تمرد صحفيه بقلم {دودومحمد}

⁦✍️⁩تمرد صحفيه ⁦✍️⁩

?الفصل الثانى عشر?

فى شقة ميرفت

صحيت ميرفت من نومها وفتحت عينيها بصعوبه من كتر العياط طول الليل ولا قت نفسها نايمه والمصحف فى ايديها وقاعده على سجادة الصلاه افتكرت ان ابن خالها جاى يخطبها النهارده دمعه نزلت منها على خدها واتنهدت وقالت
ميرفت :- يارب انا واثقه ومتأكده انك مش بتعمل حاجه وحشه لعبيدك وان كل ده خير ومش معترضه بس لو فعلا هو نصيبى حببنى فيه علشان اقدر استحمله باقى العمر ولو مليش نصيب فيه ابعدو عنى فى أقرب وقت لان قربه منى بيقرفنى وفى الوقت ده باب الاوضه بتاعها اتفتح ولاقت ابوها داخل ليها بالاكل قامت تجرى اخدت الاكل من ايد ابوها وسندته وقعدته على السرير بتاعها وقالت تعبت نفسك ليه يا بابا
ابو ميرفت :- ياريت كنت اقدر اتعب بجد واشيل عنك همك وحزنك ووجعك اللى حاسه بيهم دول
ميرفت :- بكدب انا مش زعلانه يا بابا انا راضيه باللى ربنا يجيبو ليا
ابو ميرفت :- بدموع ياريت كنت الاب اللى يقدر يدافع على بنته ويبعدها عن الهم
ميرفت :- دموعها نزلت ومدت ايديها مسحت دموع ابوها وقالت انت احسن اب فى الدنيا دى كلها وفخوره بده وانا ايه كبرنى وخلانى كده مش انت يا بابا انت حاجه كبيره اوى فى نظرى متقولش كده تانى ارجوك
ابو ميرفت :- الاول يا بنتى انما دلوقتى بقيت مريض وعاجز مش قادر احميكى من ظلم اخوكى وامك
ميرفت :- يا بابا يا حبيبى انت تريد وانا اريد والله يفعل ما يريد محدش ليه يد فى حاجه وانا واثقه أن ربنا هيكرمنى بحاجه جميله اوى علشان انا مش بعترض على أمره ابدآ
ابو ميرفت :- ربنا يبارك فيكى يا بنتى ويرزقك على قد نيتك ويبعد عنك كل حاجه وحشه
ميرفت :- يااااااه يا بابا حلوين اوى الدعوتين دول ادعيهم ليا علطول بجد بيريحونى بطريقه فظيعه
ابو ميرفت :- بدعيلك يا بنتى وربنا عالم
وفى الوقت ده دخل حسن عليهم وقال
حسن :- انت بتعمل ايه هنا يا أبا مش قولت محدش يدخل عندها خالص
ابو ميرفت :- يا حبيبى اختك على لحم بطنها من امبارح
حسن :- وفيها ايه تفضل كده لحد ما تتأديب وتعرف ازاى تسمع كلام امها
ابو ميرفت :- يعنى تهون عليك اختك تعمل فيها كده انتو مش ليكم غير بعض
حسن :- اباااااا فكك من الكلمتين دول انا اهم حاجه عندى تسمع كلام امها وترضيها
ميرفت :- هو الجواز بالعافيه مش بحب ابن خالك مش بحبه دمه تقيل على قلبى
حسن :- واحنا قولنا هتتجوزيه ورجلك فوق رقابتك وشد الاكل من ايديها وقال وهاتى الاكل ده مفيش اكل غير لما تعقلى وبص لابوه وقال وانت امشى قدامى اطلع بره وحسك عينك تدخل ليها تانى وتجبلها اكل فاهم
ابو ميرفت :- يا ابنى يا حبيبى مش كده الكلام اخد وعطا
حسن :- مسك ابوه من دراعه وزقه بره الاوضه وقال انتو مش نافع معاكم الهدوء وبص لأخته وقال تجهزى النهارده بليل ابن خالك جاى فاهمه وخرج وقفل الباب وراه
