حب من عالم آخر

(البارت الرابع حب من عالم آخر). …………………………..

قعدت في الريسبشن جمب القران و مكنتش مصدق اللي بيحصلي و فضلت سرحان كتير و عمال افكر هعمل ايه لو حصلي حاجه تاني طب لو انا مش حافظ قران كان هيحصلي ايه.

فضلت سرحان لحد منمت مكاني وحصيت على صوت ماما الصبح و هيا راجعه من عند جدي.

-يا محمد يا محمد قوم النهار طلع وانت نايم هنا ليه
-صباح الخير يا ماما معلش كنت سهران شويه و نمت هناغصب عني
-طب يلا قوم خدلك دوش علشان تروح تساعد باباك في المصنع
-حاضر يا أمي

ماما دخلت جوه و انا قومت و دخلت الحمام بس قبل مخش قرأت آيه الكرسي 3مرات و دخلت و خلصت و خرجت من الحمام دخلت اوضتي علشان البس و انزل و انا بلبس التيشرت كتفي وجعني جدا بطريقه فظيعه مقدرتش البسو من كتر الوجع فا ندهت ع امي وقلتلها تعالي لبسيني التيشرت علشان مش قادر قالتلي ليه مالك يا حبيبي حصلك ايه قلتلها لا مفيش انا بس خبطت امبارح في و احد وانا ماشي في الشارع بس كتفي موجعنيش غير دلوقتي.

فقالتلي لا انتا لازم تكشف علشان تطمن قلتلها ملهوش لزوم قالت لالالا مش هينفع لازم تكشف المهم سلامتك قلتلها حاضر.

و لبست قميص بدل التيشرت و ماما قالتلي معاك فلوس قلتلها لا خلصت الفلوس اللي كانت معايا قالت احنا لسه في اول الأسبوع خلصتهم ازاي قلتلها و احد صاحبي كان مزنوق واديتهملو قالت خلاص مش مهم حصل خير و ادتني فلوس و كانت عاوزه تيجي معايا بس انا مرضيتش اخليها تيجي لان هيا كانت مرهقه من المشوار اللي كانت فيه.

المهم نزلت لوحدي و رحت المستشفى و قتطعت الكشف و دخلت أكشف.

الدكتور قالي انتا وقعت عليه قلتله لا انا خبطت في و احد و انا ماشي قالي ازاي انتا عندك خلع في الكتف و دا ناتج عن اصتدام عنيف قلت و الله دا اللي حصل يا دكتور قالي ماشي انا هكتبلك ع حقن امشي عليها ورح الاول هاتها من الصيدليه و تعالى علشان اديك واحده دلوقت.

نزلت جبتها و جيت و كان في زحمه عند الدكتور في الانتظار وانا الصراحه بمل رحت داخل علطول و قولت للدكتور معلش يا دكترو انا اسف بس اديني الحقنه علشان كتفي واجعني قالي ماشي ميهمكش اتفضل

و أخدت الحقنه بس كانت في العمود الفقري من تحت الرقبه كدا بفقرتين خلصت و خرجت و انا ماشي في الطرقه حسيت اني دايخ كدا لاني مكنتش فطرت و لا اكلت اي حاجه

و وقعت في الارض مغما عليا…

لما فتحت عيني لقيتني متعلق في ايدي محلول و نايم في السرير ويا سلام بقا على اللي شوفته لقيت البنت اللي كسرتلها الفون قاعده في الاوضه وبتقولي حمدلله على السلامة…يتبع