تمرد صحفيه بقلم {دودومحمد}
✍️تمرد صحفيه✍️
?الفصل الرابع عشر ?
فى الصعيد
فاقت ميرفت وبصت حاوليها لاقت نفسها نايمه فى اوضه غريبه اتخضت وقامت من على السرير بس كانت لسه دايخه وقعت على الأرض وقامت سندت على الحيطه وفتحت الباب فتحه صغيره وبصت ملاقتش حد موجود فتحته وطلعت تجرى وراحت تفتح باب الشقه بس سمعت صوت بيقولها رايحه فين لفت وبصت بصدمه وقالت انت
حمزه :- انا هو انتى تعرفينى
ميرفت :- بخوف ا.ا ايوه اعرفك حضرتك ظابط
حمزه :- صح بس انتى تعرفينى منين
ميرفت :- ها ا.ا.انا عايزه امشى لو سمحت ولسه هتفتح الباب
حمزه :- استنى هنا رايحه فين
ميرفت :- ع.ع.عايزه امشى
حمزه :- ماشى ثوانى هوصلك للمكان اللى انتى عايزه بس مقولتيش تعرفينى منين
ميرفت:- اتقابلنا مره ممكن بقى امشى
حمزه :- طيب ثوانى اجيب المفاتيح واجى اوصلك
ميرفت :- ل.ل لا شكرآ بس هو انا كده فى اسكندرية
حمزه :- لاء فى الصعيد
ميرفت :- بخوف فين
حمزه :- انتى ايه حكايتك بالظبط
ميرفت :- م.م.مفيش بس انا جيت هنا ازاى
حمزه :- اغمى عليكى من الخضه جبتك معايا فى العربيه هنا لما لاقيتك مش بتفوقى وسألت على دكتور وجبته ليكى وقال انك كويسه بس عندك شوية ضعف من قلة الاكل لأن واضح مأكلتيش من كذا يوم والاغماء ده من الخضه واداكى حقنه مهدئه وقال انك مش هتقومى غير متأخر بس كده
ميرفت :- ش.ش.شكرآ ممكن امشى بقى
حمزه :- قولتلك مينفعش اسيبك تنزلى لوحدك وبالذات هنا الناس بتبقى نايمه من بدرى ومفيش حد فى الشوارع
ميرفت :- هو حضرتك معاك تليفون
حمزه :- ايوه محتاجه
ميرفت :- بعد اذنك
حمزه :- جابه ليها وقال خدى اهو
ميرفت :- كان معايا شنطه ممكن اعرف فين هى
حمزه:- كانت جنبك فى الاوضه ثوانى اجبها ليكى ودخل جابها وقال خدى اهى
ميرفت :- شكرآ واخدت الشنطه منه ودورت على الرقم اللى ابوها ادهولها ولاقته مسكت تليفون حمزه وطلبت الرقم وانتظرت الرد وبعد وقت ردت عليها واحده وسألتها ميرفت على اسم الراجل اللى ابوها قالها عليه بس اتصدمت لما عرفت أن الراجل ومراته ماتو فى حادثه من كام يوم قفلت السكه وقعدت على الأرض وقعدت تعيط
حمزه:- بصلها وقال احم خير يا مدام
ميرفت :- بدموع انسه مش مدام
حمزه :- اسف خير فيه حاجه حصلت
ميرفت :- بدموع ها ل.ل.لا ووقفت ومدت ايديها بالتليفون وقالت ليه شكرآ واخدت شنطتها وفتحت الباب ونزلت من غير ولا كلمه
حمزه:- بصلها بأستغراب وهى ماشيه وقفل الباب وراها ولسه هيدخل شاف الرقم اللى كان فى ايديها ومعاه عنوان فتح الباب ونزل علشان يديها الرقم بس لاقها قعده على السلم وعماله تعيط قال ليها انتى لسه هنا
ميرفت :- هزت راسها وقالت بدموع معنديش مكان اروحو
حمزه :- انتى كنتى رايحه فين ولا جايه منين ساعة ما وقعتى قدام العربيه
ميرفت :- مش حابه احكى ممكن ووقفت وقالت اسفه على ازعاجك ولسه هتنزل
حمزه :- هتروحى فين
ميرفت :- اى مكان ونزلت
حمزه :- يا انسه ممكن تيجى تنامى عندى لحد الصبح
ميرفت :- لاء شكرآ مش عايزه اسبب لحضرتك ازعاج ولا مشاكل مع المدام
حمزه :- انا مش متجوز ومفيش ازعاج ولا حاجه
ميرفت :- برضه مينفعش انام مع شاب فى شقه لوحدنا
حمزه :- انا اصلا مش قاعد انا شويه ونازل الشغل ومش هرجع غير الصبح
ميرفت :- سكتت ومردتش عليه
حمزه:- خلاص براحتك وسابها ولسه هيطلع
ميرفت :- احم م.م.ماشى موافقه
حمزه :- اتفضلى اطلعى
ميرفت :- طلعت معاه وهى متوتره ودخلت الشقه وحطت الشنطه فى الارض وقالت ا.ا.انا هقعد هنا لحد الصبح بس وهمشى
حمزه :- براحتك
ميرفت :- قعدت على الكنبه وقعدت تاكل فى ضوافرها
حمزه :- لو جعانه فيه سندوتشات طازه اهى جيبها معايا واحنا جاين
ميرفت :- ش.ش.شكرآ مش جعانه
حمزه :- قعد شويه وقال مش هتقولى اتقابلنا فين
ميرفت :- دعكت ايديها فى بعض وقالت مش حابه احكى حاجه ممكن
حمزه :- براحتك بس انا فاكر أن شوفتك قبل كده بس فين وأمته مش قادر افتكر
ميرفت :- احم هو ازاى حضرتك فى الصعيد وشغلك فى اسكندريه
حمزه :- اتنقلت هنا فى الصعيد
ميرفت :- احم م.م.ماشى
حمزه :- وانتى معنى كلامك انك كنتى عايشه فى اسكندريه ايه جابك الصعيد
ميرفت :- ها ظ.ظ.ظروف
حمزه:- عمومآ انا هدخل اجهز نفسى ونازل ومش هاجى غير الصبح بس طبعآ انا هقفل عليكى الباب والصبح لما اجى انا ابقى امشى انتى
ميرفت :- بس انا كنت عايزه امشى اول ما النهار يطلع
حمزه :- سورى يعنى انا اعرفك منين علشان اسيبك فى الشقه لوحدك واسيب الباب مفتوح مش ممكن تكونى حراميه انا لازم أمن نفسى
ميرفت :- وقفت وقالت انا اسفه لحضرتك وعلشان الإحراج انا همشى
حمزه :- بعصبيه هو يا اما اسيب الباب مفتوح يا اما تمشى دلوقتى هتفرق معاكى ايه الكام ساعه دول
ميرفت :- بخوف خ.خ.خلاص هقعد والدموع نزلت من عينيها
حمزه :- هو انا كلمتك علشان تعيطى
ميرفت :- ا.ا.انا اسفه
حمزه :- هوف انا داخل اوضى اجهز وسابها ودخل اوضه غير هدومه وخرج من الاوضه وقال السندوتشات عندك لو جوعتى انا ماشى وخرج من باب الشقه وقفله بالمفتاح وراح على شغله
ميرفت :- اول ما نزل حمزه قعدت تعيط وتقول يا ترى يا بابا عامل ايه دلوقتى يارب هونها عليا انا مش عارفه هروح فين بكره مليش حد اروح ليه ولو روحت شقتنا اول مكان هيدورو فيه اعمل ايه بس يارب
~•~•~•~•~•~•~•~•~•~•~•~•~•
فى شركة خالد الحناوى
فى مكتب علاء
وصلت منتهى الشركه وطلعت عند سكرتير مكتب علاء وطلبت منه انها تقابله ودخل السكرتير يبلغ علاء بوجود منتهى وبعد شويه خرج السكرتير وبلغها أن علاء منتظرها فى المكتب بتاعه ودخلت منتهى وقالت
منتهى :- السلام عليكم
علاء :- وعليكم السلام اتفضلى يا انسه منتهى
منتهى :- احم شكرآ وقعدت وقالت انا كنت جايه لحضرتك بخصوص الحوار اللى عملته مع حضرتك
علاء :- هههههههه طيب خدى نفسك الاول وبعد كده نتكلم فى الشغل تشربى ايه
منتهى :- شكرآ حضرتك
علاء :- لاء ازاى لازم تشربى ومسك تليفون المكتب وطلب عصير ليمون وقفل وقال ها كنتى عايزه تقولى ايه
منتهى :- احم كنت جايه اعرضه على حضرتك قبل النشر علشان لو حابب تغير حاجه فيه وحطت الورق قدامه
علاء :- يا انسه منتهى انا مش بغير كلامى وعارف انا قايل ليكى ايه كويس اوى فى الحوار ولو كنت مش حابب انشره مكنتش قولته وفي الوقت ده وصل العصير وحطه قدام منتهى وخرج
منتهى :- بس حضرتك احنا لازم نعرض عليك الحوار قبل النشر علشان متجيش تعترض على حاجه بعد كده
علاء :- يا ستى اتوكلى على الله وانشرى شغلك
منتهى :- انا بشكرك جدآ على سعة صدرك ليا وأسفه جدآ على الوقت اللى عطلتك فيه
علاء :- متقوليش كده باللعكس انتى منورانى
منتهى :- احم شكرآ لحضرتك ووقفت وقالت عن اذنك
علاء :- ثوانى رايحه فين كده
منتهى :- ماشيه
علاء :- لاء لازم تكملى العصير بتاعك
منتهى :- شكرآ ليك بس مش هقدر
علاء :- انا اول مره اطلب منك طلب تكسفينى
منتهى :- احم لاء مقدرش اكسف حضرتك طبعآ وقعدت تشرب العصير وهى مكسوفه ومتوتره
علاء :- انسه منتهى
منتهى :- نعم
علاء :- انتى مخطوبه او مرتبطه
منتهى :- اتوترت وقالت احم ل.ل.لا
علاء :- انا عارف انك مستغربه من سؤالى بس انا شخصيه مش بتحب اللف والدوران والصراحه انا عجبنى شخصيتك واحترامك وانا من الصعب اعجب بواحده لان انا الحمدالله ملتزم ومش بحب اغضب ربنا علشان كده اول ما حسيت أن انا بتشد ليكى قولت ادخل دغرى علطول وأسألك لو مفيش حد فى حياتك انا اجى اتقدملك
منتهى :- وشها احمر من الكسوف وقالت احم شوف اللى حضرتك عايزه وانا معاك فيه
علاء :- مش اللى انا عايزه انتى عايزه ايه حابه الموضوع ولا لاء
منتهى :- احم ا.ا انا معنديش مشكله
