رواية زوجتي الثانية
#زوجتي_الثانيه 4 الجزء الاخير
ايمان:بكيت هلبا هذيك الليله واضح انه يحب مرته هلبااا وندمت اني وافقت كان لازم نسكر رااااسي ونقول لا منبيش
فراس:قعد هذيك الليله في حضن كوثر ومرضاش انه يدخل علي ايمان وسكر دماغه ان ميبيش يطلع من حوش كوثر
ثاني يوم✨
ايمان:ركبتلي لمياء وفهمتني ان لازم نلبس بدله رسميه ونساوي روحي وننزل لان عيلتهم سمعو وجو كلهم واستغربت ان مسألتنيش فراس وين ؟اكيد تعلم انه عند مرته الثانيه بعد منزلت بدقايق جو خواتي وامي وموضحتش لحد ان مصار شي امس
لبست بدلتي وساويت روحي ونزلت سلمت عليهم ونسمع فيهم يحكو من تحت لتحت ان مرته الاولى احلا بس مدورتش لين نصدمت?
خشت بنت مشاء الله محلاها وصابغه شعرها يجنن ولابسه لبسه مش عاديه سلمت عليهم وقعمزت وعرفت انها ضرتي بجد قعدت حالا فمي فيها وهيا معنوياتها مرتفعه ورغم ان انا ضرتها يلي خذيت من راجلها سلمت عليا عادي ومدارتش اي لقطه✨يمكن توا فهمت علاش فراس مقدرش يقرب مني امس مشاء الله البنت مش ناقصها شي غير انها متجيبش في صغار بس حلوه هلبا الله يبارك❤️
روحت مع الساعه7المغرب بعد متعشينا روحت مكسوره وحاسه ان بعت روحي برخيص ومش عارفه شنو ندير بعد شوي طق الباب
طق طق طق
ايمان:فتحت الباب وكان فراس?
فراس:خش للحوش…مساء الخير
ايمان:مساء النور
فراس:اسف امس م…..
ايمان:لا عادي حاسه بيك
فراس:خش لي دار النوم دوش وطلع
ايمان:جهزت روحي وقلبي بيطلع من مكانه وهوا كان يجنن ك العاده قعد يقرب مني شوي شوي لين مشت الامور رغم اني مكنتش حاسه بشي وكانت علاقه باااارده بكل يدير فيها كأنه مجبور ومعنداش خيار تاني?فاتت هذيك الليله وتهنيت وطبعا هوا بعد كملنا دوش وطلع لي مرته كوثر من هذيك الليله عرفت ان وضيفتي اني نجيبله صغار وبس??ولا عمري رح نخش لي قلبه او يتلفتلي واصلا كنت معتبره روحي خرابة بيوت?
يفوت الاسبوع ويفوت الشهر زي كل يوم ميجيش عندي نهائي غير مره مره يجيب في بضاعة حووش كامله وفاوس الحق مش منقص عليا شي لاكن ميباتش عندي ولا يطلعني غير انه يرفعني لحوش اماليه وبنسبه لي كوثر لو تلاقينا تسلم عادي وحرام عليا عمرها مضايقتني
بعد شهر بس من جوازي اكتشفت اني حامل وبي توأم زياده❤️فرحت العيله كللللها وبدات عمي يلي هوا بو فراس كانت لا توووصف ومن فرحته هذالي تاكم ذهب بس فراس كانت فرحته ناقصه وزي العاده مشي لي كوثر يواسيها?يوم علي يوم بدت بطني تكبر والوحم يلي كان متعبني بس الحمد الله بنت عمتي ساره تجي تقعد عندي بشهر تحوسلي وتساعد فيا الحق❤️ لين كملت 9شهور مصكرات وفي خلال 9شهور هاذم ابو فراس مل شهر ولا سبوع يجيبلي حاجة ذهب عارفه انه يصبر فيا لان حاس بي ولده ميدورش فيا بكل بس يالله عادي❤️
وجي موعد الولاده وجبت بنت وولد وياربي علي الفرحه يلي منت فيها حسيت انهم وح يعوضوني علي كلللل شي شفته في حياتي ❤️روحت الحوش ودرنا حفله كبيره وفراس دخل كوثر عطاها الولد تشده وتصور معاه وهوا جنبها الناس كلها لاحضت ان فراس كان يتمنى يكونو التوأم من كوثر مش مني وان قاااعد حبها في قلبه بس زي العاده تحملت وكنت نشكي لي ساره وبس
قعدت في حوشي ولمياء اخت فراس وامه كل شويه يجوني يساعدوني في التوأم وكثرت جيات فراس ع خاطر صغاره طبعا ياخذ فيهم لي خوش كوثر ساعه ساعتين ويردلي فيهم
تعبت هلبا في تربايتهم وهما صغار يعني واحد وتتعبي معاك مابالك زوز ❤️بس الحمد الله اختفت معاناتي لما بدو في عمر 4سنين
ايمان:في يوم جتنا قريبت فراس وشدتني ع جنب وقعدت تنصح فيا علي كريمات وماسكات وحجات نديرهم وقتلي انتي نقشك حلو بس اهتمي بروحك …ارتسخ كلامها في راسي مشيت سجلت في نادي رياضه ومشيت لي عيادة تجميل بديت ندير في جلسات لي وجهي وقعدت نشري في حوايج ومعاي ساره بنت عمتي تختارلي في حجات ع الموضه وهكي ودرت لي شعري بروتين
في خلال4شهور بدي وزني 62مناسب لي طولي بعد ماكان 70ووجهي بدي صااافي وبدت ملامحي تبان وشعري بان طوله محلااه يعني تقدرو تقولو بديت راضيه علي شكلي وقنينه ادددمنت العنايه بروحي وبي جسمي وبديت كل مره بي صبغه وكل مره بي حاجه جديده وخديت كورسات مكياج والكل نصدم فيا بدات كوثر ومن لما شافتني هكي بدت تحارب فيا كل مره بي حاجه
?روايات بنووتة الشيخ.اروى الطاهر المسلاتي?
