رواية حياة فقير

الحلقة (( 2 ))
قصة حقيقية
للكاتب محمد مالك

لايك اهم شئ قبل ما تقراء

قاعد متسمعش ف الكلام ؟

دير لايك

_____

مصطفي: من هادي ؟
سليمان: مرتي

اني ف صدمة وامي واختي
وهيا تشوفلنا ومبتسمة
وسليمان مبتسم.

اني فتحت الباب ونزلت

فاتن تشوف لي سليمان

سليمان نزل لحقني

سليمان: مصطفي ؟؟
اني مرديتش عليه ونازل من الدروج
سليمان لحقني وشدني من ايدي

سليمان: خيرك نزلت ؟
مصطفي : حول ايدك
سليمان: رد عليا بس
مصطفي : قداش ليك طالع ؟؟
سليمان : كيف مفهمتش ؟
مصطفي: كنت محبوس من سنتين قداش ليك طالع من الحبس ؟
سليمان : ليا سنة
مصطفي : ليك سنة ادور مفكرتش اتجينا ؟ ولا تسال ؟
سليمان : غير اسمع بس
مصطفي: شن بنسمع عرسك الي محضرناشي ولا سنة ادور واحنى نفكرو وين ديارك ولا فلوسك الي مصدرهم مجهول ؟؟ نعيش ف الخرابة ولا نعيش ف رزق حرام ؟

سليمان نزل ايده من ع مصطفي

مصطفي كمل نزل الدروج

سليمان ركب الشقة

لقى امه واخته مقعمزين ف الصالون ومعاهم فاتن مرته *

سليمان: السلام عليكم
امه: وين مصطفي ؟؟
سليمان: منعرفش نزل لوطا
فاتن: قوله يركب
سليمان: توا يجي
امه مش عاجبها كيف ولدها متجوز *
سليمان جي جنب امه وقعمز

سليمان: ايه يا امي الغالية هادي كنتك فاتن الله غالب الظروف جبرتنا ان نتجوزو بسرعة بس باذن الله كله يتعوض

امه مردتش عليه عرفها مش عاجبها

سليمان: تمام نيروز تعالي نبيك

سليمان ناض معا نيروز

سليمان: نيروزا اختي الغالية بالله رطبي الجو بين امي وفاتن عارف انه موضوع صعب شوية بس نعرفك تقدري
سليمان حط ايده ف جيبه طلع فلوس عطاهم لي نيروز : هادو خليهم عندك احتياط نشوف مصطفي اني

نيروز: حاضر شوف مصطفي لو مجاش راه امي حتنكد اليوم بكل
سليمان: به توا نشوفه مصطفي هي ديري زي ما قتلك

طلع سليمان

نزل قعد يدور ملقاش مصطفي بس شافه ع الكرنيش واقف

سليمان : السلام عليكم
مصطفي..شاف لي سليمان: وعليكم السلام
سليمان : اسمع تعالي اركب معاي الشقة توا وشوية شوية تفهمو كل شئ
مصطفي: كل شئ واضح اصلا منبيش نفهم
سليمان: كل شئ واضح ؟؟ كيف كل شى واضح اني الي عشته انتا معشتاش اني الي كنت فيه نتعذب ويضربو فيا وين كنت انتا …دموع ينزلو من سليمان وهوا يتكلم

سليمان: رد عليا ؟؟ وين كنت ؟ ولا واجعك اني متجوز المرأة الي مغصوب عليها
مصطفي مصدوم كيف سليمان يتكلم ويبكى
سليمان: هادي المرأة حق حريتي كان متجوزتهاش راه ميت ومدفون خوك توا ولو ع الفلوس خوك غارق ف الحرام الدنيا حكمت عليا تشوف فيا مطلوق توا قصدك اني قاعد محبوس لتوا لو نطلع من المسار الي حاطينه غدوا جنازتي الي كنت فيه ميتحملاش حد ادير ما ادير ما تقدر تعيش يوم زي ما عشت اني ف الحبس نرقد بطريحة ونوض بطريحة ولاااا الي يضرب فياا اصغر مني شوف الكسررة كيف شكلهاا بس وانتا تحرج زي البنت

سليمان يبكى بعبرته حط ايديه ع وجهه وقعد يبكى

مصطفي حس ان الي كان فيه سليمان شئ كبير وميعلمش عليه شئ

مصطفي حضن سليمان الي يبكى بعبرته

ويفكر
متجوز بغصب وكانت مفتاح حريته ؟
مصدر الفلوس حرام
وكان متجوزش راه مات ؟
اسئلة هلبا تبي اجابات بس مباش يضغظ ويسال !

مصطفي: امسح دموعك يا راجل عيب تبكي
سليمان يمسح ف دموعه
مصطفي: ايواا هيا نتمشو وناخدو طاسه شاهي تعال

تمشو معا بعضهم وخدو طاسه شاهي
وقعمزو قعدو للصبح وهما يهدرزو ف ذكرياتهم معا بعض

مصطفي : هههههه تتفكر وقت ركبت فوق الشجرة معاش عرفت كيف تنزل اني قتلك نقز نشدك
سليمان: ههههه وقت انكسرت يدك وانتا بتشدني
مصطفي: كنت حاصل فيك بكل
سليمان : حتا معتصم تعبته معاي
مصطفي: الله يرحمه ويغفرله اني خسرت واحد مش حنخسر الثاني
سليمان: الله يرحمه
مصطفي: هي شني انوضو الصبح طلع
سليمان : هياا

مشو الشقة لقوهم راقدين خشو فرشو ورقدو

نضت ثاني يوم ع صوت امي

امه: مصطفي نوض ياسرك العصر قريب ياذن
مصطفي ..مسح ع وجهه: حاضر يا امي شفت لي مكان سليمان لقيته فاضي

مصطفي: ناض سليمان امالا ؟
امه: جاه تلفون نزل يجري
امي طلعت من الدار
مشيت لي الروشن قعدت نشوف لقيته سيارة مسلفره وسليمان مطبس من الروشن يكلم فيهم

مصطفي: شكلك غارق جديات يا خوي

فاتن خشت الدار : صباح الخير
مصطفي طبس راسه : صباح النور
فاتن : ان شاء الله ارتحت ف النوم
مصطفي : ههه لا رقدت كويس الحمد الله

طلعت فاتن واني قاعد نراقب من الروشن

نشوف لي سليمان ومن الي معاه **

نيروز : صباح الخير
مصطفي : صباح النور
نيروز: وين كنتو امس
مصطفي: ع الكورنيش
نيروز: ااه امي قعدت للفجر استنتكم بعدها رقدت
مصطفي: شن كويسة معاكم ؟
نيروز :من هيا ؟؟
مصطفي : يعني من هيا ؟
نيروز: ااه ماشاء الله عليها طيبه معانا وكويسة
مصطفي: به الحمد الله

طلعت نيروز من الدار

واني قاعد نشوف من الروشن نبي نطلعه من الي هوا فيه نبي نبعده ع الحرام الي هوا فيه ونساعده

خشت فاتن لقتني نشوف من الروشن

فاتن: متعبش روحك مش حتقدر ادير شئ *

يتبع

عارف حلقة قصيرة بس قصة حقيقية ومش هلبا حلقات الرواية واحداثها مش طويلة
مصطفي يقرا ف تعليقات

لايك اهم شى 

error: