كراميل بقلم محمد مالك وميرو الشريف

كــــراميــــل

بـِ قـــلم. ” محمــد مالــك _ميــرو الشريــف ”

الحلـــقه الاولــئ

انـا. : الصـبر ياربـي ! تعـرفي عبـدو دايرلـي نهـار أسود !
قمـر حولت السمـاعات و تنـهدت. : دراه كبـد حتـى هـوا تـي أيملـح كنـك بتموتـي عليـه أنتِ
انـا فنصـت فبهـا و حطيـت صبـعي ع فـمي. : أسكتـي أهو يتصـل. ” و رديـت. ”
قمـر صبت من سريرهـا وجت جنبـي في سريـري و بصوت واطـي. : أفتـحي المايـك. !
انـا فتحت المايــك .
عبـدو. : باهـي ترا أطلعيـلي خلينـي أنشوفك قبل ما تمشـي لـطرابلـس. !
انـا. : كيـف يا عـمري بنـطلع بابا فـ الحـوش و خوتـي و حيـقولولي ويـن بتمشـي. ! موضـوع ولله
عبـدو كـان أيسـوق و خبـط على دركسيـون. : يعنـي أنـاا أخر من يعلــم أنك ماشـيه لطرابـبس و ياريتـه حتـى فتـره بسيـطه لا إقامـه مش معروفـه أمتى تنتـهي ؟
قـمر تضـحك بدون صوت عليـا لان معروفه في العيلـه أن ماحـد يقـدر أيهزبـني أو يحكي معايا باسـلوب هكـي و نسكـت بـس أنا قدام عبدو جـديات ضعيـفه

انـا : عــبدو. ! كنـك أدور فـ المشـاكل يا قلبـي قتـلك موضـوع جاء بسرعـه و أنا شخصيـا مش مستوعبـه بنقـعد في طرابلـس مكـان عـمري ما مشيتـله.
عبـدو قعد ايبحـت من الروشـن و تنـهد : فـي أمان الله. ” و صكـر عليـا الخــط ”
بينمـا أنا فنصـت عيونـي و حطيـت أيديـا على راسـي. : أستغفرلله وخــلاص
قـمر أتكـت على جنبهـا و حطـت يدهـا ع راسـها من لاوراء. : عنـده حـق راه
انـا: أسكتـي أنتِ الثانيـه كيـف تبينـي نمشـي أنشوفـه و خوتـك و باتـك برا. !
قـمر : يعـني بابا أمس قـال مـرات نقعـدو 6شهـور أو أكثـر في طرابلـس و معقولـه مش حتشوفيه أو تودعيـه. ؟
أنـا. : بـابـا يعطيـك راس الخيـط و يسـكت يعنـي معقولـه بكـرا أوكي بنمشـو بـس وين بنقـعدو. ؟
قـمر ضحكـت و تربعـت قـدامي و صفقـت أيديهـا. : مـا أنا جبتـلك المعلومـات كاملـه مُتكاملـه
انـا. : أبدعيـني
قـمر. : ما جـدي قرا الثانويـه فـي طرابلـس !
انـاا. : باهـي و يعـني شـن أستفـدت أنا
قـمر بحــماس. : جايتـك. فـي المُفيـد. صـاحب جـدك فلـوس فـلوس و عنـده شركـات مش شركـةة نفـط بس و حصـل لـ بابا خدمـه و مرتـب قـوي خيـر من حالتنـا هنــا. !
حتى بيعطــوه سيـاره لـ العـمل و مكتـب و معـاهـا فيـلا جنبـهم. يـعني فرصـةة العمـر راه.
انـا هزيـت راسـي بـ لا. : أنا نبـي بنغـازي تبيـني أنسيـب حبيبـي و صـحباتـي و داري لالالا بنقعد أنا
قـمر صبـت و هـي أتكشـخ : أمشي قوليهـا لـ بابا مش ليـا

أنا صبيتت من سريـري و حطيـت تلفونـي في الشحـن و طـلعـتلهم في الصاله
و كـانو يشربـو في القـهوه بابا و مـاما و خوتـي. ” جبـــران و منــذر ”
أنا. : بابـا
بابـا شـرب من القـهوه و بحـت فيـا : شنو. نعم.
انـا. : منبيـش نمشـي لـ طرابلـس أنا حيـاتي كلهـا هنـا
منـذر صبـا و هـو أيتلمـس فـ أجيوبـه علي مفتـاح سيارته لان بيـطلع. : أمشي أرقـدي أرجلك ?
انـا فنصـت فيـه. : أسكت أنت منكلمـش فيـك نحكي مع بابا أنـا. ” و بحثث في بابـا. ”
بابا. : و عــليش متبيـش طرابلـس
انـا. : صـاحبـاتي يا بـابا. ” و اذكـرت عبـدو وأبتسـمت. ” و حيـاتي يعـني و غـادي ما نعرف حـد أنـا
بابـا. ‘ تو أتديـري صاحبـات جـدد و يقـعدو صحباتـتكك لـ أقدم تتواصلـي معاهم بـالنـت أبتـاعكم هضا
انـا. : بـــس
ماما: خـلاص أسمعي كلام باتـك فرصـه و جـت عنـدنا عاجبك حالنـا هكي يعنـي و قالك جـدك ناس كويسين و عنـدهم حتى بنـات من جيـلكم.
انـا. : كويسيـن لـ روحهم مش لنـا. ” و طلعـت من الصاله و أنا راقيتـلي ليـن خلاص شفـت قمر خـاشه لـ الحمام ” بتـدوش ” ضحكتلـي و خشتتو
أنا خشـيت لـ الدار شفت تلفوني و كان عبـدو تليفونـه مقفـل تمـددت علي سريـري و العبــره خانقتنـي كيـف بنسيـب مكـان تربيـت فيـه و صحبـاتـي من الابتداىي مع بعضـنا لا ودعتـهم ولا خبرتـهم و الاهـم عبـدو جــاري و صـاحب خوتـي قبـل ما يقعـد حبيبي و. دنيتـي كلهـا
تفكـرت وقت مشـينا لـزرده نحنـا و هله ولما حكينـا مع بعضـنا خـدا يـدي و رسملـي في كـف أيدي. ” علامـةة لا نهـايه & ”

_________________________________

في طرابــلس
معتصـم فاتـح أغـاني السيـاره على صـوت عالـي و فاتـح الرواشــن. و حـاط ركبت رجـلا على دركسيـون و أيكحل هـو. و خــوه. ” عاصــم”
عصـام. جبـد جبـده من الدخـان و نفخهـا : بالله شـوف أهيــا لـ بتخطـم طـرف أغبـر،يا ودي
معتصـم أبتسـم و رمـئ السبسـي و بـدي يضـرب فـ كلاكـس لـ البنـت …البنـت لفـت شبحتلـهم و مشـت تجــري ?
عصـام يضـحك. أشبحلهـا كيـف خـافا خيتسـلمهالي ❤️?
و سمـع تلفونـه أيـرن طلعـه من الجاكـه و رد : أشكون ?شركةة عصـام لتوزيع،الفـني ??
فـرح. : مثقل دمك بالشرقـاوي. برا أعطيني خـوك. !
عصـام. : و عـلاش ما اتصـلتي علي رقمـه. ؟
فـرح. : مخـاطريـش ننـزل لـ حرف الميـم ?
عصـام رفع حـاجبـه بـ أستـغراب و مـد الفـون لـ معتصـم.
معتصـم: أيــوه غزالتـي
فـرح. : ياسـرك أنت و خــوك قـعدان فـالشوارع! بـوي من بـكري يقولي شوفيـهم. و غـدوه جايينا ضيـوف؟
معتصـم. بـاهتمـام. : شراقــه يانا يانا ☹️شن موضـوعهم. ؟
فـرح. : منعلـمش بالزبـط لـكن هـم أصحـاب جـدي و بيـاخـدو الحـوش لـ وراء حوشـك لـ حتجيبـلنا فيـه كنـه?
معتصـم. : أما أنتـم النسـاوين شي يا لطـيف هـذا كله و متعلـميش؟ عـمومـا أحني أهو،جاييـن. ” و صــكر ”

____________________________________

اليـــوم التــــالــي.
7:00صـــباحـا
انـا صـكرت شنطتـي و نزلتـها من على سريـر: شوفـي بالـك ناسيـه حاجه هنـا ولا هنـا. ؟
قـمر. وهـي تلبـس فـ شنطتـها كتفيـن على ظهـرهـا. : لالا بـأذن الله كل شـي امعاي
بابـا. : تـي هيــا !
منـذر من بـرا. : يـا مصيبـه أنتِ وياهـا تتمكيـو. ولا شنو ؟
أنـا قلبـت أعيوني و طلعـت : شـن بيسكتـه هضـا ?
جبـران. : اضربيـله الحولـه. ?
بـعد حـرب صكـرنا البـاب الـداخلـي و طلعنـا فـ لجنـان و قعدت أنبحـت في حوشنـا من بـرا و مش هايـن عليـا نمشـي و أنسيبـه رفعت راسـي لـ بلكوني عـبدو لعلى و عسـى أنشوفـه.
وصلــنا المطــار الســاعه. 8:00 و كـانت طيارتنـا الـ 9:00
فتحـا نت الشفــره و القيـت رسالع من عبـدو فـي مسنجــر أبتسـمت و كـان فيـديـو فتحتـه بـدون ما نقـرا الرسـاله الثانيـه وكـانـت أغنيــه

