تمرد صحفيه بقلم {دودومحمد}

⁦✍️⁩تمرد صحفيه ⁦✍️⁩43

?الفصل الثالث والاربعون?

فى فرنسا

وصلوا التلاته على ميعاد العشاء عند محمد فى إحدى المطاعم وكان التوتر واضح جدآ على نهى قعدت جنب فادى ورودينا وهى مكسوفه تبص على محمد بعد الموقف اللى حصل ما بينهم الصبح محمد اخد باله من توتر نهى مد ايده بكاس وقال

محمد :- اتفضلى يا انسه نهى اشربى شكلك متوتر جدآ
نهى :- ش.ش.شكرآ انا مش بشرب
محمد :- ليه بس هتحبى طعمه اوى
نهى :- ثانكس مش عايزه
فادى :- هات ليا واحد قهوه وهات للانسات اى نوع عصير
محمد :- اوك وطلب اتنين عصير واتنين قهوه قبل الاكل
فادى :- البلد هنا جميله جدآ
محمد :- فعلا فرنسا دى عشقى وبالذات بالليل
رودينا :- حضرتك عايش هنا من زمان
محمد :- لاء انا مش عايش فيها انا بتابع شغل هنا شويه وشغل مصر شويه يعنى حياتى ما بين فرنسا ومصر وجت القهوه والعصير وشربوه وشويه والأكل جهز وبدأوا ياكلوا ما بين نظرات محمد لنهى
وبين نظرات رودينا وفادى لبعض وبعد وقت انتهوا من الاكل وبدأت الموسيقه تشتغل فى المطعم
محمد :- قام وقف ومد أيده لنهى وقال تسمحى ليا بالرقصه دى
نهى :- ها ا ا اسفه مش برقص مع حد غريب
محمد :- على فكره احنا مش فى مصر احنا فى فرنسا بلد الحريه
نهى :- اسفه ليك مفهوم حضرتك غلط انا لما ارفض الرقص معاك مش علشان الناس ولا تقليد بلد لاء ربنا موجود فى اى مكان وفى اى وقت وانا مستحيل اعمل حاجه تغضبه
محمد :- بصلها بأعجاب وقال بجد برافوا قليل اوى اللى بيلتزم بالدين والأخلاق فى وقتنا ده
نهى :- بص يا باش مهندس انا واحده من الناس مش بعمل حساب لناس بالنسبه ليا كلامهم ولا حاجه لان عملت صح عملت غلط هيتكلموا هيتكلموا إنما كل اللى بيهمنى هو ربنا هو بجد اللى بعمل حساب ليه فى كل تصرفاتى وده اللى المفروض الناس كلها تعمله
محمد :- بصلها بأعجاب ورجع بص لفادى وقال بجد اهنيك معاك قمرين ربنا يحميهم ويحرسهم ويا بختك يا عم بالسكرتيره بتاعتك
فادى :- على كده نهى دى اول شهر ليها فى الشركه بس قدرت تثبت نفسها فى الشغل
محمد :- وانسه رودينا ساكته ليه
رودينا :- احم هقول ايه بستمع لكلامكم بس
فادى :- بصلها بغيظ وقال الانسه رودينا بتعرف تخطط وتسكت بس
رودينا :- لو على الكلام انا ممكن اتكلم على فكره بس سكوتى احترام ليكم
محمد:- بصلهم وقال انا ليه من اول مره اشوفكم فيها حاسس ان انتوا ما بينكم زعل حاسس كده أن كل واحد عايز يقتل التانى
الاتنين فى نفس الوقت قالوا
فادى :- ودى مين دى علشان اشغل بالى بيها
رودينا :- فى نفس الوقت قالت وده مين علشان اشغل بالى بيه
محمد ونهى :- بصوا لبعض وضحكوا على طريقة رودينا وفادى
فادى :- بص بتحذير لنهى
نهى :- احم سورى يا فندم
فادى :- بص فى الساعه وقال ياااه الوقت أتأخر جدآ ووقف وقال يلا بينا
رودينا ونهى :- واقفوا جنب فادى
محمد :- اتشرفت جدآ بمعرفتى بيكم وان شاءالله لينا لقاءات تانى مع بعض
فادى :- اكيد أن شاءالله مع السلامه وسلموا على بعض ورجعوا الفندق وكل واحد دخل الاوضه بتاعته وشويه رودينا سمعت صوت خبط على بابها استغربت وقامت فتحت الباب لاقتها نهى قالت بأستغراب
رودينا :- نهى خير
نهى :- هو انا ممكن ادخل اتكلم معاكى شويه اصل مش جاى ليا نوم وعايزه ارغى مع اى حد
رودينا:- فتحت الباب وقالت اتفضلى
نهى :- دخلت وقالت اولا كده ياريت يكون محدش شايل من التانى ونبقى أصحاب
رودينا :- سكتت ومردتش عليها
نهى :- على فكره بقى انتى كنتى غلطانه فيا بس انا مزعلتش منك لان انا حسيت بغيرتك على استاذ فادى منى مع أن انا والله مفكرتش فيه خالص
رودينا :- بتوتر و.و.وا.ا انا هغير عليه ليه منك
نهى :- قعدت وقالت علشان بتحبيه
رودينا :- قعدت جنبها وقالت والله وانتى عرفتى ده لوحدك ولا حد قالك طبعآ مفيش حاجه من دى
نهى :- اممممم بصى مش هتضغط عليكى تقوليلى حاجه دلوقتى لأنك انتى لسه مش بتثقى فيا بس وعد لما نبقى أصحاب تقولى ليا كل حاجه
رودينا :- هزت راسها بالموافقه
نهى :- طيب اقولك على حاجه
رودينا :- قولى
نهى :- تعرفى أن انا قابلت استاذ محمد قبل ما يجى الفندق الصبح
رودينا :- حسيت بكده من طريقة كلامه
نهى :- دى كانت كسفه سوده بعيد عنك
رودينا :- ازاى
نهى :- شوفتى الولا مز ازاى
رودينا :- اه عادى يعنى
نهى :- عادى يعنى حرام عليكى ده الولا مز السنين بجد
رودينا :- ايوه يعنى حصل ايه معاكم
نهى :- انا كنت بجرى الصبح ووقفت فجأه اخد نفسى وهو كان بيجرى خبط فيا وقعنى على الأرض راح ايه يا اختى خير اللهم اجعله خير ببص توهت فى جماله بس انا اسكت قومت عكتها وعكسته بصوت عالى على أساس أنه مش مصرى والصدمه الكبرى لما لاقيته بيسألنى انتى مصريه كنت عايزه اقوله لو سألتلك انت مصرى تقولى ايه قولى مصرى ابن مصر وابن مصر الله عليه وارشقه بوسه واطلع أجرى بس بلعت لسانى وسبته ومشيت بس هذا كل ما حصل وشوفته هنا بقى
رودينا :- بضحك على فكره انتى مشكله وطريقة كلامك تموت من الضحك
نهى :- ايوه كده يا اختى فكيها بلاش التكشيره اللى على وشك علطول دى ونبى يا اختى بتبقى زى القمر وانتى بتضحكى
رودينا :- ميرسى
نهى :- طيب اقولك على حاجه
رودينا :- قولى
نهى :- عارفه لما شوفته هنا حسيت بقلبى بيدق جامد وفرحت اوى لما شوفته ولما شوفته بليل كنت حابه الكلام اوى معاه كنت عايزه اسمع صوته الخشن ده عايزه اقول اى افيه علشان يضحك عليه وادوب فى ضحكته اللى خطفت قلبى دى معقول اكون حبيته من اول نظره
رودينا :- انتى لسه بتسألى انتى وقعتى وش بس مش ممكن يكون خاطب ولا متجوز ولا حتى مرتبط
نهى :- لالالا انا بصيت على أيده مفيش دبله
رودينا :- مش شرط على فكره يكون لابس دبله فى أيده فى رجاله كتير مش بتحب تلبس دبل
نهى :- بقلق تفتكرى ده انا اروح فيها اقسم بالله الواد خطف قلبى خطف
رودينا :- امممم طيب اقولك ممكن تعرفى الكلام ده من فادى
نهى :- لالالا فادى ايه انا اتكسف اسأله سؤال زى ده
رودينا :- عادى يا بنتى كأنك عايزه تعرفى مراته عايشه هنا ولا هناك وهو تلقائيا هيقول إذا كان متجوز ولا لاء وبعدين انا شايفه انا فادى بيعزك يعنى لو سألتيه مش هيضايق ولا حاجه
نهى :- اممم مش عارفه بقى ووقفت وقالت هسيبك تنامى احسن شكلى صدعتك
رودينا :- لاء خالص على فكره القعده معاكى حلوه ودمها خفيف اوى
نهى :- ربنا يجبر بخاطرك امزه يلا تصبحى على خير
رودينا :- وانتى من أهله
نهى :- راحت عند الباب وفتحته ولسه هتخرج
رودينا :- نهى
نهى :- بصت ليها وقالت نعم
رودينا :- انا اسفه على اى حاجه عملتها معاكى انتى بنت جدعه بجد
نهى :- يا ستى قولتلك مش زعلانه انا عارفه انك معذوره مزه زى اكيد خوفتى على فادى منى ليتسحر بجمالى تبآ لتواضعى
رودينا :- ضحكة وقالت انتى مشكله
نهى :- شكرآ لما اروح احلم بالمز بقى باى وخرجت وقفلت الباب وراها
رودينا :- ضحكة وقالت بنى ادمه مشكله دمها زى العسل ونامت على السرير واتنهدت وقالت وانت يا قلبى هتقول ايه ولا ايه عن حبك لفادى وغمضت عينيها ونامت
~•~•~•~•~•~•~•~•~•~•~•~•~•
انتهى اليوم ونام الجميع واستيقظوا ابطالنا فى نهار اليوم التالى لتبدء رحله جديده وتبدء التجهيزات لحفل زفاف أكرم وفاطمه

