل هتحط فى تربه انام فيها إنما دلوقتى مش لاقيه حتى المكان اللى هنام فيه
حمزه :- طيب ما عندك شقتى وكنتى قاعده فيها انا ضيقتك فى حاجه
ميرفت :- مينفعش اعيش معاك فى الشقه هقعد معاك بصفتى ايه اختك امك بنتك مراتك
حمزه :- انا كده كده مش بقعد فى الشقه كتير اكتر وقتى بقضيها فى الشغل ولو مش حابه اجى الشقه خالص وانام فى القسم وتخليكى انتى براحتك فى الشقه معنديش مانع
ميرفت :- ازاى يعنى الشقه بتاعتك وتسبها ليا وتنام فى الشغل يرضى مين
حمزه :- يا ستى انا راضى بكده متشغليش بالك بأى حاجه وبلاش تخلى الشيطان يلعب فى دماغك تانى خلى ايمانك قوى بالله
ميرفت :- بصت ليه وهزت راسها بالموافقه
حمزه :- تمام هروح اشوف الدكتور هيخرجك امته
ميرفت :- هزت راسها وقالت ماشى
حمزه:- قام وقف وراح عند الباب
ميرفت :- قعدت تبص على حمزه وهو ماشى وتبتسم وبصت اتجاه تانى لما لاقت حمزه بيبصلها
حمزه:- بص لميرفت وقال هنزل اجبلك لقمه بسرعه بالمره مش هتأخر متتحركيش من مكانك فاهمه
ميرفت :- حاضر
حمزه :- خرج من الاوضه واتنهد وراح عند الدكتور وسأله على امته الخروج وقاله إنها هتقعد ساعتين بس يطمنو عليها وبعد كده هتخرج شكره وخرج من عند الدكتور نزل جاب اكل ليه هو وميرفت ورجع تانى على الاوضه وقعدو ياكلو وبعد ما الدكتور اطمن عليها إذن ليهم بالخروج واخدها حمزه ورجع على البيت من تانى
~•~•~•~•~•~•~•~•~•~•~•~•~•
فى اسكندريه

عند فاطمه واكرم

اول ما فاطمه سمعت طلب أكرم أنه يتجوزها اغمى عليها ووقعت فى الارض وطلع يجرى عليها أكرم شالها وطلع بيها على المكتب ومنتهى اتخضت وطلب منها ازازة برفان وجبتها ليه وفوق فاطمه وقال
أكرم :- يخربيت كده هو انتى كل حاجه يغمى عليكى
فاطمه :- هو ايه اللى حصل
أكرم :- كنت بتكلم معاكى ومره واحده اغمى عليكى
فاطمه :- اه اصل انا جالى تهيأت انك طلبت ايدى لجواز واغمى عليا
اكرم.:- بص لمنتهى وقال ممكن تسبينا لوحدينا شويه
منتهى :- اه طبعآ عن اذنكم وخرجت وسابتهم لوحديهم
فاطمه :- هو فى ايه
أكرم :- قعد قصاد فاطمه وقال فعلا انا طلبت ايدك واوعى يغمى عليكى تانى
فاطمه :- ثوانى بس انت قولت طلبت ايدى يعنى هتتجوزنى جواز جواز من اللى هو تلبيس دبل ومأذون وفرح وشربات وحتة جاتوه واتنين ساندوتش بانيه والبوفيه اللى عينى بتطلع عليه ده
أكرم :- هههههههههههههههههههههههههههههه
فاطمه :- ده اسمه ايه مفهمتش حاجه بتضحك على ايه
أكرم :- اكيد على كلامك هو فيه غيرك اللى تملى يضحكنى كلامها
فاطمه :- يعنى دى حاجه حلوه ولا حاجه وحشه
أكرم :- حاجه حلوه طبعآ
فاطمه :- طيب ريحنى يا ابن الحلال انت قولت انك عايز تتجوزنى
أكرم :- احم انا قولت بس اقصد يعنى مش جواز اوى
فاطمه :- ازاى يعنى مش فاهمه
أكرم :- يعنى محتاجك فى خدمه انك تمثلى انك حبيبتى واجى اخطبك
فاطمه :- امثل ممكن توضح ليا اكتر
أكرم :- تمام بصى يا ستى انا بنت عمى كانت عايشه فى أمريكا طول عمرها كانت بتنزل هنا فى الإجازات بس واليومين دول نزلت اجازه وامى مصممه أن اتجوزها فأنا قولت ليها أن بحب واحده تانيه فهى مش مصدقه كلامى وعايزه إثبات يا اما كده يا اتجوزها وانا الصراحه بعتبرها اختى مش اكتر لكن هى بتحبنى حب تانى ومش قدامى حاجه غير أن أثبت ليهم انى مرتبط بواحده وعايز اخطبها وانا اوعدك ان هى أول ما ترجع امريكا هبعد عنك ومش هضيقك خالص وترجع ليكى حريتك
