رواية تزوجت دون علمي
#تزوجت_دون_علمي
الحلقة 20 و الاخيرة
جهزت شنطة امتع حجاتي و رميت روحي ع السرير من كثرت التعب رقدت طول
التفكير بي الحمزة بدي شوي شوي يختفي يعني حمزة حاليا معاش يهمني زي قبل بدي انسان عادي بالنسبة ليا نظت الصبح فطرت و ضميت الحوش و طلعت اخطمت ع سرور و نور و فاطمة امشينا خدينا الحاجات اللي حجزناهم
امشينا لي المزين بدت فيا انا الاولى فاطمة توا مش حرام عليك المفروض يوم زي هدا تكون مع راجلك مش ماشيا لي عرس
انا هدا كله عندي مش مهم توا .. اه بشويا
نور سوري
قعدنا انهدرزو نين كملنا كلنا البسنا و كملنا و جي عاصم رفعنا
انا انوشش لي نور ربي يستر من ردت فعله
نور عادي فوتيه
طلعنا و اول ما طلعت
عاصم هدا شني تي كيف تخشي انتي هكي
انا عاصم ظم فمك متزيدنيش
نور هيا تركب من القدام باش اتخش
عاصم ربي ايعني انا مش عندكم رجالة انا كاره الزواج من الحجات هادي
انا ياسر الزفت
ركبنا و صلنا قدام القاعة انا وشوشت لي عاصم كل شي تمام
عاصم ما لبستهاله الا بي طلوع الروح شكلك تاكتها معاه قبل ما طتلعي
انا باش ميشكش في شي المهم انت توا برا جيبه و تعالى
او ما خشيت طول القيت ماما و خواتي حظنتهم و بديت نبكي قداش ما استاحشتهم الله لما اتشوفي ناس عزاز عليك بعد مدى طويلة تحس انهم اهم شي في الدنيا
خشيت انا و خواتي صورنا بعدين خشينا لي القاعة انا امقعمزة و قلبي ايدق و الناس كلها
عيونها عليا اتصل بيا عاصم
انا ها شن صار
عاصم تمام بكل اهو خاش
انا قلبي دق كلهم لبسو اوشيحتهم وقفت لما شفته خاش و الصدمة واضحة في وجهه
انا ابتسمتله
معتصم شن هدا
انا مفاجاء حبيت ان نبدو من هل يوم و انا حرمتك من حقك ف حبيت نبدو من اول يوم لينا كنا مع بعض يعني اعتبر اني اول يوم انخش فيه لي حوشك يعني عروسة و عريس
معتصم نحى الطرحة و باسني
انا انحبك يا معتصم
قصينا الكيكة و رقصنا بدت حياتي انا و معتصم من نفس اليوم اللي كنت نكرهه في بس الفرق هادي المرة اني انحبه من وصت قلبي و حمزة معاش ليه مكان بكل في قلبي
لبست الفيلو تاني مرة مع نفس الشخص اللي بستله ليه المرة الاولى لاكن هالمرة برضاي واخيرا حنعيش وانا و زوجي حيات سعيدة حتى لو بدت بشكل غريب لاكن المهم انه الحب موجود سواء في البداية او النهاية اهم شي الحب
النهاية