فى مصر

فى شقة فاطمه

صحيت فاطمه من نومها فتحت عيونها وغمضتها تانى وفتحتها مره تانيه واتنهدت وبصت على الدبله اللى فى ايديها وقالت لنفسها

فاطمه :- معقول بجد خلاص النهارده هبقى مع اكرم فى اوضه واحده معقول هنام انا وهو على السرير واحد وحطت ايديها على وشها وقالت لالالا مش قادره اتخيل الموقف
ممدوح :- مالك يا بنتى ما كنتى بعقلك بتكلمى نفسك ليه يا اختى معقول يكون المحروس بتاعك لحس عقلك
فاطمه :- قامت قعدت على السرير وقالت مش مصدقه نفسى يا ممدوح أن انا خلاص النهارده هبقى مع اكرم فى اوضه واحده هموووت من الكسوف يا لهوى عليا
ممدوح :- يا اختى بلاش محن بنات ماانتى كنتى هتموتى على اليوم ده قومى يا اختى واخلصى علشان عريس الغفلة جاى فى السكه علشان يخدك الفندق
فاطمه :- طيب وانت هتكون فين
ممدوح :- هكون فين مع ابو النسب برضه اصل انا قررت اعمل مفاجئه للبت اللى تنشك فى قلبها دى
فاطمه :- تقصد ايه مفاجئت ايه
ممدوح :- هتعرفى فى وقتها بس خلصى نفسك
فاطمه:- قامت من على السرير وراحت عنده وقالت قولى علشان خاطرى يا مندوح
ممدوح :- ولا مندوح ولا ملوح اوعى كده ومشى لحد الباب وبص لفاطمه وقال اخيرآ أكرم هيبوس من غير ما حد فينا يغلس عليه هههههههه
فاطمه :- راحت عنده وضربته على كتفه وزقته وقالت امشى يا قليل الادب
ممدوح :- هههههه خلاص خلاص يا مجنونه ايدك تقيله
فاطمه :- اللعن ابو شكلك يا شيخ اطلع بره بقى علشان اجهز
ممدوح :- حاضر طالع وغنى وقال اعذرينى يوم زفافك مقدرتش افرح زيهم مخطرش أبدآ يوم فى بالى انا ابقى واحد منهم
فاطمه :- امشى يا ابن العبيطه
ممدوح :- احم شكلى كده بتشتم طيب انا خارج وهحرمك من صوتى الحلو ده وخرج من الاوضه
فاطمه :- يخربيت الهبل والعبط وقفلت الباب ودخلت تجهز نفسها وشويه ووصل اكرم وسلمت فاطمه على الكل ونزلت هى وممدوح واكرم وركبوا العربيه ولسه ممدوح هيركب معاهم مشى وسابه
ممدوح :- وحياة امك ما هسيبك يا عريس الغفلة
وراح ركب عربيته وراح وراهم على الفندق
عند فاطمه واكرم
فاطمه :- أكرم انت مشيت وسبت ممدوح
أكرم :- عارف
فاطمه :- طيب ايه
أكرم :- سيبك منه بقى خليكى معايا يا عروسه اخيرآ النهارده هقطعك بوس
فاطمه :- بكسوف أكرم اتلم
أكرم :- النهارده مسمعش كلمة اتلم دى خالص ده النهارده كل حاجه مباحه ومسموحه
فاطمه :- بكسوف طيب تعرف تسكت خالص
أكرم :- يا لهووووى يا ناس على المكسوف ده اااااه امته يجى بليل بقى وبعد وقت وصل اكرم الفندق ونزل فاطمه راحت على الاوضه المخصصه ليها وراح هو على اوضه وراح معاه ممدوح
~•~•~•~•~•~•~•~•~•~•~•~•~•
فى فيلا ادهم الحناوى

صحيت داليا من نومها اخدت هدوم ليها و دخلت الحمام اخدت شاور واتوضت ولبست هدومها وخرجت من الحمام وراحت ترتب مكان ما كانت نايمه
ادهم :- فتح عينه على صوت قفلت باب الحمام قام قعد على السرير وبص اتجاه الحمام اتنهد وحط راسه ما بين ايديه وغمض عينه بألم شديد من الصداع وفى اللحظه دى خرجت داليا وقام دخل الحمام
داليا :- اول ما أدهم قفل الباب قعدت على الكنبه ودموعها نزلت منها بحرقه واول ما سمعت الباب اتفتح بتاع الحمام مسحت دموعها بسرعه وقامت تكمل اللى كانت بتعمله
ادهم :- اول ما خرج من الحمام شاف الدمعه وهى نازله من عيون داليا وبتحاول تداريها غمض عينه بوجع وراح اخد هدومه ودخل يلبسها فى الحمام
داليا :- حطت سجادة الصلاة وبدأت تأدى فرضها بس خلال صلاتها دموعها كانت نزله منها خرج ادهم وشاف دموعها دى وكان نفسه يخدها فى حضنه يطبطب عليها بس كبريائه منعه
داليا :- خلصت صلاة وشافت ادهم واقف بيبص عليها غمضت عينيها علشان تدارى الدموع اللى جواها ولسه هتمشى
ادهم :- مسكها من دراعها وقال رايحه فين
داليا :- وهى مغمضه عينيها ومسكه الدمعه قالت رايحه عند فاطمه علشان ابقى جنبها
ادهم :- اصبرى اوصلك
داليا :- مش عايزه منك حاجه انا هاخد تاكسى
ادهم :-بعصبيه انا مش باخد رأيك انا بأمرك يا داليا مفيش خروج من هنا الا معايا
داليا :- والله طيب انا خارجه وورينى هتقدر تعمل ايه ومشيت لحد الباب وقبل ما تمد ايها تفتح الباب
ادهم :- طلع يجرى وراها وكتفها ولفها ليه وبص فى عينيها وقال بلاش تتحدينى علشان مش هتصدى معايا يا حلوه
داليا:- اتوترت من قرب ادهم ليها وغمضت عينيها وقالت ل.ل.لو سمحت ابعد عنى
ادهم :- قرب اكتر وقال ولو مبعدش هتعملى
داليا :- نفسها سرع وبلعت ريقها بصعوبه ومقدرتش ترد عليه
ادهم :- بص على شفايفها وقرب منهم وغمض عينيه وبسها
داليا :- كالعاده ضعفت ليه واستسلمت لقربه ليها وبدأت تفقد السيطره تمامآ
ادهم :- بعد وقت بعد عنها ومسك وشها بين ايديه وبص فى عينيها من غير ولا كلمه وبعد كده ضمها فى حضنه جامد وقعد يطبطب عليها
داليا :- اول ما شدها فى حضنه قعدت تعيط وتمسك فيه اكتر
ادهم :- اتنهد بوجع وبعد عنها وقال يلا علشان اوصلك وخرج وسبها
داليا:- بصت عليه بوجع وقالت انا بجد تعبت من حرب الاعصاب دى انا نفسى افهم انت عايز توصل لايه بالظبط نفسى افهم ليه بتكون حنين وفى لحظه تكون قاسى يارب انا تعبت بجد حمزه كان عنده حق بجد ياريت كنت سمعت كلامه وروحت معاه ومسحت دموعها وخرجت من الاوضه نزلت تحت كانت دينا وسندس قاعدين بيفطروا
داليا :- صباح الخير وقعدت
دينا :- صباح النور يا دودى مال عنيكى حمرا كده كإنك معيطه كتير
داليا :- لا عادى دى حاجه بس دخلت فيها
ادهم :- سندس
سندس :- نعم يا ابيه
ادهم:- ليه مش بتروحى مدرستك
سندس :- ها ا.ا.اصل كنت تعبانه اليومين اللى فاتوا
ادهم :- بخضه وليه مقولتيش كنت خليت دينا تجبلك الدكتور
سندس :- مش مستحقيه يا ابيه دول شوية برد مش حاجه كبيره يعنى
دينا :- دى كدابه يا ادهم ولا تعبانه ولا حاجه دى هى بتقول كده علشان متروحش المدرسه
سندس :- لاء تعبانه انتى هتعرفى اكتر منى
ادهم :- خلاص بس بس وبص لسندس وقال اعملى حسابك هتنزلى المدرسه من بكره
سندس :- بزعل حاضر يا ابيه
ادهم :- بص لدينا وقال وانتى خلى عينك عليها
دينا :- حاضر
ادهم :- فين علاء
دينا :- معرفش من الصبح بدرى نزل وخرج ومقالش رايح فين
ادهم :- وقف وقال ماشى وبص لداليا وقال يلا لو خلصتى
داليا :- وقفت من غير ولا كلمه ومشيت قدام ادهم
ادهم :- مشى وراها وركبوا العربيه وصلها الفندق طلعت هى عند فاطمه وهو طلع عند أكرم
دينا :- اول ما مشى ادهم بصت لسندس وقالت هطلع بقى اكلم المز بتاعى وسابتها وطلعت تجرى على اوضتها ومسكت تليفونها وطلبت رقم تامر وانتظرت الرد
تامر :- وربنا التليفون بيزرغط من كتر الفرحه لما بترنى عليه
دينا :- بضحك بكااااش
تامر :- اموت انا فى الجلاش
دينا :- احترم نفسك وبلاش طريقتك دى فى الكلام
تامر :- الله فيها ايه مش خطيبتى
دينا :- اديك قولتها بنفسك خطيبتك يعنى مش جوزى ولا انا مراتك علشان تتعدا حدودك معايا
تامر :- تصدقى انا جزمه اصلا ان قولت جلاش انا مش بطيقه اصلا
دينا :- ضحكة وقالت ايوه كده اتعدل
تامر :- امته تبقى مراتى واقول واعمل كل اللى نفسى فيه بقى
دينا :- كمان شهر زى ما اتفقتوا مع ادهم
تامر :- كتيرررررر والله كتير
دينا :- ضحكة وقالت احمد ربنا كنت هتموت علشان اوافق وبعد كده كنت هتموت علشان ادهم يوافق وبعد كل ده زعلان أن الفرح فاضل عليه شهر ده انت طماع اوى الصراحه
تامر :- يعنى انتى عايزه تقنعينى انك مش مستعجله زي
دينا :- ها ل.ل.لا طبعآ
تامر :- كداب يا ابو صلاح
دينا :- كده طيب مخمصاك
تامر :- ما ايه قوليها تانى كده
دينا :- بدلع مخمصاك
تامر :- يا خرررررراشى على ام الرقه دى يا نااااااس
دينا :- ضحكة وقالت خلاص بقى خلينى اقفل علشان اشوف اللى ورايا علشان اخلص واجهز للفرح
تامر :- حسك عينك تبقى حلوه فى الفرح
دينا :- والله ازاى بقى أن شاءالله
تامر :- معرفش اتصرفى المهم مش عايز حد يشوف جمالك غيرى مفهوم كتك القرف فى حلاوتك كده
دينا :- انت مجنون على فكره
تامر :- ما اكيد لازم اكون مجنون وانا معايا اجمل واحلى وارق واحده فى الدنيا دى بحالها
دينا :- احم م.م.ماشى يلا باى
تامر :- بحبك
دينا :- طيب
تامر:- هو ايه اللى طيب بقولك بحبك تردى وتقوليلى وانا كمان بحبك
دينا :- تامر
تامر:- ايوه بقى يا حنين انا سامع اهو
دينا :- بلاش كلام كتير واقفل علشان اخلص اللى ورايا
تامر :- والله
دينا :- بضحك اه والله
تامر :- تصدقى انك عيله رخمه سلام يا اختى وقفل معاها
دينا :- قعدت تضحك وتقول مجنون ولاسع بس بعشقه
وقامت خرجت من اوضتها ونزلت
~•~•~•~•~•~•~•~•~•~•~•~•~•
فى شقة سعيد

فى اوضت حمزه ومؤمن

صحى حمزه من نومه مسك تليفونه وجاب صورة ميرفت وقعد يبص عليها بشوق وحنين وقال

حمزه :- يا ترى انتى فين يا قلبى الدنيا ملهاش اى طعم من غيرك مبقتش اشوفها غير سوده فى عنيا وحشنى صوتك وكلامك ضحكتك رقتك كسوفك وحشنى كل حته فيكى ارجعيلى ارجوكى
مؤمن :- لدرجاتى بتحبها يا حمزه
حمزه :- انت صحيت
مؤمن :- قعد وقال صحيت على صوتك رد عليا لدرجاتى بتحبها
حمزه :- قعد على السرير وقال كلمة بحبها دى شويه عليها انا بعشقها يا مؤمن غيابها عنى بالنسبالى حكم بالاعدام عليا انت عارف لما تكون بتعشق القمر وتفكر أنه بعيد عنك بس تتفاجئ أنه ما بين ايديك وبيبدلك نفس الاحساس شعور كده ملهوش وصف تحس انك ملكت الدنيا كلها عارف عيونها كانت بالنسبه ليا بحور عشق بتوه فيها قصيده بتتقال فى احلى موال انا لو فضلت اوصفلك شعورى ايه عمرى ما هقدر اوصفلك هى بالنسبالى ايه الخلاصه يا مؤمن هى كانت كل الحياه ليا ولما اختفت اخدتها معاها انا عايش جسم من غير روح وهترجع ليا تانى برجوع ميرفت ليا
مؤمن :- ياااااه بتحبها اوى كده انا عمرى ما اتخيلت انك ممكن تحب حد
حمزه :- ولا انا عمرى ما اتخيلت أن اعشق حد اوى كده بس ميرفت بطيبة قلبها ورقتها قدرت توقعنى على جدور رقبتى
مؤمن :- وناوى تعمل ايه
حمزه :- مش هسكت هفضل وراها لحد ما اوصل ليها انت عارف انا حاسس ان رجوعى اسكندريه ده اشاره من ربنا ليا أن هى ممكن تكون هنا انا حاسس انها قريبه منى قلبى بيقولى كده
مؤمن :- أن شاءالله توصل ليها فى أقرب وقت
حمزه :- بس انت فيك حاجه غريبه
مؤمن :- حاجه زى ايه
حمزه :- حاسس بوجع جواك ومداريه حاسس انك مش انت مؤمن بتاع زمان اللى كانت حياته عباره عن ضحك وهزار
مؤمن :- بكسره مفيش يا حمزه انا كويس بس كل الحكايه أننا كل ما بنكبر كل ما الدنيا بتدينا درس قاسى يصحصحنا من اللى احنا فيه
حمزه :- يا ابنى الدنيا لسه فيها دروس كتير كل ما بنكبر كل ما بنتعلم منها ولو وقفنا عند أول درس ومتعلمناش منه هنفشل بقيت حياتنا وهنسقط فى باقى الدورس
مؤمن :- بضحكة وجع معلش اصل انا لسه عضمى طرى مأخدش على الضربات دى
حمزه :- بص يا مؤمن اذا كان وجعك ده وراه واحده لو هى غلطها كبير وانت بتحبها بجد قلبك هتلاقيه بيغفر ليها غصب عنك ولو انت اللى غلط فى حقها يبقى متخليش لحظه تفوت منك غير لما تروح وتعتذر ليها ومتسبهاش غير لما تسامحك وهى لو بتحبك هتسامحك من قبل حتى ما تعتذر ليها اتمسك بحب عمرك وحافظ عليه علشان مش بيجى فى العمر غير مره واحده ولو ضاع منك يبقى دنيتك ماتت بالنسبالك متخلوش اللحظه تتحكم فيكم خليكم انتوا اللى تتحكموا فيها انت صغير وقلبك لسه هيشوف حاجات كتير بس عمرك ما هتلاقى حب تانى زى اللى قابلته فى الوقت ده وخبط على كتفه وخرج من الاوضه
مؤمن :- ياريت كان كلامك ده ينفع معايا يا حمزه بس صعب هى تنسا اللى انا عملته فيها وقام من على السرير وخرج من الاوضه وقال صباح الخير يا بابا
سعيد :- صباح النور يا حبيبى
مؤمن :- هتروح الفرح بتاع فاطمه بليل
سعيد :- يا ابنى انت عارف ان مليش فى الجو ده روح انت وابقه سلملى على اختك داليا وقولها تيجى تقعد معانا شويه
مؤمن :- حاضر يا بابا هبلغها
وشويه وخرج حمزه من الحمام ودخل مؤمن وكل واحد فيهم اده فرضه وفطروا ونزلوا الاتنين واحد راح شغله وواحد راح مدرسته
~•~•~•~•~•~•~•~•~•~•~•~•~•
انتهى اليوم وجاء الليل وبدأت الناس فى التجمع فى القاعه وبدأ التوتر يزيد عند فاطمه واكرم كان بيعد الساعات علشان ينتهى اليوم

عند أكرم فى الاوضه

كان قاعد معاه ادهم وممدوح وبيحاولوا يتقبلوا ممدوح فى القاعده

ممدوح :- ما تخلص يا عريس كل ده الناس زمنهم تحت زهقوا من القاعده
ادهم :- والله احنا اللى زهقنا منك انت ما تنزل يا اخى انت لازق لينا ليه
ممدوح :- الله وانت مالك انا قاعد معاك انا قاعد مع جوز اختى
أكرم :- بصوت واطى لنفسه اذا كان جوز اختك نفسه مش طيقك يا اخى
ممدوح:- بتقول حاجه يا ابو النسب
أكرم:- ها لاء طبعآ وبعدين ايه ابو النسب اللى انت مسكها ليا دى
ممدوح :- اصل انا كلمت ابوك وطلبت ايد اختك ايه وهو وافق بس عاملين مفاجئه لأختك وهلبسها الشبكه قدام الناس فى فرحك
أكرم:- بصدمه نعم طلبت ايد اختى انا وبابا ازاى يعمل كده من غير ما يقول ليا
ممدوح :- انا اللى قولت ليه ميقولش ليك علشان عارف لو قالك كنت هترفض
أكرم :- تصدق هتصدق أن شاءالله حظك أن انهارده فرحى ومش عايز ابوظ الليله بس عارف لو الكلام ده كان فى يوم عادى كنت طلعت روحك فى ايديا
ممدوح:- الله يبارك فيك يا ابو النسب والله
ادهم :- واحد مستفز وبص لأكرم وقال انت عملت اللى قولتلك عليه
أكرم :- متقلقش كل حاجه تمام خلصت كل حاجه قبل الفرح علشان مش هكون فاضى ليك يا اخويه هيكون ورايا بوس واحضان
ممدوح :- ما تلم نفسك يا اخى راعى أنها اختى برضه
أكرم :- انت عبيط يالا وانا متجوز اختك ليه النهارده علشان سواد عيونك مثلا ما انت عارف ايه اللى هيحصل يا حيلتها وابقه ورينى هتقدر تمنعنا ازاى بقى المرادى
ادهم :- يا اكرم سيبك منه وركز معايا انا بقى
أكرم :- معاك قول
ادهم :- يعنى اتأكد ان هيتم كل حاجه لحظة الفرح
أكرم :- ايوه الرجاله عارفه شغلهم كويس متشغلش بالك انت بس
ادهم :- اخد نفس من السيجار اللى فى أيده وقال علشان يعرفوا بس مين أدهم الحناوى واللعب معاه آخرته ايه
أكرم :- البنت الخدامه انا عالجتها زى ما قولت ليا وادتها قرشين ومشيتها
ادهم :- تمام ركز انت فى ليلتك الاول وبعدين نبقى نشوف هنعمل ايه تانى
أكرم :- تمام
ممدوح :- مش يلا بقى يا عريس الغفلة
أكرم :- اللهم يطولك يا روح قوم يالا وخرجوا التلاته من الاوضه وراحوا عند اوضت فاطمه

~•~•~•~•~•~•~•~•~•~•~•~•~•
عند اوضت فاطمه

كانت فاطمه عماله تروح وتيجى من الخوف والتوتر وطرقع صوابع ايديها بتوتر وتقول

فاطمه :- لالالا انا قلبى هيوقف عليا اقسم بالله كل ما بيقرب الوقت كل ما اعصابى تتوتر اكتر اعمل ايه بس يا ربى
داليا :- ما تهدى الله يحرقك خيلتى عينى رايحه جايه جايه رايحه فيه ايه وبعدين ما انتى طول عمرك هتموتى على الجواز ومصدعانه عايزه عريس عايزه اتجوز اتهدى بقى واقعدى
فاطمه :- قعدت وقالت معرفش أن الجواز بيوتر اوى كده يا داليا وبعدين أكرم مش سهل وشكله ناوى على مصايب وانا خايفه اوى
داليا :- لاء يا اختى متخافيش بالحب كل حاجه هتبقى حلوه وبعدين أكرم بيحبك وعمره ما هيأذيكى يا خيبه ولو انتى حاسه نفسك خايفه اطلبى منه يأجلها لبكره مش هيقول حاجه
فاطمه :- مش عارفه بقى هو اللى بيحصلى ده شئ طبيعى ولا انا مأڤوره الموضوع شويه
داليا :- اى بنت فى ليله زى دى بتخاف وبتتوتر وضحكت بوجع وقالت الا انا معرفش الاحساس ده خالص مجربتهوش ودمعه نزلت منها وقالت كان نفسى افرح واحس الاحساس ده زى اى بنت
فاطمه :- حضنتها وقالت قلب اختك يا اختى قد كده انتى موجوعه من جواكى
داليا :- بعدت عنها ومسحت دموعها وقالت بلاش نكد الله يكرمك النهارده يوم مش عادى النهارده فرح اكتر اتنين مجانين فى الدنيا
فاطمه :- ربنا يريح قلبك ويسعدك يارب يا داليا
داليا :- انا وانتى يا حبيبتى صحيح فين البت توته كل ده
فاطمه :- انا زعلانه منها اوى مكنتش اتوقع انها تسيبنى فى يوم زى ده وفى الوقت ده الباب خبط
داليا:- قامت تفتح وقالت بنت حلال لسه كنا جايين سيرتك دلوقتى تعالى طمطم زعلانه منك
منتهى :- دخلت حضنت فاطمه وعيطت وقالت والله العظيم غصب عنى يا طمطم لو مكنتيش غاليه عليا اوى مكنتش خرجت من البيت وجيت ليكى وانا بموت من جوايا
فاطمه :- بس يا عبيطه انا عمرى ما ازعل منك أبدآ احنا بنهزر ومقدرين الحاله اللى انتى فيها بسبب علاء
داليا :- صدقينى يا بنتى العيله دى كلها مجانين وعندهم انفصام فى الشخصيه اسألينى انا مجربه وحياتك
منتهى :- بوجع انا رافضه خلاص مبقاش ينفع نكون مع بعض
فاطمه وداليا :- بصدمه فى صوت واحد رافضيه
منتهى :- مسحت دموعها وقالت بلاش نكد دلوقتى الله يكرمكم ابقى احكى ليكم بعدين
داليا :- هما مالهم اتأخرو اوى كده
فاطمه :- مش عارفه والله
وفى الوقت ده جت ايه
ايه :- لولولولولولولولوى مبروك على اخويه لهطت القشطه دى يا ناس يا لهوى على القمر بتاعنا ده
فاطمه :- حبيبتى يا ايوش انتى اللى طالعه زى القمر النهارده
ايه :- على فكره انا علطول زى القمر مش غرور لاء دى تناكه
داليا :- ضحكة وقالت دمك زى العسل
ايه :- وليه بس كده
داليا :- ايه فيه ايه
ايه :- ليه بتلزقينى دلوقتى وانا لابسه الحته اللى على الحبل واخر جمال كده
فاطمه :- انتى جمال نفسه اخرسى يا بت من ساعة ما دخلتى محطتيش لسانك جوه بؤقك
ايه :- انتى بتزعقيلى يا طمطم لاء زحلانه بجد
فاطمه :- ما تتحرقى بجاز وسخ روحى شوفى اخوكى فين خلينا نخلص
ايه :- اه يا اروبه مستعجله انتى وغمزت ليها
فاطمه :- يا لهوى عليا انا اعصابى خلاص باظت
ايه :- هههههههه خلاص خلاص أهدى هروح اشوفه ولسه خارجه من الباب لاقتهم جاين دخلت تجرى وتقول الحقوا الحقوا
فاطمه :- بخضه ايه فى ايه
ايه :- جاين على هنا
فاطمه :- بخوف نهار اسوح مش قادره اقف على رجلى
ايه :- وسع وسع وسع العريس وووووووصل
أكرم :- قلبى يا ايوش والله انتى خساره فى ناس وبسها من راسها
ايه :- حضنته وقالت مبروك يا عريس ادخل لعروستك احسن على نار جوه
أكرم :- هى على نار امال انا ايه بس وسبها ودخل الأوضه
ممدوح :- راح عند ايه وقال ايه الجمال ده
ايه :- ميرسى بس ده الطبيعى بتاعى وسابته ومشيت
ممدوح :- ده ايه البت المغروره دى بت يا ايه انتى يا قشطه استنى هقولك وطلع يجرى وراها
ادهم :- بصله بقرف وهز راسه يمين وشمال ودخل الاوضه عند البنات
أكرم :- اول ما دخل شاف فاطمه بالفستان الابيض وفى قمة الجمال راح جرى عليها وحضنها وقعد يلف بيها
فاطمه :- اتكسفت وقالت أكرم نزلنى
أكرم :- مش مصدق نفسى اخيرآ هتبقى النهارده كلك ليا يااااه بحبك اوى يا فاطمه اوى
ادهم:- ما تهدا يا عم الحبيب احنا معاك فى الأوضه
أكرم :- الله مش مراتى وبعدين المفروض تخلى عندكم دم وتسبونا لوحدينا
داليا :- والله علشان منشوفش وشكم تانى والفرح يتلغى اخلصوا بلاش محن دلوقتى عندكم طول الليل
فاطمه :- احم خ.خ.خلاص يا اكرم يلا بينا احنا اتأخرنا اوى عليهم تحت
أكرم :- هو لازم الفرح ده يعنى ما تخلينا احنا هنا نفرح مع بعضينا وغمز ليها
فاطمه :- اتكسفت وبصت على الأرض
داليا :- مرارتى مبقتش مستحمله منك ليها امشوا اخلصوا
أكرم :- متغاظه ليه بس يا داليا ما عندك جوزك اهو يدلعك ودلعيه ابعدوا عننا بقى وبعدين بص على منتهى وقال منوره يا توته
منتهى :- بنورك يا اكرم مبروك
داليا :- بصت لادهم بكسوف لما أكرم قال كده وخرجت من الاوضه خالص
ادهم :- بص لأكرم وقال اخلص علشان تنزلوا بقى وسابه وخرج وراه داليا
منتهى :- استأذنت منهم وسابتهم وخرجت
أكرم :- مسك وش فاطمه ما بين ايديه وقال زى القمر مش مصدق نفسى انك اخيرآ هتبقى ملكى وفى حضنى
فاطمه :- بصت على الأرض ومردتش عليه
أكرم :- رفع راسها وبص فى عينيها وقال من النهارده مش عايز كسوف انا وانتى هنبقى كيان واحد روح واحده فى جسمين
فاطمه:- هزت راسها بمعنى حاضر
أكرم :- بحبك وقرب من شفايفها ولسه هيبوسها
ايه:- هوب هوب اوقف المهزله دى حالا انت كلها كام ساعه وتبقوا مع بعض واعملوا اللى انتوا عايزينه بس دلوقتى فيه ناس مستنيه حضراتكم تحت والله
ممدوح :- اصبروا شويه هى لازم الفضيحه دى كل شويه
أكرم :- بعصبيه اللعن ابو شكلكم انتوا الاتنين بجد ما جمع الا ما وفق انتو الاتنين اغلس من بعض يالا بينا يا بنتى واخدها وخرج سلمها لابوها ونزل القاعه تحت ينتظر نزول فاطمه من على السلم مع ابوها وبدأت فاطمه تنزل من على السلم وهى حاطه ايديها فى ايد ابوها لحد ما وصلت عند أكرم سلمها ابوها ليه ومشى
أكرم :- قرب من جبين فاطمه وبسها برقه وحط دراعها فى دراعه وراحوا قعدوا فى الكوشه