” كــل. لحظــه تــروح. ?‍♂️
أنى إيلــك أشتــاق ?‍♂️
فــدوه لــ قلبـك ❤️
ربــك إلــي ســواك?‍♂️

و بــعد ما أنــام ?‍♂️
الا بقلبــي تـرجع?‍♂️
و أغفـى على صـوتـك❤️
كلمــة حبيبـي
أسمـــع
عـــمري ❤️
بغيــابك خلــص
تــدري
أجــر قــوة النفــس
قلبـــك ❤️
أبــد لآ ما يــحس
موتنــي لــ فراق ??

سكــرت الفيـديـو و شـفـت لـ الرسالــه. تحتـه. ” البادي بالدردشه أحن أو أضعف ?‍♂️ديــريلي بـالك على أرويحتـك يـا سمحه. و لمـا توصـلي طمنيـني نحبــك ”

كنـت فرحانـه واجـد و حتى جــوي تغيــر و قـمر عرفـت أن عبـدو كالعـاده صـالحنـي لان مستـحيل يـزعلـني ولا يكسـرلي خـاطري حتـي لو كنـت غلــط يسايرنـي. !

قـمر. : يـا خيــا راجـل هـالعـبدو ?
أنـا بـِ ثقـه: و ســيدهم و،حياتــك ?‍♂️

_________________________
ســاعــه. 8:30

“طرابــــلس. ”
غيــداء و فــرح كــيف نايضيـن من نومـهم و يفطـرو. !
غيـداء. : أني قـاعده،حـايره علاش يسـكنو جنبـنا. ! حيـولو بـاعتبـار أنهم،ساكنيـن معانا. !
فــرح بـِ فرحـه. : هـم أيولو فـ حـوش و أحنـي في حـوش شنـي لـ أمعانـا. !
غيـداء حطـت رجـل على رجـل. : يعنـي لـما نتلقــطو أحنـي و عـيت عـمك و نطـلعـو لـ بـرا حيـشبحونا من الروشـن راهم،لاصقـين فـ معتصـم !
فـرح حطـت مــق القـهوه و نــاضت. : فكرتيـني أنـوض معتصـم. !
غيـداء. : نهـارك قـال مـاحـدش ينوضـمي!
فـرح. : يـمشـي يـملح بنوضـه ياسـره نــوم. ” و هـي ماشـيه لـ الدروج تلاقـت مع بوهـا،بيشرب فـ قهـره فـالصـالون و قاللهـا بـري و قوليلـه بيـمشـي أمعاي على خـاطر مؤتمـر. ”

طقـت البــاب و دخــلت. و ركـبت فـوق السـريـر و هـي أتنــقز
معتصـم. : خيـرك يا فرخــه
فـرح. : نــوض نــوض
معتصـم بـ عيـاط. : أطلعـي خـير ما انـوض اجنونـي عليـك. !
فـرح ضحـكت و نـقزت مره ثانيـه بعـدها قعـمزت. : قالـو عنـدهم 3 بنـاويت يـمكن
معتـصم نحـى الغطـا من عليـه و شحبلـها بـ عيـن مفتوحـه و عيـن مصـكرهـا. : مــن هــاذم ؟
فــرح. : لـ بيسكنـو أهنـي
معتصـم أبتسـم و حـط أيده على شعـره. : قوليتـلي بنتيـن باهـي شنـي كبــار. /
فـرح. : أي
معتصـم. رمـى عليهـا لـ مخـده. : بـاهي بـري خـلاص. ! بـري طيري هـي انتـي و البنـاويت

نـاضت فـرح طلعـت بعـد ما قالتلـه على المؤتمـر و قاللهـا بنرقـد ما خـاطريـش و نـزلت لـ بوهـا خبراتـه بالحـرف شن قـال مع قليـب من الحبـركه و البهـارات ?‍♂️
و نـاض عـمي حمـد جاتـه علئ معتصـم و مشـاله

غيـداء. : قصــدك هـذا صوتـهم يتعـاركو ?‍♂️
فـرح. : أي اينــوض يشـقا برزقنـا قـداش بيشـيل،بـابا ولا بيشسـل،هو وجـدي و عمي !