ميرفت :- اترمت على السرير وقعدت تعيط
~•~•~•~•~•~•~•~•~•~•~•~•~•
فى الجريده

عند داليا

كانت فاطمه بتصرخ بأعلى صوت وبتطلب عريس وفى الوقت ده وصل اكرم وقال
أكرم :- السلام عليكم
فاطمه :- الله عريس وبتلف قالت هو انت تانى
داليا ومنتهى :- بصو لبعض واتفتحو فى الضحك
أكرم :- هو انتى مش وراكى حاجه غير انك تفكرى فى عريس وخلاص
فاطمه :- احم وانت مالك يا بارد ايه دخلك
أكرم :- اه ما هو انا فعلا بارد علشان حظ امى المنيل كل ما اجى اجى وانتى بتدعى ربنا يوعدك بعريس قلبى مش مريحنى ومش مطمن للاشاره دى
فاطمه :- لاء يا اخويه اطمن وحط فى بطنك بطيخه صيفى مش علشان انت حلو وعيونك ملونه وجميله وشيك ومز اوى وحاجه كده واو يبقى هرضه بواحد زيك مستحيل ابدآ
أكرم :- ده اعتبره غزل ولا استنفار ولا ايه بالظبط
فاطمه :- والله انت وذوقك
أكرم :- امممممم هو اه انتى حلوه اوى وجميله جدآ ومجنونه جدآ جدآ بس
فاطمه :- لاء بجد احلف قول والله كده انت شايفنى حلوه بجد يعنى معجب بيا
منتهى وداليا :- كل ده بيتابعو الحوار ومصدومين من اللى بيحصل قصادهم
أكرم:- لاء ما انتى قاطعتينى كنت لسه بقول بس وهكمل كلامى
فاطمه :- بكسوف طيب قول كمل كلامك
أكرم :- بس لو انتى اخر واحده مستحيل افكر فيكى ناقص جنان انا روحى ابت العبى بعيد
فاطمه :- اتغاظت وقالت تصدق انك بأف وعره ولو ممشيتش حالا دلوقتى من وشى هطلع روحك بايدى
أكرم :- انا ابقى بأف لو فكرة ارتبط بواحده زيك اصوم اصوم وافطر على واحده مدلوقه ومجنونه شبهك وزقها وقال وسعى كده بلاوى بتتحدف على الواحد وراح عند داليا وقال انسه داليا ممكن اتكلم معاكى كلمتين
داليا :- ها
أكرم :- هو فيه ايه بقولك ممكن اتكلم معاكى كلمتين
داليا :- احم بخصوص ايه
أكرم :- بخصوص الموضوع اللى اتكلمنا فيه المره اللى فاتت
داليا :- هو انت مش بتزهق
أكرم :- انا سيبت ليكى الكارت بتاعى وانتظرت تليفونك بس انتى متصلتيش قولت اجى اسمع ردك بنفسى
فاطمه :- بغيظ متحاولش الانسه داليا اتخطبت خلاص ولصديق عمرك هو الدنيا جرى فيها ايه يا جدعان بتجرى وراه خطيبة صاحبك علشان تخطبها
أكرم :- بصدمه انتى بتقولى ايه يخربيت جنانك يا شيخه
فاطمه :- ايوه ما هو ده معنى كلامك انك عايز تعرف ردها موافقه عليك ولا لاء
داليا :- ابوس ايدك اسكتى كفايه فضايح الله يحرقك
فاطمه :- لسانك ميخطبش لسانى فاهمه مش عايزه تقوليلى ده انا حتى هفرحلك
أكرم :- انسه داليا ارجوكى تعالى نتكلم فى مكان تانى غير ده احسن عقلى هيطير لو قعد دقيقه تانى فى المكان ده
داليا :- ماشى وبصت لمنتهى وقالت شوفى صحبتك المجنونه دى على ما اروح معاه وارجع ربنا يشفيكى يا طمطم ونزلت مع اكرم
منتهى :- يخربيت الفضايح اللى عملتيها دى ايه يا بنتى مش بتعرفى تفكرى بعقلك شويه
فاطمه :- الله وانا عملت ايه بس ما هو اللى بيستفزنى
منتهى :- بيستفزك ازاى مش فاهمه ده انتى كنتى مدلوقه عليه على الاخر ده انا اتكسفتلك وربنا
فاطمه :- ا.ا.ايه و.و وانا هندلق عليه ليه اينعم الواد موووووز المزاميز وعيونه تطير عقلك منك
منتهى :- احم طيب خلاص افصلى
فاطمه :- استنى بس وعليه هيبه كده تخليكى مش على بعضك و
منتهى :- قطعتها وقالت اسكتى بقى الله يحرقك
فاطمه :- استنى بس ده انا من كتر حلاوته كان نفسى امسكه ابوسه من شفافيه اقطعها بوس وفاجئه سمعت صوت ضحكة رجالى اتصدمت
منتهى :- بالشفا يا قلبى خلى لسانك ينفعك بقى
فاطمه :- لاء اوعى تقولى هو
أكرم :- ههههههههههههههه
فاطمه :- للاسف شكله هو ولفت بضهرها لاقته واقف وساند على الباب وعمال يضحك اتكسفت ووشها احمر
أكرم :- ده انتى فظيعه انا يا ستى موافق على البوس ومستعد كمان
فاطمه :- ها استنا كده يمكن مقعش واغمى عليها
أكرم :- بخضه يا بنت المجنونه وطلع يجرى عليها وشالها وقعدها على الكرسى وقعد يخبط على وشها وقال معاكى يا انسه اى ازازة برفان
منتهى :- ا.ا.اه ثوانى وجبتها من شنتطها وقالت اتفضل اهى
أكرم :- اخدها من منتهى ورش على أيده وحطها تحت مناخيرها
فاطمه :- امممممم اممممم
أكرم :- وهو بيكتم ضحكته قومى يا مجنونه وربنا انتى ما بعقلك
فاطمه :- فتحت عينيها وبصت حاوليها وقالت ه.ه.هو ايه اللى حصل
أكرم :- بعد ما طلبت منك احققلك طلبك وغمز ليها اغمى عليكى
فاطمه :- ها ل.ل.لو سمحت د.د.ده كلام بنات ليه تسمعه وبعدين ايه رجعك تانى ها م.م.مش كنت مشيت مع داليا
أكرم :- قدرى ارجع تانى علشان اسمع كلامك كله والصراحه صعبتى عليا اوى وانا طيب ومش بحب اخلى حاجه فى نفس حد مدام مقدرتى انفذها وانا مستعد احققلك طلبك حالا
فاطمه :- زقته وقامت وقفت وقالت على فكره ا.ا.انت واحد قليل الادب اتفضل اطلع بره لو سمحت
أكرم :- قليل الادب ليه هو انا اللى قولت عايزه ابوسك من شفايفك ولا انتى
فاطمه :- بقولك لو سمحت بطل قلة ادب واطلع بره
أكرم.:- عمومآ انا تحت امرك فى اى وقت تحبى تنفذى فيه وغمز ليها ومشى لحد الباب ووقف تانى وقال اه كنت هنسى انا كنت راجع ليه وبص لمنتهى وقال ممكن يا انسه تجيبى تليفون الانسه داليا علشان نسيتو وانا مرضتش اخليها ترجع تانى وجيت انا اخده بدالها
منتهى :- احم ا.ا.اه طبعآ ثوانى وراحت جابت تليفون داليا من على مكاتبها وقالت اتفضل
أكرم :- اخد التليفون من ايد منتهى وبص على فاطمه اللى كانت مكسوفه وبصه على الأرض وضحك ومشى
منتهى :- مش عارفه اقولك ايه الصراحه موقف زباله
فاطمه :- مدام انتى شايفه منبهتنيش ليه بدل ما انا كنت واخده راحتى فى الكلام اوى
منتهى :- ما انا عماله اقولك اسكتى اسكتى وانتى راديو واتفتح
فاطمه :- انا حاسه ان قلبى هيقف عليا من كتر الكسوف نهار اسوح الراجل سامعنى وانا بقول نفسى ابوسه من شفايفه يقول عليا ايه دلوقتى
منتهى :- احسن ده درس يعلمك تخدى بالك من كلامك شويه
فاطمه :- ما هو انا لو الاقى عريس يلمنى مش هعمل كده وربنا
منتهى :- تانى مش بتحرمى يا بنتى ده انتى لسه اغمى عليكى من كتر الكسوف اتلمى بقى مفيش فيكى فايده اروح اشوف الشغل اللى ورايا اهم وسابتها وراحت على مكتبها
فاطمه :- اه يا ميلة بختك يا طمطم وراحت قعدت على الكرسى تشوف شغلها
~•~•~•~•~•~•~•~•~•~•~•~•~•
فى فيلا خالد الحناوى

فى اوضت أدهم صحى أدهم من نومه ومسك تليفونه وبص فى الساعه ورجعه تانى مكانه وقام دخل الحمام اخد شاور وخرج بس اتفاجئ بوجود فادى قال
ادهم :- وهو بينشف شعره بالفوطه قال اممممم خير
فادى :- خير إن شاءالله انت عارف اخوك مش بيجى من وراه غير كل خير
ادهم :- ادخل فى المفيد وقول محتاج كام
فادى :- انت ليه شايفنى كده انا مش جاى ليك علشان فلوس
ادهم :- امال ايه
فادى :- انا عايز انزل الشغل معاك
ادهم :- بأستغراب نعم والجامعه بتاعتك
فادى :- مالها الجامعه عادى يعنى هتابع دروسى وانا شغال معاك
ادهم :- وليه التعب ده طلبت منى حاجه وانا قصرت فيها
فادى :- لاء طبعآ بس مش حابب اكون بيتصرف عليا انا عايز اصرف على نفسى من مجهودى وبعدين شغلى فى الشركه هينفعنى فى دراستى لأنه نفس مجال تعليمى
ادهم :- طيب اصبر تتخرج الاول وبعد كده اللى انت عايز تعملو اعملو
فادى :- بزعل لو مش عايز تنزلنى معاك شركتك مش مشكله هنزل اشتغل فى شركة بابا
ادهم :- ايه الكلام العبيط ده لاء طبعآ انا مش بتكلم على كده انا خايف على مستقبلك ومش عايز حاجه تشويش على تفكيرك
فادى :- متقلقش انا عارف بعمل ايه انت قدوتى ونفسى اوصل لنص مجهودك فى الشغل وابقى رجل اعمال كبير زيك بالظبط وعايز اتعلم كل حاجه منك
ادهم :- لف دراعه حاولين رقبة فادى وقال عنيا علشانك بس مش هتعرف تبقى زى مفيش غير أدهم واحد بس
فادى :- ماشى يا عم المغرور الله يكون فى عون مراتك منك ومن غرورك
ادهم :- ههههههههههه اخوك قاهر النساء اتعلم منى بقى كل حاجه
فادى:- معاك يا كابير من ايدك دى لايدك دى
ادهم :- طيب اطلع بقى خلينى البس علشان اتأخرت على الشركه
فادى :- وانا كمان هروح اجهز علشان هبدء من النهارده
ادهم :- طيب روح اخلص بقى
فادى:- هوا وطلع يجرى من اوضت أدهم وراح على اوضه يجهز نفسه علشان ينزل مع اخوه الشركه
~•~•~•~•~•~•~•~•~•~•~•~•~•
فى اوضت دينا

صحيت دينا من نومها قامت دخلت الحمام اخدت شاور واتوضت وخرجت لبست هدومها وأدت فرضها وفى الوقت ده تليفونها رن بتبص فى التليفون لاقته رقم تامر مرضتش ترد عليه واتنهدت قفلت تليفونها خالص ونزلت من اوضتها وقالت
دينا :- صباح الخير
الكل :- صباح النور
علاء :- عامله ايه دلوقتى يا حبيبتى
دينا :- الحمدالله كويسه
إنعام:- ما زى القرده اهى مالها ده شغل بنات انا عارفه
