رواية سجن البنات
سجن البنات:-الحلقه الثانيه
طبعا اول ليله ليا انا واكرام في الحبس الجو حااار هلبا مفيش تكيف مفيش غير روشن صغيير وكانو محبوسين معانا هلبا جنسيات سوريات ومصريات حتا فليبينيات
المهم رقدنا بسيف تاني يوم الساعه 7الصبح نسمعو في صوت خبط ع الباب والباب حديد صووته قوي هلبا طبعا مع صوت الخبط ((نوضو ياكلاب نوضو ياوسخين سادكم نوم ))وهلبا كلام وسب مش ضروري بنووتة الشيخ تكتبه المهم نضنا طبعا انا واكرام هادا شئ غريب علينا لاكن الباقي لا طلعونه برا وتفاجئنااا نسحابو عدد السجينات شويه طلع هلبااا فوق من 74بنت وهلباا
منهم كانو يخدمو مع القذافي
المهم طلعنا عطونا يلي ع اساس فطور خبزه بايته وشاهي بسسس رجعونه لي الزنزانه طبعا مع الضرب والشتم قعمزنا وقعدنا نحكووو
سمعنا قصص غريبيه معقوله يشدو بنت يحبسوها لانها حافضه القرآن ويتهموها انها دااعش !!
ويحكو على بنت محبوسه اختصبها 26حيوااان مش بشر هادم لين توفت في نفس اليووم
وهلباااا قصص غريبه المشكله نص المساجين اهلهم ميعلموش بيهم وين هادي يلي تقهر قعدنا نحكو وكل وحده تقول في قصتها الاولى:-
اسماء:-انا كنت مجنوونه بي راجلي نحبه موت اكتشفت انه يبي يتزوج عليا قعدت ندور فيها البنت لين لقيتها كانت تخدم مزينه تجيك لا الحوش كلمتها وجبتها في حوش بوي طبعا حوش بوي فاضي امي وبوي ميتين وانا معنديش خوت ولاخوات المهم جبتها غادي وحبستها عذبتها هلبااا شفيت غلي فيها لغاية مفي يوم شفتها كانت بتهرب ضربتها بي موس الحلاقه ع رقبتها طاحت طول نسحابها ماتت ركبتها السياره ورفعتها لي مكب كناسه الساعه 4في الليل وحطيت عليها بنزينه ناضت كانت فاقده الوعي حرقتها وطووول وهيا حيا ? مشيت سلمت روحي لي مركز الشرطه
اكرام:-كيف تسلمي رووحك ??
اسماء:-لو قعدت برا راجلي رح يستاحشها ويدورها نخاف نقتله لان يحب غيري وانا منبيش نضره
وغيرهااا هلبا من القصص رح تحكيها بنووتة الشيخ في باقي الحلقات المهم كانو معانا هلباا بنات عندهم امراض* ورم وربو وحساسيه والله معانا حتا وحده فيها الايدز عفاكم الله ومعندنااش حتا دكتور ولا تمريض وحده عندها ربو تبي اكسجين قعدت تخبط ع الباب وتحيط مفتحلها حد لين توفت …يتبع