تمرد صحفيه بقلم {دودومحمد}

⁦✍️⁩تمرد صحفيه ⁦✍️⁩27

?الفصل السابع وعشرون?

فى الكافيه

وصلت رودينا وهى مستعجله وقالت

رودينا :- هاى ولسه هتقعد
فادى :- لاء استنى متقعديش تعالى معايا
رودينا :- اجى معاك فين
فادى :- هنقعد فى مكان غير ده
رودينا :- اشمعنا يعنى
فادى :- انتى خايفه منى ولا ايه يا رودى
رودينا :- ها ل.ل.لا طبعآ
فادى :- خلاص اوثقى فيا وتعالى معايا
رودينا :- احم م.م.ماشى ومشيت مع فادى وركبت جنبه من قدام فى العربيه
فادى :- ركب جنبها وبص ليها وضحك ليها ضحكه صفرا وشغل العربيه ومشى بيها وطول الطريق متكلمش معاها ولا كلمه
رودينا :- كانت قلقانه من سكوت فادى معاها وبصت على الطريق وقالت ه.ه.هو احنا رايحين فين
فادى :- خلاص قربنا اهو
وبعد وقت قصير وقف فادى بعربيته فى مكان مقطوع ونزل وقال انزلى
رودينا :- بصت بخوف وقالت ا.ا.انزل فين
فادى :- فتح الباب ومسكها من دراعها شدها ونزلها وقال امشى معايا بقولك
رودينا :- بدموع ا.ا.انت وخدنى فين
فادى :- مردش عليها وجرها وراه ودخل بيها مخزن مهجور من بتوع ادهم وحدفها فى الارض وقال بقى انتى يا حشره تضحكى علينا احنا قد ايه أن المظاهر فعلا كدابه اللى يشوف شكلك يقول ملاك وانتى فى الأساس شيطانه
رودينا :- ااااه ا.ا انت تقصد ايه ا.ا.انا مش فاهمه حاجه
فادى :- نزل على ركبه ومسكها من شعرها وقال شغاله مع مين يا بت انطقى
رودينا :- ااااااه انا مش فاهمه حاجه خالص
فادى :- ساب شعرها وزقها وقال اقولك فكره لما دخلت عليكى وانتى فى مكتب ادهم كنتى بتعملى ايه بقى
رودينا :- ك.ك.كنت ب.ب.بنضف المكتب
فادى :- والله شابوه ليكى كدابه وممثله قديره
رودينا :- ها
فادى :- صورتى الملفات بتاعة أدهم وبعتيها لمين
رودينا :- ص.ص.صورت ايه م.م.مش فاه
فادى :- قطعها بقلم على وشها وقال انطقى يا بت
رودينا :- ااااااه
فادى :- خنقها وقال هتنطقى ولا اطلع روحك وادفنك هنا مكانك ومحدش هيعرف ليكى مكان
رودينا :- وهى مش قادره تتكلم ه.ه.هقول
فادى :- زقها وقام وقف وقال انطقى مين
رودينا :- وهى ماسكه رقابتها والدموع نازله من عينيها قالت خ.خ.خالد الحناوى
فادى :- اتصدم وقال خالد الحناوى مين
رودينا :- بدموع ا.ا.ابوك
فادى :- مسكها من شعرها وقال هتكدبى تانى
رودينا :- بدموع والله العظيم ما بكدب ابوك اتصل بينا بعد ما كنت عندكم فى المكتب وكلم بابا وقال ليه أن هو يساعده أن يوقع ادهم قصاد ما هو يدفع الشرط الجزائى وميدخلش السجن بابا رفض بس انا اخد منه التليفون واتفقت معاه مقابل ما يدفع الفلوس وروحت عنده واتفقت على كل حاجه ويوم ما انت دخلت عليا كنت صورة ليه كل الملفات وبعتها ليه وهو قالى استنا شويه وبعد كده اسيب الشغل بحجة اى حاجه علشان محدش يشك فيا وكانت بتتكلم والدموع نازله منها وقالت انا مش كده ولا شيطانه زى ما انت قولت بس لما يكون اغلى ما ليك معرض لخطر واحتمال تفقده فى اى لحظه مش بتفكر فى حاجه غير أن تنقذ الشخص ده حتى لو هتضطر تمد ايدك وتسرق ومسحت دموعها وقالت اخوك السبب اللى وصلنى لكده انا جيت وكنت هبوس رجله علشان يرحم بابا وميدخلهوش السجن وانت شوفت رد عليا بايه يبقى حلال اللى حصل فيه ولو رجعت بيا الايام تانى هعمل كده وانا فخوره علشان بنقذ بابا من الخطر
فادى :- انتى مقتنعه باللى بتقوليه يعنى كنتى بتمثلى الحب عليا تبع خطتك بقى
رودينا :- بدموع انا ممثلتش عليك الحب حتى لما جيت تعترف ليا بحبك منعتك علشان لما تيجى اللحظه دى متبقاش حاسس ان انا استغليت حبك ده
فادى:- انا بجد ندمان أن فكرة فى واحده زيك كدابه وغشاشه
رودينا :- بدموع خلاص انسانى ودور على واحده تكون شريفه وتستاهل حبك بجد
فادى :- داس على سنانه وقال هو ده فعلا اللى هيحصل يا رودينا من هنا ورايح مش عايز اشوف وشك لو صدفه فاهمه وسابها ومشى
رودينا :- قعدت تصرخ وتعيط وقامت نفضت هدومها ومشيت فى الحته المقطوعه لوحدها وهى خايفه وطلع ليها شباب وقال
الشاب :- ايه ده مزه فى الحته دى لوحدها الحق ياااااض وقرب منها وقال ده انتى جيتى لينا برجليكى تعالى امزه واحنا هندلعك احلى دلع
رودينا :- بخوف ا.ا.ابعد عنى محدش يقربلى
الشاب :- ولا بسام تعال بسرعه فيه مزه طلقه وربنا
بسام :- ايه ده دى بجد ياااااض وقرب منها وقال متخفيش يا حلوه ده احنا هنمتعك احلى متعه
رودينا :- بدموع ا.ا.ابعدو عنى حرام عليكم
بسام :- يا ابيض تصدق يا ولا صعبت عليا تعالى فى حضنى يا جميل وانت هتنسا كل خوفك وشدها من دراعها
رودينا :- بدموع لالالا ابوس ايدك بلاش تأذينى وحياة اغلى حاجه عندك سبنى لحالى
بسام :- يا لهوى يا ناس على الرقه يخربيت كده ده انتى خليتى جسمى ناااااار وقعد يبوس فى وشها
رودينا :- لالالا ابعد عنى الحقونى
وفى الوقت ده لاقت فادى ضرب الشاب التانى وقعه على الأرض مغمى عليه وراح عند بسام ده وضربه على راسه وقعد يضربه فى وشه لحد ما اغمى عليه ومسك رودينا من ايديها شدها وراه وراح عند عربيته فتح الباب وركبها وركب هو من الجنب التانى ومشى بالعربيه
رودينا :- طول الطريق جسمها يترعش وتعيط
فادى :- بعصبيه بس بقى كفاااااايه صداع
رودينا :- حطت ايديها على بؤقها علشان تكتم صوت عيطها وشهقتها
فادى :- وقف العربيه على جنب وقال بلاش دموع التماسيح دى دموعك كدابه يا رودينا زيك بالظبط مش هتصعبى عليا مهما تعملى
رودينا :- كفايه بقى يا اخى بسببك اتعرض لتحرش من شوية صيع انا مش ذنبى اللى حصل انا دخلت معاكم لعبه مليش فيها علشان احمى أبويه لو عايز تحاسب صح روح حاسب ابوك مش انا يا فادى انا ضحيه زى اخوك بالظبط وهريحك من دموعى الكدابه دى وفتحت الباب
فادى :- اقفلى الباب بقولك ومسكها من ايديها
رودينا :- شدت ايديها وقالت ابعد عنى من هنا ورايح ملكش دعوه بيا فاهم ونزلت وقفت تاكسى وركبته وروحت على الفيلا عندهم
فادى :- قعد يخبط فى العربيه بعصبيه وشغل العربيه وراح على القسم
~•~•~•~•~•~•~•~•~•~•~•~•~•
فى القسم

وصلت داليا النيابه وطلبت انها تقابل ادهم وانتظرت رد ادهم عليها بالرفض بس اتفاجئت أن هو وافق يقابلها دخلت المكتب عند ادهم وبصت لاقته قاعد على الكرسى ومش بيبص ليها وقال

ادهم :- اقعدى
داليا :- قعدت وهى بتبص ليه وحاسه بوجع فى قلبها ومسكه دموعها بالعافيه
ادهم :- بصلها شويه وبعدين قال جايه تشمتى فيا صح
داليا :- بدموع طلقنى يا ادهم
ادهم :- ههههه ده اللى كنت مستنيه ومتوقعه
داليا :- اكيد ده هيكون ناتج معاملتك ليا دوست على قلبى بعزم ما ربنا يديك كنت تملى توجعنى وتفرح بده بتستلذ بجرحك ليا يمكن لو كنت سبتنى داليا بتاعة زمان كان زمانى واقفه جنبك إنما أنت موتها بقسوتك عليها خلقت منى شخصيه تانيه انا مش عارفها طلقنى وسبنى لحالى خلينى ارجع لو جزء صغير من كرامتى اللى راحت على ايدك
ادهم :- ولو رفض اطلقك هتعملى ايه
داليا :- هطلق منك بالمحكمة يا ادهم
ادهم :- ههههههههه ده انتى عندك حلول تانيه اهو
داليا :- ما انا قولتلك على ايدك اتولدت داليا جديده انا معرفهاش
ادهم :- سكت شويه واتنهد وقال هطلقك عارفه ليه علشان طلاقى ليكى اكبر عذاب ليكى عارفه ليه لانك انتى بتحبينى وطلب طلاقك منى ده حلاوة روح منك عايزه تثبتى لنفسك انك تقدرى تعيشى من غيرى بس مش هتقدرى وعلى العموم انتى طالق يا داليا تقدرى تمشى
داليا :- مقدرتش تمسك دموعها وبصت ليه وقالت بضعف عارف انت بتعيش بأذية الناس حتى فى الشده اللى انت فيها مش همك وبتوجع الناس بعزم ما ربنا يديك يعنى حتى طلاقك ليا انتقام منى انت ايه يا شيخ عمرى فى حياتى ما شوفت بنأدم بالجبروت ده
ادهم :- ششششش امشى يا داليا امشى
داليا :- مسحت دموعها وقالت عارف يا ادهم انا مش هتكسر زى ما انت فاكر ولا هنام ودموعى على خدى من فراقك ليا لاء انا هفضل قويه زى ما انت عارفنى وعمر ما واحد ضعيف زيك هيقدر يكسرنى وياريت تتعظ من اللى انت فيه واعرف انك مهما عشت وظلمت فيه رب كبير هيرد الظلم ده أضعاف مضعفه منك فكر كده مع نفسك شويه وانت هتعرف أن فيه اقوى منك فيه ربنا المنتقم الجبار افعل يا ابن ادم كما شئت كما تدين تدان واللى انت فيه ده رد المظالم عن اذنك ومشيت لحد الباب
ادهم :- داليا
داليا :- وقفت من غير ما تبص ليه
ادهم:- انا ادهم الحناوى ومهما حصلى هرجع اقف على رجلى اقوى من الاول وانا اللى هيتندم عليا مش بندم على حد
داليا :- غمضت عينيها وقالت مغرور
ادهم :- سلام يا طلقتى
داليا :- بصت ليه وقالت نصيحه منى اول حاجه تعملها لما تخرج من هنا روح اتعالج لان المرض ذاد اوى عندك
ادهم.:- ولع السيجار بتاعه واداها ضهره وشاور ليها بأيده تخرج
داليا :- بصت ليه بصه اخيره وخرجت
ادهم :- اول ما داليا قفلت الباب داس بأيده على السيجار وهو مولع وقطعها وحدفها فى الارض بعصبيه وداس عليها وفى الوقت ده دخل الظابط وقال
الظابط :- ادهم باشا اخو حضرتك عايز يقابلك
ادهم:- مين
الظابط :- بيقول اخوك فادى
ادهم:- قولوا مش عايز يقابل حد
الظابط :- حاضر وخرج بلغ فادى
ادهم :- قعد على الكرسى بأنكسار وحط راسه ما بين ايديه
~•~•~•~•~•~•~•~•~•~•~•~•~•
فى بيت سعيد

وصلت داليا البيت ورنت الجرس فتح سعيد الباب اول ما داليا شافته اترمت فى حضنه وقعدت تعيط
سعيد :- شششش أهدى يا حبيبتى وادخلى
داليا :- دخلت وراحت قعدت مع ابوها على الكنبه وحطت راسها فى حضنه وقعدت تعيط
سعيد :- مالك يا حبيبتى ادهم عملك حاجه
داليا :- بدموع قولى ادهم معملش فيكى حاجه ادهم عذبنى بكل الطرق يا بابا حتى اخر حاجه دى اكبر عذاب ليا ده موت بالنسبه ليا يا بابا اقسم بالله
سعيد :- ضربك هانك
داليا :- بدموع عمر الاهانه ما كانت ضرب بس يا بابا أدهم كان تملى بيلاقى متعته فى تعذيبى
سعيد :- وقف وقال انا رايح ليه مكتبه وهطلقك منه
داليا :- بدموع ادهم طلقنى خلاص يا بابا
سعيد :- بصدمه طلقك
داليا :- ايوه طلقنى ادهم محبوس وانا طلبت منه الطلاق وطلقنى
سعيد :- محبوس
داليا :- ايوه الشركات قدمت العقود اللى مكتوب فيها الشروط الجزائيه لنيابه بسبب التأخير عليهم فى تسليم الشغل
سعيد :- بس مكانش ينفع تطلبى منه الطلاق وهو فى شدته دى
داليا :- انت اللى بتقول كده يا بابا ده ادهم اللى عمل فينا كل حاجه وحشه ادهم اللى غلط فيك ولوى دراعى علشان اتجوزه اللى اخد منى حريتى غصب لازم ترجعلى منه غصب برضه يا بابا
سعيد :- لاء يا داليا انا مش مربيكى على كده انا اه زعلان من اللى هو بيعملوا بس برضه متنسيش أن هو مريض وليس على المريض حرج بس رغم كده قولت اطلقك منه بس برضه مش لدرجة انك تتخلى عن جوزك فى شدته وتطلبى الطلاق مش بقولك متطلقيش بس مش دلوقتى لما يخرج من محنته دى
داليا :- بدموع وانت مفكر يا بابا لما يخرج ادهم من محنته دى كان هيطلقنى لاء يا بابا كان هيعذب فيا اكتر واكتر ده رغم اللى هو فيه مش عايز يتهد متكبر ومغرور
سعيد :- هههههههههه
داليا :- بتضحك على ايه يا بابا
سعيد :- على سذاجتك رغم سنك وطولك مش قادره تفهمى البنأدمين صح
داليا :- يعنى ايه
سعيد :- يعنى واحد فى شخصية أدهم ده صعب هيظهر ضعفه لحد بسهوله لان هو تملى ضعيف وكل ما يزيد ضعفه كل ما يزيد صورة قوته وصلابته قدام الناس هيفترى اكتر واكتر علشان يدارى الضعف ده وهو فى ظروفه دى عامل زى الفرخه المدبوحه اللى بطلع فى الروح بس بترفس وبتفضل تنط وتبهدل الدنيا علشان تثبت لنفسها انها لسه عايشه مش بتموت زى ما بنقول كده حلاوة روح يعنى أدهم مدبوح من جواه وبينزف بس بيحاول يثبت ليكم و لنفسه أن عايش الدنيا وتمام التمام لكن ادهم حرفيآ ميت يا بنتى وانتى انسحابك من حياته فى وقت زى ده السكينه اللى دبحته بجد انتى غلطانه يا داليا
داليا :- بس انا لما طلبت منه الطلاق طلقنى يا بابا كأنه مستنيها منى
سعيد:- متتوقعيش أن هو كان هيتمسك بيكى ويبوس ايدك ويقولك بدموع لاء ارجوكى خليكى جنبى محتاجك اكيد هيطلقك وهيبين ليكى انك مش فارقه معاه
داليا :- لاء يا بابا أدهم مش كده حضرتك معشتش معاه ومشوفتش ربع اللى انا شوفته
سعيد :- يا بنتى سبق وقولتلك الشعر الابيض ده مش بساهل دى دروس عشتها واتعلمتها من الدنيا وانا من اول مره شوفت فيها ادهم قولتلك هو ايه بالظبط وحللت ليكى شخصيته بالظبط ورغم اللى هو عمله ده مش قادر أكرهو باللعكس انا لسه لحد دلوقتى متعاطف معاه ونفسى اساعده وأخرجه من اللى هو فيه اخرج شخصية أدهم الطيبه اللى حابسها جواه نفسى أخرجها لنور
داليا :- احنا لحد كده وكفايه ادهم صفحه وانتهت من حياتنا خلينا بقى نرجع زى زمان واحشنى اوى داليا يا بابا بتاعة زمان
سعيد :- للاسف مش هتقدرى لانك بتحبى ادهم ومش هتقدرى تتخلى عنه وعارف ومتأكد انك هتعيدى تفكيرك من الاول
داليا :- اول مره تكون غلطان يا بابا ومتقولش كلام صح
سعيد :- هههههههه لاء انا واثق فى كلامى اوى يا بنتى
داليا :- وقفت وقالت عن اذنك يا بابا وراحت عند اوضتها ولسه هتدخل
مؤمن :- خرج من اوضه وقال داليا تعالى عايزك
داليا :- مش وقته يا مؤمن بعدين
مؤمن :- لاء انا عايزك فى موضوع مهم
داليا :- اتنهدت وراحت عنده الاوضه ودخلت قعدت على السرير وقالت ايوه يا مؤمن عايز ايه
مؤمن :- قفل الباب وقعد قصادها على الكرسى من غير ولا كلمه
داليا :- ما تنطق عايز ايه يا مؤمن اخلص
مؤمن :- انتى مش عايزه تنتقمى من ادهم الحناوى
داليا :- سكتت وبصت ليه شويه وبعدين قالت تقصد ايه
مؤمن :- كلامى واضح يا داليا عايزه تنتقمى من ادهم على اللى عملوا فيكى
داليا :- وانت ايه دخلك فى المواضيع دى يا مؤمن
مؤمن :- انا مش صغير يا داليا وعلشان تصدقى أن انا كبير انا فعلا بدأت فى انتقامى من ادهم
داليا :- والله وبتنتقم ازاى بقى
مؤمن :- عن طريق أخته سندس انا علقتها بيا وهخليها متقدرش تستغنى عنى وبعد كده هبعد عنها وهخليها تبكى بدل الدموع دم زى ما اخوها عمل فيكى بالظبط هكرها فى نفس
داليا:- قطعته بقلم على وشه
مؤمن :- بصدمه حط أيده على وشه وقال انتى بتضربينى يا داليا
داليا :- انا بفوقك يا مؤمن من امته وانت بتفكر كده لا دى تربيتنا ولا دى اخلاقنا ليه تعمل كده يا مؤمن قولى ذنبها ايه سندس علشان تعمل فيها كده
مؤمن :- بعصبيه وانتى كان ذنبك ايه لما اخوها عمل فيكى كده لما كسرك ووجعك لما ضيع ضحكتك بقسوته عليكى
داليا :- ده كلام ملكش انت دعوه بى ركز فى مذكرتك وبس يا مؤمن
مؤمن :- لاء ليا فيه يا داليا انتى اختى ومش بس اختى انتى امى اللى فتحت عينى عليها دموعك بتوجعنى كسرته ليكى بتكسر ضهرى انا مش انتى انا مستعد اعمل اى حاجه فى الدنيا علشان بس اشوف الضحكه مرسومه على وشك تملى
داليا :- ضمته ليها فى حضنها ودموعها نزلت وقالت عارفه يا مؤمن انك عملت كده علشانى بس صدقنى عمر ما الانتقام ده كانت وسيله كويسه الانتقام بيولد كره وحقد جواك بيخليك مع الوقت تكره نفسك وتكره اللى بتعملوا يا حبيبى متغيرش نفسك مهما كان ولا تغير تربيتك اللى اتربيت عليها بابا ربانا اننا نكون مسامحين مع الغير عودنا ان اللى يطلب مساعده مننا منرفضش مهما كان نوع المساعده ولا مهما كان الشخص ده ايه اذا كان عدونا ولا حبيب لينا عودنا على طرق وأساليب حلوه كتير نمشى عليها طول عمرنا ومنغيرهاش مهما كانت الظروف وانت غلط يا مؤمن لما فكرت تنتقم اولا ولما انتقمت من بنأدم ملهوش اى ذنب حاول تصلح الغلط ده يا حبيبى ومتخليش الشيطان يعرف يضحك عليك مهما حصل
مؤمن :- حاضر بس انا سمعت الكلام اللى حصل دلوقتى مع جوزك وكلامك اللى بتقوليه ده انتى منفذتيش حاجه منه يعنى انتى أول واحده اتخليتى عنه فى شدته ورفضى تساعديه
داليا :- لان انا اتعذبت منه كتير وحاولت اخلص نفسى من العذاب ده فى وقت ضعفه علشان يوم ما يرجع تانى لقوته اكون خلصت منه
سعيد :- دخل عليهم وقال غلط يا بنتى كلامك انا سمعته بالصدفه بس دى مش تربيتى ليكى مربتكيش على انك تستغلى ضعف الاخرين علشان مصلحتك حتى لو الشخص ده ميستهلش بس الاستغلال ده جريمه كبيره انا بجد مصدوم فيكى يا بنتى انا حاسس ان انا بتكلم مع واحده تانيه مش بنتى داليا اللى مربيها على القيم والأخلاق وسابها ومشى
داليا :- بصت على ابوها وهو خارج وبصت لاخوها مؤمن ودموعها نزلت منها وطلعت تجرى على اوضتها وقفلت وراها الباب واترمت على السرير وقعدت تعيط
~•~•~•~•~•~•~•~•~•~•~•~•~•
فى الصعيد

