روايات ليبية

رواية خسرتك بعد ماحبيتك

 

رواية خسرتك بعد ماحبيتك ?

من الواقع ?

بقلمي الكاتبه هوبي الشريف?

Hoby Alshreif ✍

وهذي روايتي الجديدة بإذن الله هتعجبكم وفيها عبرة تابعوها ?
بسم الله توكلت على الله ?

#المقدمة ?

نعرفكم بالشخصيات الرئيسية للرواية:
إسلام م90يفرا هندسة السيمستر قبل الأخير شاب وسيم شكله يهبل طول وعرض عيزنه سود وكبار شعره أسود ولحيته سوده مرسومه كلو علي بعضو حلو ?
كان بحب يهتم بلبسه انيق بكل ويشتغل في محل ملابس للشباب داير شراكه هوا وصاحبه معتمد علي روحه يصرف علي هله باته سعد م65 متوفي في حادث له سنتين ?
امه اسمه اسالمة م68 وليه طيبه بكل وحنونه وهيا ربت بيت ?
إسلام عنده أختين ريما م94متزوجه لها شهر مغرووره شايفه نفسها. االسيمستر ال5في الاقتصاد
رهف م96 عسللل بكل طيوبه وهادية وتحب الخير وسمححه تقرا
إعلام اول سيمستر?

في شخصيات مهمة بس هتعرفوهن خلال أحداث الرواية ❤

#الحلقة الأولى 1 ?

ناض إسلام علي صوت المنبه س7 ومازال خاطره يرقد لكن معش في وقت س8 محاضرته صبى خش (الحمام) حشاكم وطلع صلى وغير دبشه وطلع للمطبخ لقا امه توتي في الفطور
إسلام: صباح الورد ياست الكل. وبست علي راسها ?
سالمة: صباحك مبروك وعدوك مهلوك ياوليدي ❤
إسلام: مش رهف عندها جامعة اليوم أول يوم ؟
سالمة: نوضتها قاعده تلبس
رهف: بطلو قرمه ع الصبح ?
إسلام: غير صبحي وبعدها خففي دمك ?
رهف: هههه ماتضحكش راه
إسلام: غير هيا افطري وقت علي محاضرتي ?
رهف: هيا به

في مكان ثاني:
إبتسام: ناضت جوري ياأسامة؟
أسامة: اها نوضتها
نعرفكم بيهم إبتسام م74 خريجة هندسة ومحضره الماحستير والدكتوراء وهي دكتوره في كلية الهندسة إنسانه راقية وطيبه ?
زوجها أسامة م70 مهندس في شركة الكهرباء راجل حال المادية متريحه بكل يحب زوجته وبنته ومايرفضلهمش طلب ?
عندهم بنت وحده اسمها جوري م96 بنت شايفه رووحها وديمه مصغره الناس عاطيتها لروحها بس الحق جميلة مواصفاتها بيضا وعيونها عسليات وشعرها كوستنائي طويل خاطرها تخش هندسة وفعلأ جابت مجموع عالي وخشتلها?
جوري: ضباحوو عسل دادي ومامي ?
أسامة: ياصباح الورد أميرتي ?
إبتسام: صباحك فل وياسمين بنوتي الحلووه ❤
أسامة: بنتي كبرت وبتبدا جامعة?
إبتسام: ربي يوفقها ان شاءالله يارب
جوري: اها ان شاءالله نقعد كيف مااتتمنو وأحصن?
وفطرو وطلعو مع بعضهم إبتسام كانت تسوق خذت بنتها وعدت هيا وياها للكلية ❤

مشى إسلام هوا. ورهف ووصل لكليتها وكان فرحان لأنه بيشوف حبيبته ❤

وصل إسلام لكليتهةونزل تحضر محاضرته وطلع شاف تليفونه لقا رسالة من جوري (حياتي تكمل خلينا نتلاقو)
واتصل بيها وتلاقو وهدرزو وجوهم حلوو ?

