رواية المظفار والشرسة للكاتبة مريم غريب كاملة

ﺍﻟﺤﻠﻘﺔ ‏( 33 ‏) – ﻋﻠﻲ ﺩﺭﺏ ﺍﻟﻴﺄﺱ – :
” ﺳﺒﺐ ﺍﻟﻮﻓﺎﺓ – ﻫﺒﻮﻁ ﺣﺎﺩ ﻓﻲ ﺍﻟﺪﻭﺭﺓ ﺍﻟﺪﻣﻮﻳﺔ – ” ..
ﻫﻜﺬﺍ ﺻﺮﺡ ﺍﻟﺘﻘﺮﻳﺮ ﺍﻟﻄﺒﻲ ﺍﻟﻤﺒﺪﺋﻲ ﻟﻤﺴﺘﺸﻔﻲ ﺍﻟﻤﺪﻳﻨﺔ ﺍﻟﻤﺮﻛﺰﻳﺔ ..
ﺃﻥ ﺍﻟﻔﺘﺎﺓ ﺃﺻﻴﺒﺖ ﺑﻨﺰﻑ ﺣﺎﺩ ﺑﺠﺪﺍﺭ ﺍﻟﺮﺣﻢ ﺃﻓﻀﻲ ﺑﻬﺎ ﺇﻟﻲ ﺍﻟﻤﻮﺕ ﺧﻼﻝ ﺧﻤﺴﺔ ﻭ ﺛﻼﺛﻮﻥ ﺩﻗﻴﻘﺔ ﻣﻦ ﺑﺪﺀ ﺍﻟﻨﺰﻑ ..
ﻃﺎﻟﻊ ” ﺇﻳﺎﺩ ” ﻫﺬﺍ ﺍﻟﺘﻘﺮﻳﺮ ﺑﺘﺮﻛﻴﺰ ﻭﺍﺟﻢ ، ﺃﺩﺭﻙ ﻛﻞ ﺣﺮﻑ ﻓﻴﻪ ﺟﻴﺪﺍ .. ﺛﻢ ﺃﻟﻘﻲ ﺑﻪ ﻓﻮﻕ ﺍﻟﻤﻜﺘﺐ ..
ﺇﻟﺘﻔﺖ ﺇﻟﻲ ﻃﺎﻗﻢ ﺍﻷﻃﺒﺎﺀ ﻭ ﻗﺎﻝ ﻣﺘﺠﻬﻤﺎ ﺑﺼﻼﺑﺔ :
– ﺗﻘﺮﻳﺮﻛﻮﺍ ﻣﺒﺪﺋﻲ ﻳﺎ ﺩﻛﺎﺗﺮﻩ .. ﻣﺎﻳﻨﻔﻌﻨﻴﺶ ﺍﻟﻜﻼﻡ ﺩﻩ ، ﺍﻧﺎ ﻋﺎﻳﺰ ﺍﻋﺮﻑ ﺍﻳﻪ ﺍﻟﻠﻲ ﺣﺼﻠﻬﺎ ﺑﺎﻟﻈﺒﻂ .
ﺗﻜﻠﻢ ﺍﻟﻄﺒﻴﺐ ﺍﻟﻤﺴﻦ ﺣﺪﻳﺜﺎ ﻭ ﺍﻟﺬﻱ ﻳﺘﺼﺪﺭﻫﻢ :
– ﺑﺼﻮﺭﺓ ﺗﻠﻘﺎﺋﻴﺔ ﻳﺎ ﺣﻀﺮﺓ ﺍﻟﻈﺎﺑﻂ ﺍﻟﻤﺴﺘﺸﻔﻲ ﺍﺳﺘﺪﻋﺖ ﺍﻧﻬﺎﺭﺩﺓ ﺍﻟﺼﺒﺢ ﻟﺠﻨﺔ ﻣﻜﻮﻧﺔ ﻣﻦ ﺍﻋﻀﺎﺀ ﻫﻴﺌﺔ ﺍﻟﻄﺐ ﺍﻟﺸﺮﻋﻲ ، ﻫﻤﺎ ﻫﻴﺘﺤﻘﻘﻮﺍ ﻣﻦ ﺍﻟﺘﻔﺎﺻﻴﻞ ﺑﺪﻗﺔ ﺍﻛﺘﺮ ﻭ ﻫﻴﺴﻠﻤﻮﺍ ﺣﻀﺮﺗﻚ ﺗﻘﺮﻳﺮ ﻣﻔﺼﻞ ﻭ ﺷﺎﻣﻞ ﺑﻜﻞ ﺍﻟﺘﻔﺎﺻﻴﻞ ﺍﻟﻠﻲ ﻣﻤﻜﻦ ﺗﺤﺘﺎﺟﻬﺎ .
ﺁﺗﻲ ” ﻭﻟﻴﺪ ” ﻓﻲ ﻫﺬﻩ ﺍﻟﻠﺤﻈﺔ ﻣﻬﺮﻭﻻ ، ﻭ ﻗﺎﻝ :
– ﺇﻳﺎﺩ ﺑﺎﺷﺎ .. ﻋﺎﻳﺰﻙ ﻓﻲ ﻣﻮﺿﻮﻉ ﻣﻬﻢ .
ﺇﺳﺘﺄﺫﻥ ” ﺇﻳﺎﺩ ” ﻣﻦ ﺍﻷﻃﺒﺎﺀ ، ﻭ ﻣﺸﻲ ﺻﻮﺑﻪ .. ﺳﺄﻟﻪ ﻋﺎﺑﺴﺎ :
– ﻓﻲ ﺍﻳﻪ ﻳﺎ ﻭﻟﻴﺪ ؟؟
ﺇﻗﺘﺮﺏ ﻣﻨﻪ ” ﻭﻟﻴﺪ ” ﺧﻄﻮﺓ ﻭ ﻫﻮ ﻳﻘﻮﻝ ﻓﻲ ﺧﻔﻮﺕ ﺣﺬﺭ :
– ﻣﻦ ﺷﻮﻳﺔ ﻛﻠﻤﻮﻧﻲ ﻓﻲ ﺍﻟﻘﺴﻢ ﻭ ﻗﺎﻟﻮﻟﻲ ﺍﻧﻬﻢ ﻟﻘﻴﻮﺍ ﺣﺎﺟﺔ ﻣﻬﻤﺔ ﺍﻭﻱ ﻓﻲ ﺍﻻﻭﺿﺔ ﺍﻟﻠﻲ ﻓﻲ ﺍﻟﺒﺎﻧﺴﻴﻮﻥ .
ﺗﻮﺳﻌﺖ ﻋﻴﻨﺎ ” ﺇﻳﺎﺩ ” ﺑﻠﻬﻔﺔ ﻣﻤﺘﺰﺟﺔ ﺑﺎﻵﻣﻞ ، ﻓﺴﺄﻟﻪ :
– ﻟﻘﻴﻮﺍ ﺍﻳﻪ ؟؟؟
– ﻟﻘﻴﻮﺍ ﻣﻮﺑﺎﻳﻞ ﻭﺍﻗﻊ ﻓﻲ ﺍﻻﻭﺿﺔ .. ﺍﺣﺘﻤﺎﻝ ﻛﺒﻴﺮ ﻳﺒﻘﻲ ﻳﺨﺺ ﺍﻟﻘﻀﻴﺔ ، ﻟﻮ ﻛﺪﻩ ﺍﻛﻴﺪ ﻫﻴﻔﻴﺪﻧﺎ ﻭ ﻳﻮﺻﻠﻨﺎ ﻟﺤﺎﺟﺔ !
– ﻣﺤﺪﺵ ﻋﺮﻑ ﻋﻨﻪ ﺣﺎﺟﺔ ؟؟
– ﻻ ﻳﺎ ﺑﺎﺷﺎ ، ﺍﻧﺎ ﻗﻠﺘﻠﻬﻢ ﻣﺤﺪﺵ ﻳﻔﺘﺤﻪ ﻭ ﻻ ﻳﺠﻲ ﺟﻤﺒﻪ ﺍﻻ ﺍﻣﺎ ﺣﻀﺮﺗﻚ ﺗﻴﺠﻲ .
ﺗﻮﻫﺠﺖ ﻋﻴﻨﺎﻩ ﻭ ﻫﻮ ﻳﺘﻨﻔﺲ ﺑﺼﻮﺕ ﻣﺴﻤﻮﻉ ﻛﻤﺘﻮﺣﺶ ، ﺛﻢ ﻳﻘﻮﻝ ﺑﺨﺸﻮﻧﺔ ﺿﺎﺭﻳﺔ :
– ﺍﻛﻴﺪ ﻫﻴﻮﺻﻠﻨﺎ ﻟﺤﺎﺟﺎﺕ ﻣﺶ ﺣﺎﺟﺔ ﻭﺍﺣﺪﺓ ﺑﺲ .. ﻳﻼ ﺑﻴﻨﺎ !
………………………………………….. …………………….
ﺫﻫﺐ ﻋﻘﻠﻬﺎ ..
ﻣﻨﺬ ﻗﺎﻟﻮﺍ ﻟﻬﺎ ﺍﻟﺨﺒﺮ ﺍﻟﻤﻔﺠﻊ .. ﺁﺑﺖ ﺃﻥ ﺗﺼﺪﻕ ، ﻭﺍﺟﻬﺘﻬﻢ ﺟﻤﻴﻌﺎ ﺑﺎﻟﺮﻓﺾ ﺍﻟﻘﺎﻃﻊ ..
ﻭ ﻣﻦ ﻭﻗﺘﻬﺎ ﻭ ﻫﻲ ﻟﻢ ﺗﻌﻮﺩ ﺇﻟﻲ ﻣﻨﺰﻟﻬﺎ .. ﺑﻞ ﺭﺍﺣﺖ ﺗﺠﻮﺏ ﺍﻟﻄﺮﻗﺎﺕ ﺑﺤﺜﺎ ﻋﻦ ﺇﺑﻨﺘﻬﺎ ..
ﻟﻢ ﺗﺘﺮﻙ ﺷﺎﺭﻉ ﻭ ﻻ ﺯﻗﺎﻕ ﺇﻻ ﻭ ﺑﺤﺜﺖ ﻓﻴﻪ .. ﻓﺘﺸﺖ ﻋﻨﻬﺎ ﻓﻲ ﻛﻞ ﻣﻜﺎﻥ ..
ﻭ ﻻ ﺯﺍﻟﺖ ﺣﺘﻲ ﺍﻵﻥ ﺗﺒﺤﺚ ﻓﻲ ﻳﺂﺱ .. ﻋﻠﻲ ﺁﻣﻞ ﺃﻥ ﺗﺠﺪﻫﺎ ..
ﻓﻬﺎ ﻫﻲ ” ﻗﻮﺕ ﺍﻟﻘﻠﻮﺏ ” .. ﺗﺠﺮ ﺧﻄﺎﻫﺎ ﺍﻟﺘﻌﺒﺔ ﺍﻟﺜﻘﻴﻠﺔ ﺗﺤﺖ ﺁﺷﻌﺔ ﺍﻟﺸﻤﺲ ﺍﻟﺤﺎﺭﻗﺔ ..
ﺗﻨﺎﺟﻲ ﺇﺑﻨﺘﻬﺎ ﺑﻠﻮﻋﺔ ﻭ ﻧﺒﺮﺓ ﻣﻌﺬﺑﺔ ﻭﺳﻂ ﺍﻟﻤﺎﺭﺓ .. :
– ﻫﻨــــــــﺎﺍﺍ …. ﺑــﺖ ﻳـﺎ ﻫﻨـــﺎﺍﺍ .. ﻣﺎﺑﺘﺮﺩﻳﺶ ﻋﻠﻲ ﺍﻣﻚ ﻟﻴﻪ ﻳﺎ ﺑﺖ ؟
ﺭﺩﻱ ﻋﻠﻴﺎ .. ﻳـﺎ ﻫﻨـــﺎﺍﺍ …… ﻳﺎ ﺣﺒﻴﺒﺔ ﺍﻣﻚ ﻳﺎﺧﺘﻲ … ﺳﻴﻴﺎﻧﻲ ﻛﺪﻩ ﻟﻴﻪ ﻳﺎ ﺿﻨﺎﻳﺎ ؟
ﺗﻌــﺎﻟﻲ ﺷﻮﻓﻲ ﺍﻣﻚ ﺑﻘﻲ ﺣﺎﻟﻬﺎ ﺍﺯﺍﺍﺍﻱ ﻳﺎ ﺣﺒﻴﺒﺘﻲ ؟ …. ﻳــﺎﺍﺍﺍ ﻫﻨـــــــﺎﺍﺍﺍﺍ
ﻫﻜﺪﺍ ﺭﺍﺣﺖ ﺗﻬﺘﻒ ﻭ ﻻ ﻣﻦ ﻣﺠﻴﺐ ، ﻭ ﺑﺬﻟﻚ ﺍﻟﻨﻮﺍﺡ ﺍﻟﺤﺎﺭ .. ﺇﺟﺘﺬﺑﺖ ” ﻗﻮﺕ ﺍﻟﻘﻠﻮﺏ ” ﻧﻈﺮﺍﺕ ﺟﻤﻴﻊ ﻣﻦ ﺣﻮﻟﻬﺎ ﻭ ﻗﻠﻮﺑﻬﻢ ..
ﻭ ﺗﺎﺑﻌﺖ ﺳﻴﺮﻫﺎ ﻋﻠﻲ ﺍﻟﺤﺎﻟﺔ ﺫﺍﺗﻬﺎ ، ﻓﺒﻘﻴﺖ ﻣﺤﻂ ﺍﻷﻧﻈﺎﺭ ﺃﻳﻨﻤﺎ ﺣﻠﺖ …

ﻭﺳﻂ ﺑﺎﺣﺔ ﺍﻟﻤﻨﺰﻝ ﺍﻟﺮﺋﻴﺴﻴﺔ ..
ﺗﺮﺟﻞ ﻣﻦ ﺳﻴﺎﺭﺓ ﻭﺍﻟﺪﻩ ﻓﻲ ﺭﻭﻳﺔ ﻭ ﺭﻓﻖ .. ﻓﺈﺭﺗﻜﺰ ﻋﻠﻲ ﻋﺼﺎ ﻣﻦ ﺧﺸﺐ ﺍﻟﺰﺍﻥ ﺍﻟﻤﺴﺘﻘﻴﻤﺔ ﺍﻟﺠﺬﻉ ﺍﻟﻤﻠﺴﺎﺀ ﺍﻟﻠﺤﺎﺀ ..
ﺣﻀﺮ ﻭﺍﻟﺪﻩ ﺇﻟﻲ ﺟﺎﻧﺒﻪ ﻣﺴﺮﻋﺎ ﻟﻴﺴﻨﺪﻩ ، ﺑﻴﻨﻤﺎ ﺳﻤﻌﺎ ﺻﻮﺕ ﺻﻴﺎﺡ ” ﺩﻳﻨﺎﺭ ” ﻭ ” ﺭﺿﻮﻱ ” ﺁﺗﻴﺎ ﻣﻦ ﺍﻟﺪﺍﺧﻞ ..
ﻓﺈﺟﺘﺎﺯﺍ ﺍﻟﻤﻤﺮ ﺍﻟﻤﺆﺩﻱ ﻟﻠﺒﺎﺏ ﺍﻟﺪﺍﺧﻠﻲ .. ﻭ ﻣﺎ ﺃﻥ ﻭﻃﺄﺕ ﺃﻗﺪﺍﻣﻬﻤﺎ ﻋﺘﺒﺔ ﺍﻟﺒﺎﺏ ، ﺣﺘﻲ ﺇﻧﻄﻠﻘﺘﺎ ﺍﻷﻡ ﻭ ﺍﻹﺑﻨﺔ ﺗﺠﺎﻫﻬﻤﺎ ..
ﻛﺎﻧﺖ ” ﺩﻳﻨﺎﺭ ” ﺗﺒﻜﻲ ﻭ ﺗﻀﺤﻚ ﻓﻲ ﺁﻥ ﻭ ﻫﻲ ﺗﺤﺘﻀﻦ ﺇﺑﻨﻬﺎ ﻓﻲ ﺷﻮﻕ ﺟﻢ ، ﻭ ﺗﻤﺴﺢ ﻋﻠﻲ ﺷﻌﺮﻩ ﺍﻟﻨﺎﻋﻢ ﺑﻌﺎﻃﻔﺔ ﺃﻣﻮﻣﻴﺔ ..
ﻭ ﺑﺪﻭﺭﻩ ﺇﺣﺘﻀﻨﻬﺎ ” ﻣﺮﻭﺍﻥ ” ﻭ ﻫﻮ ﻳﻘﻮﻝ :
– ﺧﻼﺹ ﻳﺎ ﻣﺎﻣﺎ .. ﺧﻼﺹ ﺑﻘﻲ .. ﺍﻫﺪﻱ ﻳﺎ ﺣﺒﻴﺒﺘﻲ ﺑﺘﻌﻴﻄﻲ ﻛﺪﻩ ﻟﻴﻪ ﺑﺲ ؟ .. ﻣﺎ ﺍﻧﺎ ﻛﻮﻳﺲ ﻗﺪﺍﻣﻚ ﺍﻫﻮ .
ﻭﺍﺻﻠﺖ ﺑﻜﺎﺋﻬﺎ ﻭ ﻫﻲ ﺗﻀﻤﻪ ﺇﻟﻲ ﺻﺪﺭﻫﺎ ﺃﻛﺜﺮ ﻓﺄﻛﺜﺮ .. ﺛﻢ ﺃﺑﻌﺪﺗﻪ ﻋﻨﻬﺎ ﻗﻠﻴﻼ ﻭ ﺃﺧﺬﺕ ﺗﺘﺂﻣﻞ ﻭﺟﻬﻪ ﺍﻟﻮﺳﻴﻢ ﻣﻠﻴﺎ ﻭ ﺍﻟﺪﻣﻮﻉ ﺗﻤﻸ ﻋﻴﻨﻴﻬﺎ ﻭ ﺗﺴﻴﻞ ..