_____________________

وصــلــت طيــارتنــا لــِ مطــار طـــرابلس ســـاعة 9:30

و كنـت دايــخة بشـكل غريـب ومـش قــادرة حتـى نمشـي ولا نــفرد طولــي مـش عارفــه شن صـارلــي. !

درنـا الاجـراءات و خـدينا الشنـاطي و وقـت طلعنـا أستقبلونـا سيارتيـن. ! بالسواقيـن
بـابــا. : الـزوز ماشييـن لـ الحـوش ولا وين؟
سـواق. : لا أنا أرفع أنتـا لـ مؤتمـر ?‍♂️
بـابـا. : باهـي بـس متـسدهمـش كلـهم السياره أهيا. !

أني كنـت. واقفه و حاطـه راسـي على كثـف مـامـا و نـاشر لـ قـمر وجيـران بـ أن ينـزلو هـما لان أني دايخـه بنــروح. و هـم رامييـلي الحوله. !
بـابـا. : تعالـي مـعاي كراميـل و حتـئ أتشوفـي خدمـتـي. !
انـي تكلمـت و صـوتـي يادوب طــالع. : دايخـه حتـى مش قتادره نوقـف
بـابا : تعالـي معـاي و خلـي جـدك و امـك و البـاقي يمشـو و نحنـا مش حنـعطلـو
أستسـلمـت لـ قرار بـابا و مشيـت معاه لـ السيـاره الثانيــه
_______________________

وصلـنـا لـ الشركـه و كـان منظـرهـا فخــم شـي غيـر،مُعتـاد عليــه. ! خشينـا لـ الداخـل. و أنـي نشبـح لـ الموظفيـن و الديكـور شـي رخـام شـي ديكـور و النـظافـه و الاهـم البـدالي الرسميـه و طـول بابا طلع قرواطتـه و لبسهـا و أنا أبتسـمت و قـعدت أنساويـلا فيهــا
و أستقبلونـا الريسبشيـن و لمـا خـدو أسم بابـا عطونـا بطـاقات لابسنـاهــم و دخـلنـا
ركبنـا لـ الـدور الثالـت لـ مكتـب. ” عـمو حمـد. ” الـي هو المديــر

___
بـابـا” مفتـاح. ” طـق البـاب و لـما جاء صـوت من الداخـل تفضـل دخـل و أنا طبعـا خشيـت وراه.
و بعــد سلام حــار
عـمي حمـد. : مشـاءلله بنتـك. ؟
بابـا. : أيوه هـذي كراميـل بنتـي الوسطنيـه
عـمي حمـد. : ربـي يحفظهـالـك إن شاءلله. الشرقـاويـات يا،لطيـف
و أني كـالعـاده أي حـد أيجيب سيرتـي نتحشـم و أتصيـر فيا حالـه !

قعـدو يهـدرزو و من بعـدهـا عـمـي حمـد شبحلـي. المؤتمـر مـعاش عليـه بـري بنتـي لـ دور الارضـي و أني و بـوك نلحقوك
ابتسـمت و طلـعت من المكتـب ركبـت الاسـانسيـر و خشيـت و كيـف بيتصـكـر جـت أيده شـداتـه و خشـت
معتصـم تنـهد و هـو يـشبح لـ السـاعـه و شبحلـي و ضغـط على. ” الــدور الارضــي ”

أنـا كنـت أنشـوف قـدامـي و معطيتـش أي اهتمـان لـ حتـي رن تلفونـي فتحـت الشنطـه و طلعتـه كـان المتصـل. ” عبــدو ❤️
رديـت. : أيـوه عبـدو

