حب من عالم آخر
(البارت الثامن حب من عالم آخر)
المهم بقا فضلنا ماشين شويه و كنا بنتكلم و كدا و بعد نص ساعة قالت حلو كدا انا هروًح بقا.
قلتلها لسه بدري قالت لا معلش مره تانيه نتقابل.
افتكرت بقا موضوع الضفدعه فقلت لازم اعرفها قلتلها ليلى في حاجه عاوز اقولك عليها بس هتصدقيني ولا لا قالت قول و انا هصدقك اكيد بس اي هيا الحاجه دي لسه بقولها لقيت عربيه جايه مسرعه نحيتي انا اتسمرت مكاني و قلت خلاص انا هموت و اتشاهدت.
و فجأه لقيت اللي بيشدني من قدام العربيه و العربيه خبتط في عمود كهربه و العمود وقع.
ليلى انقظت حياتي قالتلي انتا كويس يا محمد حصلك حاجه… و كان في خوف في وشها غريب كان باين جدا انها خايفه عليا و قعدت تقولي حصلك حاجة طب حرك ايديك طب كتفه في حاجه قلتلها لا ربنا ستر الحمد لله.
المهم سابتني و راحت عند العربيه كانت عربيه كبيره للنقل محصلش فيها حاجه ليلى فتحت الباب و شدت الراجل من العربيه طلعتو بره بكل قوه.
قالها في ايه يابت مش تمشو في جمب.
فا مرديتش عليه و انا قومت و لسه رايح علشان اضرب الراجل دا لقيت ليلى بصتلو من غير متتكلم الراجل صرخ زي البنات الكيوت لما تشوف عفريت و خاف و قال انا اسف انا اسف سبيني خلاص و ركب و هو بيركب الزجاج اتكسر بس العربيه مشت بكل سرعه.
انا مش عارف ايه اللي حصلو الصراحه لان ليلى بصتلو بس و اكن الراجل اتحول بس هي كانت بتبصلو و وشها كان عادي مفهوش حاجه متغييره بس الراجل اترعب مش عارف ازاي.
الراجل مشا و ليلى قعدت مكانها في الارض قربت منها و قلتلها معلش اهو مشا لو كنت مسكتو كنت هموتو الكلب دا.
بس هي مردّيتش عليا و لقيتها بتعيط قلتلها ايه مالك يا ليلى بتعيطي ليه مردّيتش برضو.
فضلت اهدّيها و كدا و قلتلها طيب في اي عرفيني قالت انا كنت خايفه اصل العربيه تخبطك و يحصلك حاجه انا بحبك يا محمد بحبك و خايفه عليك الكلب دا كان هيموتك في غمضت عين بس خلاص هو هيفضل طول عمره مجنون.
انا مفهمتش منها حاجه غير بحبك يا محمد?
قلتلها اهدي بس ياليلى هاتي ايدك و قومتها من الارض وبعد مهدت و خلاص كلو بقا تمام قلتلها ليلى ع فكره انا معجب بيكي راحت بصالي كدا بشغف و قالت دا حقيقي وراحت واخداني بالحضن و قعدت تبكي في حضني و تقول بحبك اوي.
انا الصراحه مكنتش مصدق اللي انا فيه يعني في و احده جميله جدا جدا بتحبني و هي في حضني دلوقتي.
المهم هدّيتها فقالت انا عاوزه اروّح قلتلها ماشي ثواني هوقفلك تاكسي قالتلي لا انا جايه بعربيت بابا هي قدام المطعم هناك خدتها ورحنا عند العربيه وركبنا و مشينا…