عند ادهم وداليا

نزلت داليا تجرى دخلت القاعه كانت حاسه ان قلبها موجوع ومكسور من جوه حاسه ان الفرحه نقصها دخلت قعدت على الكرسى وهى ماسكه الدموع فى عينيها
ادهم :- خرج وراها وراح عند الترابيزه اللى قاعده عندها وقال داليا
داليا :- بصت ليه وقالت نعم
ادهم :- انا وسكت شويه وبعدين قال أنا
داليا :- فيه ايه ادهم انت ايه
ادهم :- قعد وسكت ومردش عليها
داليا :- لاء بجد انا تعبت انت بتفرح بتعذيبى صح
ادهم :- اسكتى يا داليا خلاص
داليا :- لاء مش هسكت يا ادهم انا نفسيآ مدمره وانت السبب انا تعبت من تقلب المزاج بتاعك ده ليه مش واضح فى مشاعرك ليه مش بتحدد طريقنا سيبنى متعلقه ما بين مايه ونار حابب وجودى فى حياتك ولا لاء ارجوك رد عليا وريحنى بقى
ادهم :- غمض عينه وقال مش وقته الكلام ده يا داليا
داليا :- امته وقته قولى انت اصل انا مبقتش ضمنه كمان شويه هلاقيك نفس الشخصيه ولا هتتغير
ادهم :- بصلها وقال انا ادهم الحناوى فى كل الاوقات يا داليا
داليا :- ادهم الحناوى الاسم انما الشخصيه انت مليون واحد فى بعض انا بقيت اتلغبط فيهم من كترهم والله
ادهم :- بصلها وسابها ومشى
داليا :- بدموع كالعاده سبنى ومشى انا تعبت يا رب تعبت وقامت تجرى على الحمام

عند سندس

كانت قاعده على الترابيزه اللى عليها دينا وتامر وشافت مؤمن وهو داخل من باب القاعه غمضت عينيها بوجع
مؤمن :- اول ما دخل دور بعينه على سندس اول ما شافها راح عندها
سندس :- وهى مغمضه عينيها شمت ريحة برفانه عرفت أنه جه عندها قامت بسرعه من غير ما تبص ليه
دينا :- رايحه فين يا سندس
سندس :- رايحه الحمام ومشيت علطول دخلت الحمام ودموعها نزلت منها وقالت ليه بتعيطى دلوقتى مش قولتى هتقدرى تنسيه مش قولتى هتشليه من قلبك ليه رجعتى ضعفتى من تانى ليه ليه وشويه وخرجت من الحمام لاقت مؤمن واقف مستنيها اتجاهلته ومشيت علطول
مؤمن :- سندس يا سندس
سندس :- وقفت من غير ما تبص ليه وقالت عايز ايه
مؤمن :- عايز اتكلم معاكى
سندس :- بصت ليه وقالت عايز تتكلم معايا بمناسبه ايه ها أصحاب اقاريب احباب بصفتك ايه عايز تتكلم معايا
مؤمن :- انا عارف انك زعلانه منى بس انا مكنتش اعرف ان اخوكى كمان حصل ليه نفس اللى حصل لاختى فكرته أن هو اللى عمل فيها كده
سندس :- والمطلوب منى ايه اقولك اوه يا حرام صعبت عليا خلاص سامحتك انت عارف عملت فيا ايه ها انت كسرت كل حاجه فيا انت عارف ايه شعورى وانا بتهان منك عارف كنت عايزه ايه وقتها كنت عايزه اموت انت مكنتش مجرد صديق ولا حبيب انت كنت كل حاجه فى حياتى كنت اهلى اللى افتقد وجودهم جنبى انت كنت حاجه كبيره اوى يا مؤمن
مؤمن :- كنت
سندس :- اه كنت أنت دلوقتى بالنسبالى ولا حاجه انت الحمدالله جيت نهيت على الحاجه الحلوه اللى كانت فاضله فى حياتى قلبى يا مؤمن انت نهيت عليه وبكل جداره الصراحه عرفت تلعبها صح وتنتقم من اخويه فيا بس للاسف هو محسش بده انا بس اللى بتعذب دلوقتى انسا أن انا فى يوم من الايام اسامحك على كسرة قلبى ووجعى ده عن اذنك وسابته ومشيت
مؤمن :- اتنهد بوجع وقال قد ايه كان كلامك قاسى عليا اوى يا سندس وسكت شويه وقال بس مهما كان كلامها قاسى معاك مش هيكون زى قسوة قلبك عليها وانت بتهنها وبتوجعها من غير شفقه ولا رحمه وراح وراه سندس قعد قصادها على الترابيزه ومنزلش عينه من عليها
داليا :- كانت فى الحمام وشافت مؤمن وسندس وهما واقفين مع بعض وسمعت كلامهم كله واستغربت اللى سمعته وقررت تعرف من مؤمن كل حاجه بعد الفرح

عند أكرم وفاطمه

طلب الدى جى منهم أنهم يبدأو اول فقرات الفرح بالرقصه السلو

راح أكرم وفاطمه وبدأو يرقصوا على انغام الموسيقه

أكرم :- بحبك
فاطمه :- اتكسفت ومردتش عليه
أكرم :- لاء النهارده مش عايز كسوف عايز طمطم انحراف فاهمه
فاطمه :- ايه يا اكرم اللى بتقولوا ده
أكرم :- الله مش هتبقى مراتى انحرفى براحتك يا بطتى
فاطمه :- غلس
أكرم :- بس بعشق سحر عينيكى
فاطمه :- وانا كمان
أكرم:- ها يا مسهل وانتى كمان ايه
فاطمه :- ب.ب.بحبك
أكرم.:- يا دين النبى اخيررررآ وشالها ولف بيها وقال بحبك ونزلها وضمها فى حضنه وكمل رقص

وبعد وقت طلب الد جى من الكابلز يشاركوا العرسان الرقصه

تامر :- ما تيجى
دينا :- انت عايز ادهم يقتلنى اقعد هنا اتلم
تامر:- ادهم ده عامل زى عفريت العلبه طالع ليا علطول فى البخت
دينا :- طيب اسكت بدل ما تلاقيه فوق راسك ومعلقك
تامر :- وعلى ايه الطيب احسن

عند ادهم وداليا

خرجت داليا من الحمام وقعدت على الكرسى وجه ليها ادهم وقال
ادهم :- قومى معايا
داليا:- فين
ادهم :- هنرقص علشان الكاميرات مركزه علينا
داليا :- اتنهدت وقالت حاضر وقامت ترقص معاه وحط أيده حاولين وسطها وقال
ادهم :- حطى ايدك على كتفى
داليا :- حطت ايديها على كتفه وبدأت تتحرك معاه على انغام الموسيقه ومع الوقت قربت راسها عند صدر ادهم وحطتها عليه وقعدت تسمع دقات قلبه وكانت فصله عن اى حاجه حواليها
ادهم :- ضمها اكتر ليه وباس راسها وغمض عينه وسند راسه على راسها والاتنين فصلوا عن العالم الاخر وبقوا فى عالم تانى عالم خاص ليهم هما الاتنين بس وبعد وقت انتهت الرقصه وفاقوا على صوت تصفيق وتصفير ليهم هما الاتنين من كل اللى موجودين
داليا :- اتكسفت وراحت قعدت على الترابيزه من غير ولا كلمه وادهم راح قعد جنبها

وفى الوقت ده النور اتقطع والكل استغرب وشويه وظهر صوت ممدوح وهو بيقول

ممدوح :- طبعآ الكل مستغرب فيه ايه لاداعى للقلق اصل النهارده يوم مش طبيعى النهارده فرح اختى ونور عيونى بطه لاء هى مش اختى بس هى بنتى وامى وكل حاجه حلوه فى حياتى وعلشان طول عمرنا متعهدين أننا نتقاسم كل حاجه سوا مع بعض النهارده هقسمها فرحتها النهارده هطلب ايد البنت اللى خطفت قلبى بخفة دمها وضحكتها المجنونه بشوف فيها العالم كله برقتها مش هطول فى الكلام لأن مهما اقول مش هقدر اوصل ليكم حقيقة مشاعرى ايه ممكن تيجى ثوانى
ايه :- بصت حاوليها بكسوف وراحت عند ممدوح
ممدوح :- طلع علبه من جيبه وقعد على ركبه قصاد ايه وفتح العلبه وقال تتجوزينى
ايه :- حطت ايديها على بؤقها والدموع نزلت من عينيها وبصت لابوها وامها ورجعت بصت تانى لممدوح وهزت راسها بمعنى موافقه
ممدوح :- اخد الخاتم ولبسه ليها وقال وعد منى هخليكى اسعد مخلوقه على الأرض
بدء الكل يصفر ليهم
وبدأت فقرات الفرح والكل كان سعيد ومبسوط

ادهم كان قاعد وبيتابع اللى بيحصل فى الفرح وفى الوقت ده جه تليفون لادهم قام رد عليه وبعد شويه جه وهو فرحان وراح عند اكرم وقال

ادهم :- الله ينور يا اكرم الخطه تمت بنجاح وكل حاجه اتفحمت
أكرم :- عيب يا ادهم باشا انا مش شويه فى البلد دى
ادهم :- علشان يعرفوا يلعبوا مع ادهم الحناوى ويأذوا مراته كويس اوى انا كده ارتحت رديت جزء صغير من اللى عملوه فى مراتى ولسه هجيب ليها باقى حقها منهم
وبعد وقت انتهى الفرح وكل واحد روح بيته واكرم اخد فاطمه وطلع على اوضه فى الفندق
~•~•~•~•~•~•~•~•~•~•~•~•~•
بقلمى #دودومحمد