فى شقة حمزه

كانت ميرفت قاعده على الكنبه جنب حمزه بتتفرج على التلفزيون وقالت

ميرفت :- ح.ح.حمزه
حمزه :- بصلها وقال نعم يا قلبى
ميرفت :- عايزه اطلب منك طلب
حمزه :- اطلبى وانا هنفذه ليكى علطول
ميرفت :- وهى الدموع فى عينيها نفسى ازور قبر بابا أصله وحشنى اوى
حمزه :- بس انا معرفش قبره فين
ميرفت :- بدموع انا عارفه المكان وهناك نسأل على اسمه
حمزه :- حاضر بكره أن شاءالله نروح عنده
ميرفت :- بدموع بابا واحشنى اوى اوى يا حمزه حاسه ان انا روحى ماتت من يوم ما هو مات حاسه ان الدنيا ملهاش اى طعم من غيره نفسى يكون كل ده كابوس وهصحه منه على ضحكة بابا ليا وأيده اللى تملى كانت تمشى على شعرى بحنيه
حمزه :- شدها فى حضنه وطبطب عليها وقال ادعيلوا بالرحمه يا حبيبتى اكيد هو حاسس بيكى وشيفك بلاش تخليه يزعل لما يشوف دموعك دى علشانه
ميرفت :- مسحت دموعها وقالت ربنا يرحمك يا حبيبى واتنهدت واخدت بالها انها فى حضن حمزه بعدت عنه وهى مكسوفه ولسه هتقوم
حمزه :- مسكها من ايديها وقال رايحه فين
ميرفت :- احم ه.ه.هعمل نسكافيه اعملك معايا
حمزه :- عايز قهوه مظبوط بتعرفى تعمليها
ميرفت :- اه طبعآ هعملك قهوه وهعمل ليا انا نسكافيه عن اذنك وسابته ودخلت المطبخ حطت ايديها على قلبها واتنهدت وقالت ربنا يخليك ليا بحبك اوى اوى يا حمزه وبدأت تعمل القهوه وعملت لنفسها النسكافيه وحضرتهم وخرجت بيهم وقعدو يشربوا الاتنين وهما بيتفرجوا على التلفزيون بس لفت انتباه حمزه اثر النسكافيه على شفايف ميرفت بلع ريقه وقعد يبص على شفايفها
ميرفت :- اخدت بالها من نظرات حمزه ليها وقالت ايه فيه ايه
حمزه :- مسك منديل وقرب من شفايفها ومسح اللى على شفايفها
ميرفت :- اتكسفت ووشها احمر وقالت بتوتر ش.ش.شكرآ
حمزه :- قرب اكتر ليها وغمض عينه وقرب من شفايفها وبسها
ميرفت :- اتصدمت وحاولت تبعد عنه بس هو كان متحكم فيها
حمزه :- بعد عنها بعد وقت وبص ليها فى عيونها وقال احلى طعم نسكافيه دوقته فى حياتى
ميرفت :- اتكسفت وقالت ح.ح.حمزه ايه اللى انت عملتوا ده
حمزه :- بشرب نسكافيه بالعسل
ميرفت :- والله العظيم انت غلس وقامت جريت بكسوف دخلت الحمام وقفلت الباب وراها واخدت نفس بصعوبه وحطت ايديها على شفايفها وابتسمت بكسوف
حمزه :- بص عليها وهى بتجرى بكسوف وضحك على توترها وشرب القهوه بتاعته وقال لاء النسكافيه كان احلى وضحك تانى على كلامه وقعد يتفرج على التلفزيون
~•~•~•~•~•~•~•~•~•~•~•~•~•
فى اسكندريه

فى بيت فاطمه

ندهت فاطمه بصوت عالى وقالت

فاطمه :- ماما هو توحه لسه نايم
ام فاطمه :- اه يا حبيبتى
فاطمه :- ماشى وراحت فتحت باب الاوضه اللى نايم فيها ممدوح ومشيت براحه وراحت جنب ودنه وقالت بصوت عالى ممممممممممممممدوح
ممدوح :- قام يجرى وقال ايه فيه ايه حصل
فاطمه :- ههههههههههههههه مساء النور يا توحه
ممدوح :- العن ابو رخامتك فيه حد يصحى حد كده
فاطمه :- ههههههههه اه انا قوم بقى يا توحه انت جاى تقضى الاجازه نوم ولا ايه
ممدوح :- بغيظ هو ايه اللى جاى تقضى الاجازه كلها نوم انا اصلا مش بقالى كام ساعه جاى يا مفتريه اطلعى بره يا فاطمه ربنا يهديكى وسبينى انام شويه الله يكرمك
فاطمه :- قعدت على السرير وربعت وقالت لاء انا زهقانه والمنيل على عينه مكلمنيش النهارده خالص وهطق من جنابى ومفيش حد اغلس عليه غيرك
ممدوح :- وانا مال امى انا اعتبرينى يا ستى لسه مرجعتش من السفر
فاطمه :- اخس عليك يا توحه كده تكسر قلب اختك وتجرحه
ممدوح :- معلش اصل انا قلبى قاسى اوى
فاطمه :- بغنى انت قلبك قاسى اوى اوى انت مش بتحس كده وكده هههههه
ممدوح :- وحياة امك
فاطمه :- متبقاش رخم بقى يا مندوح
ممدوح :- مندوح
فاطمه :- ههههههههه اه
ممدوح :- ماشى يا فاطنه اوعى كده من على السرير
فاطمه :- لاء
ممدوح :- اوعى بقى مش هنام متخافيش
فاطمه :- قامت قعدت على الكنبه وقالت المخفى متصلش يا توحه
ممدوح :- وهو بينام على السريره مخفى مين يا مخفيه
فاطمه :- المخفى أكرم معقول يكون مع بنت عمه دلوقتى هتشل هموت من الغيظ
ممدوح :- انشالله علشان ارتاح منك بقى
فاطمه :- لاء بجد يا ممدوح أكرم اول مره يقعد يوم بحاله ميتصلش بيا وانا الصراحه قلقانه عليه
ممدوح :- طيب اتصلى انتى عليه
فاطمه :- لاء طبعآ منزلش من كرامتى واتصل بي وبعدين مش عايزه ابين أن انا مدلوقه عليه
ممدوح :- ابقى اصبرى عليه شويه يمكن يتصل بيكى كمان شويه
فاطمه :- مش قادره اصبر اكتر من كده الخوف عليه هيموتنى
ممدوح :- بغيظ موته تشيلك انتى وهو يا بعيده انا ايه نزلنى من تونس بس كنت عايش واخر روقان
فاطمه :- كده يا توحه بتزهق عليا علشان طالبه مساعدتك مكنش العشم يا ابن عمى يلى انا وانت رضعين نفس نوع اللبن اخس عليك بجد
ممدوح :- ايه يا بنتى كمية الافوره دى يخربيتك الحب غيرك اوى على فكره وبعدين تعالى هنا ايه نفس نوع اللبن هى امك كانت بتنزل شاى بلبن ولا كانت بتنزل لبن مركز ده حتى كان طعمه مر اوى
فاطمه :- يا سلام ده كان طعمه حلو اوى وزى السكر وبعدين بصوا لبعض وضحكوا
ممدوح :- هههههههه فعلا رضعين الهبل والعبط مع بعض ههههههههههه
فاطمه :- لا بجد يا ممدوح قولى اعمل ايه انا تعبت
ممدوح :- لازم تتعودى على غيابه علشان يوم ما ينسحب من حياتك متتوجعيش
فاطمه :- مش قادره صوته بقى بالنسبه ليا ادمان ضحكته وهزاره بقى شئ أساسى فى حياتى نظرة عينه ليا هى الحياة
ممدوح :- خايف عليكى يا فاطمه ليكون مش بيحبك وانتى متعلقه بحبال دايبه
فاطمه :- مش عارفه بقى كنت عايشه حياتى وسعيده ومبسوطه من يوم ما دخل حياتى وانا بقيت اتعذب واتوجع يا ممدوح
ممدوح :- مش عارف اقولك ايه بس بجد شكلك بتتعذبى من جواكى وده صعب عليا اوى يا فاطمه عمومآ يا ستى من هنا لبكره لو متصلش بيكى هقولك تعملى ايه علشان تكلميه ومتنزليش من كرامتك
فاطمه :- بجد انت احلى اخ فى الدنيا دى بحالها وحضنته وبسته وخرجت تجرى من الاوضه
ممدوح :- ربنا يسعد قلبك ويفرحك تملى يا فاطمه وقام دخل الحمام
~•~•~•~•~•~•~•~•~•~•~•~•~•
فى النيابه

وصل تامر النيابه مع أكرم وفى نفس الوقت وصلت دينا وعلاء وكان فادى واقف بره وراحوا كلهم عند فادى وسألوه عمل ايه

فادى :- بزعل مش راضى يقابل حد
أكرم :- طيب معرفتش مين السبب وراه كل ده
فادى :- ها ل.ل.لا مقدرتش اوصل لحاجه
علاء :- وانت يا اكرم عملتوا ايه مع أصحاب الشركات
أكرم :- الحمدالله قدرت اسد جزء كبير من الشروط دى بس طبعآ فسخوا العقد وسحبه فلوسهم من الشركه
علاء :- عرفت مدير الحسابات قال ليا وانت يا تامر
تامر :- للاسف واحد وافق يتنازل والتانى مصمم على الشرط الجزائى بتاعه
دينا :- طيب والعمل دلوقتى الشركه مبقاش فيها سيوله كافيه ولا تسد الشرط الجزائى ده ولا أن تشتغل وتسد مرتبات العمال
علاء :- واللى معانا ميعملش اى حاجه
فادى :- طيب حاول معاه تانى يا تامر
تامر :- استخدمت معاه اساليب كتيره بس هو رافض وعايز فلوسه
أكرم :- وحتى اللى كان معايا سديد الاتنين التانين ومعيش اى سيوله اشغل الشركه بتاعة أدهم نهائى
علاء :- كده الشركه هتخسر كتير اوى وممكن تشهر إفلاسها
دينا :- مستحيل ده يحصل انا هروح اكلم بابا يقف جنب ابنه فى محنته
فادى :- لاء اوعى يا دينا تعملى كده
دينا :- ليه مش لازم يقف جنب ابنه زينا
تامر :- دينا عندها حق يا فادى هو ده الوقف اللى ابوك لازم يقف فيه جنب ادهم علشان يساعده فى محنته دى
فادى :- بابا مستحيل يساعد ادهم
تامر :- ليه
أكرم :- فادى كلامه صح خالد باشا عمره ما حب ادهم وعمره ما هيرضا يساعده هو اكتر واحد فرحان فيه دلوقتى
علاء :- بس مهما كان ده ابوه
خالد :- دخل عليهم وقال طبعآ ده ابنى مهما كانت الخلافات اللى ما بنا بس عمر الدم ما يبقى مايه شوفوا محتاجين ايه وانا معاكم
الكل :- بص لبعض فيه منهم اللى صدق كلامه ومنهم اللى كان فاهم أن ده تمثيل
خالد :- مالكم بتبصوا لبعض كده ليه مفيش وقت عايزين نخرجه من هنا فى أقرب وقت
فادى:- داس على سنانه وقال اخويا مش محتاج مساعده من حد ادهم هيفضل طول عمره قوى وهيرجع احسن من الاول
خالد :- بس انا مش حد انا ابوه يعنى هو من صلبى انا ومن واجبى كأب اقف جنبه فى محنته
فادى :- اسمع كلامك اصدقك اشوف امورك استعجب
خالد :- قصدك ايه يا ولد
فادى :- قصدى وسكت وداس على سنانه وقال ولا حاجه عن اذنكم وسابهم ومشى
علاء :- سيبك منه هو زعلان علشان أدهم ومش عارف بيقول ايه المهم يا بابا احنا محتاجين فلوس كتير علشان نرجع الشركه تقف على رجليها ونسد باقى الفلوس اللى على ادهم
خالد :- اه طبعآ كل اللى هتحتاجوه انا معاكم فيه بس بشرط صغير
الكل :- بص لبعض وقالوا شرط ايه
خالد :- ………..
~•~•~•~•~•~•~•~•~•~•~•~•~•
بقلمى #دودومحمد