تمرد صحفيه بقلم {دودومحمد}

⁦✍️⁩تمرد صحفيه⁦✍️⁩26

?الفصل السادس وعشرون?

فى فيلا ادهم الحناوى

وصل أدهم وهو متعصب ومعاه داليا سحبها من ايديها ودخلها اوضه وقفل عليهم الباب بالمفتاح وقال

ادهم :- اللى نفسك فيه حققه ليكى يا داليا وقلع جاكت البداله وفك الكرافته ورماها فى الارض
داليا :- بخوف ا.ا.انت هتعمل ايه ورجعت لوراه
ادهم :- بدل ما دورى على متعه بره همتعك بس بالحلال
داليا :- بدموع اياك تقرب منى يا ادهم
ادهم :- وهو بيقرب منها ليه مش هو ده اللى انتى عايزاه
داليا :- وهى بترجع لوراه انا بقولك اهو يا ادهم متقربش منى
ادهم :- وهو بيقرب منها عامله على جوزك بس شريفه وبره مقضياها
داليا :- وهى بترجع لوراه انت واحد زباله انا اشرف من عشره زيك بس وصلت لاخر الاوضه وخبطت فى الحيطه
ادهم :- قرب منها وقال شريفه هنعرف دلوقتى الموضوع ده وقرب شفايفه من رقابتها وقعد يبوس فيها
داليا :- وهى بتزق فيه ابعد عنى يا حيوان انا بكرهك بكرهك
ادهم :- قعد يبوس فيها ومسك الهدوم اللى عليها قطعها وشالها حدفها على السرير
داليا :- وهى بتضربه برجليها ابعد عنى بقولك متقربش منى
ادهم:- نام فوقيها وقعد يبوس فيها
داليا :- عضته من كتفه جامد لحد ما نزلت منه دم
ادهم :- بعد عنها بألم وقال ودينى ما انا سايبك
داليا :- قامت تجرى من الجنب التانى ودخلت الحمام وقفلت على نفسها الباب بالمفتاح وقعدت وراه وحطت ايديها على بؤقها وقعدت تعيط
ادهم :- قعد يخبط على الباب بغيظ وقال افتحى يا داليا احسن اكسر الباب
داليا :- قعدت تهز راسها بمعنى لاء
ادهم :- خبط بأيده جامد وقال افتحى يا داليا
داليا :- مردتش عليه
ادهم :- كده انتى اللى جبتيه لنفسك ورجع لوراه وخبط الباب بكتفه بس الباب متفتحش
داليا :- خافت ورجعت لوراه وبقت تبص على الباب بخوف ودموعها نازله منها
ادهم :- رجع لوراه ولسه هيجرى على الباب يفتحه جرس الباب رن وقف مكانه وبص على باب الاوضه راح عليه فتح الباب بالمفتاح ونزل يفتح يشوف مين
داليا :- استغربت من الهدوء قربت من الباب وحطت ودنها عنده علشان تسمع فيه حد فى الاوضه ولا لاء بس مسمعتش حاجه
ادهم :- نزل فتح الباب واستغرب من وجود الشرطه قال ايوه عايزين ايه
الظابط :- حضرتك مطلوب القبض عليك يا ادهم باشا
ادهم :- عليا انا
الظابط :- ايوه اتفضل معانا
ادهم:- ادهم الحناوى ميجيش ظابط زيك يقبض عليه
الظابط :- للاسف ده.اللى حصل يا باشا ومعايا اذن بالقبض عليك حالا اتفضل حضرتك معايا من غير شوشره علشان محدش من الجيران يحس
ادهم :- انا مش همشى معاك وأعلى ما فى خيلك اركبه
الظابط :- يا باشا مش عايز اخد مع حضرتك أى إجراء يزعلك
ادهم :- مسكه من هدومه وقال تزعل مين يالا انا ادهم الحناوى ده انا اوديك وراه الشمس فاهم
الظابط :- زق أيده وقال انا ممكن اعمل ليك محضر تعرض لشرطه بس حضرتك متوصى عليك من واحد صاحبى فى القسم واللى كان مفروض يجى هو يخدك
ادهم :- ولا انت ولا صاحبك ده يهمنى واتفضل امشى من هنا بدل ما اتعصب ومش هيعجبك رد فعلى
الظابط :- يا باشا انا مش هتحرك من هنا غير وانت معايا
ادهم :- شكلك عايز تتأذى منى
الظابط :- اللهم يطولك يا روح يا باشا انا بستأذن حضرتك تمشى معانا من غير شوشره
ادهم :- انت اللى جبته لنفسك ومسك تليفونه واتصل على رقم خاص رد عليه شخصيه كبيره وقال ليه على اللى بيحصل وطلب منه يدى الظابط التليفون مد أيده بالتليفون وقال اتفضل كلم
الظابط :- اخد التليفون وقال الو وسكت شويه وقال حاضر يا باشا اللى تأمرنى بي ومد أيده بالتليفون وقال اتفضل يا باشا
ادهم :- اخد التليفون وقال سمعت بودنك الكلام
الظابط :- ايوه يا باشا انا منتظر حضرتك فى القسم وبص للعساكر وقال امشو يلا ومشى
ادهم :- بص ليهم وهما ماشين وقفل الباب وطلع على اوضه

عند داليا