دينا :- بصت لامها من غير ما ترد عليها ولسه هتمشى
إنعام :- رايحه فين كده
دينا :- هروح اقعد فى النادى شويه ممكن
إنعام :- اعملى حسابك احنا قولنا موافقين على العريس اللى جه ليكى
دينا :- مدام موافقين عليه يبقى اتجوزو انتو إنما أنا مستحيل اتجوزو
إنعام :- وانا بقولك هتتجوزيه ورجلك فوق رقبتك
دينا :- ابقى ورينى هتجوزينى ليه ازاى
إنعام :- بت انتى شكلك عايزه تضربى
ادهم :- وهو نازل من فوق ابقى ورينى هتقدرى تضربيها ازاى
إنعام :- انت مالك يا بارد دى بنتى انا وانا حره فيها
ادهم :- راح عند دينا وقال ودى اختى انا وانا حر فيها
دينا :- حضنت أدهم وقالت وانا بحبك اوى يا ادهم ومن حقك تعمل فيا اللى انت عايزه
ادهم :- ضمها اكتر ليه وبسها من راسها وقال انا هعملك اللى يفرحك ويسعدك تملى
إنعام:- بغيظ خالد انت ساكت ليه اتكلم وقول اى حاجه
خالد :- كبرى يا إنعام وبص ليها نظره هى فهمتها
إنعام :- اتنهدت وقالت لما نشوف اخرتها
سندس :- ايه ده يا أبيه انت بتحضن دينا وانا لاء انا زعلانه
ادهم :- حضنها بالدراع التانى وقال اهو يا ستى مقدرش على زعل حبيبى الصغنون
سندس :- يا لهوووووى يا ناس أبيه زى العسل البنات كلها متغاظه منى علشان عندى اخ عسل زيك
ادهم :- يا بكاش يا صغنن
علاء :- شوف محتاج اعملك ايه فى الفيلا بتاعتك لان مفيش وقت على الفرح بتاعك
ادهم:- ولا حاجه هخليها زى ما هى
إنعام :- مش دى الفيلا بتاعة امك اللى كانت بتخون ابوك فيها
ادهم:- غمض عينه وداس على سنانه وحاول يتحكم فى أعصابه ومردش عليها وقال علاء هبقى اكلمك فى التليفون وفى الوقت ده نزل فادى اخده ومشى من غير ولا كلمه
علاء :- ليه يا ماما ليه بتحاولى تحرقى دمه بأى طريقه
إنعام :- بحرق دمه زى ما بيحرق دمى علطول
دينا :- على فكره بقى ادهم عمره ما حرق دم حد فينا مش بيعمل غير اللى يفرحنا ويسعدنا لكن انتى اللى تملى حطاه فى دماغك عن اذنكم وسابتهم ومشيت
إنعام :- بغيظ انت مالك قاعد ساكت كده وسايب ولادك يقلو أدبهم عليا
خالد :- ما انتى لو تريحى نفسك وتسكتى شويه محدش هيتكلم معاكى
علاء :- يا ماما علشان خاطرنا احنا بلاش تزعلى أدهم أدهم مش وحش معانا ولا عمره رفض مساعدة حد فينا انتى اللى تملى بتحاولى تستفزيه جربى تغيرى معاملتك معاه وشوفيه هتلاقيه بيعاملك معامله تانيه خالص وبيحترمك
إنعام.:- هههههههه أدهم يحترمنى ادهم طول ما هو عايش مش هيحبنى ابدآ وهيفضل يعاملنى على أن انا مرات ابوه محدش فاهم أدهم قدى
علاء :- براحتك بقى وقال انا ماشى
سندس :- خدنى معاك يا أبيه ودينى المدرسه على سكتك احسن الباص مشى وملحقتهوش
علاء :- ماشى يلا وخرج علاء مع سندس وصلها المدرسه وراح على الشركه
إنعام:- امته هنخلص من ادهم يا خالد
خالد :- قريب قريب اوى كمان بس بحاول اعمل حاجه كده يارب تظبط بس
إنعام :- حاجة ايه دى
خالد :- مش وقته هتعرفى كل حاجه فى وقتها
إنعام :- ماشى المهم تخلصنى منه فى أقرب وقت
خالد :- قريب اوى إن شاءالله ووقف وقال انا همشى بقى
إنعام :- ماشى خلى بالك على نفسك
خالد :- بسها من خدها وقال باى يا قلبى وخرج ركب عربيته وراح على الشركه بتاعته
~•~•~•~•~•~•~•~•~•~•~•~•~•
فى القسم

وصل حمزه ودخل مكتبه وقعد على الكرسى وهو متعصب وقعد يخبط بأيده على المكتب وفى الوقت ده دخل تامر عليه وقال
تامر :- عملت ايه فى التحقيق
حمزه :- قال اتنقلت من الخدمه وتأخير الترقيه بتاعتى
تامر :- بصدمه اتنقلت فين
حمزه :- فى منطقه فى الصعيد الجوانى
تامر :- طيب محاولتش تدافع على نفسك يمكن كانو قليلو ليك العقاب شويه
حمزه :- دافعت بس للاسف ده كان عقاب مخفف وقالى احمد ربنا ان انا متفصلتش من الخدمه خالص
تامر :- معلش يا صاحبى لعله خير إن شاءالله وتخلص فترة العقاب دى على خير
حمزه:- يارب يا تامر
تامر :- مع انك هتقطع بيا الفتره الجايه دى
حمزه :- وانت كمان والله بس مش بأيدى حاجه
تامر :- يلا حضر الحاجه بتاعتك اللى هتاخدها من هنا
حمزه :- مليش حاجات كتيره هنا
تامر :- ماشى
حمزه:- عملت ايه فى موضوع العروسه دى
تامر :- احم دى اكبر مفاجئه فى حياتى
حمزه:- ازاى يعنى مش فاهم
تامر :- طلعت اخت أدهم الحناوى
حمزه :- لا بجد ازاى دى صغيره خالص
تامر :- لاء ما هو عنده أختين واحده كبيره والتانيه الصغيره
حمزه :- طيب وحصل ايه
تامر :- ولا حاجه قعدنا شويه معاهم ومشينا
حمزه :- طيب والبنت عجبتك
تامر :- ها ا.ا.اه هى شكلها مؤدبه جدآ
حمزه:-طيب كويس وهى رأيها ايه فيك
تامر :- رفضتنى
حمزه :- نعم
تامر :- اه والله زى ما بقولك كده
حمزه :- وانت هتعمل ايه
تامر :- والله يا صاحبى انا هعمل اللى عليا لو ليا نصيب فيها هتكون ليا لو مليش لو عملت ايه عمرها ما هتكون ليا
حمزه :- بس حاسس انك وقعت
تامر :- احم مش حكاية وقعت بس البنت بجد محترمه وقليل لما تلاقى واحده شبها
حمزه:- قول كده ربنا يسعدك يا صاحبى ويفرح قلبك
تامر :- عقبالك قريب
حمزه :- عمرى لأن انا مليش فى شغل البنات والسهوكه بتاعتهم انا ممكن اموتها لو عصبتى طب وعلى ايه خلينى كده احسن
تامر :- يعنى انت عايز تقنعنى انك هتفضل طول عمرك كده سنجل
حمزه :- وفيها ايه احسن حاجه فى الدنيا الحريه سيبك انت من الكلام ده وركز مع اللى وقعتك ووقف حضر حاجته وقال اشوف وشك بخير يا صاحبى
تامر :- ماشى امته علشان اجى اوصلك
حمزه :- بكره وبلاش تتعب نفسك هما موفرين ليا عربيه توصلنى وفيه هناك سكن وعربية خاصه بالشرطه
تامر :- ربنا معاك وسلم عليه وقال خلى بالك على نفسك وانا هكلمك علطول اطمن عليك
حمزه :- أن شاءالله وبلغنى اخبارك اول بأول مع العروسه
تامر :- أن شاءالله
حمزه :- يلا السلام عليكم وخرج من المكتب روح على البيت
~•~•~•~•~•~•~•~•~•~•~•~•~•
فى الكافيه عند اكرم وداليا

قعدت داليا واكرم على الترابيزه وطلب أكرم ليهم حاجه يشربوها وقال
أكرم :- انا اسف والله ان انا بجيلك فى الشغل بس انتظرت ردك على الفون واتأخرتى عليا وادهم مش من النوع اللى بيحكى ويتكلم فكنت عايز اعرف ايه حصل ووافقنى تساعدى أدهم ولا لاء
داليا :- بص يا اخ أكرم انا كنت رافضه كلامك وقطعت الكارت بتاعك واخد قرار مش هساعد حد بس بابا لما شاف أدهم امبارح حلل شخصيته وقال تقريبآ نفس الكلام اللى انت قولتو ليا عنه وده خلانى افكر تانى واخد قرار أن انا اساعده
أكرم :- بفرحه انا مش عارف اقولك ايه بجد وادهم بنأدم كويس جدآ وبكرا لما تقربى منه وتعرفيه هتحبيه جدآ وهتعرفى هو قد ايه حنين وطيب بس الظروف هى اللى حكمت عليه
داليا :- ثوانى بس انا ادهم ده مستحيل احبه ولا افكر فيه حتى بس انا متعودش حد يبقى محتاج مساعدتى وارفض يعنى هى مسألة وقت أخرجه من اللى هو فيه وهطلق منه علطول
أكرم :- بثقه ساعتها مش هتقدرى تبعدى عنه لأن هتكونى حبتيه
داليا :- والله ومالك بتتكلم بكل ثقه كده
أكرم :- علشان انا عارف أدهم كويس اوى وعارفه عن قرب كمان ومتأكد انك لما تشوفى الجزء التانى من شخصية أدهم هتعشقيه كمان
داليا :- معتقدش أن انا فى يوم من الايام احب واحد زى ده عمومآ انا هقوم بواجبى اتجاه أدهم ده لحد اخر لحظه وبمساعدة بابا كمان
أكرم :- وانا هساعدك واعرفك كل حاجه عن أدهم وعن نقط ضعفه واللى بيعصبه واللى بيفرحه وبيحب ايه وبيكره ايه
داليا :- تمام بس ممكن امشى بقى قبل ما المدير بتاعى يعرف أن انا مش موجوده فى مكتبى
أكرم :- اه طبعآ بس خدى كارت تانى غير اللى انتى قطعتيه علشان تكلمينى وقت ما تكونى فاضيه
داليا :- اوك
أكرم:- بس سؤال اخير
داليا :- امممم
أكرم :- هو انتى ازاى مستحمله وجود صاحبتك فاطمه دى دى ضايعه خالص منها
داليا :- هههههههههه طمطم دى عسل بس هى بتحب تضحك وتهزر علطول كده وبتقول الكلام زى ما بيطلع بس غلبانه اوى وطيبه وحظها قليل جدآ اتخطبت مره وكان واحد بيشك فيها علطول سابته ومن ساعتها وهى متخطبتش تانى احم ا.ا انا اسفه أن صدعتك
أكرم :- لاء مصدعتش ولا حاجه بس حسيت أن هى مجنونه اوى
داليا :- اساسآ احنا طول ما قاعدين مع طمطم مش بنبطل ضحك من خفة دمها وجنانها ده بس هى فعلا مؤدبه جدآ ومحترمه يعنى رغم ضحكها ده بس فى الشارع جد جدآ وشبه الراجل فى مشيتها
أكرم :- عمومآ ربنا يسعدها ويكرمها بأبن الحلال وتبطل جنان بقى
داليا :- هههههههه يارب يلا سلام بقى
أكرم :- سلام
داليا :- مشيت وراحت على المكتب بتاعها
أكرم :- فاطمه طمطم لما نشوف ايه حكايتك يا مجنونه ودفع الحساب وخرج ركب عربيته ومشى على الشركه
~•~•~•~•~•~•~•~•~•~•~•~•~•
فى النادى

كانت دينا قاعده ودموعها على خدها وهى بتفتكر اللى حصل فيها من أسر وفاجئه حست بأيد على كتفها رفعت راسها لفوق لاقيتها جيجى مسحت دموعها وقالت
دينا :- انتى
جيجى :- ايه حبيب القلب جرحك وسابك هههههههه
دينا :- ق.ق.قصدك ايه
جيجى :- ولا حاجه بس صورك كانت سكسى اخر حاجه
دينا :- ا.ا.ايه اللى انتى بتقوليه ده
جيجى :- الصور كانت منوره مع أسر تسلم ايد اللى صورتها
دينا :- يعنى انتى اللى صورتي المناظر بتاعتى دى
جيجي :- هههههههههه بأيدى الحلوين دول
دينا :- انتى واحده زباله وحقيره
جيجى :- انتى لسه شوفتى حقاره مبقاش انا لو مكنتش ادفعك تمن اللى عملتيه فى اسر يا دينا
دينا :- مش لو فضلتى بره انا هرميكى فى السجن تشرفى جنبه
جيجى :- هههههههه ترمى مين يا عنيا انتى بتحلمى
دينا :- بكره تشوفى يا زباله
جيجى :- ده انتى اللى زباله يا و***** ورفعت ايديها علشان تضربها بالقلم بس ايد مسكت ايديها قبل ما تنزل على وش دينا
دينا :- بصدمه انت
تامر :- داس على ايد جيجى وقال معاش ولا كان اللى يفكر يمد أيده على خطيبة الرائد تامر محمود
جيجي :- بخوف ر.ر.رائد خطيبها
تامر :- ايوه عندك اعتراض
جيجى :- ها ل.ل.لا طبعآ يا باشا ا.ا.انا اسفه
تامر :- ساب ايديها وقال اياكى تفكرى تقربى منها تانى فاهمه
جيجى :- ح.ح.حاضر عن اذنك ومشيت تجرى
دينا :- انت بتعمل ايه هنا
تامر :- جيت اتكلم معاكى شويه
دينا :- وانا قولتلك مفيش ما بنا كلام عن اذنك واخدت شنتطها ولسه هتمشى
تامر :- مسكها من دراعها وقال دينا ارجوكى اسمعينى
دينا :- لاء يا تامر امشى بعيد عنى وانسانى بقى يا اخى
تامر :- لاء يا دينا مش هنساكى ومش هسكت وهفضل وراكى لحد ما تنسى اللى حصل وتوافقى عليا
دينا :- يبقى هتستنا العمر كله على الفاضى عن اذنك وسابته ومشيت
تامر :- بص عليها وهى ماشيه وقال برضه مش هييأس وراكى والزمن طويل ومشى ركب عربيته وروح على الفيلا بتاعته
~•~•~•~•~•~•~•~•~•~•~•~•~•
فى بيت ميرفت

كانت قاعده ومتوتره وخايفه من اللى هيحصل دخلت امها عليها وقالت
ام ميرفت :- انتى لسه مغيرتيش هدومك
ميرفت :- ابوس ايدك يا ماما بلاش الجوازه دى
ام ميرفت :- قومى يا بت بلاش شغل السهوكه بتاعتك دى وشدتها من شعرها وقفتها وراحت عند الدولاب وطلعت ليها فستان ولبسته ليها وقالت حطى شوية مكياج اظبطى وشك بيهم اخلصى يا بت
ميرفت :- بخوف ودموع ح.ح.حاضر وحطت فى وشها شوية كحل وروج وخرجت مع امها
ام ميرفت :- اضحكى قدامهم فاهمه
ميرفت :- بخوف ح.ح.حاضر ودخلت مع امها وقعدت جنب ابوها وهى حابسه دموعها فى عينيها وبتحاول تضحك
ابو ميرفت :- كان بيبص ليها بكسره وقلة حيله
حسن :- بصو من غير كلام.كتير انتو طلبتو ايد اختى واحنا موافقين اقرو الفاتحه
احمد :- ثوانى بس فيه حاجه هتتغير فى الاتفاق
حسن :- تغير ايه ده
احمد :-……..
~•~•~•~•~•~•~•~•~•~•~•~•~•
بقلمى #دودومحمد