فاطمه :- بصت ليه وقالت يعنى انت شيفنى ممثله مش اكتر
أكرم :- لا والله مش قصدى كده
فاطمه :- بزعل اشمعنا انا اللى جيت وطلبت منها كده
أكرم :- اولا انتى صاحبة داليا وانا بثق فيها وفى أصحابها ثانيآ دمك خفيف ومرحه هتقدرى تدخلى قلب امى علطول وبسهوله وثالثآ وده الاهم ان انا هساعدك قصاد مساعدتك ليا
فاطمه :- ازاى مش فاهمه
أكرم :- هحميكى من خطيبك القديم وهمنعه يقرب منك خالص وبكده واحده قصاد واحده
فاطمه :- بضحكة حزن يعنى يوم ما حد يطلب ايدى يطلبها تمثيل
أكرم :- احم لو مش حابه الموضوع انتى حره
فاطمه :- سكتت ومردتش عليه
أكرم :- خلاص انا كده فهمت ردك وانا اسف لازعاجك ومشى لحد الباب
فاطمه :- وهى الدموع فى عينيها قالت انا موافقه
أكرم :- بصلها وهو بيضحك وقال بجد يعنى موافقه تساعدينى
فاطمه :- احم ايوه بس هى هتمشى امته
أكرم :- بالكتير اوى شهر او شهر ونص
فاطمه :- بس ده كتير
أكرم :- مش كتير ولا حاجه وكل ما شافتنا مع بعض مبسوطين وفرحانين كل ما هى هتسرع فى سافرها علشان مش هتقدر تشوفنى مع غيرها
فاطمه :- تمام شوف عايز تبدء امته
اكرم :- ياريت من النهارده
فاطمه :- شوف عايز ايه النهارده وانا معاك
أكرم :- عايزك تلبسى فستان شيك وتيجى معايا النهارده فى العشا بتاع بليل اللى امى عامله واعرفهم عليكى
فاطمه :- ماشى موافقه بس ياريت بلاش تأخرنى بره علشان محدش يحس عندى فى البيت
أكرم :- متقلقيش مش هأخرك
فاطمه :- ماشى اقابلك فين
أكرم :- فى المكان اللى قابلتك فيه عند بيتكم
فاطمه :- تمام هتلاقينى هناك مستنياك
أكرم :- بجد مش عارف اقولك ايه شكرآ اوى اوى يا فاطمه
فاطمه :- العفو ممكن بقى تتفضل علشان ورايا شغل
اكرم.:- اه طبعآ عن اذنك وخرج من المكتب ونزل ركب عربيته ومشى
فاطمه :- بصت عليه لحد ما اختفى ودموعها نزلت منها وقالت جت الحزينه تفرح ملاقتلهاش مطرح واتنهدت ومسحت دموعها قبل ما اى حد يجى ويشوفها
~•~•~•~•~•~•~•~•~•~•~•~•~•
فى بيت سعيد

وصلت داليا هى وادهم واول ما فتح مؤمن الباب دخلت تجرى على اوضتها وخرج سعيد من اوضه وقال

سعيد :- تعال يا ابنى
ادهم :- لاء شكرآ انا ماشى
سعيد :- ليه مش عايز تدخل مش حابب القعده مع عمك سعيد ولا ايه
ادهم :- مش فاضى معنديش وقت عن اذنك
سعيد :- مالك يا حبيبى انتو متخانقين مع بعض ولا ايه
ادهم :- لاء
سعيد :- امال يا حبيبى مالك
ادهم :- ولا حاجه وسابه ونزل
سعيد :- بصله بأستغراب وراح عند باب اوضت داليا وخبط عليه واذنت ليه بالدخول فتح الباب ودخل
داليا :- تعال يا بابا ادخل
سعيد :- دخل وقال دخلتى على اوضك علطول ليه
داليا :- عادى يا بابا قولت انتو هتقعدو مع بعض اسيبكم براحتكم
سعيد :- مرضاش يدخل اصلا ومشى علطول
داليا :- براحته
سعيد :- انتو زعلانين مع بعض ولا ايه
داليا :- لاء احنا روحنا الجوازات عمل ليا جواز سفر وطلعنا اتغدينا وجينا على هنا علطول
سعيد :- ربنا يسعدكم ويهنيكم يا حبيبتى يارب
داليا :- ويخليك لينا ويديك الصحه يارب
سعيد :- اروح انا احضر الغدا مع اخوكى ونتغدا مع بعض مدام انتى اتغديتى برا
داليا :- بالهنا والشفا يا حبيبى
سعيد :- خرج من الاوضه وقفل الباب وراه
داليا:- راحت واقفت قصاد المرايا وبصت على شفايفها ومشيت صوابعها عليهم وافتكرت بوسة ادهم ليها ضحكة وداست بسنانها على شفتها اللى تحت واتنهد وراحت نامت على السرير وغمضت عينيها وهى بتبتسم