لما مسمعتش صوت مده طويله فتحت الباب براحه جدآ وبصت ملاقتش حد خرجت براحه لاقت الباب بتاع الاوضه مفتوح خرجت تجرى منه علشان تدخل اوضتها بس وقفت فاجئه لما شافت عساكر واقفين وقعدت تسمع كلامهم وفرحت فى ادهم جدآ واول ما شافتهم ماشين وادهم طالع دخلت اوضتها وقفلت الباب على نفسها بالمفتاح
ادهم :- طلع الاوضه وشاف باب الحمام مفتوح عرف أن داليا خرجت ودخلت اوضتها دخل اخد شاور وخرج لبس هدومه وخرج من اوضه بص على اوضت داليا واوضت دينا واتنهد ونزل ركب عربيته وراح على القسم
داليا :- اول ما سمعت صوت الباب بيتفتح وبيتقفل طلعت تجرى بصت من وراه الشباك شافت ادهم بيركب عربيته ومشى بيها اتنهدت براحه ونامت على سريرها وغمضت عينيها وافتكرت دينا فتحت عينيها وقالت يا نهارى البت زمانها ماتت من قلة الاكل وقامت جريت فتحت الباب وراحت عند اوضت دينا وخبطت على الباب وقالت دينا يا دينا
دينا :- بصوت واطى جدآ داليا
داليا :- انتى كويسه
دينا :- لاء يا داليا مش قادره اقف حاسه ان الدنيا كلها بتلف بيا
داليا :- يا نهار اسوح ما لازم يحصلك كده انتى مأكلتيش حاجه من امبارح ولا شربتى مايه انتى كده ممكن تروحى فيها
دينا :- انا بشرب مايه من الحمام يا داليا
داليا :- بس برضه انتى هتضعفى كده من قلة الاكل اجمدى طيب وانا هدخل اوضت أدهم ادورك على المفتاح
دينا :- مردتش عليها
داليا :- دينا يا دينا ردى عليا ارجوكى
دينا :- مردتش عليها
داليا :- نهار اسوح ومنيل البت شكلها اغمى عليها وطلعت تجرى على اوضت أدهم ودخلتها وبصت على السرير وافتكرت اللى حصلها غمضت عينيها واتنهدت وقالت اجمدى يا داليا البت هتموت وقعدت تدور فى الاوضه بس اتصدمت لما شافت السلاح بتاع اخوها مدت ايديها وغمضت عينيها وافتكرت لما كانت بتشوفه معاه فى اوضه فتحت عينيها وقالت يا ادهم الكلب اللى حصل لاخويه ده بسببك انت
ادهم :- ايوه بسببى انا
داليا :- اتخضت والسلاح وقع منها وبصت ليه بصدمه وقالت ا.ا انت
ادهم :- اه انا وقرب ليها وقال بتعملى ايه فى اوضى شكلك عجبك اللى حصل فيها
داليا :- رجعت لوراه وقالت اياك تقرب منى يا حرامى قد ايه انت واحد زباله بجد عمرى ما كنت أتخيل انك بالحقاره دى انت شيطان يا ادهم شيطان
ادهم :- ههههههههههه انا شيطان وانتى ايه ملاك طيب حوشى جناحاتك اللى بتخبط فى الاوضه وحياتك
داليا :- بدموع انا كل مادا بكرهك اكتر من الاول انت ايه يا شيخ معندكش قلب حتى على اقرب ما ليك ده انت هتموت اختك بأيدك ايه مش بيصعب عليك حد انت مريض يا ادهم
ادهم :- بعصبيه قرب منها ومسكها من دراعها وقال لاء محدش بيصعب عليا مبقاش عندى قلب علشان يصعب عليا حد قلبى ميت يا داليا ميت هتصعبوا عليا ليه ها وانا زمان صعبت على مين اقرب ما ليا هما اللى موتوا كل حاجه حلوه فيا هما اللى خلونى شيطان انا بكرهكم كلكم وهخليكم تبكوا بدل دموعكم دم فاهمين دم وداس اكتر على دراع داليا وقال انا هخليكم تتمنوا الموت انا هعرفكم مين ادهم الحناوى انا هندمكم كلكم كلكم وزقها واخد محفظته وبص ليها وقال رجعلك يا داليا علشان ابدء معاكى انتقامى ومشى وسابها
داليا :- قعدت على الأرض مصدومه وبصت على الباب مكان ما خرج ادهم ودموعها نزلت وبعد وقت افتكرت دينا مسحت دموعها وقامت تدور على مفتاح الاوضه وبعد وقت لاقت مفاتيح الاوض كلها عنده قالت نهار اسوح يعنى مفتاح اوضى معاه واستغربت وقالت ولما هو معاه ليه محاولش يدخل اوضى وانا فيها وبعدين قالت انتى بتقولى ايه قومى شوفى البت اللى جوه وقامت جريت على اوضت دينا وقعدت تجرب المفاتيح لحد ما وصلت لمفتاح الاوضه وفتحت الباب ودخلت تجرى لاقت دينا وقعه فى الارض ومغمى عليها طلعت تجرى عليها وخبطت على وشها وقالت دينا يا دينا ردى عليا ارجوكى وشافت النبض لاقتها عايشه لسه طلعت تجرى على اوضتها جابت برفان من بتاعها ورجعت الاوضه ورشت على ايديها ومشيتها تحت مناخيرها
دينا :- حركت راسها بتعب وفتحت عينيها بصعوبه
داليا :- ا.ا انتى كويسه
دينا :- دايخه خالص
داليا :- طيب قومى معايا
دينا :- جت تقوم مقدرتش
