رواية سجن البنات

سجن البنات:-الحلقه الخامسه
ركبنا عشان انضفو الدور التاني انصدمنااا كان منضره زي افلام الرعب كيف مهجور يرعش حوايج ملوحات وصور بنات وكانت ريحته تقررف المهم نضفناه والامور تمام لاكن كل مره نلقو في حاجه مره لقيت ورقه صغيره مطويه من كتر ماهيا قديمه صعب تقري يلي فيها لاكن مكتوب فيها ((انتي في السماء ياأمي وانا في الارض ضلموني سألحقك بي إذن الله ))والكلام يلي مكتوب ع الحيووط يرررعش المهم نضمنا الجو ونقلنا بضاعتنا فوق وزي العاده جو يهزبو فينا انتم بدون فايده يا ………هلبا دوه مسكينه معانا بنت فيلبينيه ??يكشخ عليها الحارس قعمزي ?وهيا تقوله انا مافهمت قوعاميز ???ويضرب فيها مسكينه اقسم بالله شر البليه مايضحك المهم في الليل جو الساعه8جانا واحد من الحارس قعد يشوف يشوف لين طاحت عينه عليا قالي انتي جديده قتله اي قالي شن اسمك قتله لجين قالي به الحقيني طبعا البنات كلهم يقولو ربي يصبرك لاني الوحيده انا واكرام يلي مغتصبنا حد المهم طلعت معااه نرعش ونقرا في المعودات واية الكرسي نلقاهم زوز ولاد سكراااانين طينه مش قادرين يوقفو المهم قالي الاول ارقصي ?مصح وجها يحسابني صافيناز مشي التاني قال لا نبيها تغنيلي ??لاحول الله يحسابني كبريه الاخ ??معدلتش وقاعده نقرا سبحان الله قعدو الزوز يتعاركو يتعاركو ويضربو في بعض لاحد ما المشكله كبرت وقالي امشي ولي لي الزنزانه متعك سبحان الله القرآن حافض لي الناس كان يفتحو عيونهم شويه بس المهم جابولنا عشي طبعا شربى معفنه بنتها اميه اميه كلينا من الجوع ورقعدنا طبعا اول ليله لينا في الدور التاني وكااااان تشووفو كأن نحنا ناقصين هم طلع الدور التاني مسكون لان ميتين فيه هلباا ومهجور من 5سنين هلبا مصدقوش لاكن نبدو كلنا راقدين نسمعو في صوط عياط وتعذيب وناس تضحك انوضو نشوفو الممر منلقو شئ اقسم بالله قريب متنا لدرجة في الليل مع الساعه3نسمعو في بنت معانا تخبط وتعيط زي الهبله سألناها خيرك شن في قالت نشبح في راجل مشنوق فوق طبعا هادا من غير الصور يلي نلقو فيهم داخل شقوق الحيوط صور اطفال وصور عائلات وناس كاتبه قصصها في ورقه وحاطينها وناس كاتبه ارقام عائلاتها ع امل حد يلقاهم ويطلع يتصل بيهم تي شئ يخليك تهبلي وين زاد الشئ على حده وقريب هبلنا خذينا ميه وقرينا فيه قرآن وقعدنا نسيقو بيها وكلنا نشربو في مية قرآن ونقروفيه من هاديكا خلاص معش نشوفو في شئ …يتبع
تفاعلكن