توأمي الخائن

توأمي الخائن الحلقه الاخيره

في البدايه نشكر جميييع متابعيني القدم والجدد وكل حد يعلق بي كلام حلو ربي يجبر بخاطره ويخليكم ليا

محمود:رماس?
رماس:اول مره تتلاقا عيونا من بعد يوم الخطبه اذكرت كل شي داره فيا كل شي اذكرت انه كسرني وهدني وجرحني..

اذار:منو هادا
محمود:انت يلي منو?
عفراء:محمود خلاص برا
اذار:عرف ان محمود هوا نفسه يلي كان خاطب رماس
محمود:رماس اسمعيني دقيقه بس
رماس:شبحت لي اذار وهيا مصدومه
اذار:شد في يد رماس …كأنه يقلها انا معاك متخافيش

محمود:شنو يلي قاعد يصير انت منووو تكلم
اذار:خطيبها
محمود:?لالا يكذب رماس رماس تكلمي قولي اي شي
رماس.:ساكته مردتش ولا كلمه
محمود:رماس انا عرفت الحقيقه اختك كذبت عليا وجابتلي فيديو انتي في شقه مع واحد وفي النهايه طلعت هيا مش انتي يارماس انا طلقتها وروحت ليبيا ع خاطرك
اذار:قعد ساكت يبي يشوف رد رماس وكان خايف لو رماس قاعده تحبه
محمود:رماس تكلمي نبيك تسامحيني وخليني نصلح غلطي بالله عليك خلينا نبنو احلامنا من جديد
عفراء:محمود خلاص ياسر
محمود:انتي تحبني صح رماس انتي تحبيني هادا باش ساكته
رماس:حطت يدها التانيه ع يد اذار…شكرا محمود بجد شكرا تعرف علاش لانك خنتني مع توأمي وتزوجتو وخليتني نتعرف ع شخص زي اذار احسن حبيب في الدنيا كلها
اذار:باس رماس ع راسها ربي يخليك ليا
رماس:ولا يحرمني منك
محمود:بعد من عليها ياكلب بعددددد
ولتمو الشباب عليهم بعدو محمود ورماس واذار وعفراء ركبو السياره ومشو

في السياره:
اذار؛شاد يد رماس وباسها
عفراء:سعد الناس ياكبدي ياقعادي اناااا
اذار:هههههه تبي تروحي ولا تفطري معانا
عفراء:اي تبيني نشوف قهرتي بعيوني روح بيا
اذار:بيجي صاحبي ايهم يفطر معانا ره روح امس بس لي ليبيا
عفراء:ارفعوووني??

✨روايات بنووتة الشيخ✨

زهره:وهادا يلي صار
رهام:يعني توا اذار روح خلاص معش بيرجع
سعاد:اي ومشاء الله متخرج دكتور
رهام:امم
اسماء:وقالو حاط العين ع رماس لان كم مره يشوفو فيهم في السياره مع بعض

اذار:حبيبتي شنو خاطرها
رماس:قهوا بس
اذار:اي طبعا متبيش تاكل باش متسمنش ونبدا نضحك عليها
رماس:مبردك?
اذار:نحبك زي ماانتي ياقلبي
رماس:?
ايهم:السلام عليكم
عفراء:???
اذار؛اهلين واخيرااا ياحب قلبي نورت ليبيا كلها
ايهم:نورك ياغالي
اذار:هادي رماس بنت خالتي
ايهم:اهلين رماس حكالي عليك هلبا اذار
رماس:اهلين بيك ?
ايهم:تشرفنا …منو هادي?
اذار:ااااه نسيت عفراء صاحبت رماس ومجنونه زيك
ايهم:بجوده عفوره
عفراء؛بيك اكتر ❤️
ايهم:ع فكره حلو اسمك
عفراء:حتا انت اسمك حلو
ايهم:تقري
عفراء:اي اكيد
اذار:حبيبتي تعالي ناخذو طاوله بروحنا هادم نسجمو?
ايهم:يكون احسن والله ??
عفراء:?

✨روايات بنووتة الشيخ✨

موده:روروروروروروي الحمد الله ع السلامه
يسرى:سلمك ياغاليه استاحشناكم كيف حالكم
موده:الحمد الله خشو خشو نورتي…كيف حالك امي مبروكه الحمد الله ع سلامتك

مبروكه الله يسلمك يابنيتي
سالم:اوووه حمودي اممممواه استاحشتك يافرخ
يسرى:وليدي الغالي ?حبيب مامتك
سالم:وين رماس اماله
موده:رماس مشت للجامعه بترجع لي قرايتها
يسرى:????الحمد الله ياسالم بدت ترجع لي طبيعتها شوي شوي
الهاشمي:اي امس كلمت اذار وقال بنرفعها

وقعدو طبعا يسلمو ع بعض وفرحانين

✨روايات بنووتة الشيخ✨

رجعو اذار ورماس للحوش
رماس:حموودي حبيبي تع…?امي ????????استاحشتك الحمد الله ع سلامتك
سالم:وانا وين ولا امك بس استاحشتيها
رماس:قعدت تحضن في امها وبوها

سالم:كيف الحال اذار مبروك عليك التخرج
اذار:الله يبارك فيك ياعمي منور
يسرى:الف مبروك ياولدي
اذار:الله يبارك فيك ياخالتي

رماس:حنينه الحمد الله ع السلامه
مبروكه:الله يسلمك حبيبتي رماس مشاء الله حلويتي
اذار:هلبا والله ياحناي ?
رماس:?

الهاشمي:وبما ان امي روحت الحمد الله ومافيها شي رح ندير عزومه كبيررره بمناسبة شفاء امي وتخرج اذار
سالم:ربي يقويك

✨روايات بنووتة الشيخ✨

فاتو يومين بس رماس وامها قاعدين في حوش الهاشمي لانه زحمممه ورماس تعاون في مرت خالها وفي ها اليومين هادم اذار يخطف في البوسات من رماس خطف?
في يوم كان الحوش ززحمه
طق طق طق
موده:رموسه الباب وراس بنيتي
رماس:هيا هي …?
رهام:اهلين
رماس:اءء اهلين
رهام:جيت نسلم ونطمن ع حناي مبروكه
رماس:تفضلي

خشت رهام وكانت صددددمه للعيله بس يسرى فرحت انها شافت بنتها خشت رماس سلمت ع الكل وقعمزت

وصال؛حي ع ام الوقاحه
ألاء:شوفي شنو بندير
هنادي:فكينا من المشاكل
ألاء:كيف حالك رهام شن مدايره
رهام:الحمد الله بخير
الاء:شن حال محمود
رهام:تمام بس انفصلنا

كلهم:??????
يسرى:امتا
رهام:الاسبوع يلي فات كل حد مشي في حاله وتم

قعدو يهدرزو في البدايه كان الجو متوتر بسبب وجود رهام بس بعدين عادي وزادت الزحمه اكتر واكتر

رهام:محمد تعالا
محمد:نعم
رهام:غرفة اذار وين؟
محمد:تعالي نوريهولك

رهام:هادي
محمد:اي
رهام:برا لي رماس قلها رهام مع اذار في غرفته
محمد :به

طق طق طق
اذار:بنرررقد كان رماس خشي وكنهادا فوتوني
رهام:السلام عليكم
اذار:قعد يشبحلها
رهام:اي صح يلي في بالك انا رهام توأم رماس
اذار:حسيت لان في شي متغير عليها

رماس:جت لغرفة اذار بس وقفت تسمع
رهام:اطلقت ورجعتلك
اذار:علاش مفهمتش
رهام:انت نسيتني بس انا ولا يوم نسيتك
اذار:اوووف رهام فكينا منها الدوا هيا
رهام:كيف تنسا يلي كان بينا هكي

رماس:خلاااااص دارت الدنيا بيها ومشت دارها تبككككي وكانت تبي تنتحر وحطت في بالها ان حتا اذار خانها مع رهام

اذار:مكان بينا شي يامريضه اطلعي اقلبي وجهك خير منفضحك قدامهم كلهم
رهام:طلعت ومحكتش ولا كلمه لان عارفه ان خلاص رماس سمعتها

✨روايات بنوتة الشيخ✨

طق طق طق
اذار:حبيبي اطلعي خيرك مقعمزه بروحك
رماس….
اذار:خيرك تبكي?
رماس:اطلع ياحقير زيك زيهم متفرق في شي كلمم خاينين ??
اذار:اهدي رماس اهدي اشششش متخليش حد يسمعك

محمد:رماث قتلك ماما جيبي اميه
رماس:???
اذار:صكر الباب يامحمد
محمد:…صكر الباب …خيره رماث تعيط

اذار:والله مفي حاجه بيني وبين رهام خيرك وربي نحبك انتي
محمد:تعيطي ع خاطر رهام
اذار:اسكت يامحمد ….حبيبي ردي عليا
محمد:نقولك ثنو قالو
رماس:سكتت وقعدت تشبح لي محمد

محمد :قتله رهام اطلقت ورجعتلك
قلها اذار:علاش مفهمتث
قتله رهام:انت نثتني بس انا ولا يوم نثيتك
قلها اذار:اوووف رهام فكينا منها الدوا هيا
قتله رهام كيف تنقا يلي كان بينا هكي
قلها اذار:مكان بينا ثي يامريضه اطلعي اقلبي وجهك خير منفضحك قدامهم كلهم
بعدين رهام ثكتت وطلعت

اذار:الزززح كيف حفضت هادا كله
محمد:?
رماس:مسحت عيونها…هادا يلي صار
اذار:ومزال تسألي خوك لامنقص حرف ولا زايد حرف
رماس:حطت يدها ع وجها
اذار:حضن رماس…انا نحبك ياقلبي وربي منخليك
رماس:حسيت بي الامان معاه معمري حسيته في حياتي
رماس:حبيبي
اذار:الراديو يسجل متقولي شي
رماس:??

روحت رهام وتسحاب روحها خلاص فرقت بين رماس واذار لان عارفه كويس ان رماس مستحيل تتحمل صدمه تانيه

✨روايات بنووتة الشيخ✨

في يوم الحفله يلي دارها هاشمي لي امه واذار:-

في المربوعه وكانت زححححمه ولناس تبارك لي اذار

اذار:ياعمي سالم
سالم:ايوا
اذار:نبي نطلب منك طلب وقول عطيت
سالم:كان قدرني ربي
اذار:نبي نطلب منك يدك بنتك اهو قدام عمامي وخوالي وبوي
سالم:منلقاش احسن منك يا فرخ لاكن نسألو البنيه قبل
اذار:لا سألتها قداش ليا مزال انت بس

كلهم:????

رماس:نعم؟
رهام:خلاص تهنيتي حتا اذار خذيتيه
رماس:اذار الحاجه الوحيده يلي خذيتها ع شنو تحكي انتي يلي خذيتي مني كل شي وكسرتيني
رهام:ممكن انا خذيت منك حبيبك لاكن انتي خذيتي مني اغلا شي
رماس:ع شنو تحكي ?
رهام:ع امي وبوي ?انتي خذيتيهم مني ليش فضلوك عليا ليش ربوك عندهم وانا لا فهميني
رماس:??انتي عارفه ان انا جيت ع هادي الدنيا بي نمو ناقص وماما متحملتش تعانينا الزوز خلاتك عند عماتي بس هما مرضوش يرجعوك
رهام:تبكي لا يارماس لا مفيش مره بوك حاول يشدني من يدي ويروح بيا معاه كنت ديما غايره منك لانك عايشه في عيله نموت لما نشوف في بوك كيف يحن عليك
رماس:معادش تقولي بوك بوي هوا بوك مفيش فرق
رهام:بس هوا مقاليش يابنتي في يوم
رماس:سكتت لانها سخفتني بي رغم من كل شي داراته

#تسريع_في_الاحداث

بعد مرور نصف سنه تزوجو رماس واذار
رماس:منبيش نحكي تفاصيل العرس لان بنقعد نبكي لاكن بجد يوم زفتي لي اذار كان احلا يوم في حياتي كلهااااا

رهام متغير شي في حياتها بس لاتطلع لاتخش ومعش رهام القديمه القويه والشريره

رماس :حامل وحتا هيا قالولها توأم واذار قريب يموووت من الفرح

اما عفراء خطبها ايهم وامورهم تمام
ونزار صاحب اذار تجوز ومرته حاكمه فيه ?

محمود:عاش حياته وهوا مصدوم وحلف معادش يتزوج نهائيا

كانت الحياه متعهم تهببببل ورماس متفاهمه هيا واذار لغاية مجي يوم :-

رماس:ااااخ يابطني كبرت معادش نتحمل
اذار:اسكتي وانتي تقول زامطه بتشا ?
رماس:???
اذار:هي حبيبي خشي للحوش راك اطيحي
رماس:خيره الحوش ضلام
اذار:صكر الباب وفتح الشمعه ….هابي بيردي تويو سنه حيلوا يارموسه سنه حلوا ياكركوبه
رماس:من الفرحه تضحك وتبكي ???

باسها اذار وقطع الكيكه معاها وعطاها هذيه يلي كانت عباره علي خاتم ذهب مكتوب فيه الله لايفرقنا

رماس:اذار
اذار:عيونه
رماس؛تحققلي امنيتي في عيد ميلادي
اذار:شنو تبي حبيبي اطلبي

طق طق طق
رهام:فتحت الباب ???
رماس:تفضلي الكيكه وكل عام وانتي بألف خير
رهام:قعدت مصدووومه
رماس:عارفه انا اليوم عيد ميلادنا نزلنا في نفس الوقت ومن نفس البطن
رهام:قعدت تبكي
رماس:انا مسامحاتك ع كل شي ليش منكونوش زي اي توأم؟
رهام:???
رماس:حضنت رهام

يفوتو الايام رهام تغيرررررت وعاشت مع امها وبوها وفرحت يسرى كانت لاتوصف

بعد مرور 4شهور رماس جابت توأم بنت وولد ورهام تزوجت شخص تعرفت عليه في خدمتها شخص ع قد حاله وحبها وحباته

اذار:رح يكونو اجمل توأم في الدنيا
رماس:لانك بوهم
اذار:امممممواه
سالم:الف الحمد الله ع السلامه
رهام:شنو كنتو توشوشو ياعصافير الحب
محمد:قالها اذار رح يكونو اجمل ثوأم في الدنيا
قتله رماث لانك بوكم
قلها اذار امممممواه

اذار:الله يفضحك فاضحني طول عمري?‍♂️
كلهم??????

بنووتة الشيخ:الخاين رح يلقا شخص يخونه ويلي فقد حاجه غاليه ربي رح يعوضه والدم عمره ميصير اميه ومهما ارتكبت ذنوب باب التوبه مفتوح وتقدر في اي وقت تغير من روحك وزي منقول انا بنووتة الشيخ الحب في كل مكان دور كويس بس

✨النهايه✨
خلو رايكم بدوووون ملصقات