ﻓﻌﺎﺩﺕ ﺗﻀﻤﻪ ﻣﺮﺓ ﺃﺧﺮﻱ ﻭ ﻫﻲ ﺗﻘﻮﻝ ﻣﻦ ﺑﻴﻦ ﺩﻣﻮﻋﻬﺎ :
– ﺍﻟﻠﻪ ﻳﺴﺎﻣﺤﻚ ﻳﺎﺑﻨﻲ ﻋﻠﻲ ﺍﻟﻠﻲ ﻋﻤﻠﺘﻪ ﻓﻴﺎ .. ﻟﻴﻪ ﻳﺎ ﻣﺮﻭﺍﻥ ﺗﻌﻤﻞ ﻛﺪﻩ ﻓﻲ ﺍﻣﻚ ؟ .. ﺩﻩ ﺍﻧﺖ ﺣﻴﺎﺗﻲ ، ﻋﻤﺮﻱ ﻛﻠﻪ .. ﻟﻮ ﺧﺴﺮﺗﻚ ﺍﺑﻘﻲ ﺧﺴﺮﺕ ﺣﻴﺎﺗﻲ .
– ﺑﻌﺪ ﺍﻟﺸﺮ ﻋﻠﻴﻜﻲ ﻳﺎ ﺳﺖ ﺍﻟﻜﻞ .
ﻗﺎﻟﻬﺎ ﺑﻠﻄﻒ ﻭ ﻫﻮ ﻳﻘﺒﺾ ﻋﻠﻲ ﻳﺪﻫﺎ ﻣﻦ ﻓﻮﻕ ﻛﺘﻔﻪ ﻭ ﻳﻘﺮﺑﻬﺎ ﻣﻦ ﻓﻤﻪ ﻟﻴﻘﺒﻠﻬﺎ ..
ﻣﺴﺢ ﻟﻬﺎ ﻋﺒﺮﺍﺗﻬﺎ ﺍﻟﺘﻲ ﺃﻏﺮﻗﺖ ﻭﺟﻬﻬﺎ ﺗﻤﺎﻣﺎ ، ﺛﻢ ﺩﻧﻲ ﺑﺮﺃﺳﻪ ﻣﻨﻬﺎ ﻭ ﻃﺒﻊ ﻗﺒﻠﺔ ﻋﻠﻲ ﺧﺪﻫﺎ ، ﻭ ﻗﺎﻝ ﻣﺪﺍﻋﺒﺎ :
– ﺧﻼﺹ ﺑﻘﻲ ﻳﺎ ﺩﻳﺪﻱ .. ﺍﻧﺎ ﻛﻮﻳﺲ ﺍﻫﻮ ، ﻣﺎﻳﺒﻘﺎﺵ ﻗﻠﺒﻚ ﺧﻔﻴﻒ ﻛﺪﻩ .. ﺍﺑﻨﻚ ﺍﺳﺪ ﻣﺎﺗﺨﺎﻓﻴﺶ .
ﺇﺑﺘﺴﻤﺖ ﻟﻪ ﺑﺨﻔﺔ ﻗﺎﺋﻠﺔ :
– ﻣﺎﺷﻲ ﻳﺎ ﺍﺳﺪ .. ﺗﻌﺎﻟﻲ ﺑﻘﻲ ﻋﺸﺎﻥ ﺍﻟﻐﺪﺍ ﺟﺎﻫﺰ ، ﻭ ﻻ ﺗﺤﺐ ﺗﻄﻠﻊ ﺗﺮﻳﺢ ﻓﻲ ﺍﻭﺿﺘﻚ ﺷﻮﻳﺔ ؟؟
ﻫﺰ ﺭﺃﺳﻪ ﺭﻓﻀﺎ ، ﻭ ﻗﺎﻝ :
– ﻷ ﺍﻧﺎ ﻣﺶ ﺗﻌﺒﺎﻥ .. ﻋﺎﻳﺰ ﺍﻗﻌﺪ ﻭﺳﻄﻜﻮﺍ .. ﻭﺣﺸﺘﻮﻧﻲ .

ﻭﺻﻞ ” ﺇﻳﺎﺩ ” ﺇﻟﻲ ﻗﺴﻢ ﺍﻟﺸﺮﻃﺔ ﺍﻟﻤﺮﻛﺰﻱ ﺑﺼﺤﺒﺔ ﺯﻣﻴﻠﻪ ” ﻭﻟﻴﺪ ” ..
ﺩﺧﻞ .. ﻓﻐﻤﺮﺗﻪ ﺍﻟﺘﺤﻴﺎﺕ ﻣﻦ ﺍﻟﻌﺴﺎﻛﺮ ﻭ ﺍﻟﻌﺎﻣﻠﻴﻦ ﺑﺎﻟﻘﺴﻢ ..
ﻭ ﻟﺪﻭﻥ ﺇﺳﺘﺌﺬﺍﻥ ، ﻭﻟﺞ ﺇﻟﻲ ﻣﻜﺘﺐ ﻭﻛﻴﻞ ﺍﻟﻨﺎﺋﺐ ﺍﻟﻌﺎﻡ ، ﻓﻠﻢ ﻳﺘﺬﻣﺮ ﺃﻭ ﻳﺴﺘﻨﻜﺮ ﺫﺍﻙ ﺍﻟﺮﺟﻞ ﺍﻟﺬﻱ ﻧﻬﺾ ﻟﻠﺤﺎﻝ ﻣﻦ ﺧﻠﻒ ﻣﻜﺘﺒﻪ ﻭ ﺇﺗﺠﻪ ﻧﺤﻮﻩ ..
ﺑﻞ ﺇﺑﺘﺴﻢ ﻭ ﻫﻮ ﻳﺼﺎﻓﺤﻪ ﻓﻲ ﻭﺩ ﻗﺎﺋﻼ :
– ﺇﻳﺎﺩ ﺑﺎﺷﺎ .. ﻧﻮﺭﺕ ﺍﻟﻘﺴﻢ ﻭ ﺍﻟﻤﻨﻄﻘﺔ ﺑﺤﺎﻟﻬﺎ ، ﺍﺯﻳﻚ ﻳﺎ ﺑﺎﺷﺎ ؟؟
ﺃﺟﺎﺏ ” ﺇﻳﺎﺩ ” ﺑﺈﻗﺘﻀﺎﺏ ﻋﺎﺑﺲ :
– ﻛﻮﻳﺲ ﻳﺎ ﻫﺸﺎﻡ ﺑﻴﻪ ، ﺍﻟﻤﻬﻢ ﻗﻮﻟﻲ .. ﺍﻳﻪ ﺣﻜﺎﻳﺔ ﺍﻟﻤﻮﺑﺎﻳﻞ ﺍﻟﻠﻲ ﻟﻘﻴﺘﻮﻩ ﺩﻩ ؟؟ !
– ﺍﻟﻤﻮﺿﻮﻉ ﻳﺎ ﺑﺎﺷﺎ ﺍﻧﻨﺎ ﻭ ﺍﺣﻨﺎ ﺑﻨﺨﻠﺺ ﻓﻲ ﺍﻟﺘﺤﻘﻴﻘﺎﺕ ﻋﺎﻳﻨﺎ ﺍﻻﻭﺿﺔ ﺍﻟﻠﻲ ﺣﺼﻠﺖ ﻓﻴﻬﺎ ﺍﻟﺤﺎﺩﺛﺔ ، ﻓﻼﻗﻴﻨﺎ ﻣﻮﺑﺎﻳﻞ ﻭﺍﻗﻊ ﻋﻠﻲ ﺟﻨﺐ ﻛﺪﻩ .
– ﺣﺪ ﻓﻴﻜﻮﺍ ﻋﺮﻑ ﻋﻨﻪ ﺣﺎﺟﺔ ؟؟
– ﻣﺎ ﻭﻟﻴﺪ ﺑﻴﻪ ﻗﺎﻝ ﻣﺤﺪﺵ ﻳﺠﻲ ﺟﻤﺒﻪ ﺍﻻ ﻓﻲ ﻭﺟﻮﺩ ﺳﻴﺎﺩﺗﻚ !
ﺃﻭﻣﺄ ” ﺇﻳﺎﺩ ” ﻣﺘﻔﻬﻤﺎ … ﺛﻢ ﻗﺎﻝ ﺑﻮﺟﻮﻡ ﻋﺼﺒﻲ :
– ﻃﺐ ﻫﺎﺗﻠﻲ ﺍﻟﻤﻮﺑﺎﻳﻞ ﺩﻩ ﻳﺎ ﻫﺸﺎﻡ ﺑﻴﻪ ﻟﻮ ﺳﻤﺤﺖ .
ﺇﻧﺼﺎﻉ ” ﻫﺸﺎﻡ ” ﻵﻣﺮﻩ ، ﻓﺈﺗﺠﻪ ﺻﻮﺏ ﻣﻜﺘﺒﻪ ﻭ ﻓﺘﺢ ﺃﺣﺪ ﺍﻷﺩﺭﺍﺝ ..
ﺇﻟﺘﻘﻂ ﻫﺎﺗﻔﺎ ﻣﻨﻪ ، ﺛﻢ ﻋﺎﺩ ﺇﻟﻲ ” ﺇﻳﺎﺩ ” ﻭ ﺳﻠﻤﻪ ﺇﻳﺎﻩ ..
ﺗﻔﺤﺼﻪ ” ﺇﻳﺎﺩ ” ﺑﻨﻈﺮﺓ ﻧﺎﺭﻳﺔ ﻭ ﻫﻮ ﻣﻮﻗﻦ ﺑﺄﻧﻪ ﺳﻴﻮﺻﻠﻪ ﺇﻟﻲ ﺣﻘﻴﻘﺔ ﺍﻟﺤﺪﺙ ﻛﺎﻣﻠﺔ …

ﻋﻨﺪ ﻣﻨﺘﺼﻒ ﺍﻟﻨﻬﺎﺭ ..
ﺃﻓﺎﻗﺖ ” ﻫﺎﻧﻴﺎ ” ﻣﻦ ﻧﻮﻣﻬﺎ ﺗﺪﺭﻳﺠﻴﺎ … ﺷﻌﺮﺕ ﺑﻴﺪ ﺗﺮﺑﺖ ﺑﺮﻗﺔ ﻭ ﻟﻄﻒ ﻋﻠﻲ ﺷﻌﺮﻫﺎ ﻭ ﻛﺘﻔﻬﺎ ..
ﻓﻬﻤﻬﻤﺖ ﺑﻨﻌﺎﺱ ﻭ ﻫﻲ ﺗﺘﻤﻄﺄ ﺑﺘﻌﺐ ، ﺛﻢ ﺃﺣﺴﺖ ﻓﺠﺄﺓ ﺑﺄﺻﺎﺑﻊ ﻗﻮﻳﺔ ﺗﻄﺒﻖ ﺣﻮﻝ ﺫﺭﺍﻋﻬﺎ ﻭ ﺗﻬﺰﻫﺎ ﻓﻲ ﻫﺪﻭﺀ ، ﻟﺘﺴﻤﻊ ﺻﻮﺗﻪ ﺍﻟﻤﺄﻟﻮﻑ ﺟﺪﺍ ﻳﻬﻤﺲ ﻗﺮﺏ ﺃﺫﻧﻬﺎ ﺑﺮﻭﻣﺎﻧﺴﻴﺔ :
– ﻫﺎﻧﻴﺎ .. ﻫﺎﻧﻴﺎ … ﺍﺻﺤﻲ ﺑﻘﻲ ﻳﺎ ﺟﻤﻴﻠﺘﻲ .. ﺍﺣﻨﺎ ﺑﻘﻴﻨﺎ ﺍﻟﻌﺼﺮ !
ﺇﻧﻄﻠﻘﺖ ﺁﻧﺔ ﻣﻦ ﺣﻠﻘﻬﺎ ﻭ ﻫﻲ ﺗﺘﻜﻮﺭ ﺃﻛﺜﺮ ﻓﻲ ﻭﺳﺎﺩﺗﻬﺎ .. ﻭﺳﺎﺩﺗﻬﺎ ؟ .. ﻭ ﻟﻜﻨﻬﺎ ﻟﻢ ﺗﻜﻦ ﻭﺳﺎﺩﺓ !
ﻧﻌﻢ ﻟﻢ ﺗﻜﻦ ﻭﺳﺎﺩﺓ .. ﻓﻘﺪ ﻛﺎﻥ ﻫﻨﺎﻙ ﻧﺒﺾ ﻣﻨﺘﻈﻢ ﺗﺤﺖ ﺭﺃﺳﻬﺎ ..
ﺇﺳﺘﻄﺎﻋﺖ ” ﻫﺎﻧﻴﺎ ” ﺃﻥ ﺗﺪﺭﻙ ﺑﺴﻬﻮﻟﺔ ﺃﻧﻬﺎ ﺭﺍﻗﺪﺓ ﺍﻵﻥ ﺑﻴﻦ ﺫﺭﺍﻋﻲ ” ﻋﺎﺻﻢ ” .. ﻭ ﺃﻥ ﺭﺃﺳﻬﺎ ﻗﺪ ﺇﺳﺘﻘﺮ ﺍﻵﻥ ﻋﻠﻲ ﺻﺪﺭﻩ ، ﻓﻮﻕ ﻗﻠﺒﻪ ﻣﺒﺎﺷﺮﺓ ..
ﺇﺳﺘﺸﻌﺮﺕ ﺩﻑﺀ ﺟﺴﺪﻩ ﺍﻟﻐﺎﻣﺮ ، ﻭ ﺇﻛﺘﺸﻔﺖ ﻓﻲ ﺧﺠﻞ ﻣﺨﺰﻱ ﺃﻧﻬﺎ ﻓﻲ ﻭﻗﺖ ﻣﺎ ﺧﻼﻝ ﺍﻟﻠﻴﻞ .. ﺗﺮﻛﺖ ﺍﻟﺴﺮﻳﺮ ﺍﻟﻮﺍﺳﻊ ﻛﻠﻪ ﻭ ﺗﻜﻮﺭﺕ ﺩﺍﺧﻞ ﺣﻀﻨﻪ ﺍﻟﺼﻠﺐ ﺍﻟﺪﺍﻓﻲﺀ ﺑﺈﺭﺍﺩﺗﻬﺎ ﺍﻟﻤﻄﻠﻘﺔ ..
ﺇﺗﺴﻌﺖ ﻋﻴﻨﺎﻫﺎ ﺩﻫﺸﺔ ﻣﻦ ﺃﻓﻌﺎﻟﻬﺎ ، ﻓﺤﺎﻭﻟﺖ ﺃﻥ ﺗﺒﺘﻌﺪ ﻋﻨﻪ ..
ﻭ ﻟﻜﻦ ﺫﺭﺍﻋﺎﻩ ﺣﻮﻟﻬﺎ ﺷﺪﺗﺎ ﻋﻠﻴﻬﺎ ﻟﺘﺒﻘﻲ ﻓﻲ ﻣﻜﺎﻧﻬﺎ ..
ﻣﺮﺕ ﻟﺤﻈﺔ ﺃﺧﺮﻱ ، ﻗﺒﻞ ﺃﻥ ﻳﺮﻓﻊ ” ﻋﺎﺻﻢ ” ﺫﻗﻨﻬﺎ ﺑﺈﺻﺒﻊ ﺧﺸﻦ ﺣﺘﻲ ﺗﻨﻈﺮ ﺇﻟﻴﻪ .. ﺑﺪﺍ ﻭ ﻛﺄﻧﻪ ﺇﺳﺘﻴﻘﻆ ﻣﻨﺬ ﻓﺘﺮﺓ ..
ﻓﺨﻔﻖ ﻗﻠﺒﻬﺎ ﻣﻦ ﺍﻟﺪﻑﺀ ﺍﻟﻜﺴﻮﻝ ﻓﻲ ﻭﺟﻬﻪ ﺍﻷﺳﻤﺮ … ﺑﻴﻨﻤﺎ ﺗﻤﺘﻢ ﺑﺨﻔﻮﺕ ﻗﺎﺋﻼ :
– ﺻﺒﺎﺡ ﺍﻟﺨﻴﺮ ﺣﺮﻣﻨﺎ ﺍﻟﻤﺼﻮﻥ .
ﻋﻨﺪ ﺫﻟﻚ .. ﻧﺸﺒﺖ ﺣﺮﺍﺭﺓ ﻋﻈﻴﻤﺔ ﺑﺒﺪﻧﻬﺎ .. ﻓﻀﻼ ﻋﻦ ﺃﻥ ﺍﻟﻨﻮﻡ ﺧﺪﺭ ﺭﺩﻭﺩ ﺃﻓﻌﺎﻟﻬﺎ ﺃﺻﻼ ﻭ ﺟﻌﻠﻬﺎ ﺗﺘﺼﺮﻑ ﺑﻼ ﻭﻋﻲ ..
ﻋﻠﻲ ﺍﻟﻨﻘﻴﺾ ..
ﻛﺎﻥ ” ﻋﺎﺻﻢ ” ﻗﺮﻳﺮﺍ ﺇﻟﻲ ﺃﻗﺼﻲ ﺣﺪ ، ﻣﻐﺘﺒﻄﺎ ﻭ ﻫﻮ ﻳﻠﻤﺲ ﺑﺈﺑﻬﺎﻣﻪ ﺷﻔﺘﻴﻬﺎ ﺍﻟﻤﻜﺘﻨﺰﺗﻴﻦ ﺍﻟﺤﻤﺮﺍﻭﺗﻴﻦ ..
ﺃﺧﺬ ﻳﺘﺎﺑﻊ ﺭﺳﻢ ﺣﺪﻭﺩ ﺷﻔﺘﻬﺎ ﺍﻟﻌﻠﻴﺔ ﺛﻢ ﺍﻟﺴﻔﻠﻲ ﻓﻲ ﺷﺪﺓ ﻭ ﺑﻂﺀ ..
ﻛﺎﻧﺖ ” ﻫﺎﻧﻴﺎ ” ﺃﻳﻀﺎ ﺑﻄﻴﺌﺔ ﺟﺪﺍ ﻭ ﻫﻲ ﺗﺤﺎﻭﻝ ﺇﻧﺘﺰﺍﻉ ﻧﻔﺴﻬﺎ ﻣﻦ ﺑﻴﻦ ﺫﺭﺍﻋﻴﻪ .. ﺍﻷﻣﺮ ﺍﻟﺬﻱ ﺿﺎﻳﻘﻬﺎ ﺃﻏﺎﻇﻬﺎ ﺃﻛﺜﺮ ﻣﻦ ﺃﻱ ﺷﻲﺀ ﺃﺧﺮ ..
