تمرد صحفيه بقلم {دودومحمد}

✍️⁩تمرد صحفيه⁦✍️⁩23

?الفصل الثالث وعشرون?

فى الصعيد

وصلوا حمزه وميرفت البيت وفتحت ميرفت الباب بأيد وكانت سنده حمزه بالايد التانيه ودخلو الشقه وقفلت ميرفت الباب برجليها وقالت

ميرفت :- تحب تدخل تريح فى اوضك ولا تقعد شويه على الكنبه
حمزه :- لاء هقعد هنا على الكنبه
ميرفت :- راحت قعدته على الكنبه ودخلت جابت مخده وحطتها وراه ضهره وقالت رجع ضهرك لوراه وأسند عليها
حمزه:- لالالا مش عايز
ميرفت :- هتتعب كده اسمع بس الكلام ومسكته من كتفه وقالت يلا بس
حمزه :- رجع لوراه وشعر ميرفت جه على وشه نفسه سرع وقال احم خ.خ.خلاص يا ميرفت انا هظبط نفسى
ميرفت :- بعدلك علشان تبقى مرتاح
حمزه :- بصوت واطى انا كده تعبت اكتر
ميرفت :- بصت ليه وقالت بتقول حاجه يا حمزه
حمزه :- بص فى عينيها وبعدين بص على شفايفها وغمض عينه وقال ل.ل لا بس احم كفايه كده
ميرفت :- حاضر ورجعت وقفت تانى وقالت هدخل اغير هدومى وهعملك لقمه
حمزه :- لا نامى شويه انا مش جعان
ميرفت :- لاء لازم تاكل انت من امبارح على لحم بطنك
حمزه:- ماشى اللى تشوفيه
ميرفت :- دخلت غيرت هدومها وخرجت دخلت المطبخ وبصت فيه وقررت هتعمل ايه وبدأت تعمل الاكل وبعد وقت خلصت الاكل وحضرته فى صنيه وخرجت بى اتفاجئت أن حمزه نام راحت عنده وقالت حمزه حمزه
حمزه:- مردش عليها
ميرفت :- يا حمزه قوم كل الاول وبعد كده نام تانى
حمزه :- اممممم
ميرفت :- يا حمزه رد عليا
حمزه :- بعصبيه امشى بقى علشان مخربش عليكى
ميرفت :- انت بتقول ليا انا الكلام ده
حمزه :- امممممم
ميرفت :- يووووه بقى شكله نومه تقيل اعمل انا ايه دلوقتى حرام اسيبه من غير اكل وقربت منه وقالت حمزه قوم كل يلا
حمزه :- ميرفت
ميرفت :- ايوه يا حمزه انا جنبك اهو قوم يلا وشافت وشه كله عرق حطت ايديها على وشه لاقت درجة الحرارة عنده عاليه جدآ قلقت عليه وقامت عملت زى ما الدكتور قال ليها وقعدت جنبه على حرف الكنبه تعمل ليه كمادات لحد ما عينيها راحت فى النوم وراسها وقعت على كتف حمزه وبعد فتره طويله فاق حمزه وحس بحاجه على كتفه بص لاقه ميرفت نايمه على كتفه والفوطه مبلوله ومحطوطه على راسه عرف أن هى نامت وهى بتعملوا الكمادات بصلها بحب ومشى أيده على وشها وبسها بوسه رقيقه على خدها وفى الوقت ده بدأت ميرفت تحرك راسها وحمزه عمل نفسه نايم
ميرفت :- فتحت عينيها لاقت نفسها نايمه فى حضن حمزه والفوطه على راسه قامت بسرعه وحطت ايديها على راسه واطمنت لما لاقت الحراره نزلت شالت الفوطه جنبها ومشيت ايديها على وشه وقربت من خده وبسته بوسه رقيقه
حمزه :- حرك وشه وقرب من شفايفها وبسها بوسه طويله
ميرفت :- اتفاجئت بحركة حمزه وحاولت تبعد عنه معرفتش
حمزه :- بعد وقت طويل بعد عن شفايفها وهو بينهج وحط راسه على راسها وقال مدام انتى كده منعانى اقرب منك ليه
ميرفت :- اتكسفت ووقفت وقالت حمزه انت وعدنى مش هتعمل كده تانى وبعدين انت بتضحك عليا كنت صاحى وعامل نفسك نايم
حمزه :- غصب عنى يا ميرفت مقدرتش امنع نفسى وبعدين قولت اعمل نفسى نايم اشوفك هتعملى ايه
ميرفت :- اتكسفت وغيرت اتجاه وشها وقالت ه.ه.هروح احضرك الاكل ولسه هتمشى
حمزه :- مسكها من ايديها وقال استنى يا ميرفت
ميرفت :- ن.ن.نعم
حمزه :- اقعدى وشاور بأيده على الكنبه
ميرفت :- ها
حمزه :- متخفيش يا بنتى انا كده كده مش هقدر اعمل حاجه انتى مش واخده بالك أن دراعى مصاب
ميرفت :- احم ح.ح.حاضر وقعدت جنبه على الكنبه
حمزه :- مسك ايديها وقال ميرفت انتى بتحبينى
ميرفت :- ها ل.ل.ليه بتسألنى السؤال ده
حمزه :- بلاش تردى على سؤالى بسؤال
ميرفت :- حاولت تقوم وقالت ه.ه.هقوم احضرك تاكل
حمزه :- استنى يا ميرفت بلاش تهربى منى ردى على سؤالى
ميرفت :- ح.ح.حمزه ارجوك ا.ا.انت كده بتحرجنى ارجوك
حمزه :- يا ميرفت انا جوزك مش واحد غريب
ميرفت :- ع.ع.عارفه ب.ب.بس بلاش تضغط عليا سيب الأمور تمشى زى ما هى عايزه
حمزه :- قرب ايديها من شفايفه وبسها برقه وقال انا مش هتغط عليكى يا ميرفت هسيبك براحتك ومش هقرب منك غير لما تكونى انتى اللى عايزه بس عايزك تعرفى أن انا اتغيرت كتير اوى على ايدك بحس معاكى بأحساس عمرى ما عشته ولا حسيت بى نظرت عيونك ليا بتنسينى الدنيا كلها بغرق جواهم وفى نفس الوقت قلبك بحسه المنقذ ليا من الغرق ده جوايا حاجات كتير بحسها لما بتكونى جنبى وقصاد عينى ولما بكون فى الشغل ببقى مش مركز فى اى حاجه بسبب التفكير فيكى اللى عايز اقولو ليكى انتى بقيتى حاجه مهمه اوى فى حياتى
ميرفت :- كانت بتسمع الكلام ده وحاسه أن قلبها هيطير من كتر الفرحه بصت على الأرض بكسوف وقالت احم ه.ه.هقوم احضرك الاكل عن اذنك وقامت تجرى دخلت المطبخ وحطت ايديها على قلبها وقالت بحب بحبك بحبك بحبك واتنهدت بحب وقالت يارب صبرنى احسن حاسه ان قلبى هيوقف عليا من قربه ليا وراحت سخنت الاكل وحضرته فى صنيه وراحت عند حمزه بس قبل ما تظهر سمعت صوت حمزه بيتكلم فى التليفون وقفت مكانها مصدومه لما سمعت كلام حمزه
عند حمزه

