حب من عالم آخر
(البارت الثالث عشر حب من عالم آخر)
احمد قالي في حاجه عاوز اقولك عليها بس منغير متزعل مني قلتله انا هزعل منك لي يا احمد قول في اي؟.
قالي انا مش مرتاح للناس دول يا محمد
قلتله ليه بس يا حماده في ايه حد زعلك منهم؟ قالي لا بس حاسس اني مش مرتاح كدا و أن في حاجه مش طبيعيه في البيت.
قلتله طب اي هي قالي مش عارف و الله بس هي مش غريبه يعني ان ليلى توافق على و احد مش من مستواها يعني انا و انتا على قد حالنا بالنسبة ليه دول عايشين في قصر عمري مدخلتو في حياتي ولا عمري حلمت اني ادخله.
قلتله يا احمد انا و ليلى بنحب بعض من زمان و انتا عارف اني مش بتفرق معايا المناصب ولا الفلوس اهم حاجه عندي ان اتجوز الانسانه اللي بحبها.
قالي ربنا يوفقك انا بتمنالك الخير بس كنت بعرفك احساسي بس انا في حاجه عاوز أسألك عليها قلتله اي هي قالي هي التخيلات معتش بتجيلك بتاعت الضفدعه؟
قلتله انا مكنتش بتخيل دي كانت حقيقه
قالي طب حصل جديد قلتله اه الضفدعه كلمتني اخر مره من سنتين كدا بس
قالي طب مش فاكر هي قالت ايه قلته اه فاكر كانت عاوزاني اقتل ليلي علشان تسبني اعيش فقلتلها لا مش هعمل كدا قالت خلاص هموتك انتا قلتلها اعملي اللي تعمليه و من ساعتها و هي مظهرتش.
قالي في حاجه في دماغي عاوز أقول عليها بس لما اتأكد منها الاول قلت ماشي بس اي هي قالي لما اتأكد هعرف.
بعد 5 اسابيع عزلنا من البيت بتاعنا و اشترينا بيت كبير في نفس المنطقه بس على النيل بيت جميل و واسع.
مرت الايام و كان باقي على الشبكه يومين و كل يوم بقا بنتكلم في الفون انا و ليلى و نسهر و كلو تمام و الحب بيزيد اكتر و اكتر.
و جه معاد الشبكه
جهزت نفسي بقا و احمد صاحبي كان هو اللي هيسوق العربيه و رحنا الكوافير و شوفت ليلى بقا زي الملكات
.
دخلنا الأستوديو و اتصورنا و خرجنا ركبنا العربيه و رحنا البيت و العيله كانت معزومه كلها و البيت كان مليان ناس و كلو فرحان بقا و الاغاني شغاله.
دخلنا قعدنا في الكوشه و لبستها الشبكه و هي كانت جايبالي خاتم هديه لبستهوني و فضلنا نرقص
ونغي
وكان يوم بالف يوم
يعني انا كنت بسوط جدا جدا بطريقه مش طبيعيه قصة حب بتنتهي بالجواز ودا اللي كنت منتظره.
و حددنا الفرح في اليوم دا و كان الفرح بعديها ب10شهور المهم مرت الايام و عدت و انا اترقيت في شغلي و وصلت لمدير بعد بابا مشتغل في الوظيفه بتاعته الجديده(صالت سيارت).
و مستوانا الاجتماعي و المادي كان بيعلى و يرتفع باستمرار.
و في يوم و انا راجع من الشغل لقيت احمد مستنيني في البيت.
سلمت عليه و قعدنا مع بعض انا مكنتش شفتو من زمان و الصراحه كان وقتي كلو لليلى بس احمد اكتر من اخ صاحبي من الطفوله مينفعش اللي انا بعمله معاه…