عبـدو: معقولــه من أمبـدري واصلـه و متتصـليش بيــا. !
أنـا. : عبـدو كنـك أنـت هكــي ولله راسـي صـداع. و مفضيتتش بكل لـ توا
عبـدو. : تمـام الحـق عليـا أنا لـ طلقتـك و باعتلـك فوقهـا أغنيه هي سلام ” و صكــر الخــط عليـــا. ”
حطيـت فونـي فـالشنطـه. : أستغفــرلله العظيــم.
معتصـم. : ههههههههههههههههه
أنـا فنصـت عيونـي و بحتت فيـه. : فـي شي أيضحــك
معتصـم يضـحك و يتـكلم بالسيــف. : شرقــــاويه. !
انـا. : أهـا كيف الشراقـه مش عاجبينـك. !
معتصـم وهو مـش،قـادر يتـكلم. : لا العفــو ? أن لله خلـقنا شعـوبا.و قبـائل لنتـعارف ?‍♂️
رفـعت أعيـونـي فــيه كنـت بنهـزب و هو أيبحت فيـا بيضحـك بـس أول ما جن أعيونـي فـ أعيونــا نحنـا الاثنيــن سكتنــا.
انفتـح الاســانسيـر و كــان زحمــه مشينـا لـ جيـهةة المؤتمـر و كنـت أنا نمشـي و جنبـي معتصـم و نحنـا الاتنيـن. مش فاطنيـن أننـا جنـب بعـض. ” و كانـو بيحـطو ميوزك هـادئـه بس غلطـو وشغلـو أغنيـةة اليســا. “”

” مكتوبـــه ليـــك أن انــا الــي تعيـش لهــا
مكتوبــه على أسمك حيــاتي كلهــا. ”

و بعـدها أنتبـهو لـ الخـطـا و حطـو،ميوزك هادى وصلـنا و أفترقنـا أنا،كملـت طـول لـ الكراسـي. بينمـا هـو مـنعرفش ويـن،مشـي. ؟

قعـمتزت وشويـه جـي جنبـي بـابـا ومن بعـدهـا ركـب عمـي حمـد لـ المسـرح و وراه واقـف معتصـم و فتـح المايــك. : أولا السـلام عليـكم و رحمـةة الله و بركاتـه نوجـه بـ أسمـي و بـِ أسـم شركتـي شـكرا لـ السـاده الكـرام لـ حضورهـم اليــوم و فـي مؤتمرنـا هذا سيتـم اطلاق مشروعنـال،الجديـد و نستقبـل كل الاسئلـه الموجـه منـكم ساعييـن للإجابـه عنهـا.

كنـت مـركزه ع الـي وراء عـمو حـمـد و بيـن أن،شخصـيه مُهمه،فالشـركـه بـِ غض النـظر أني خـاطري نضربــه. !

رفعـو،الصحـافـه أيديـهم و كـان لـ كل حـد فيـهم سؤال،بيسالـه أشـر معتصـم على صحفـي لـ خاطر يسـال

: ما سبب. الازدحـام المتواصـل لـ محطـات النفـطه بينمـا تمتـلك ليبيـه نفــط أكثـر من الـدول الاخـرى حـيثُ، الـدول الاخـرى لا نــرا أبـدا هـذا الازدحـام و هي لا تمتـلك نفـط كثيـرا!
معتصـك قـدم و رد وهـو واقـف بِ،هيبـه و أبتسـامه بسيطـه : زي ما تكلـمت _ عنـدنـا نفـط لـكن وقـت استـخراجـه أكيـد مش حتحطـه فـ السيـاره. ! الا بـعد مـا نعطـو فيـه لـ الـدوب الاجنبيـه لـ عمليـةة ” تكـريـر النفـط ” و زي مانعـرفو نحنـا هـو فصـل زيـت الخـام،و،عـديـد،من المكـونـات،و للاسـف ليبيـا،في وقتنـا الحـالي معنـدهاش القـدره أن تستـخـرج النفط و اتصفيـه علي خـاطر يبـدا صالـح للاستعمال يعـني حتـاخـده،الـدول الاجنبيـه ومن بعـد،تكريـر،النفـط أحنـي حنـاخـدوه لكـن،بسعــر،أرخـص أو مـش غالـي التكـلفـه الفـرق فـ الرخـص و من سوالـك نحـب أنقول أن بـاذن الله و بعـون الله تعالئ مع،تجهيـز و أتفـاقات مع شركـات ثانيـه حتبـدا ليبيـا تستـخـرج و أتكـرر النفـط باسمهـا

كنـت أنشـوف في طريقـةة كلامـه و،مفتـخـره مش عـارف عليـش و كـأني أنا الـي نحكـي و صبيـت قعـدت أنصفـق و الحـضور،بـدو أيتـفاعلـو أمعايـا و أيصفقــو لكـن عنـدي كميةة كـرهه لـيه غريبـه مش عارف ليــش. !

امـا عـمي حمـد مبتسـم و فرحـان بـ ولـده بـ أن أثبـت،وجـوده و أعلـن عن،مشـروع مستقبـلـي.

كنـا حنمشــو أنسـلمو عليـهم بـس حـالتـي تعبـت وطلعنـا أنا و بابا مع السـواق لـ حوشـهم. !

يتبع

 

error: