جانٍ بلا وجه

الجزء السابع عشر

#بقلم_يمنى_عفيف

جهاد:تفضل بابا

تقي:وين امي وعماد

جهاد:هيهم جوّا

تقي:وكيف حالته؟

جهاد:بابا عماد معه انفصام بالشخصية والدكاترة بالمستشفى ما عرفوا يشخصوا حالته منيح…لهيك وجوده هون منيح كثير لاني بقدر ابدا بعلاجه وتيتا بتساعدني

تقي:الله يرضى عليك يا ابني…خليني ادخل اشوف امي

…..
بمركز الشرطة

المحقق:يا عسكري بتوخذ دورية حالاً وبتروح تقبض على راغد العطار عالسريع

العسكري~باستغراب~:راغد العطار!!!

المحقق:اه…راغد العطار اعمل زي ما حكيتلك وبسرعة بدون كثرة حكي

العسكري:بس يا حضرة المحقق احنا مش قدهم لهذول الناس ويمكن يطيروك ويسحبوا منصبك من تحتك

المحقق:انت عليك تنفذ اللي بحكيه بس…انا ما رح اشوف الفساد واسكت

العسكري:اذا عرف اللواء بس يرجع من مهمته باللي عملناه رح يقيم الدنيا فوق روسنا فخلص شو بدنا بهالقصة احنا

المحقق~بنفاذ صبر وعصبية~:روووووووح!!

…..

ميسون:رامي رن على ابوك شوف وينه

رامي:ماما بابا بمهمة وما اظن انه فاضي للتلفون والاتصالات…بعدين مش اول مرة بطلع بمهمة وبضل ايام ليرجع

ميسون:مفكرني مش عارفة يعني…بس حتى لو بدي اتطمن

هنادي:امي اتصلت وتلفونه مسكّر

ميسون:الله يحميه ولا يضره

هنادي:آمين

رامي:بكفي دراما خلص…انتو بتعرفوا شو طبيعة شغل بابا

ميسون:رامي اذا ما قمت من قدامي بنتفك

رامي:اصلا انا طالع سلام

…..

ريف:ماما في اشي غريب

عتاب:شو هو؟

ريف:عمو حازم من 3 أيام لا اتصل فينا ولا اجا عنا

عتاب:معك حق…بس يا امي اكيد عنده عذر…لانه هو كمان عنده بيت وعيلة وشغل

ريف:معك حق ماما…بدي ارن على خالو تقي اسأله وينه…حتى هو من اسبوع ما طل ولا سأل

عتاب بتفكر ومش مركزة مع ريف فجأة حكت لا ارادياً:معقول

لفت ريف عليها بسرعة وحكت:شو اللي معقول؟

عتاب:لا ولا شي

ريف:امي انا بعرفك منيح احكيلي بشو بتفكري

عتاب:معقول نسيونا وزهقوا منا…وبعملوا هيك ليتهربوا منّا

ريف~بانفعال~:لا اني لا والله ما حزروا…كل اللي احنا فيه بسببهم…وبالأخص عمو حازم…هو اللي جابنا عهالمكان وكل شي كان بسببه…لحتى بالآخر يجي يرمينا ويحط الحق عالزمن

عتاب:اهدي يا ريف…انا بحكي مجرد حكي

ريف:هو لسا مفكرني ريف الطفلة الضعيفة بس لا…هالمرة اذا فكروا يعملوا اللي بتحكي فيه انتِ رح يشوفوا وجهي الثاني وما عندي شي اخسره…علي وعلى اعدائي

…..
وببيت زهور

زهور:تقي ما بدك تخليني اكحل عيني بشوفة اختك قبل ما اموت

تقي:بعيد الشر يا امي ما تحكي هيك

زهور: لا بدي احكي وكثير كمان… لانه انت حكيتلي عن اختك ووعدتني اشوفها وما وفيت بوعدك

تقي:امي حكيتلك لما اشوف الوقت مناشب رح اوخذك تشوفيها

زهور:ووينتا رح يصير الوقت مناسب بس تصير عظامي مكاحل؟…وبنتها اللي وديتها للناس يقوموا فيها…شو صار فيها؟…هسا بدي اعرف…واذا ما حكيتلي وقتها رح يكون الي تصرف ثاني

تقي:امي البنت بخير

زهور~بتصرخ~:شو يعني بخير ااااه احكييليي شووو يعني بخيير؟…كل ما بسألك بترمي هالكلمتين وبتطلع…بغضب عليك ليووم الدين اذا ما بعرف هسا شو صار بهالبنت

جهاد:استهدو بالله مش مستاهل الموضوع…تيتا ارتاحي وهسا بابا بحكيلك كل شي…عماد نايم جوا ما بدنا اياه يصحى

تقي:حكي جهاد صحيح 100% وهسا بحكيلك اللي بدك اياه

زهور:خلص انطق

تقي:امي البنت اهلها بالتبني ماتوا من سنة وما بعرف اذا عندها فكرة عن هي مين وبنت مين…بس أنا بأكدلك انه هي اسمها نسرين راغد العطار…بنت عتاب وأخت ريف وعماد

زهور:والبنت عمرها 20 سنة صح؟

تقي:مزبوط امي

زهور:وشو بتدرس ومن وين بتصرف؟

تقي: درست معهد تمريض سنتين…وبتشتغل بالمستشفى اللي كان فيه عماد ممرضة وراتبها بالمستشفى منيح…البنت قوية لدرجة كبيرة

زهور:ووينتا ناوي تحكيلها عن كل شي صار وتعرفها على امها؟

تقي:بتعرفي انه هالشي مستحيل وحازم اللي هو عمها واخو ابوها رافض الفكرة لانه لو اخوه راغد عرف ما رح يرحمهم

زهور:الله ينتقم منك يا راغد ويوخذ حق بنتي واحفادي منك

….
زهور
مرا كبيرة بالعمر…عمرها 63 سنة…كانت بتعرف زي الكل انه بنتها عتاب وحفيدتها ريف انقتلوا من سنين…لحد ما اجا تقي وحكالها انهم عايشين…حكالها عن عماد وانه ما اله حدا لهيك حكـت للَكل انها سافرت لتقعد هي وجهاد مع عماد بهالبيت

جهاد

شب عمره 28 سنة…دكتور نفسي بمستشفى زكريا…هو اللي شخص حالة عماد بعد ما جابه لهالبيت…ليعتني فيه هو وسته زهور

…..

جاكلين:أنجيلا ارجعي جربي رني على عمك حازم وسالي جربي رني على ابوكِ كمان مرة

أنجيل:طيب ماما ليش اجو الشرطة اخذوا بابا من نص بيته؟…هالشي لحد هسّا ما لقيتله تفسير

جاكلين:وأنا شو عرفني إنت ِ الثانية

سالي:ماما عمو تلفونه مسكر…رح اجرب ارن على مرته

أنجيل:وبابا كمان

جاكلين:بعدين مع هالقصة هاي اوف

أنجيل:مرحبا خالتو كيفك…انا الحمد لله منيحة…عمو حازم وين بنتصل عليه ما برد…اه يعني رجع من المهمة نايم…لأ خلص ما تصحيه…ماشي بستنى تلفونك…الله معك

جاكلين:شو حكتلك ميسون أنجيلا؟

أنجيل:عمو كاين بمهمة خطرة…مروح من 7 ساعات ونايم حكتلي رح تصحيه وتخليه يتصل علي

…..
وعند عماد

عماد:جــ..هاد…الحقني هاي المرا انجنت…بتسب وبتغلط علي

جهاد:ما تخاف يا عماد انا هسا بشوفها…تيتا يا تيتا

زهور~من المطبخ ~:نعم؟

عماد:انا رايح جوا بس تبطل تغلط احكيلي

جهاد:ماشي ياعماد…بس ما تخرب اشي

عماد:حاضر

…..
بالمطبخ

جهاد:تيتا شو عاملة مع عماد؟

زهور:شو بدي اعمل معه يعني؟…ولا اشي

جهاد:ما غلطت ِ ولا سبيتِ عليه؟

زهور:يا ابني شو بدي فيه انا؟…بعدين ما انا عارفة انه مريض بدي ازيدها عليه

جهاد~بحكي مع حاله بس بصوت عالي~:معقول في جانب من شخصيته بمثل بالكذب…يعني الانفصام عنده بحاله من حالاته بصير كذاب…الطف فيه يا رب الطف فيه

وطلع من المطبخ وهو بفكر…اما زهور كملت تقطيع الخضار وهي بتحكي:الله باليني بمجانين بكل مكان حواليه
…..

جاكلين:مرحبا سلفي كيفك

حازم:اهلين…ما تقلقي هينا طلعناه…بدي اغلبك جاكلين تطلعي انتِ والبنات عالبيت عندي وياريت تحكي لميسون وهنادي ورامي يجهزوا حالهم لإنّه جاي أوخذكم بمشوار ضروري

جاكلين~مستغربة~:لوين؟

حازم:رجاءً ما بدي أسئلة

……
سكر حازم التلفون وهو راضي عن نفسه واتصل على على صفاء وحكالها تجهز هي ونسرين…واخر مكالمة كانت مع تقي

حازم:اسمع تقي اجا الوقت وهسا جهز حالك وتعال على بيتي

تقي:وقت شو؟

حازم:تعال وبتفهم…مع السلامة

خلص تقي مكالمته مع حازم وهو مستغرب منه…وبحكي مع حاله:معقول اجا الوقت عشان….لالا مستحيل بس للاحتياط رح احكيلهم احسن

…..

جهاد:تيتا اتصل علي بابا وبحكيلك جهزي حالك ورح اجهز انا وعماد لانه بدنا نطلع

زهور:ماشي…بدي اشوف لوين بدنا نوصل

….
ببيت عتاب

عتاب:ريف كل شي جاهز

ريف:واحسن من اللي بدنا اياه كمان

عتاب:خلص انا تعبت…رح افرجي العالم كله الويل اللي انا ذقته…اجا الوقت

ريف:فرصة واجتنا على رجليها يا امي

#للرواية_بقية
#بقلم_يمنى_عفيف