داليا :- وهى بتحاول تسندها لاء ساعدينى ارجوكى
دينا :- مسكت جامد فى داليا وحاولت تقف
داليا :- سندتها ونيمتها على السرير وقالت هنزل اعملك شوية مايه بسكر ونزلت تجرى عملت ليها المايه بسكر وطلعت تجرى ورفعت راس دينا وشربتها ليها وحطت الكوبايه جنبها وقالت حاسه بأيه دلوقتى
دينا :- الحمدالله بس عندى صداع رهيب
داليا :- ده من الضعف علشان مأكلتيش هنزل اعملك حاجه تاكليها وهجبلك حباية صداع
دينا :- اهم حاجه عايزه اسمع صوت تامر
داليا :- حاضر هجبلك التليفون وهروح اعملك الاكل وراحت اوضتها وجابت تليفونها وراحت عند دينا وقالت خدى اهو
دينا :- اخدت التليفون وقالت شكرآ يا داليا
داليا :- العفو يا حبيبتى هروح انا اعملك الاكل وانتى اتكلمى براحتك ومشيت وسابتها
دينا :- اتصلت بتامر وانتظرت الرد وبعد وقت رد تامر وقال
تامر :- ايوه يا داليا دينا عامله ايه دلوقتى
دينا :- انا الحمدالله يا تامر
تامر :- بحب دينا عامله ايه يا قلبى
دينا :- دلوقتى بقيت كويسه علشان سمعت صوتك
تامر :- واحشتينى اوى يا عمرى
دينا :- وانت كمان واحشتنى اوى اوى يا تامر
تامر :- ياااااااى اخيرآ قولتى ليا كلمه حلوه انا لو اعرف كده كنت بعت الصور لادهم بنفسى
دينا :- سكتت ودموعها نزلت منها
تامر :- انا اسف يا دينا انا كان قصدى اضحكك
دينا :- انا مش زعلانه منك انا زعلانه على اللى حصل وشكلى فى عيون ادهم
تامر :- انا اسف أن مقدرتش احميكى منه يا دينا
دينا :- انا مش زعلانه منك ولا منه انا غلط واستاهل اللى حصل بس انا زعلانه علشان ادهم زعلان منى
تامر :- بعد كل اللى عملوا فيكى وزعلانه علشانه
دينا :- انا مهما ادهم عمل فيا عمرى ما ازعل منه ولا أكرهوا يا تامر
تامر :- انتى مين فتح ليكى
دينا :- داليا
تامر :- داليا كويسه وجدعه هتقف جنبك متقلقيش
دينا :- فعلا جدعه جدآ انا حبيتها اوى
تامر :- بحب متحبيش حد غيرى فاهمه
دينا :- هههههههه حاضر
تامر :- ياااااه يا دينا ضحكتك كانت واحشانى اوى
دينا :- احم ط.ط.طيب انا هقفل علشان داليا جايه
وفى الوقت ده دخل العسكرى وبلغ تامر أن أدهم بره قال
تامر :- وانا كمان هقفل علشان عندى شغل خلى بالك على نفسك
دينا :- حاضر
تامر :- دينا
دينا :- نعم
تامر :- بعشقك سلام يا عمرى
دينا :- ب.ب.باى وقفلت التليفون وحضنته وابتسمت
داليا :- احم احم خلصتى
دينا :- بعدت التليفون عن حضنها وقالت احم خ.خ.خلاص شكرآ يا داليا ومدت ايديها بالتليفون
داليا :- اخدت منها التليفون وقالت العفو وقت ما تحبى تكلمى تامر وادهم مش موجود خدى كلميه
دينا :- ماشى
داليا :- مدت ايديها بالسندوتش وقالت خدى كلى بقى
دينا :- اخدته منها وقالت شكرآ يا داليا مش عارفه اقولك ايه.
داليا :- متقوليش حاجه بس يلا كلى
دينا :- اكلت وقالت طيب مش هتاكلى معايا
داليا :- اخدت سندوتش وقالت هاكل طبعآ ده انا هموت من الجوع وبدأت تاكل مع دينا
دينا :- احم ه.ه.هو انتى ليه هدومك مقطوعه كده كأن حد حاول يعنى احم ي.ي.ي وقطعت كلامها
داليا :- ها وبصت على نفسها وضمت الهدوم على جسمها وقالت مفيش حاجه ومسكت دموعها بالعافيه
دينا :- اسفه لو زعلتك بسؤالى
داليا:- لاء مزعلتش كملى اكل واكلت لقمه وحطته تانى فى الطبق وقالت الحمدالله شبعت
دينا :- انتى لسه.كنتى بتقولى جعانه
داليا:- معلش يا حبيبتى شبعت هروح انام علشان تعبانه وانتى كلى الاكل كله واشربى العصير
دينا :- ماشى وشكرآ تانى ليكى على وقفتك جنبى يا داليا
داليا :- العفو يا حبيبتى احنا كلنا ضحايا لادهم الحناوى عن اذنك
دينا :- ادهم هو اللى عمل فيكى كده
داليا :- وقفت ودموعها نزلت منها وقالت تصبحى على خير وسابتها ومشيت
دينا :- ليه يا ادهم تعمل فيها كده ليه واتنهدت وقعدت تاكل
داليا :- دخلت الاوضه عندها واترمت على السرير وقعدت تعيط
~•~•~•~•~•~•~•~•~•~•~•~•~•
فى القسم

وصل أدهم بكل ثقه وكبرياء القسم ودخل المكتب عند تامر ودخل قعد وحط رجل على رجل وولع السيجار بتاعه واخد منه نفس وخرج الدخان فى الهوا وقال

ادهم :- ممكن اعرف خير إن شاءالله
تامر :- للاسف مش خير يا ادهم باشا الشركات كلها اتجمعوا ورفعوا عليك قضيه علشان تأخيرك عن تسليم الشغل ليهم وقدموا العقود اللى فيها شرط جزائى بمبالغ كبيره جدآ ويا أما تسدت المبالغ دى يا اما تتحول لنيابه
ادهم :- داس بأيده بعصبيه على التليفون وقال كلهم اتجمعوا اممم لاء ده الموضوع ده فيه لعب من تحت الترابيزه
تامر :- اكيد يا ادهم باشا حضرتك تقدر تسد قيمة الشروط الجزائيه
ادهم :- ثانيه واحده ومسك تليفونه واتصل بأحد الأشخاص المهمه فى البلد وانتظر الرد بس مردش عليه جرب على كذا رقم لكن الكل رفض يرد عليه اتصل على المحامى بتاعه وطلب منه أن هو يجى ليه حالا
تامر :- ها يا ادهم باشا ايه الاخبار
ادهم.:- شششش
تامر :- اتنهد وقال طيب ممكن حضرتك ترد عليا وتقولى عملت ايه علشان اعرف هكتب ايه فى المحضر
ادهم :- وقف ومسك تامر من هدومه وقال اوعى تفكر نفسك جت ليك الفرصه علشان تكسرنى ولا تذلنى علشان رفض جوازك من اختى لاء يا جربوع انا ادهم الحناوى
تامر :- شد نفسه من ايد ادهم وقال انا لو عايز اذلك ولا انتقم منك كنت روحت جبتك من الفيلا واستغليت الموقف وهنتك ولا كنت عملتك بطريقه وحشه وانا بسألك ولا كنت منعتك من مكلمة التليفون بس انا معملتش كده انا طلبت من واحد صاحبى هو اللى يروح يجيبك علشان متفكرش أن بنتقم منك ومن ساعة ما جيت وانا بتعامل معاك بأدب وبأحترام وسامح ليك بأى حاجه تعملها يا ادهم باشا مش انا اللى يستغل ظروف حد علشان ينتقم منه انا بحب دينا ومستعد اعمل اى حاجه علشانها بس عمرى ما هستعمل الأسلوب ده علشان اتجوزها وكمان دينا بتحبك اوى واى حاجه دينا بتحبها انا كمان احبها انا هقف جنبك يا ادهم باشا واللى تقولى عليه هعملوا ليك علشان تخرج من هنا بس عمرى ما هستعمل سلطتى كظابط
ادهم :- بقى انا هحتاج ليك انت
تامر :- يوضع سره فى اضعف خلقه يا باشا
ادهم:- انا عمرى ما هحتاج مساعده من حد لا منك ولا من غيرك فاهم
تامر :- اللى يريحك يا باشا عمومآ انا موجود فى اى وقت تحتاجنى ووقف وقال انا خارج وانت خد راحتك فى المكتب عن اذنك وسابه وخرج
ادهم.:- داس على سنانه وقال ودينى ما هرحم اللى لعب من ورايا فى الموضوع ده واتصل بالمحامى واستعجله يجى
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الصعيد لتبدء ميرفت بفتح عيونها حركت رأسها وحست بتقل على كتفها بتبص لاقت نفسها نايمه على السرير فى اوضت حمزه وحطه راسها على صدر حمزه وحمزه حاطط أيده على كتفها اتكسفت ولسه هتقوم
حمزه :- منعها وقال احلى صباح فى حياتى
ميرفت :- بكسوف ا.ا.انا ايه جبنى هنا
حمزه :- انا شلتك وجبتك هنا لما نمتى فى حضنى على الكنبه
ميرفت :- احم م.م.مكانش فيه داعى تتعب نفسك ك.ك.كنت سبتنى نايمه على الكنبه
حمزه :- انا متعبتش بالعكس دى اجمل ليله فى حياتى واول مره انام وانا سعيد كده
ميرفت :- احم م.م.ماشى ولسه هتقوم
حمزه :- رايحه فين
ميرفت :- هدخل الحمام
حمزه :- خليكى فى حضنى شويه ولسه هيقرب منها ويبوسها
ميرفت :- احم ح.ح.حمزه ا.ا.انت وعدنى م.م.مش هتقرب ليا غير لما اكون مستعده
حمزه :- بعد تانى وقال وانا عند وعدى يا ميرفت بس كنت هبوسك بوسه شريفه بس
ميرفت :- بكسوف ه.ه.هو بقى فيه بوس شريف
حمزه :- ايوه طبعآ وقرب من شفايفها وبسها بوسه رقيقه وبعد عنها وقال شريفه ولا مش شريفه
ميرفت :- قامت وقفت بكسوف وقالت ش.ش.شريفه وخرجت من الاوضه
حمزه :- هووف الصبر من عندك يارب الواحد بينهار وقام من على السرير خرج من الاوضه ودخل المطبخ وفتح التلاجه طلع العصير وحط كوبايتين وحضر سندوتشات ليه ولميرفت وخرج حطهم على الترابيزه وفى الوقت ده خرجت ميرفت من الحمام واتفاجئت بحمزه وقالت
ميرفت :- انت اللى حضرت الفطار
حمزه :- حاجه كده على قدى
ميرفت :- وليه تعبت نفسك بس كنت هحضره انا
حمزه :- مفيش تعب ولا حاجه انا اخدمك برموش عينيا يا روفا
ميرفت :- بأستغراب روفا
حمزه :- بدلعك وحش الاسم
ميرفت :- لاء حلو طبعآ
حمزه :- طيب اقعدى يلا افطرى
ميرفت :- لاء قبل الفطار فيه حاجه اهم وسابته ودخلت الاوضه
حمزه :- بصوت عالى ايه هى
ميرفت :- خرجت وقالت اغيرك على الجرح
حمزه :- طيب بعد الاكل
ميرفت :- لاء الاكل مش هيطير اثبت بس علشان اعرف اغيرك
حمزه :- بلئم هتغيرى ليا ازاى وانا بالتيشرت
ميرفت :- رفعت الكم وقالت انت لابس نص كم وسهل يترفع اثبت انت بس
حمزه :- كده ماشى مأخدش بالى
ميرفت :- غيرت ليه ولسه هتقوم
حمزه :- مسك ايديها وبسها وقال تسلم ايدك يا عمرى ربنا ميحرمنيش منك يارب
ميرفت :- سحبت ايديها من أيده وقالت احم انا معملتش حاجه عن اذنك ودخلت شالت الحاجه تانى وغسلت ايديها وقعدو ياكلوا مع بعض
~•~•~•~•~•~•~•~•~•~•~•~•~•
فى فيلا خالد الحناوى

صحه خالد من نومه على صوت تليفونه وبلغوه أن أدهم فى القسم واتحول لنيابه

إنعام :- صحيت وقالت فيه ايه يا خالد
خالد :- بفرحه ادهم اتحول لنيابه
إنعام :- بفرحه لاء بجد
خالد :- اه والله لسه قايلين ليا كده
إنعام :- فى ستتتتتين داهيه ده احلى خبر سمعته فى حياتى انت عند وعدك ليا صح
خالد :- اللى هو ايه
إنعام :- الشركه اللى هو فيها بتاعتى
خالد :- اه طبعآ يا قلبى إنعام:- ربنا يخليك ليا يا عمرى
خالد :- ها اروح ليه بقى علشان اكمل بقيت خطتنا
إنعام :- روح يا قلبى بسرعه
خالد :- قام اخد شاور ولبس هدومه ونزل وراح على النيابه
إنعام :-بقرف داهيه تشيلكم كلكم
~•~•~•~•~•~•~•~•~•~•~•~•~•
فى بيت فاطمه

كانت قاعده فى اوضتها وسمعت صوت دوشه بره استغربت بس الباب بتاعها خبط واذنت ليه بالدخول واول ما اتفتح الباب طلعت تجرى بفرحه واترمت فى حضنه وقالت
فاطمه:- ممدوح واحشتنى يا جزمه
ممدوح :- تواحشتك برشا يعيشك اختى
فاطمه :- اعدل لسانك يا روح امك
ممدوح :- يا خراشى يا ناس كانت واحشانى طولت اللسان دى واحشتينى يا طمطم
فاطمه :- اخس عليك يا واطى يهون عليك متشوفش بنت عمك طول الفتره دى
ممدوح :- والله غصب عنى يا طمطم الشغل كان فوق دماغى وانتى عارفه عمك يغرق فى شبر مايه وعلشان انزل يومين عملت معجزه وربنا
فاطمه :- مصر نورت بيك يا قلب اختك
ممدوح :- استنى بس تعالى هنا اختى العسوله مال عيونها حزينه كده
فاطمه :- اتنهدت وقعدت على السرير وقالت مفيش حاجه يا توحه
ممدوح :- راح قفل الباب ورجع تانى قعد جنبها وقال هتخبى على اخوكى برضه يا بطه
فاطمه :- دموعها نزلت منها واترمت فى حضن ممدوح ومسكت فى هدومه وقالت انا تعبانه اوى يا ممدوح اوى
ممدوح :- بسها فى راسها وطبطب عليها وقال مالك بس يا طماطم بقى انا اغيب شويه ارجع الاقيكى كده قوليلى مين عمل فيكى كده وانا اولع فيه
فاطمه :- بعدت عنه وقالت أكرم
ممدوح :- أكرم ده مرهم تسلخات ده ولا ايه
فاطمه :- هزت راسها بمعنى لاء وقالت ده خطيبى او معنى اصح بيمثل أنه خطيبى
ممدوح :- استنى بس انا مش فاهم حاجه يعنى ايه بيمثل أنه خطيبك
فاطمه :- هقولك وحكت ليه كل الحكايه من اول مره شافته لحد دلوقتى
ممدوح :- يخربيتك انتى ازاى توافقى تعملى كده انتى عندك ابن عم اهبل
فاطمه :- بضحك اه انت
ممدوح :- وحياة امك ازاى توافقى تدخلى التمثيليه دى يا فاطمه
فاطمه :- علشان بحبه يا توحه قولت يمكن يحس على دمه ويحس بحبى ليه
ممدوح :- بحبه يا توحه بت انتى من امته وانتى ليكى فى شغل السهوكه دى
فاطمه :- ليه يا اخويه مش بنت زى البنات ولا ايه
ممدوح :- مقصدش انتى ست البنات كلها بس فين عقلك لما صغرتى من نفسك وقللتى من قمتك وعملتى التمثيليه الهابطه دى
فاطمه :- اهو اللى حصل يا ممدوح ومن يومها وانا فى عذاب فى ايدك حل تنقذ بيه اختك
ممدوح :- بس من خلال كلامك قولتى انه بيغير عليكى ومفيش حد بيغير على حد غير لو كان بيحبه
فاطمه :- بس فيه سبب تانى لما يكون خايف على سمعته يعمل كده برضه
