فـي جـوفـي وتـينـك

” صـباح الخـير اني كـاتبةه فـاطمةه سـالـم ♡
ح نزلـكم روايـتي الـجديـدةه وان شاء الله تنـال اعجـابـكم ” …….
……
..
روايـةه :فـي جـوفـي وتـينـك♡…
الكاتبـةه :فـاطـمةه سالم …
الحـلقـةه :الاولـى …

……
مـلاحـظةه : ” روايـتـي حـ تـحـكـي عـلـى :عيلـةه يعني روايـةه اجتماعيةه
…..
..

سدينـةه :اسمعي يازاهيه ره عندنا مناسبه وضيوف لاقوه الا بالله باش تسقدي العرب وضيفيهم والغدي طايب كان بتاكلي راني بنطلع ..

زاهيـه :أن شاء الله حاضر يا امـي

قعدت تمتم : “اففف تٕوا وقتـه هو عندي قرايا وماعنديش ليهم راس احسـن شـي نطـفشـهم ”

….
” مشيت شفت الغدي لقيته كسكو ماعجبنيش…خديت مترد عبيته حلويـات ودرت كبايةه عصير وفتحت كتاباتي وقعدت نقرأ وناكل ”

• ” واني نقرا ومنسجمـةه وكل شـوي نشوف كم مزال لي صفحـه بـاش نكمـل – سمعت صوت مشي وكلام !؟

خديت طرف عبمبر ونضت قعدت نقدم و “طقطق الباب ”

شفت من عين سحريه لقيت اهل سُميـةه!؟

قعدت نـزربز شن ندير شن حل اففف نضم دار ونحول كتاباتي!..ولا نفتحلهمش نطفشهم!..ولا نفتح الباب!..حصلت …

فكرت في فكره وخديت الفون من على الانتري وبعتت رسالـةه لـ سُميـةه… “زودي هلـك جـاييـنا ”

زاهيـةه:هـيا هـيا جايـه
كليـت عبمبر بسرعه

وفتحـت البـاب وقعـدت نرحـب بيهـم ونسلم وخششتهم للمربـوعةه

ام سُميـةه:والله سمعـناكم روحتـو من تـونس جيـنا نجـرو

انا قلت في خاطري ” اكدبي لينا شهر مروحين ” :سلمك ياحنه سلمك

ام سُـميةه:اي كيف حاله خوك وكيـف صـارلـه !

انـا:والله من تحت برده مـرض

ام سُـميةه:ايي ربي يشفيـه

….وتخش سمـيةه داهشه …

سُمـيهة :كنك كنك يابتي رعشتيني

انا قعدت نفـنص فـيها وهي شي ماتبي تسكت

سُمـيةه:وكنهم هلي مش برانيه خليتيني نرعش حتى عويل ما وكلتهم ونخلـعو

انا قلـت فـي خـاطري *قوليها لي هلك لي جايين في قايـلةه…

ام سـميةه:احم اا سامحينا يازهيوه جينا في وقت ضيق

انا :لا معلش على بينا

سـميه :والله خضـيتيني نحساب ابصر شن في

انا :قلت لك تعالـي في عرب بيجو عاونيني خبر هدا مهوش جديد

سُميةه :يـاخيه اسمحيلي ماقلتي هك قلتي هلك جايين رعشت نحساب ابصر شن في

انا بضحكه صفره :ههه درتـها بلعاني نحسابهمش بيجو حق ” – نحرجت..نضت نجـري نـقشر في خدودي دارتلي العار …

جبت مترد من صاله وسفرة ودرت قهوه على نار وضيفتهم وروحو صكرت الباب

خشـيت للـمربـوعةه واني نغلي من داخل على سُميةه
انا :خييييرك احـرجتيني قدام هلك! ….عارفتيني عندي امتحانات وهديـما هلك

سُميةه :وكأنهم هـلي من واجب انتي ضيفيهم ساد كل ما يجو هلي ترني عليـا

انا :نحسـابك بني ادمه يلاااا برا برا اطلعي

سُميةه :اصلا طالعه واقعدي في هدا خارب يا عانس من يجيكم انتم اصـلا

وصكرت باب بلقـوه ….

قعدت اني ندعي ونـهزب ونلود في لحوش ونعـارك خطرت في بالي سندس …

انـا :الـو

سـندس :اهلين حبي شجـو

انـا :فرقه جوي البلي الاحرف مغبر

سندس :تي خيرك تغبري فيه اكتر ما هو مغبـر

انا :ياحنه ناديت مرت خوي باش ضيف هلها ماهم برانيه واني عندي امتحانات تمشي تحرجني قدامهم

سندس :سُميةه ولا ؟

انا :ومن غيرها لفعه هدي

سندس :يابتـي تي مش هي في كل مناسبـةه تعاون شن جاها

انا :كل جمعه ياحنه لكناين مدايرات اجتماع يديرن في قهوه واكيد شاحناتها

سندس :امممم فوتيها تـو تولي كيف كلبه

انا :بنديرلها عمله لين تعرف ربي واحد

سندس :شنو بديري

انا :…..

………يتبع

…………….

*عند سُمـيةه …

صكرت الباب بالقوه وركبت لحوشي

ولقيت ابراهيـم مهنـاش – فشيت غلي في صغـار ورقدو من كثر البكي وفي الاخير وجعوني
درت قهوه وحطيت معمول في صونيه …
وفتحت نت لقيت هلبه رسايل لطلبيات حلويات قعدت نرد عليهم ومن ضمنهم رساله اقتراح اني نقري كورسات انجليزي استغربت ؟

“اووووبس نسسسسيت ”
تعالو نعرفكم على عيله زاهيه …
هم تلاته بنات وتلاته ولاد …
طبعا بنات مش ح يـكون ليهم ظهور هلبه الا زاهيه هي اكتر شي …
…..
الام :سدينـه م 65
الاب :خليفـةه م55
ولد كبير راجل سُميه اسمه ابراهيم م 72
ولد تاني راجل ليلى اسمه يوسف م 79
ولد تالت راجل زمزم م 88 اسمه عبد الملك

…..
خوات زاهيه..
فايزه م 89
ورده م91
زاهيه اصغر وحده م 97
كلهم متزوجين طبعا الا زاهيه مرتبطه
….
نرجعو لي روايتنـا …
…

فتحت بروفايل صاحب رساله لقيته مداير شير لي صفحه رفقا بلقلوب بوست عجبني هلببببه كـان …
….
الحب مشاركه …
مشاركه احزان حكايات فرح مشاعر
….
………
وعلقت ع بوست …
وصكرت نت

…جتني بلقيس بنت زمزم تبكي وتشكي من بوها واني راسي بينفجر لزيتها
ورقـدت ….
….
……..

*عند زمـزم :

تتكون لعيلة من ام اسمها زمزم واب اسمه عبدالملك كان صعب هلبا وفمه ع شيشه ديما وكان يعدب ف بناته ومرته اهم شي راحته عنده خمس بنات وولد
اكبر وحده
ناريمان مواليد 90
وداد مواليد94
وسن 96
ناهد 98
بلقيس2000
وولد يوسف م 2005
كانت اجمل وحده وسن مواصفاتها بيضه جسمـها حلو مش ضعيفه لا سمينه شعرها طويل عيونها كبار لونهم زرق
……

ذات يوم ــــــــ
زمزم فاتحه راديو ليبيا في دار خزين …
ودير في طلبيهة فطيرةه …
وتسمع في اخبار البلاد وبناتها بجنبها ياكلو في حلويات وقهوه ويعاونو فيها …

زمزم :وسن عدي لي دار نوم تلقي فلوس على شكماجةه خوديهن وعدي لي محل جيبي سمدينةه

وسن: اوك بس بناخد عبايتك ره

….زمزم : به ردي بالك تمسخيها …..اسمعي يا ناريمان ترا شوفي كم طرف درناه زعما طقينا 150 طرف؟

ناريمان :اخخخ عليك عيشه ياكبدي تي عيت عمي لي لاصقين فينا لصوق مايندرو علينا وعيشتهم تقول ملوك

زمزم :ديري حاجتك وانتي ساكته

ناريمان :باهي به اسمعي ره بنكمل قرايتي من دون بنات موقفه قيدي بنقرا اني واقعدي فيها مدامك راضيه بهلعيشه

زمزم :نووضي من بحداي نووضي مانبيلك معاونه لا سو عدي

ناريمان طرمت شواربها ومشت …

عبد الملك قعد ينادي :ناااريماان ياااناريمان

ناريمان : ناضت عليه حاله ….نعم نعم

عبد الملك :خيركم شن في حسكم عالي

ناريمان :لا شئ ماتنشغلش

وداد :هدا لي فالح فيه شن في وشن مافيش أما شن تبو شن ناقصكم في حلم

زمزم :عيييب عيييب هدا بوكم

عبدالملك وهو جاي :شن حسسسك قلتي

زمزم :مافي شي الله تربحك عدي خلي بناتي في حالهن

عبد الملك خدي الصوت لي معلق في دار خزين ….

وقعد يضرب في وداد …
ضرب حار ولا كأنه عنده قلب ولا شي

زمزم :حووول عن بنتي حول الله يهديك حووول

عبد الملك قعد يضرب لعند ما دهش ووخر :الله يلعنك اني بوك تقوليلي هكي يلـعن الله والديك خزي والعنت

زمزم:عدي لدارك عدي لا عندك فايده لا شئ غر تجي تكسر في بنياتي

عبدالملك :اسكتي خير مانكمل عليك انتي تانيه اسكتي

ومشي لي داره …
…
وقعدت زمزم تعاني في بنتها

…..
وسن طالعه من محل وشافت حبيبها ولقت صاحبتها بعيد بشوي ….

وسن بصوت عالي بلعاني نبي تلفت انتباهه :سهى

حبيبها شافلها وقعد يضحك ….

فراس حبيبها :اووو حبي شن ديري اهني

وسن دارت روحها مش منتبهه

فراس شد ايديها :غر تعالي

وسن :وعليش متردش عليا

فراس يلعب بي خصلات شعرها طالعات من وشاح :مش قلنا احني هدينا معاش يطلعو باش تفهمي

وسن:لما ترد عليا نسمع كلامك

فراس:انتي تعرفي اني مشغول ولا وتعرفي لخدمه فوق راسي

وسن:هادا كله نعرفه بس معقوله معندكش حتي دقيقه لــي حبيبتك

فراس:بدينا عاد انتي تعرفي نخدم ع خاطرك باش ندير حوش ونجي نخطبك

وسن:تمام تمام
ومشت للحوش تلقى بوها فم لباب

عبدالملك:وين كنتي

وسن:ماما بعتتني للمحل

عبدالملك: وشن لبسه هدي واني كم مره فهمتكم معاش تمشو؟!
وشدها من شعرها
ودخلها

وسن:والنبي اطلقني

شدها بوها قريب قتلها
جو امها وخواتها يحزو
بس مقدروش وبعدها قعد يضرب فيهم كلهم وطلع

وداد:الله ياخده مرينا منه غير الهم

وسن تبكي:علاش غير حني هكي وعمي يدلع ف بناته وحني زي لكلاب ( حشاكم)

زمزم تبكي:خلاص يابنتـي
جولها بناتها حضنوها وقعدو يبكو

ناريمان:يما ني بندير زي مقلتلك نبي نكمل قرايتي ونسافر لأنه والله لعيشه هادي معاد تنطاق

زمزم: اسكتي اسكتي جدري أن شاء الله وين بتنتلفي وين تي حتى جواز سفر ما نكسابوه غر أن شاء الله نلقو ماناكلو مش تسافري!

ناريمان:وااااك تي حرام عليكم حرام لا عيشه كيف ناس لا شئ تي شنو هدا شن درت تحت ربي باش نعيش هك

زمزم:تو ربي يفرجها نوضي نوضي سلم بنتي وساد من كلام خارب نوضي عاونيني

وداد :بنسبه ليااا خلااااص خلااص لو يتعفن الحوش ماني نايضه

ناهد :واللهي نوضي ياسمحه اليوم عليك الحوش نوووضي المواعين ماني قاربتهم

وداد :غر هيا سلم وخيتي نعطيك عشره دينار به تغسليهملي

ناهد :عدي من تالاي على قيص عشرتك مره لي فاتت خليتيني نطلاهم وكل شي وهن ماعين تقول عرس وبعدين مابيتي تعطيني قرش عدي تلفه

وداد :غر هيا غر مره لي فاتت مانكساب قرش

ناهد:فوووتيني ماتحلممميش

خشت بلقيس تبكي

ناهد :خيرك انتي تانيه

بلقيس من بين دموعها: لما شفت بابا يضرب فيكم هربت لي حوش عمي ومرت عمي لزتني

وداد:تي من امتى تحبنه هي وانتي تطايحي

ناهد……يتبع

……..
…