ﺇﺫ ﻋﻨﺪﻣﺎ ﺃﺣﺴﺖ ﺑﻤﻠﻤﺲ ﺇﺻﺒﻌﻪ ﺍﻟﻐﻠﻴﻆ ، ﻓﻘﺪﺕ ﺍﻟﺮﻏﺒﺔ ﻓﻲ ﺍﻹﻧﺴﻼﻝ ﻣﻦ ﺑﻴﻦ ﺃﺣﻀﺎﻧﻪ ..
ﻓﻴﻤﺎ ﺭﺍﺡ ﻳﺴﺘﻜﺸﻒ ﻛﻞ ﺛﻨﻴﺔ ﻣﻦ ﺛﻨﺎﻳﺎ ﺷﻔﺘﻴﻬﺎ ، ﻓﻮﺟﺪﺕ ﺻﻌﻮﺑﺔ ﻓﻲ ﺍﻟﺘﻨﻔﺲ ﺑﺼﻮﺭﺓ ﻃﺒﻴﻌﻴﺔ ، ﻭ ﺧﺎﺻﺔ ﺣﻴﻦ ﻛﺎﻧﺖ ﻧﻈﺮﺍﺗﻪ ﻣﺘﺂﻫﺒﺔ ﻟﻬﺎ .. ﺗﺴﺘﻮﻋﺐ ﻛﻞ ﺣﺮﻛﺔ ﻣﻦ ﺣﺮﻛﺎﺗﻬﺎ ﺑﺈﻫﺘﻤﺎﻡ ﻳﺜﻴﺮ ﺍﻹﺭﺗﺒﺎﻙ ..
ﻛﺎﻧﺖ ﻻ ﺗﺰﺍﻝ ﺃﺳﻴﺮﺓ ﺃﺣﻀﺎﻧﻪ .. ﺗﻀﻊ ﺇﺣﺪﻱ ﻳﺪﻳﻬﺎ ﻋﻠﻲ ﻋﻀﻼﺕ ﺻﺪﺭﻩ ﺍﻟﺼﻠﺒﺔ ﻭ ﺗﺨﺸﻲ ﺃﻥ ﺗﺘﺤﺮﻙ ..
ﻛﺎﻥ ﺑﺈﻣﻜﺎﻧﻬﺎ ﺃﻥ ﺗﺴﻤﻊ ﻭ ﺗﺤﺲ ﺑﺴﺮﻋﺔ ﻧﺒﻀﺎﺕ ﻗﻠﺒﻪ .. ﻭ ﻟﻢ ﺗﻜﻦ ﻧﺒﻀﺎﺕ ﻗﻠﺒﻬﺎ ﺃﺑﻄﺄ ..
ﻓﻀﻤﻬﺎ ﺇﻟﻴﻪ ﺑﻘﻮﺓ ﺃﻟﻬﺒﺖ ﺟﺴﺪﻫﺎ ﻭ ﺟﻌﻠﺘﻬﺎ ﺗﺴﺘﺠﻴﺐ ﻓﻮﺭﺍ ﻟﻌﻨﺎﻗﻪ .. ﻣﻸﺕ ﺭﺍﺋﺤﺘﻪ ﺍﻟﺪﺍﻓﺌﺔ ﻛﻞ ﺣﻮﺍﺳﻬﺎ ﻭ ﺧﺪﺭﺕ ﺫﻫﻨﻬﺎ ..
ﻭ ﻋﻨﺪﻣﺎ ﺇﺑﺘﻌﺪ ﻋﻨﻬﺎ ﻗﻠﻴﻼ ، ﺭﻓﻌﺖ ﻳﺪﻳﻬﺎ ﻭ ﻃﻮﻗﺖ ﻋﻨﻘﻪ ﺑﺬﺭﺍﻋﻴﻬﺎ ﻓﻲ ﺣﺮﻛﺔ ﻻ ﺇﺭﺍﺩﻳﺔ ﻟﺘﻌﻴﺪﻩ ﺇﻟﻴﻬﺎ ﻣﻦ ﺟﺪﻳﺪ ..
ﺃﻃﻞ ﺍﻟﺴﺮﻭﺭ ﻣﻦ ﻋﻴﻨﻴﻪ ﺍﻟﺒﻨﺪﻗﻴﺘﻴﻦ ، ﻭ ﻛﻢ ﺷﻌﺮ ﺑﺴﻴﻞ ﻣﻦ ﺍﻟﺴﻌﺎﺩﺓ ﻳﺠﺮﻓﻪ ﻭ ﻳﻐﻤﺮﻩ ﺑﻘﻮﺓ ﻷﻧﻪ ﺇﺳﺘﻄﺎﻉ ﺃﺧﻴﺮﺍ ﺃﻥ ﻳﺠﻌﻠﻬﺎ ﺗﺮﻏﺒﻪ ﻛﻤﺎ ﻳﺮﻏﺒﻬﺎ ..
ﻧﻈﺮ ﺇﻟﻲ ﺷﻌﺮﻫﺎ ﺍﻟﺬﻫﺒﻲ ﺍﻟﻤﺘﻮﻫﺞ ﺗﺤﺖ ﺿﻮﺀ ﺍﻟﺸﻤﺲ ﺍﻟﺬﻱ ﻣﻸ ﺍﻟﻐﺮﻓﺔ .. ﻓﻤﺮﺭ ﺃﺻﺎﺑﻌﻪ ﺧﻼﻟﻪ ﻓﻲ ﺭﻗﺔ ، ﺛﻢ ﺇﻗﺘﺮﺏ ﻣﻦ ﺭﺃﺳﻬﺎ ﻟﻴﺘﺸﻤﻢ ﺭﺍﺋﺤﺔ ﺷﻌﺮﻫﺎ ﺍﻟﺰﻛﻴﺔ ﺍﻟﻤﻤﻴﺰﺓ ، ﻭ ﻳﻨﻔﺚ ﻓﻴﻪ ﺃﻧﻔﺎﺳﻪ ﺍﻟﺤﺎﺭﺓ ﺍﻟﺘﻲ ﺷﻌﺮﺕ ﺃﻧﻬﺎ ﺇﺧﺘﺮﻗﺖ ﺍﻟﻤﺴﺎﻡ ، ﻭ ﻭﺻﻠﺖ ﻟﺘﺴﺒﺢ ﻓﻲ ﺩﻣﺎﺋﻬﺎ ﺍﻟﻤﺘﺪﻓﻘﺔ ﺑﺤﺮﺍﺭﺓ ..
ﺯﺣﻔﺖ ﻳﺪﻩ ﻋﻠﻲ ﺫﺭﺍﻋﻬﺎ ﺑﺘﻮﺃﺩﻩ ﺣﺘﻲ ﻭﺟﺪ ﻫﺪﻓﻪ ﺍﻟﻤﻨﺸﻮﺩ .. ﻛﻔﻬﺎ .. ﻓﺮﻓﻌﻪ ﺇﻟﻲ ﻓﻤﻪ ﻭ ﺃﺷﺒﻌﻪ ﻟﺜﻤﺎ ﻭ ﺗﻘﺒﻴﻼ ، ﺛﻢ ﻟﻒ ﺫﺭﺍﻋﻪ ﺣﻮﻝ ﺧﺼﺮﻫﺎ ﻭ ﺿﻤﻬﺎ ﺇﻟﻴﻪ ..
ﺃﺩﻣﻌﺖ ﻋﻴﻨﻴﻬﺎ ﺃﺛﻨﺎﺀ ﺗﻠﻚ ﺍﻟﻠﺤﻈﺎﺕ ﻭ ﻫﻲ ﺗﺪﺭﻱ ﺗﻤﺎﻣﺎ ﻣﺎﻫﻴﺔ ﺷﻌﻮﺭﻫﺎ ﻧﺤﻮﻩ ﺍﻵﻥ ..
ﺇﺫ ﺇﻛﺘﺸﻔﺖ ﺍﻟﺒﺎﺭﺣﺔ ﻓﻲ ﻣﺮﺍﺭﺓ ﺃﻧﻬﺎ ﺃﺣﺒﺘﻪ ، ﻭ ﻟﻜﻦ ﺭﻏﻢ ﺫﻟﻚ ﻋﻠﻴﻬﺎ ﺑﺈﺑﻌﺎﺩﻩ ..
ﻋﻠﻴﻬﺎ ﺃﻻ ﺗﺠﻌﻠﻪ ﻳﺸﻌﺮ ﺑﺄﻱ ﺗﻐﻴﻴﺮ ﺣﺪﺙ ﻟﻬﺎ ﺑﺎﻵﻭﻧﺔ ﺍﻷﺧﻴﺮﺓ .. ﻳﺠﺐ ﺃﻥ ﻳﻈﻞ ﻣﻌﺘﻘﺪﺍ ﺑﺄﻧﻬﺎ ﺗﻜﺮﻫﻪ ، ﺣﺘﻲ ﻭ ﺇﻥ ﻛﺎﻧﺖ ﻗﺪ ﺇﺳﺘﺴﻠﻤﺖ ﻟﻪ ﻓﻲ ﻟﺤﻈﺔ ﺿﻌﻒ ..
ﻭ ﺑﻐﺘﺔ .. ﺭﻓﻌﺖ ﻳﺪﻳﻬﺎ ﻭ ﺩﻓﻌﺘﻪ ﻋﻨﻬﺎ ﺑﺠﻬﺪ .. ﺑﺪﺕ ﻟﻠﺤﻈﺔ ﻭ ﻛﺄﻧﻬﺎ ﺗﺤﺎﻭﻝ ﺭﻓﻊ ﺻﺨﺮﺍ ﺛﻘﻴﻼ ، ﺇﺫ ﻟﻢ ﻳﺘﺰﺣﺰﺡ ﻗﻴﺪ ﺃﻧﻤﻠﺔ ..
ﻭ ﻟﻜﻨﻪ ﺷﻌﺮ ﺑﻤﺤﺎﻭﻻﺗﻬﺎ ﺍﻟﺮﻛﻴﻜﺔ ﻟﻠﺘﺨﻠﺺ ﻣﻨﻪ ، ﻓﺮﻓﻊ ﻭﺟﻬﻪ ﺍﻟﻤﺘﻮﺭﺩ ﻣﻀﻄﺮﺏ ﺍﻷﻧﻔﺎﺱ ، ﻭ ﺃﺧﺬ ﻳﻄﺎﻟﻌﻬﺎ ﻣﻘﻄﺒﺎ ﻓﻲ ﺇﺳﺘﻐﺮﺍﺏ ..
ﺳﺄﻟﻬﺎ ﺑﺄﻧﻔﺎﺱ ﻻﻫﺜﺔ ﻭ ﻋﺮﻭﻕ ﻋﻨﻘﻪ ﺍﻟﺒﺎﺭﺯﺓ ﺗﻨﺒﺾ ﺑﺴﺮﻋﺔ ﻣﻠﺤﻮﻇﺔ :
– ﻣﺎﻟﻚ ؟ .. ﻣﺶ ﻣﻤﻜﻦ ﺗﺘﻐﻴﺮﻱ ﺑﺎﻟﺴﺮﻋﺔ ﺩﻱ .. ﺍﺣﻨﺎ ﻗﻀﻴﻨﺎ ﻟﻴﻠﺔ ﺍﻣﺒﺎﺭﺡ ﻻ ﻳﻤﻜﻦ ﺗﺘﻨﺴﻲ ، ﻭ ﺍﻧﺘﻲ ﻛﻨﺘﻲ ﻫﺎﻳﻠﺔ .. ﻭ ﺟﻤﻴﻠﺔ ﺯﻱ ﻋﺎﺩﺗﻚ .. ﺍﻳﻪ ﺍﻟﻠﻲ ﺣﺼﻞ ﺑﻘﻲ؟ ﻟﻴﻪ ﺍﻟﺠﻔﺎ ﺩﻩ ﻓﺠﺄﺓ ؟؟؟ !
ﺃﺷﺎﺣﺖ ﺑﻮﺟﻬﻬﺎ ﺑﻌﻴﺪﺍ ﻋﻨﻪ ﻭ ﻫﻲ ﺗﻘﻮﻝ ﺑﺼﻮﺕ ﻣﺒﺤﻮﺡ ﻧﺴﺒﻴﺎ ، ﻭ ﻗﺪ ﺃﻭﺿﺤﺖ ﻋﺪﺍﺋﻴﺘﻬﺎ ﻓﻲ ﻧﺒﺮﺗﻬﺎ :
– ﻟﻴﻠﺔ ﺍﻣﺒﺎﺭﺡ ﻛﺎﻧﺖ ﻏﻠﻄﺔ .. ﺍﻧﺖ ﺍﺳﺘﻐﻠﺘﻨﻲ .
– ﺍﺳﺘﻐﻠﻴﺘﻚ !!
ﻫﺘﻒ ﻣﺸﺪﻭﻫﺎ ، ﻭ ﻭﺍﺻﻞ :
– ﺍﻧﺘﻲ ﻣﺮﺍﺗﻲ ﻳﺎ ﻫﺎﻧﻴﺎ .. ﻳﺒﻘﻲ ﺍﺳﺘﻐﻠﻴﺘﻚ ﺍﺯﺍﻱ ؟ .. ﻭ ﺑﻌﺪﻳﻦ ﺍﻧﺘﻲ ﻛﻨﺘﻲ ﺭﺍﺿﻴﺔ ﻭ ﻣﺒﺴﻮﻃﺔ ﻛﻤﺎﻥ !
ﻫﺰﺕ ﻛﻠﻤﺎﺗﻪ ﻗﻠﺒﻬﺎ ﻭ ﺃﻋﻤﺎﻗﻬﺎ ﻫﺰﺍ ﻋﻨﻴﻔﺎ ، ﻓﻘﺎﻟﺖ ﺑﺤﺪﺓ ﻭ ﻗﺪ ﺣﺎﻭﻟﺖ ﺿﺒﻂ ﺇﺭﺗﺒﺎﻛﻬﺎ ﻋﻠﻲ ﻗﺪﺭ ﺇﺳﺘﻄﺎﻋﺘﻬﺎ :
– ﻷ .. ﺍﻧﺎ ﻻ ﻛﻨﺖ ﺭﺍﺿﻴﺔ ﻭ ﻻ ﻣﺒﺴﻮﻃﺔ .. ﺍﻧﺎ ﺍﺳﺘﺴﻠﻤﺖ ﻟﻘﺪﺭﻱ ، ﻟﻤﺎ ﺍﻓﺘﻜﺮﺕ ﺍﻧﻲ ﻣﺎﻗﺪﺭﺗﺶ ﻋﻠﻴﻚ ﻗﺒﻞ ﻛﺪﻩ .. ﻣﺎﻗﺪﺭﺗﺶ ﺍﻣﻨﻌﻚ ﻭ ﺍﺑﻌﺪﻙ ﻋﻨﻲ .. ﻗﻠﺖ ﺍﻭﻓﺮ ﻃﺎﻗﺘﻲ ﺍﺣﺴﻦ ﻭ ﺍﻓﻮﺽ ﺍﻣﺮﻱ ﻟﻠﻪ … ﻭ ﻟﻮ ﺳﻤﺤﺖ ﺑﻘﻲ ﺍﺑﻌﺪ ﻋﻨﻲ ﺩﻟﻮﻗﺘﻲ .. ﻣﺶ ﺧﻼﺹ ﺧﺪﺕ ﺍﻟﻠﻲ ﺍﻧﺖ ﻋﺎﻳﺰﻩ ﺯﻱ ﻣﺎ ﺑﻴﺤﺼﻞ ﻓﻲ ﻛﻞ ﻣﺮﺓ ؟ ﻣﺶ ﺍﻧﺖ ﺍﻟﻠﻲ ﻛﺴﺒﺖ ﻛﺎﻟﻌﺎﺩﺓ ؟؟
ﻏﺮﺯ ﻧﻈﺮﺍﺗﻪ ﺍﻟﺤﻤﺮﺍﺀ ﺍﻟﻐﺎﺿﺒﺔ ﻓﻲ ﻭﺟﻬﻬﺎ ، ﻭ ﻏﻤﻐﻢ ﺑﺼﻮﺕ ﻣﺨﺘﻨﻖ ﻳﻄﻔﺢ ﺣﻨﻘﺎ :

• ﺍﻧﺎ ﻣﺶ ﻋﺎﺭﻑ ﺍﻧﺘﻲ ﺑﺘﻌﻤﻠﻲ ﻣﻌﺎﻳﺎ ﻛﺪﻩ ﻟﻴﻪ ؟ .. ﺍﻧﺎ ﺟﺮﺑﺖ ﻣﻌﺎﻛﻲ ﻛﻞ ﺍﻟﻄﺮﻕ ﻋﺸﺎﻥ ﺍﻭﺻﻞ ﻟﻘﻠﺒﻚ ﻭ ﺑﺮﺩﻭ ﻣﺎﻓﻴﺶ ﻓﺎﻳﺪﺓ ، ﻋﺎﻳﺰﺍﻧﻲ ﺍﻋﻤﻠﻚ ﺍﻳﻪ ﺗﺎﻧﻲ ؟ .. ﺭﺩﻱ ﻋﻠﻴﺎ ﻋﺎﻳﺰﺍﻧﻲ ﺍﻋﻤﻠﻚ ﺍﻳﻪ ﺗﺎﻧﻲ ؟؟؟
• ﻣﺶ ﻋﺎﻳﺰﺍﻙ ﺗﻌﻤﻠﻲ ﺣﺎﺟﺔ .. ﻋﺎﻳﺰﺍﻙ ﺗﺴﻴﺒﻨﻲ ﻓﻲ ﺣﺎﻟﻲ ﺑﺲ ، ﺍﻧﺎ ﻣﺶ ﻟﻴﻚ .. ﻋﻤﺮﻱ ﻣﺎ ﻫﻜﻮﻥ ﻟﻴﻚ ﺍﺑﺪﺍ .
