رواية تزوجت دون علمي

تزوجت دون علمي
الحلقة 11
معين سارة اتكلمي شن في
سارة بدت تبكي هلا اتحب يا معين مكانتش تبي تتزوج لان في حد في حياتها و هشخص خوك حمزة
معين مصدوم كيف صار هدا كله
سارة يومها كانت تكلم فيه وانا وراها وسمعتها اتقوله سامحني يا حمزة
وحتى يوم عرسها طلب مني طلب مستحيل ننساه طول طلب مني انه ايشوفها قبل ما تروح مع راجلها تعرف اول مرة انشوف حمزة اللي عمره ما ابكي حتى لما مات بوك ابكي دموعه ينزلو لما شافها ادمرت حياتهم يا معين
معين يدرب في رجله علاش متكلمتيش من قبل ره درنا حل
سارة اما حل بديره والفاتحة مقرية
“””””””””””
طلعت امشيت لي المزين مكيجت ودرت تسريحة لبست قفطان منفوخ وكبير لونه عنابي
لبست الكاب امتعي و اتصلت بيه جي الطريق كلها هدوء وصلنا الصالة جوني خواتي والبنات سلمت عليهم كلهم ولما وصلت في سارة بديت نبكي
سارة خلاص اسكتي بعدين انهدرزو
شد ايدي حسيت بي شعور غريب خشينا ندرجو ع( اغنية ربينا ايخليك ليقلبي ) والمصورة تصور قدامنا وصلت لي الكوشة وهوا طلع قعمزت شويا وكل مرة اتجي وحدة خديت تلفونيبعتت رسالة لي سارة اتجي تاخدني دار العروسة قبل ما انوض جتني دنيا
دنيا اهلين بي عروستنا الحلوة
انا اهلين بيك
دنيا شفتي عصومي كيف حلو عسل ربي يحفظهولي
انا انصدمت من الجراء الاوفر اللي عندها بس لعبتها صح : امين ياربي ?
دنيا انصدمت تعرفي اني كنت معاه في علاقة
انا قاطعتها اي نعرغ بس في الاخير شفتي من اتزوج صح وله
دنيا ناضت من جنبي طايرتلها
جتني اختي سارة مشيت انا ويها وسكرت الباب
انا كيف حاله توا
سارة مش احسن منك
انا انا انحبه يا سارة علاش صار هكي تره قوليلي
سارة كله منك انت علاش متكلمتيش من قبل
انا ع اساس لما نطلع من الثانوي حي جي يخطبني بس بس وبديت نبكي
سارة خلاص توا صار اللي صار معاش تبكي
مسحت ادموع خشت ام معتصم وخلاته لبسوني البدلة الكبيرة خش هوا لابس الزبون
طلعنا صورتا المصورة وطلع قعمزت ع الكرسي بعدها وليت البست الجلوة وبدو العملات ايفرقو في العشي
جو خواتي وخوات معتصم ايدرزو عليا
حلا وشوشتلي شن صار امس
انا تعرفي تصكري عليا فمك تسحابيني ناقصة كلامك الفاظي
مسرة تعرفي يا هلا يابخت خوي بيك ملايكة من السماء
انا خنقتني العبرة مهاش قدرت نتحمل اتصلت بي معتصم
معتصم نعم
انا وين انت
معتصم قدام الصالة خيرك تبكي
انا تعالى روح بيا
مسرة خيرك هلا تبكي قلت حاجة غلط انا
انا لا بس انا تعبانة شويا
لبست الكاب والناس كلها مستغربة طلعت ركبت السيارة
معتصم منطقش ولا حرف وصلنا لي الحوش
خشيت جري لي الدار نحيت الجلوة وقعمزت نبكي سعات
طلعت نبي نشرب امية القيت معتصم نايض
امشت ايام وشهور واحني نفس الحال دنيا كانت تسبب في هلبا مشاكل بينا مع ان هيا تعرف ان مفي شي بينا نين جي يوم
انا كنت راقدة نسمع في العيط في حوش عمتي
يتبع

error: