مـورم & متـرمـم
مورم&مترمم…
جزء ثاني مقابل الاخير….
بقلم فاطمة سالم
…..
نوضتني خوله…
واني مستغربه شن في….
اني :خيرك؟!
خوله :اسمعيني كويس. ….
لي ديري فيه مش لصاااالحكك كلمتيه مره ان بيجوك خطاب وهو ولااا كأنه وتوا جايينك خطابه كلميهه يا اما تسقدي
….
وع فكره هدا مش راااجل تدكري لما جربتيه ع ان جاك تهديد وتشوفي فيه شن يدير
اني :تو نجربه ع خطابه ونشوف رد فعله
خوله :ههه متجربيش واحد مريض…حبها هدا مش راجل خلي يكون معاك راجل تنسدي عليه وتعرفي ان ميخليش حدد يطق فيك ولا بربع كلمه مش سب وكلام كيف زباله وتهديد وصور وانتي لابسه قفطان والجو هدا كله جاك انتي باش تتصرفي لا ياماما يتصرف هو من عنده وميقولكش ربع كلمه ع موضوع ويحل موضوع بروحه
خلود اصحي ع روحك بالله عليك هدا فرخخخ فاهمه شن معنى فرخ ولا
اني :صح كلامك بس شن ندير ترا؟
خوله :خلوود ماتسايرنيش وتقوليلي صح كلامك وخلاص كلام هدا افهميه وحطيه في عين اعتبار وعارفاتك تعرفي كلام هدا بدون ما نقولك اني بس انتي تعطيله في فرص مايتسحقهمش
اني :والله لعارفاته كلامك صح لكن مانقدرش نطبق كُہلہ شيء ومستحيل نسيببببهه وانتي حطمتيني
خوله :شن حطمتك شن حطمتك انتي تزلبحي في روحك به ياستي لو جت بنت وقتلك ابعدي ع فراس شن ديري ياسمحه ترا تمشي تصوري محادثه هدي وتبعتيهله ولا تعرفي من صاحب رساله وكلام ان انتي حبه للموت تقوليه لصاحب تهديد مش ليه باش صاحب تهديد يعرف من يهدد وتهديده ولا شي وولا صار ولا كأنه مش يجي يقوله كلام هدا ليك
يعني هو مش راجل لانه محلش موضوع بروحه
اني :مش උ نقوله لين نفكر في الموضضوع
خوله :لو هدا تهديد صار بلحقا ترا ح يدير نفس لقطه ووقتها شن ينفعك انتي ان قال حبي ليك مش ينتهي ههه وااااااو تعرفي صوراك متسحو وكل شي ولي يهدد خاف واااو ماشاء الله شن يعني بوك وامك شن ح ينفعوك بعد صوراك يكونو في كل مكان
انتي تأجلي في كل شي وتزلبحي في روحك بس انتي لي ح تخسري وقتها خلوود اصحييي
اني:باهي قوليلي شن ندير
خوله :اسمعيني بلا عناد
قوليله تدكر في تهديد لي زمان اني خايفه قاعده وليش ماحليت موضوع من عندك ليش ما قلت انك تحبني لي يهدد باش يخاف ليش درت هك وبدون ما تتصرف ليش ما تغارش؟
اني :شن تتوقعي بيرد وخايفه يحس ان تهديد اختبار مني!
مش قادره نقوله…
خوله :انتي مش قادره تتقبلي حقيقه وتنصدمي من رد متاعه هدا لي مش قادره عليه انتي
اني :ماهو بنقوله ؏ـــٌ๋͜ـلاش ماحليتش الموضوع مـᘓɹ̇ عندك
بيحس ان اختبار مني لان تهديد ليه فتره
خوله :لا حبيبتي مش ح يحس هدا حق عليه اصلا ان يهتم بيك ويغار الحب مش مشروط ع هدرزه اربع وعشرين ساعه الحب مشروط ع غيرة ووفاء واحتواء
وبعدين عادي ديري روحك قاعده خايفه
اني :اوك تو نكلمه…. بس خليك ليوم باتي عندنا باش نظم اموري
خوله :اوك تو نكلم احمد…
….
بعد ساعتين…
خشيت للصاله لقيت خوله وقتلها
اني :بعتله رساله..
