كلمات أغنية الناس كلامهم غيرك

الناس كلامهم غيرك…بقى معقول
موال سمعته وحيرك… كده على طول
آه من كلام الناس…بيجرح الاحساس
لجرحي دوا…وانت الدوا…وانت الطبيب…وتقول نصيب؟
بكرة الزمن هيعرفك…مين العدو ومين الحبيب
روح انت كده…مالكش في الطيب نصيب

ياللي النجوم أقرب من فرحتي بلؤاك
خايفه الأمل يهرب مني وأتوه مالقاك
مالناس دريت …انك لقيت …ناس بعدوك عني
وأما نويت …أنسى ونسيت…قلبي زعل مني
ومن غير خصام…كتر الكلام …آه مالملام
ماتلوموش ياأهل الملامه…إن غاب وغابت الابتسامه
دي لكل شمعه …في الفرح دمعه…
وفأحلى شمس… نشوف غمامه
وآه من كلام الناس…بيغير الاحساس
لجرحي دوا…وانت الدوا…وانت الطبيب…وتقول نصيب؟
بكرة الزمن هيعرفك…مين العدو ومين الحبيب
روح انت كده…مالكش في الطيب نصيب

ياحبيبي حبنا ماهوش هوا زي الهوا لا لا
حبنا موال ماحدش في الوجود غناه
بقى بعد ده…ضاع كل ده؟
…يرضيك كده…مين ابتدى؟
انت ولا أنا …ماتقولي مين فينا
خلى النجوم والقمر…تهجر ليالينا
ياما سوا والهوا والليل وقمرنا
قضينا أجمل ليالينا وأيامنا
ننام ونصحى…تشقشق فجرنا بسمه
مافضلش من حبنا …غير كل شئ قسمه
وآه من كلام الناس…بيغير الاحساس
لجرحي دوا…وانت الدوا…وانت الطبيب…وتقول نصيب
بكرة الزمن هيعرفك…مين العدو ومين الحبيب
روح انت كده…مالكش في الطيب نصيب