رواية تزوجت دون علمي

#تزوجت_دون_علمي
الحلقة 5
في المسنجر عند صاحباتي
هلا حبيبتي وينك اليوم فيك شي تبي انجوك وينك
اسيل وينك الوووو خيرها اليوم مفتحتش بكل
انا اهلا
ااية وينك اليوم انشغلنا عليك
انا ….. واحكيتلهم اللي صار
اسيل اشبح خيره يناري حرام
نور عينك شن حرام هوا داره بي ايده
سماء انا من راي اسيل
نور شني يناري واخد البنت غصب عنها
في هالوقت جتني رسالة تانية
البنت هلا شن الجو
انا تمام وانت
البنت تمام انا شيماء بنت عمت معتصم
انا اها اتشرفت بيك
شيماء بيك اكثر انا جيت نبي انقولك ع حاجة لان اليوم لما معتصم روح الواضح انه كان مش كويس هوا الصراحة كان خاطب قريبتنا و مرة القاها مع وحدة تانيا راكبة في سيارة اتخون فيه المشكلة كان ايحبها بي جنون لما شافها انصدم و هيا توا اتحاول بي اشد الطرق انها اترجعه ف اديري بالك منه
انا تمام صحيتي وفي خاطري خل تاخده
فات الوقت وتحدد عرسي بعد اسبوعين بثاثي كانت ماما هيا واخواتي وصاخباتي يشرولي فيه ولا فكرت نطلع ولا حاجة حتى الفيلو مفكرتش اني نمشي نختاره ولا حتى نسال كيف شكله الحاجة الوحيدة اللي نعرفها هيا التاج لانه التاج هدا مميز لبساته جداي وخلاتي كلهم واخر وحدة ماما وتوا دوري انا صعبة الصراحة كل اللي لبسوه كانو فرحانين بي ليلت عمرهم الا انا اتعس يوم في حياتي
اليوم اللي بعده جتني بنت خالي سارة
انا اهلا شن الجو
سارة تمام انت
انا شوفت عينك
سارة حبيبتي هلا اسمعيني شويا انت توا شن بيصير في قرايتك معقولة تقعدي هكي
انا درت اشتراك نحظر الامتحان بس
سارة به هكي احسن
________________
صفوان انا قتلك اتكلمي علاش متفهميش
البنت انا بنتزوج صفوان خلاص
صفوان شن اتقولي انت تتكلمي بجديات ولا باش تحسسيني بي الدنب
البنت الموضوع هدا مفيشي بصارة انا حبيت تكوني هادي اخر مكالمة اتكون بينا وتكون احلا وحدة لاني معاش بنسمع صوتك اسفة يا صفوان بس انا نحبك حتى لو انت كنت تضحك عليا او تلعب بيا انا حبيتك من كل قلبي ونتمنالك بنت الحلال اللي تصونك
صفوان عهود متقوليش هكي انا بروحي نحس بشعور حلو لما انكلم مش زي الباقي
عهود تبكي خلاص توا معاش ينفع شي انا السبوع الجاي عرسي وانت تاخرت يا صفوان ع الكلام هدا هيا باي انا هكي انخون في خطيبي بس حبيت تعرف بس
صفوان وربي يا عهود لما ناخدك لو نهرب بيك لو نقتله فهمتي انا حبيتك ومنعرفش لاكن للاسف جي متاخر لاكن كله حيتعوض
عهود مستحيل انسامحك لو ادير شي وسكرت الخط
_______________
نور شن يا سارة المروض انديرو شي ايفرحها هيا اختك واحني صاحبتنا
سارة انشاء الله انا حنكلم حلا وغلا نتفقو انديرو توديع عزوبيا ع الاقل تفرح شويا وتنسى
ايسل انا عندي سوال لو ممكن يا سارة
سارة خير انشاء الله
اسيل علاش بوك زوجها بطريقة هادي
سارة تنهدت هوا قالي هلا انه كان مستحق فلوس بس القصة مش هكي
بو معتصم قبل ما ايموت وصى بابا انه ايزوج اخر وحدة من بناته لي ولده معتصم وهوا دان غالي عند بابا ف بابا واعده ولما مات بدي ايجي لي بابا في الحلم وايقوله قاعد عند وعدك يا نوري و بي الصدفة معتصم جي من حاله لي بابا و في هداكا الوقت كانت في ازمة في الشركة ف معتصم اشري اسهم باش انقد الشركة وبابا فهم هلا انه خدي فلوس باش زوجها ليه
نور علاش به قال هكي
سارة هوا حلف انه ميقول لي حد ع السر بس بي الصفة انا سمعتهم لما جو
_______________________
مكان بيني وبين معتصم اي اتصال نهائي مع انه كان ايحاول بس انا كنت نتصدى فيه كل يوم يووين التغدية معلقة في ايدي
كانت نفسيتي مدمرة ع الاخر
خديت التلفون وايديا يرجفو من الرد اللي ممكن ننصدم منه او هوا ينصدم منه
توت
توت
توت
توت
المتصل الووو واخيرا حنيتي عليا و اتصلتي
انا بصوت يرجف اسفة بس انا مش حنكون ليك
يتبع