علاء :- تمام هبلغهم عندى فى الفيلا وهشوف ايه الوقت المناسب وابلغك بيه
منتهى :- وقفت وهى بصه على الأرض بكسوف وقالت إن شاءالله احم همشى انا بقى
علاء :- طيب ممكن رقم تليفونك
منتهى :- نعم
علاء :- رقم تليفونك علشان نظبط الميعاد مع بعض
منتهى :- اه ماشى وقالت ليه رقم التليفون واستأذنت منه ومشيت علطول
علاء :- بص عليها وهى خارجه وابتسم وقال سبحان من أبدع وصور
~•~•~•~•~•~•~•~•~•~•~•~•~•
فى شقة سعيد
وصل أدهم وداليا الشقه عند سعيد ودخلت داليا تجرى على اوضتها ووقف ادهم على الباب
سعيد :- تعال يا ابنى اتفضل
ادهم:- لاء انا ماشى
سعيد :- ميصحش تيجى مرتين وتمشى من على الباب كده ومسك أيده وقال تعال بس ادخل
ادهم :- بص على ايد سعيد اللى ماسكه أيده ودخل معاه من غير ما يعترض ولا ينطق كلمه واحده
سعيد :- اتفضل اقعد على ما ادخل اشوف البت داليا واجيلك
ادهم :- قعد من غير ما يرد عليه
عند داليا فى الاوضه
دخلت اوضتها تجرى ووقفت قدام المرايا وبصت على نفسها وقالت
داليا :- ايه يا داليا مالك مش واخده عليكى كده ايه بيحصلك لما يقرب منك ايه معنى الشعور اللى بيجيلى لما بيلمس ايديا ليه بتوه فى عيونه لما يبص ليا فيكى ايه انتى قويه عمرك ما هتضعفى وغمضت عينيها وقالت اطلع من دماغى بقى بلاش صورتك دى اللى بتظهر قصاد عيونى
سعيد :- عمرهم ما هتخرج منك
داليا :- فتحت عيونها وقالت بخضه بابا
سعيد :- راح عندها وقال ادهم دلوقتى ساكن هنا وشاور على قلبها وقال مستحيل يطلع من هنا وهنا وشاور على قلبها وعقلها
داليا :- أدت ضهرها لابوها وقالت ا.ا.ايه اللى حضرتك بتقولو ده لاء طبعآ مفيش حاجه من دى
سعيد :- لفها ليه وقال انا ابوكى وحفظك اكتر من نفسك وعيونك فضحاكى مش عيب انك تحبى ده بالعكس هيساعدك كتير فى تعديل شخصية أدهم لأنك هتبقى بتساعديه علشانك علشان عايزه الشخص اللى بتحبيه سعيد ومبسوط ومفيش حاجه بتوجعه من جواه
داليا :- لاء يا بابا الحب ضعف وانا عمرى ما هقبل اكون ضعيفه
سعيد :- غلطانه يا حبيبتى الحب قوه وترابط مابين اتنين ولو واحد ضعف التانى يقويه
داليا :- ده كلام افلام يا بابا أن الحياة بمبى والبطل يقول بصوت عالى بحبك وهى ترد عليه بنفس الصوت العالى بحبك ويجرو على بعض ويكتبو النهايه لاء يا بابا الحب الحقيقى هو عذاب وخوف من الفراق وجع من الاشتياق تمرد من الحبيب وتكبر من الحبيبه كأنها حرب ولازم حد فيهم يطلع كسبان ويفضل الصراع مشتعل ما بين الاتنين والنهايه معروفه يا فراق ودموع يا ترضه بالمقسوم وبرضه دموع
سعيد :- فى ايدك انتى اللى تكتبى النهايه تكون شكلها ايه يا تختارى وجع وفراق يا سعاده وبقاء
داليا :- ازاى
سعيد :- زى انك تزرعى زارعه فى الارض لو زراعتيها صح هتستمتعى بثمارها لو أخطأتى فى زراعها المحصول كله هيبوظ ومش هتستفادى حاجه وتعبك هيروح على الفاضى اهم شئ فى كل حاجه البدايات اتعبى شويه فى الاول وهترتاحى بعدين هتتعذبى مع ادهم فى الاول كتير بس لما يشوفك بتستحملى وواقفه جنبه غصب عنه هيحبك وهيغير من نفسه علشانك وسعتها هتشوفى شخص تانى شخص مشتاق لجرعة حنان منك هيبقى شبه الطفل الصغير اللى محتاج حنان أمه هيحاول يعيشك ويعوضك عن اللى عمله معاكى هيبقى مديون ليكى بعمره كله علشان انتى رجعتيه للحياه وسعتها هتكونى حصدى ثمارك اللى تعبتى في زارعو فى الاول
داليا :- بس حاسه ان الكلام ده صعب مع أدهم اوى يا بابا
سعيد :- هههههههههه مفيش حاجه صعبه ادهم اضعف ما يمكن استمرى فى اللى انتى بتعمليه وشوفى بعينك النتيجه لو كنت عايش هفكرك لو كنت ميت هتقولى الله يرحمك يا بابا كان عندك حق فى كلامك
داليا :- بعد الشر عليك يا بابا
سعيد :- يا حبيبتى الموت عمره ما كان شر الموت ده حقيقه فى حياتنا واجلا عاجلا هيحصل بس ربنا يحسن خاتمنا يارب ويجمعنى بأمك على خير