كان قاعد سعيد ومبسوط وبيفكر فى ميرفت تليفونه رن برقم تامر رد عليه وقال
حمزه:- تمور عامل ايه يا صاحبى
تامر :- تمور مين معايا
حمزه :- يا متخلف مش انت اللى متصل بيا يا اهبل
تامر :- انت حمزه صاحبى ده انت عمرك ما دلعتنى وقولتلى يا تمور هو الصعيد بيغير اوى كده
حمزه :- تصدق أن انا غلطان
تامر :- لاء عندك اثبت على تمور دى معجزه يا اخى
حمزه :- عامل ايه مع البنت اللى بتحبها لسه رفضاك
تامر :- لاء الحمدالله وافقت عليا
حمزه :- بفرحه بجد مبروك يا صاحبى
تامر :- لاء ما هى وافقت واخوها رفض ههههههههه
حمزه:- اخوها رافض انو واحد
تامر :- هو فيه غيره ادهم الحناوى
حمزه :- بنأدم ثقيل ورفضك ليه أن شاءالله
تامر :- علشان صاحبك
حمزه :- لا والله
تامر :- اه والله علشان انا وانت أصحاب فبينتقم منك فيا انا
حمزه :- اصبر عليا بس قربت أوقعه هكشف ورقه كله وسعتها هوقعه فى شر اعماله
تامر :- ازاى مش فاهم
حمزه :- انا اتجوزت السكرتيره اللى كانت شغاله عنده سكرتيرته الخاصه وتعرف كل حاجه عن شغله واكيد عارفه كل قذراته واكيد بما انا جوزها هتقولى كل حاجه عنه وسعتها بقى هيكون معايا دليل ضده وهرميه فى الحبس
تامر :- اتجوزت امته ده
حمزه :- مش مهم دلوقتى الاسئله دى اجهز علشان يومين بالكتير وهيكون عندك كل كبيره وصغيره عنه
تامر :- بس فيه حاجه لازم تعرفها
حمزه :- ايه هى
تامر :- احم ادهم واختك داليا اتجوزو
حمزه :- بصدمه وعصبيه ايه انت بتقول ايه
تامر :- هو ده اللى حصل امبارح يا حمزه
حمزه :- ازاى حصل ده ازاى يتجوزو بعد اللى عملوا فيهم هما مش بيفهموا حصل ازاى ده يا تامر
تامر :- حكى اللى حصل معاهم لحد ما دخلت داليا المستشفى وكتبوا الكتاب
حمزه :- بعصبيه تلاقى لعبه من الاعيبه ولوى دراع داليا علشان تتجوزه ااااااااه شغلى هنا مقيدنى اااااااه لو كنت هناك كان زمان مطلع روحو فى ايدى انا هحاول انزل بأى طريقه اقفل يا تامر دلوقتى
تامر :- اهدا يا حمزه طيب
حمزه :- بعصبيه اقفل يا تامر اقفل وقفل التليفون مع تامر وحدفه جنبه وقال عااااااااااااااا يا ادهم الكلب ااااااااه مش هسيبك يا ****** مش هسيبك وفى الوقت ده شاف ميرفت واقفه قصاده ودموعها نازله منها
ميرفت :- بدموع ليه تعمل معايا كده ليه.
حمزه :- وقف وقال تقصدى ايه مش فاهم
ميرفت :- حرام عليك تستغل ضعفى واحتياجى ليك يعنى كل كلمه قولتها ليا كانت كدب بتستغل ضعفى علشان اقولك اسرار ادهم وتنتقم منه بتضحك عليا علشان مصلحتك عملت ليك ايه علشان تعمل فيا كده ليه منك لله يا حمزه منك الله انت واحد كداب وغشاش اهم حاجه عندك مصلحتك وبس انا بكرهك يا حمزه بكرهك ووقعت الاكل اللى فى ايديها فى الارض وطلعت تجرى على اوضتها وقفلت الباب بالمفتاح وقعدت وراه وقعدت تعيط وتحط ايديها على بؤقها علشان تكتم صوتها
حمزه :- طلع يجرى وراها وقعد يخبط على الباب وقال ميرفت افتحى يا ميرفت
ميرفت :- طلقنى يا حمزه انا مش طايقه ابص فى وشك تانى طلقنى ارجوك
حمزه :- افتحى بس والله العظيم مكذبتش عليكى كل كلمه قولتها ليكى كانت من قلبى بجد انا بحبك يا ميرفت انا منكرش أن انا اول ماعرفت انك انتى كنتى سكرتيرة أدهم الخاصه فرحت وقولت استغلك واخد منك كل اسرار ادهم بس بعد موت ابوكى حسيت انك ملزومه منى ولما قربت منك حبيتك بجد كل كلمه قولتها كانت صادقه اقسم بالله
ميرفت :- كداب يا حمزه مش مصدقاك انا لسه سمعاك وانت بتقول لصاحبك انك هتعرف منى كل حاجه عن أدهم
حمزه :- ايوه انا قولت كده وكنت فعلا هسألك بس كنت هقولك الحقيقه وهعرفك كل حاجه يعنى انا مكنتش هضحك عليكى والله ميرفت انا على ايدك انتى بقيت شخص تانى خالص قبل ما اقبلك واحبك كنت شخصيه صعبه اوى محدش قدر يغيرنى انتى بس اللى قدرتى تعملى ده خلتينى احب الحياه الضحكه متفرقش شفايفى عرفت معنى الحياه على ايدك يا ميرفت ارجوكى يا ميرفت بلاش تتسرعى وتحكمى عليا من كلام عبيط ملهوش اى معنى
ميرفت :- طلقنى يا حمزه انا بجد مصدومه فيك وعمرى ما هقدر انسا أن انا كنت بالنسبه ليك جاسوسه متجوزها علشان تدخل حرب ملهاش فيها انا بكرهك يا حمزه وقعدت تعيط
حمزه :- بالله عليكى افتحى يا ميرفت بصى فى عيونى وانا بتكلم هتشوفى صدق كلامى والله العظيم بحبك
ميرفت :- امشى يا حمزه سبنى فى حالى ارجوك امشى
حمزه :- راح قعد على الكنبه وحط أيده على دراعه المصاب بألم وغمض عينه بتعب
ميرفت :- ضمت رجليها عند صدرها وهى وراه الباب وحطت راسها على رجليها وقعدت تعيط
~•~•~•~•~•~•~•~•~•~•~•~•~•
فى اسكندريه