بعد ماسكرت قريب 5سنين من زواجي والمده هاذي كلللها فراس معش قربني بدت كوثر ديمه تبات برا وبعد ماهتميت بنفسي بدي فراس يجي يبات عندي وكنت مستغربه وطبعا يتسبل بي الصغار
بدي فراس يدمر شغله لسبب مفيش حدد يعرفه في العيله بدي يخسر في صفقاته وتصيرله خنبة شيكات هلبا لين جي يوم وولا ع الحديده ومعنداش حتا قرش وصدمت عمره لما اكتشف ان هاذا كلللله وراه كوثر مرته الاولى
فراس:دموعه يطيحو ….عع ع علاش علاش عطيتك كل شي تبي منقصت عليك شي عطيتك فلوسي عطيتك وقتي عطيتك حياتي كلللها علاش
كوثر:تغديت بيك قبل ما تتعشى بيا عارفه ان فلوسك كلها رح نمشي لي صغارك وانا رح نقعد هكي
فراس:مدارش اي ردة فعل غير انه صبح في المستشفى بسبب الانهيار العصبي يلي صارله?
هاذي كانت كلمات كوثر وجوابها لي فراس?يلي حبها بصدق ومتخلاش عليها
?روايات بنووتة الشيخ.اروى الطاهر المسلاتي?
بعد مرور شهر:-
فراس :طلق مرته كوثر وحالته ادمرت بدون شغل وبدون حتى حاجه والجرح يلي في قلبه عمييييييق حتى صغاره يصرف عليهم بوه ?
ايمان:بجد وجعتني حالته في يوم كنت مروحه من النادي خطمت علي محل الدهب وبعت دهبي كللللله متع العرس ويلي جابهولي بوه والهدايا وكل شي وبعت الفضه متعي وبعت حتى سيارتي يلي جابهالي هوا عشان نطلع بيها وميتقيدش برفوعي وجيباني باش متزعلش كوثر?وبعت قطعت الارض يلي حصلتها من بوي
الاجمالي 350ألف روحت الحوش غديت ولدي سيف وبنتي سمر ورقدتهم ودرت الفلوس في كيسه وطلعت طقيت علي فراس
فراس:فتح الباب وكانت حالته تاعبه بكل….تفضلي
ايمان:خشت بدون متحكي ولا كلمه وقعمزت جنبه
فراس:بلع ريقه ويشوف لوطه… ان شاء الله خير
ايمان:حطتله الشكاره جنبه
فراس:شن هاذم؟!
ايمان:هاذم 350الف عشان تبدا في شغلك من جديد
فراس:مصدووووم …كككم؟!!!! شش شن تقولي
ايمان:اي 350الف افتح معرضك الجديد واكيد مزال عندك معارف يساعدوك
فراس:مش مستوعب شي….من وين جبتيهم
ايمان:بعت سيارتي وقطعت الارض يلي من بابا
فراس:شاف لي يدين ايمان…بعتي دهبك ايمان??
ايمان:ضحكت اي …عادا الذبله
فراس:ممم مستحيل منقدرش ناخدهم
ايمان:وقفت…لو مخذيتهمش مستحيل نسامحك ره
فراس:انتي كيف اديري حاجه زي هادي
ايمان:انت اب صغاري في النهايه يالله سلام…وطلعت
يمكن درت هكي لان كنت نحبه هلبااااا ومستخسرت فيه ولا شي
فراس:الصدمه كانت ماليا وجها اخر واحد كانت متوقع توقف معاه هيا ايمان? حاول فراس يرجعلها الفلوس بس رفضت واقنعاته انها تخليه يبدا شغله من جديد ع خاطر صغاره
بعد مرور4شهور :-
فراس:رجع شغله زي قبل واحسسن بي هلبا وبدي يبات عند ايمان ونعجب بيها كيف مهتمه بروحها وكيف كانت متغيره هلبا وحلوه وطبعا لما وقفت معاه كبرت هلباااا في عينه قرر ان يجازيها ويرجعلها دهبها وبعدين ياخدلها سياره وقطعت ارض ❤️وبي المره يعترفلها بي ان يحبها وسعيد بي حياته معاها
شرالها زوز تواكم ذهب وباقة ورد وروح للحوش
كانت ايمان زي العاده بخره الحوش وموتيا العشي ولابسه ومتكمه ❤️
فراس:دخل الحجات وضمهم عشان يقتجئها بعد العشي …شن جو
ايمان:تمام بس راسي يوجع فيا تعرف
فراس:خيرك شن فيه ?
ايمان:ولا شي مبكري الصبح طاحت عليا حاجه مفهمتاش شنو في النادي طاحت ع راسي لين دخت
فراس:خلي نمشو نعاينوك
ايمان:معاينت شنو عادي خلاص صداع وتو يختفي المهم توا قعمز ووكل ولدك تعبني
فراس:بس للعلم طالعه حلوه
ايمان:تحشمت وحطت الماكله
فراس:ترا اميه
ايمان:ناضت من ع السفره وطاحت داخت
فراس:قعد يرعش مع بعضه طلع صغاره لي امه ورفعها المستشفى دخلوها ?
بعد مستنى فراس قريب ساعه ونص طلع الدكتور
فراس:شن صار ????
الدكتور:الواضح ان المريضه تلقت ظربه قويه ع راسها مما تذى الي نزيف داخلي وسبب في كتل دم علي الدماغ
فراس:شاذ قلبه…شش شن صار؟!
الدكتور:للاسف الواضح ان النزيف ليه وقت و…
فراس:و شنووو تكلممم لو محتاجه علاج للخارج اي شي انا …
الدكتور:عضم الله اجرك
فراس:نزلت عليه الكلمه زي الصاعقه مستوعب شي وقعد صوت عياطه في كاااامل المستشفى ويصبرو فيه الممرضين وهوا خش في عالم تانيه جي بين عيونه كيف وقفت معاه وهوا طووول مدة زواجه ولا مره عطاها فرصه كيف؟كيف رح يتحمل معش يشوفها ام صغاره قعد يبكي ويعيط بي اعلى صوته وموقفش بكي بكي بكي?كان يكسر في قلبها في كل مره عشان ترضى زوجته الاولى يلي خاناته وباعاته اليوم رح يقلها نحبك الكلمه يلي تمنت طووووول حياتها تسمعها وماتت ومسمعتهاش?محاولش حتى انه يستوعب يلي صار فقد شعوره وخش في حالة هستيريا من البكي والعياط
موت ايمان مان صدمه لي عيلتها يلي ضلمتها صدمه لي الناس يلي مرحمتهاش بي ملمة انتي مش حلوه منو يلي بياخدك ولما هتمن بي روحها وولت قنينه مفيش حد شكرها صدمه لي بوها وامها يلي حاولو انهم يرموها لي اي حد وخلاص المهم تتسمى متزوجه
اليوم بعد6سنين من وفاة ايمان فراس قاعد متخلصش من عذاب ضميره وقريب يموت في كل ليله?قاعده باقة الورد اليابسه وتواكم الدهب يلي كان رح يعطيهولها ويقلها نحبك يمكن لو سمعتها رح تكون اسعد انسانه في الدنيا ?اليوم يحكيلها علي حبه ليها وهوا واقف علي قبره
?روايات بنووتة الشيخ.اروى الطاهر المسلاتي?
هلبا تفاصيل مألمه مقدرتش نكتبها بسبب اقربائها يلي خشولي خاص يمكن ميبوش يذكرو التفاصيل يلي مسروها وحرقو قلبها فيها حاولت نختصر ونفهمكم قصتها بي قدر الامكان
*ديمه حاولي تفتحي عيونك ع الناس يلي تحبك والناس يلي تودلك الشر
*حاولي متبيعيش ناس تحبك باش ترضي ناس تانيه لانك رح تنصدمي فيهم بعد وقت ره ووقتها الندم مش رح ينفعك في شي ?
*متقيموش الانسان بي شكله نعرف ان الكلمه هادي مش رح تستوعبوها لاكن حاولي تشوفي تعامل الانسان وقلبه كيف قبل شكله
*خلي كلامك ديمه مع الناس كويس لانك مرات بي ملمه منك ترجحي بنادم او حتى تنهي حياته حرام متزيدوش هموم الناس بي كلامكم
وزي منقول الحب في كل مكان بس انتي دوري كويس واختاري صح …بنووتة الشيخ??
حنوقف نشر ?لمده اسبوعين لان عندي امتحانات ادعوولي ???