داليا :- خلاص بقى يا بابا قفل على موضوع الموت ده ربنا يجعل يومى قبل يومك
سعيد :- ربنا يخليكى لشبابك يا حبيبتى يلا غيرى هدومك علشان تحضرى الاكل علشان خطيبك ياكل لقمه معانا
داليا :- خطيبى هو لسه هنا
سعيد:- فى الصالون
داليا :- اكيد حضرتك اللى مسكت فيه ودخلتو
سعيد :- قومى يلا وبطلى لك
داليا :- يوووووه يا بابا بقى مكنتش مسكت فيه
سعيد :- امشى قدامى بلاش دلع
داليا :- والله يا بابا عليك حاجات تجن
سعيد :- دى اصول يا حبيبتى مدام جه فى وقت عشا يبقى لازم ياكل عندنا
داليا :- يادى ام الأصول اللى حضرتك متمسك بيها دى
سعيد :- بطلى كلام كتير وقومى يلا حضرى الاكل
داليا :- حاضر يا بابا حاضر
عند ادهم فى الصالون
كان قاعد منتظر سعيد وتليفونه رن طلعه من جيبه لاقه أكرم رد عليه وقال
ادهم :- عايز ايه
أكرم :- ايه يا ابنى فينك قولت هتيجى الشركه متأخر ومجتش
ادهم :- اتأخرت فى المشوار اللى انا كنت فيه عايز ايه
أكرم :- مش عايز حاجه انا بطمن عليك بس
ادهم :- انا كويس عملت ايه فى موضوع ميرفت
أكرم :- اخر حاجه عرفتها انها اتخطبت امبارح ومشيت هى واهلها بليل
ادهم :- راحو فين
أكرم :- محدش يعرف
ادهم:- ولما هى اتخطب امبارح وناويه تسيب الشركه مش كانت لازم تقدم استقالتها
أكرم :- ما هو ده اللى بحاول اوصله ايه السبب اللى خلاها تعمل كده وتسيب الشركه من غير ما تقدم استقالتها
ادهم :- ماشى اعرف الموضوع ده ايه وبلغنى
أكرم :- ماشى اقفل اقفل دلوقتى
ادهم :- فيه ايه يا ابنى
أكرم :- مفيش مفيش سلام وقفل السكه
ادهم:- بنأدم مش طبيعى
سعيد :- دخل وقال معلش يا ابنى اتأخرت عليك
ادهم :- مفيش مشكله ووقف وقال انا همشى بقى
سعيد :- اقعد يا حبيبى قولتلك هتاكل معانا وبعدين انا عملت حجتك وخلتها هى تحضر الاكل مكانى هههههههه دى معجزه
ادهم :- امال فين امها
سعيد :- الله يرحمها ماتت
ادهم:- اه ربنا يرحمها
سعيد :- كانت داليا صغيره بس مش اوى وماتت امها وهى بتولد مؤمن وانا رفض الجواز وان اجيب ليهم مرات اب وقررت أن انا اللى اربيهم واعيش ليهم هما بس اللى باقى من حياتى
ادهم :- بحسره قليل اوى اللى بيعمل زيك كده ويخاف على ولاده من بهدالة مرات الاب اكترهم بيفكرو فى مصلحتهم هما الاول من غير ما يفكرو فى مصلحة أولادهم
سعيد :- حس بوجع أدهم فى الكلام وقال مفيش اب بيكره اولاده كل اب بيكون جواه حب لأولاده وبيتمنى يشوفهم احسن الناس واحسن منه هو كمان بس بيبقى ساعات الظاهر قدام الاولاد غلاف القسوه من الاب علشان بيكون شديد عليهم وعايز يخليهم يعتمدو على نفسهم هما
ادهم :- بوجع غلطان فيه ابهات بيتمنو الموت لأولادهم علشان بس يرضى المدام ويشوفها سعيده ومبسوطه
سعيد :- فهم أن ادهم بيتكلم على نفسه وحاول يخرج اللى جواه قال وساعات بتبقى مرات الاب احن من الام
ادهم :- هههههههههههه ولا ام حنينه ولا مرات اب الاتنين اوسخ من بعض
سعيد :- حرام الام والاب مهما عملوا ميتقلش عليهم كده ده ربنا أمرنا اننا نعاملهم معامله حسنه حتى لو عملو ايه وقال سبحانه وتعالى
بسم الله الرحمن الرحيم
{ وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَىٰ وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ (14) وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا ۖ وَصَاحِبْهُمَا فِي الدُّنْيَا مَعْرُوفًا ۖ وَاتَّبِعْ سَبِيلَ مَنْ أَنَابَ إِلَيَّ ۚ ثُمَّ إِلَيَّ مَرْجِعُكُمْ فَأُنَبِّئُكُم بِمَا كُنتُمْ تَعْمَلُونَ}
صدق الله العظيم
وايات كتير اوى بتعظم دور الاب والام وايات كتير ربنا بيأمر فيه البنأدم أن هو يعامل الوالدين بأحسان ومعروف فيه اكتر من ربنا لما قال وإن جاهداك على أن تشرك بى ما ليس لك به علم يعنى عظمه ربنا كبيره فى الايه دى بيأمرك انك تصاحبهم فى الدنيا معروفه حتى لو طلبو منك انك تشارك بيه
