روايه لست احدي ممتلكاتك

البارت الثامن

فتحت ملك الباب وجدت من يشهر السلاح فى وجهها تصنمت ملك فى مكانها من الخضه ولم تنطق بحرف
احمد..مين يا ملك..ولكن لا يوجد رد
قام احمد من مجلسه ووصل الى الباب 
احمد بذهول ..جاك
عندما سمعت ايلا الاسم شهقت وقامت لترى ما يحدث هى واياد
ايلا واياد تفاجؤا بوجود جاك
جاك..اذيك يا ايلا بنتك حلوة زيك يالا انا هاخدها بالذوق من هنا بدل ما اقتلكم كلكم وبرده هاخدها
احمد..سيب بنتى يا جاك ملهاش دعوه عايز تنتقم انتقم منى انا بس سيب ملك وايلا
ملك..بابا انا خايفه
جاك وهو يضع المسدس براسها…لا يا ملك انتى خايفه من خالو يا حبيبتى مش عندكوا فى مصر بيقولوا الخال والد ولا ايه
ملك ببكاء..انت لو خالى وبتحبنى زى ما بتقول مكنتش بعدت ماما عنى الفترة دى كلها ومكنتش حاولت تقتل ابويا ولا حاطط المسدس فى كماغى زى ماانت عامل دلوقتى انت انسان حقير وواطى
ايلا ..بس يا ملك ده خالك مهما كان جاك لو سمحت سيب بنتى ارجوك انا مستعده ارجع معاك فرنسا وهنفذ كل اللى انت عاوزه بس سيب بنتى
جاك..بنتك طالعه شرسه يا ايلا زيك والرجاله فى فرنسا بتحب النوع ده علشان كده مش هقدر اسيبها هتنفعنى فى شغلى
كان اياد يستغل انشغال جاك بالحديث مع ايلا وحاول الهجوم عليه ولكن جاك راه
جاك..اقف مكانك بدل مة اموتها قدامك دلوقتى ارجع مكانك احسنلك وخليك عاقل
احمد..سيب بنتى يا جاك لان انا لو بنتى جرالها حاجه مش هرحمك ومش هتقدر تعيش يوم واحد بعد كده
جاك ..انت عمال تهددنى ومش ملاحظ ان روح بنتك فى ايدى
احمد..روح بنتى فى ايد ربنا مش فى ايد واحد زيك
جاك وهو يضع المسدس فى راس ملك..انا كنت بفكر اقتلك بس هاخد بنتك دى معايا وهى شكلها حلو والطلب هيبقى عليها كتير اما انت موت بحصرتك انت وامها لانكم مش هتشوفوها تانى
ايلا وهى تبكى بشده..سيب بنتى ارجوك يا جاك
اياد..سيبها بدل ما اندمك على اليوم اللى اتولدت فيه
جاك..انت بتهددنى انا واطلق النار عليه واصابته الرصاصه فى صدره
ملك..اياااااااد
جاك ..شكلك بتحبيه يالا معلش بقى واخذها وخرج
اما احمد امسك موضع قلبه ووقع على الارض
جريت ايلا عليه وهى تصرخ

ملحوظه..الكلام كان باللغه الانجليزيه ودى ترجمته
اخذ جاك ملك وهى تصرخ ووضعها فى السياره التى كانت بانتظاره ووضع المخدر عليها ونامت ملك واثار البكاء على وجهها
اما ايلا قامت بالاتصال على الاسعاف واتصلت على توفيق
حضرت الاسعاف وتم نقل احمد واياد الى المشفى ودخل الاثنان الى غرفه العمليات
امام ا
غرفه العمليات كانت ايلا تقف لاتدرى اتبكى على زوجهها وزوج ابنتها ام تبكى على ابنتها التى لاتعرف عنها اى شىء
حضر توفيق وراى
ايلا تبكى بشده
توفيق..ايه اللى حصل يا مدام ايلا
حكت له ايلا كل شىء
توفيق ..متخافيش ملك مش هتخرج بره مصر
امسك توفيق هاتفه واتصل بضابط عنده فى الادارة
توفيق..جاك اللى انتوا حررتوا ايلا منه موجود فى مصر دلوقتى ومعاه ملك بنت ايلا انا مش عايزه يخرج بره مصر كلم الوزارة خليهم يحطوا فى كل طريق كمين وبلغ كل مكان يقدر يخرج منه انه يتمنع ويمسكوه بلغ المطارات والسفن والطريق البرى كل حته يتحط فيها لجنه وكل مكان سواء السفن او المطارات او اللجان اللى على الطريق يوصلهم اشاره باوصافه متخلوش خرم ابره يقدر يهرب منه واغلق الهاتف
توفيق..اطمنى يا مدام ايلا بنتك مش هتخرج من البلد وان شاء الله هنوصلها

فى فيلا مالك السعيد
كانت اسيا تجلس فى غرفتها تذاكر
دخل مالك عليها
مالك..عايز انام ممكن تقومى من على السرير
قامت اسيا من على السرير واخذت كتبها وتوجهت الى الاريكه حتى تجلس عليها
مالك..اطفى النور قلتلك عايز انام
اسيا اطفات النور واخذت كتبها وتوجهت الى الاسفل
تعجب مالك من هدوءها ..هى مالها كده مش بتجادلنى زى ما بتعمل وحاول النوم ولكنه لم يستطيع
بعد ساعتين لم يستطيع مالك النوم وظل يتقلب محاولا النوم
مالك..انا مش عارف انام وهى مش فى الاوضه وحاسس من ساعه ما ضربتها انى مخنوق انا هقوم اشوفها بتعمل ايه
نزل مالك الى الاسفل ووجد اسيا تنام على الاريكه
مالك ..ايه اللى منيمها هنا مطلعتش فوق ليه
حملها مالك وتوجه بها الى الغرفه ووضعها على السرير فى هذا الوقت استيقظت اسيا
اسيا..ايه اللى قالك تشيلنى وتجيبنى هنا
مالك..لقيتك نايمه تحت جبتك هنا الحق عليا يعنى
اسيا ..لو سمحت ملكش دعوه بيا تانى انام ف اى مكان انا حرة ان شاء الله انام فى الشارع ياريت تخليك فى حالك
مالك..ايه خليك فى حالك دى انتى مراتى فاهمه يعنى ايه مراتى
اسيا..انا مش مراتك وعمرى مهكون مراتك انت انانى مبتفكرش غير فى نفسك كرهت مراتك الاولى وعلشان كده بتنتقم منى فيها انت ضعيف اوى علشان كده معرفتش تاخد حقك منها بتستقوى عليا انا
صفعها مالك على وجهها ..انتى لو قلتى الكلام ده تانى هتندمى اوى يا اسيا
اسيا ..هو انا لسه مندمتش انا ندمت من يوم ما اتجوزتك يوم ما رضيت بواحد زيك
ترك مالك الغرفه ونزل الى غرفه المكتب
مالك..انا ليه ببقى مخنوق لما بمد ايدى عليها انا مش طايق نفسي من ساعه مضربتها وضرب ما على المكتب بيده وكسر كل شىء فى المكتب وجرح يده من زجاج المزهريه عندما كسرها بيده
عندما سمعت اسيا صوت التحطيم نزلت من الغرفه لترى ما حدث وسمعت صوت تكسير ياتى من غرفه المكتب دخلت وجدت مالك والغرفه فى حاله يرثي لها ووجدت يده تنزف بشده فاحضرت علبه الاسعافات وجلست امامه وجذبت يده حتى تداويها
مالك جذب يده منها ..ابعدى انا مش ضعيف واقدر اساعد نفسي كويس
اسيا جذبت يده مره اخرى ..انا اسفه انى قلتلك كده بس انت كمان غلطت لما بتحاول تخلينى جاريه عندك مش كل الستات زى بعضها انا مش ماهى يا مالك انا بحط مصلحه الكل قبل مصلحتى مستغربش انا عرفت كل حاجه عنك انت وماهى من ماما لما ضغطت عليها وعارفه كمان انك لما ضربتنى كنت شايف ماهى قدامك مش انا لانك كل اما تتعصب عليا او تحاول تضربنى تقولى يا ماهى صدقنى يا مالك انا مش انانيه زى ماهى انا اتجوزتك غصب عنى علشان انقذ اخويا من عمى
مالك..انا عايز اعرف كل حاجه انتى ازاى اتجوزتينى غصب وايه اللى جبرك انك توافقى وليه بتكرهى عمك ومراته وبنته بالشكل ده
اسيا..انا خلاص طهرتلك الجرح عن اذنك عاوزه انام وذهبت
ذهب مالك وراءها وامسكها من ذراعها
مالك..انا عايز اعرف كل حاجه يا اسيا
اسيا ..وانا مش حابه اتكلم دلوقتى
@شوشيتا@