رواية المظفار والشرسة للكاتبة مريم غريب كاملة

ﺍﻟﺤﻠﻘﺔ ‏( 36 ‏) – ﻓﻘﻂ ﻋﺸﻖ ! – :
ﻛﺎﻥ ﻳﻘﻮﺩ ﺳﻴﺎﺭﺗﻪ ﻣﺘﺠﻬﺎ ﺑﻬﺎ ﺇﻟﻲ ﻣﺆﺳﺴﺘﻪ ﺍﻟﺘﺠﺎﺭﻳﺔ ، ﻋﻨﺪﻣﺎ ﺇﺭﺗﺪﺕ ﺇﻟﻲ ﻋﻘﻠﻪ ﺗﻔﺎﺻﻴﻞ ﻣﻜﺎﻟﻤﺔ ﺻﺪﻳﻘﻪ ﻣﺮﺓ ﺃﺧﺮﻱ ..
………………………………………….. ………..
– ﻭ ﺩﻩ ﺍﻳﻪ ﺍﻟﻠﻲ ﺟﺎﺑﻪ ﺩﻩ ؟ ﻋﺎﻳﺰ ﺍﻳﻪ ؟؟
ﺳﺄﻝ ” ﻋﺎﺻﻢ ” ﺑﺨﺸﻮﻧﺔ ﻋﺼﺒﻴﺔ ، ﻓﺮﺩ ” ﺯﻳﻦ ” ﺑﻨﺒﺮﺗﻪ ﺍﻟﻬﺎﺩﺋﺔ :
– ﻣﺎﻋﺮﻓﺶ ﻳﺎ ﻋﺎﺻﻢ ، ﻫﻮ ﺟﻪ ﻭ ﻃﻠﺐ ﻳﻘﺎﺑﻠﻚ .. ﻻﺯﻡ ﺗﻴﺠﻲ ﻓﻮﺭﺍ ، ﺧﻠﻴﻨﺎ ﻧﺸﻮﻓﻪ ﻋﺎﻳﺰ ﺍﻳﻪ !
ﺻﺎﺡ ” ﻋﺎﺻﻢ ” ﺑﺘﻬﻮﺭ :
– ﺍﻧﺎ ﻟﻮ ﺷﻮﻓﺘﻪ ﻗﺪﺍﻣﻲ ﻫﻘﺘﻠﻪ ﻣﺶ ﻫﺘﻜﻠﻢ ﻣﻌﺎﻩ .
ﻋﻠﻲ ﺍﻟﻨﻘﻴﺾ .. ﺇﺧﺘﻠﺠﺖ ” ﻫﺎﻧﻴﺎ ” ﺣﻴﻦ ﻧﻄﻖ ” ﻋﺎﺻﻢ ” ﺑﻬﺬﺍ ..
ﺗﻮﺗﺮﺕ ﻣﻦ ﻟﻬﺠﺘﻪ ﻭ ﻃﺮﻳﻘﺘﻪ ﺍﻟﻌﻨﻴﻔﺔ ، ﻓﺈﺭﺗﻜﺰﺕ ﻋﻠﻲ ﻣﺮﻓﻘﻴﻬﺎ ، ﺛﻢ ﺇﻋﺘﺪﻟﺖ ﺟﺎﻟﺴﺔ ﻓﻮﻕ ﺍﻟﻔﺮﺍﺵ ﻭ ﻫﻲ ﺗﺤﻴﻂ ﺟﺴﺪﻫﺎ ﺑﺎﻟﻐﻄﺎﺀ ﻭ ﺗﺼﻐﻲ ﻟﺒﻘﻴﺔ ﺍﻟﻤﻜﺎﻟﻤﺔ ﺑﻘﻠﺐ ﻣﻠﺘﺎﻉ … :
– ﻳﺎ ﻋﺎﺻﻢ ﺍﻫﺪﺍ ﻣﻦ ﻓﻀﻠﻚ ﻭ ﺑﻼﺵ ﺗﻬﻮﺭ ﻓﻲ ﺍﻟﻜﻼﻡ .
ﻫﻜﺬﺍ ﺭﺍﺡ ” ﺯﻳﻦ ” ﻳﻬﺪﺋﻪ ، ﻭ ﻟﻜﻦ ﺑﺼﻮﺕ ﺣﺎﺩ .. ﺛﻢ ﺃﺭﺩﻑ ﺑﺪﺑﻠﻮﻣﺎﺳﻴﺘﻪ ﺍﻟﻤﻌﻬﻮﺩﺓ :
– ﺗﻌﺎﻟﻲ ﺷﻮﻓﻪ ﻋﺎﻳﺰ ﺍﻳﻪ ؟ ﻣﺶ ﻫﺘﺨﺴﺮ ﺣﺎﺟﺔ .. ﻭ ﻫﻮ ﻃﺎﻟﻤﺎ ﺟﻪ ﺑﺮﺟﻠﻴﻪ ﻟﺤﺪ ﻋﻨﺪﻙ ﻳﺒﻘﻲ ﻋﻤﺮﻩ ﻣﺎ ﻫﻴﻔﻜﺮ ﻳﻌﻤﻞ ﺣﺎﺟﺔ ﻛﺪﻩ ﻭ ﻻ ﻛﺪﻩ .. ﻳﻼ ﺑﻘﻲ ﺗﻌﺎﻟﻲ ﺑﺴﺮﻋﺔ ﻣﺘﺘﺂﺧﺮﺵ .
ﻭﺍﻓﻘﻪ ” ﻋﻠﺼﻢ ” ﻋﻠﻲ ﻣﻀﺾ ، ﺛﻢ ﺃﻏﻠﻖ ﺍﻟﺨﻂ ﻣﻌﻪ ﻓﻲ ﻭﺟﻮﻡ … :
– ﻫﻮ ﻓﻲ ﺍﻳﻪ ؟؟
ﺗﺴﺎﺀﻟﺖ ” ﻫﺎﻧﻴﺎ ” ﺑﻘﻠﻖ ﻣﺎ ﺃﻥ ﺃﻧﻬﻲ ” ﻋﺎﺻﻢ ” ﻣﻜﺎﻟﻤﺘﻪ ..
ﻓﺄﺩﺍﺭ ﺇﻟﻴﻬﺎ ﻭﺟﻬﻪ ﺍﻟﻌﺎﺑﺲ ، ﻭ ﺃﺟﺎﺏ ﺑﻠﻬﺠﺔ ﺣﺎﺩﺓ ﻓﺸﻞ ﻓﻲ ﺗﻐﻠﻴﻔﻬﺎ ﺑﺸﻲﺀ ﻣﻦ ﺍﻟﻠﻄﻒ :
– ﻣﺎﻓﻴﺶ ﺣﺎﺟﺔ .. ﺑﺲ ﻣﺤﺘﺎﺟﻴﻨﻲ ﻫﻨﺎﻙ ﻓﻲ ﺍﻟﺸﺮﻛﺔ ، ﻻﺯﻡ ﺃﺭﻭﺡ ﺩﻟﻮﻗﺘﻲ ﺣﺎﻻ .
ﻭ ﻟﻢ ﻳﻨﺘﻈﺮ ﺳﺆﺍﻻ ﺃﺧﺮ ﺗﻄﺮﺣﻪ ﻋﻠﻴﻪ ، ﻭ ﻏﺎﺩﺭ ﺍﻟﺴﺮﻳﺮ …
………………………………………….. ………..
ﻫﻜﺬﺍ ﺗﺮﻛﻬﺎ ” ﻋﺎﺻﻢ ” ﻓﻲ ﺣﻴﺮﺓ ﻭ ﻋﺴﺮ ﻣﻦ ﺃﻣﺮﻫﺎ ..
ﻭ ﻫﺎ ﻫﻮ ﻳﻨﻄﻠﻖ ﺑﺴﺮﻋﺔ ﺟﻨﻮﻧﻴﺔ ﺑﺴﻴﺎﺭﺗﻪ ، ﻭ ﺑﻔﻀﻞ ﺗﻠﻚ ﺍﻟﺴﺮﻋﺔ ، ﻭﺻﻞ ﺇﻟﻲ ﻣﺆﺳﺴﺘﻪ ﻓﻲ ﺧﻼﻝ ﺧﻤﺴﺔ ﻋﺸﺮ ﺩﻗﻴﻘﺔ ﻓﻘﻂ ..
ﺇﻥ ﺍﻟﻘﻠﺔ ﺍﻟﻘﻠﻴﻠﺔ ﺑﺎﻟﺸﺮﻛﺔ ﻫﻨﺎﻙ ﻫﻢ ﻣﻦ ﻳﻌﺮﻓﻮﻥ ” ﻋﺎﺻﻢ ﺍﻟﺼﺒﺎﻍ ” ﺷﺨﺼﻴﺎ ..
ﺃﻣﺎ ﺍﻟﻐﺎﻟﺒﻴﺔ ﺍﻟﻌﻈﻤﻲ ، ﻓﻴﻌﺮﻓﻮﻥ ﻋﻨﻪ ﻓﻘﻂ ﺃﻧﻪ ﺍﻟﺮﺟﻞ ﺫﺍ ﺍﻟﻨﺪﺑﺔ ، ﺍﻟﻤﺸﻮﻩ ..
ﻟﺬﻟﻚ ، ﻋﻨﺪﻣﺎ ﺩﺧﻞ ﻣﻦ ﺍﻟﺒﻮﺍﺑﺔ ﺍﻟﺮﺋﻴﺴﻴﺔ ﺍﻹﻟﻜﺘﺮﻭﻧﻴﺔ .. ﺇﻧﺤﻨﻮﺍ ﻟﻪ ﺭﺟﺎﻝ ﺍﻵﻣﻦ ﻓﻲ ﺗﻬﺬﻳﺐ ﻭ ﻫﻮ ﻳﻤﺮ ﺑﻴﻨﻬﻢ ﺑﺨﻄﻮﺍﺗﻪ ﺍﻟﺜﺎﺑﺘﺔ ﺍﻟﻮﺍﺳﻌﺔ ..
ﺑﻴﻨﻤﺎ ﻟﻢ ﻳﻌﺮﻓﻪ ﺍﻟﻜﺜﻴﺮﻭﻥ ﻓﻲ ﺍﻟﺪﺍﺧﻞ … ﻭ ﻟﻜﻨﻪ ﺇﺳﺘﻄﺎﻉ ﺃﻥ ﻳﻠﻤﺢ ﺑﻄﺮﻑ ﻋﻴﻨﻴﻪ ﺣﺮﻛﺔ ﺍﻟﺴﻴﺮ ﺍﻟﺘﻲ ﺗﺒﺎﻃﺄﺕ ﻓﺠﺄﺓ ﻣﻦ ﺣﻮﻟﻪ ..
ﻛﻤﺎ ﺇﺳﺘﻄﺎﻉ ﺃﻳﻀﺎ ﺃﻥ ﻳﺴﻤﻊ ﺃﺳﻤﻪ ﺑﻮﺿﻮﺡ ﺑﻴﻦ ﺍﻟﻬﻤﻬﻤﺎﺕ ﻭ ﺍﻟﻬﻤﺴﺎﺕ ﺍﻟﺘﻲ ﺃﺧﺬﺕ ﺗﺘﻌﺎﻟﻲ ..
ﻟﻢ ﻳﺒﺎﻝ ” ﻋﺎﺻﻢ ” ﺑﺄﻱ ﻣﻦ ﻫﺬﺍ ، ﻭ ﺇﺗﺨﺬ ﻃﺮﻳﻘﻪ ﺇﻟﻲ ﺍﻟﻤﺼﻌﺪ ، ﺛﻢ ﺇﻟﻲ ﻏﺮﻓﺔ ﺍﻹﺳﺘﻘﺒﺎﻝ ﺍﻟﺘﻲ ﺗﺴﺒﻖ ﻣﻜﺘﺒﻪ ..
ﻗﺎﺑﻠﻪ ” ﺯﻳﻦ ” ﻫﻨﺎﻙ .. ﻓﺄﻗﺒﻞ ﻋﻠﻴﻪ ﻣﺴﺮﻋﺎ ﻭ ﻫﻮ ﻳﺘﻤﺘﻢ ﺑﺼﺨﺐ ﻣﺨﺘﻨﻖ :
– ﻋﺎﺻﻢ … ﺍﺗﺄﺧﺮﺕ ﻛﺪﻩ ﻟﻴﻪ ﻳﺎﺑﻨﻲ ؟؟ !
ﺭﺩ ” ﻋﺎﺻﻢ ” ﺑﻐﻠﻈﺔ ﺛﺎﺋﺮﺍ :
– ﻭ ﺍﻟﻤﻔﺮﻭﺽ ﺍﺣﻀﺮﻟﻪ ﻓﻲ ﺍﻟﺤﺎﻝ ﻭ ﻻ ﺍﻳﻪ ؟ .. ﻭ ﺑﻌﺪﻳﻦ ﻣﺴﺘﻌﺠﻞ ﻋﻠﻲ ﺍﻳﻪ ؟ ﺩﻩ ﻫﻴﺒﻘﻲ ﻣﺤﻈﻮﻅ ﻟﻮ ﺧﺮﺝ ﻣﻦ ﻫﻨﺎ ﺣﻲ .
– ﻃﺐ ﺧﻼﺹ ﺧﻼﺹ ﺍﻫﺪﺍ ، ﻣﺎﺣﺼﻠﺶ ﺣﺎﺟﺔ ﻟﻜﻞ ﺩﻩ !
– ﻫﻮ ﻓﻴﻦ ؟؟؟
– ﺍﻧﺎ ﺩﺧﻠﺘﻪ ﺍﻟﻤﻜﺘﺐ ﻋﻠﻲ ﻣﺎ ﺗﻴﺠﻲ .
ﺇﺗﺨﺬ ” ﻋﺎﺻﻢ ” ﺧﻄﻮﺓ ﻧﺤﻮ ﺍﻟﻤﻜﺘﺐ ، ﻭ ﻗﺒﻞ ﺃﻥ ﻳﺄﺧﺬ ﺍﻟﺜﺎﻧﻴﺔ .. ﻗﺒﺾ ” ﺯﻳﻦ ” ﻋﻠﻲ ﺭﺳﻐﻪ ﻭ ﺣﺬﺭﻩ ﺑﻠﻄﻒ :
– ﺍﻧﺎ ﻣﺶ ﻫﺪﺧﻞ ﻣﻌﺎﻙ .. ﺑﺲ ﺍﺭﺟﻮﻙ ، ﻟﻮ ﺳﻤﺤﺖ ﻣﺎﺗﺘﻬﻮﺭﺵ ، ﺍﺳﻤﻊ ﻣﻨﻪ ﻭ ﺍﻧﺖ ﺳﺎﻛﺖ ﻟﺤﺪ ﻣﺎ ﻳﻘﻮﻝ ﻛﻞ ﺍﻟﻠﻲ ﻋﻨﺪﻩ .. ﻭ ﻟﻮ ﺣﺼﻞ ﺍﻱ ﺣﺎﺟﺔ ﺍﻧﺎ ﻣﻮﺟﻮﺩ ﻫﻨﺎ ﻣﺶ ﻫﺘﺤﺮﻙ ، ﺭﻥ ﺍﻟﺠﺮﺱ ﺑﺲ ﻭ ﻫﺘﻼﻗﻴﻨﻲ ﻗﺪﺍﻣﻚ ﻓﻲ ﺛﻮﺍﻧﻲ .
ﺇﺗﺸﺢ ﻭﺟﻬﻪ ﺑﺎﻟﻮﺟﻮﻡ ﻣﺠﺪﺩﺍ ﻭ ﻫﻮ ﻳﺠﺪ ﻧﻔﺴﻪ ﻣﻀﻄﺮﺍ ﻟﺘﻨﻔﻴﺬ ﻧﺼﺎﺋﺢ ﺻﺪﻳﻘﻪ ..
ﻓﺘﻨﻬﺪ ﻓﻲ ﺇﺳﺘﺴﻼﻡ ، ﻭ ﺃﻭﻣﺄ ﻟﻪ ﻣﻮﺍﻓﻘﺎ ..
ﻓﺘﺮﻛﻪ ” ﺯﻳﻦ ” ﻋﻠﻲ ﺫﻟﻚ ﻣﻄﻤﺌﻨﺎ …
ﻟﻴﻨﺪﻓﻊ ” ﻋﺎﺻﻢ ” ﺻﻮﺏ ﻏﺮﻓﺔ ﻣﻜﺘﺒﻪ .. ﻓﺘﺢ ﺍﻟﺒﺎﺏ ﻋﻠﻲ ﻣﺼﺮﺍﻋﻴﻪ ﺑﺤﺮﻛﺔ ﻋﻨﻴﻔﺔ ، ﻭﻗﻒ ﻋﻠﻲ ﺃﻋﺘﺎﺑﻪ ﺑﺮﻫﺔ ، ﺛﻢ ﻭﻟﺞ ﻭ ﺃﻗﻔﻠﻪ ﺑﻨﻔﺲ ﺍﻟﻌﻨﻒ ..
ﺗﻘﺪﻡ ﻧﺤﻮ ﻣﻜﺘﺒﻪ ﺍﻟﻀﺨﻢ ﺍﻵﻧﻴﻖ ، ﺣﻴﺚ ﻳﺠﻠﺲ ﻫﻨﺎﻙ ﺫﻟﻚ ﺍﻟﺒﻐﻴﺾ ﻋﻠﻲ ﺃﺣﺪ ﺍﻟﻤﻘﺎﻋﺪ ﻣﺴﻠﻔﺎ ﺇﻟﻴﻪ ﻇﻬﺮﻩ ..
ﻣﻊ ﻛﻞ ﺧﻄﻮﺓ ﻣﻦ ﺧﻄﻮﺍﺕ ” ﻋﺎﺻﻢ ” ﺗﺠﺎﻫﻪ ، ﻛﺎﻥ ﻳﺸﺪ ﺑﻘﻮﺓ ﻋﻠﻲ ﻗﺒﻀﺘﻴﻪ ﻟﻴﻜﺒﺢ ﺭﻏﺒﺔ ﻣﻠﺤﺔ ﺗﺤﺜﻪ ﻋﻠﻲ ﺇﺭﺗﻜﺎﺏ ﺟﺮﻳﻤﺔ ﺑﺸﻌﺔ ﺍﻵﻥ ..
ﻟﻜﻨﻪ ﺗﻤﺎﻟﻚ ﻧﻔﺴﻪ ﺑﺄﻋﺠﻮﺑﺔ … ﻭ ﻫﺎ ﻫﻮ ﺍﻵﻥ ﻓﻲ ﻫﺬﻩ ﺍﻟﻠﺤﻈﺔ ، ﻳﻘﻒ ﺃﻣﺎﻣﻪ ﻣﺒﺎﺷﺮﺓ …
ﺟﺜﻢ ﺻﻤﺖ ﺛﻘﻴﻞ ﻟﻤﺎ ﻳﻘﺮﺏ ﺩﻗﻴﻘﺔ ﻛﺎﻣﻠﺔ ، ﻭ ﻛﻼﻫﻤﺎ ﻻ ﻳﺰﺍﻝ ﻳﺤﺪﻕ ﺍﻟﻮﺍﺣﺪ ﻓﻲ ﺍﻷﺧﺮ ..
ﻛﺎﻥ ” ﺟﺎﺳﺮ ” ﻋﻠﻲ ﻃﺒﻴﻌﺘﻪ ﺍﻟﻔﻈﺔ ﺍﻟﺴﺎﺧﺮﺓ .. ﺣﻴﺚ ﻟﻢ ﻳﻘﻒ ﻟﻴﺼﺎﻓﺢ ” ﻋﺎﺻﻢ ” ﻓﻘﻂ ﺃﺧﺬ ﻳﻤﺮﺭ ﻋﻴﻨﻴﻪ ﻋﻠﻴﻪ ﻓﻲ ﺗﻘﻴﻴﻢ ﻣﺘﻜﺒﺮ ﻣﺘﻌﺠﺮﻑ ..
ﺑﻴﻨﻤﺎ ﻳﺤﺪﺟﻪ ” ﻋﺎﺻﻢ ” ﺑﻨﻈﺮﺍﺕ ﻧﺎﺭﻳﺔ … ﻭ ﻟﻜﻦ ﺳﺮﻋﺎﻥ ﻣﺎ ﺃﻓﺘﺮ ﺛﻐﺮﻩ ﻋﻦ ﺇﺑﺘﺴﺎﻣﺔ ﺑﺎﺭﺩﺓ ..
ﺃﻋﻘﺒﻬﺎ ﺑﺠﻠﻮﺳﻪ ﻓﻲ ﺍﻟﻤﻘﻌﺪ ﺍﻟﻤﻘﺎﺑﻞ ﻟﻪ ﻣﺒﺎﺷﺮﺓ ، ﺇﺫ ﺃﻧﻪ ﻟﻴﺲ ﺑﺤﺎﺟﺔ ﻷﻥ ﻳﺠﻠﺲ ﺧﻠﻒ ﻣﻜﺘﺒﻪ ﺑﺮﺳﻤﻴﺔ ﺍﻵﻥ ..
ﻭﺿﻊ ” ﻋﺎﺻﻢ ” ﺳﺎﻗﺎ ﻋﻠﻲ ﺳﺎﻕ ﻭ ﻫﻮ ﻳﻘﻮﻝ ﺑﺒﺮﻭﺩ :
– ﺧﻴﺮ !
ﺑﺎﻟﺮﻏﻢ ﻣﻦ ﺣﻴﺎﺩ ﻟﻬﺠﺘﻪ ، ﺇﻻ ﺃﻥ ﺁﺫ ” ﺟﺎﺳﺮ ” ﻟﻢ ﺗﺨﻄﺌﺎ ﺗﻤﻴﻴﺰ ﺍﻟﺮﻧﺔ ﺍﻟﻌﻨﻴﻔﺔ ﻓﻴﻬﺎ ، ﻓﺘﺂﺟﺞ ﺍﻟﻐﻀﺐ ﺑﻌﻴﻨﻴﻪ ﻫﻮ ﺃﻳﻀﺎ ، ﻭ ﺇﻥ ﻟﻢ ﻳﻄﻔﻮ ﻋﻠﻲ ﺻﻮﺗﻪ ﻭ ﻳﺮﺩ ﺑﻨﻔﺲ ﺍﻟﺒﺮﻭﺩ :
– ﻛﻞ ﺧﻴﺮ ﻳﺎ ﻋﺎﺻﻢ ﺑﻴﻪ !
ﻧﻔﺬﺕ ﻋﻴﻨﺎ ” ﻋﺎﺻﻢ ” ﻓﻲ ﺣﺪﻩ ﺇﻟﻲ ﻋﻴﻨﻴﻪ ﻣﺒﺎﺷﺮﺓ ﻭ ﻫﻮ ﻳﺘﻨﺎﻭﻝ ﻋﻠﺒﺔ ﺳﺠﺎﺋﺮﻩ ﺍﻟﻤﺬﻫﺒﺔ ﻣﻦ ﻓﻮﻕ ﺍﻟﻤﻜﺘﺐ ..
ﺩﺱ ﺳﻴﺠﺎﺭﺍ ﺑﻴﻦ ﺷﻔﺘﻴﻪ ، ﺛﻢ ﺃﺷﻌﻠﻪ ﺑﺒﻂﺀ … ﺳﺤﺐ ﻧﻔﺴﺎ ﻣﺘﺂﻧﻴﺎ ﻣﻦ ﺍﻟﺴﻴﺠﺎﺭ ، ﺛﻢ ﻧﻔﺜﻪ ﻋﻤﻮﺩﻳﺎ ﻓﻲ ﺇﺗﺠﺎﻩ ﻭﺟﻬﻪ ..
ﻟﻢ ﻳﻄﺮﻑ ﺟﻔﻦ ﺍﻷﺧﻴﺮ .. ﺇﻧﻤﺎ ﺁﺛﺎﺭﺗﻪ ﺃﻓﻌﺎﻝ ” ﻋﺎﺻﻢ ” ..
