رواية تزوجت دون علمي
#تزوجت_دون_علمي
الحلقة 9
انا خيرني انت تسال فيا انا مستحي انسامحك انت فرقتني ع حب حياتي
ويجيني كف من صفوان و يشد ايده معتصم قبل مايوصل فيا
صفوان نحي ايدق يامعتصم لازم انربيها
معتصم انت جرب مد ايدك عليها هادي ومرتي ومنبي حد ايمسها
معاذ تعالى يا صفوان وشبحلي شبحة امتع خاب ظنه فيا
اركبت سيارة وانا نبكي مبطلتش بكي
حاول معتصم انه ايغيرلي جوي
مع انه البعض مصدوم من معتصم امه عرف اني انحب واحد ومدارش ردت فعل ممكن ايكون متعاطف معاي لانه جرب نفس الشعور انه حد تاني يخطفك من اللي تحبيه
وصلنا لي حوش اهله جت بنت طولية وبيضة لابسة فستان اسود قصير هلبا بدون كمام ومكياج صارخ سلمت عليه احضان وبوس وهوا وكانه ميشوفش فيها انا الصراحة عرفتها
جو سلفاتي وخواته ايسلمو بعدين جتني شيماء قعمزت ع كرسي العروسة وهيا جنبي
انا هديكا نفسها وله
شيماء بالزبط
انا سكتت
جتني امه نجات بخرتني وقالتلي اطلعي لي راجلك
كلمة رزينة شخص كنتي اتحبه وتتمني تسمعي الكلمه هادي ليه وفجاء ايجي غيره ياخدها بكل سهولة
طلعت وكانت الدنيا كلها ولاد اللي سكران ويدعد واللي يظرب في رساس ومفرقعات واللي مركز معانا شدني معتصم من ايدي وركبني السيارة وصلنا لي حوشة نزلت وانا نشبحله كانت حوش كبير الجنان كله معشب و ورد والحوض مليان شموع و ورد
فتح الباب وكيف بنخش وقفني
معتصم خشي بي اليمين
انا خنقتني العبرة خشيت نتفرج ع الحوش كان خيال بس مش مهم ااحوش ولا الفلوس اهم حاجة اني انعيش مع من انحب بس للاسف اخ و خلاص 
خش لي الكوجينة جابلي طاسة اميه
معتصم اشربي
انا منبيش
معتصم هادي امية مقرية
انا خديت الطاسة شربت منها و اعطيته قعدت واقفة في مكاني الصراحة مقدرتش اني نمشي انشوف الحوش ولاحتى نسل سوال وكاني راضية
معتصم خشي هديكا الدار
انا مشيت بي بطء بي الكعب وكيف بنخش اعترت و طحت
حي معتصم يجيري خيرك
انا حسيت بي اللم بس مبيتش نتكلم
جي ايساعد فيا جي وجهي ع وجهه بعدت وبديت نمشي مع كل نشية نحس بي اللم
خشيت لي الدار نبكي من الالم بدلت الفيلو وحطيت التاج غي باكوه لبست توتة وردية حرير لميت شعري ومسحت المكياج
قعمزت ع السرير نتفرج ع الدار كانت كلها شموع و ورد تمنيت توا انكون مع حمزة في الدار هادي كان حيكون احلى يوم في حياتي بس
ويقاطعني صوت الباب
معتصم عادي انخش
انا تفضل
خش معتصم متبيش تتعشي
انا قايمة راسي فوق منبيش نبكي
لا صحتين كول
معتصم نزل راسي بي ايده طول الدموع نزولو
خدي ايده و مسحهملي
وقعمز جنبي
انا قعدت نشبحله بتركيز اول مرة انشوفه حلو
الصراحة قبل ماعمري جربت انشوفلة من شدت الكره