علي الظهر كمل إسلام محاضراته وخذا اخته وروحو للحوش وكان فرحان ?
إسلام: امي بنحكي معاك موضوع؟
سالمة: ان شاءالله خير ياوليدي حتى خير ماقلتها ?
إسلام: سامحيني يالغالية بس بنقولك في بنت نبيها ونبيك تخطيبها ليا
سالمة: واخيرآ بنطمن عليك ونفرح بيك بنت من ونعرفوها البنت؟
إسلام: لا ياأمي ماتعرفيهش بس والله بنت محترمة وماشاءالله عليها ?
سالمة: خلاص نحددو يوم ونمشولهم
إسلام: باس علي راس امه وطلع ومن الفرح قريب يطير كان يلقا يعيط ياأعلى صوت ويخلي الناس كلها تعرف انه حلمه هيتحقق وتكون من نصيبه ❤

واتصل بجوري وقاللها وحددو بعد يومين يمشولهم

وجا اليوم الموعود كان يوم ثلاثاء وعدا إسلام لمحل الحلويات وكان جوه حلو ويفكر في حبيبته وهوا خاش للمحل يخبط في بنت ويطيحها يطيحلها كل يلي في يدها ?
البنت كنت طالعه وفرحانه بتخرجي وواخذه الحلو لأهلي وفجأة يخبطني واحد ويطيحني ويطيح كل يلي في بدي ?
البنت: انت ماتشوفش كنك؟
وبحتت فيه وسرحت في جمال عيونه وشخصيته ?
إسلام: اسف والله ماقصدي ومدلها يده بيصبيها ❤
البنت انتبهت لرزحها وقالتلا: لا شكرآ نعرفي نصبي بروحي ?
إسلام: الحق عليا انا اللي بنساعدك وعدا وسيبها
البنت صبت ولمت حاجتها وطلعت وإسلام خذا تورته و4أنواع حلو وطلع

س5العشيه طلع إسلام هوا وعمه وامه وريم ورهف خواته ❤

في حوش هل جوري:
جوري كانت فرحانه هضا اليوم اللي ترجا فيه من زمان ?
إبتسام: هيا جوجو الناس قريب يوصلو
جوري: هيا خلاص وتيت
لبست فستان وردي قصير يهبل ودارت ميك اب خفيف وطلقت شعرها الطويل ❤
إبتسام: ماشاءالله علي اميرتي ربي يحفظك ?
ورن الجرس واستقبلتهم إبتسام هيت واختها بسمة واسامة خشش إسلام وعمه أحمد للمربوعه

وصال بنت خالة جوري قدمتلهم تلعصير والشوكولاطة
سالمة : وين كنتنا؟
إبتسام: شويه وتجي

جوري: شكلي تمام هكي؟
وصال: تهبللللي غلاتي ربي يحفظك اطلعيلهم هيا ❤
جوري خذت صفرة القهوة ووصال الحلويات ?
جوري متووتره بكل خشت: مساء الخير
سالمة: مساء الورد
ريما ورهف: مساء النور
وسالمة عجبتها جوري وقعدو يهدرزو ?

عند الرجاله في المربوعه:
احمد عم إسلام: نحنا طلبنا بنتك وولد خويا غني عن التعريف ومن حقكم تسالو
أسامة: ان شاءالله خير والله مان
وقاطع كلامه الباب يدق
أسامة: نستاذن شويه
وطلع فتح الباب لقاه خوه خالد اللي كان مسافر شغل له شهر ومعاه هله كانو مسافرين
اسامة خذا خوه بالأحضان ويسلم: تفضل تفضل
خش خالد: السلام عليكم
إسلام واسامة: وعليكم السلام
خالد: عندك ضيوف نخليها بعد نجيك اصلآ نبيك في موضوع
أسامة: لا خليك اصلا جايين يطلبو في بنتي جوري
خالد: كيييييف وكنك ماتقول ولا انا اخر من يعلم ياخسارة ماجوري كيف بنتي ?
أسامة: غير وسع بالك انت كنت مسافر وانا كنت هنشورك اكيد
خالد : معناها انهيه الموضوع لان كلنت جايك بنطلب جوري لسليم ولدي
خالد: سامحوني بس تعصبت وانا كنت بنحكيلا غير كنت مسافر
أسامة: معليش سامحوني انا خويا مانقدرش نرده ومافيش نصيب

كانت الصدمة كبيرة علي إسلام عقله معش أستزعب اللي صار. وطلع ولا قال اي كلمة ?

أحمد: ربي يسعدها ان شاءالله واتصل بمرات خوه وطلعو
طبعا احمد كان جاي بسيارته وإسلام مع هل بسيارته

سالمة: شن في ووين إسلام ؟
أحمد: لما طلبناها وقال هنسأل لاكن جا عمها خرب الموضوع وقال يبيها لولده والراجل مايبيش يرد خوه وإسلام طلع دغري بدون مايحكي شي ?
سالمة: ياناعليا وليدي كان فرحان خربولا فرحته وقعدت تبكي من كثر ماولدها واجها ?
رهف: عليك تخلف مازال في عادات هكي والمفروض يكون فيه تفاهم مش هكي ?
ريما: بس جوري دلوعة هلها اكيد هترفض واصلآ هيا تبي إسلام
سالمة: اللي يرد ولدي والله ماعاد نحط يدي في يده فاهمين

في حوش هل جوري:

إبتسام: كيف يعني بتزرو ع البنت مرات ماتبيش
خالد: خلوها عليا

جوري كنت فرحانه غيرت دبشي وقمعزت ع السرير وسرحت بتفكيري في إسلام. ورنيت عليه ماردش استغربت بس قلت شكله مش فاضي ودق باب داري تفضل خش
خالد : اهلين بنيتي كيف حالك؟
جوري: عمو خالد الحمدلله ع سلامتك رايفت عليك
خالد الله يسلمك نبيك في موضوع ونتمنى ماترديني
جزري: مستحيل نردك ياعمو
خالد: نحنا اليوم روحنا وكنت جاي بنحكي لباتك عليك
جوري: ان شاءالله خير شن بتحكيلا؟
خالد: نبيك لسليم ولدي وانتي كيف بنتي. وان شاءالله ماترديني مانلقا خير منك وبالنسبة للناس اللي جو قلنالهم مافيش نصيب
جوري: عمو كان يحكيلي وانا مصدومه حسيت تفكيري وقف. وحاولت نمسك دموعي وغصة في قلبي ?وقلتلا: ياعمو انا
وقطع كلامي
خالد: ماترديش عليا توا فكري كويس وماتلقي خير من ولد عمك
جوري: ان شاءالله خير
وطلع خالد
جوري: مجرد ماطلع ارتميت علي السرير وبديت نبكي. بالعبرة مش مصدقه اللي صار حب حياتي اللي بنيت معاه أحلامي #خسرته بعد ماحبيته كل هالحب وهلي رفضوه ?

إسلام طلع وهوا مصدومه وركب في سيارته ويسوق بسرعع جنونيه ويفكر: معقووله حب خمس سنوات يضيع مني يارب حبيتها مانقدرش نعيش بلاها ويخبط بيده علي الدومان والدموع في عيونه مستحيل نتحلي حياتي بلاها مستحيل نخليها تنزف لغيري حبنا وسهرنا وضحكنا وعركتنا وبصارتنا كل هضا انتهى مستحيل وفي عز تغكيره وحزنه الشديييد علي حبيبته …… ?

كل نهاية حلقة هنتبلكن شي بسيط يعبر عن الحلقة ?

أصعب شعوور انك تتعلق وتحب شخص وتدمن وجزده وفي لحظة ينتهى كل شي بدون سابق إنذار ?

#تمت
وهذي اول حلقة ومازال ياما تشويق في الحلقات الجايه ?
ديرن تاق لصديقاتكن ونبي رايكن في البداية ?

 

 

 

 

 

جميع الحقوق محفوظة للكاتبة Heba ✍ هوبي الشريف ?

 

تقييم المستخدمون: 5 ( 4 أصوات)

1 2 3 4الصفحة التالية

هوبي الشريف

السلام عليكم ❤ هلا بيكم حبايبي انا هبة الشريف معروفة (بهوبب الشريف) بين مالبعيني من ليبيا/بنغازي ? كاتبة خواطر وشعر وروتيات ✍ نتمنى ينالو إعجابكم كتاباتي ?

تعليق واحد

زر الذهاب إلى الأعلى
error:
إغلاق
إغلاق

عفوا أنتي تستخدمي إضافة Adblock

برجاء تعطيل إضافة Adblock حتي تتمكني من التصفح