ادهم :- مكانش مضايق من كلام سعيد باللعكس كان مرتاح ومنتظر منه المزيد
سعيد :- يا ابنى فيه ربك بالمرصاد واعلم بعباده حتى لو يوم اتظلمت من اقرب الناس ليك ربك قادر يجيب ليك حقك ربنا قال سبحانه وتعال
{وعزتي وجلالي ﻷنصرنك ولو بعد حين}
ربك رب مظلومين ومهما حصل اعرف ان ليك رب كبير واعلم باللى جواك وقادر يبدل حزنك وهمك لفرحه كبيره تنسيك الدنيا وما فيها بس انت اشكر ربنا فى كل حاجه فى الضراء قبل السراء
ادهم :- بص ليه ومردش عليه
سعيد :- بتبصلى كده ليه يا ابنى
ادهم :- يمكن لو كان عندى اب زيك كانت حياتى اختلفت كتير وكنت بقيت واحد تانى غير اللى انا فيه دلوقتى
سعيد :- وانا هكون سعيد بأن عندى ابن زيك واى نصيحه ولا استشاره محتاجهم انا موجود فى اى وقت
وفى الوقت ده دخلت داليا ومن غير ما تبص لادهم قالت
داليا :- بابا الاكل جاهز
سعيد :- ماشى يا حبيبتى احنا جاين وبص لادهم وقال قوم يلا معايا
ادهم :- قام مع سعيد وخرجو من الباب وكانت داليا واقفه مشى من جنبها من غير ولا كلمه
داليا :- لما ادهم مشى من جنبها حست بشعور غريب غمضت عينيها وبدأت تشم رايحة برفان ادهم وتكتم نفسها علشان تحتفظ بيها اكتر وقت ممكن
سعيد:- داليا يا داليا
داليا:- ها ن.ن.نعم
سعيد :- يلا يا حبيبتى تعالى واقفه عندك ليه
داليا :- ح.ح.حاضر وراحت قعدت على كرسى بعيد عن ادهم
مؤمن :- هو مش المفروض تقعدى جنب خطيبك
داليا :- ملكش فيه خليك فى حالك
سعيد :- كلام اخوكى صح اقعدى جنب خطيبك
داليا :- يا بابا
سعيد:- داليا اسمعى الكلام
داليا :- اتنهدت وقالت حاضر وقامت وقفت وراحت قعدت على الكرسى اللى جنب ادهم
سعيد:- اتفضل كل يا ابنى
ادهم :- مد ايديه وبدء ياكل
مؤمن :- ايه نطلب الإسعاف
ادهم :- ابتسم وقال شكلها كده
داليا :- ههه يا خفه بلاش انت يا بتاع البيض المقلى
مؤمن :- على الاقل بحاول اعمل اكل الدور والباقى على المفجوعه اللى عايزه تاكل بس
داليا :- بس يا بابا ابنك خليه يسكت
سعيد :- بس يا مؤمن ملكش دعوه بأختك
مؤمن :- وانا كلمتها يا بابا
سعيد :- احترموا نفسكم بقى احنا عندنا ناس
مؤمن :- بغيظ حاضر
داليا :- طلعت لسانها لمؤمن تغيظه
ادهم :- شافها وحاول يكتم الضحكه
مؤمن :- بص يا بابا هى اللى بطلع ليا لسانها
سعيد :- يخربيت كده انا حاسس ان انا عايش مع اطفال الراجل يقول عليكم ايه اعقلوا شويه
مؤمن :- غلسه
داليا :- بصوت واطى دهول
ادهم :- مقدرش يمسك نفسه اكتر من كده اول ما سمع الكلمه دى من داليا ضحك بصوت عالى وكان اول مره يشوفوا ادهم وهو بيضحك من قلبه لكن شرق من كتر الضحك وقعد يكح
سعيد :- اديله مايه بسرعه يا داليا
داليا :- انت جاى تموت عندنا ولا ايه ولا علشان غلط وضحكة وقامت جابت مايه ومدت ايديها أدتها لادهم
ادهم:- وهو بياخدها منها لمس ايديها
داليا:- اتوترت اول ما لمس ايديها وسحبت ايديها بسرعه وهى بتسحب ايديها الكوبايه وقعت على الأرض اتكسرت
سعيد :- حصل خير حصل خير
داليا :- احم اسفه يا بابا وقعت من ايدى غصب عنى
سعيد :- مش مهم يا حبيبتى المهم خدى بالك من الازاز
داليا :- هلمو ونزلت تلم الازاز وهى متوتره ومسكت الازاز بأيديها وجرحها ونزلت دم
ادهم :- اتخض عليها ونزل عندها ومسك ايديها مسح الدم وقال مش تخلى بالك ولف المنديل على ايديها وقال تعالى اعقم الجرح ليكى
داليا :- ها وبصت ليه بأستغراب
ادهم :- حس بأندفاعه وقف وقال احم مش تخدى بالك كل حاجه بأندفاع كده
سعيد:- بص لادهم وابتسم لما شاف لهفته على داليا وقال قومى يا حبيبتى عقمى الجرح واحنا هنشيل الازاز
داليا :- بتوتر ح.ح.حاضر ومشيت من قدام ادهم ودخلت الحمام
سعيد :- قوم يا مؤمن شيل الازاز ده
مؤمن :- نعم وانا مالى
سعيد :- اسمع الكلام
مؤمن :- انا لو اعرف ان البنات هى اللى بتستريح والشباب اللى بتخدم كنت حولت من زمان
سعيد :- امشى يا ابن الكلب
مؤمن :- طيب كويس أن بابى مش هنا كان زعل منك اوى وانت بتشتمه
ادهم :- هههههههه على فكره انت فيك من اخويه فادى كتير
مؤمن :- طيب ما نبدل انا واخوك ينبكم ثواب
سعيد :- بطل لك واخلص
مؤمن :- حاضر ابابى وبدء يلم الازاز
سعيد :- هو واخوه عكس بعض جدآ حمزه جد زياده عن اللزوم وده هلس زياده اللزوم
مؤمن :- وقف وهو الازاز فى ايديه وقال يا بابا الراجل الفرفوش رزق ومشى علشان يرمى اللى فى أيده
ادهم :- هههههه ربنا يخليهم ليك
سعيد :- يارب وقال بصوت عالى يا داليا خلصى الاكل برد
داليا :- حاضر جايه اهو
سعيد :- كل يا ابنى انت
ادهم :- لما الكل يجى
وجت داليا ومؤمن وقعدو وبدء ياكلو وبعد وقت طويل انتهو من الاكل وشالت داليا ومؤمن الاطباق وحضرو العصير وشربو وبعد وقت مشى ادهم وكل واحد دخل اوضه
~•~•~•~•~•~•~•~•~•~•~•~•~•
فى الصعيد
فى القسم
دخل حمزه مكتبه الجديد وقعد بكل ثقه وطلب فنجان قهوه وفى الوقت ده سمع صوت دوشه خارج المكتب نده على العسكرى وسأله وقال
حمزه :- ايه الدوشه اللى بره دى
العسكرى :- دول ناس جاين يعملو بلاغ اختفاء يا باشا
حمزه :- اختفاء ايه بالظبط طفل ولا ايه
العسكرى :- بيقولوا أن قريبتهم هربت منهم
حمزه :- دخلهم يا ابنى لما نشوف فيه ايه وقال لنفسه ابتدينا من اولها اهو ودخل العسكرى ومعا الناس وقال
العسكرى :- اهم يا باشا
حمزه :- ماشى اطلع انت وبص ليهم وقال خير
حسن :- اختى يا باشا هربت مننا ومش لاقينها
حمزه :- هربت ولا اختفت
حسن :- لاء هربت يا باشا
حمزه :- طفشت يعنى
حسن :- ايوه واحنا عايزين نوصل ليها بأى طريقه
حمزه :- مدام ماشيه بمزاجها يبقى احنا ملناش دعوه إنما لو كانت اختفت كان هيبقى فيه احتمال انها اتخطفت
حسن :- احنا عايزين نوصل ليها بأى طريقه ده فيها حياة أو موت يا باشا
حمزه :- اشمعنا إن شاءالله
احمد :- دى تبقى خطيبتى وبنت عمتى وكتب كتابنا كان المفروض بكره وهى سرقت الدهب كله اللى خطبها بى وانا ممكن اعمل محضر سرقه لو ده هيخليكم تدورو عليها وتجبوها
حمزه :- اذا كده ماشى نعملك محضر سرقه بس اللى اعرفه ان دى مش أخلاق الصعايده ازاى هتقبل تعمل لبنت عمتك محضر سرقه
احمد :- حقى ولازم اجيبه دى اخدت دهب امى وبعدين اخوها نفسه شاهد معايا وممكن اجبلك امها اللى هى عمتى تشهد معانا كمان
حمزه:- انتو حرين اسمها بالكامل وسنها ولو فيه صوره شخصيه ليها
حسن :- ميرفت ناصر ياسين محمد سنها اربعه وعشرين وصورتها ايه
حمزه :- اخد الصوره وبص فيها واتصدم وقال هى دى
احمد :- ايوه هى
حمزه:- معقول تكون دى حراميه
احمد :- ايوه معاها دهب يسوى كتير اوى بتاع امى
حمزه :- يا بنت ال ماشى مش هسيبك
حسن :- خير يا باشا انت شوفتها قبل كده ولا ايه
حمزه :- ها لاء عمومآ المحضر اتعمل واحنا هنشوف شغلنا ونبحث عليها
حسن :- بسرعه يا باشا الله يكرمك اهل البلد لو وصل ليهم خبر هروبها ده مش هنقدر نرفع راسنا قدامهم
حمزه :- أن شاءالله تقدرو تمشوا ولو وصلنا لحاجه هنبلغكم علطول احمد :- شكرآ يا باشا وحلاوتك متصانه متقلقش
حمزه :- بعصبيه رشوة مثلا
احمد :- ها مقصدش يعنى حلاوة استلامك عندنا فى البلد جديد
حمزه:- لاء شكرآ مش بقبل حلاوه ولا بقلاوه اتفضلوا يلا علشان اشوف شغلى
حسن :- اه طبعآ ربنا معاك وخرجو الاتنين من المكتب ومسك حمزه صورة ميرفت وقال
حمزه :- هندمك على اللحظه اللى فكرتى تضحكى عليا فيها واخد مفاتيحه والصوره وخرج يجرى راح على الشقه اللى ساكن فيها وفتح الباب ودخل لاقه ميرفت مش موجوده دخل يجرى ودور عليها فى الشقه وجه عند اوضه وفتحها لاقها نايمه على سريره اتفاجئ ووقف مكانه مش عارف يتصرف ازاى وبص على ملامح وشها مش مقتنع ان الوش ده يكون كداب وحراميه
ميرفت :- صحيت من نومها بصت حاوليها واتصدمت لما لاقت نفسها نايمه فى اوضت حمزه وحضنه صورة ابوها وبتعيط ولسه بتقوم لاقت حمزه واقف وبيبص ليها اتصدمت وقالت ا.ا انت رجعت تانى ليه
حمزه :- وهو بيبص ليها قال نسيت حاجه جيت اخدها بس ايه نيمك فى اوضى
ميرفت :- ها
حمزه :- ايه نيمك فى اوضى وعلى سريرى
ميرفت :- احم ض ض.ضهرى واجعنى من الكنبه دخلت نمت على السرير شويه على اساس انك جاى الصبح وانا اساسآ معرفش أن دى اوضك
حمزه :- وليه منمتيش فى الاوضه اللى كنتى نايمه فيها لما فوقتى
ميرفت :- احم م.م.معرفش بقى انا شوفت السرير دخلت نمت عليه وخلاص وقامت وقفت ولسه هتمشى
حمزه :- ميرفت
ميرفت :- وقفت مكانها مصدومه
حمزه :- مفكرانى مش هعرفك ده انا ظابط يا بت سرقتى الدهب وهربتى من أهلك وخطيبك وظبطى نفسك مع ظابط علشان محدش يجى فى تفكيره انك مستخبيه عنده لاء برافو بجد برافو عرفتى ترسمى الخطه وتنفيذيها صح واستخدمتى ملامح وشك علشان مش باين عليها انك واحده حراميه وكدابه
ميرفت :- بدموع انا مش حراميه ولا كنت اعرف انك هنا اساسآ وموضوع أن انا اقع فى سكتك دى صدفه مليش اى يد فيها وفعلا هربت من اهلى علشان عايزينى اتجوز غصب عنى واحد مش بحبه وحكاية الدهب دى انا مأخدش حاجه الدهب مع اخويه حسن وامى اخدو منى قبل ما ننزل من شقة اسكندريه والله هو ده اللى حصل ومش بكدب فى اى كلمه بقولها ليك
حمزه :- وانا ايه يخلينى اصدق كلامك
ميرفت :- تصدق ولا متصدقش انت حر عن اذنك ولسه هتمشى
حمزه :- رايحه فين هو دخول الحمام زى خروجه انتى مطلوبه لتحقيق معاكى ولازم تيجى معايا
ميرفت :- طلعت تجرى عليه ومسكت أيده وقالت بدموع ابوس ايدك بلاش انت كده هتأذينى
حمزه :- بص على ايد ميرفت اللى ماسكه أيده وسحبها من ايديها وقال قومى يلا معايا بلاش تمثيل شغل السهوكه ده مش هيمشى معايا
ميرفت :- بصت حاوليها شافت سكينه محطوطه على الترابيزه راحت عندها ومسكتها وقالت بدموع لو مبعدش عن سكتى وخلتنى امشى هموت نفسى حالا
حمزه :- بت انتى بلاش شغل جنان وهاتى السكينه دى
ميرفت :- بدموع انا عندى الموت اهون مليون مره من انى اتجوز واحد زى ده
حمزه :- انا مال امى انا انا ليا شغلى وانتو حرين مع بعض تتجوزى متتجوزيش مليش دعوه
ميرفت :- يعنى مصمم انك تخدنى عندهم وقربت السكينه اكتر منها وغمصت عينيها ولسه هتقطع شرايين ايديها
حمزه :- تابع حركاتها بدقه واول ما شافها غمضت عينيها وبتقرب السكينه لنفسها بحركه مفاجئه قرب منها ومسك دراعها ولفه وراه ضهرها وبالايد التانيه وقع السكينه من ايديها وقال جنب ودنها مفكرانى مش هقدر عليكى العبى غيرها يا شاطره
ميرفت :- بدموع والله العظيم انا مش حراميه ولا كدابه وهربت منهم علشان عايزينى اتجوز واحد مش بحبه والدهب معاهم مش معايا وانا واحده تعرف ربنا وعمرى ما اقدر اعمل حاجه تغضبه ولو اخدنى ليهم هيجوزونى ابن خالى غصب عنى
حمزه :- حس بصدق كلامها ورعشة جسمها بعد عنها وقعد على الكنبه وقال انتى هتفضلى هنا معايا وهقفل عليكى الباب كل يوم لحد ما اعمل تحريات عنك واتأكد من كلامك لو صح هسيبك لحال سبيلك لو بتكدبى هوريكى النجوم فى عز الضهر
ميرفت :- ابتسمت وهى الدموع نازله من عينيها وقالت بفرحه انا موافقه على اى حاجه ولا أن اتجوز البنأدم ده انا بشكرك اوى انك صدقت كلامى وهتساعدنى ومسحت دموعها بأيديها وهى نازله وقالت ا.ا انا مش هنسى جميلك ده ابدآ
حمزه :- خلصنا بقى اتفضلى ادخلى الاوضه اللى كنتى نايمه فيها اول ما جيتى
ميرفت :- ح.ح.حاضر وطلعت تجرى على الاوضه وقفلت الباب وراها وقعدت فى الارض وقعدت تعيط
حمزه :- سمع صوت عياطها قام بسرعه فتح الباب وخرج وقفله وراه بالمفتاح ونزل
