رواية حياة فقير

حلقة (( 6 )) الاخيرة
قصة حقيقية
للكاتب محمد مالك

ساعة 9 في الليل

مصطفي ف مطعم ياخد في عشاء

وسليمان يوتي في روحه بيخنب السيارات

ونيروز مقعمز ف الدار معا امها

وفاتن وايوب كيف وصلو المستشفي

___
فاتن وايوب سالو الرسيبشن ع مكان الدار
وركبو

طق الباب *

نيروز مقعمزة ف الدار معا امها

فتحت فاتن الباب وراها ايوب وخشو الدار

نيروز : فاتن *

(( ملاحظة نيروز و مصطفي ميعرفوش ان فاتن دفت امهم يعرفو انهم تعاركو قبل ما اطيح بروحها * ))

فاتن: السلام عليكم
نيروز :وعليكم السلام

خشت فاتن وراها ايوب

ايوب: الحمد الله ع سلامتها

نيروز..ابتسمت: الله يسلمك

فاتن: كيف حالها توا ؟

نيروز: الحمد الله كويسة توا قالو في الليل تفيق

فاتن..توترت : ان شاء الله لاباس عليها

نيروز: وليك باس

ايوب: شن وين سليمان ومصطفي

نيروز: سليمان قال عنده شئ بيديره ومصطفي قريب بيجيب حاجة ناكلوها اايه حقا نكلمه يحسبكم

ايوب: لا والله ما صارت كلينا قبل ما نجو

رن تلفون ايوب

طلع برا الغرفة ورد

ايوب: ايوا سليمان
سليمان: السيارات عندي
ايوب: صحه ليك وصلهم الاستراحة
سليمان: ساعة ويوصلو بس عندي شى بنقوله
ايوب: قول يا غالي
سليمان : اخر شغل معاك هاده حيكون وحننسحب
ايوب: انتا تعرف انك متقدرش تنسحب
سليمان: نعرف لكن دير معروف وخليني ننسحب
ايوب: اني نخليك به الي اعلي مني مش حيخلوك
سليمان: نبي ننسحب ندير عملية مسح ذاكرة اي حاجة مهم نطلع من الحرام
ايوب: الي تعرفه يا سليمان هلبا يعني لو بتطلع حيقتلوك الي تعرفه عليهم مش شوية
سليمان: اني بنسلم امرى لله والي حيصير كاتبه ربك وين انتا ؟
ايوب: في المستشفي
سليمان: استناني جاي
ايوب : تم

سليمان ومصطفي تلاقو في الدروج بتاع المستشفي وركبو معا بعضهم وصلو الغرفة وطقو الباب

سليمان: السلام عليكم
ايوب: وعليكم السلام
مصطفي فنص في ايوب ع طول

ايوب:بشوية يا مصطفي جينا نديرو في الواجب
مصطفي: الواجب من ناس كويسة نقبلوه لكن منكم عيب نقبلوه
ايوب: عارفك متكنطي ع الي صاير بس هادي الدنيا شن بدير
مصطفي..شاف لي سليمان : قتله ؟؟
سليمان: ايه
مصطفي: به توا تبي نقعدو احباب بتنسا سليمان ونقعدو عيلة تبي عداوة ومش حنخلي سليمان في حاله حيصير كلام ثاني
ايوب: ههههههه تهديداتك قوية
مصطفي: شن بتختار توا
ايوب: اسف يا مصطفي سليمان مربوط منقدرش نخليه
مصطفي: به الي حيصير حيكسرك توا
ايوب..ابتسم
سليمان: فاتن انتي طالق انتي طالق انتي طالق
(( ملاحظة هكي فاتن مطلقتش بس ك اختصار كيف طلقها في الواقع ردها وطلقها ** ))
ايوب: كيييف ؟؟؟؟
سليمان: زي ما شايف معاش في شى يربطنا ببعض
مصطفي: قتلك الي جاي حيكسرك وانسا سليمان خير راه مشراني اني طول عمري متحندب وعايش في الشارع

ايوب..عصاب : توا نتفاهمو والشقة نشوفك فيها نقصلك رجليك
شد فاتن من يدها وطلع فاتن تبكي

بعدها بساعتين ناضت امهم

وفي الليل امخر حالها باهي تضحك وتهدرز معاهم

سليمان: بنرجعو لي حوشنا يا امي
امي: نرجعو للحوش الي استرنا وغطا علينا احسن من شقة جابت لينا الهم
سليمان: بنسالك علاش فاتن دفاتك ؟
امي: لقيتها تخون فيك يا وليدي في التلفون
سليمان ..رفع حاجبه: اهو تفكينا منها بنمشي محكمة غدوا وننهي الموضوع
امي : الحمد الله

مشي سليمان المحكمة وتم الموضوع وطلقها رسمي

ورجعنا حوشنا اول ثلاثة شهور مفيش مشاكل والامور كويسة واني خائف ع سليمان من ساعة 7 منخليش فيه يطلع خائف عليه

اني كملت خدمتي وبدينا كل مرة نديرو ف صيانة وساعدني سليمان
تقدرو تقولو احلي ثلاثة شهور عشناهم في سعادة

ونيروز تقدملها ولد حلال

لحد اليوم المشؤوم يوم لتوا نادم ع كل لحظة درتها فيه وقرارتي كلها غلط

سليمان: هياا نيروز بسررعة
نيروز: الصبر مش اسرع من الحديد اني
امهم: يا مصطفي
مصطفي: نعم
امهم: نبي بضاعة درتلك ورقة ع الطاولة
مصطفي : تمام

سليمان: يالنصيب لعب يا امي الغالية
امهم: ربي يفتح عليك يا ولدي

(( نشرحلكم اكيد كلكم تقولو نصيب شن سليمان خش شراكة معا صديق ليه بيفتحو مصنع الامونيم في الكريمية وكان اول يوم يفتحو فيه المصنع هاده علاش مستعجل

طلعنا قدام الحوش نسخنو ف السيارات

مصطفي: مبارك يا خوي الغالي
سليمان: الله يبارك فيك هيا امشي معاي ونروحو معا بعض
مصطفي: لا منقدرش

( ياريتني مشيت )

سليمان: غير تعال معاي يا خوي تربح

(( كلامك جديات يا سليمان مفروض مشيت معاك راه ربحت ))

مصطفي: عندي ما ندير
سليمان : به تعالي بعد ما تكمل

مصطفي: توا نحاول مهم متعطلش بس
سليمان: تمام هيا معا سلامة

هادي اخر مرة شفت فيها سليمان
مشى لي افتتاح مصنعه معاش جي
روحت في الليل ساعة 11 ملقيتاش في الحوش اتصلت بي صاحبه قالي طالع من ساعة 6 العشية بيروح قال

قعدنا ندورو شهور كنت كل يوم نطلع ندور مشيت السجون كلها مشيت للشقة لقيتهم بايعينها
مشيت للاستراحة لقيتها مبيوعة
خوي الغالي سليمان اشرف البزنطي مفقود من 2015 شهر 11 ليومنا هاده للحظة هادي
فقدت الأمل في انه يكون

الحسنة الوحيدة من شهر تزوجت نيروز وفتحت حوش
اني مزال ندور نشرت ع الفيس في كل مكان تواصلت معا كاتب مش يديرها رواية توصل لعدد كبير والباقي ع ربي اني خائف يكون مقتول دعواتكم يا ناس مرات تستجاب ويرجع سالم غانم للحوش

نشكر محمد ع تعبه معاي الي درته كبير يا محمد راه كلمتك وقتلك عندي قصة قتلي عندي هلبا ناس بس لما حكيتلك وعرفت انه خوي مفقود خديت قصتي منور والله تستاهل كل خير

نهاية

(( عارف القصة مش من افضل ما كتبت بس لانها مش محبوكة كويس وواقعية بس في رواية حقيقية ع الابواب جميلة جدا ورواية معا ميرو الجاية ))