خسرتك بعد ماحبيتك الحلقة الثانية ?

من الواقع ?

#الحلقة الثانية 2?

 

#الكاتبه هوبي الشريف?

 

Hoby Alshreif ✍

 

إسلام طلع وهوا مصدوم وركب في سيارته ويسوق بسرعه جنونيه ويفكر: معقووله حب خمس سنوات يضيع مني يارب حبيتها مانقدرش نعيش بلاها ويخبط بيده علي الدومان والدموع في عيونه مستحيل نتحلي حياتي بلاها مستحيل نخليها تنزف لغيري حبنا وسهرنا وضحكنا وعركتنا وبصارتنا كل هضا انتهى مستحيل وفي عز تغكيره وحزنه الشديييد علي حبيبته. وهوا يجري ومتعصب ويخبط في سيارة وتنقلب بيه ?

 

في حوش هل جوري:

جوري: كنت نبكي ومخنوقه ونتصل بإسلام مايردش ياربي شن ندير نبيه بنحكي معاه مستحيل نكون لغيره ?

وبابا دارها يدق جوري مسحت دموعها تفضل

وخشت أبتسام وجتها جوري حضنتها وبدت تبكي ?

جوري: ياماما انا مانبيش وعمو قالي رفضو الناس وقالولهم مافيش نصيب كيف يديرو فيا هكي ?

إبتسام: ياماما خلاص اهدي ماتزعليش روحك خليك ديمه مقتنعه انه كل شي كاتبه لكي ربي فيه خير لكي وهيا صبي توضي وصلي ركعتين هتريحي ?

جوري: حاض

 

في حوش هل إسلام :

وصلو للحوش وريما جا خذاها راجلها وسالمة كانت تفكر في ولدها

سالمة: حاجه في قلبي مش متطمنه وليدي كسرو بخاطره يارب سترك ❤

رهف اتصلت بيها صاحبتها مرزة (صديقة الطفولة) ?

رهف: الو ميمي

مروة: اهلين ي قلبي كيف حالك ؟

رفف: ماشي الحال الحمدلله وانتي كيف حالك وكيف حال عميمه وملوكه؟

مروة: كويسين ملاك تحضر لتخرجها بعد شهر

رهف: ماشاءالله ربي يوفقها

مروة: به كنا صوتك فيك شي؟

رهف: لا غير متضايقه علي إسلام ماصارش من خطبته ونتصلو بيه مايردش ?

مروة: لا حول ولا قوة الا بالله ممكن مافيهش خير له ربي يعوضه بأحسن منها ❤

رهف: ان شاءالله. ماما تناديلي نحكو نت بعدين باهي❤

مروة: تمام غلاتي ?

وسكرن الخط

سالمة: الله يربحك جربي رني علي خوك بلكي يرد

ؤهف: حاضر

ورنت علي مافيش رد

 

في حوش هل مروة:

مروة: تسلم عليكم رهف

امها (سعاد؛) : سلمك وسلمها

ملاك: ياخيا نجيها تهبل رهوفه كيف حالها؟

مروة: مسكينه متضايقه ع خوها ماصارش من موضوعه ?

ملاك: ربي يعوضه خير

سعاد: ان شاءالله

خالتها امينة: ملوكه بيش تمشي معايا بكره كان ماعندكش كلية بيش تتعودي ع جو المرضى والمستشفى

ملاك: اها بكره ماعنديش بإذن الله نمشي معاك ❤

 

نعرفكم على عيلة مروة:

مروة م96 تقرا إعلام مع رهف ?

وملاك م90 تقرا طبي مازاللها شهر وتتخرج بتكون دكتورة أطفال ?بنت طيووبه بكل وتهبل وروحها حلووه ?

باتها اسمه عبدالعزيز ةعندهم اخ واجد اسمه محمد م94 يقيرا تقنية معلومات ?

 

نردو ل إسلام زعما شن صار فيه ?

إسلام في عزه تفكيره وحزنه وخوفه خبط في سيارة وانقلبت بيه.السيارة تنقلب وترد ?

ومعش فطن لشي وجو الناس التمو وسعفوه للمستشفى وخذو نليفونه وواحد منهم اتصل بأخر رقم لقاه في السجل

الراجل: السلام عليكم

رهف:: وعليكم السلام من انت ووين إسلام؟

الراجل: صاحب التليفون داير حادث وتوا في المستشفى

رهف: شنووو اي مستشفى ؟

الراجل: مستشفى ######

 

رهف كانت مقمعزه يالا امها ومشغولات علي إسلام فجأة رن فون رهف فرحت لقاته إسلام ?

رهف: إسلام ي ماما

سالمة: الحمدلله ياربي ردي بسرعه علي خوك

رهف اول مارديت سمعت صوت راجل غريب ولما قالي داير حاث دموع ينزلن بدون توقف وتقول حد غرسلي موس في قليي ?

سالمة: شن في كنك خوك احكي وليش نبكي؟

رهف: ياماما إسلام في المستشفى دار حادث ?

سالمة: ياناعليا وليدي يارب خوذ روحي وخليه ?ورني بسرعه علي سفيان راجل اختك يجي ياخذنا

واتصلت رهف يي ريما وجا سفيان خذوهم عدوو للمستشفى

 

وصلو للمستشفى سالو عليه الممرضه وقالت اهو الدكتور اسألوه

سالمة: طمني يادكتور علي وليدي

الدكتور: اهدي ياحاجه بس وهوا عند كسور في يده اليمين وكراعه اليمين مكسوره وكراعه ثانيه مافيش استجابة من قوة الحادث وقوة الخبطة عليها اصيبت بشلل بس ماتخفيش مع العلاج الطبيعي هيتحسن بإذن الله

سالمة من شدة الصدمة اغمى عليها شالوها دارولها تغذيها وقاسولها الضغط والسكر مرتفعات ?

 

بعد ساعتين وعت سالمة وكانت هادية شويه وهي إنسانة مؤمنة بقضاء الله

رهف: كيف حالك توا ياماما؟

سالمة: الحمدلله طمنيني علي خوك ناض؟

رهف: قاعد في ابعناية الدكتور قال يطمنو علي ويشوفو كان عنده نزيف داخلي وبكره ييان كل شي ان شاءالله

سفيان وريما خشو

سفيان: هيا عمتي نروح بيكن عشان صحتك وبكره الصبح نجيبكن

سالمة: لا انا بنقعد مع وليدي مش هنخليه

ريما: ياماما هوا توا في العناية يعني لو قعدتي مش هتستفادي هيا نروح وبكره نجو

رهف: هيا حبيبتي عشان صحتك زتاخذي دواك

واقتنعت سالمة انها تروح معاهم ووصلهم سفيان للحوش وبات معاهم يعني ماتجيش يسيبهم بروحهم ❤

 

سالمة خشت دارها صلت العشاء ولشفع والوتر وقعد تقرا في قراءن ودموعها علي خدها ?

 

رهف: سفيان شن قالك الدكتور من بدري شفته يحكي معاك؟

سفيان: مابيتش نحكي عشان عمتي خفت عليها إسلام قاعد في غيبوبه ومش معروف امتى ينوض. ?

رهف: حي عليا ياحبيبي ياخيي ساط فرحتك ماكملتش بحبيتك وزادها عليك هالحادث ?

سفيان: استغفري ربك وأحمديه أنه نجا منه اللي يشوف السيارة يقول اكيد مات اللي فيها نجوته كبيرة ❤

 

هالليلة كانت حزينه علي الكل سعاد اللي مارقدتش وهيا تبكي وتدعي لولدها ?ريما ورهف اللي مابطلنش بكا ع خوهن وحيدهن وسندهم بعد باتهن الله يرحمه ?جوري اللي كانت تبكي ومقهورة وزادها زيادة إسلام اللي مايردش علي تليفوناتها ورسائلها وبعدها قفل تليفونه ?

 

ثاني يوم الصبح عدوو للمستفى بيش يطمنو على إسلام وطمنهم الدكتور وقال مافيش نزيف طاخلي وكل شي هيتعالج مع الوقت غير يراجو امتى ينوض بس?

 

امينة: شن رايك في جو المستشفى؟

ملاك : نحمست اني نتخرج ونشتغل جو حلو وعجبني ?

 

#شعور حلو لما تقرا شي تحبه ووتتخرج وتتطبق كل يلي خذيته في شغلك?

 

امينة: بندزك للدكتور عليعرفتيه اللي من بدري كان يوري فيك معايا في الطابق الثاني امسكي الاوراق هذينا عطيهن له تحليل واحد دار حادث مسكين يوجع ?

ملاك: لاحول ولا قوة إلا بالله حاضر به اها عرفته ?

 

نزلت ملاك للطابق الثاني وسالت ع الدكتور والممرضة قةلتلها قاعد في العناية عدتلا

ملاك: مشيت وبنخش للدكتور وتفاجأت لما شافت إسلام وعليه الأجهزة وقعدت تتذكر مار عليها شكله بس وين وين اااها هوا اللي طيحتيني امس في الحلواني ?

تذكرتوها البنت اللي خبط فيها إسلام هي نفسها ملاك ❤

 

ملاك اشرت للدكتور وعطاته الأوراق وعدت وتفكيرها في إسلام اللي منظره يقطع القلب ?

 

#تسريع الأحداث:

مر شهر نفس الروتين لا إسلام وعى والحزن مسيطر عليهم وجوري تتصل كل يوم وتلقا فيه مقفل ?ملاك تخرجت وشبه كل يوم تجي وتطمن علي حالة إسلام من بعيد وهيا مش عارفه ليش تدير هكي ❤

 

في يوم جت ملاك للمستشفى وحاجة في داخلها تقوللها خشي شوفيه وقالت للمريضه وخشت لبست البس المعقم خشت

ملاك: يارب اشفيه حرام اللي صاير فيه شهر مايندريش علي روحه واكيد هله متعذبين عليه ?وتبكي وبينها وبين نفسها تقول ليش انا نبكي عليه ليش نجي نشوف فيه كل يوم ليش كل تفكيري فيه وقالت اكيد عشان واجعني حاله بس ?

وجت بتطلع سمعاته يدوي بس بصعويه ومش مفهوم شن يحكي قربت منا

إسلام: فتحت عيوني لصعوبه وحاس جسمي متكسر ووجت بين عيوني جوري حبيبت قلبي ❤

إسلام: جووري

 

ملاك: سمعت ينادي بأسم بنت طلعت فرحانه عشان ناض وفي نفس الوقت تضايقت اول ماناض نادى بأسم بنت ?

 

ملاك نادت ع الدكتور وقالو لهله انه ناض ❤

 

سالمة كانت تبكي وتدعي لولدها ولما قالولها ناض سجدت دغري تحمد في ربها ?

 

إسلام امه وخواته وراجل اخته معاه فرحانين بيه انه ناض ويضحكو وجوهم سمح طبعا إسلام عرف بحالته بالتفصيل وصعبت عليه روحه ?

إسلام: هلي معايا وضحكة امي بالدنيا بس في حاجه ناقصتني راحتي وسعادتي جوري مش معايا ?وكل مانقول لأمي جيبيلي تليفوني تنسى ?

 

مر اسبوع وطلع إسلام من المستشفى جا خذاه سفيان

سفيان: حمدلله علي سلامتك خوفتنا عليك والله

إسلام: الله يسلمك يامعلم

 

كانت س7في المغرب وقتها

إسلام : قبل ماتمشي للحوش شيلني ل#####

سفيان حاضر

وصلووو و……….. ?

 

#تمت?

كل نهاية حلقة هنكتبلكم شي من كتاباتي استلهمته من احداث الحلقة ?

 

شعور غريب وحلو لما تجمعك الصدفة بشخص ياخذ كل تفكيرك بالرغم ان من الموقف عادي جدآ وهالشخص يكون جزء من روتينك تحب انه يكون بخير وترتاح لشوفته ❤

 

• عارفه هتقولو نكد بس صدقوني رواية حلوة وأحجاثها فيها عبرة وإستفادة ❤

 

 

 

 

 

 

 

جميع الحقوق محفوظة للكاتبة Heba Alshreif ✍ هوبي الشريف ?