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء فاطمه بفتح عيونها على صوت تليفونها بصت فيه لاقتها منتهى ردت وقالت
فاطمه :- يا صباح العسل على عيونك يا جميل
منتهى :- صباح الخير يا طماطم
فاطمه :- ها احكيلى بقى حصل ايه وقلك ايه فى المقابله بسرعه
منتهى :- فى التليفون طيب اصبرى لما نتقابل فى الشغل احكيلك كل حاجه
فاطمه :- لالالا معنديش صبر ها قولى بسرعه ايه حصل بينك وبين علاء
منتهى :- احم طلب ايدى
فاطمه :- بصدمه لاء بتهزرى احلفى
منتهى :- هههههههههه والله مش بهزر
فاطمه :- لولولولولولوى
منتهى :- هههههههههه يا مجنونه وانا بقولك اتخطبنا ده لسه طالب ميعاد علشان يجى يكلم بابا
فاطمه :- ما هى الحكايه تبدء بكده يجى يكلم ابوكى يقرو الفاتحه يلبس دبل يكتب كتاب ويعلى الجواب والفرح ودخله وهييييييييح كتير وبعدها اطفال روح قلب ماما واء واء مبروك ابت اتوته
منتهى :- احييه عليا ايه اللى انتى قولتيه ده وراه بعض انتى بطمنينى ولا بتخوفينى الله يحرقك
فاطمه :- بفرحك يا بت واخيرآ النحس اتفك عن شلتنا البت داليا الاول وبعد كده انتى عقبالى يارب
منتهى :- أن شاءالله ربنا هيكرمك قريب اوى حاسه بكده
فاطمه :- بجد اللهى تنسترى يارب
منتهى :- هههههههههه يارب يا اختى يارب يلا قومى اجهزى على ما اكلم البت دودى هى كمان
فاطمه :- حاضر يا عروسه باى وقفلت مع منتهى وفى الوقت ده دخلت امها عليها وقالت
ام فاطمه :- صباح الخير يا حبيبتى
فاطمه :- صباح النور يا امى
ام فاطمه :- مالك
فاطمه :- مليش
ام فاطمه :- وانا عبيطه عنك فيكى حاجه مزعلاكى
فاطمه :- بدموع انا مش زعلانه بس حاسه بنقص جوايا يا امى
ام فاطمه :- ليه بتقولى كده يا حبيبتى
فاطمه :- تملى انا اقل من صحابى فى كل حاجه ومتأخره عنهم فى كل حاجه ايام الدراسه كنت اكتر واحده بذاكر ومع ذالك كنت اقل مجموع فيهم ولما كنا نمشى مع بعض شله احنا التلاته الشباب كانت تتريق عليا انا وتعاكس داليا وتوته ولما دخلنا الجريده مع بعض هما اتقدمو فى الشغل عنى وبيعتمد عليهم اكتر منى مع أن انا اكتر واحده شغاله فيهم هما حبه واتحبو وانا عمرى ما دوقته وحتى حاليا هما جالهم عرسان وهيتخطبو وانا محدش تف فى وشى ده حتى اللى اتخطبت ليه طلع بيشك حتى فى صوابع أيده معرفش ايه السبب ايه الزياده فيهم عنى انا مش بكرههم وربنا يعلم انا بحبهم قد ايه وفرحة ليهم قد ايه لما عرفت انهم هيتخطبو بس حاسه بالنقص جوايا تملى جنبهم
ام فاطمه :- ليه يا حبيبتى تفكرى كده طول عمركم اخوات وشهاده لله هما بيحبوكى زى اختهم بالظبط واللى انتى قولتيه ده كله رزق من عند ربنا وربنا عادل فى توزيع الارزاق يعنى ليكى رزقك ربنا هيبعته ليكى بس لسه مجاش وقته بلاش تبصى على رزق غيرك علشان ربنا يبارك ليكى فى رزقك انتى كمان عارفه انك بتحبيهم من قلبك وهما كمان بيحبوكى بس بلاش تخلى الشيطان يضحك عليكى ويلعب فى دماغك قومى اتوضى وصلى ركعتين لله واستغفرى ربك على كلامك ده ربنا يهديكى ويصلح حالك يا حبيبتى
فاطمه :- يا ماما انا قولتلك مش كره ليهم والله انا بحبهم وبتمنه ليهم الخير تملى بس اللى قولته ليكى ده اللى كنت حاسه بى من جوايا مش اكتر
ام فاطمه :- عارفه يا حبيبتى قومى اتوضى وصلى وجهزى نفسك علشان تفطرى
فاطمه :- حاضر يا امى
ام فاطمه :- بستها من راسها وخرجت من الاوضه وسابتها
فاطمه :- قامت دخلت الحمام اتوضت وخرجت أدت فرضها ولبست هدومها وخرجت من الاوضه قعدت تفطر وبعد وقت خلصت اكل وقامت باست امها ونزلت ومشيت علشان توقف تاكسى بس وهى بتعدى الشارع عربيه فرملت عليها اتخضت وغمضت عينيها وقلت لنفسها يارب يكون عريس انا راضيه تكون دى البدايه بس فتحت عينيها لما سمعت صوت ضحكة راجل واتصدمت وقالت انت
الشخص :- …………..
~•~•~•~•~•~•~•~•~•~•~•~•~•
بقلمى #دودومحمد