تمرد صحفيه بقلم {دودومحمد}

✍️⁩تمرد صحفيه ⁦✍️⁩ (22)

?الفصل الثانى وعشرون ?

فى الصعيد

فى المستشفى

دخلو حمزه المستشفى وهو مش حاسس بأى حاجه ومغمى عليه وكانت ميرفت منهاره من العياط وماشيه جنبه وماسكه أيده ودخلوه اوضت الكشف ودخلت معاه ميرفت بأنتظار الدكتور

ميرفت :- وهى ماسكه أيده والدموع نازله من عينها قالت قوم علشان خاطرى اوعى تسبنى لوحدى يا حمزه انت كل حاجه ليا فى الدنيا دى قوم يا حمزه امسك ايدى قولى انك هتفضل العمر كله تحمينى من شر الناس قوم يا حمزه قوم
حمزه :- داس على ايديها
ميرفت :- فرحت لما حست بحركة ايد حمزه وقالت حمزه ا.ا.انت كويس رد عليا ارجوك
حمزه :- بتعب بلاش دموعك دى ااااااه بلاش دموعك دى غاليين عليا اوى
ميرفت :- سيبك منى انت كويس
حمزه :- بتعب طول ما ايدك لمسه ايديه هكون كويس
ميرفت :- اتكسفت وبصت على ايديها وهى ماسكه أيده وشدتها براحه وقالت احم ب.ب.بلاش تتكلم كتير لحد ما يجى الدكتور يطمنى عليك
حمزه :- سبتى ايدى ليه
وفى الوقت ده دخل الدكتور علشان يكشف على حمزه
الدكتور :- ممكن حضرتك تخرجى بره
ميرفت :- ح.ح.حاضر ولسه هتخرج
حمزه :- خليها يا دكتور دى مراتى
الدكتور :- تمام خليكى وراح يكشف على حمزه
ميرفت :- اول ما شافت الدكتور بيقلع القميص لحمزه اتكسفت وغيرت اتجاه وشها
الدكتور :- تعالى يا مدام معايا
ميرفت:- ها
الدكتور :- اتحركى بسرعه مفيش وقت
ميرفت :- ح.ح.حاضر وراحت عند حمزه وساعدته فى تقليع قميص حمزه وهى متوتره
الدكتور :- كشف على حمزه ومد أيده مكان الرصاصه
حمزه :- اول ما الدكتور لمس مكان الرصاصه صرخ وقال ااااااااااااااه ومسك ايد ميرفت
ميرفت :- دموعها نزلت منها اول ما شافت حمزه بيتألم
الدكتور :- اسف
ميرفت :- طمنى يا دكتور
الدكتور :- متخفيش خير الرصاصه جت فى دراعه مفيش اى خطوره عليه هيدخل العمليات حالا وهنخرج الرصاصه وهيخرج بعد ما نطمن عليه علطول
ميرفت :- بفرحه شكرآ يا دكتور
الدكتور :- فى عندك لبس العمليات حضريه علشان يدخل كمان شويه ومشى وسابها
ميرفت :- اتصدمت وبصت على الدكتور وهو ماشى وبصت على حمزه لاقيته بيبتسم على كلام الدكتور رغم الالم اللى مرسوم على وشه
حمزه:- احم لو مكسوفه خليكى انتى انا هحاول اغير لوحدى
ميرفت :- ها ه.ه هتعرف لوحدك
حمزه :- هحاول بس سندينى اقف
ميرفت :- ح.ح.حاضر وراحت عنده قربت منه جدآ وحاولت تقومه
حمزه :- غمض عينه وهو شامم ريحة شعرها وسامع دقات قلبها السريعه من كتر الكسوف
ميرفت :- كانت حاسه ان قلبها هيوقف عليها من كتر الكسوف وبعد معاناه قدرت تساعد حمزه يوقف ولسه هتبعد عنه لاقته هيوقع رجعت مسكته تانى بسرعه وقعدته على حرف السرير
حمزه :- انا اسف متقل عليكى
ميرفت :- ل.ل لا عادى مفيش مشكله
حمزه :- حاول يكمل قلع القميص من الدراع التانى السليم مقدرش واتألم
ميرفت :- غمضت عينيها بتوتر وقربت منه وقلعته القميص خالص وهى ايديها بتترعش ولبسته الهدوم الخاصه بالعمليات وفى الوقت ده جت الممرضه علشان تاخده للعمليات اتغاظت ميرفت وقالت هو مفيش ايه حاجه يتنقل بيها
الممرضه :- لا يا فندم انا هسنده لحد اوضت العمليات
ميرفت :- نعم يا اختى واشمعنا ده اللى هتعملو معاه كده
الممرضه :- مدام المريض مش مصاب بحاجه خطيره ويقدر يمشى على رجله بنسنده بس لحد اوضت العمليات
ميرفت :- وهو حضرتك من قلة الرجاله انتى اللى هتسنديه
الممرضه :- حضرتك مش هتفرق انا ولا راجل ده شغلنا
حمزه :- عمال يكتم فى ضحكته على طريقة كلام ميرفت مع الممرضه وعلى غيرتها عليه
ميرفت :- بصت ليه بغيظ وبعدين بصت لممرضه وقالت انا اللى هوصله
الممرضه :- ممنوع حضرتك تدخلى اوضت العمليات
ميرفت :- هوصله لحد هناك وهو يدخل لوحده وبصت لحمزه وقالت ولا محتاج كمان حد يوصلك الحته دى
حمزه :-وهو بيكتم ضحكته لاء انا تمام وزى الفل واقدر ادخل لوحدى
ميرفت :- بصت ليه بغيظ وراحت عنده ووقفته بعصبيه وحطت أيده على كتفها ومسكته من وسطه ومشيت بى
حمزه :- كان فرحان بقرب ميرفت ليه وقرب اكتر ليها وحسس على كتفها براحه
ميرفت :- اتوترت وبلعت ريقها بصعوبه وبصت ليه وقالت ب.ب.بلاش تسوق فيها لو سمحت
حمزه :- بتمثيل مش عارف ليه دايخ وحاسس أن هقع شكلى فقد دم كتير
ميرفت :- والله
حمزه :- لو تقيل عليكى نادى لممرضه تيجى تساعدك
ميرفت :- بغيظ لاء مش تقيل ولا حاجه
حمزه :- قرب اكتر ليها وقال امسكى اكتر يا ميرفت احسن هقع
ميرفت :- اتوترت اكتر وقالت ح.ح.حاضر.
حمزه :- كان فرحان بقربه منها ووصلو عند اوضت العمليات وسابته ميرفت علشان يدخل
الممرضه :- جت وقالت تعال ادخلك
ميرفت :- لو سمحتى هو بيقدر يمشى لوحده ولو لازم هاتى ممرض هو اللى يسنده
حمزه:- بصلها بحب وبعدين بص للممرضه وقال انا هدخل لوحدى وبص بصه اخيره لميرفت ودخل الاوضه
ميرفت :- كانت قلقانه عليه ومتغاظه أن معاه جوه الممرضه وقعدت تاكل فى ضوافرها من الغيظ وكل شويه تبص فى الساعه وبعد وقت خرج حمزه وهو لسه فى البنج طلعت تجرى عليه وبصت للممرضه وقالت ه.ه.هو ماله ساكت ليه
الممرضه :- علشان لسه مفقش من البنج يا مدام
ميرفت :- طيب هو عامل ايه دلوقتى
الممرضه :- عندك الدكتور اسأليه وفى الوقت ده خرج الدكتور من العمليات وراحت جريت عليه وقالت
ميرفت :- هو عامل ايه دلوقتى يا دكتور
الدكتور :- متقلقيش عليه هو كويس والعمليه كانت سهله مش صعبه خرجنا الرصاصه من دراعه وخلاص بس اهم حاجه تغيرى ليه على الجرح بأستمرار وكمان خدى بالك بليل لان درجة حرارته هتبقى عاليه اعملى ليه كمدات مايه على جسمه بأستمرار
ميرفت :- ح.ح.حاضر شكرآ يا دكتور وراحت الاوضه عند حمزه لاقت لسه الممرضه موجوده معاه فى الاوضه اتغاظت وقالت ا.ا.انتى لسه هنا بتعملى ايه
الممرضه :- بركب ليه المحلول يا مدام
ميرفت :- طيب ما انتى ركبتيه اهو واقفه عندك بتعملى ايه
الممرضه :- اسفه حضرتك انا خارجه اهو وخرجت وقفلت الباب وراها
ميرفت :- بصت عليها بغيظ وقالت واحده غلسه وراحت قعدت على حرف السرير جنب حمزه ومشيت ايديها على وشه لاقته عرقان جابت منديل ومسحت ليه العرق ومشيت ايديها على باقى وشه وبصت ليه بحب وابتسمت وقربت منه وقالت بحبك بحبك اوى يا حمزه من اول مره شوفتك فيها فى القسم حسيت انك خطفت قلبى منى رغم انك كنت قاسى اوى معايا بس معرفش ايه حصلى خلانى احبك بالشكل ده وبحمد ربنا أن انا وقعت فى سكتك أنت علشان يحقق ليا حلم عمرى وابقى جنبك مدى الحياه صحيح منعتك انك تقرب ليا بس خايفه لما تاخد حقك تحس بالندم تحس انك اتسرعت بجوازك منى تندم على خطوتك دى وتحس أن الموضوع كله كانت شفقه منك عليا أمر واقع واتحطيت فيه لو فى يوم من الايام بعد عنى انا هموت يا حمزه وفى الوقت ده حست أن حمزه بدء يحرك رأسه قامت بسرعه وقفت وقالت ح.ح.حمزه انت كويس سمعنى
حمزه :- اممممم ميرفت انتى فين
ميرفت :- احم ا.ا.انا اهو جنبك
حمزه :- فتح عينه وبص حاوليه ومسك دراعه وقال ااااه ولسه هيقوم
ميرفت :- طلعت تجرى عليه ورجعته تانى لوراه وقالت متتحركش اصبر شويه لحد ما المحلول يخلص
حمزه :- ااااااه دراعى واجعنى اوى
ميرفت :- حطت ايديها على الجرح وقالت معلش هخلى حد يجى يديك مسكن
حمزه :- لاء متخرجيش من الاوضه هما دلوقتى هيجو من نفسهم اااااه
ميرفت :- تعبان اوى
حمزه :- بص على ايديها اللى على الجرح وقال طول ما ايديكى محطوطه علي الجرح مش حاسس بحاجه
ميرفت :- اتكسفت وشالت ايديها ورجعت لوراه وقالت احم ارتاح شويه
حمزه :- كده برضه بقولك لمسة ايدك مسكن لوجعى بتشليها خلاص اجرب ايد الممرضه يمكن تكون مسكنه هى كمان
ميرفت :- اتغاظت وقالت براحتك احب انديها ليك دى حتى سوده وحوله وقرعه
حمزه :- هههههههه ااااااه مش قادر اضحك يخربيت سنينك كح كح كح
ميرفت :- اتخضت عليه وطلعت تجرى عليه وقالت انت كويس
حمزه :- متخفيش انا كويس عايز بس اقعد
ميرفت :- قربت منه ولفت دراعها حاولين ضهره علشان تقومه
حمزه :- بص فى عينيها وبعدين بص على شفايفها وقرب منها اكتر
ميرفت :- نفسها سرع واتكسفت اول ما لقته بيقرب منها اكتر وبيبص لشفايفها بلعت ريقها بصعوبه اول ما شفايفه قربت لشفايفها غمضت عينيها بس فى الوقت ده الباب اتفتح اتخضت وفتحت عينيها بسرعه وسابته مره واحده على السرير
حمزه :- اتألم من الجرح بسبب ما سابته يقع على السرير بطريقه مفاجئه وقال اااااااااه يا بت المجنونه
الممرضه :- لما شافت كده اتحرجت وقالت احم ا.ا.اسفه كنت جايه علشان المسكن بتاع حضرتك
ميرفت :- احم ه.ه.هو فيه حد يدخل كده من غير ما يخبط
الممرضه :- انا خبط فعلا قبل ما ادخل بس محدش سمع منكم
ميرفت :- هو مفيش غيرك بس المهتم بحمزه
الممرضه :- لان حالته انا المسؤوله عنها لحد ما يخرج من هنا
ميرفت :- صلاة النبى احسن كملت طيب حضرتك هنخرج من هنا امته
الممرضه :- النهارده بس لما الدكتور يحدد امته بالظبط
حمزه :- تمام اتفضلى شوفى شغلك
الممرضه :- راحت عنده وقالت اولا هديك المسكن وبعد كده هغيرك على الجرح وبصت لميرفت وقالت المدام تقدر تغير لحضرتك هدومك بعد ما اخرج
حمزه :- تمام ماشى
الممرضه :- راحت تدى حمزه الحقنه فى الوريد ولسه هتمسك أيده
ميرفت :- استنى لو سمحتى انتى هتعملى ايه
الممرضه :- اتنهدت وقالت بديله الحقنه المسكنه فى الوريد علشان مفعولها يكون اسرع
ميرفت :- ولازم يعنى تمسكى أيده
الممرضه :- طيب حضرتك هيخدها ازاى من غير ما امسك أيده
ميرفت :- احم ا.ا انا هساعدك وامسك أيده وانتى اتفضلى شوفى شغلك
حمزه :- كان فرحان جدآ بغيرة ميرفت عليه
ميرفت :- قعدت على حرف السرير جنب حمزه ومسكت أيده بكسوف من غير ما تبص ليه وقالت احم اتفضلى بس من غير ما تلمسيه
الممرضه :- بصت ليها بأستغراب وقالت حاضر واديته الحقنه بعد معاناه من ميرفت علشان متلمسش أيده
وراحت تغير على دراعه ولسه هتمد ايديها
ميرفت :- استنى هتعملى ايه
الممرضه :- بزهق هغير ليه على الجرح ومينفعش حضرتك ملمسش دراعه ومينفعش حضرتك تمسكى انتى دراعه ممكن بقى اشوف شغلى
ميرفت :- لاء ما هو انتى مش هتغيرى ليه على الجرح انا اللى هغيرو
الممرضه :- بتعرفى يعنى
ميرفت :- لاء قوليلى ازاى وانا هغيرو
الممرضه :- بصت لحمزه اللى كانت مرسومه الابتسامه على وشه من رد فعل ميرفت وغيرتها عليه ورجعت بصت تانى لميرفت وقالت حاضر هتعملى وقالت ليها ازاى تغيروا على الجرح وسابتهم وخرجت
حمزه :- على فكره شكلك حلو اوى وانتى غيرانه
ميرفت :- ها ا.ا.ان مش غيرانه على فكره
حمزه :- والله
ميرفت :- ممكن بقى تتعدل علشان اغيرك على الجرح
حمزه :- حاضر بس الاول لازم تقلعينى اللى على جسمى ده
ميرفت :- ها ا.ا اقلعك
حمزه :- وهو بيكتم ضحكته قال ايوه لو مش هتعرفى نادى على الممرضه
ميرفت :- ها ل.ل لا هعرف وقربت منه ومدت ايديها وهى بتترعش
حمزه :- استنى انتى هتقلعينى ازاى وانا نايم مش لازم تقومينى الاول
ميرفت :- ها
حمزه :- شكلك مش هتعرفى نادى على الممرضه احسن
ميرفت :- لالالا هعرف وقربت منه وحاولت تقعده وهى متوتره وبعد معاناه منها قدرت تقعدو ومدت ايديها وقلعته اللبس الخاص بالعمليات وبصت على الارض بكسوف وقالت م.م ممكن تمد دراعك
حمزه :- مش هقدر وجعنى تعالى انتى اقعدى جنبى على السرير وغيرى لدراعى
ميرفت :- ها ل.ل لا حاول تمد دراعك انت
حمزه :- شكلك مش هتعرفى وقال بصوت عالى يا ممرضه
ميرفت :- خلاص خلاص وقعدت جنبه على السرير ومسكت دراعه وهى ايديها بتترعش وبدأت تغيرو عليه
حمزه :- كان بيبص عليها بحب وجسمه كله سخن من لمسة ايديها لدراعه
ميرفت :- خ.خ.خلصت ولسه هتقوم
حمزه :- قربها ليه وقرب من شفايفها وبسها بوسه طويله
ميرفت :- اتفاجئت باللى حصل زقته وقامت تجرى وقالت ا.ا.انت ازاى تعمل كده
حمزه :- غمض عينيه واتنهد وقال ا.ا.اسف يا ميرفت بس اندفعت بمشاعرى ومقدرتش امنع نفسى من أن ابوسك
ميرفت :- احم ح.ح.حاول تتحكم فى مشاعرك اكتر من كده لو سمحت عن اذنك وسابته ودخلت تجرى على الحمام وقفلت الباب وراها وسندت عليه وحطت ايديها على قلبها وهوت بأيديها التانيه على وشها وقالت يا نهار ازرق ك.ك.كان قلبى هيروح فيها ومشيت ايديها على شفايفها وضحكت واتنهدت وقالت بحبك اوى يا حمزه اوى وغسلت وشها وخرجت من الحمام لاقت حمزه قام ولبس القميص بتاعه بس بيحاول يدخل دراعه المجروح فى الكم ومش عارف قربت منه ومسكت دراعه دخلته براحه فى الكم وقفلت ليه الزراير بتاعته
حمزه:- كان بيبص ليها وهى بتلبسه القميص وقال انا اسف يا ميرفت
ميرفت :- من غير ما تبص ليه قالت مفيش مشكله حصل خير وخلصت ورفعت دراعه المجروح وبعدت عنه وقالت هروح اشوف الدكتور هيسمح لينا بالخروج امته وسابته وخرجت سألت الدكتور وسمح ليهم بالخروج ورجعت تانى اخدته ونزلت وقفت تاكسى روحهم على البيت
~•~•~•~•~•~•~•~•~•~•~•~•~•
فى فيلا ادهم الحناوى

وصل أدهم الفيلا ومعاه داليا نزل من العربيه من غير ولا كلمه وراح فتح باب الفيلا ودخل وساب داليا قاعده فى العربيه
داليا :- دموعها نزلت منها واتنهدت بوجع وشويه ومسحت دموعها وفتحت باب العربيه ونزلت وراحت عند باب الفيلا ووقفت وهى متردده تدخل وفى الاخر اخدت نفس عميق ودخلت الفيلا وقفلت الباب وراها ودخلت جوه الفيلا لاقت ادهم قاعد على كرسى متحرك وعمال يهزه وهو بيشرب السيجاره بتاعه راحت تقعد على الكنبه
ادهم :- مين اذن ليكى تقعدى
داليا :- انت بتكلمنى انا
ادهم:- فيه حد غيرك فى الفيلا
داليا :- مردتش عليه وقعدت وقالت انا محدش ليه كلمه عليا ولا هستنا الاذن منك علشان اقعد
ادهم :- وقف الكرسى وبصلها بغيظ وقام وقف وراح عندها شدها من دراعها وقفها وقال انتى عارفه الكنبه اللى قعدى عليها دى بكام يا جربوعه انتى دى لو قعدى طول عمرك شغاله عمرك ما هتجيبى ربع تمنها
داليا :- شدت دراعها من ايد ادهم وقالت هههههههه راحت ولا جت اسمها كنبه فيه حاجات كتير حتى لو فلوسها ملايين هيفضل هو هو المسمى بتاعها ومشيت شويه وقالت زيك كده بالظبط رجل اعمال مشهور ومعاك ملايين بس انت فى الحقيقه مريض نفسى وفلوسك مغيرتش المسمى ده عندك عقدت أهلك زمان متنستش بالفلوس اللى معاك
ادهم :- اتغاظ وراح عندها ورفع أيده وقال اخرسى ولسه هيضربها
داليا :- مسكت أيده وبصت ليه بتحدى وقالت حسك عينك تفكر تمد ايدك عليا فاهم وحدفت أيده بعيد عنها وقالت لتكون مفكرنى أن انا البنت المنكسره اللى هتخاف منك وتقولك ارجوك ارحمنى واقعد اترجه فيك ودموعى على خدى لاء انا داليا سعيد مشبهش اى بنت على الأرض دى أبويه ربانى اكون ملكه متوجه مش خدامه لامثالك فاهم
ادهم :- صقف وقال هههههههه لاء حلوين الكلمتين اللى انتى حفظاهم دول وراح مسكها من دراعها وقال انا بقى مفيش واحده اتخلقت على الأرض إلا علشان تكون خدامه ليا ولطلباتى يعنى لو قولتلك انزلى امسحى جزمتى بلسانك زقها وقعها على الارض وقال يبقى تسمعى كلامى وتنزلى
داليا :- وقفت وقالت بتحلم يا ادهم مش انا اللى تعيش خدامه لحد ومسير الايام تعرفك انا ابقى ايه ومشيت شويه ورجعت ليه تانى وقالت اه خلى بالك جوازنا ده مش هيدوم يعنى بلاش تعيش الدور اوى معايا وسابته وطلعت وقفت مش عارفه تدخل اى اوضه وفى الاخر قررت تدخل الاوضه اللى جنب الاوضه اللى قالها ملهاش دعوه بيها وقفلت على نفسها بالمفتاح وقعدت على السرير ودموعها نزلت منها رجعت لوراه ونامت على السرير وهى دموعها نازله منها وقالت ماشى يا ادهم مبقاش انا لو مكسرتش غرورك ده وكبريائك وغمضت عينيها
ادهم :- اتغاظ من طريقة كلامها معاه واتعصب وقال ماشى يا داليا مبقاش انا لو مكسرتش تمردك ده وطلع على اوضه ودخل وقفل الباب بعصبيه ونام على سريره وهو بيتوعد بالانتقام من داليا
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى سماء الاسكندريه لتبدء فاطمه بفتح عيونها على صوت تليفونها بصت فيه لاقته أكرم نفخت وقالت
فاطمه :- يخربيت فرقع لوز ده اللى ناطط ليا حتى فى احلامى وردت وقالت ايوه
أكرم :- احلى صباح على احلى عيون
فاطمه :- ها ص.ص.صباح النور
أكرم :- ها ايه منيم عروستى الحلوه لحد دلوقتى
فاطمه :- عروستك الحلوه ده من ايه ده يا اخويه
أكرم :- بدخلك المود بتاع النهارده
فاطمه :- انت عندك خال اهبل يا اكرم مود ايه يا ابنى اللى ادخل فيه ده انت شارب حاجه على الصبح
أكرم :- تصدقى انتى مينفعش معاكى الأسلوب ده خالص قومى يا بت اخلصى
فاطمه :- قامت قيامتك يا بعيد بت لما تبتك ما تلم لسانك يا ابنى على الصبح
أكرم :- الله يحرقك لا نافع معاكى كده ولا كده اعمل معاكى ايه تانى
فاطمه :- ولا اى حاجه اقفل بدل ما اقفل السكه فى وشك سلام
أكرم :- استنى يا بنتى بهزر معاكى
فاطمه :- متقوليش يا بنتى متغظنيش
أكرم :- بحب على فكره انتى فعلا بنوتى الشقيه
فاطمه :- احم انت مالك النهارده
أكرم :- مالى مش فاهم
فاطمه :- احم حاسه طريقة كلامك مختلفه معايا عن الاول
أكرم :- ها م.م.ما انا قولتلك بحمسك على دور الخطوبه النهارده
فاطمه :- اتغاظت وقالت بتحمسنى طيب اقفل يا اخويه خلينى البس علشان الحق انزل
أكرم :- انتى نازله
فاطمه :- اه
أكرم :- ومقولتيش ليه
فاطمه :- وانا اقولك بتاع ايه
أكرم :- اتنهد وقال وحضرتك كنتى رايحه فين
فاطمه :- رايحه اشترى فستان علشان الدور بتاع النهارده بتاع الخطوبه
أكرم :- تمام نص ساعه وهكون عندك
فاطمه :- وتيجى ليه انا مش فاهمه
أكرم :- من غير كلام كتير انا جاى ليكى اوعى تمشى لوحدك فاهمه سلام وقفل السكه
فاطمه :- ده مالو سبع البرومبه ده يلا احسن برضه علشان يوصلنى بعربيته بدل زحمة المواصلات وقامت دخلت الحمام اخدت شاور واتوضت وخرجت لبست هدومها وأدت فرضها وكان أكرم وصل تحت البيت وضرب ليها كلاكسات اخدت شنتطها ونزلت تجرى واول ما شافته اتوترت وقالت فى سرها يخربيت جمال امك امك كانت بترضعك ايه عسل
أكرم :- فاطمه فاطمه
فاطمه :- ها ا.ا.ايوه
أكرم :- بكلمك مش بتردى عليا
فاطمه :- احم سورى مسمعتكش
أكرم :- ايه الحلاوه دى
فاطمه :- معيش حلاوه والله بس لو عايز هتلاقى عند البقال ده
أكرم :- بقال ايه يا بنتى انا بقولك انتى ايه الحلاوه بتاعتك دى
فاطمه :- احلف
أكرم :- وهو بيكتم ضحكته والله العظيم قمر
فاطمه :- الله يجبر بخاطرك يارب
أكرم :- دخلت عليكى صح
فاطمه :- هى ايه
أكرم :- المغازله يعنى محدش هيشك فيا بليل
فاطمه :- بغيظ تصدق وتأمن بأيه
أكرم :- لا إله إلا الله
فاطمه :- انت واحد حمار ومش بتفهم وغور من وشى بقى بدل ما اعمل وشك خريطة ومشت وسابته
أكرم :- مالها دى وطلع يجرى وراها ووقف قصادها وقال انتى ايه عصبك وزعلك كده بس عملت حاجه تضيقك
فاطمه :- اللهم طولك يا روح امشى من قدامى يا اكرم
أكرم :- لا مش ماشى ويلا تعالى اركبى العربيه
فاطمه :- انت عبيط يالا ولا بتستعبط أكرم بقولك ايه انا جبت أخرى ممكن ألغى مشوار بليل ده واسيبك تولع بجاز ابعد عن وشى السعادى
أكرم :- انا مش عارف ايه عصبك كده بس لو انا السبب يا ستى انا اسف تعالى اركبى بقى
فاطمه :- أكرم انا عايزه اسألك سؤال
أكرم :- اتفضلى اسألى
فاطمه :- انت متأكد اللى جوه ده وشاورت على راسه وقالت مخ زينا انا اشك فى ده بصراحه
أكرم :- اه مخ ليه
فاطمه :- على ما اعتقد هما ضحكوا عليك فى الموضوع ده ابقى روح اعمل إشاعة واتأكد أنه مخ علشان شاكه يكونو عملو ليك عمليه وانت صغير وشالو المخ وحطه مكانه فردة جزمه وسابته وراحت ركبت العربيه
أكرم :- حط أيده على راسه وقال معقول يكون ده اللى حصل ورفع شفايفه وقال جايز وراح ركب العربيه ومشى بيها لحد المول ووقف وقال يلا انزلى ولسه بيفتح الباب
فاطمه :- ايه ايه رايح فين انت
أكرم :- رايح معاكى
فاطمه :- رايح معايا فين هو انا هاخد ابن اختى فى ايدى ولا ايه
أكرم :- ليه بس
فاطمه :- انت خليك هنا وانا هشترى الحاجه بتاعتى وجايه
أكرم :- لاء طبعآ مستحيل اسيبك لوحدك انزلى يلا اخلصى ونزل من العربيه
فاطمه :- بصوت واطى ايه ابن المخبوله ده ونزلت من العربيه وقالت هتيجى معايا تعمل ايه بس
أكرم :- مش هسيبك تمشى لوحدك حد يعكسك
فاطمه :- يخربيت ام الجنان اللى على الصبح ده يبنى انت عندك انفصام فى الشخصيه كل شويه بحال
أكرم:- ليه مالك
فاطمه :- عاااااا امشى يا اكرم امشى ومشيت قدامه وسبته
أكرم :- البت دى اكيد مجنونه ومشى وراها
فاطمه :- شافت فستان عجبها قالت أنا هدخل هنا
أكرم :- يلا
فاطمه :- يا ابنى يلا فين وربنا عندك خال اهبل استنا هنا متدخلش وسابته ودخلت
أكرم :- ايه بنت العبيطه دى ودخل وراها المحل
فاطمه :- داست على سننها وقالت بصوت واطى انت ايه اللى جابك ورايا
أكرم :- دخلت اتفرج عليكى ههههههههههه
فاطمه :- بس بس وراحت عند اللى شغاله فى المحل وقالت لو سمحتى عايزه اشوف الفستان ده عليا مقاس ( …)
العامله :- حاضر يا فندم وجابته وقالت اتفضلى اهو
فاطمه :- اخدته منها وقالت شكرآ ودخلت تقيسه وخرجت بيه وقالت لو سمحتى الفستان ده ضيق ممكن اوسع شويه
أكرم :- فتح بؤقه بصدمه وقال ايه قميص النوم ده
فاطمه :- قميص نوم ايه يا جاهل ده فستان
أكرم :- عليا النعمه قميص نوم ومسخره كمان ادخلى غيرى البتاع ده اخلصى
فاطمه :- طيب والله شكله حلو
أكرم :- لو ليا انا بس موافق تقعدى معايا بي لكن قدام اخويه لاء والف لاء ادخلى ابت غيرى المسخره دى
فاطمه :- انت مالك محموق اوى كده ليه
أكرم :- ها م.م.ما هو انتى قدام اهلى هتبقى خطيبتى ازاى هخليهم يشوف خطيبتى بالمنظر ده
فاطمه :- هوف ربنا يخلصنى بقى من ام دى تمثليه ودخلت وهى متعصبه تغيره وخرجت اتأسفت للبنت واديتها الفستان وخرجت من غير ما تتكلم مع اكرم نص كلمه
أكرم :- فاطمه يا فاطمه يا فاطمه يا فاطمه يا فاط
فاطمه :- ااااااااااايه علقت عايز ايه من ام فاطمه
أكرم :- وانا هعوز من امك ايه انا عايزك انتى
فاطمه :- عااااااااااا هتشل وربنا
أكرم :- ههههههههه خلاص خلاص بصى ده كده
فاطمه :- بصت مكان ما أكرم شاور شافت فستان رقيق جدآ ومحترم عجبها جدآ بس حبت تغيظ أكرم قالت ايه الفستان ده وحش خالص على فكرة ذوقك مش حلو
أكرم :- والله وبالنسبه لقميص النوم ده هو اللى كان حلو
فاطمه :- على فكره بقى ده كان جميل اوى بس انت اللى معندكش ذوق
أكرم :- معنديش مانع اشتريه ليكى بس البسيه لما الكل يمشى واقعد انا معاكى لوحدينا
فاطمه :- والله اشمعنا بقى
أكرم :- كده ها هتدخلى تشوفى الفستان ده ولا نمشى خالص
فاطمه :- هوف ماشى ودخلو المحل وطلبت الفستان اللى أكرم اختاره ودخلت تقيسه وخرجت بي
أكرم :- صفر ليها وقال يخربيت كده ملكة جمال العالم يا ناس
فاطمه :- الكلام ده برضه علشان تتأكد أن محدش هيكشفك بليل
أكرم :- هههههه لا والله بجد تحفه عليكى
فاطمه :- اتكسفت وقالت ش.ش.شكرآ ه.ه.هدخل اغير بقى
أكرم :- ماشى ودخلت فاطمه تغير وراح أكرم دفع الحساب
فاطمه :- خرجت وراحت علشان تدفع الحساب
أكرم :- خلاص انا دفعت
فاطمه :- وانت تدفع ليه
أكرم :- يا ستى عادى انا وانتى واحد اعتبريه هديه منى ليكى
فاطمه :- بعصبيه لاء مش واحد يا اكرم انا وانت اتنين وبعدين بصفتك ايه أقبل منك هديه انت ولا حاجه بالنسبه ليا وانا نفس الحكايه انا ولا حاجه بالنسبه ليك يبقى ملهوش لزمه جو الافلام والروايات الهابط ده ممكن تقولى دفعت كام
أكرم :- النبى قبل الهديه مفيهاش حاجه يعنى
فاطمه :- عليه افضل الصلاة والسلام بس انا وانت مفيش وجه مقارنه بالنبى عليه الصلاة والسلام ممكن تقولى دفعت كام
أكرم :- بعصبيه مش قايل يا فاطمه انا نازل استناكى فى العربيه وسابها ومشى
فاطمه :- بصت عليه وهو خارج وسألت البنت اللى وقفه على الكاشير على سعر الفستان قالت ليها أن الأستاذ اللى كان واقف دفع تمنه وقال محدش يقولك سعره و يلفوه ويبعتوه على العنوان بتاع حضرتك شكرتها وخرجت من المحل وراحت تشترى الحاجات الخاصه بيها وبعد وقت خلصت ونزلت الشارع وكانت الشنط تقيله عليها وقعت من ايديها وجه شب وسيم جدآ ساعدها وقال ليها لو تحب يوصلها للمكان اللى هى عايزاه
أكرم :- شاف كده نزل يجرى من العربيه وراح مسك الشاب من هدومه وقال انت مالك بيها ها
الشاب :- ا.ا.انا بساعدها مش قصدى حاجه والله
فاطمه :- اهدا يا اكرم محصلش حاجه ده كان بيساعدنى علشان الشنط تقيله عليا
أكرم :- زقه وقال غور فى داهيه وبص لفاطمه وشد من ايديها الشنط وقال بعصبيه امشى قدامى فرحانه اوى بنفسك وهو بيعكسك
فاطمه :- مشيت وراه وقالت الشاب كان محترم وكان بيساعدنى مش بيعاكسنى
أكرم :- والله وبدافعى ليه عليه اوى كده
فاطمه :- مش بدافع ولا حاجه بس بقولك اللى حصل
أكرم :- فتح الباب اللى وراه وحدف الشنط وقفل الباب جامد وقال بعصبيه اركبى اخلصى
فاطمه :- انت ايه معصبك اوى كده
أكرم :- ايه كان عجبك اوى صح
فاطمه :- حبت تغيظه قالت منكرش أن هو كان شاب كيوت اوى ووسيم وذوق جدآ بس يعنى ده مش ذوقى
أكرم :- راح عندها ومسك دراعها بعصبيه وقال والله وايه ذوقك بقى يا ست هانم
فاطمه :- بألم أكرم انت بتوجعنى سيب دراعى
أكرم :- بعصبيه ردى عليا ايه ذوقك الشباب اللى بتلبس هدوم مقطعه واللى بتسقط البنطلون هما دول ذوقك صح ما انتى واحده هيفا مش بتحبى غير الشباب اللى وقعه زيك
فاطمه :- دموعها نزلت منها وشدت دراعها من أيده وقالت انا واحده هيفا ملكش دعوه بيا فاهم وشوف واحده غيرى تكمل دور حببتك عن اذنك وسابته ومشيت
أكرم :- اخد نفس وخرجه براحه وخبط العربيه برجليه وطلع يجرى وراه فاطمه وقال فاطمه استنى
فاطمه :- كانت ماشيه ودموعها على خدها ومرضتش ترد عليه
أكرم :- طلع يجرى ووقف قصادها وقال حقك عليا متزعليش
فاطمه :- بدموع لو سمحت ابعد عن سكتى وسبنى فى حالى
أكرم :- لاء يا فاطمه مش هسيبك معلش اندفعت عليكى بس انا بجد اعصابى مشدوده من اللى حصل بينى وبين أدهم وقعدتى فى البيت دى من غير شغل خنقانى وكمان لما شوفت الشاب ده واقف بيتكلم معاكى اتعصبت وكلامك عصبنى اكتر وكانت فى الاخر النتيجه اللى حصل منى ده ارجوكى متزعليش منى
فاطمه :- خلاص يا اكرم ممكن بقى تسبنى اروح
أكرم :- لاء انتى لسه زعلانه منى
فاطمه :- ليه كلكم كده ليه كلكم بتشكو فيا رغم أن انا عمرى ما عملت حاجه غلط اللى كان خطبنى برضه كان زيك كده بيشك فيا من اقل حاجه لدرجة أن كان بيمشى ورايا يراقبنى ليه تملى شيفنى فى عيونكم أن انا واحده مش كويسه وملهاش امان ليه بتبصو لضحكى وهزارى ده على ان انا واحده هيفا بجد انتو كرهتونى فى نفسى وفى شخصيتى ليه بيصعب عليكم تشوفو واحده تضحك وتهزر مع ان والله وراه الضحكه دى وجع وكسره كبيره فى قلبى حرام عليكم بقى سبونى فى حالى وحطت ايديها على وشها وقعدت تعيط
أكرم :- حقك عليا بجد انا واحد حمار ومش بيفهم بجد انا اسف يا فاطمه عندك حق لما قولتيلى انا اللى فى راسى ده مش دمخ دى فردة جزمه متزعليش منى يا فاطمه انا غير وسكت شويه وقال انسى اللى حصل يا فاطمه
فاطمه :- انسى اللى حصل يا فاطمه بكل سهوله كده هدوس على الزرار وانسا حاضر دوست اهو ونسيت مفيش حاجه حلو كده مبسوط حضرتك
أكرم :- عارف ان جراحتك بكلامى وان ردت فعلى كانت صعبه بس انا شرحت ليكى الظروف اللى وصلتنى لكده ارجوكى يا فاطمه اعذورينى انا بمر بحاله صعبه اليومين دول وفى الوقت ده تليفون فاطمه رن بصت لاقته رقم منتهى استغربت ومسحت دموعها وردت وقالت
فاطمه :- ايوه يا منتهى
منتهى :- انتى بره ولا ايه
فاطمه :- ايوه ليه
منتهى :- اصل كنت عايزه اقولك خبر معرفش اذا كان هيفرحك ولا يزعلك
فاطمه :- خبر ايه ده قولى
منتهى :- ادهم اتجوز داليا امبارح
فاطمه :- ده اللى هو ازاى ده اسم فيلم ده ولا ايه
منتهى :- ركزى معايا يا بنتى ادهم رجل الأعمال اتجوز داليا صحبتنا امبارح
فاطمه :- نعممممممممم
منتهى :- اه والله زى ما بقولك كده
فاطمه :- وانتى عرفتى ازاى
منتهى :-اتصلت بالملجأ اطمن عليها ردت عليا ملك وقالت انها خرجت امبارح فرحت واتصلت بيها ردت عليا وهى صوتها حزين بسألها مالك قالت إنها اتجوزت ادهم امبارح اتفاجئت زيك كده وسألتها ازاى ردت عليا وقالت هتبقى تحكى لينا لما تقابلنا
فاطمه :- انتى متأكده أن اللى كلمتيها دى داليا اصل مش مصدقه الصراحه
منتهى :- اه والله هى يا بنتى
فاطمه:- انا كده لا هعرف اكل ولا اشرب ولا انام غير لما اعرف الحكايه من طقطق لسلامو عليكم
منتهى :- منكرش انا كمان زيك هموت واعرف ايه حصل خلى داليا تتجوز ادهم
فاطمه :- عمومآ لما اشوفك بليل نبقى نتكلم فى الموضوع ده
منتهى :- ماشى باى
فاطمه :- متتأخريش بليل ها
منتهى :- لا متخافيش هجيلك بدرى
فاطمه :- ماشى باى وقفلت السكه مع منتهى وقالت يلا روحنى
أكرم :- ممكن اعرف ايه الخبر الغريب اللى عرفتيه ده يخص داليا صح
فاطمه :- ايوه ادهم صاحبك اتجوز داليا صحبتنا امبارح
أكرم :- ايه لا ثوانى بس انتى متأكده من الكلام ده
فاطمه:- ايوه
أكرم :- ربنا يقوى داليا على اللى هتشوفو من ادهم مدام ادهم اتجوزها يبقى عمل مصيبه ووقعها فيها علشان ترضى تتجوزه وغالبآ عمل حاجه تخص اهل داليا لان دى اكتر حاجه بتأثر فيها
فاطمه:- مش فاهمه وهو ليه عمل كده.
أكرم :- علشان ينتقم منها لكبرياءه هو مفكر اننا لعبنا بى وهو علشان حبها بجد عايز ينتقم منها لقلبه وعايز يثبت لنفسه أن هو مش ضعيف لما حبها
فاطمه :- بس اللى انا متأكده منه أن داليا قويه ومش هتستسلم بالسهوله دى حتى لو هى بتحبه هتتمرد عليه ولو أداها قلم هتردو ليه عشر أضعافه مش بتخاف طول عمرها وعندها عزيمه واصرار غريب
أكرم :- عارف ودى اكتر حاجه شدتنى ليها وطلبت منها أنها تساعدنى فى رجوع ادهم لحياته الطبيعيه لما شوفت قوتها والإصرار اللى فى عينيها لما كانت عنده فى المكتب شوفت قد ايه هى قادره تتحكم فى اعصابها قصاد أدهم هى الوحيده اللى اتحدت ادهم من غير خوف وقفت قصاده وقالت لاء وانا متأكد أن جوازهم ده اللى هيطلع منه فايز هى داليا وهتقدر تخرج الشر من قلب ادهم وترجع ادهم الطيب قبل ما يشوف قسوة وظلم على ايد أهله هى هتتعب بس النتيجه فى الاخر هترضى الكل
فاطمه:- ربنا معاها يارب فى المهمه الصعبه دى
أكرم:- يارب ويهديك يا ادهم والكره والحقد اللى جواك يخرجو بقى وتعيش وسطنا انسان قلبه ابيض متسامح مع نفسه قبل ما يكون متسامح مع غيره
فاطمه:- يارب ممكن تروحنى بقى
أكرم :- يعنى مش زعلانه منى
فاطمه :- احم لا
أكرم :- صافى يا لبن
فاطمه :- حليب يا بقره
أكرم :- هههههههههه اسمها حليب يا قشطه
فاطمه :- على فكره انتو اللى بتقولوها غلط هو الحليب بيجى منين من البقره يبقى المفروض حليب يا بقره مش يا قشطه ناس جاهله صحيح ومشيت راحت عند العربيه وركبت
أكرم.:- هههههههههههه بنأدمه مشكله وراح وراها ركب العربيه وصلها عند بيتها ورجع تانى الفيلا بتاعته
~•~•~•~•~•~•~•~•~•~•~•~•~•
فى فيلا خالد الحناوى

كان الكل مجتمع على سفرة الفطار

إنعام:- شوفت ابنك اتجوز البنت الجربوعه دى امبارح
خالد:- عارف
إنعام :- وازاى تسمح بالمهزله دى
خالد :- ما انتى عارفه ادهم صوته من دماغه وحتى لو قولت ليه متتجوزهاش كان مش هيسمع كلامى وهيتجوزها برضه
أنعام:- والعمل
خالد :- هبقى اقولك
دينا :- انتو ليه زعلانين ما تسبوه يفرح مش يمكن دى اللى تقدر تفرح قلبه وتنسيه جرح السنين
إنعام :- انتى لسه بدافعى عنه بعد ما وقف فى طريق جوازك من تامر
دينا :- اكيد ليه أسبابه ومهما عمل عمرى ما هكره ادهم يا ماما ادهم عايش هنا وصعب حد يخرجه وشاورت على قلبها
إنعام :- خليكى يا هبله بكره يعيش حياته ويكون سعيد وانتى تفضلى دموعك على خدك من فراق تامر ليكى
دينا :- انا عارفه ومتأكده أن مستحيل تامر يبعد عنى وينسانى انا متاكده ان هو هيفضل يحبنى وهيعمل بكل طريقه ويقنع ادهم بي ويخليه يوافق
إنعام:- لما نشوف وانت يا سى علاء لسه مصمم على البنت اللى عايزها دى
علاء :- ياريت توافقى بقى يا ماما ارجوكى
إنعام :- انتو ايه حصلكم يا ولاد خالد ما بنات العيله كتير ليه بتروحو للبنات البيئه الشحاتين
علاء :- مش احنا اللى بنروح يا ماما قلبونا اللى بتختار
إنعام.:- بلاش كلام عبيط روح شوف بنت كويسه من عيله مش بنت من حاره وتقولى قلبى ومش قلبى
علاء :- للاسف يا امى انا لو مش هتجوز منتهى يبقى مش هتجوز خالص
إنعام :- احسن برضه خليك كده من غير جواز وبصت لفادى وقالت وانت ايه مش شايف واحده شحاته برضه تتجوزها
فادى :- بدور ادعيلى انتى بس الاقى الشحاته دى
إنعام :- ولد اتكلم عدل
فادى :- وانا بتكلم بالمقلوب يا ماما طيب دى الشحاته القى بس انتى ادعيلى بدور ها ايه رأيك قلبت الكلام
سندس :- ههههههههههه حلوه والله
إنعام :- بنت مسمعش حسك وانت يا سى فادى متتريقش وحسك عينك تروح تحب واحده مستواها اقل من مستوانا فاهم
فادى :- حاضر هبقى اخد المقاس علشان اقيس المستوى كويس
سندس :- ههههههههههه لا دى افظع من الاولى هههههههههههه
إنعام :- اتلمى يا سندس بدل ما اطلعك اوضك واحبسك فيه وانت يا ولد اتكلم بأسلوب مؤدب وبصت لخالد وقالت شايف ولادك بيتكلموا معايا ازاى
خالد :- يا انعام سيبك من شغل العيال ده وتعالى معايا المكتب عايزك
إنعام:- حاضر وبصت لفادى وقالت انا هعرفك شغلك بس لما ارجعلك ومشيت مع خالد
فادى :- شغلى انا عارفه سلام يا مزتى ووقف وقال انا ماشى قبل ما الحاجه تيجى وتكمل عليا سلام وسابهم ومشى
دينا :- وانا هروح اتمشى شويه فى النادى
سندس :- انا زهقانه خدينى معاكى شويه
دينا :- طيب قومى يلا
سندس :- هييييييا وربنا بحبك وقامت وخرجت مع دينا
علاء :- اتنهد وقال اخرتها ايه يا امى مش عايز اعمل حاجه تزعلك منى وقام وقف خرج ركب عربيته وراح الشغل

فى المكتب

دخلت إنعام مع خالد وقالت
إنعام :- خير يا حبيبى
خالد :- خلاص ادهم كلها كام يوم وهيسلم نمر
إنعام:- يعنى ايه مش فاهمه
خالد :- يعنى شغل أدهم كله وقع تحت ايدى وبدأت اسحب منه الصفقات وهو ولا هنا وكمان وضع الشركه المادى عنده فى النازل علشان فض الشراكه اللى ما بينه وبين أكرم صاحبه وفيه شغل لازم يتسلم فى أقرب وقت والفلوس مش هتقضى معاه لو مسلمش فى الميعاد فيه شرط جزائي كبير يا الدفع يا الحبس واحتمال كبير هيبقى الحبس وبما اننا احنا أهله لينا حق التصرف فى الشركه بتاعته اول ما يتسجن هدخله وهعمل نفسى أن الأب اللى جوايا ظهر وان لازم اقف جنبه ووقف الشركه بتاعته من جديد واخليه يعمل ليا توكيل وبالتوكيل ده انسب كل أملاكه ليا ويبقى يورينى هيعمل ايه ابن الخاينه وهو فى الحبس
إنعام:- بفرحه بجد يا قلبى انا بعشقك انت محصلتش بجد انا بحبك اوى اوى بس ليا طلب صغنون عندك
خالد. :- امرى يا عمرى
إنعام :- تكتب الشركه بتاعته بأسمى
خالد :- اشمعنا الشركه دى بالذات اطلبى اى شركه من بتوعى وانا اكتبها ليكى يا نونه
إنعام :- قربت منه اوى وقعدت تمشى صوبعها على كتفه وقالت خساره فيا يا خالودى
خالد :- ها لاء طبعآ يا قلبى بس دى هتبقى شركه واقعه وعايزه وقت ومجهود
إنعام:- ماانت هتبقى معايا يا قلبى وهنرجعها احسن من الاول
خالد :- عنيا علشانك يا عمرى وقرب من شفايفها وبسها و(سكتت شهرزاد عن الكلام الغير مباح ??)
~•~•~•~•~•~•~•~•~•~•~•~•~•
فى شقة سعيد

صحى سعيد من نومه قام دخل الحمام واتوضه واداه فرضه وراح عند اوضت مؤمن خبط على الباب ودخل لاقه ريحة سجاير استغرب ودور فى الاوضه لاقه مؤمن مخبى الطفايه تحت السرير مسكها وخبط على كتف مؤمن وقال

سعيد :- انت يا بيه قوم يا ولا
مؤمن :- صباح الخير يا بابا
سعيد :- صباح الزفت على دماغك ايه ده.
مؤمن :- بص على ايد ابوه وقال ها د.د.ده احم دى الطفايه
سعيد :- والله مكنتش اعرف وبتعمل ايه الطفايه تحت سريرك وكلها سجاير
مؤمن :- ها احم د.د.دى
سعيد :- سحبه من هدومه وقفه وقال ليه تعمل كده ها بتشرب سجاير فى سنك ده ليه حرام عليك يا ابنى محدش من اخواتك تعبنى قدك ليه تعمل كده فيا ليه.
مؤمن :- بدموع اسف يا بابا انا اول مره اشربها امبارح كنت زعلان على اللى بيحصل لاختى من ادهم وملقتش حاجه اطلع فيها الارف ده غير السجاير حقك عليا يا بابا ارجوك بلاش تزعل منى
سعيد :- قعد على الكرسى بتعب وقال يا ابنى انا خايف عليك السجاير دى سم بيقتل فى البنأدمين انا عيشت عمرى كله وانا ببعد اخوك عنها تيجى انت ياللى لسه مطلعتش من البيضه تشربها ارف ايه وهم ايه بس حرام عليك يا ابنى تعبتنى
مؤمن :- اوعدك يا بابا مش هشربها تانى
سعيد :- يا ابنى مش من الرجوله انك تروح وتشرب سجاير عايز تثبت انك راجل فى حاجات كتير اوى تثبت نفسك فيها زى روح العب رياضه خليك سند لاختك خليك سند ليا فوق كل ده صلى وادعى ربنا كتير روح الجامع واستنفع بعلمك وعلمه لناس دى الرجوله اللى بجد مش انك تشرب دخان وتخرجه فى الهوا انا لو عشت ليك النهارده مش هعيش ليك بكره
مؤمن :- ربنا يخليك ليا ويطول فى عمرك يارب وباس راسه وقال حقك عليا
سعيد :- ربنا يهديك يا ابنى ويصلح حالك قوم يلا حضر الفطار
مؤمن :- بهزار خدامتك سعديه تحت امرك يا حاج وخرج من الاوضه
سعيد :- هههههههههههه ربنا يسعد ايامك يا حبيبى وخرج وراه
~•~•~•~•~•~•~•~•~•~•~•~•~•
فى فيلا ادهم

فى اوضت داليا

كانت قاعده على السرير وساكته ومش بتعمل حاجه وسمعت صوت باب اوضت أدهم اتفتح واتقفل عرفت أنه خرج منها وسمعت صوت العربيه اشتغلت طلعت تجرى وبصت من وراه الشباك لاقته مشى بالعربيه دخلت الحمام غسلت وشها واتوضت وأدت فرضها وخرجت من الاوضه دخلت اوضت أدهم فتحت الدولاب واخدت طقم من هدومها اللى كانت مرصوصه فيه ودخلت تجرى تانى على اوضتها غيرت هدومها ونزلت وقفت تاكسى وراحت على الجريده بس كان ممنوع دخولها طلبت تقابل المدير رفض يدخلها عرفت أن أدهم ليه يد فى الموضوع وقفت تاكسى وراحت الشركه عند ادهم وطلعت تجرى على مكتبه والامن يجرى وراها اول ما فتحت المكتب ودخلت اتفاجئ بوجودها
الامن :- احنا اسفين يا باشا دخلت تجرى مننا ومسكوها وقالو امشى قدمنا يا بت
ادهم :- غمض عينى بغيظ وقال دى مراتى يا اغبيه
الامن :- بصو لبعض وقالو بخوف ا.ا احنا اسفين يا باشا وبصو لداليا وقال سامحينى يا فندم مكناش نعرف حضرتك
ادهم :- بغيظ اطلعو بره
الامن:- طلعو يجرو بره وهما خايفين
ادهم :- ايه اللى جابك
داليا :- انت اللى مانع دخولى الجريده
ادهم :- وقف وقال سبق وقولتلك بعد الجواز مفيش شغل
داليا :- وانا بقولك يا ادهم مستحيل اقعد فى البيت ومش هسيب شغلى اللى بحبه وانت هتتصل بمدير الجريده وهتخليه يرجعنى حالا
ادهم :- ولو متصلتش هتعملى ايه
داليا :- هنزل ادور على اى جريده تشغلنى عندها الف جريده تتمنانى
ادهم :- هههههههههههه انتى ساذجه اوى على فكره وراح لف حواليها وقال انا بأشاره واحده منى امنع دخولك اى جريده انتى متعرفيش انا مين واقدر اعمل ايه
داليا :- وانا برضه داليا سعيد اكبر صحفيه فى مصر وفيه ناس لسه شريفه وشغاله ومتخفش من حد وهترضى تشغلنى عندها
ادهم :- وانا تانى يوم اشمعها وورينى انا ولا انتى
داليا :- انا بكرهك يا ادهم بكرهك
ادهم :- قعد على مكتبه وقال ههههههههههه لا ارجوكى حبينى انتى عبيطه يا بت انا كل مهمتى حاجه واحده بس اكرهك فى كل حاجه حتى فى نفسك وفيا
داليا :- اصلك واحد مريض محدش ياخد عليك
ادهم :- ههههههههههه لاء حوشى انتى اللى طبيعيه
داليا :- على الأقل انا لا عندى ام خانت ابويه ولا اب ومرات اب عذبت فيا
ادهم:- اتعصب والشرار طلع من عينيه وراح عندها وقال اخرسى ولسه هيضربها
داليا :- بصت فى عينيه بتحدى ومسكت ايديه وقالت سبق وقولتلك اياك تفكر تمد ايدك عليا مش هسمحلك بده يا ادهم يا حناوى وبعدين انت زعلان ليه الكلام وجعك اوى ولا كشفت حقيقتك قصاد نفسك انت عارف ايه اكتر حاجه تثبت انك واحد ضعيف انك بتستخدم ايدك قبل عقلك وده اكتر حاجه تثبت ضعف الراجل انت واحد ضعيف ضعيف يا ادهم وهشتغل والنهارده عن اذنك وسابته ومشيت
ادهم :- راح وقف قصاد مكتبه ووقع كل اللى على المكتب فى الارض وقعد يصرخ ويقول هنتقم منك يا داليا مش هسيبك هعرفك مين أدهم الحناوى وسند بأيده على المكتب وغمض عينه علشان يهدا ويقدر يفكر فى طريقه ينتقم بيها من داليا
~•~•~•~•~•~•~•~•~•~•~•~•~•
بقلمى #دودومحمد