ﻓﺄﻃﻠﻖ ﻟﺴﺎﻧﻪ ﺃﺧﻴﺮﺍ ﻗﺎﺋﻼ ﺑﻠﻬﺠﺔ ﺧﺸﻨﺔ :
– ﺍﻧﺎ ﻣﻤﻜﻦ ﺍﻛﻮﻥ ﺭﺍﺟﻞ ﻟﻄﻴﻒ ﺍﺣﻴﺎﻧﺎ ، ﻣﻤﻜﻦ ﺍﺑﺎﻥ ﺍﺑﻦ ﻧﺎﺱ ﻭ ﻣﺘﺮﺑﻲ .. ﻟﻜﻦ ﻛﻤﺎﻥ ﻣﻤﻜﻦ ﺍﻛﻮﻥ ﻭ ** ﻭ ﺍﺑﻦ ﺳﺘﻴﻦ *** ﺯﻱ ﻣﺎ ﺍﻧﺖ ﺍﻛﻴﺪ ﻓﺎﻫﻢ ﻗﺼﺪﻱ !
ﺇﺯﺩﺍﺩ ﺍﻟﻌﻨﻒ ﻓﻲ ﻋﻴﻨﻲ ” ﻋﺎﺻﻢ ” ﻋﻨﺪﻣﺎ ﺗﻌﻤﺪ ﺃﻥ ﻳﺬﻛﺮﻩ ﺑﻤﺎ ﺇﻋﺘﺰﻡ ﻋﻠﻲ ﻓﻌﻠﻪ ﻣﺴﺒﻘﺎ ، ﻓﺮﺩ ﺑﻨﺒﺮﺓ ﺍﻟﻤﺘﺒﺎﻃﺌﺔ ﺍﻟﻘﺎﻃﻌﺔ ﻛﺤﺪ ﺍﻟﺴﻜﻴﻦ :
– ﺍﺧﻠﺺ ﻳﺎﺽ ﺍﻧﺖ ﻭ ﻗﻮﻝ ﺍﻧﺖ ﻋﺎﻳﺰ ﺍﻳﻪ ﻋﺸﺎﻥ ﻣﺎﺗﺤﺼﻠﺶ ﻣﺠﺰﺭﺓ ﺩﻟﻮﻗﺘﻲ .
ﺭﻣﻘﻪ ” ﺟﺎﺳﺮ ” ﺑﺈﺑﺘﺴﺎﻣﺔ ﻫﺎﺯﺋﺔ ﻭ ﻫﻮ ﻳﺨﺮﺝ ﻣﻦ ﺟﻴﺐ ﺳﺘﺮﺗﻪ ﻣﻈﺮﻭﻑ ﺃﺑﻴﺾ ، ﺛﻢ ﻳﻨﺎﻭﻟﻪ ﺇﻳﺎﻩ ..
ﻓﻤﺪ ” ﻋﺎﺻﻢ ” ﻳﺪﻩ ، ﻭ ﺷﺪﻩ ﺑﺈﺣﺪﻱ ﺣﺮﻛﺎﺗﻪ ﺍﻟﻌﻨﻴﻔﺔ ..
ﺛﻢ ﺃﺷﺎﺡ ﺑﻨﻈﺮﻩ ﺍﻟﻤﺘﺠﻬﻢ ﻋﻨﻪ ، ﻭ ﻓﺘﺢ ﺍﻟﻤﻈﺮﻭﻑ … ﻟﻴﺮﻱ ﺩﺍﺧﻠﻪ ﻣﺠﻤﻮﻋﺔ ﺻﻮﺭ ﺗﻀﻢ ﺷﻘﻴﻘﻪ ﻣﻊ ﺗﻠﻚ ﺍﻟﻔﺘﺎﺓ ﺍﻟﺘﻲ ﺗﻘﺮﺏ ﻣﻨﻬﺎ ﺑﺸﻜﻞ ﻣﻠﻔﺖ ﻣﺆﺧﺮﺍ ..
ﻋﺠﺰ ” ﻋﺎﺻﻢ ” ﻋﻦ ﻓﻬﻢ ﻣﺎ ﻳﺪﻭﺭ ، ﻭ ﺭﻓﻊ ﻟـ ” ﺟﺎﺳﺮ ” ﺑﺼﺮﺍ ﺣﺎﺋﺮ ﻫﺬﻩ ﺍﻟﻤﺮﺓ ..
ﻓﺒﺎﺩﻩ ﺍﻷﺧﻴﺮ ﺑﺤﺪﺓ :
– ﺍﻟﻠﻲ ﻗﺪﺍﻣﻚ ﻓﻲ ﺍﻟﺼﻮﺭﺓ ﺩﻱ ﺗﺒﻘﻲ ﻫﺎﺟﺮ ﻛﻤﺎﻝ ﺍﻟﻄﺤﺎﻥ … ﺍﺧﺘــﻲ !
ﻟﻢ ﻳﻨﻜﺮ ” ﻋﺎﺻﻢ ” ﻭﻗﻊ ﺍﻟﻤﻔﺎﺟﺄﺓ ﻋﻠﻴﻪ ، ﻭ ﻟﻜﻨﻪ ﻧﺠﺢ ﻓﻲ ﻣﻮﺍﺭﺍﺗﻬﺎ ﺧﻠﻒ ﻗﻨﺎﻉ ﻣﻦ ﺍﻟﻼﻣﺒﺎﻻﺓ .. ﻭ ﺭﺩ ﺑﺈﺳﺘﺨﻔﺎﻑ :
– ﺍﺧﺘﻚ ؟ .. ﻃﻴﺐ ، ﻋﺎﻳﺰ ﺍﻳﻪ ﺍﻧﺖ ﺑﻘﻲ ﻣﺶ ﻓﺎﻫﻢ !
– ﻷ ﺍﻧﺖ ﻓﺎﻫﻢ ﻛﻮﻳﺲ ﺍﻭﻭﻱ … ﺍﻧﺖ ﺑﺘﺮﺩﻟﻲ ﺍﻟﻠﻲ ﻋﻤﻠﺘﻪ ﻓﻲ ﻫﺎﻧﻴﺎ ، ﺍﻭ ﺍﻟﻠﻲ ﻛﻨﺖ ﻫﻌﻤﻠﻪ ﻓﻴﻬﺎ .. ﺑﻌﺖ ﺍﺧﻮﻙ ﻳﻠﻌﺐ ﻋﻠﻲ ﺍﺧﺘﻲ ﺑﺤﺠﺔ ﺍﻧﻪ ﺯﻣﻴﻠﻬﺎ ﻓﻲ ﺍﻟﺠﺎﻣﻌﺔ ﻋﺸﺎﻥ ﺗﻨﺘﻘﻢ ﻟﻠﺴﺖ ﺧﻀﺮﺓ ﺍﻟﺸﺮﻳﻔﺔ ﺑﺘﺎﻋﺘﻚ .
ﻭ ﻫﻨﺎ ، ﺃﻃﺎﺡ ” ﻋﺎﺻﻢ ” ﺑﺴﻴﺠﺎﺭﻩ ﻓﻲ ﺍﻟﻬﻮﺍﺀ ، ﻭ ﻫﻮ ﻳﺼﻴﺢ :
– ﺍﺗﻜﻠﻢ ﺑﺂﺩﺏ .. ﻭ ﺑﺤﺬﺭﻙ ﻷﺧﺮ ﻣﺮﺓ ﺗﺠﻴﺐ ﺳﻴﺮﺗﻬﺎ ﻋﻠﻲ ﻟﺴﺎﻧﻚ ﺍﻟﻮ .**
ﺛﻢ ﺇﺳﺘﻄﺮﺩ ﻭ ﻫﻮ ﻳﺒﺬﻝ ﺃﻗﺼﻲ ﻃﺎﻗﺔ ﻟﺘﻤﺎﻟﻚ ﻧﻔﺴﻪ :
– ﻭ ﻟﻮ ﺧﺎﻳﻒ ﻋﻠﻲ ﺍﺧﺘﻚ ﺍﻭﻱ ﻛﺪﻩ ﺧﻼﺹ .. ﺍﻳﻌﺪﻫﺎ ﻋﻦ ﺍﺧﻮﻳﺎ .
ﻫﺐ ” ﺟﺎﺳﺮ ” ﻭﺍﻗﻔﺎ ﻭ ﻫﻮ ﻳﻬﺘﻒ ﺑﻘﻮﺓ :
– ﻗﻮﻝ ﻷﺧﻮﻙ ﻭ ﺣﺬﺭﻩ … ﺍﺧﺘﻲ ﺧﻂ ﺍﺣﻤﺮ ، ﻟﻮ ﻓﺎﻛﺮ ﻧﻔﺴﻪ ﺷﺎﻃﺮ ﻭ ﻣﻐﺎﻣﺮ ﻭ ﺩﻭﻧﭽﻮﺍﻥ .. ﻳﺒﻘﻲ ﻣﻦ ﺩﻟﻮﻗﺘﻲ ﻳﺎ ﺻﺒﺎﻍ ، ﺣﻀﺮﻟﻪ ﻛﻔﻨﻪ !
ﻗﻔﺰ ” ﻋﺎﺻﻢ ” ﻓﻲ ﺗﻠﻚ ﺍﻟﻠﺤﻈﺔ ﻗﻔﺰﺓ ﻓﻬﺪ ﻋﻔﻲ ﺑﻌﺪ ﺃﺧﺮ ﺟﻤﻠﺔ ﻧﻄﻘﻬﺎ ﺗﺤﺪﻳﺪﺍ ، ﻭ ﺃﻣﺴﻚ ﺑﺘﻼﺑﻴﺒﻪ ﻭ ﻫﻮ ﻳﺠﻌﺮ ﻭ ﻳﺰﻣﺠﺮ ﺑﺸﺮﺍﺳﺔ ﻫﺎﺋﻠﺔ :
– ﻟﻮﻻ ﺍﻧﻚ ﻋﻠﻲ ﺍﺭﺿﻲ ﻭ ﺍﻧﻲ ﺭﺍﺟﻞ ﻣﺤﺘﺮﻡ ﻛﺎﻥ ﺑﻘﺎﻟﻲ ﻣﻌﺎﻙ ﺗﺼﺮﻑ ﺗﺎﻧﻲ .. ﺑﺲ ﺳﻴﺒﻚ ﺍﻧﺎ ﺍﺻﻼ ﻣﺶ ﻣﺤﺘﺮﻡ ﺍﻧﺎ ﻃﻮﻝ ﻋﻤﺮﻱ ﻣﺘﺮﺑﻲ ﻋﺎﻷﺭﺻﻔﺔ ، ﻭ ﺍﺫﺍ ﻛﻨﺖ ﻣﺘﺨﻴﻞ ﺍﻧﻚ ﺑﺘﻬﺪﺩﻧﻲ ﻓﺈﺳﻤﻊ ﻛﻮﻳﺲ ﻭ ﺍﻓﻬﻤﻨﻲ ..
ﻣﻦ ﺍﻟﻠﺤﻈﺔ ﺩﻱ ، ﻟﻮ ﺣﺪ ﻗﺮﺏ ﻣﻦ ﺍﺧﻮﻳﺎ ﺍﻭ ﻣﺲ ﺷﻌﺮﺓ ﻭﺍﺣﺪﺓ ﻣﻦ ﺭﺍﺳﻪ .. ﻫﻴﺒﻘﻲ ﺩﻩ ﺍﺧﺮ ﻳﻮﻡ ﻓﻲ ﻋﻤﺮﻙ !
ﺇﻧﻔﺘﺢ ﺑﺎﺏ ﺍﻟﻤﻜﺘﺐ ﺑﻘﻮﺓ ﻓﻲ ﺗﻠﻚ ﺍﻟﻠﺤﻈﺔ ، ﻟﻴﻈﻬﺮ ” ﺯﻳﻦ ” ﻣﻦ ﺧﻠﻔﻪ ..
ﺗﻘﺪﻡ ﺻﻮﺑﻬﻤﺎ ﻣﻬﺮﻭﻻ ، ﻭ ﻋﺒﺜﺎ ﺣﺎﻭﻝ ﺃﻥ ﻳﻨﺘﺰﻉ ﻳﺪﻱ ” ﻋﺎﺻﻢ ” ﻋﻦ ” ﺟﺎﺳﺮ ” … ﻓﺈﺳﺘﻔﺴﺮﻩ ﺑﻀﻴﻖ ﻋﺼﺒﻲ :
– ﻓﻲ ﺍﻳﻪ ﻳﺎ ﻋﺎﺻﻢ ؟ .. ﻣﺎﺳﻚ ﻓﻴﻪ ﻛﺪﻩ ﻟﻴﻪ ؟ .. ﻃﺐ ﺳﻴﺒﻪ ﺧﻼﺹ !
ﺻﺎﺡ ” ﻋﺎﺻﻢ ” ﻓﻲ ” ﺯﻳﻦ ” ﺩﻭﻥ ﺃﻥ ﻳﺤﻴﺪ ﻧﻈﺮﻩ ﺍﻟﻐﺎﺿﺐ ﻋﻦ ” ﺟﺎﺳﺮ :”
– ﺍﺑﻌﺪ ﻋﻨﻲ ﻳﺎ ﺯﻳﻦ .. ﻣﺎﻟﻜﺶ ﺩﻋﻮﺓ ﺍﻧﺖ .
– ﻃﺐ ﺳﻴﺒﻪ … ﺳﻴﺒﻪ ﺩﻟﻮﻗﺘﻲ .. ﺳﻴﺒﻪ ﺑﻘﻲ ﻳﺎ ﺍﺧﻲ .
ﻭ ﺑﺼﻌﻮﺑﺔ ﻭ ﺗﺤﺖ ﺇﻟﺤﺎﺡ ” ﺯﻳﻦ ” .. ﺃﻓﻠﺘﻪ ” ﻋﺎﺻﻢ ” ﺛﻢ ﺻﺮﺥ ﺑﻮﺟﻬﻪ :
– ﺑـﺮﺍﺍﺍﺍ … ﻭ ﺑﺤﺬﺭﻙ ﺑﻌﺪ ﻛﺪﻩ ﺍﻟﻤﺢ ﺧﻠﻘﺘﻚ ﻗﺪﺍﻣﻲ ﻭ ﻟﻮ ﺻﺪﻓﺔ .. ﻣﺎﺗﻠﻮﻣﺶ ﺍﻻ ﻧﻔﺴﻚ ﻭﻗﺘﻬﺎ .
ﺑﺘﺤﺪ ﺳﺎﻓﺮ ، ﺣﺪﺟﻪ ” ﺟﺎﺳﺮ ” ..
ﺛﻢ ﻋﺪﻝ ﻗﻤﻴﺼﻪ ﺍﻟﺬﻱ ﺗﺠﻌﺪ ﻓﻲ ﻗﺒﻀﺘﻪ ﺍﻟﺸﺮﺳﺔ ، ﻭ ﺇﺳﺘﺪﺍﺭ ﺧﺎﺭﺟﺎ ﻣﻦ ﺍﻟﻤﻜﺘﺐ … :
– ﺍﻳﻪ ﺍﻟﻠﻲ ﺣﺼﻞ ﻳﺎ ﻋﺎﺻﻢ ؟؟
ﻗﺎﻟﻬﺎ ” ﺯﻳﻦ ” ﻣﺘﺴﺎﺋﻼ ، ﺑﻴﻨﻤﺎ ﻟﻢ ﻳﺴﻤﻌﻪ ” ﻋﺎﺻﻢ ” ..
ﺇﺫ ﻛﺎﻥ ﻏﺎﺭﻗﺎ ﻓﻲ ﺑﺤﺮ ﺃﻓﻜﺎﺭﻩ ﺍﻟﻤﺘﻼﻃﻢ ، ﻓﻠﻢ ﻳﺸﻌﺮ ﺇﻻ ﻭ ﻫﻮ ﻳﻤﺪ ﻳﺪﻩ ﺇﻟﻲ ﺟﻴﺐ ﺑﻨﻄﺎﻟﻪ ﻭ ﻳﺨﺮﺝ ﻫﺎﺗﻔﻬﻪ ..
ﻫﺎﺗﻒ ﺷﻘﻴﻘﻪ .. ﻓﻤﺎ ﻫﻲ ﺇﻻ ﺛﻮﺍﻥ ﻭ ﺁﺗﺎﻩ ﺻﻮﺗﻪ :
– ﺍﻳﻮﻩ ﻳﺎ ﻋﺎﺻﻢ !
– ﺍﻧﺖ ﻓﻴﻦ ؟؟؟
ﺳﺄﻟﻪ ﻣﺘﺠﻬﻤﺎ ، ﻓﺄﺟﺎﺏ ﺑﻐﺮﺍﺑﺔ :
– ﺍﻧﺎ ﻓﻲ ﺍﻟﺒﻴﺖ ! .. ﻟﻴﻪ ؟؟ !
– ﺧﻠﻴﻚ ﻋﻨﺪﻙ ، ﺍﻧﺎ ﺟﺎﻳﻠﻚ .. ﺍﻭﻋﻲ ﺗﺘﺤﺮﻙ ﻣﻦ ﻣﻜﺎﻧﻚ .
………………………………………….. ………..
ﻏﺎﺩﺭ ” ﺟﺎﺳﺮ ” ﺍﻟﺸﺮﻛﺔ ﻛﻠﻬﺎ ﻭ ﻫﻮ ﻻﻳﺮﻱ ﺃﻣﺎﻣﻪ ﻣﻦ ﻓﺮﻁ ﻏﻀﺒﻪ ﻭ ﻋﺼﺒﻴﺘﻪ ..
ﻇﻞ ﻳﻘﺴﻢ ﻭ ﻟﻢ ﻳﺘﻮﻗﻒ ﻋﻦ ﺍﻟﻘﺴﻢ ﺑﺄﻥ ﻳﺠﻌﻠﻪ ﻳﻨﺪﻡ ﺃﺷﺪ ﺍﻟﻨﺪﻡ ﻋﻠﻲ ﻣﺎ ﻓﻌﻠﻪ ﺑﻪ ﻣﻨﺬ ﻗﻠﻴﻞ ..
ﺻﻌﺪ ﺇﻟﻲ ﺳﻴﺎﺭﺗﻪ ، ﻭ ﻟﻠﺤﺎﻝ ﺃﺧﺬ ﻳﺒﺤﺚ ﻋﻦ ﻫﺎﺗﻔﻬﻪ ﺩﺍﺧﻠﻬﺎ ﺣﺘﻲ ﻭﺟﺪﻩ ..
ﻓﺘﺤﻪ ، ﻭ ﺭﺍﺡ ﻳﺒﺤﺚ ﻓﻲ ﻗﺎﺋﻤﺔ ﺍﻹﺗﺼﺎﻻﺕ ﻋﻦ ﺇﺳﻢ ﻣﻌﻴﻦ .. ﺛﻢ ﺃﺟﺮﻱ ﺇﺗﺼﺎﻟﻪ ﺍﻟﺴﺮﻱ ﻓﻮﺭﺍ :
– ﺍﻟﻮ … ﺳﺘﻴﻨﺞ ؟ .. ﺍﺯﻳﻚ ﻳﺎ ﺻﺎﺣﺒﻲ ؟ … ﻋﻤﻠﺘﻠﻲ ﺍﻳﻪ ﻓﻲ ﺍﻟﻠﻲ ﻃﻠﺒﺘﻪ ﻣﻨﻚ ؟ … ﻷ ﺧﻼﺹ ﻓﻜﺮﺕ .. ﺑﻜﺮﺓ ﺍﻟﺰﺑﻮﻥ ﻫﻴﺠﻲ ﺑﺮﺟﻠﻴﻪ ﻟﺤﺪ ﻋﻨﺪﻱ … ﻫﻨﻔﺬ ﺑﻜﺮﺓ … ﻣﺴﺘﻨﻴﻚ ﻳﺎ ﺳﺘﻨﻴﺞ !

• ﺍﻧﺖ ﺗﺴﻤﻊ ﻛﻼﻣﻲ ﻣﻦ ﺳﻜﺎﺕ .. ﻣﺶ ﻋﺎﻳﺪ ﺍﺳﻤﻊ ﺍﺳﻢ ﺍﻟﺒﺖ ﺩﻱ ﻫﻨﺎ ﺗﺎﻧﻲ ، ﺗﺸﻴﻠﻬﺎ ﻣﻦ ﺩﻣﺎﻏﻚ ﺧﺎﻟﺺ .. ﻓﺎﻫﻢ ؟؟؟
  ﺧﺮﺟﺖ ﺗﻠﻚ ﺍﻟﻜﻠﻤﺎﺕ ﻣﻦ ” ﻋﺎﺻﻢ ” ﺻﺪﺍﺣﺔ ﻗﻮﻳﺔ ﻭ ﻫﻮ ﻳﻘﻒ ﺩﺍﺧﻞ ﺑﻬﻮ ﺍﻟﻘﺼﺮ ﺍﻟﺤﺪﻳﺚ ﺍﻟﺘﺄﺛﻴﺚ ﻋﻠﻲ ﺑﻌﺪ ﺧﻄﻮﺍﺕ ﻣﻦ ﺷﻘﻴﻘﻪ ، ﺍﻟﺬﻱ ﺑﺎﻏﺘﻪ ﺑﻘﻮﺓ ﻣﻤﺎﺛﻠﺔ :
• ﻷ ﻳﺎ ﻋﺎﺻﻢ ﻣﺶ ﻫﺴﻤﻊ ﻛﻼﻣﻚ ، ﺍﻧﺎ ﻣﺎﺑﻘﺘﺶ ﻋﻴﻞ ﺻﻐﻴﺮ .. ﻭ ﺑﻌﺪﻳﻦ ﺍﻧﺎ ﺑﺤﺒﻬﺎ ﻭ ﻫﻲ ﻛﻤﺎﻥ ﺑﺘﺤﺒﻨﻲ ، ﻭ ﻻ ﻫﻮ ﺍﻟﺤﺐ ﺑﻘﻲ ﺣﻼﻝ ﻟﻴﻚ ﻭ ﺣﺮﺍﻡ ﻋﻠﻲ ﻏﻴﺮﻙ ؟؟ !
• ﺣﺐ ﺍﻳﻪ ﻳﺎﻻﻩ ؟ .. ﻫﺘﻌﻤﻠﻲ ﺭﻭﻣﻴﻮ ﻳﺎ ﺣﺘﺖ ﻋﻴﻞ ﺍﻧﺖ ؟ .. ﺍﺳﻤﻊ ﻳﺎ ﺷﻬﺎﺏ ، ﺍﻧﺎ ﻣﺶ ﻫﺴﺘﻨﻲ ﻟﻤﺎ ﺣﺪ ﻳﻘﻞ ﻋﻘﻠﻪ ﻭ ﻳﻔﻜﺮ ﻳﺂﺫﻳﻚ … ﻓﻤﻦ ﻓﻀﻠﻚ ﺑﺎﻟﺬﻭﻕ ﻛﺪﻩ ﺍﺳﻤﻊ ﻛﻼﻣﻲ ، ﻣﺎﺗﻀﻄﺮﻧﻴﺶ ﺍﺳﺘﺨﺪﻡ ﻣﻌﺎﻙ ﺍﺳﺎﻟﻴﺐ ﻣﺶ ﻫﺘﻌﺠﺒﻚ .
  ﺗﻔﺎﻗﻢ ﻓﻮﺭﺍﻥ ﻏﻠﻴﺎﻧﻪ ، ﻓﺈﺣﺘﻘﻦ ﻭﺟﻬﻪ ﺑﺎﻟﺪﻣﺎﺀ ﻭ ﻫﻮ ﻳﺴﺄﻟﻪ :
• ﻳﻌﻨﻲ ﺍﻳﻪ ﻳﺎ ﻋﺎﺻﻢ ؟ ﻗﺼﺪﻙ ﺍﻳﻪ ؟؟؟
• ﺍﺗﻤﻨﻲ ﻣﺎﺗﻔﻬﻤﺶ ﻗﺼﺪﻱ ﺧﺎﻟﺺ ﻳﺎ ﺷﻬﺎﺏ ﻋﺸﺎﻥ ﻣﺎﺗﻀﺎﻳﻘﺶ … ﺍﺳﻤﻊ ﻛﻼﻣﻲ ﺍﻧﺎ ﺍﺧﻮﻙ ﺍﻟﻜﺒﻴﺮ ﻭ ﻣﺶ ﻋﺎﻳﺰ ﺍﻻ ﻣﺼﻠﺤﺘﻚ ﻭ ﺑﻌﺪﻳﻦ ﺍﻟﺒﻨﺎﺕ ﻣﺎﻓﻴﺶ ﺍﻛﺘﺮ ﻣﻨﻬﻢ ﺗﻘﺪﺭ ﺗﺤﺐ ﺍﻻﺟﻤﻞ ﻭ ﺍﻻﺣﺴﻦ ﻣﻨﻬﺎ ﻛﻤﺎﻥ ﻭ ﺍﻧﺖ ﻣﺎﺗﺘﺮﻓﻀﺶ ﻳﺎ ﺷﻬﺎﺏ ، ﺍﻧﺖ ﻧﺎﺳﻲ ﺍﻧﺖ ﻣﻴﻦ ؟؟
• ﻷ !
  ﻫﺘﻒ ﺑﺘﻤﺮﺩ ، ﻭ ﻭﺍﺻﻞ ﻣﻌﺎﻧﺪﺍ ﺇﻳﺎﻩ :
• ﺍﻧﺎ ﻣﺶ ﻫﺴﻤﻊ ﻛﻼﻣﻚ .. ﺍﻧﺎ ﻛﺒﻴﺮ ﺑﻤﺎ ﻓﻴﻪ ﺍﻟﻜﻔﺎﻳﺔ ﻋﺸﺎﻥ ﺍﻗﺮﺭ ﺍﻧﺎ ﻋﺎﻳﺰ ﺍﻳﻪ .. ﻭ ﻣﺶ ﻋﺸﺎﻥ ﺍﺧﻮﻫﺎ ﺟﻪ ﻫﺪﺩﻙ ﻭ ﺍﻧﺖ ﺟﺒﺖ ﻭﺭﺍ ﻳﺒﻘﻲ ﺍﻧﺎ ﻛﻤﺎﻥ ﻫﻘﻠﺪﻙ ﻭ ﻫﺨﺎﻑ ، ﻷ ﻳﺎ ﻋﺎﺻﻢ .. ﺍﻧﺎ ﻣﻜﻤﻞ ﻓﻲ ﻃﺮﻳﻘﻲ ﻭ ﻣﺎﻟﻴﺶ ﺩﻋﻮﺓ ﺑﺤﺪ .
  ﺭﻣﻘﻪ ” ﻋﺎﺻﻢ ” ﺑﻨﻈﺮﺍﺕ ﻣﺸﺘﻌﻠﺔ ، ﺛﻢ ﺇﻗﺘﺮﺏ ﻣﻨﻪ ﺑﺨﻄﻮﺗﻴﻦ ﻭﺍﺳﻌﺘﻴﻦ ﻭ ﺃﻣﺴﻚ ﺑﻴﺎﻗﺘﻲ ﻗﻤﻴﺼﻪ ﻭ ﻩ ﻳﻬﺪﺭ ﻛﺎﻟﻮﺣﺶ :
• ﻣﻴﻦ ﺩﻩ ﺍﻟﻠﻲ ﺟﺎﺏ ﻭﺭﺍ ﻳﺎ ﺷﻬﺎﺏ ؟ .. ﻋﺎﺻﻢ ﺍﻟﺼﺒﺎﻍ ﻋﻤﺮﻩ ﻣﺎ ﺧﺎﻑ ﻣﻦ ﺣﺪ ، ﻋﻤﺮﻩ ﻣﺎ ﻋﻤﻞ ﺣﺴﺎﺏ ﻟﺤﺪ .. ﻭ ﻻ ﻧﺴﻴﺖ ﺍﺧﻮﻙ ﻋﻤﻞ ﺍﻳﻪ ﻃﻮﻝ ﺍﻟﺴﻨﻴﻦ ﺍﻟﻠﻲ ﻓﺎﺗﺖ ﺩﻱ ؟ .. ﺍﻧﺎ ﻟﻮ ﻛﻨﺖ ﻣﺘﻌﻮﺩ ﺍﻭﻃﻲ ﺭﺍﺳﻲ ﻷﻱ ﺣﺪ ﺑﻴﻔﻜﺮ ﻳﺪﻭﺱ ﻋﻠﻴﺎ ﺯﻱ ﻣﺎ ﺑﺘﻘﻮﻝ ﻣﺎﻛﻨﺘﺶ ﻋﻤﻠﺖ ﻭ ﻻ ﺣﺎﺟﺔ ﻣﻦ ﺍﻟﻠﻲ ﺍﻧﺖ ﺷﺎﻳﻔﻬﺎ ﻗﺪﺍﻣﻚ ﺩﻟﻮﻗﺘﻲ .
  ﺑــُﻬﺖ ” ﺷﻬﺎﺏ ” … ﺇﻋﺘﺮﺍﻩ ﺧﺠﻞ ﺷﺪﻳﺪ ﻣﻤﺎ ﻗﺎﻟﻪ ﻓﻲ ﺣﻖ ﺃﺧﻴﻪ ، ﻓﺈﻋﺘﺼﻢ ﺑﺎﻟﺼﻤﺖ ..
  ﺑﻴﻨﻤﺎ ﺗﺮﻛﻪ ” ﻋﺎﺻﻢ ” ﻣﺒﺘﻌﺪﺍ ﻋﻨﻪ ﺑﺨﻄﻮﺍﺕ ﻏﺎﺿﺒﺔ …

ﻋﻠﻲ ﺗﻠﻚ ﺍﻟﻄﺎﻭﻟﺔ ﺫﺍﺕ ﺍﻟﻤﻔﺮﺵ ﺍﻟﻤﺨﻄﻂ ﺑﺎﻟﺒﻼﺳﺘﻴﻚ ﺍﻟﺸﻔﺎﻑ ..
ﻭﺿﻌﺖ ﺍﻟﺴﻴﺪﺓ ” ﻫﻮﻳﺪﺍ ” ﺃﻃﺒﺎﻕ ﺍﻟﻄﻌﺎﻡ ﺃﻣﺎﻡ ﺇﺑﻨﺘﻬﺎ … ﺛﻢ ﺟﻠﺴﺖ ﻋﻠﻲ ﻣﻘﻌﺪ ﺑﺠﻮﺍﺭﻫﺎ ﻓﻘﻂ ﻟﺘﺆﻧﺴﻬﺎ ..
ﻓﻬﻲ ﻟﻢ ﺗﻌﺪ ﺗﺸﻌﺮ ﺑﺸﻬﻴﺔ ﻟﻠﻄﻌﺎﻡ ﻣﻨﺬ ﻭﻓﺎﺓ ﺇﺑﻨﺔ ﺷﻘﻴﻘﻬﺎ ، ﻭ ﺧﺎﺻﺔ ﺑﻌﺪ ﺃﻥ ﻋﻠﻤﺖ ﻣﺎ ﺣﻞ ﺑﻬﺎ ﻗﺒﻞ ﺍﻟﻮﻓﺎﺓ ﻭ ﺍﻷﺳﺒﺎﺏ ﺍﻟﺘﻲ ﺃﻓﻀﺖ ﺑﻬﺎ ﺇﻟﻲ ﺍﻟﻤﻮﺕ ..
ﺫﺭﻓﺖ ﺍﻟﺪﻣﻮﻉ ﻓﻲ ﻫﺬﻩ ﺍﻟﻠﺤﻈﺔ ﺭﻏﻤﺎ ﻋﻨﻬﺎ ، ﻓﻠﻤﺤﺘﻬﺎ ” ﺳﻤﻴﺔ ” ﻭ ﻗﺎﻟﺖ ﺑﻜﺪﺭ :
– ﻓﻲ ﺍﻳﻪ ﺑﺲ ﻳﺎ ﻣﺎﻣﺎ ؟ .. ﻣﻌﻘﻮﻝ ﻫﺘﻔﻀﻠﻲ ﻛﺪﻩ ﻋﻠﻄﻮﻝ ؟ .. ﻛﻔﺎﻳﺔ ﻧﻜﺪ ﺑﻘﻲ !
ﺭﺩﺕ ” ﻫﻮﻳﺪﺍ ” ﺑﺼﻮﺕ ﻣﺨﻨﻮﻕ ﻭ ﺍﻟﺪﻣﻮﻉ ﺗﻬﻄﻞ ﺑﻐﺰﺍﺭﺓ ﻣﻦ ﻋﻴﻨﻴﻬﺎ :
– ﻏﺼﺐ ﻋﻨﻲ ﻳﺎ ﻳﻨﺘﻲ … ﺍﻟﻤﺼﻴﺒﺔ ﺍﻟﻠﻲ ﺣﺼﻠﺖ ﺗﻘﻄﻢ ﺍﻟﻮﺳﻂ ، ﺩﻩ ﺍﻟﻮﺍﺣﺪ ﻟﻮ ﻛﺎﻥ ﺟﺒﻞ ﻛﺎﻥ ﺍﺗﻬﺪ … ﺍﻟﺒﺖ ﻳﺎ ﺣﺮﻗﺔ ﻗﻠﺒﻲ ﻋﻠﻴﻬﺎ ﻛﺎﻧﺖ ﻧﺴﻤﺔ ، ﻋﻤﻠﺖ ﺍﻳﻪ ﺑﺲ ﻋﺸﺎﻥ ﻳﺤﺼﻠﻬﺎ ﺩﻩ ﻛﻠﻪ ؟ .. ﻭ ﻻ ﺍﻣﻬﺎ ﺍﻟﻠﻲ ﻣﺤﺪﺵ ﻋﺎﺭﻓﻠﻌﺎ ﻃﺮﻳﻖ ﺟﺮﺓ ﻳﺎ ﺗﺮﻱ ﻋﺎﻳﺸﺔ ﻭ ﻻ ﻣﻴﺘﺔ ؟ ..
ﺣﺴﺒﻲ ﺍﻟﻠﻪ ﻭ ﻧﻌﻢ ﺍﻟﻮﻛﻴﻞ ﻓﻲ ﺍﻟﻠﻲ ﻋﻤﻠﻮﺍ ﻓﻲ ﺑﻨﺖ ﺍﺧﻮﻳﺎ ﻛﺪﻩ ، ﺣﺴﻴﻲ ﺍﻟﻠﻪ ﻭ ﻧﻌﻢ ﺍﻟﻮﻛﻴﻞ ﻓﻲ ﺍﻟﻠﻲ ﻛﺎﻧﻮﺍ ﺍﻟﺴﺒﺐ ﺭ ﺑﻨﺎ ﻳﻨﺘﻘﻢ ﻣﻨﻬﻢ ﺩﻧﻴﺎ ﻭ ﺃﺧﺮﺓ .
ﺇﺳﺸﺎﻃﺖ ” ﺳﻤﻴﺔ ” ﻏﻴﻈﺎ ، ﺇﺫ ﺣﺘﻲ ﺃﻣﻬﺎ ﺗﺘﻌﺎﻃﻒ ﻣﻊ ” ﻫﻨﺎ ” ﺍﻵﻥ ﻭ ﻫﻲ ﺍﻟﺘﻲ ﻛﺎﻧﺖ ﺗﻜﺮﻫﻬﺎ ﻭ ﺗﺆﺍﺯﺭﻫﺎ ﻋﺘﺪﻣﺎ ﺗﺤﻘﺪ ﻋﻠﻴﻬﺎ ..
ﻭ ﺑﻐﺘﺔ .. ﺇﻧﻔﺠﺮﺕ ” ﺳﻤﻴﺔ ” ﻗﺎﺋﻠﺔ :
– ﺧﻼﺹ ﻳﺎ ﺍﻣﻲ ﺍﻟﻠﻲ ﺣﺼﻞ ﺣﺼﻞ ﻭ ﺍﻟﻠﻲ ﻣﺎﺕ ﻣﺎﺕ .. ﺍﻟﻠﻪ ﻳﺮﺣﻤﻬﺎ ﻣﻄﺮﺡ ﻣﺎ ﺭﺍﺣﺖ ﺑﻘﻲ ﻫﻨﻌﻤﻠﻬﺎ ﺍﻳﻪ ﻳﻌﻨﻲ ؟ ﻫﻨﻤﻮﺕ ﻧﻔﺴﻨﺎ ﻋﻠﻴﻬﺎ ؟؟
ﻫﺰﺕ ” ﻫﻮﻳﺪﻝ ” ﺭﺃﺳﻬﺎ ﻭ ﻫﻲ ﺗﻘﻮﻝ ﺑﺂﺳﻲ :
– ﻳﺎ ﺑﻨﺘﻲ ﺣﺮﺍﻡ ﻋﻠﻴﻜﻲ .. ﺧﻠﻲ ﻓﻲ ﻗﻠﺒﻚ ﺷﻮﻳﺔ ﺭﺣﻤﺔ ، ﺍﻟﺒﺖ ﻣﺎﺗﺖ ﺧﻼﺹ .. ﻣﻌﻘﻮﻝ ﻟﺴﺎ ﺑﺘﻜﺮﻳﻬﻬﺎ ﻳﺎ ﺳﻤﻴﺔ ؟ .. ﺩﻩ ﺍﻧﺎ ﻛﻨﺖ ﻓﺎﻛﺮﺓ ﺍﻧﻬﺎ ﺻﻌﺒﺖ ﻋﻠﻴﻜﻲ !
