رواية زوجتي الثانية

الحلقة 3

عد ما خلاص الدنيا في وجهي بدت سودا وحياتي ادمرت في يوم جاني خبر رد الروح فيااا.

عبد الحميد:ايمااااان ايماااان
ايمان:طلعت من الدار….نعم يابوي
عبد الحميد:بري سلم بنتي عاوني امك في الغدي جايينا ضيوف
ايمان:استغربت في بوها كيف فرحان …ان شاء الله

فراس:كيف تقوووووليلي اهداااا????ماشي يخطبلي في وحده تانيه وانا معنديش علم شنو تقولي يا امي خيرك؟؟؟!
لمياء:غير اسمعني ياخوي لا امتى بتقعد هكي بدون صغار عارفينك تحب مرتك لا كن شن فايدة الحب وانت معندكش ولد يحمل اسمك
فراس:متعصصب…مدخلللللكمممممش فيااااا انا حياتي وراضي بيها
فاطيمه:وبوك مش راااضي بي هاذا كله كيف ولده الوحيد ميكونش عنده حفيد يحمل اسمه فهمني
فراس:طلع وقررربع الباب وجت عينه علي كوثر

كوثر:الدمعه في عيونها….ف فراس
فراس:خداها من يدها ورفعها لحوشهم يلي يبعد خطوات بس من حوش بوه

لمياء:توا كيف بيصير هي قتله بوي من البدايه متمشيش تخطب لين تفاتحه في الموضوع
فاطيمه:لو فاتحه رح يرفض زي كل مره
لمياء:ان شاء الله خير وخلاص

كوثر:حطت يديها علي لحية فراس…حبيبي اسمعني
فراس:يشبحلها وساكت
كوثر:يلي علينا درناه مخليناش بلاد معايناش فيها مخليناش علاج مخذيناشي وللاسف العيب مني مش منك
فراس:كوثر انا….
كوثر:عارفه انك تحبني وانا نموت فيك لاكن مهما كان من حقك يكون عندك صغار بوم وامك يفرحو بيهم
فراس:من….
كوثر:اششش خلاص متحكي شي اطمن رح نقعد معاك حتى لو تزوجت
فراس:حضنها….نحبك
كوثر:نمووت فيك

طبعا فراس قريب ايمان من بعيد شوي متزوج ليه3سنين تزوج حبيبته❤️وطلعت متجيبش في صغار وامه وبوه قررو يخطبوله ايمان لانها قريبتهم ومطلقه .
مواصفات فراس..طبعا هوا قنين هلبا مشاء الله ابيضه ونقشه ع الاسود لحيته وشعره وعيونه كبار شوي

?روايات بنووتة الشيخ.اروى الطاهر المسلاتي?

ايمان:شش شنو?
فتحيه:الحمد الله ربي جبر بخاطرك
ايمان:مصدوومه لاكن فراس ؟فراس علاش بساخذ وحده تانيه حسب علمي متزوج حبيبته
فتحيه:مش طلعت متجيبش في صغار يا همي
ايمان:وبياخذني انا ع شان نجيبله صغار؟
فتحيه:عاد متصكريهاش في وجوهنا يا بنت وين تلقي زي فراس مشاء الله معارض سيارات وزين الله يبارك
ايمان:ماهو هادي المشكله ان هوا فلوس وزين وبياخذني انا
فتحيه:وخيرك انتي شن ناقصك
ايمان:تنهدت…لا شي
فتحيه:فرصة العمر هادي مضيعيهاش
ايمان:ناضت لي دارها بدون متتكلم

كوثر:خلاص حبيبي عاد غير جوك
فراس:تنهد…وتي روحك خلينا نتغدو برا اليوم
كوثر:ابتسمت….تمام
فراس:باس يدها
كوثر:ناضت من جنبه خشت لي حمام دار النوم صكرت ع روحها وبدت تبكي لان بجدددد حرقتها راجلها رح يتزوج وحده تانيه ومجبوره انها توافق ?

ايمان:قعدت سارحه مش مصدقه فراس يلي كنت نموووت فيه ونحبه وهوا ولا عمره شافلي اصلا اليوم يبي يتزوجني؟!كيف بندير نوافق ونجي علي ضره؟؟به كان هيا مسكينه مش موافقه نحرقلها في قلبها علاش؟!!افففف ياربي وخلاص

طق طق طق
ايمان:ادخل
فتحيه:ها شنو وافقت العروسه ولا مزال
ايمان:امي متقوليش عروسه
فتحيه:اسمعي يابنت حتى لو موافقتيش انتي رح يشوف غيرك وياخدها علاش اظيعي فيه منك
ايمان:يصير خير
فتحيه:بوك اتفق معاهم الخميس الجاي بيجو يرفعوك
ايمان:كيييييف???شنو هكي بسرعه بسرعه
فتحيه:خير البر عاجله …نوضي سلم بنتي صلي ركعتين استخاره
ايمان:يصير خير وخلاص

فراس:عجبك القفطان؟
كوثر:اي حلو
فراس:خوذيه
كوثر:علاش حبيبي توا معنديش عراس انا فوته
فراس:خوذيه قتلك منخليش حاجه في خاطرك
كوثر:ابتسمت
فراس:هيا بسرعه
كوثر:به?
فراس:يشوف لي كوثر من بعيد وواجعه حالها هلبا رح تتحمل وجع ضره في سبيل امي وبوي يفرحو شي يقهر?بس مستحيل نخليها دقيقه حتى لو جبت 1000عيل

فاطيمه:ها طمني ياحاج شن صار معاك
حاتم:وافق بوها ورحب بي الموضوع
فاطيمه:ابتسمت ياااارب ع خير والله موده بنت تستاهل
حاتم:من موده؟انا خطبتله ايمان بنت عبد الحميد
فاطيمه:نصدمت….ملقيتش غيرهااا?
حاتم:ينحي في جاكيته…وعلاش خيرها البنت مشاء الله عليها
فاطيمه:اي لاكن موده قاعده احلا منها
حاتم:دوري الفعل مدوريش الزين اهو عندك الزين في كوثر مرت ولدك الاولى ومجابتش صغار
فاطيمه:ان شاء الله خير وخلاص….وداخلها تقول كيف رح يتقبلها ؟؟!

?روايات بنووتة الشيخ.اروى الطاهر المسلاتي?

روح فراس وكوثر للحوش خلت روحها عاديه وخشت للمطبخ بدير عشي بس فراس كانت نفسيته مدمره خش وراها للمطبخ وحضنها

فراس:شن بديري
كوثر:بندير العشي ياقلبي
فراس:فوتيه مخاطريش نبي نرقد تعالي جنبي
كوثر:شافتله…حبيبي خيرك؟!
فراس:ولا شي نحس في روحي تاااعب ونبي نرقد جنبك
كوثر:حطت يدها ع راسه تشوفله في الحراره..حبيبي خيرك شن تحس؟!
فراس:تااعبب
كوثر:به تعالا معاي هي
فراس:خش هوا وياها لدار ورقد في حضنها كأنه طفل تااااااعب من كل شي جنبه

ايمان:رضت بي الامر الواقع ونزلت شنطت بتاتها يلي كلتها الغبره وبدو خواتها وامها يجهزولها في كل شي وهيا طوول الوقت خايفه وعقلها مش معاها بكل جاها يوم الخميس لبست قفطان دمي قصير وجتها المزينه دارتلها شعرها ومكترتش هلبا مكياج وقعمزت تستنى في فراس وقلبها يددددق مش عارفه شنو ادير وكيف رح يكون فراس معاها

لمياء:لابسه عبايتها وتستنى في فراس بتمشي معاه…امي قوليلي
فاطيمه:شنو
لمياء:منو يلي اقنع بابا يخطب ايمان رغم انه كان حاط في راسه ياخذ موده بنت عمي عمران
فاطيمه:وين نعلم انا بوك كل مره براي

كوثر:دموعها في عيونها بلعت ريقها…هيا حبيبي وقت عليك وعليها برا روح بيها
فراس:مسك يد كوثر عمري مارح نخليك ولا حبي ليك رح يتغير خليها في بالك
كوثر:ابتسمت…عارفه وحق ربي ولا انت رح يتغير حبي ليك
فراس:باسها ع راسها وطلع
كوثر:قعمزت ع السرير وتنهدت…يالله عادي الحمد الله خذي وحده شينه ع الاقل نقعد انا ديمه الحلوه في عيونه الحمد الله يلي قدرت نقنع عمي حاتم ?

ايمان:سارحه في امي وخواتي كيف فرحانين زي عرسي الاول وانا من داخلي خايفه يصيرلي نفس الشي اقسم بالله رحليا يرعشو مع بعض اتصلت بي بنعمتي ساره حكيتلها وقعدت تحتول تهدي فيا لين سمعت صوت بابا يقول …

عبد الحميد:هيا يا فتحيه طلعي البنت راجلها جي
ايمان:تجمدت من الخوف مع بعضي وهزتني زغروطت امي?وقفت بي الكعب يلي لابساته وحاولت نمشي شوي شوي وامي معاي لين وصلنا السياره وركبت بدون منشبحله

نزل فراس يسلم علي بو ايمان وامها بدون نيه وبدون ذرة فرح مقهووور ورجع ركب سيارته وطلع
وطول الطريق محكاش ولا كلمه

ايمان:وصلنا ونزل بي السياره بدون ميقول شي قعدت مش عارفه راسي من رجليا وين ننزل ونمشي وشنو بندير قعدت حاجه دقيقتين ونزلت من السياره وخشيت الحوش يلي خشله لقيت امه ع الباب

فطيمه:اهلا اهلا يابنتي تفضلي
ايمان:زايد فضلك ?
لمياء:روروروروي
فاطيمه:دخلت ايمان لي حوشها يلي مان في نفس الجنان وقريب من حوش ايمان وكوثر
كوثر:كانت تشوفلهم من الروشن وساكته
ايمان:بعد خشيت للحوش نحيت عباتي وقعدت ندور فيه ونتفرج طبعا واضح انه ملحق او استوديو مش حوش وجهزوه في ضرف اسبوع قعدت مقعمزه في دار النوم ونستنى في فراس وردة فعله معاي شنو

فراس:بعد ماكان يدهن برا طفى الدخان وخش لي ايمان
ايمان:سمعت صوت الباب وقفت وقلبي بيطلللع
فراس:نحى جاكيته وحطه ع الصالون وخش لدار النوم
ايمان:ساكته
فراس:كيف الحال
ايمان:قلبها يرجف…تمام
فراس:قرب منها شويه وكان قلبه مقبوووض
ايمان:قعدت ساكته وتشوف للارض
فراس:بعد مقرب عليها هلبه فجأه بعد …عارف ان اليوم مفروض يكون دخولك لاكن اسف والله منقدر عطيني شويه وقت
ايمان:كأن حد صب عليا اميه سخونه قعدت منزله عيوني…اي ولا يهمك
فراس:خذي جاكيته وطلع

طق طق طق
كوثر:كانت راقده ع سريرها وتبكي ولما سمعت الباب يطق توقعتها ام فراس ولا اخته ناضت مسحت دموعها وفتحت الباب وقبل متقول اي كلمه
فراس:حطنهااااا بقوووه
كوثر:حبيبي شنو ادير هنايا
فراس:مقدرتش نلمسها ولا نجي جيهتها بكل صعب علياااا ?
كوثر:فرحت بي الكلام يلي سمعاته…خش ياعمري تو نتفاهمو…يتبع