~•~•~•~•~•~•~•~•~•~•~•~•~•
عند الجريده

نزلت منتهى من الجريده وكان علاء منتظرها فى العربيه ابتسمت ليه اول ما شفته وقالت
منتهى :- السلام عليكم
علاء :- بأبتسامه وعليكم السلام ورحمة الله وبركاته اركبى
منتهى :- فتحت الباب اللى وراه وقعدت
علاء :- بصلها فى المرايا وابتسم وقال ماشاءالله عليكى الفستان شيك ورقيق ومحترم جدآ
منتهى :- بكسوف ش.ش.شكرآ
علاء :- شغل العربيه ومشى بيها على المطعم ونزل من العربيه وراح فتح الباب لمنتهى لحد ما نزلت وقفل الباب ووقف وقال اتفضلى
منتهى :- دخلت المطعم وهى متوتره وخايفه قعدت على الكرسى من غير ما ترفع عينيها على علاء
علاء :- قعد وبصلها وضحك وقال شكلك متوتره و مكسوفه اوى
منتهى :- احم ا.ا.اول مره أخرج مع راجل غريب ومن وراه اهلى
علاء :- انا اسف أن انا حطيتك فى وضع زى ده
منتهى :- احم و.و.ولا يهمك خير بس ك.ك.كنت بتقول انك عايز تكلمنى فى موضوع مهم
علاء :- طيب ثوانى بس نطلب الاكل وهفهمك كل حاجه
منتهى :- م.م.ماشى
علاء:- بعد ما سأل منتهى تاكل ايه طلب الاكل وبص لمنتهى وقال بصى انا عارف ان كلامى هيزعلك شويه بس لازم تكونى واثقه فيا
منتهى :- بقلق قصدك ايه
علاء :- انا لما كلمة اهلى عليكى امى رفضتك علشان ظروفكم والمستوى المدى والاجتماعى وكده
منتهى :- عينيها دمعت وحاولت تحبسهم وقالت مفيش مشكله كل شئ قسمه ونصيب ووقفت وقالت عن اذنك
علاء :- لسه بقولك اهم حاجه تكونى واثقه فيا يعنى بلاش تسرع اتفضلى اقعدى
منتهى :- قعدت وقالت خير
علاء :- منتهى انتى أول بنت تلفت انتباهى بالشكل ده وتشدنى ليها بالطريقه دى يعنى صعب اسيبك بالسهوله دى انا ما صدقة لاقيتك
منتهى :- طب ومامتك
علاء :- بصى انا اهم حاجه عندى رضا الوالدين وانفذ اللى ربنا أمرنى بيه بس برضه مقدرش اسيب واحده زيك فى ادبك واخلاقك انا هفضل احاول مع امى لحد ما اقنعها بس اللى طلبه منك حاجه واحده بس تفضلى جنبى ومتبعديش عنى ولآخر مره بقولك خليكى واثقه فيا وانا إن شاءالله وبأمر الله هقنع امى توافق
منتهى :- سكتت وبصت ليه والدموع فى عينيها وقالت مش عايزه اسبب ليك مشاكل مع أهلك فى البيت
علاء :- انا مش بتاع مشاكل يا منتهى انا بحل الأمور كلها بهدوء وحكمه
منتهى :- وافرض رفضتنى ومرضتش بيا خالص هتعمل ايه
علاء :- انا هفضل احاول معاها امى بتيجى بالضغط شويه عليها
منتهى. :- ماشى
علاء :- انا عارف ومتأكد أن الكلام ده كسرك ووجعك من جواكى بس انا صريح واحب اشرح الأمور زى ما حصلت بالظبط
منتهى :- مفيش مشكله انا واثقه فيك وهستناك
علاء :- بجد انتى اكبر نعمه بعتها ربنا ليا
منتهى :- بكسوف ش.ش.شكرآ
وفى الوقت ده الاكل جه وبدٱو الاتنين ياكلوا من غير ولا كلمه وبعد وقت انتهو من الاكل
علاء :- منتهى
منتهى :- نعم
علاء :- لو تسمحى ليا ابقى اكلمك كل يوم فى التليفون اطمن عليكى
منتهى :- احم م.م.مفيش مشكله
علاء :- ومتقلقيش مش هتخطى حدودى كلامى كله فى حدود الأدب
منتهى :- انا مش قلقانه منك لان انا عارفه انك شخص محترم ومتدين وعارف الأصول كويس
علاء :- شكرآ وان شاءالله نبقى مع بعض فى أقرب وقت
منتهى :- أن شاءالله ممكن نمشى بقى
علاء :- اه طبعآ ودفع الحساب وخرج هو ومنتهى وقال تعالى اوصلك
منتهى :- مش هينفع حد يشوفنا
علاء :- هنزلك بعيد عن البيت شويه
منتهى :- لاء متعطلش نفسك انت روح انت وانا هركب تاكسى
علاء :- مش هقدر تعالى بس اركبى
منتهى :- ركبت من وراه وقالت ش.ش.شكرآ
علاء :- بهزار انا تحت امرك يا افندم
منتهى :- هههههههه
علاء :- بصلها فى المرايا بحب وابتسم ليها واتنهد ومشى بالعربيه وصلها قبل بيتها بشويه واطمن عليها لحد ما اختفت وشغل العربيه ورجع على الفيلا عندهم
~•~•~•~•~•~•~•~•~•~•~•~•~•
فى شركة خالد الحناوى

كان خالد قاعد فى مكتبه وبيتكلم فى التليفون وقال

خالد :- انا عندى عرض ليكم كويس اوى
الشخص :- ايه هو
خالد :- ادفع ليك الشرط الجزائى اللى عليك لشركة ادهم وارحمك من دخولك السجن وتبقى قاعد وسط ولادك
الشخص :- المقابل ايه
خالد :- تساعدنى نوقع ادهم وشركته الارض
الشخص :- بس ده ابنك ازاى تقدر تعمل فيه كده
خالد :- انت مالك متدخلش فى اللى ملكش فيه
الشخص :- سكت شويه وقال مش عارف بس متعودش أذى حد
خالد :- طيب ما هو ناوى يأذيك اتغدا بيه قبل ماهو يتعشا بيك
الشخص :- سكت وفاجئه سمع صوت بنت بتقول لخالد
رودينا :- انا بنته وموافقه على العرض ده وهساعدك فى اللى انت عايزه بس اهم حاجه بابا ميدخلش السجن
خالد :- شكلك بنت جدعه وشجاعه وانا احب الصنف ده
رودينا :- احترم نفسك وأتكلم بأسلوب كويس
خالد :- عيب يا بنتى انا قد ابوكى مقصدش حاجه
رودينا :- المهم شوف ايه اللى مطلوب منى بس قبل اى حاجه ادفع الشرط الجزائي
خالد :- نتقابل فى الشركه ونتفق على كل حاجه
رودينا :- موافقه
خالد :- اتفقنا هستناكى بكره
رودينا :- أن شاءالله مع السلامه وقفلت معاه
خالد:- ههههههههه ورينى هتعمل ايه بقى يا ادهم فى اللى جاى
~•~•~•~•~•~•~•~•~•~•~•~•~•
فى فيلا خالد الحناوى

وصلت دينا مع إنعام وسابتها وطلعت على اوضتها وقفت قصاد المرايا وبصت على نفسها فى المرايا وافتكرت كلام تامر ليها وضحكت وسكتت وكلمة نفسها فى المرايا وقالت
دينا :- ايه يا دينا هتأمنى لراجل تانى هتحبى وترجعى تندمى من تانى فوقى يا دينا كلهم صنف واحد بلاش الضعف اللى فيكى ده
وسكتت شويه وقالت بس ده غيرهم ده اللى ساعدنى من غير اى مقابل ووقف جنبى ده اللى معاه بحس بالأمان ببقى مطمنه وهو جنبى الضحكه مش بتطلع غير معاه وسكتت تانى وقالت خليكى هبله كده كل ما حد يقولك كلمتين تفرحى بيهم وتحبيه وفى الاخر يجرحك ويوجعك
ورجعت سكتت وقالت يوووووه بقى مش يمكن يطلع غيرهم وسكتت تانى وقالت انتى حره بقى استحملى اللى هيحصلك وفى الوقت ده تليفونها رن بصت فيه لاقته تامر ابتسمت وفتحت عليه
تامر :- واحشتينى
دينا :- ههههههههه لحقت اوحشك
تامر :- انتى بتوحشينى وانتى معايا
دينا :- احم لاء بجد متصل ليه
تامر :- والله زى ما بقولك واحشتينى واحشنى صوتك اوى
دينا :- مجنون
تامر :- مجنون بحبك
دينا :- طيب ممكن يا عم المجنون تقفل بقى علشان عايزه انام شويه
تامر :- اجى انيمك فى حضنى
دينا :- تامر بطل قلة ادب
تامر :- طيب اللهى ربنا يسترك يارب سرعى شويه فى موضوع جوازنا علشان انا بنهار
دينا :- هههههههههه لاء انهار براحتك علشان انا قولتلك نستنا شويه على موضوع الجواز ده
تامر :- يا نهار اسوح
دينا :- هههههه سلام
تامر :- سلام
دينا :- لسه هتقفل
تامر:- دينا
دينا :- اممم نعم
تامر :- بعشقك وعمرى الجاى ليكى انتى وبس
دينا :- بكسوف احم ب.ب.باى
تامر :- مع السلامه يا عمرى
دينا :- قفلت التليفون وحضنته وقالت بحبك اوى اوى وفى الوقت ده سمعت صوت أدهم وهو بيقولها
أدهم :- ده مين ده اللى بتحبيه اوى اوى