ﻳﺎ ﺧﺴﺎﺭﺓ ﻳﺎ ﺳﻤﻴﺔ ﻗﻠﺒﻚ ﺣﺠﺮ ﻳﺎ ﺑﻨﺘﻲ .
ﺗﺂﻓﻔﺖ ” ﺳﻤﻴﺔ ” ﺿﺠﺮﺓ ، ﻭ ﺗﺮﻛﺖ ﺍﻟﻄﺎﻭﻟﺔ ﻭ ﻫﻲ ﺗﺘﺠﻪ ﺇﻟﻲ ﻏﺮﻓﺘﻬﺎ ﻭ ﺗﻬﺘﻒ ﺑﻐﻞ :
– ﻣﺶ ﻭﺍﻛﻠﺔ ﻳﺎ ﺍﻣﻲ ﻋﺸﺎﻥ ﺗﺮﺗﺎﺣﻲ ، ﺍﻳﺎﻛﺶ ﺍﻧﺎ ﻛﻤﺎﻥ ﺍﻣﻮﺕ ﻋﺸﺎﻥ ﺗﺤﺰﻧﻲ ﺑﺮﺍﺣﺘﻚ !

ﻳﺎ ﻟﻪ ﻣﻦ ﻋﺎﻟﻢ ﻏﻴﺮ ﻃﺒﻴﻌﻲ ﺫﻟﻚ ﺍﻟﺬﻱ ﺧﻄﺖ ﻓﻴﻪ !
ﺣﻴﻦ ﻃﺎﻭﻋﺖ ﻗﻠﺒﻬﺎ ، ﻭ ﻭﺍﻓﻘﺖ ﻋﻠﻲ ﺍﻟﺒﻮﺡ ﻟﻪ ﺑﺤﺒﻬﺎ ..
ﻭ ﻟﻜﻨﻬﺎ ﻣﻨﺬ ﻓﺘﺮﺓ ﻟﻴﺴﺖ ﺑﻘﺼﻴﺮﺓ ، ﺃﺣﺴﺖ ﺑﻘﻮﺓ ﺧﻔﻴﺔ ﺗﺪﻓﻌﻬﺎ ﻹﺗﺨﺎﺫ ﻫﺬﺍ ﺍﻟﻘﺮﺍﺭ ﺍﻟﻘﻮﻱ ..
ﻋﻠﻲ ﻛﻞ … ﻫﺬﻩ ﺍﻟﺤﻘﻴﻘﺔ ﺃﻗﻮﻱ ﻣﻦ ﺇﺭﺍﺩﺗﻬﺎ ، ﻭ ﻣﺎ ﻛﺎﻧﺖ ﻟﺘﻘﺪﺭ ﺃﻥ ﺗﺨﻔﻴﻬﺎ ﺃﻣﺎﻡ ﺣﺒﻪ ﻟﻬﺎ ، ﻭ ﺭﻗﺘﻪ ﻓﻲ ﺍﻟﺘﻌﺎﻣﻞ ﻣﻌﻬﺎ ..
ﻓﻘﺪ ﺃﺫﺍﺑﻬﺎ ﺣﻨﺎﻧﻪ ، ﻭ ﺟﻌﻠﻬﺎ ﺁﺩﺍﺓ ﻃﻴﻌﺔ ﻓﻲ ﻳﺪﻩ … ﻭ ﻫﺎ ﻫﻲ ﺗﺪﺭﻙ ﺍﻵﻥ ﺃﻧﻬﺎ ﻣﻨﺠﺬﺑﺔ ﻧﺤﻮﻩ ﺑﻜﻞ ﻋﻮﺍﻃﻔﻬﺎ ﻭ ﻣﺸﺎﻋﺮﻫﺎ ..
ﻭ ﻟﻜﻨﻬﺎ ﺗﺪﺭﻙ ﺃﻛﺜﺮ ، ﺃﻧﻬﺎ ﻓﻲ ﺧﻀﻢ ﺇﺛﺎﺭﺓ ﻣﺆﻗﺘﺔ .. ﻓﻘﺪ ﻗﺮﺭﺕ ﺃﻻ ﺗﺨﻮﻥ ﺫﻛﺮﻱ ﺃﺑﻴﻬﺎ ﻣﻬﻤﺎ ﺣﺪﺙ ، ﻭ ﻓﻲ ﻧﻔﺲ ﺍﻟﻮﻗﺖ ﻗﺮﺭﺕ ﺩﻭﻥ ﺃﻥ ﻳﺘﻄﺮﻕ ﺇﻟﻴﻬﺎ ﺍﻟﺸﻚ ﺑﺼﺪﺩ ﻣﺸﺎﻋﺮﻫﺎ ﻧﺤﻮ ﺯﻭﺟﻬﺎ ، ﺃﻥ ﺗﻌﻴﺶ ﻭ ﺗﻔﻜﺮ ﻟﻠﺤﺎﺿﺮ ﺍﻟﻘﺼﻴﺮ ..
ﻟﻠﺤﺎﺿﺮ ﻓﻘﻂ ، ﻭ ﺃﻥ ﺗﺘﻤﺘﻊ ﻭ ﺗﻤﺘﻌﻪ ﺑﻜﻞ ﺩﻗﻴﻘﺔ ..
ﺇﺫ ﺳﻴﻜﻮﻥ ﻟﻬﻤﺎ ﺍﻟﻌﻤﺮ ﻛﻠﻪ ﻟﻠﺤﺰﻥ ﻭ ﺍﻵﻟﻢ ﺑﻼ ﺷﻚ ﻋﻨﺪﻣﺎ ﻳﻔﺘﺮﻗﺎ ..
ﻭ ﻟﻜﻦ ﺑﺎﻟﺘﺄﻛﻴﺪ ﻓﻲ ﺍﻟﻤﺴﺘﻘﺒﻞ ، ﺳﻮﻑ ﺗﺴﺘﻌﻴﺪ ﺫﻛﺮﻳﺎﺕ ﺍﻟﺤﺎﺿﺮ ﻭ ﺳﻌﺎﺩﺗﻬﺎ ﻣﻌﻪ ..
ﻧﻌﻢ ﺳﺘﻜﻮﻥ ﺫﻛﺮﻳﺎﺗﻬﺎ ﺳﻌﻴﺪﺓ ﻣﻌﻪ .. ﻫﻲ ﻣُﺼﺮﺓ ﻋﻠﻲ ﺟﻌﻞ ﻛﻞ ﺫﻛﺮﻱ ﺳﻌﻴﺪﺓ ﻷﺟﻠﻪ ﻭ ﻷﺟﻠﻬﺎ …………………………….
ﻣﻨﺬ ﻋﻮﺩﺗﻪ ﻣﻦ ﺍﻟﺨﺎﺭﺝ ، ﻭ ﻫﻮ ﺟﺎﻟﺲ ﻓﻮﻕ ﺍﻵﺭﻳﻜﺔ ﺗﻠﻚ ﺍﻟﺠﻠﺴﺔ ﺍﻟﺨﺮﺳﺎﺀ ﺍﻟﺠﺎﻣﺪﺓ !
ﻓﺠﻠﺴﺖ ﻫﻲ ﺇﻟﻲ ﺟﺎﻧﺒﻪ ، ﺣﺎﻭﻟﺖ ﺃﻥ ﺗﺴﺘﺪﺭﺟﻪ .. ﺃﻥ ﺗﻌﺮﻑ ﻣﺎ ﺑﺎﻟﻪ ؟ .. ﻣﺎ ﻋﻠﺘﻪ ؟ .. ﻣﺎ ﺍﻟﺬﻱ ﻳﻀﺎﻳﻘﻪ ؟ .. ﻭ ﻟﻜﻦ ﺩﻭﻥ ﺟﺪﻭﻱ ..
ﻛﺎﻧﺖ ﻣﺘﻴﻘﻨﺔ ﺃﻥ ﺍﻟﻤﻜﺎﻟﻤﺔ ﺍﻟﺼﺒﺎﺣﻴﺔ ﻟﻬﺎ ﺍﻟﻴﺪ ﺍﻟﻌﻠﻴﺎ ﻓﻲ ﺃﺳﺒﺎﺏ ﺿﻴﻘﻪ ﻭ ﺣﺰﻥ … :
– ﻳﻌﻨﻲ ﻫﺘﻔﻀﻞ ﺳﺎﻛﺖ ﻛﺪﻩ ؟ .. ﺩﻩ ﺍﻧﺖ ﺣﺘﻲ ﻣﺎﻏﻴﺮﺗﺶ ﻫﺪﻭﻣﻚ ﻣﻦ ﺳﺎﻋﺔ ﻣﺎ ﺟﻴﺖ !!
ﻗﺎﻟﺘﻬﺎ ” ﻫﺎﻧﻴﺎ ” ﻓﻲ ﺿﻴﻖ ﻣﺘﻤﻠﻤﻠﺔ ، ﻭ ﺃﺭﺩﻓﺖ :
– ﻃﺐ ﻗﻮﻟﻲ ﻣﺎﻟﻚ ﺑﺲ ؟ .. ﻓﻴﻚ ﺍﻳﻪ ؟؟ !
ﻭ ﺑﻌﺪ ﺻﻤﺖ ﺛﻘﻴﻞ ﺟﺪﺍ … ﺭﺩ ” ﻋﺎﺻﻢ ” ﻭﺍﺟﻤﺎ ﻛﻄﻔﻞ ﺃﻓﺎﻕ ﻣﻦ ﻧﻮﻣﻪ ﺭﻏﻤﺎ ﻋﻨﻪ :
– ﻣﺎﻓﻴﺶ ﺣﺎﺟﺔ ﻳﺎ ﻫﺎﻧﻴﺎ … ﺍﻧﺎ ﺗﻤﺎﻡ .
ﻗﻄﺒﺖ ﺣﺎﺟﺒﻴﻬﺎ ﻣﺴﺘﺎﺀﺓ ﻭ ﻫﻲ ﺗﺮﺩﺩ :
– ﻷ ﺍﻧﺖ ﺩﻣﻚ ﺑﻘﻲ ﺗﻘﻴﻞ ﺍﻭﻱ !
ﺛﻢ ﻧﻬﻀﺖ ﻭ ﺗﺮﻛﺘﻪ .. ﺣﺘﻲ ﺃﻧﻪ ﻟﻢ ﻳﻨﺘﺒﻪ ﺇﻟﻲ ﺃﻳﻦ ﺫﻫﺒﺖ ..
ﻭ ﺑﻌﺪ ﻋﺪﺓ ﺩﻗﺎﺋﻖ ﻗﻠﻴﻠﺔ ، ﻋﺎﺩﺕ ﺇﻟﻴﻪ ..
ﺃﻣﺴﻜﺖ ﺑﻴﺪﻩ ، ﻭ ﺣﺎﻭﻟﺖ ﺑﺠﻬﺪ ﺃﻥ ﺗﺸﺪﻩ ﻟﻴﻘﻒ ﻋﻠﻲ ﻗﺪﻣﻴﻪ ﻭ ﻫﻲ ﺗﻘﻮﻝ ﻻﻫﺜﺔ :
– ﻳﻼ ﻗﻮﻡ ﻣﻌﺎﻳﺎ .. ﻣﺶ ﻋﺎﺭﻓﺔ ﺍﺷﺪﻙ … ﺍﻧﺖ ﺗﻘﻴﻞ ﺍﻭﻱ ﺑﺠﺪ ، ﻗﻮﻭﻭﻡ ﺑﻘﻲ .
ﺳﺄﻟﻬﺎ ﻣﻨﺰﻋﺠﺎ :
– ﺍﻗﻮﻡ ﺍﺭﻭﺡ ﻓﻴﻦ ﺑﺲ ﻳﺎ ﻫﺎﻧﻴﺎ ؟؟ !
– ﺑﺲ ﻗﻮﻡ ﻣﻌﺎﻳﺎ .. ﺍﺳﻤﻊ ﻛﻼﻣﻲ ﺑﻘﻲ !
