حب من عالم آخر

(البارت الثاني عشر حب من عالم آخر)

يوم من الايام كنت قاعد مع ليلي كالعاده و اثناء كلامنا ليلى قالتي حاجه مهم جدا كنت ناسيها.

محمد احنا هنفضل كدا نتقابل من غير محد من اهلنا يعرف؟

قلتلها و الله عندك حق انا لازم اخطبك
قالت بتتكلم بجد
قلتلها ايوه انا خلاص خلصت تعليمي و بشتغل في وظيفه كويسه و معتش فاضل غير اني اتجوزك.

و منغير متتكلم راحت وخداني بالحضن حضن كبيييير جداا و فضلت تبكي من الفرحه
فأنا قلتلها طب انتي بتبكي ليه دلوقتي قالت اصلي مستنيه اللحظه دي من زمان اوي واخيرا جت قلتلها طب على فكره الناس بتتفرج علينا قالت مش مهم خليهم يتفرجو.

و كل دا واحنا في حضن بعض
قلتلها طب خلاص بقا علشان نسيب شويه للخطوبهفضحكت و قالت ماشي.

و قضينا يومنا و كلو تمام و روحت و قعدت مع بابا و قلتله اني عاوز اخطب و خلاص انا اخترت و هي هتعجبك و بنت كويسه و انا بحبها.

قالي خلاص ناخد معاد و نروح نتفق مع اهلها بس انتا بتحب من ورايا ياض مش تشوفلي عروسه معاك كدا

قلته يا بابا انا الاول بقا
قالي ايوه بجد اصل امك تموتني ولا حاجه و طلاما انتو بتحبو بعض يبقا مفيش داعي للتاخير.

المهم كلمت ليلى في الفون وعرفتها واخدت معاد مع بابابها و كنت مبسوط جدا .

و قبل منروح لليبت بتاع ليلى
رنت عليا و قالت احنا لازم نتقابل علشان نتفق انتا هتقول ايه.

المهم اتقابلنا و اتفقنا على كل حاجه و عرفتها بابا بيحب ايه و مش بيحب ايه و ماما بتحب ايه و مش بتحب ايه و كدا و هي كمان قالتلي اوع تخلي باباك يشرب سجائر و احنا قاعدين علشان بابا بيتخنق منها و متخلهوش يعلي صوته في الكلام.

و جه بقا يوم الخطوبه
و رحنا انا و بابا و ماما و احمد صاحبي و اختي.

و كان بيتهم جميييل جدا زي القصر كدا حاجه مفتخره و كان فيه اسدين تماثيل على الباب كدا و عندهم قطه اليفه.

دخلنا بقا و سلمنا على اهل ليلى و اتعرفنا و بابا دخل في الموضع و طلب ايد ليلى ليا.

ابو ليلى قال احنا نتشرف طبعا و انا موافق منغير مسأل ولا اي حاجه انتو ناس محترمه.

و فضلنا نتكلم شويه و كدا و انا خرجت انا و احمد وقفنا في البلكونه شويه لاني كنت متوتر و احمد كان بيكلمي المهم و احنا بنتكلم لقيت ليلي بترن عليا فرديت عليها قالت خلي صاحبك يطفي السجاره.

فبصيت لاحمد لقيته بيشرب سجائر و انا مخدتش بالي قلتلها حاضر بس احنا في البلكونه بعيد عنكو قالت لا الريحه و صله هنا يلا خلص خليه يطفيها قلتلها حاضر فقالت و انتم واقفين بره ليه هو انت جاي تقف بره قلتلها معلش بس متوتر شويه قالت طب يلا خش بلا نتوتر بلا نيله.

المهم دخلنا و اتفقنا بقا على الشبكه و الفرح و حددنا كل حاجه و قضينا يومنا…