دينا :- التليفون وقع من ايديها وقالت ا.ا.ادهم
ادهم :- مردتيش عليا مين ده اللى بتحبيه
دينا :- بتوتر د.د.ده تامر
ادهم :- مين تامر ده
دينا :- احم د.د.ده العريس اللى متقدم ليا
ادهم :- يعنى حبتيه دلوقتى
دينا :- احم ه ه هو شاب كويس و.و ولما اتكلمت معاه لاقيته دمه خ.خ.خفيف ومحترم اوى ب.ب.بس
ادهم :- امممم يعنى معنى كلامك انكم بتشوفو بعض ويتتكلمو مع بعض علطول
دينا :- ل.ل.لا ا. ا.انا بشوفه سعات بالصدفه و.و.ومش بقف اتكلم معاه والله
ادهم:- ورقم تليفونك بيعمل معاه ايه
دينا :- ها ا.ا.ا اا
ادهم :- ايه علقتى ولا ايه رقمك بيعمل ايه معاه
دينا :- احم م.م.ماما اديته ليه ع ع.علشان نتعرف على ب.ب.بعض اكتر
ادهم :- اممممم وايه كمان
دينا :- ب.ب.بس
ادهم :- لو شوفتك معاه او سمعت انك بتتكلمى معاه انتى عارفه اللى هيحصلك
دينا :- بخوف ح.ح.حاضر
ادهم :- انتى عارفه أن انا مش بحب اقول الكلمه غير مره واحده بس فاهمه
دينا :- هزت راسها وقالت ح.ح.حاضر
ادهم :- اسمه ايه بالكامل
دينا :- م.م.معرفش انا اللى اعرفه ان هو اسمه تامر محمود وظابط
ادهم :- ظابط واسمه تامر قسم ايه
دينا :- فى قسم (…….)
ادهم:- عرفتوا خلاص كلامى يتسمع يا دينا فاهمه ملكيش دعوه بي
دينا :- ح.ح.حاضر
ادهم :- خليكى عارفه أن لو كلامى اتكسر مش هرحمك
دينا :- ه ه.هسمع الكلام
ادهم :- سابها وخرج من الاوضه
دينا :- قعدت على السرير وبصت على ادهم بتوتر وهو ماشى واتنهدت وقالت ربنا يستر
~•~•~•~•~•~•~•~•~•~•~•~•~•
جاء الليل وجهزت فاطمه نفسها وكانت فى قمة الجمال والشياكه بفستانها الرقيق ونزلت من بيتها راحت المكان اللى اتفقوا عليه وكان أكرم مستنيها راحت عنده وقالت
فاطمه:- مساء الخير
أكرم :- بأستغراب انتى مين
فاطمه :- والله هنستعبط انا فاطمه يا اكرم
أكرم :- احلفى
فاطمه :- خفه
أكرم :- طب اقسم بالله ما بهزر انا فعلا مستغرب شكلك جدآ اول مره اشوفك بفستان وحطه ميكاب وبالحلاوه دى
فاطمه :- علشان حضرتك اعمى مش بتشوف
أكرم :- عندك حق وربنا
فاطمه :- طيب هنركب العربيه ولا هنقضيها كلام فى الشارع
أكرم :- اه سورى وفتح ليها الباب اللى قدام وقال اركبى
فاطمه :- شكرآ
أكرم :- قفل الباب وراح قعد جنبها وقعد يبص ليها بأعجاب
فاطمه :- هتفضل تبصلى كتير كده اتفضل نمشى علشان الوقت
أكرم :- احم ا.ا.اه طبعآ وشغل العربيه ومشى بيها على المطعم ونزل من العربيه وراح فتح الباب لفاطمه ومد أيده ليها
فاطمه :- بصت لايديه وقالت مش بمسك ايد حد معرفهوش ونزلت من العربيه
أكرم :- للاسف لازم أمسك ايدك ونتعامل جوه على أننا بنعشق بعض علشان يدخل عليهم اللعبه
فاطمه :- بس بلاش تسوء فيها فاهم
أكرم :- انت تأمر يا جميل
فاطمه :- ودى برضه من ضمن الخطه
أكرم :- لاء دى من عندى كده ليكى
فاطمه :- شكرآ بس بلاش اضافات الله يكرمك
أكرم :- حاضر ممكن ايدك ومد أيده ليها
فاطمه :- بصت لايده بتوتر وبعدين بصت ليه ومدت ايديها ببطئ وحطتها على أيده
أكرم :- بص ليها وابتسم وقفل أيده على ايديها ومشو جنب بعض
فاطمه :- مشيت جنب أكرم وهى حاسه بتوتر ودخلت معاه جوه
أكرم :- شايفه الترابيزه اللى فى وشك علطول دى
فاطمه :- ايوه
أكرم :- دول اهلى ابتسمى وانتى داخله عليهم
فاطمه :- حاضر
ووصل أكرم وفاطمه الترابيزه عند أهله وقال
أكرم :- مساء الخير
وفاء ام اكرم :- مساء النور ايه اخرك كده.
أكرم :- سورى يا ماما على ما روحت جبت طمطم من البيت عندهم
ايه اخت أكرم :- ومين طمطم دى يا كرومه
أكرم :- طماطم روح قلبى اللى كلمتكم عليها
ايه :- بس دى مزه اوى يا كرومه
فاطمه :- ميرسى انتى احلى طبعآ
وفاء :- شدت أكرم وقالت بصوت واطى ليه انت ازاى تجبها هنا وبنت عمك موجوده انت عايزه تجرحها
أكرم :- أكرم ليه بس يا ماما ما انا قايل ليكى أن بحب واحده وهى عارفه بكده
وفاء :- هى عارفه اه لكن لما تشوفكم مع بعض تتقهر
أكرم :- لازم تتقبل الوضع وتعيش الواقع انا مش بحبها انا بحب واحده تانيه ودلوقتى ولا بعدين اكيد كانت هتشوفنا مع بعض
ايه :- أكرم
أكرم :- بصلها وقال نعم
ايه :- مش ناوى تعرف الباقى على طمطم وتعرف طمطم علينا كلنا
أكرم :- اه طبعآ وبص لفاطمه وقال دى ماما
فاطمه :- اذيك يا طنط
وفاء :- الحمدالله يا حبيبتى ابنى علطول بيتكلم عليكى وعلى خفة دمك
فاطمه :- بصت لأكرم وقالت والله
أكرم :- احم ودى اختى ايه انا اكبر منها بست سنين يعنى فى سنك كده
ايه :- يعنى سننا واحد احنا كده أصحاب وش
فاطمه :- وش ولا قفا المهم يا اختى النيه
ايه :- هههههههههههه قفشه حلوه ههههههههه
أكرم :- احم وده مكرم اخويه أصغر منى بسنتين
فاطمه :- اتشرفت بحضرتك
مكرم :- الشرف ليا يا انسه فاطمه
أكرم :- ودى جاسمين بنت عمى عايشه فى أمريكا ونازله اجازه فى مصر وراجعه تانى امريكا قريب
فاطمه :- هاى
جاسمين :- بقرف هاى
أكرم :- وده بابا منير
فاطمه :- اهلا بحضرتك
منير :- منوره يا بنتى
أكرم :- ودى فاطمه طبعآ كلكم عارفين تبقى بالنسبه ليا ايه
وفاء :- اه طبعآ ده انت مصدعنا بيها فاطمه قالت فاطمه عملت طيب فاكر لما قالت ليك الدكتور قالها تقف فى حته فيها طراوه
فاطمه :- ايه ده يا طنط ده معرفكم كل حاجه عنى
ايه :- يا بنتى بقولك اربعه وعشرين ساعه بيكلمنا عليكى
اكرم:- ما خلاص يا اختى وانتى يا ماما احم مش وقته خالص
منير :- شوفو هتاكلو ايه يلا علشان نطلب العشا
أكرم :- انا وطمطم عايزين ناكل شبه بعض هطلب انا يا طمطم ايه رأيك
فاطمه :- ها ا.ا.اه طبعآ
أكرم :- خلاص انا هطلب تشيكن مرجريتا – ميسكت تشيكن وز مشروم – تشيكن بارميزان
فاطمه :- استنا بس ده دواه كحه ولا ايه بالظبط
اكرم:- احم لاء دى وجبات ف
فاطمه:- قطعته وقالت بلا وجبات بلا تشيكن هات يا عمو كباب وبوفتيك
أكرم :- بص ليها بصدمه وبعدين بص ليهم بأحراج وقال تمام وانا هاخد زيها
فاطمه :- وكترو السلطه الله يخليكم
أكرم :- حط أيده على وشه من الاحراج وطريقة فاطمه
ايه :- اشطا وانا كمان هاخد زى طمطم واكرم
فاطمه :- انبى عسل
ايه :- ده انتى لقطه طلعتى اكتر من الكلام اللى قاله أكرم عليكى ده انتى مشكله
فاطمه :- ابقى قوليلى قال عليا ايه
جاسمين:- قربت من مكرم وقالت ايه اللى اخوك بيحبها دى دى طلعت لوكل اوى
مكرم :- هو حر دى حياته محدش ليه دعوه بيها
جاسمين :- اوك ورجعت تانى وقعدت تبص على أكرم وهو بيتكلم مع فاطمه بغيظ
وبعد وقت الاكل وصل وكانت فاطمه بتاكل بسرعه رهيبه
أكرم :- قرب منها وقال براحه هو فيه حد بيجرى وراكى
فاطمه :- وهو الاكل فى بؤقها قالت أنا مش بعرف اكل غير كده مليش فى جو الشوك وحته حته دى الكلام ده فقع مراره
اكرم:- ابوس ايدك بلاش تتكلمى والأكل فى بؤقك حاجه مقرفه اوى
فاطمه :- انا حره على فكره ملكش فيه
أكرم :- لاء ليا فيه لأنك قدام اهلى انتى حبيبتى
فاطمه :- بصوت واطى حبك برص يا بعيد
أكرم.:- سمعتك على فكره
فاطمه :- وانا مش بخاف على فكره
أكرم :- بصلها بغيظ وقعدو يا كلوا وكل ده و جاسمين قاعده متابعاهم
وبعد وقت الكل خلص اكل واشتغلت اغنية سلو
ايه :- الله تعال يا اكرم ارقص معايا
أكرم:- عندك مكرم انا مش قادر ارقص مع حد
ايه :- غلس تعال انت يا مكرم
مكرم :- لاء انتى عارفه مليش فى جو الرقص ده
ايه :- والله العظيم انتو الاتنين غلسين تعال انت يا بابا
منير :- تعالى يا عيون بابا وقام مع بنته يرقصوا مع بعض
وفاء :- قوم يا اكرم ارقص مع جاسمين بنت عمك
أكرم :- لاء طبعآ انا هرقص مع فاطمه
فاطمه :- فاطمه مين انا
أكرم :- داس على رجليها من تحت وقال يلا يا حبيبتى انا مش بهزر
فاطمه :- رجليها وجعتها وقالت ااااه م.م.ماشى وقامت مع اكرم
جاسمين :- شوفتى يا طنط مرضاش يرقص معايا ورقص مع البنت البيئه دى
وفاء :- ما هو من حقه برضه يا حبيبتى مش هينفع يسيب حبيبته قاعده ويرقص معاكى وبصت لمكرم وقالت قوم انت مع بنت عمك يا مكرم
مكرم :- ماشى ووقف وقال اتفضلى
جاسمين :- وقفت وقالت ميرسى وراحت ترقص مع مكرم وتراقب أكرم وفاطمه
أكرم:- وهو بيحاول يضحك قدام الناس قال مش قادره تتعاملى بأسلوب ارقى من كده شويه
فاطمه :- والله هى دى طريقتى لو مش عجبك روح هات واحده تانيه تمثل عليهم دور حبيبتك
أكرم :- اضحكى علشان بتبص علينا
فاطمه :- ضحكة وقالت وهى بدوس على سنانها يا مهون ده انتو عيله خنيقه مش فيكم غير البت ايه وربنا
ايه :- تشكرى يا ذوق
أكرم :- انتى راميه ودنك عندنا ليه
ايه :- انا سمعت أسمى فقولت اشوف فيه ايه وبعدين انت مش كنت تعبان ولا تعبان ليا ومش تعبان لطمطم
أكرم :- تعبان يلف على رقبتك يا بعيده امشى يا بت بلاش رميت الودان دى وبعد عنها
فاطمه :- شبهك على فكره اوى ودمها خفيف زيك
أكرم :- اعتبرها معاكسه ليا دى
فاطمه :- احم م.م.مش قصدى
أكرم :- نامى على كتفى
فاطمه :- نعم
أكرم :- نامى على كتفى علشان هى بتبص علينا ومفيش اتنين احباب بيرقصوه وهما بعاد كده عن بعض
فاطمه :- تصدق بأيه
أكرم :- لا إله إلا الله
فاطمه :- انتو عيله هزوق
أكرم :- بصدمه ايه
فاطمه :- اه والله زى ما بقولك كده عيله هزوق اوى ايه اللى علشان بنحب بعض لازم انام على كتفك ليه كنت جوزى
أكرم :- هو الرقص كده
فاطمه :- رقصة نفسكم على عود ازرق وسابته وراحت قعدت على الترابيزه
أكرم :- يا بنت المجنونه وبص حاوليه
جاسمين:- قربت عليه وقالت سابتك ليه معندهاش دم صحيح
اكرم:- لاء هى تعبت شويه استأذنت منى وراحت تقعد
جاسمين :- سابت مكرم وراحت عند اكرم وقالت خلاص يا مكرم اقعد انت بقى انا هكمل رقص مع اكرم
مكرم :- اتغاظ منها وسابها ومشى خالص من المطعم
أكرم :- انتى احرجتى مكرم على فكره
جاسمين :- قربت منه وحطت ايديها على كتفه وقالت هو مكانش عايز يرقص معايا اصلا بس طنط قالت ليه يرقص معايا علشان مقعدش لوحدى
أكرم :- حط أيده فى وسطها ورقص معاها وهو مضايق منها
جاسمين :- ممكن اقولك على حاجه
أكرم :- امم اتفضلى
جاسمين :- انت ازاى قادر تتعامل مع اللى اسمها فاطمه دى دى بيئه اوى
أكرم :- بغيظ جاسمين اتكلمى عنها عدل دى حبيبتى وهتبقى مراتى قريب اوى
جاسمين :- سورى بس انتو مش لايقين على بعض خالص
أكرم :- دى حاجه تخصنا ملكيش دخل فيها
جاسمين :- اوك براحتكم
فاطمه :- كانت متابعه أكرم وجاسمين بغيظ وقامت راحت عندهم وقالت ممكن يا حبيبتى ارقص مع حبيبى
جاسمين :- مش انتى اللى سبتيه وروحتى قعدى
فاطمه :- معلش اصل بعيد عنك جالى شد عضلي
أكرم :- كتم ضحكته على كلام فاطمه
جاسمين :- اوه الف سلامه عليكى يا حبيبتى ده اكيد من الدهون اللى فى جسمك
فاطمه :- اصل انا بحب اكون بطه فى نفسى كده بطل ما ابقى عامله زى خلة الاسنان شبهك كده ممكن بقى تبعدى علشان ارقص مع كرومتى
جاسمين :- اتغاظت وسابت أكرم ورجعت قعدت على الترابيزه
فاطمه :- وهى جاسمين ماشيه قالت البلدى يوكل يا مزه هههههههههه
أكرم :- هههههههههههههه
فاطمه :- بغيظ بتضحك على ايه
أكرم :- كلامك بجد فظيع
فاطمه :- ما انت كنت بترقص معاها حلو اوى انتى جايبنى علشان تبعدها عنك ولا علشان تشعلل نار الغيره فى قلبها وتقربها اكتر ليك
أكرم :- لاء والله علشان ابعدها عنى بس انتى لما مشيتى وسبتينى جت هى ورقصت معايا
فاطمه :- طيب ممكن حضرتك تتكرم وتيجى تروحنى
أكرم :- اكيد طبعآ اتفضلى نستأذن منهم ونمشى
وراحو عند الترابيزه وقال احنا هنمشى بقى
ايه :- ما لسه بدرى
فاطمه :- معلش علشان الوقت تأخر عليا انا
جاسمين :- كده أتأخر شكلكم بتنامو بدرى شبه الفراخ
فاطمه :- ايوه بنام بدرى شبه الفراخ مش احسن من العرسه اللى بتسهر الليالى
الكل ضحك على كلمة فاطمه
جاسمين :- بغيظ انتى واحده قليلة ادب
فاطمه :- على الأقل انا قليلة ادب احسن من اللى معندهاش ادب خالص
جاسمين :- سامع يا عمو منير
منير :- يا حبيبتى هى بتهزر معاكى وانتى اللى بدأتى الكلام بالطريقه دى
فاطمه :- وربنا انت راجل عسليه وانا حبيتك
منير :- ههههههههه دمك شربات
أكرم :- طيب ايه نجيب ليكم شجره واتنين ليمون
منير :- ياريت تيجى يا بطه
فاطمه :- وانا اقدر ارفض يا روح بطه ههههههههه
أكرم :- ما تتلمى يا بت وامشى قدامى
فاطمه :- هههههههههههه حاضر بس متزقش وسلمت عليهم كلهم وجت على جاسمين وقالت سورى مش بسلم على عرس وخرجت مع اكرم وسابت جاسمين هضق وتموت من الغيظ
أكرم :- بغيظ خفى هزار شويه
فاطمه :- ليه
أكرم :- كده ومتسأليش كتير
فاطمه :- انت بتكلمنى كده بصفتك ايه خلاص احنا مش قدامهم يعنى متعش الدور اوى واحنا لوحدينا متنساش أن دى لعبه
أكرم :- عارف ان دى لعبه بس حافظى على برستيجى قصادهم لان انا وانتى واحد فاهمه
فاطمه :- يادى ام الشغلانه السوده دى ربنا يسهل ممكن بقى تروحنى
أكرم :- اتفضلى اركبى
فاطمه :- ركبت جنبه وقعدت تبص من الشباك وتفكر فى كلام امه واخته ليها أن هو بيتكلم علطول عليها قصادهم بصت ليه وقالت صحيح يا اكرم كنت عايزه اسألك سؤال
أكرم :- وهو سايق العربيه اسألى
فاطمه :- هو انت ليه تملى بتحكى عليا قدامهم
أكرم :- ها م.م.ما علشان ارسم عليهم اللعبه كويس
فاطمه :- امم ماشى
أكرم :- بص ليها بتوتر وبعدين بص قصاده على الطريق وبعد وقت وصل عند بيت فاطمه
فاطمه :- نزلت من العربيه وقالت بكره فيه تمثيل تانى ولا اجازه
أكرم :- لاء اجازه
فاطمه :- احسن برضه عن اذنك وسابته ومشيت
أكرم :- نزل من العربيه ونده على فاطمه وقال فاطمه
فاطمه :- بصت ليه وقالت نعم
أكرم :- ممن رقم تليفونك
فاطمه :- ليه أن شاءالله
أكرم :- علشان لو احتاجتى فى حاجه تخص اتفقنا
فاطمه :- قالت ليه الرقم وقالت ابقى اتصل انت علشان انا باقه تلاقيك انت خط بزنس يا بختك ولعه
أكرم :- ههههههههههههه حاضر
فاطمه :- سلام وسابته ومشيت
أكرم :- بص عليها لحد ما اختفت واتنهد وركب عربيته وروح على الفيلا
~•~•~•~•~•~•~•~•~•~•~•~•~•
بقلمى #دودومحمد