ممدوح :- انتى هبله يا بت الراجل ميعملش كده غير لو كان بيحب واحده وبيغير عليها عمومآ هساعدك انا فى الموضوع ده هقابله معاكى واشوف هيغير عليكى منى ولا لاء وساعتها هقولك اذا كان بيحبك ولا لاء
فاطمه :- هيغير عليا منك ازاى وانت اخويه يا اهبل
ممدوح :- والله انتى اللى هبله وعبيطه وهو يعرف ازاى اننا اخوات فى الرضاعه هو كل اللى هنقولو ليه أن انا ابن عمك ومش هنقول اننا اخوات فى الرضاعه فهمتى
فاطمه :- اه ماشى فهمت
ممدوح :- بس بشرط اللى هقولك عليه هو اللى هيتعمل يعنى لو قولتلك تبعدى عنه هتنفذى علطول
فاطمه :- هزت راسها بالموافقه
ممدوح :- وقف وقال هروح اناااااااام احسن مش شايف قدامى
فاطمه :- دلوقتى ده الناس لسه بتصحه من نومها وانت هتنام
ممدوح :- مش بعرف انام فى الطياره اعمل ايه تصبحى على بليل بقى يا مزتى هههههههههه
فاطمه :- متبقاش غلس وخليك قاعد معايا شويه
ممدوح :- وربنا انتى اللى غلسه ومعندكيش اى دم بقولك عايز انام منمتش من امبارح يا مفتريه
فاطمه :- طيب اقعد كلمنى شويه على تونس
ممدوح :- انا عارف مش هخلص من زنك اوعى طيب كده ونام على السرير وقال هقولك ايه بس واعيدلك ايه تونس وجمال تونس وحلاوة بنات تونس
فاطمه :- نعم
ممدوح :- اقصد حلاوة اهل تونس حاجه هيييييح خالص والله يا طمطم
فاطمه :- يخربيتك انت كنت بتعمل ايه شغال ولا بتعاكس البنات هناك
ممدوح :- الاتنين وحياتك بالنهار فى الشغل وبليل بعاكس
فاطمه :- الله يحرقك انت لازم تتلم بقى وتشوفلك واحده تلمك
ممدوح :- ايدى على كتفك عندك عروسه بالمواصفات اللى عايزها
فاطمه :- اللى هى ايه بقى
ممدوح :- قام سند راسه على أيده وقال بصى بقى يا ستى عايزها فى جمال نانسى عجرم وفى امكانيات هيفاء وهبى ورومانسية اليسا وفى دلع شرين عبد الوهاب يعنى كوكتيل معقد شويه هلاقى عندك التشكيله دى
فاطمه :- وحياة امك ومش عايز يكون فيها حاجه من حمو بيكا ولا مجدى شطه
ممدوح :- مين دول يا طمطم
فاطمه :- دى ظاهره طفحت على الأراضى المصريه وجارى التطهير منها
ممدوح :- مسك المخده وقال وحياة النونه اوعى ابت انا غلطان أن قعد اتكلم مع واحده تافهه زيك
فاطمه :- ااااااااه تتشل فى ايدك حوش الجد اللى بيشر منك يا طويل يا اهبل
ممدوح :- حضنها وضحك وقال هههههههههه واحشتنى خفة دمك يا اوزعه
فاطمه :- متقولش اوزعه
ممدوح :- حاضر يا اوزعه
فاطمه :- عاااااا غلس وقعدت تضرب فيه
ممدوح :- قام يجرى من على السرير وقال يخربيت ايدك مرزبه ده انا اللى هقول للاخ أكرم ينفد بجلده منك احسن هههههههههه وطلع يجرى
فاطمه :- بنأدم ثقيل بس كان واحشنى النخله ده والله رجع ضحكتى من جديد ربنا ميحرمنيش منك ابدآ يا توحه
ممدوح :- دخل راسه من الباب وقال ولا منك يا قلب توحه وبعت ليها بوسه فى الهوا وراح ينام
~•~•~•~•~•~•~•~•~•~•~•~•~•
فى فيلا أكرم

وصل ليه خبر دخول ادهم الحبس قام جرى لبس هدومه ونزل يجرى

وفاء :- مالك يا ابنى بتجرى كده ليه
أكرم :- بزعل ادهم يا ماما محبوس فى القسم
منير :- بزعل لاحولا ولا قوة الا بالله ليه كده
اكرم:- بيقولو أن أصحاب الشركات المتعاقدة مع شركة أدهم قدموا العقود لنيابه بعد تأخير ادهم عليهم فى تسليم الشغل
مكرم:- يستاهل علشان فض الشراكه اللى ما بنكم
أكرم :- لاء يا مكرم متفرحش فيه اكيد كان ليه أسبابه وانا مهما حصل مش هتخلى عن صديق عمرى
ايه :- جدع يا كرومتى انا فخوره بيك على فكره
جاسمين :- أكرم اصلا مفيش منه اتنين فى الدنيا دى
مكرم :- وقف وقال عن اذنكم انا ماشى وخرج وسابهم
اكرم :- ماله ده
ايه :- يا عم كبر يعنى انت مش عارف اخوك يتعب لو قعد وسطنا شويه المهم روح وابقى طمنى
أكرم :- ماشى يا ايوش سلام وخرج وسابهم ركب عربيته وراح على النيابه وطلب يشوف ادهم بس أدهم رفض يقابل حد
تامر :- للاسف رافض يقابل حد
أكرم :- طيب هو ايه موقفه فى القضيه دى
تامر :- يا يدفع الشروط الجزائيه اللى فى العقود بتاعة التأخير يا يتحبس
أكرم :- بس الفلوس دى كتيره اوى ومش هنقدر ندفعها
تامر :- فيه حل وسط
أكرم :- ايه هو
تامر :- انك تكلم أصحاب الشركات دى يتنازلو عن تقديم الشكوى فى ادهم الحناوى
أكرم :- مع أن صعب ده يحصل بس هحاول صحيح مراته فين
تامر :- داليا متعرفش حاجه لان هو خرج من البيت وجه هنا واكيد مقالش ليها
أكرم :- على العموم انا هتصرف
تامر :- وانا معاك شوف محتاجنى فى ايه وانا جنبك
أكرم :- تمام هتخلص الشغل امته
تامر :- ساعه بالكتير اوى
أكرم :- تمام نتقابل فى فيلا ادهم الحناوى عرفها
تامر :- اه طبعآ اعرفها
أكرم :- ماشى انا هروح اقابل داليا واشرح ليها اللى بيحصل
تامر :- تمام
أكرم :- سلم عليه وخرج ركب عربيته وراح فيلا ادهم الحناوى ورن الجرس
داليا :- كانت نايمه فى اوضتها بالهدوم المقطعه سمعت صوت جرس الباب فكرته ادهم مرضتش تروح تفتح الباب وقامت دخلت الحمام
أكرم :- قعد يرن جرس الباب لحد ما دينا فتحت ليه الباب قال بأستغراب دينا بتعملى ايه هنا
دينا :- بصيف يا اكرم هكون بعمل ايه فيلا اخويه وقاعده عنده ايه الغريب فى كده
اكرم :- عمومآ مش وقته فين داليا
دينا :- شكلها لسه نايمه فى اوضتها
أكرم :- طيب روحى صحيها وانزلوا بسرعه انتو الاتنين
دينا :- خير يا اكرم فيه حاجه ولا ايه
أكرم :- انا مش هحكى مرتين هاتى داليا احكى ليكم انتو الاتنين مره واحده وفى الوقت ده جه علاء وفادى
دينا :- هو فيه ايه انتو كلكم شكلكم بيقول فيه حاجه كبيره
أكرم :- هاتى داليا بسرعه
دينا :- ح.ح.حاضر وطلعت تجرى
أكرم :- عرفتوا باللى حصل لادهم
علاء :- ايوه وروحنا نقابله رفض وتامر قال اننا هنتقابل كلنا هنا فى الفيلا
فادى :- طيب ادخلوا بدل ما احنا واقفين على الباب كده
ودخلوا قعدو يستنوا نزول دينا وداليا وبعد وقت وصل تامر والكل اتجمع وعرفت داليا ودينا بالموضوع
تامر :- على فكره فى حد بيلعب من وراه ادهم
أكرم :- ازاى مش فاهم
تامر :- يعنى حد عرف اسامى الشركات اللى شركة أدهم بتتعامل معاهم ودفع ليهم علشان يعملوا كده
علاء :- قصدك أن فيه حد بيتجسس على شغل أدهم من غير ما احنا نحس
تامر :- ايوه
دينا :- ومين اللى عايز يأذى ادهم فى شغله
تامر :- رجل اعمال زى أدهم اكيد ليه منافسين كتير وليه اعداء بيتمنوا يوقعوا
أكرم :- معقول يكون اللى عمل كده ميرفت السكرتيره اللى كانت شغاله معانا فى الشركه هى الوحيده اللى معاها اسرار الشركه ومعاها اسامى الشركات
تامر :- سكت شويه لما سمع اسم ميرفت وفكر أن اللى عمل كده حمزه استأذن منهم وخرج بره واتصل بحمزه وقال
تامر :- ايوه يا حمزه عامل ايه
حمزه :- تمام الحمدالله انت ايه اخبارك
تامر :- الحمدالله احم حمزه كنت عايز اسألك سؤال
حمزه :- أسأل
تامر :- انت عرفت حاجه من مراتك عن أدهم الحناوى
حمزه :- قالت ليا أن هو شغله فى السليم ومش بيعمل حاجه غلط بس هو ده اللى قالته بتسأل ليه
تامر :- احم و.و.ولا حاجه اصل انت كنت قايل ليا انك هتعرف منها كل حاجه عن أدهم بما انها كانت السكرتيره بتاعته فكنت بطمن مش اكتر
حمزه :- لاء مقالتش حاجه غير اللى قولته ليك
تامر :- ماشى يا صاحبى هسيبك دلوقتى وابقى اكلمك بعدين سلام
حمزه :- ماشى سلام
تامر :- قفل مع حمزه ودخل تانى وقال سورى يا جماعه كنت بعمل مكالمه تبع الشغل
أكرم :- ولا يهمك بس احنا كنا بنفكر مين اللى عمل كده مش قادر افكر غير فى ميرفت السكرتيره اللى كانت شغاله معانا قبل كده
تامر :- احم يمكن مش هى طيب هو انتو مجبتوش سكرتيره جديده لمكتب ادهم
أكرم :- مش عارف انا أدهم فض الشراكه اللى ما بنا ومن يومها مرحتش هناك
تامر :- طيب مين فيكم شغال معاه فى الشركه
علاء :- فادى هو اللى شغال معاه فى الشركه وبص عليه لاقه سرحان قال فادى يا فادى
فادى :- ها ا.ا ايوه
أكرم :- مالك سرحان فى ايه
فادى :- تقريبآ كده انا عرفت مين اللى بينقل الاخبار من الشركه بس لمين الله اعلم
أكرم :- وساكت من بدرى
فادى :- دى سبوها عليا المهم دلوقتى هنعمل ايه فى الشركه وهنخرج ادهم ازاى
دينا :- هنحط ايدينا فى ايد بعض ونرجع الشركه تقف من جديد وحد يروح يكلم أصحاب الشركات دى تدينا مهله اننا نسلم.ليها الشغل فى أقرب وقت ويتنازله عن القضيه
أكرم :- انا هعمل كده انشالله لو هدفع ليهم من جيبى علشان يوافقه
علاء :- وانا هساعد معاكم فى إدارة الشركه ونسهر عليها ليل نهار علشان نوقفها
تامر :- وانا هساعد أكرم فى مهمته
فادى :- وانا هعرف مين وراه كل اللى حصل ده
دينا :- مستحيل نسيب ادهم يوقع ابدآ
أكرم :- سكته ليه يا داليا
داليا :- هقول ايه
أكرم :- هتساعدى ادهم معانا ولا لاء
داليا :- ودموعها نازله منها قالت لاء ساعده كتير وهو كان تملى يرد عليا بالوجع والانتقام كان تملى يكسرنى ويأذينى يمكن ربنا عمل فيه كده انتقام منه من اللى عملوا فى الناس وفيا
الكل استغرب لكلام داليا وبصوا ليها
تامر :- بس انتى مش كده يا داليا انا متربى معاكم وعارف تربيتك مستحيل تقبلى بكده ولا عمرك هتتخلى عن حد محتاج مساعده مهما كان اذاكى
داليا :- وقفت وقالت بعصبيه وبدموع بس ده غير اى حد يا تامر ده داس علي قلبى برجليه لحد ما مات ولد فيا الانتقام اللى عمرى ما عرفت حاجه عنه ضغط عليا لحد ما فجر جوايا براكين غضب وحقد وغيظ عرفنى يعنى ايه اقدر اتخلى عن طيبتى وعن الساذجه اللى فيا واتخلى عن اى حد محتاج مساعدتى علمنى الدرس كويس اوى وهو أول من هطبق عليه الدرس ده
أكرم :- انا عارف انك موجوعه منه يا داليا وعارف أن كلام الدنيا كلها مش هيطيب ليكى جروحك من اللى هو عملوا فيكى بس انا عندى امل تفكرى بقلبك مش بعقلك اللى متأكد لو فكرتى بى هتوافقى تساعدى ادهم علشان انتى بتحبى ادهم ومهما عمل فيكى مش هتقدرى تكرهيه ومهما قولتى ده بلسانك قلبك تملى ليه رأى تانى والرأى ده فى صالح ادهم مش ضده
داليا :- الكلام سهل اوى محدش فيكم حس بوجعى اللى شوفته على ايديه محدش حس الحسره اللى بحس بيها كل ما ابقى جنبه ويهين فيا الكلام سهل بس متأكده مليون فى الميه أن لو حصل معاكم ربع اللى حصل معايا محدش فيكم كان هيستحمل لحظه واحده يعيش المأساه اللى عشتها انا هلبس وهرجع بيت أبويه واى حد يوصل ليه يبلغه أن انا عايزه أطلق منه وسابتهم وطلعت تجرى على اوضتها
الكل بص لبعضه وقال أكرم
أكرم :- معذوره يا جماعه هى اتعذبت كتير على ايد ادهم
تامر :- عارف وعلى يدى واللى عملته ده رد فعل طبيعى لاى حد مكانها
فادى :- مفيش مشكله كل واحد مننا يشوف هيعمل ايه علشان نلحق وقتنا
علاء :- فادى عنده حق
تامر :- أكرم اكيد انت عارف اسامى الشركات دى بحكم انك كنت شريكه
أكرم :- اكيد طبعآ تعال معايا
وخرج تامر واكرم وراحو على الشركات دى علشان يكلموهم
علاء :- هروح انا الشركه اتابع الشغل علشان العمال محدش فيهم يحس بحاجه
دينا :- خدنى معاك
علاء :- ماشى يلا وخرجوا الاتنين وراحو شركة أدهم الحناوى
فادى :- ماشى يا رودينا انا هعرفك ازاى تعلبى علينا كويس اوى وخرج ركب عربيته وراح كافيه وطلب منها أنها تيجى ليه حالا علشان.مخنوق ومحتاج يتكلم معاها وهى وافقت وقالت إنها جايه ليه حالا
داليا :- بعد ما الكل مشى لبست هدومها ونزلت من على السلم ودموعها على خدها وقعدت على السلم وقعدت تصرخ وتعيط وتقول ليييييييه ليييييييه تعمل فيا كده ليه تخلينى بنأدمه وحشه اوى كده ليه غيرتنى من داليا الطيبه لداليا الشريره اللى بقى كل همها تنتقم وبس قولى اعمل انا ايه دلوقتى قلبى بيتقطع علشانك وفى نفس الوقت مش قادر ينسى اللى عملتوا فيه مش قادر ينسى قسوتك عليه اعمل ايه انا دلوقتى امشى وراه قلبى واساعدك ولا اسمع كلام عقلى وابعد واسيبك ليه انت تملى سبب حيرتى ياااااااااارب انا مليش غيرك فتح عينى على الطريق الصح وقعدت تعيط وبعد وقت بصت قصادها من غير ولا كلمه والدموع نزله من عينيها وبعد تفكير قامت واخدت شنتطها وركبت تاكسى ومشيت
~•~•~•~•~•~•~•~•~•~•~•~•~•
بقلمى #دودومحمد