روايه لست احدي ممتلكاتك
![روايه لست احدي ممتلكاتك](https://zoomroda.com/wp-content/uploads/2019/07/روايه-لست-احدي-ممتلكاتك.jpg)
البارت الرابع
اسيا بصدمه..قولتى مين
منه..اللى سمعتيه يا اسيا
ملك..من اعمالكم سلط عليكم كان لازم تتكلمى عليه انه مغرور وعايش دور سي السيد وهو سمعك حظك بقي هتبقى امينه وهو سي السيد
اسيا تضحك بخبث..مين اللى قالك كده ده جه لقضاه
ملك ..ضحكتك دى مش مريحانى ناويه على ايه يا اسيا
منه..انا كمان مش مطمنه
اسيا..فى ايه بس مالكم انا مش مريحاكم فى ايه
ملك..ناويه على ايه يا اسيا
اسيا وهى تضحك انتى علقتى ولا ايه يا ملك
ملك..اسيا
اسيا..خلاص يا لوكه انا ناويه اعلمه الادب واخليه يحترم الست يعنى ناويه اخليه يكون مؤمن بحقوق المراه ويكون من اهم معاونى المراة
ملك..انتى بتهزرى ولا بتتكلمى بجد
منه..لا شكل الصدمه اثرت على عقلها
اسيا..لا انا بكامل قواى العقليه وبتكلم جد وناويه اربيه شويه
فى الخارج
خالد..ريناد قومى نادى لاسيا
ريناد ..اوكيه
دخلت ريناد عند اسيا ونظرت لها باحتقار
اسيا..ايه اللى جابك هنا يا بت انتى اطلعى على رجلك احسن بدل ما اخليكى من ذوات الاربع
ريناد..انتى لوكال اوى وبابا بيقولك تعالى عايزينك برة وذهبت
منه..انا نفسي اجيب البت دى من شعرها واخليها زى انثى الهدهد
اسيا..ان شاء الله هييجى الوقت اللى تجبيها من شعرها وانا كمان اولع فى ابوها وامها
خرجت الفتيات لملاقاه العريس
خالد وهو يشير على اسيا ..دى اسيا بنت اخويا والعروسه يا مالك بيه
مالك بصدمه ..انتى
ناهد..انت تعرفها ولا ايه ية مالك
مالك..الانسه طالبه عندى فى الكليه
ناهد..بسم الله الله اكبر ايه للحلاوه دى
اسيا..شكرا يا طنط
مالك..فى نفسه ..انتى بقى العروسه ده انا لازم اوريكى على الكلام اللى انتى قولتيه عليا
مالك..انا عايز بكرة يبقى كتب كتاب مع خطوبه
خالد..انا موافق
ناهد..انت مستعجل على ايه يابنى خدوا فرصه اتعرفوا على بعض الاول وكمان ناخد راى العروسه
خالد..العروسه موافقه وانا موافق
ناهد باستغراب ..انت متاكد انها موافقه
اسيا..انا موافقه يا طنط
ناهد..طيب اقعدوا مع بعض شويه اتعرفوا على بعض
مالك..نبقى نتعرف بعد الجواز انا عندى شغل يالا يا ماما
خالد..خلاص يا مالك بيه نتقابل بكرة ونكتب الكتاب
ذهب مالك واهله وبقيت اسيا تنظر لعهما بغضب
اسيا..اخويا يطلع بكرة
خالد.. لا بعد بكرة وانا جهزت اللى هيشيل الليله مكانه
اسيا..طيب اتفضلوا اطلعوا بره
الهام..انتى بتطردينا يا حيوانه انتى
اسيا..الهام لسانك ميطولش يا حلوه بدل ما اخليكى تروحى نن غيره
خالد..ماشي يا اسيا بكرة تندمى على اللى انتى بتعمليه ده
اسيا ببرود.. بكرة الساعه كام ابقى رنلى قبلها يالا بقى اتفضلوا من هنا
ذهب خالد وزوجته وابنته وبقيت اسيا مع منه وملك
منه ..احنا لازم نمشي يا اسيا
ملك..انا كمان يا اسيا احتمال كتب كتابي يبقى بكرة
اسيا..ان شاء الله مش هيحصل الا كل خير يا ملك
ذهبت كلا من ملك ومنه وبقيت اسيا بمفردها
فى مبنى المخابرات
احد الضباط ..احنا هنسافر دلوقتى يا فندم ننفذ المهمه وان شاء الله مش هنرجع الا وهى معانا
توفيق..مع السلامه يا رجاله ربنا معاكم
فى منزل اللواء احمد
احمد..ملك امك ان شاء الله هتبقى موجوده معاكى بكرة ونكتب كتابك على اياد
ملك..وانا عند كلمتى يا بابا لو ماما جت هتجوز اياد
احمد..مش عايزك تزعلى منى يا ملك انا بعمل كى ده لحمايتك انا مقدرش اعيش لو حصلك حاجه
ملك ..احتضنت اباها متقولش كده يا بابا انا متاكده انك بتعمل كل ده علشانى