  ﺇﺷﺘﻌﻠﺖ ﻋﻴﻨﺎﻩ ﻏﻀﺒﺎ … ﻓﺰﻣﺠﺮ ﺑﺸﺮﺍﺳﺔ :
• ﻷ ﻳﺎ ﻫﺎﻧﻴﺎ ﺍﻧﺘﻲ ﻏﻠﻄﺎﻧﺔ .. ﺍﻧﺘﻲ ﺑﻘﻴﺘﻲ ﻟﻴﺎ ﺧﻼﺹ … ﻣﻦ ﻳﻮﻡ ﻣﺎ ﺍﺗﺠﻮﺯﺗﻚ ﻋﻠﻲ ﺳﻨﺔ ﺍﻟﻠﻪ ﻭ ﺭﺳﻮﻟﻪ .. ﻣﻦ ﻳﻮﻡ ﻣﺎ ﻟﻤﺴﺘﻚ ﻷﻭﻝ ﻣﺮﺓ ﺑﻘﻴﺘﻲ ﻣﻠﻜﻲ ، ﻭ ﻣﺤﺪﺵ ﺍﺑﺪﺍ ﻋﻠﻲ ﻭﺟﻪ ﺍﻷﺭﺽ ﻳﻘﺪﺭ ﻳﻨﻔﻲ ﺍﻟﺤﻘﻴﻘﺔ ﺩﻱ ﺍﻭ ﻳﺤﺎﻭﻝ ﻳﺎﺧﺪﻙ ﻣﻨﻲ .. ﺍﻧﺘﻲ ﻣﺶ ﻫﺘﻔﺎﺭﻗﻲ ﺣﻴﺎﺗﻲ ﺍﻻ ﻟﻮ ﻓﺎﺭﻗﺘﻬﺎ ﺍﻧﺎ ﻳﺎ ﻫﺎﻧﻴﺎ ..
  ﻭ ﺑﻜﺮﻩ ﻫﺮﺑﻄﻚ ﺑﻴﺎ ﺍﻛﺘﺮ ﻭ ﺍﻛﺘﺮ .. ﺍﻧﺎ ﻣﺘﺄﻛﺪ ﻗﺮﻳﺐ ﺍﻭﻱ ﻫﺘﺒﻘﻲ ﺣﺎﻣﻞ ، ﻭ ﻟﻤﺎ ﺗﺠﺒﻴﻠﻲ ﻭﻻﺩﻱ .. ﻫﺘﺤﺒﻴﻨﻲ .. ﻫﺘﺤﺒﻴﻨﻲ ﻏﺼﺐ ﻋﻨﻚ ﻳﺎ ﻫﺎﻧﻴﺎ .
  ﺫﻋﺮﺕ ﻟﻜﻠﻤﺎﺗﻪ ﻭ ﺗﺨﻴﻠﺖ ﻟﻮ ﺗﺤﻘﻘﺖ ﻧﺒﻮﺀﺗﻪ ﻭ ﺣﻤﻠﺖ ﻣﻨﻪ ..
  ﻳﺎ ﻟﻬﺎ ﻣﻦ ﻭﺭﻃﺔ ﻭ ﻣﺂﺯﻕ ﺇﺫﺍ ﺳﻘﻄﺖ ﻓﻴﻪ ﻟﻦ ﺗﺴﺘﻄﻴﻊ ﺍﻟﺨﺮﻭﺝ ﻣﻨﻪ ﺍﺑﺪﺍ ..
  ﻭ ﺑﻴﻨﻤﺎ ﻛﺎﻧﺖ ﺍﻷﻓﻜﺎﺭ ﺍﻟﻤﺨﻴﻔﺔ ﺗﺘﻘﺎﺫﻓﻬﺎ ﺑﻘﺴﻮﺓ ، ﺇﻧﺘﺒﻬﺖ ﻟﻪ ﻋﻨﺪﻣﺎ ﻧﻬﺾ ﻣﻦ ﺍﻟﻔﺮﺍﺵ ﻣﺘﺨﺬﺍ ﻃﺮﻳﻘﻪ ﺇﻟﻰ ﺍﻟﺤﻤﺎﻡ ..
  ﻓﺘﻌﻤﺪﺕ ﺃﻥ ﺗﻘﻮﻝ ﺑﻌﻨﺎﺩ ﺣﺎﺩ ﻭ ﺑﺼﻮﺕ ﻣﺮﺗﻔﻊ ﻟﻴﺴﻤﻌﻬﺎ :
• ﻣﺴﺘﺤﻴﻞ ﻫﺤﺒﻚ ، ﻭ ﺭﺑﻨﺎ ﻣﺎﻳﺮﺿﺎﺵ ﺑﺎﻟﻈﻠﻢ ﻭ ﻣﺶ ﻫﺤﻤﻞ ﻣﻨﻚ .. ﻣﺶ ﻫﻴﺮﺑﻄﻨﻲ ﺑﻴﻚ ﻭ ﻟﻮ ﺣﺼﻞ ﺍﻭﻋﺪﻙ ﻫﻤﻮﺕ ﻧﻔﺴﻲ ﻭ ﻫﺤﺮﻣﻚ ﻣﻦ ﺍﺑﻨﻚ ﺯﻱ ﻣﺎ ﺣﺮﻣﺘﻨﻲ ﻣﻦ ﺍﺑﻮﻳﺎ ﻭ ﻓﻌﻼ ﻳﺎ ﺭﻳﺖ ﻳﺤﺼﻞ ﻋﺸﺎﻥ ﺍﺣﺮﻕ ﻗﻠﺒﻚ ﺩﻩ ﺍﺫﺍ ﻛﺎﻥ ﻋﻨﺪﻙ ﻗﻠﺐ ﺍﺻﻼ !
  ﺗﺠﺎﻫﻞ ﻋﺒﺎﺭﺗﻬﺎ ﺍﻟﻼﺫﻋﺔ ﻭ ﻭﻟﺞ ﺇﻟﻲ ﺍﻟﺤﻤﺎﻡ ﺻﺎﻓﻘﺎ ﺍﻟﺒﺎﺏ ﺑﻌﻨﻒ ﻣﻦ ﺧﻠﻔﻪ ..
  ﺑﻴﻨﻤﺎ ﺑﻘﻴﺖ ﻫﻲ ﺭﺍﻗﺪﺓ ﻣﻜﺎﻧﻬﺎ ﺑﻼ ﺣﺮﺍﻙ .. ﺗﺤﺪﻕ ﺑﺎﻟﺴﻘﻒ ﺍﻟﻌﺎﻟﻲ ﻭ ﺩﻣﻮﻋﻬﺎ ﺗﻨﺴﺎﺏ ﻣﻦ ﻋﻴﻨﻴﻬﺎ ﻓﻲ ﻫﺪﻭﺀ ﻭ ﺻﻤﺖ …

ﺩﺍﺧﻞ ﭬﻴﻼ ” ﺗﻮﻓﻴﻖ ﻋﻼﻡ ” ..
ﺇﻟﺘﻢ ﺷﻤﻞ ﺍﻷﺳﺮﺓ ﻣﺠﺪﺩﺍ ﺣﻮﻝ ﻣﺎﺋﺪﻩ ﺍﻟﻄﻌﺎﻡ ﺍﻟﻤﻜﺘﻈﺔ ﺑﺎﻷﻃﻌﻤﺔ ﺍﻟﺸﻬﻴﺔ ، ﻭ ﺍﻟﺘﻲ ﺃﻋﺪﺗﻬﺎ ” ﺩﻳﻨﺎﺭ ” ﺑﻨﻔﺴﻬﺎ ﺧﺼﻴﺼﺎ ﻣﻦ ﺃﺟﻞ ﺍﻹﺣﺘﻔﺎﻝ ﺑﻌﻮﺩﺓ ﺇﺑﻨﻬﺎ ﺳﺎﻟﻤﺎ ﺇﻟﻲ ﺍﻟﺒﻴﺖ ..
ﺑﻴﻨﻤﺎ ﻛﺎﻧﻮﺍ ﻳﺘﺴﺎﻣﺮﻭﻥ ﻭ ﻳﻀﺤﻜﻮﻥ ، ﻭ ﻛﺎﻧﺖ ” ﺩﻳﻨﺎﺭ ” ﺗﺘﻮﻟﻲ ﻣﻬﻤﺔ ﺇﻃﻌﺎﻡ ” ﻣﺮﻭﺍﻥ ” ﺑﺪﻻ ﻋﻨﻪ ..
ﻓﻜﺎﻧﺖ ﺗﻀﻊ ﻟﻪ ﺍﻟﻄﻌﺎﻡ ﺑﻔﻤﻪ ، ﻭ ﺣﺘﻲ ﻛﺎﻧﺖ ﺗﺴﻘﻴﻪ ﺍﻟﻤﻴﺎﻩ ﻭ ﺍﻟﻌﺼﻴﺮ ﺑﻴﺪﻫﺎ ..
ﻣﻤﺎ ﺁﺛﺎﺭ ” ﺭﺿﻮﻱ ” ﻭ ﺟﻌﻠﻬﺎ ﺗﻀﺤﻚ ﺑﻘﻮﺓ ﻭ ﻫﻲ ﺗﻘﻮﻝ :
– ﺁﺍﺍﺍﺍﻩ ﻣﻦ ﺩﻟﻌﻚ ﻓﻴﻪ ﺩﻩ .. ﻫﺘﺸﻠﻴﻨﻲ ﻳﺎ ﺳﺖ ﺍﻧﺘﻲ !
ﺯﺟﺮﺗﻬﺎ ﺃﻣﻬﺎ ﺑﻐﻀﺐ ﻗﺎﺋﻠﺔ :
– ﻣﺎﻟﻜﻴﺶ ﺩﻋﻮﺓ ﻳﺎ ﺑﺖ ﺍﻧﺘﻲ .. ﺍﻧﺘﻲ ﻣﺎﻟﻚ ﺍﺻﻼ ؟؟
ﻭ ﻋﺎﺩﺕ ﺗﻬﺘﻢ ﺑﺈﺑﻨﻬﺎ ، ﻓﻀﺤﻚ ” ﺗﻮﻓﻴﻖ ” ﻫﻮ ﺍﻷﺧﺮ ﻗﺎﺋﻼ :
– ﺷﻮﻓﻮﺍ ﺍﻧﺎ ﻣﺘﺠﻮﺯ ﺍﻣﻜﻮﺍ ﺑﻘﺎﻟﻲ ﺍﺩ ﺍﻳﻪ .. ﻋﻤﺮﻫﺎ ﻣﺎ ﺁﻛﻠﺘﻨﻲ ﻓﻲ ﺑﺆﻱ .
ﺗﺼﺎﻋﺪﺕ ﻣﻮﺟﺎﺕ ﺍﻟﻀﺤﻚ ﺍﻟﻤﺮﺣﺔ ﺑﻐﺮﻓﺔ ﺍﻟﻄﻌﺎﻡ .. ﻓﺮﺩﺕ ” ﺩﻳﻨﺎﺭ ” ﺑﺸﻲﺀ ﻣﻦ ﺍﻟﺘﺒﺮﻡ :
– ﻻ ﻳﺎ ﺷﻴﺦ ؟ .. ﺑﻘﻲ ﻋﻤﺮﻱ ﻣﺎ ﺁﻛﻠﺘﻚ ﻓﻲ ﺑﺆﻙ ؟ .. ﻣﺎﺷﻲ ﻳﺎ ﺗﻮﻓﻴﻖ ، ﺑﺲ ﺑﺮﺩﻭ ﺍﻧﺘﻮﺍ ﻣﺎﻟﻜﻮﺍ ﺑﺈﺑﻨﻲ ؟ ﻏﻴﺮﺍﻧﻴﻦ ﻟﻴﻪ ؟؟ !
ﺃﺟﺎﺏ ” ﺗﻮﻓﻴﻖ ” ﺑﺈﺳﺘﺨﻔﺎﻑ ﻣﺮﺡ :
– ﻭ ﻻ ﻏﻴﺮﺍﻧﻴﻦ ﻭ ﻻ ﺣﺎﺟﺔ ﻳﺎ ﺳﺘﻲ ، ﺭﺑﻨﺎ ﻳﺨﻠﻴﻬﻮﻟﻚ .
ﺭﻓﻌﺖ ” ﺩﻳﻨﺎﺭ ” ﻛﻔﻴﻬﺎ ﻋﺎﻟﻴﺎ ، ﻭ ﺩﻋﺖ ﻣﻦ ﻛﻞ ﻗﻠﺒﻬﺎ :
– ﺁﻣﻴﻴﻴﻴﻴﻦ ﻳـﺎ ﺭﺏ .
ﺣﺪﺟﻬﺎ ” ﻣﺮﻭﺍﻥ ” ﻣﺒﺘﺴﻤﺎ ﺑﺤﺐ … ﺛﻢ ﺣﻮﻝ ﺃﻧﻄﺎﺭﻩ ﺇﻟﻲ ﻭﺍﻟﺪﻩ ﻭ ﺳﺄﻟﻪ ﺑﺠﺪﻳﺔ :
– ﺍﻭﻣﺎﻝ ﻫﻨﺮﻭﺡ ﻧﺠﻴﺐ ﻫﺎﻧﻴﺎ ﺍﻣﺘﻲ ﻳﺎ ﺑﺎﺑﺎ ؟؟
ﺗﻨﺒﻬﺖ ” ﺩﻳﻨﺎﺭ ” ﻟﻤﺎ ﻗﺎﻟﻪ ﺇﺑﻨﻬﺎ ، ﻓﺘﺴﺎﺀﻟﺖ ﻣﺴﺘﻨﻜﺮﺓ :
– ﺗﺮﻭﺣﻮﺍ ﺗﺠﻴﺒﻮﺍ ﻣﻴﻦ ؟ .. ﻭ ﺍﻧﺘﻮﺍ ﻣﺎﻟﻜﻮﺍ ؟؟
ﺇﻟﺘﻔﺖ ﺇﻟﻴﻬﺎ ” ﻣﺮﻭﺍﻥ ” ﺑﻮﺟﻪ ﻣﻈﻠﻢ ، ﻭ ﺳﺄﻟﻬﺎ :
– ﺍﻧﺘﻲ ﺗﻌﺮﻓﻲ ﺍﻳﻪ ﺍﻟﻠﻲ ﺣﺼﻠﻬﺎ ﻳﺎ ﻣﺎﻣﺎ ؟؟
ﺃﺟﺎﺑﺘﻪ ﺑﻌﺼﺒﻴﺔ :
– ﺍﻋﺮﻑ ﺍﻩ .. ﺍﺑﻮﻙ ﻗﺎﻟﻲ ، ﻟﻜﻦ ﺍﻧﺎ ﻣﺶ ﻫﺴﻤﺤﻠﻜﻮﺍ ﺗﺪﺧﻠﻮﺍ ﻓﻲ ﺍﻟﻤﻮﺿﻮﻉ ﺩﻩ ، ﺍﻧﺎ ﻣﺎﻋﻨﺪﻳﺶ ﺍﺳﺘﻌﺪﺍﺩ ﺍﺧﺴﺮ ﺣﺪ ﻓﻴﻜﻮﺍ .
ﺿﺮﺏ ” ﻣﺮﻭﺍﻥ ” ﺑﻘﺒﻀﺘﻪ ﻋﻠﻲ ﺍﻟﻄﺎﻭﻟﺔ ﺻﺎﺋﺤﺎ :
– ﻭ ﺍﻧﺎ ﻣﺴﺘﺤﻴﻞ ﺍﺳﻴﺒﻬﺎ ﻷﺑﻦ ﺍﻟـ *** ﺩﻩ .. ﻫﺮﻭﺡ ﺍﺟﻴﺒﻬﺎ ﻳﻌﻨﻲ ﻫﺮﻭﺡ ﺍﺟﻴﺒﻬﺎ .
ﺗﺪﺧﻞ ” ﺗﻮﻓﻴﻖ ” ﻓﻲ ﺗﻠﻚ ﺍﻟﻠﺤﻈﺔ ، ﻓﻘﺎﻝ ﻳﻬﺪﺋﻪ ﺑﻠﻄﻒ ﺣﺎﺯﻡ :
– ﻳﺎﺑﻨﻲ ﺍﻫﺪﺍ .. ﻗﻮﻟﺘﻠﻚ ﻫﻨﺠﻴﺒﻬﺎ ﺳﻮﺍ ، ﺍﺻﺒﺮ ﺑﺲ ﻛﺎﻡ ﻳﻮﻡ ﺗﻜﻮﻥ ﺭﻗﺖ ﻭ ﻭﻗﻔﺖ ﻋﻠﻲ ﺭﺟﻠﻴﻚ .
ﻫﺪﺭﺕ ” ﺩﻳﻨﺎﺭ ” ﺑﻐﻀﺐ ﻭ ﻗﺪ ﺛﺎﺭﺕ ﺛﺎﺋﺮﺗﻬﺎ :
– ﺍﻧﺖ ﺑﺘﻘﻮﻝ ﺍﻳﻪ ﻳﺎ ﺗﻮﻓﻴﻖ ؟؟؟
– ﺩﻳﻨﺎﺭ !
ﻗﺎﻃﻌﻬﺎ ” ﺗﻮﻓﻴﻖ ” ﺑﻠﻬﺠﺔ ﻗﺎﻃﻌﺔ ، ﻭ ﺃﺭﺩﻑ :
– ﺍﻟﻤﻮﺿﻮﻉ ﻣﻨﺘﻬﻲ .. ﺩﻱ ﺑﻨﺖ ﺍﺧﻮﻳﺎ ، ﻭ ﺑﻨﺖ ﻋﻢ ﺍﺑﻨﻚ .. ﻭ ﺍﺑﻨﻚ ﻋﻨﺪﻩ ﻧﺨﻮﺓ ﻭ ﻋﺎﻳﺰ ﻳﺮﺟﻊ ﺑﻨﺖ ﻋﻤﻪ .. ﻣﺤﺪﺵ ﻳﻘﺪﺭ ﻳﻐﻠﻄﻪ .
ﻟﻴﻌﻠﻦ ” ﻣﺮﻭﺍﻥ ” ﻓﺠﺄﺓ ﻭ ﺑﺼﺮﺍﻣﺔ :
– ﻭ ﻏﻴﺮ ﻛﺪﻩ ﻳﺎ ﺑﺎﺑﺎ .. ﺍﻧﺎ ﻫﺘﺠﻮﺯﻫﺎ !
ﻳﺘﺒـــﻊ