خوله تلفتتلي ونهت بمكالمه بي:تمام احميده تصبح ع خير… وصكرت الخط…
مدتلي ايدها وقالت
“ترا وريلي رساله …… اممم ح يرتبك طبعا لان ماعنداش اجابه او ان بيدير سبله ان خاف عليك
لان لو خاف عليك فعلا يتصرف بنفسه لو خاف عليك فعلا يخليك مطمنه ان موضوع نحل وان انتي في حمايته وان في حد ح يسندك
اني :ان شاءالله رده مش كلام فاضي
خوله :ان شاء الله خير بس حكمي عقلك معاش تخدعي نفسك لانك مخدوعه بروحك وانتي ح تخسري ره ركزززي
اني :تعرفي ليا اسبوع نقول ماعنديش نصيب معاه وهدا كله هكي احساس كبير ان كُہلہ شيء بينهدم وضاع عمر
خوله :بعيد سو مرات يستاقض ع نفسه خلي املك بالله كبير واعرفي كويس ان اني معاك
اني :لعند امتى ترا؟
لعند امتى بيحس ويفهم؟!؟
تي مش واعي يكلم فـჂ̤ بنات من قبل واني عندي عادي لانه طايش ونحبه مانقدرش نمنعه نخاف يسيبني
خوله :انتي تعطي في اعدار بدون حلول ركزززي واصحي لعمرك
اني :ان شاء الله خير
خوله :هاني بايته ليوم وان شاء الله غر يثمر فيك ومايقولكش كلمتين حلوين زي قبل وتنسي روحك
اني :لالا مره هدي مصيريه
خوله :تو نشوفو…. هي بيسو اهيا جنبك لو صار شي نادي عليا هاني في كوجينه بندير العشي
اني :تمام
….
قعدت خايفه وقلبي يدق بالقوه لانه كلمه منه تفرحني وكلمه منه تكسرني ….
وكل شوي نشوف في تليفون لعند رقدت سمعت صوت فون يرن نخلعت لين جيت مقعمزه…
شفت فون لقيتها صاحبتي سلوى…
قعدت خايفه ومش عارفه ما ندير خايفه من رد فعله…
حاسه بغصه….
وهووووب اتصل فراس قلبي بينجلط قعدت نرعش وايديا يرعشو وكأن صقع بككل عارفين رعشه متاع شتاء وانت مداير دوش وطالع هي نفسها…
وقلبي ينخص فيا ناديت بصوت عالي :خوووله تعاالي
جت تجري خوله بساقم :ها خيرك
قعدت نشبح لي فون ونشبحلها…
فهمتني وجت وشدت بقوه ايدي :رددي وهدي روحك….. وخدت طاسه مايه من كامدينو….. :اشربي واستهدي بالله
شربت وجيت بنرد فصل خط ودموع عيوني خلااص بينزلو لين عيوني دغدشو حطيت راسي على كتف خوله وتكلمت بغصه :خوووله رااني تعبت ياخويله اهه ياااكبدي فاتووو سنين من عمري نعرفه من تانوي نحسابك روحي اول وحده في دفعتي بنتزوج وقعدت اخر وحده ره واعر العشم يا خوله
خوله قعدت اطبطب عليا وقتلي :استهدي بالله وردي عليه وخلي عزمك قوي وصار ما صار في نهايه هو ميستاهلكش
سندت روحي ببطئ واني نحاول نشد طولي تنهدت ومسحت دموعي واتصلت بيه …
فراس :اسمعي
اني قعد قلبي يدق وخايفه ونشبح لي خوله وشديت ايديها بخوف :ن نعم
فراس :والله محد قالك تستنيني…
من اول قتلك مش واتي وبدوق قلتها ولا تبي نقولك منبيكش في وجهك؟!؟
ومن لاخير محد قالك تنزلي صورك ع نت هنا قعدت ملك الكل وما نقدر نلوم حد وقتها ادا اللوم عليك
اني مقدرتش نتكلم ولا حرف وعلامات صدمه على وجهي ونفس يطلع بصعوبه ونشبح لي خوله ونقول في خاطري ليش خليتني ندير هكي راني مش قادره ع فراقه حتى لو كان حبه ليا وهمي
شبحتلي خوله نظره ندم وخوف عليا وخدت مني فون بحزم وتكلمت بكل ثقه :لو ما تبيهاش ره ليش كلمتها…