رواية بقايا الماضي
رواية بقايا الماضي
بقلمى شمس علاء
البارت الاول.
في مكان مهجور.
كان يقف ادهم الشرقاوي وراء حائط وفي ايديه مسدس ينتظر هدفه .
بعد خمس دقائق .
ظهرت عربيتين نزل الرجلان منهما .
الرجل الاول : طول عمرك بتحترم مواعيدك ياعادل .
ابتسم عادل المحمدي بثقه : طول عمر المواعيد هي ال بتحترمني مش انا ثم اكمل فين الفلوس .
الرجل : الفلوس مش هتطلع غير لما اشوف البضاعه .
عادل المحمدي : كده طب اتفضل ثم قام عادل بفتح الشنط لتظهر المخدرات
ليقول احد من خلفهم : محدش يتحرك من مكانه ثم ينظر الي عادل المحمدي و قال كنت فاكر انك هتفلت من ايدي
بعد نص ساعة من اطلاق النار
تمكن ادهم القبض عليه ليقوم عادل بضربه بالخنجر في ذراعه فلم تهتز شعرة من ادهم وقام بلكمة لكمة رنحته علي الارض .
ذهب ليتحدث عبر الاسلكي : الجزء الاول من الخطة نجح حول .ثم واصل حديثة : يزيد انت فين حول .
ليرد عليه احد من زملائه رحيم بارتباك : انا رحيم يا ادهم يزيد اتصاب واتنقل للمستشفي العسكريه حول .
لم ينتظر ادهم اكثر من ذلك قام بقيادة عربتة غير مهتم بالدماء التي تسيل منه بالاضافه الي جارحة العميق .
في قصر معتصم الشرقاوي .
شهيرة بتسأل: وبعدين في البنت الي محبوسه فوق بقلها اسبوعين دي .
عز : والهي يا امي منا عارف حاجه وانتي عارفه ادهم مافيش حد بيعرف يتكلم معاه في شئ بس اكيد عملت حاجه عاملت حاجه ايه عملت مصيبه ان ادهم يعمل فيها كده .
شهيره بحزن : انا كل ما اشوف ادهم بحس بالذنب يا عز.
عز : لا يا امي انتي عارفه ادهم وان مافيش حد يقدر يجبره علي حاجه مش عايزها.
شهيره تحدث نفسها : والله انتوا مش عارفين حاجه .
شهيره : اومال يا سلمي متعرفيش حاجه .
سلمي بارتباك : ااانا ممعرفش حاجه .
شهيره بشك : دا ازاي ياعني ما طول عمر سرك مع ادهم و سر ادهم معاكي.
سلمي : والله يا امي هي تستهال للي اتعمل فيها دي تستاهل الموت.
لتنظر لها شهيره : يعني انتي عارفه .
سلمي : ايوه وبعد ازنك انا طلعا اوتي.
عشان تتهرب من سؤلها عن السبب .
في احدي غرف القصر .
تجلس فتاه يظهر عليها الارهاق مقيدة بالحبال .
تقول لنفسها: انا مش ندمانه علي الي عملته ولسه مشفتش حاجه .
وتضحك بهستريا.
في مكان تاني .
الرجل الاول : انا مش عارف البت راحت فين بعد ما نفذت الي قولنا عليه.
الرجل الثاني بسخرية : اديك قولت لما نفذت الخطة دا مش بعيد تكون ماتة .
الرجل الاول : مش ادهم الي يقتل ادهم تفكيرة اكبر من كدا وانا متاكد .
الجل الثاني : الي يخليك متاكد من تصرف ادهم متاكد من ان البت دي تقول كل حاجه.
الرجل الاول : انا قولتلك انا مبتحركش خطوه غير لما اكون متاكد منها ولسه.
الرجل الثاني باستفهام : لسه ايه .
الرجل الاول : لسه الضربه الجمدة ماجتش هتكون من نحيتين .
في حي من احياء القاهرة .
في بيت يظهر انه من الطبقة المتوسطة.
ياختي مين الي بيخبط الساعة دي ثم تفتح باب الغرفة .
خير عايزة ايه الساعه دي .
-انا كنت عايزه بابا.
ليه يعين ابوكي قوليلي عايزه ايه ابوكي نايم يا نور هانم .
نور وهي تحاول التحكم في غضبها : انا لازم اروح المستشفي عشان في حالة طوارئ ولسه متصلين بيا ممكن تبقي تقولي لبابا.
فوزية بخبث : اكيد روحي انتي وانا هبقا اقولوا .
نور بشك : ماشي .
لتخرج نور بسرعه .
نور: الو ايوه يا سلمي وصلتي ولا لسه .
سلمي: انا في السكه خمس دقائق وهكون هناك .
نور : اوك هتروحي هتلقيني هناك باي
سلمي: باي .
في المستشفي .
وصل ادهم المستشفي بسرعة قياسية .
ادهم : رحيم يزيد فين .
رحيم : لسه داخل العمليات حالا .
ادهم بغضب : ايه الي حصل وانت كنت فين يا رحيم .
رحيم : يا ادهم منتا عارف انا انا ويزيد كانت مهمتنا في تنفيذ الجزء التاني من الخطة مختلفين عن بعض وبرضو انا كان عيني عليه لحد لما حاول فخر حاول يهرب يزيد راح وراه وعبال مارحت ورا يزيد لقيتو غرقان في دمه وفخر… ليقطع حدثهم الممرضه و الدكتور : والله يادكتور اتصلت بيها هيا والدكتورة سلمي قالو دقتتين ويكونوا هنا .
ادهم بصرامة بغضب و بخوف علي صديق عمره: هو في ايه ويزيد حصلوا ايه.
الممرضه بخوف من هيئة ادهم وغضبة : حضرتك احنا مستنين الدكتورة نور ودكتورة س……
ادهم بغضب : دا الي هوا ازاي يعني وسيبينه جوه ايه الدكاتره الي مش شايفة شغلها دي فين الدكتوره نور ديه.
ليأتي صوت: هو في ايه .
الممرضة : دكتورة نور .
عند سماع ادهم الاسم ليقول بغضب: هو انتي دكتورة نور الي مسنينها من بدري هو فيه دكتورة شيفا شغلها تتأخر علي العمليات وحاله طوارئ والمصاب بين الحياه والموت حضرتك دكتورة مهمله.
نور ابتلعت اهانته مراعيه حالته وقالت بثبات : حضرتك انت الي معطلني دلوقتي اني اادي وظفتي ممكن بعد ازنك .
رحيم : خلاص يا ادهم انت كدا بتعطلها.
لينظر له نظره اخرسته .
تدخل نور غرفة العمليات .وبعده بخمس دقائق تاتي سلمي .
سلمي : ابيه ادهم هو حصل حاجة .
ادهم بغضب : انتي ايه الي خرجك في الوقت دا انطقي .
سلمي بخوف : اتصلوا بيا عشان في حالة طوارئ .
الممرضة بسرعة : دكتورة سلمي دكتورة نور عيزا حضرتك .
سلمي بعمليه : طب اتفضلي ادامي بعد ازنك يا ابيه .
ادهم اتصدم بعد ماعرف ان سلمي هي هتكون من ضمن الي هيعملوا العملية ليزيد .
رواية
بقايا الماضي
بقلمي / شمس علاء
جميع الفصول
- رواية بقايا الماضي (البارت الثاني)
- رواية بقايا الماضي ( البارت الثالث)
- رواية بقايا الماضي ( البارت الرابع)
- رواية بقايا الماضي ( البارت الخامس)
- رواية بقايا الماضي ( البارت السادس)
- رواية بقايا الماضي ( البارت السابع)
- رواية بقايا الماضي ( البارت الثامن)
- رواية بقايا الماضي ( البارت التاسع)
- رواية بقايا الماضي ( البارت العاشر)
- رواية بقايا الماضي ( البارت الحادي عشر)
- رواية بقايا الماضي ( البارت الثاني عشر)