فى شقة فاطمه

دخلت فاطمه اوضتها لاقت العلبه الملفوفه اللى فيها الفستان على السرير راحت قعدت جنبها واخدتها وفتحتها وطلعت الفستان منها ووقفت قدام المرايا وحطته على جسمها وبصت على نفسها وابتسمت ومره واحده الابتسامه اختفت وقعدت على السرير ودموعها نزلت منها وقالت

فاطمه :- كان نفسى افرح بيك زى اى بنت إنما الموضوع مجرد لعبه تمثليه فاشله آخرها كل واحد مننا هيروح فى طريق مختلف عن التانى
وفى الوقت ده الباب اتفتح مسحت دموعها بسرعه وقالت ماما تعالى
ام فاطمه :- شوفتى العلبه اللى جت ليكى
فاطمه :- ا.ا.ايوه يا ماما ده فستان مشتريه ليا أكرم علشان النهارده
ام فاطمه :- انا فرحانه ليكى بجد أن ربنا بعت ليكى واحد زى أكرم ده راجل بجد وشكله بيحبك من قلبه وابن ناس ومحترم ده من دعاى ليكى يا حبيبتى فكره لما كنتى زعلانه لما سبتى رامى قولتلك متزعليش اكيد ربنا عمل كده علشان شايلك الاحسن ربنا مش بيجيب حاجه وحشه لحد
فاطمه :- ونعمه بالله يا ماما
ام فاطمه :- اللى عايزاه منك بقى حافظى على أكرم واوعى تخسريه قليل اوى لما تلاقى شاب فى سنه ومحترم وراجل بجد فى كلمته يكفى لما حبك جه خبط على باب أهلك معملش زى بتوع اليومين دول اتسلى بيكى شويه وبعد كده خلع امسكى فيه بأيدك وسنانك
فاطمه :- بتريقه اه فعلا حاضر يا ماما همسك فيه بسنانى لحد ما اطلع لحمه فيهم
ام فاطمه :- با بت بلاش تريقه انا بكلمك بجد مش كل حاجه واخدها هزار
فاطمه :- لاء متخفيش بعد كده هاخد كل حاجه جد بس مش جد اوى يعنى
ام فاطمه :- بطلى لماضه
فاطمه :- ما خلصنا يا ست الحبايب بقى عايزه الحق اجهز
ام فاطمه :- يا اختتتتتتى اللى فيكى فيكى انا تعبت منك ومن الكلام معاكى
فاطمه :- خلاص بلاش تتكلمى بعد كده خلينا نتعامل مع بعض بلغة الإشارة وانا هفهمك والله
ام فاطمه :- اللهم لا أسألك رد القضاء ولكن أسألك اللطف فيه انا طالعه يخربيتك هتشلينى وسابتها وخرجت
فاطمه :- بعد الشر عليكى يا ست الحبايب من الشلل وقامت تجهز نفسها واخدت شاور وخرجت لبست الفستان وجهزت نفسها ومر الوقت ووصل أكرم وأهله واستقبلهم ابو فاطمه ودخلهم اوضت الاستقبال ورحب بيهم
منير :- امال فين عروستنا
انور ابو فاطمه :- جوه ادخلى يا ام فاطمه هاتيها
ام فاطمه :- حاضر يا اخويه وقامت تجبها
منير :- ربنا يحميها ليك ويحرسها بجد بحيييك على تربيتها ربنا يعلم انا حبيتها قد ايه ودخلت قلبى ازاى
انور :- ربنا يخليك ده من ذوقك والله فاطمه بنتى طول عمرها محبوبه وسط الناس بسبب خفة دمها وحضورها فى اى مكان
وفاء :- فعلا خفة دمها موصفتش ربنا يخليهالك يارب
جاسمين :- كانت قاعده ومتغاظه جدآ
ايه :- قربت من جاسمين وقالت براحه على نفسك احسن من كتر الغيظ هتفرقعى
جاسمين :- اتلمى يا ايه مش نقصه رخامتك
وفى الوقت ده دخلت فاطمه وكانت مكسوفه وبصه فى الارض
أكرم:- اول ما شافها فتح بؤقه وتنح وقال هى فين فاطمه يا عمى
انور :- هههههههه سلامة نظرك يا ابنى ما اهى قدامك
أكرم :- احلف
انور :- ههههههههه سبحان الله خفة دمكم واحده هههههههه
ايه :- الللللله يا بختك يا ابن المحظوظه مزه مزه يعنى
وفاء :- بنت اتكلمى بأسلوب عدل
ايه :- الله بجد والله فاطمه مزه طلقه ده انا كبنت سحت على نفسى من جمالها محال بقى كرومتى
فاطمه :- بكسوف احم ش.ش.شكرآ يا ايه انتى احلى اكيد
منير :- تعالى جنبى يا حبيبتى
فاطمه :- بصت لابوها
انور :- روحى يا بنتى ما ده ابوكى التانى
فاطمه :- راحت قعدت فى النص ما بين أكرم وابوه
أكرم :- قرب منها وقال على فكره انتى حلوه اوى
فاطمه :- بصوت واطى ده تبع التمثيليه برضه
أكرم :- ها ل.ل لا ده تبعى انا
فاطمه :- شكرآ
أكرم :- العفو
جاسمين :- كانت بتبص عليهم وهى متغاظه وعماله تهز فى رجليها
منير :- بص يا حاج انور انا بطلب ايد بنتك لابنى أكرم ايه رأيك
انور :- انا عن نفسى موافق المهم رأى العروسه
وفاء :- ها ايه رأيك يا عروستنا
فاطمه :- احم م.م.موافقه
انور :- على خيرة الله العروسه وافقت
منير :- تمام بص بقى يا حاج عروستنا هتعيش معانا فى الفيلا ليهم دور خاص بيهم هما مقفول عليهم يعنى مفيش اى حاجه تقيد حريتهم وتنزل تختار الفرش اللى هى عايزاه كله ايه رأيك
انور :- طيب واحنا علينا ايه
منير :- يا حاج انور مش هتفرق احنا ولا انتو المهم هناخد بنت متربيه ومن بيت اصول
انور :- يا عم ربنا يكرم اصلك بس بنتنا هنجيبو ليها احلى حاجه انتو هاتو اللى عليكم وانا هجيب لبنتى حاجتها زى اى عروسه
أكرم :- يا عمى حضرتك ليه بتعمل فرق بس احنا مش محتاجين غير شنطة هدومها وانا الحمدالله معايا ومقتدر اقدر اجبلها اللى هى عايزاه كله
انور :- يا حبيبى مينفعش احنا الحمدالله مستوره معانا وفلوس فاطمه شيلنها ليها هنجيب ليها احسن حاجه زى اى عروسه انتو هاتو اللى عليكم بس وان شاءالله الحاجه اللى هجبها انا ليها هتبقى فى نفس مستوى حاجتكم
منير :- اللى تشوفه يا حاج مش هتفرق وان شاءالله الاسبوع الجاى زى النهارده هتبقى الخطوبه وكمان شهر الفرح
فاطمه :- بصدمه كمان شهر اللى هو ازاى وبصت لأكرم
أكرم :- بصوت واطى اقعدى دلوقتى يا فاطمه
منير :- مالك يا حبيبتى معترضه على اى حاجه
فاطمه :- ها ل.ل.لا يا عمى
منير :- من هنا ورايح مفيش عمى دى انا بابا ووفاء ماما فاهمه انتى دلوقتى زيك زى ايه بنتى
ايه :- لاء ده الواضح كده هى اكتر شويه عمرك قولتلى قوليلى يا بابا ده انا اللى برمى البلى علطول وبقولكم بابا وماما بلطجه
ام فاطمه:- هههههههههههه شكلك مصيبه انتى كمان يلا هتبقو مصيبتين فى بيت واحد ربنا يستر ويعينهم عليكم
ايه :- ربنا يخبر بخاطرك با ابلتى
وفاء :- يا بت حطى لسانك جوه بؤقك شويه خلى بابكى يعرف يتكلم مع الراجل
ايه :- احم سورى
منير :- ايه رأيك يا حاج انور
انور :- الخطوبه الاسبوع الجاى معنديش اى مشكله إنما الفرح بعد شهر ده صعب اوى مش هنلحق نشترى ليها حاجه
منير :- ليه بس يا حاج شهر كويس اوى اننا نخلص كل حاجه فيه انا عن نفسى هبدء من بكره اشتغل فى الدور بتاعهم والحاجه هتيجى فى يوم او يومين بالكتير
انور:- بص لام فاطمه وقال هتقدرى تجيبى حاجتها فى شهر
ام فاطمه :- ايوه يا حاج هقدر اخلصها قبل الشهر
انور :- يبقى على خيرة الله
فاطمه :- بصوت واطى لاكرم ممكن تفهمني ايه موضوع الجواز فى شهر ده
أكرم :- أهدى يا بنتى متخفيش قبل الشهر هتمشى جاسمين والموضوع هيخلص قبل الفرح
فاطمه :- حست بوجع فى قلبها وحبست دموعها وقالت اه طيب طمنتنى
منير :- نقرأه الفاتحه بقى وبكره العريس يجى ياخد العروسه ويشترى ليها الشبكه اللى هى عايزاه
انور :- أن شاءالله والكل قراه الفاتحه وبدأت ام فاطمه تزرغط والكل يبارك لفاطمه واكرم
فاطمه :- كانت حاسه بكسره ووجع فى قلبها ومسكه دموعها بالعافيه
أكرم :- كان حاسس بفرحه كبيره من جواه
جاسمين :- كانت هتموت من الغيظ وبتفكر ازاى تبعدهم عن بعض
وفاء :- طيب احنا ممكن نسيب العرسان مع بعض ونطلع نتكلم مع بعض براحتنا
انور :- اه طبعآ اتفضلوا معانا وخرجو بره وسابو أكرم وفاطمه وايه مع بعض فى الاوضه
أكرم :- بص لايه وقال ايه
ايه :- ايه
أكرم :: كتك اوه بينادو عليكى بره
ايه :- محدش يا ابنى بينادى
أكرم :- يخربيت ام التخلف
فاطمه :- على فكره هى مش جيباه من بره زيك بالظبط
أكرم :- نعم يا اختى
ايه :- لالالا يا جماعه بلاش تحسسونى أن انا السبب فى زعلكم بس ازاى يا طمطم تقولى ليه أن انا طالعه متخلفه زيه عايزه الصراحه هو متخلف اكتر منى والبعيد مش بيفهم خالص
فاطمه :- عندك حق وربنا
أكرم :- وايه كمان يا اختشى منك ليها
ايه :- انا مقولتش حاجه دى طمطم اللى بتقول
فاطمه :- بصت ليها بغيظ وقالت والله
أكرم :- ايه كلمى بابا
ايه :- لاء ما هو مش هينادى عليا ده اكتر واحد فرحان أن انا مش قاعده معاهم بره مستريح اوى منى الراجل ده طيب اوى الصراحه
أكرم :- الصبر من عندك يا رب
ايه :- ليك حق تتعصب الصراحه
أكرم :- يعنى قصداها
ايه :- ازاى ميجبوش لينا حاجه نشربها ده استهتار ليك حق تتعصب
فاطمه :- ههههههههههه ذنب ناس بتخلصه ناس
أكرم :- قام وقف ومسكها من هدومها وقال انتى مش هينفع معاكى غير كده
ايه :- ايه ده انت عايزنى أخرج طيب مقولتش ليه يا جدع انا خارجه بلاش تتعصب وتتهور وحطت ايديها على قفاها وقالت اصل انت زعلك وحش اوى الصراحه وخرجت تجرى وسابتهم
أكرم :- عيله رخمه
فاطمه :- على فكره دمها زى العسل
أكرم :- خديها يا اختى واشبعى بيها
فاطمه :- انا عن نفسى مش معترضه انما الاعتراض هيجى من ماما دى هتتشل منى امال بقى لما نبقى اتنين هتعمل ايه
أكرم :- هتنتحر
فاطمه :- بعد الشر
أكرم :- بقولها بهزار مش قصدى حاجه
فاطمه :- ماشى ممكن بقى تقولى افرض بنت عمك قعدت لحد الفرح هيبقى ايه العمل أن شاءالله
أكرم :- لا متخفيش هى مش هتستحمل تشوفنى مع غيرها هتسافر قبل الفرح
فاطمه :- احم ماشى لما نشوف اخرتها معاكم ايه
أكرم :- بس ايه الجمال ده انا معرفتكيش اول ما شوفتك
فاطمه :- انا جميله طول عمرى بس انت اللى اعمى ومش بتشوف
أكرم :- لاء مش اوى كده
فاطمه :- لاء انا شايفه نفسى كده ملكش فيه
أكرم :- ههههههههههه يا واد يا واثق في نفسك يا جميل
فاطمه :- هو ليه مكرم مجاش
أكرم :- بغيظ وبتسألى عنه ليه
فاطمه :- عادى اصل المفروض كان جه معاكم
أكرم :- لاء اخويه مكرم ملهوش فى الجو ده يعنى بيحب تملى يكون مع نفسه ده يوم العزومه جه معانا المطعم بالعافيه تملى اى اجتماع متلقهوش فيه
فاطمه :- بس انت لما جيت اشترى الفستان قولتلى مكرم هيكون موجود
اكرم:- ايوه على أساس أن هو قال لو فضه هيجى معانا وقبل ما نيجى قال إن هو نازل وراه مشوار مهم ومش هيقدر يجى معانا
فاطمه :- ماشى
أكرم :- صح نسيت اقولك
فاطمه :- ايه
أكرم:- انتى حلوه اوى على فكره
فاطمه :- هههههههههه والله
اكرم:- والله وبعدين على رأى البت ايه ازاى نقعد كل ده ومنشربش حاجه ده تسيب ده استهتار
فاطمه :- هههههههههههههه
اكرم :- سرح فى ضحكتها وقال تعرفى أن ضحكتك حلوه اوى
فاطمه:- اتكسفت وبصت فى الارض وقالت ش.ش.شكرآ
أكرم :- ايه ده يا طمطم هو انتى من البنات اللى بتتكسف وبتبص فى الارض
فاطمه :- بصتله بغيظ وقالت تصدق انك بنأدم فصيل وقامت وقفت ولسه هتمشى
أكرم.:- مسكها من ايديها وقال استنى هنا رايحه فين يا مجنونه
فاطمه :- بصت على ايد أكرم اللى ماسكه ايديها واتوترت وقالت احم خ.خ.خارجه ليهم بره
أكرم :- وتسبينى لوحدى
فاطمه :- تعال معايا نقعد معاهم بره وبعدين قالت أكرم سيب ايدى
أكرم:- ساب ايديها وقال س.س.سورى ووقف وقال تعالى نقعد معاهم بره وخرجو قعدو كلهم مع بعض وبعد وقت طويل روح أكرم وأهله الفيلا بتاعتهم
~•~•~•~•~•~•~•~•~•~•~•~•~•
فى فيلا ادهم الحناوى

كان قاعد ادهم على كرسيه المفضل وعمال يهزو وبيبص لسقف وساكت وفى الوقت ده جرس الباب رن وقف الكرسى وبص على الباب وعرف انها داليا قام فتح الباب وقال

ادهم :- لسه بدرى يا هانم
داليا :- دخلت ومردتش عليه
ادهم :- اتغاظ ومسكها من شعرها وقال لما اكون بكلمك تردى عليا فاهمه
داليا :- سيب شعرى يا ادهم احسن والله مش هيحصلك كويس
ادهم :- لاء خوفتينى يا بت
داليا :- زقته وقالت انت اكيد مش طبيعى سيب شعرى بقولك
ادهم :- زقها وقعها فى الارض وقال انتى لسه مشوفتيش منى حاجه
داليا :- وقفت وقالت كل يوم بتثبت ليا انك واحد ضعيف يا ادهم انت اضعف خلق الله
ادهم :- انتى لو شوفتى قويتى مش هتعيشى يوم واحد فى الدنيا دى
داليا :- ليه بقى أن شاءالله مهما كانت قوتك فيه اقوى منك بكتير ربنا يا ادهم وصح انت هتعرف ازاى ربنا وانت عمرك حتى ما ركعت ليه
ادهم :- بلاش انتى تتكلمى بصى لنفسك الاول قبل ما تنصحى الناس
داليا :- الحمدالله انا شايفه نفسى كويس اوى على الأقل بأدى فرضى بقراه فى كتاب ربنا تملى لبسى محتشم الى حدآ ما واهم حاجه عمرى ما جيت على ضعيف واستقويت عليه وظلمته زى ما انت بتعمل
ادهم – اتغاظ وقال معايا الشيخه داليا فى البيت
داليا :- انا مش شيخه ياريت ابقى شيخه بس عارفه اصول دينى وبلتزم بى الدور والباقى على اللى شبهك اللى هيفضلو طول عمرهم كده مسقوين على الناس الغلابه
ادهم :- راح عندها ومسكها من دراعها وقال انتى لسه شوفتى حاجه منى ده انا هخليكى تتمنى الموت ومطلهوش
داليا :- شدت دراعها وقالت مش بقولك انت جاهل فى دينك الموت بأيد الله يا ادهم مش بأيدك انت كلامك ده مش بيهزنى لان معايا الاقوى منك معايا ربنا
ادهم :- بغيظ وعصبيه انتى ايه ها عايزه توصلينى لايه ومسك تحفه حدفها فى الارض
داليا :- بكل هدوء قالت تصدق انت صعبان عليا اه والله واحد زيك بكل فلوسه دى مش قادر يكون سعيد عايش وحيد حتى اعز أصحابه بعهم انت اضعف مخلوق على الأرض انت هتعيش منبوذ فى مجتمع البقاء فيه للاقوى عن اذنك ومشيت لحد السلم ووقفت وقالت اه نسيت اقولك انا لاقيت مجله هشتغل فيها من بكره ناسها محترمين مش بيمشوا بفلوس حد ومشيت خطوتين ووقفت وقالت. اه مش هتقدر تشمعها اصلهم ناس معاهم حصانه مش بقولك انت ضعيف عن اذنك وسابته وطلعت على اوضتها
ادهم :- بصوت عالى ماشى يا داليا ورينى هتعرفى تخرجى ازاى وتروحى الشغل وورينى التحدى بتاعك ولا التحدى بتاعى
داليا :- سمعت كلامه وحطت ايديها على ودنها ودموعها نزلت منها وحدفت نفسها على السرير وقعدت تعيط
ادهم :- بص لفوق شويه وبعدين فتح الباب وخرج ركب عربيته ومشى بيها
داليا:- اول ما سمعت صوت الباب بيتفتح طلعت تجرى بصت من وراه الشباك شافت ادهم وهو خارج حطت ايديها على بؤقها وقعدت تعيط لما اتخيلت أنه رايح يقابل بنات فى الكباريهات
~•~•~•~•~•~•~•~•~•~•~•~•~•
فى فيلا خالد

فى اوضت سندس

كانت قاعده على الفون بتاعها وبتابع روايه جالها طلب صداقه فتحته لاقته بأسم مؤمن قعدت تفكر مين مؤمن دخلت البروفايل بتاعه وشافت الصور وافتكرت أن مؤمن اخو داليا فرحت وقبلت طلب الصداقه وفى الوقت ده لاقت منه إشارة ترحيب ردت عليه بنفس الاشاره

مؤمن :- هاى
سندس :- هاى مش انت مؤمن اخو داليا
مؤمن :- صح كويس انك عرفتينى
سندس :- الاول معرفتش انت مين وانا مش بقبل اولاد عندى بس لما دخلت عندك وشوفت صورك عرفت أنه انت علشان كده قبلتك
مؤمن :- وده شرف ليا يكون عندى صديقه أموره وزى العسل زيك
سندس :- بكسوف ميرسى انا فرحت اوى لما أبيه أدهم اتجوز دولى اصل انا حبيتها اوى
مؤمن :- واحنا كمان حبناكى
سندس :- احم شكرآ
مؤمن :- كنتى قاعده بتعملى ايه بقى
سندس :- احم ولا حاجه قاعده بقراه روايه من على الفيس
مؤمن :- روايه انتى من البنات اللى بتعيش جوه الروايات والنظام ده
سندس :- انا مدمنة روايات اصلا وكمان بكتب روايات وبنشرها الكتروني
مؤمن :- ايه فى السن ده انتى لسه صغيره يا سندس ازاى بتعملى كده ودراستك
سندس :- وايه المشكله مدام مش مأثر عليا فى دراستى يبقى ايه المانع
مؤمن :- حاجات كتير اوى تمنع اولا الخبره ثانيآ انتى صغيره وساعات بتصورى مشاهد أو لقاء خارج ازاى تقدرى تعملى كده فى سنك ده أهلك عارفين بكده بقى
سندس :- لاء طبعآ محدش منهم يعرف اصلا عمر ما حد من اهلى سألنى انتى بتعملى ايه بتقضى يومك ازاى متابعه ايه هوايتى ايه انا لما اتجهت لعالم الروايات ده اتجهت علشان اقضى فيه وقتى ويومى عارفه أن غلط أن اعمل كده فى سنى ده يمكن لو لاقيت اهتمام من اهلى كنت معملتش كده
مؤمن :- ربنا يصلحلك الحال عمومآ انا سعيد بكلامى معاكى وسعيد اننا بقينا اصدقاء
سندس :- انا اكتر
مؤمن :- هسيبك تكملى اللى كنتى بتعمليه باى
سندس :- باى وقفلت الفون بتاعها وقعدت تفكر فى كلام مؤمن ليها
~•~•~•~•~•~•~•~•~•~•~•~•~•
فى شقة منتهى

كانت بتكلم علاء فى التليفون وهى متعصبه وكان علاء بيحاول يهديها

علاء :- ممكن تهدى
منتهى :- انت شيفنى مجنونه قدامك ما انا هاديه اهو
علاء :- يا ستى انتى ست العاقلين بس مفيش داعى للعصبيه دى انا عملت كده لمصلحتك
منتهى :- مصلحتى انك تمنعنى من أن اروح اقف مع صديقة عمرى فى فرحتها
علاء :- دى حاجه خصوصيه مينفعش تدخلى انتى فيها فى الخطوبه ابقى روحى براحتك
منتهى :- انا مش عارفه هبص فى وشها تانى ازاى ايه خلانى اسمع كلامك بس
علاء :- علشان انتى بتحبينى صح
منتهى :- بكسوف ا.ا.ايه اللى انت بتقولو ده ا.ا.انا سمعت كلامك علشان حسيت انك زعلت لما قولتلك أن انا هروح مش اكتر
علاء :- وخوفتى على زعلى ليه بقى
منتهى :- ها
علاء :- توته انا اعترفتلك بحبى وقولتلك مش هغصب عليكى تقوليها ليا بس نفسى بجد اسمعها منك علشان قلبى يطمن
منتهى :- احم م.م.ما انا طمنتك و.و.وقلتلك هستناك لحد ما تقنع مامتك
علاء :- عارف بس نفسى تقوليلى انا بحبك يا علاء هتدينى دافع كبير اوى
منتهى :- ع.ع.علاء ا.ا.انا لازم اقفل دلوقتى ه.ه.هبقى اكلمك بعدين باى
علاء :- استنى هنا متهربيش منى
منتهى :- احم مش بهرب بس بجد لازم اقفل دلوقتى
علاء :- ماشى يا توته بس هستنا اسمعها منك قريب اوى
منتهى :- أن شاءالله باى وقفلت معاه التليفون واتنهدت وقالت يخربيت كده كلامه بينسينى عصبيتى وفى الوقت ده تليفونها رن بصت لاقتها فاطمه قالت ده انا هاخد تهزيئ بعمرى وفتحت وقالت اذيك يا عروسه
فاطمه :- عرسه لما تعضك من صرصور ودنك يا بعيده مجتيش ليه يا بت
منتهى :- أهدى بس يا طمطم هقولك ا.ا.اصل احم ع.ع.علاء قالى مينفعش احضر الاتفاقات دى ومرضاش ينزلنى
فاطمه :- نعممممممممم يا روح النونه علاء مين ده اللى يمنعك تيجى عندى لاء بقولكم ايه المراره مش نقصه فقع بالله عليكم شغل التحكمات ده مليش فيه انا
منتهى :- ما هو انا مسكتش ليه واتعصبت عليه
فاطمه :- والله
منتهى :- اه والله
فاطمه :- وايه اللى حصل بعد كده
منتهى :- بلفنى بكلامه واتأثرت بي
فاطمه :- لاء بقولك ايه انا واحده ضغطها بيعلى ومش حمل السهوكه دى روحى يا شيخه وتعالى بسرعه
منتهى :- هههههههههه خلاص بقى يا طمطم انا اصلا كنت مكسوفه اجى وأحضر معاكم القاعده دى قوليلى بقى عملتو ايه
فاطمه :- ولا حاجه خطوبتى انا والمعدول الاسبوع الجاى والفرح الشهر جاى ده على اساس عصر السرعه وكده يعنى
منتهى :- بفرحه بجد مبروك يا بطه واخيرآ حلمك هيتحقق وهتتجوزى
فاطمه :- الله يبارك فيكى يا توته عقبالك انتى وعلاء يارب ويبقى احنا التلاته اتفك النحس بتاعنا عقبال ما ربنا يهدى ادهم على داليا يارب
منتهى :- يارب هتجن علشان اوصلها بس مش بترد على تليفونها خايفه عليها اوى
فاطمه :- دودى ميتخفش عليها داليا قويه وهتعرف تهد ادهم كويس اوى انا واثقه فيها
منتهى :- يارب يا طمطم
فاطمه :- ابن المعدوله بيرن عليا هرد عليه
منتهى :-ايوه يا عم الله يسهلوا باى يا بطتى وقفلت معها التليفون وقالت يارب قرب ليا البعيد ويهدى امك يا علاء ونتخطب احنا كمان بقى ونامت على السرير وقعدت تفكر فيه لحد ما عينيها راحت فى النوم
~•~•~•~•~•~•~•~•~•~•~•~•~•
فى فيلا خالد

فى اوضت فادى

كان قاعد بيتكلم فى تليفونه مع رودينا وقال

فادى :- انتى عارفه يا رودى اول مره شوفتك فيها وانتى داخله مكتب ادهم حسيت بملاك داخل علينا المكتب قولت مستحيل تكونى بشر زينا قولت انك حوريه ونازله علينا من السما واول ما خرجتى من المكتب والدموع فى عينيكى صعبتى عليا نزلت أجرى وراكى بس لاقيتك اختفيتى وكنت بحلم اقابلك تانى ولما نديتى عليا فى الشارع تانى مكنتش مصدق عنيا حسيت ان روحى اتردت فيا من جديد
رودينا :- بدموع انا مستهلش الكلام الحلو ده كله انت لسه متعرفنيش كويس يا فادى
فادى :- انا مليش دعوه بكل اللى فات يا رودينا انا ليا بس اللى جاى معاكى
رودينا :- بدموع بس للاسف الماضى عندى هيأثر علينا فى المستقبل
فادى :- انتى لسه متعرفنيش كويس يا رودينا انا واحد أهم حاجه عنده الحاضر عمرى ما بحاسب حد عرفته جديد على ماضيه ايه اصل احنا بشر محدش فينا مش بيغلط محدش اتولد ملاك كلنا بنغلط ولازم نسامح بعض على الأخطاء دى
رودينا :- يعنى مهما عرفت عنى عمرك ما هتكرهنى
فادى :- لاء عمرى ما هكرهك علشان انا بح
رودينا :- قطعته وقالت ارجوك بلاش تتسرع وتقولها خد وقتك قبلها كويس اوى وقولها فى الوقت المناسب ليها
فادى :- انا متأكد من مشاعرى ليكى يا رودى
رودينا :- بدموع بس برضه بلاش تقولها دلوقتى
فادى :- رغم ما انا متأكد من نفسى بس هسمع كلامك ومش هقولها دلوقتى
رودينا :- ياريت كنت عرفتك من زمان يا فادى ياريت تصبح على خير
فادى :- وانتى من أهله وقفل معاها وقعد يفكر فيها لحد ما عينه راحت فى النوم
~•~•~•~•~•~•~•~•~•~•~•~•~•
فى اوضت دينا

كانت قاعده بتسمع اغانى وتليفونها رن بتبص لاقته رقم تامر ابتسمت وردت عليه وقالت

دينا :- الو
تامر :- فيه مصيبه يا دينا
دينا :- بقلق خير يا تامر
تامر :- احنا وصلنا لجيجى بس للاسف بعد فوات الاوان
دينا :- يعنى ايه مش فاهمه
تامر :- يعنى جيجى اعترفت انها بعتت الصور دلوقتى حالا لاخوكى ادهم
دينا :- بصدمه ايه وفى الوقت ده الباب اتفتح بتاع اوضتها ودخل عليها ادهم وعينه كلها بطق شرار التليفون وقع من ايديها وقالت ا.ا.ادهم
ادهم :-………………
~•~•~•~•~•~•~•~•~•~•~•~•~•
بقلمى #دودومحمد