ﺗﻨﻬﺪ ” ﻋﺎﺻﻢ ” ﻣﺴﺘﺴﻠﻤﺎ ﻟﺮﻏﺒﺘﻬﺎ ، ﻓﻨﻬﺾ ﻣﻌﻬﺎ ، ﺑﻞ ﻭ ﺗﺮﻛﻬﺎ ﺗﻘﺘﺎﺩﻩ ﺇﻟﻲ ﺣﻴﺚ ﺗﺸﺎﺀ ..
ﻟﻴﺠﺪ ﻧﻔﺴﻪ ﻓﻲ ﺍﻟﻠﺤﻈﺔ ﺍﻟﺘﺎﻟﻴﺔ ﺩﺍﺧﻞ ﻗﺎﻋﺔ ﺣﻤﺎﻣﻪ ﺍﻟﻤﻌﺒﺄﺓ ﺑﺎﻟﺒﺨﺎﺭ ﺍﻟﻤﺎﺋﻲ ..
ﻧﻈﺮ ﺣﻮﻟﻪ ﺑﺈﻧﺒﻬﺎﺭ ﺑﺎﻟﻎ … ﻓﻘﺪ ﺃﻋﺪﺕ ﻟﻪ ” ﻫﺎﻧﻴﺎ ” ﺣﻤﺎﻣﺎ ﺳﺎﺧﻨﺎ ﻟﻴﻌﻴﺪ ﺇﻟﻴﻪ ﻧﺸﺎﻃﺔ ﻭ ﺣﻴﻮﻳﺘﻪ ..
ﺣﻴﺚ ﻣﻸﺕ ﺍﻟﻤﻐﻄﺲ ﺑﺎﻟﻤﺎﺀ ﺍﻟﺪﺍﻓﻲﺀ ، ﻭ ﺍﻟﺼﺎﺑﻮﻥ ﺫﺍ ﺍﻟﺮﺍﺋﺤﺔ ﺍﻟﻨﻔﺎﺫﺓ ﺍﻟﻤﻨﻌﺸﺔ ، ﺑﺎﻹﺿﺎﻓﺔ ﺇﻟﻲ ﻣﺠﻤﻮﻋﺔ ﺍﻟﺸﻤﻮﻉ ﺍﻟﻤﻌﻄﺮﺓ ﻭ ﺍﻟﺘﻲ ﺃﺷﻌﻠﺘﻬﺎ ، ﻭ ﻗﺎﻣﺖ ﺑﺮﺻﻔﻬﺎ ﺣﻮﻝ ﺍﻟﻤﻐﻄﺲ ﻟﺘﺤﻤﻠﻪ ﻋﻠﻲ ﺍﻹﺳﺘﺮﺧﺎﺀ ﻭ ﺍﻟﺘﺠﻠﻲ ﺣﻴﻦ ﻳﺴﺘﻨﺸﻘﻬﺎ ﻭ ﺍﻟﻤﻴﺎﻩ ﺍﻟﺴﺎﺧﻨﺔ ﺗﻐﻤﺮﻩ ..
ﻧﻈﺮ ” ﻋﺎﺻﻢ ” ﺇﻟﻴﻬﺎ ﻓﻲ ﺻﻤﺖ ﻟﺜﻮﺍﻥ ، ﻟﻜﻦ ﺳﺮﻋﺎﻥ ﻣﺎ ﺇﻧﺴﺎﺑﺖ ﺇﺑﺘﺴﺎﻣﺔ ﻫﺎﺩﺋﺔ ﻋﻠﻲ ﻭﺟﻬﻪ ﻭ ﻫﻮ ﻳﺴﺄﻟﻬﺎ :
– ﺍﻧﺘﻲ ﻋﻤﻠﺘﻲ ﻛﻞ ﺩﻩ ﻋﺸﺎﻧﻲ ؟؟؟
ﺃﻭﻣﺄﺕ ﻣﺠﻴﺒﺔ ﺑﺘﺒﺮﻡ ﻣﺼﻄﻨﻊ :
– ﻭ ﻟﻮ ﺍﻧﻚ ﻣﺎﺗﺴﺘﻬﻠﺶ .. ﺍﻫﻮ ﻋﺸﺎﻥ ﺻﻌﺒﺖ ﻋﻠﻴﺎ ﺑﺲ .
ﺛﻢ ﻣﻨﺤﺘﻪ ﺇﺑﺘﺴﺎﻣﺘﻬﺎ ﺍﻟﺤﻠﻮﺓ ، ﻭ ﺭﻓﻌﺖ ﻳﺪﻳﻬﺎ ﺇﻟﻲ ﺃﻋﻠﻲ ﻗﻤﻴﺼﻪ ..
ﺃﺧﺬﺕ ﺗﻔﻚ ﻟﻪ ﺍﻵﺯﺭﺍﺭ ﺍﻟﻮﺍﺣﺪ ﺗﻠﻮ ﺍﻷﺧﺮ ﺣﺘﻲ ﻧﺰﻋﺘﻪ ﻋﻨﻪ ﺗﻤﺎﻣﺎ ﻭ ﺑﻘﻲ ﻧﺼﻔﻪ ﺍﻟﻌﻠﻮﻱ ﻋﺎﺭﻳﺎ ..
ﺇﺻﻄﺒﻐﺖ ﻭﺟﻨﺘﺎﻫﺎ ﺑﺤﻤﺮﺓ ﻗﺎﻧﻴﺔ ، ﻭ ﻫﻲ ﺗﺘﻨﺤﻨﺢ ، ﻭ ﺗﺪﻳﺮ ﻟﻪ ﻇﻬﺮﻫﺎ ﻓﻲ ﺣﻴﺎﺀ ﻗﺎﺋﻠﺔ :
– ﻳﻼ ﻛﻤﻞ ﺍﻧﺖ ﺑﻘﻲ .. ﺍﻗﻠﻊ ﺑﺎﻗﻲ ﻫﺪﻭﻣﻚ ﻭ ﺍﻧﺰﻝ ﻓﻲ ﺍﻟﻤﺎﻳﻪ !
ﺟﺎﺀ ﺭﺩﻩ ﻣﺸﺎﻛﺴﺎ ، ﻣﺪﺍﻋﺒﺎ :
– ﻃﺐ ﻣﺎ ﺗﻜﻤﻠﻲ ﺟﻤﻴﻠﻚ ﻭ ﻟﻔﻲ ﺳﺎﻋﺪﻳﻨﻲ .
– ﻋـﺎﺍﺍﺻﻢ !
ﻫﺘﻔﺖ ﺗﺤﺬﺭﻩ ﺑﺼﻮﺕ ﺁﺟﺶ ، ﻓﻀﺤﻚ ﺑﺨﻔﺔ ، ﻭ ﺳﻤﻌﺖ ﺻﻮﺕ ﺣﻔﻴﻒ ﺑﺎﻗﻴﺔ ﻣﻼﺑﺴﻪ ﻋﻠﻲ ﺟﺴﺪﻩ ﻭ ﻫﻮ ﻳﻨﺰﻋﻬﺎ ..
ﻭ ﻟﻢ ﺗﻠﻒ ﻟﻪ ﺇﻻ ﺣﻴﻦ ﺳﻤﻌﺘﻪ ﻳﺤﺘﻚ ﺑﺎﻟﻤﺎﺀ …
ﻛﺎﻥ ﻳﺤﺎﻭﻝ ﺃﻥ ﻳﺴﺘﺮﺧﻲ ﻋﻨﺪﻣﺎ ﺃﻗﺒﻠﺖ ﻋﻠﻴﻪ ﻭ ﺟﻠﺴﺖ ﻋﻠﻲ ﺳﻮﺭ ﺍﻟﻤﻐﻄﺲ
ﺃﺳﻘﻄﺖ ﻗﺪﻣﻴﻬﺎ ﻓﻲ ﺍﻟﻤﺎﺀ ﻭ ﻫﻲ ﺗﻨﻈﺮ ﺇﻟﻴﻪ ﺑﺎﺳﻤﺔ ..
ﺃﺧﺬﺕ ﺗﺤﺮﻙ ﻗﺪﻣﻴﻬﺎ ﻓﻲ ﺣﺮﻛﺎﺕ ﻣﺮﺣﺔ ، ﺛﻢ ﺳﺄﻟﺘﻪ ﺑﻨﻌﻮﻣﺔ :
– ﻣﺶ ﻫﺘﻘﻮﻟﻲ ﺑﺮﺩﻭ ﻣﺎﻟﻚ ؟ .. ﺍﻳﻪ ﺍﻟﻠﻲ ﻣﻀﺎﻳﻘﻚ ؟؟
ﺃﺟﺎﺑﻬﺎ ﺑﻠﻬﺠﺔ ﻃﺒﻴﻌﻴﺔ ﺩﻭﻥ ﺃﻥ ﻳﻨﻈﺮ ﺇﻟﻴﻬﺎ :
– ﺻﺪﻗﻴﻨﻲ ﻣﺎﻓﻴﺶ ﺣﺎﺟﺔ ، ﻓﻲ ﺷﻮﻳﺔ ﻣﺸﺎﻛﻞ ﻓﻲ ﺍﻟﺸﻐﻞ ﺑﺲ .. ﺍﻧﺎ ﻛﻮﻳﺲ .
– ﺍﻧﺎ ﻛﻮﻳﺲ !
ﻗﺎﻟﺘﻬﺎ ﺗﻘﻠﺪﻩ ﺑﺼﻮﺕ ﻏﻠﻴﻆ ، ﺛﻢ ﺃﻃﻠﻘﺖ ﻗﻬﻘﻬﺔ ﻗﺼﻴﺮﺓ ، ﻭ ﺃﺭﺩﻓﺖ ﻭ ﻫﻲ ﺗﺤﺪﺟﻪ ﺑﺘﺸﻜﻚ :
– ﻫﻌﻤﻞ ﻧﻔﺴﻲ ﻣﺼﺪﻗﺎﻙ ، ﻭ ﻟﻮ ﺍﻥ ﻣﻜﺎﻟﻤﺔ ﺍﻟﺼﺒﺢ ﺩﻱ ﻛﺎﻧﺖ ﻣﺮﻳﺒﺔ ﺷﻮﻳﺔ .
ﻟﻢ ﻳﺮﺩ … ﺑﻞ ﻭ ﺃﻧﻜﺚ ﺭﺃﺳﻪ ﺣﺘﻲ ﻻ ﺗﺮﻱ ﺍﻹﺟﺎﺑﺎﺕ ﻣﺴﻄﺮﻩ ﻋﻠﻲ ﻭﺟﻬﻪ ..
ﺗﺠﻬﻤﺖ ” ﻫﺎﻧﻴﺎ ” ﻣﻦ ﺣﺎﻟﺘﻪ .. ﻭ ﺷﻌﺮﺕ ﺃﻥ ﺁﻟﻤﺎ ﻳﺸﺒﻪ ﺳﻬﻤﺎ ﺣﺎﺩ ﻃﻮﻳﻼ ، ﻳﻨﻐﺮﺱ ﻓﻲ ﻗﻠﺒﻬﺎ ﻭ ﻳﻤﺮ ﺑﺒﻂﺀ ﻓﺘﺰﺩﺍﺩ ﺁﻻﻣﻬﺎ ..
ﺗﻨﻬﺪﺕ ﺑﻌﻤﻖ ، ﻭ ﻓﻜﺮﺕ ﻛﻴﻒ ﺗﺨﺮﺟﻪ ﻣﻦ ﺗﻠﻚ ﺍﻟﺤﺎﻟﺔ .. ﻓﺘﺤﺮﻛﺖ ﺑﺠﺴﺪﻫﺎ ﻧﺤﻮﻩ ، ﻭ ﺑﺪﺃﺕ ﻓﻲ ﺭﻓﻊ ﺍﻟﻤﺎﺀ ﺑﻜﻔﻬﺎ ﻭ ﺳﻜﺒﻪ ﻋﻠﻲ ﺭﺃﺳﻪ ﻭ ﻇﻬﺮﻩ ، ﻭ ﺗﻤﺮﻳﺮ ﺃﺻﺎﺑﻌﻬﺎ ﻓﻲ ﺷﻌﺮﻩ ﺍﻟﻜﺜﻴﻒ ..
ﺭﻓﻊ ﺭﺃﺳﻪ ﺇﻟﻴﻬﺎ ﻭ ﻫﻮ ﻳﻨﻈﺮ ﻟﻬﺎ ﺑﻌﻴﻦ ﻭﺍﺣﺪﺓ ، ﺑﻴﻨﻤﺎ ﻳﻘﻔﻞ ﺍﻷﺧﺮﻱ ﻟﻴﺤﻤﻴﻬﺎ ﻣﻦ ﻗﻄﺮﺍﺕ ﺍﻟﻤﺎﺀ ﺍﻟﻤﻤﺘﺰﺟﺔ ﺑﺎﻟﺼﺎﺑﻮﻥ ..
ﺿﺤﻜﺖ ” ﻫﺎﻧﻴﺎ ” ﻋﻠﻲ ﺷﻜﻠﻪ ﻫﺬﺍ ، ﻭ ﻗﺎﻟﺖ ﻣﺎﺯﺣﺔ :
– ﺍﻳﻪ ؟ .. ﺑﻐﻠﺲ ﻋﻠﻴﻚ ﻓﻲ ﺣﺎﺟﺔ ؟؟ !
ﺇﺑﺘﺴﻢ ” ﻋﺎﺻﻢ ” ﻓﻲ ﻟﻄﻒ ، ﺛﻢ ﻫﺰ ﺭﺃﺳﻪ ﻧﻔﻴﺎ ..
ﻓﺒﺎﺩﻟﺘﻪ ﺑﺴﻤﺘﻪ … ﻭ ﺃﻋﺘﺮﻓﺖ ﻟﻠﻤﺮﺓ ﺍﻟﺜﺎﻟﺜﺔ :
– ﺑﺤﺒﻚ !
ﻟﻤﻌﺖ ﻋﻴﻨﺎﻩ ﻋﺸﻘﺎ ﻭ ﻫﻮ ﻳﺮﻧﻮ ﺇﻟﻴﻬﺎ ، ﻓﻤﺪ ﻳﺪﻩ ﻭ ﻗﺒﺾ ﻋﻠﻲ ﻣﻌﺼﻤﻬﺎ ..
ﻭ ﺑﺤﺮﻛﺔ ﺧﺎﻃﻔﺔ .. ﺟﺬﺑﻬﺎ ﻧﺤﻮﻩ ﺑﻘﺮﺓ ﺩﺍﺧﻞ ﺍﻟﻤﻐﻄﺲ ..
ﺻﺮﺧﺖ ” ﻫﺎﻧﻴﺎ ” ﺑﺼﻮﺭﺓ ﺗﻠﻘﺎﺋﻴﺔ ﻣﻦ ﺍﻟﻤﻔﺎﺟﺄﺓ ، ﻭ ﺃﺧﺬﺕ ﺗﺒﻘﺒﻖ ﻓﻲ ﺍﻟﻤﺎﺀ ﺇﻟﻲ ﺃﻥ ﺃﻣﺴﻚ ﺑﻬﺎ ﻭ ﺭﻓﻌﻬﺎ ﺑﻤﻨﺘﻬﻲ ﺍﻟﺨﻔﺔ ﻭ ﺍﻟﻤﺮﻭﻧﺔ ﻟﺘﻘﺎﺑﻠﻪ ..
ﻋﺎﺗﺒﺘﻪ ﺑﺸﻲﺀ ﻣﻦ ﺍﻟﻐﻀﺐ ﻭ ﻫﻲ ﺗﻤﺴﺢ ﻋﻦ ﻋﻴﻨﻴﻬﺎ ﻗﻄﺮﺍﺕ ﺍﻟﻤﺎﺀ ﺍﻟﺤﺎﺭﻗﺔ :
– ﻟﻴﻪ ﻛﺪﻩ ؟ .. ﺍﻗﻮﻟﻚ ﺑﺤﺒﻚ ﺗﻘﻮﻡ ﺗﻌﻤﻞ ﻓﻴﺎ ﻛﺪﻩ … ﻃﺐ ﺑﻜﺮﻫﻚ !
ﺇﺑﺘﺴﻢ ﻟﻬﺎ ﺑﺤﺐ ، ﻭ ﻗﺮﺹ ﻭﺟﻨﺘﻬﺎ ﺑﻠﻄﻒ ﻭ ﻣﻮﺩﺓ ﻗﺎﺋﻼ :
– ﺍﻧﺎ ﺑﺤﺒﻚ ﺍﻛﺘﺮ … ﺍﻛﺘﺮ ﺑﻜﺘﻴﻴﻴﺮ ﻳﺎ ﺟﻤﻴﻠﺘﻲ !
ﻭ ﻫﻨﺎ ﻓﻘﻂ … ﻫﺪﺃﺕ ﺛﻮﺭﺗﻬﺎ ﺗﺤﺖ ﺗﺄﺛﻴﺮ ﻧﺒﺮﺗﻪ ﺍﻟﺪﺍﻓﺌﺔ ، ﻓﻐﺎﻣﺖ ﺣﻮﺍﺳﻬﺎ ، ﻭ ﺗﺎﻫﺖ ﻋﻴﻨﻴﻬﺎ ﻓﻲ ﻏﻴﺎﻫﺐ ﻋﻴﻨﻴﻪ ﻭ ﻫﻲ ﺗﻨﻈﺮ ﻣﺄﺧﻮﺫﺓ ﺇﻟﻲ ﺍﻟﺴﺤﺮ ﺍﻟﺒﻨﺪﻗﻲ ﻓﻴﻬﻤﺎ …
ﺭﻓﻊ ” ﻋﺎﺻﻢ ” ﻳﺪﻩ ، ﻭ ﺃﻣﺴﻚ ﺑﺨﺼﻼﺕ ﺷﻌﺮﻫﺎ ﺍﻟﺬﻫﺒﻴﺔ ﺍﻟﻤﺒﺘﻠﺔ ، ﻳﺮﺗﺒﻬﺎ ﻋﻠﻲ ﻛﺘﻔﻴﻬﺎ ، ﻭ ﻳﺰﻳﺤﻬﺎ ﻋﻦ ﻭﺟﻬﻬﺎ ﻟﻴﺮﺍﻫﺎ ﺑﻮﺿﻮﺡ ..
ﺭﻓﻌﺖ ﻳﺪﻫﺎ ﺑﺪﻭﺭﻫﺎ ، ﻭ ﻭﺿﻌﺖ ﻛﻔﻬﺎ ﻋﻠﻲ ﻧﺪﺑﺘﻪ ﺩﻻﻟﺔ ﻣﻨﻬﺎ ﻋﻠﻲ ﺣﺒﻬﺎ ﺍﻟﺨﺎﻟﺺ ﻟﻪ ، ﻭ ﻋﺪﻡ ﻧﻔﻮﺭﻫﺎ ﻣﻦ ﻫﺬﺍ ﺍﻟﺘﺸﻮﻩ ﺍﻟﻤﺜﻴﺮ ..
ﻗﺮﺏ ” ﻋﺎﺻﻢ ” ﻭﺟﻬﻪ ﻣﻦ ﻭﺟﻬﻬﺎ ، ﻭ ﻃﺒﻊ ﺷﻔﺘﻴﻪ ﻋﻠﻲ ﺷﻔﺘﻴﻬﺎ ﺑﻤﻨﺘﻬﻲ ﺍﻟﺮﻗﺔ ..
ﻭ ﻟﻜﻦ ﻣﺎ ﻟﺒﺚ ﻗﻠﺒﻪ ﻳﻄﺎﻟﺒﻪ ﺑﻘﺒﻼﺕ ﺃﻛﺜﺮ ﺣﺮﺍﺭﺓ .. ﻟﻴﻘﺮﺑﻬﺎ ﻣﻨﻪ ﺃﻛﺜﺮ ﻭ ﻳﻘﻠﻠﻬﺎ ﺑﻨﻬﻢ ﻣﺤﻮﻃﺎ ﺫﺭﺍﻋﻴﻪ ﺣﻮﻝ ﺧﺼﺮﻫﺎ ، ﻳﺸﺪﻫﺎ ﺃﻛﺜﺮ ﻭ ﺃﻛﺜﺮ ..
ﻟﻢ ﻳﻌﺮﻓﺎ ﻛﻢ ﺑﻘﻴﺎ ﻣﻦ ﺍﻟﺰﻣﻦ ﻭ ﻫﻤﺎ ﻋﻠﻲ ﺗﻠﻚ ﺍﻟﺤﺎﻟﺔ ، ﻓﻘﺪ ﺗﺒﺎﺩﻻ ﺍﻷﺣﺎﺳﻴﺲ ﻭ ﺍﻟﻤﺸﺎﻋﺮ ﺩﻭﻥ ﺃﻥ ﻳﻌﺎﺭﺽ ﺃﺣﺪﻫﺎ ﺍﻷﺧﺮ …
ﻭ ﻣﺎ ﺃﻥ ﺇﺭﺗﺪ ﻭﺟﻬﻪ ﺑﻌﻴﺪﺍ ﻋﻨﻌﺎ ﻗﻠﻴﻼ ، ﻭ ﻟﻔﺤﺖ ﺃﻧﻔﺎﺳﻪ ﺍﻟﺤﺎﺭﺓ ﻭﺟﻬﻬﺎ ، ﺣﺘﻲ ﺃﺩﺭﻛﺖ ﺃﻧﻪ ﻳﻄﺎﻟﺒﻬﺎ ﺑﺎﻟﻤﺰﻳﺪ ..
ﺇﺑﺘﺴﻤﺖ ﻳﻤﻜﺮ ﻭ ﺗﺠﺎﻫﻠﺖ ﺍﻟﺮﻏﺒﺔ ﺍﻟﻤﺴﺘﻌﺮﺓ ﻓﻲ ﻋﻴﻨﻴﻪ ..
ﺃﺩﺍﺭﺕ ﺟﺴﺪﻫﺎ ﻓﻘﻂ ، ﺑﺤﻴﺚ ﺟﻠﺴﺖ ﻋﻠﻲ ﺣﻀﻨﻪ ﻣﻠﺼﻘﺔ ﻇﻬﺮﻫﺎ ﺑﺼﺪﺭﻩ ، ﺛﻢ ﺗﻤﺘﻤﺖ :
– ﺍﻧﺖ ﺑﺠﺪ ﺍﺭﻕ ﺑﻜﺘﻴﺮ ﻣﻦ ﺍﻻﻧﻄﺒﺎﻉ ﺍﻻﻭﻝ ﺍﻟﻠﻲ ﺧﺪﺗﻪ ﻋﻨﻚ ﺍﻭﻝ ﻣﺎ ﺷﻮﻓﺘﻚ .. ﺍﻧﺖ … ﻣﺶ ﻭﺣﺶ ﺍﺑﺪﺍ .. ﻋﺎﺻﻢ … ﺍﻧﺎ ﻓﻌﻼ ﺑﺤﺒﻚ !
ﻭ ﺗﺨﺎﺫﻝ ﺻﻮﺗﻬﺎ ﻓﻲ ﺃﺧﺮ ﻋﺒﺎﺭﺗﻬﺎ ، ﻓﺈﻛﺘﻔﺖ ﺑﺎﻟﺼﻤﺖ ﺩﺍﺧﻞ ﺃﺣﻀﺎﻧﻪ ﻭ ﻫﻲ ﺗﻘﺮﺭ ﻣﻦ ﺟﺪﻳﺪ ..
ﻻ ﻣﺰﻳﺪ ﻣﻦ ﺍﻟﺤﺰﻥ ﺍﻵﻥ ، ﻓﻠﻴﺲ ﻭﻗﺘﻪ .. ﻳﺠﺐ ﺃﻥ ﺗﻐﺘﻨﻢ ﺍﻟﺴﻌﺎﺩﺓ ﻓﻲ ﻛﻞ ﻟﺤﻈﺔ ، ﻭ ﺃﻥ ﺗﺸﻌﺮﻩ ﺑﺎﻟﺤﺐ ﺑﻼ ﺗﻮﻗﻒ ﻟﺘﻤﻨﺤﻪ ﺫﻛﺮﻳﻠﺖ ﺗﻤﺪﻩ ﺑﺎﻟﺒﻬﺠﺔ ﻓﻲ ﺍﻟﻤﺴﺘﻘﺒﻞ ﻋﻨﺪﻣﺎ ﺗﻜﻮﻥ ﻗﺪ ﻏﺎﺩﺭﺕ ﺣﻴﺎﺗﻪ ﺑﻼ ﺭﺟﻌﺔ …
ﻳﺘﺒـــﻊ ….