فى فيلا مالك السعيد
مالك يجلس على سريره شارد فى امر اسيا
مالك.. اسيا ليه وافقت كده وبالسرعه دى ده انا لما سمعتها وهى بتتكلم عليا المرة اللى فاتت كانت مش طيقانى فى سر فى الموضوع ده وانا لازم اعرفه وذهب فى النوم
فى فرنسا
كانت ايلا تجلس فى المنزل الذى يحتجزها جاك فيه
ايلا هى امراة فرنسيه احبت احمد المغازى واسلمت حتى تتزوج منه وتعلمت اللغه العربيه من اجله واصبحت بارعه فيها وانجبت منه ابنتها ملك ولكن اخيها جاك لم يكن يريد هذا الزواج ان يستمر فحاول ان يجعل ايلا تترك احمد وعندما رفضت حاول قتله فطلبت ايلا من احمد ان ياخذ ملك ويرجع الى مصر وتقول لجاك ان ابنتها ماتت ولذلك غضب احمد وطلقها
كانت ايلا شارده فى ذكرياتها حتى وجدت جاك امامها
جاك..مالك اكيد بتفكرى فى بنتك متقلقيش اسبوع وهنزل مصر واجيبهالك بس مش هتقدرى تقوليلها انك امها ومتخافيش على مستقبلها عندى عريس مناسب ليها هو اكبر رجاله المافيا فى فرنسا كلها
شهقت ايلا عندما سمعته
ايلا..انت اكيد مجنون حرام عليك ده انا اختك وهيا بنتى يعنى انت خالها تقوم تعمل فيها كده
جاك وهو يضحك بسخريه ..خالها ايه بس يا روحى العلاقات المتخلفه دى عند طليقك فى مصر اما هنا كل حاجه ليها علاقه بالبيزنس
ايلا..انت احقر انسان شفته بحياتى
جذبها جاك من شعرها ..اخرسي خالص وعقابا ليكى فى واحد امريكى شافك وعجبتيه وهيدفع فيكى كتير انا قلتله لا فى الاول لانك كنت ساكته اما دلوقتى لما شتمتينى فجهزى نفسك يا قطه هعدى اخدك واروح اسلمك ليه بالليل ويا ريت تلبسي فستان سواريه بدل اللبس الواسع ده والحجاب اللى علطول مغطيه بيه شعرك ده
ايلا..انت لايمكن تكون اخويا انت حيوان ممكن يبيع اى حاجه علشان الفلوس يا حقير
جاك وهو يضحك بسخريه..انا عارف مجبتيش جديد
فى الخارج كان ينتظر الضباط المصريين الفرصه المناسبه حتى يهجموا على المنزل ويحرروا ايلا
احد الضباط..احنا هنستنى لما اخوها يمشي لانه معاه حراسه كتير وده غير الحراسه اللى على البيت نفسه والحراسه اللى معاه شكلها بيقول انها مدربه على اعلى مستوى واحنا مش عايزين مجازفه احنا عددنا مش كتير
ضابط اخر ..والحل ايه يا فندم
الضابط..احنا نستنى لما يمشي لان المعلومات اكدت انه مش عايش معاها فاكيد هيمشي
فى الداخل
ايلا..امشي من هنا انا مش عايزه اشوفك اخرج بره
جاك..حاضر يا روحى همشي بس هرجعلك تانى بالليل واسلمك بايدى للى هيدفع فيكى اكتر
خرج جاك ورجاله ورحل عن المنزل
فى الخارج
الضابط..استعدوا هنجم بس اما نتاكد انهم مشيوا
بعد قليل
الضابط..انت هتروح من الناحيه دى وانت هتروح من الناحيه التانيه وانتوا الاتنين هتلفوا من ورا البيت اما انت هتقتحم معايا يالا يا رجاله
بدا الاقتحام وبدا تبادل النار
الضابط ..غطينى على ما اطلعها من جوه
كانت ايلا فى الداخل ترتجف وتدعوا ربها ان ينجيها ويحفظ حبيبها وابنتها
اقتحم الضابط واخرج ايلا
ايلا ..انت مين وعايز ايه
الضابط..انا ضابط مصرى وعندى اوامر انى ارجعك مصر ويالا مفيش وقت
فرحت ايلا بشده انها سوف تاتى الى مصر
اما الضابط..تكلم فى اللاسلكى الذى كان معه..غطينى انا هاخدها واخرج
تم تحرير ايلا وركبت الطياره الهيليكوبتر الى مصر
فى المساء
فى فيلا مالك
ارتدى مالك ثيابه وهى عباره عن بدله كلاسيكيه وذهب مع اهله ليعقد قرانه على اسيا
اما خالد ذهب مع زوجته فقط لان ابنته رفضت الحضور واحضر معه الماذون
فى منزل اسيا
ارتدت اسيا فستان من الشيفون باللون الازرق وحجاب من نفس خامه الفستان باللون الازرق ولكن ليست نفس درجه لون الفستان ووضعت بعض الميكب الخفيف حتى لا يشك مالك واهله فى امر موافقتها السريعه
دق جرس الباب وكان خالد والهام والماذون
خالد..مبروك يا اسيا
اسيا..اخويا عملت فى موضوعه ايه
خالد..فى واحد دلوقتى بيعترف على نفسه واخوكى هيفرجوا عنه بكرة الصبح
الهام..مبروك
اسيا..سعيكم مشكور ياام زينات
الهام..ايه ام زينات دى يا لوكال وبعدين انا بنتى اسمها ريناد مش زينات
اسيا ببراءه..سورى نسيت اصلى بنسي الاسامى التافهه وبعدين زينات احسن من ريناد اسم له وزنه كده
كانت الهام سترد عليها ولكن دق جرس الباب
فتح خالد الباب وكان مالك واهله
خالد..اتفضل يا مالك بيه الماذون جوه يالا علشان نكتب الكتاب
تعجبت ناهد من تسرعه فى اتمام الزواج واحست انه يوجد سر وراء هذه الزيجه
دخل مالك واهله ونظر الى اسيا وجدها تنظر اليه بتحدى كانها على وشك دخول معركه فبادلها نفس النظرة
تم عقد القران والبس مالك لاسيا شبكتها
مالك..بعد اذنك يا خالد بيه انا هاخد مراتى تعيش معايا
خالد..براحتك هى دلوقتى مراتى وانت حر فيها
اسيا..انا مش موافقه احنا لسه كاتبين الكتاب نستنى اسبوعين ولا حاجه اكون حضرت حاجتى
مالك..كل اللى هتحتاجيه هجبهولك انا عايزك تيجى معايا زى ما انتى وبكرة هخلى رنا تنزل معاكى تجيبى اللى انتى عايزاه
رنا..تعالى يا حبيبتى وانا هاجى معاكى نجيبلك اللى انتى عايزاه
اسيا..لا انا مش محتاجه حاجه
ناهد..خلاص يا اسيا تعالى معانا بقى
اسيا..انا اسفه انا مش هقدر اجى معاكم دلوقتى ادونى فرصه اتعود على الوضع الجديد
خالد..تعالى يا اسيا عايزك فى كلمتين وامسكها من يدها ودخل بها احد الغرف
خالد وهو يضغط على ذراعها بت انتى روحى معاه بالذوق احسنلك بدل ما اعمل تليفون اخليهم يدخلوا لاخوكى واحد السجن يخلص عليه
اسيا جذبت ذراعها من يده ..ايدك تتمد عليا تانى هقطعهالك يا يا عمى وانا هروح يا عمى بس هييجى اليوم الل هتترجانى فيه انى ارحمك
خرجت اسيا اليهم واعلنت موافقتها واخذت حقيبه يدها ودست فيها شيء ما وذهبت معهم
فى منزل اللواء احمد المغازى
احمد..ملك قومى جهزى نفسك الماذون هييجى مع اياد كمان شويه
ملك..وماما
احمد..جايه معاهم
ملك ..بجد يا بابا وذهبت الى غرفتها حتى تجهز نفسها لاستقبال امها
بعد قليل جهزت ملك ودق جرس الباب
جريت ملك لتفتح الباب وكان على الباب ايلا واياد وتوفيق ومنه والماذون وصديق لوالدها حتى يشهد مع توفيق على عقد القران
ايلا..ملك واخذتها فى حضنها وبكوا سويا
ملك..ياااه يا ماما كان نفسي اشوفك من زمان اوى
ايلا ..وانا كمان يا حبيبتى بابا علطول كان بيبعتلى صورك
احمد..اذيك يا ايلا
ايلا..الحمد لله يا احمد انت عامل ايه
احمد..انا كويس يالا يا ملك نكتب الكتاب مفيش وقت
ملك..اللى تشوفه يابابا
تم عقد قران اياد وملك
الماذون..استاذن انا بقى والف مبروك
احمد..استنى يا شيخنا
احمد..تتجوزينى يا ايلا
ايلا..خايفه اعيد اللى حصل تانى يا احمد
احمد..متخافيش انتى دلوقتى فى حمايتى انا موافقه ولا لا
ايلا وعيناها تملاها الدموع ..موافقه
تم عقد قران ايلا واحمد
فى فيلا مالك السعيد
وصل مالك واسيا وامه واخته الى الفيلا واخذ اسيا وصعد الى غرفته
دخل مالك مع اسيا الى الغرفه
مالك وهو يقترب منها..مبروك يا عروسه الليله ليلتك
ولكن اسيا اخرجت صاعق الكهرباء من حقيبه يدها واشهرته فى وجهه
اسيا ..لو قربتلى يبقى انت الجانى على روحك
استنونى البارت الجاى ورايكم يهمنى
@شوشيتا@