قصة لحمة الفقراء ( للكاتبة امل احمد سلوم)
#الجزء_الثالث
#بقلمي_امل_احمد_سلوم*╚══════ღღ══════╝كان عبدالله عم يشتغل بالارض واجريه غايصين بالطين والوحل لحتى نده عليه الاغا بصوته الجهوري
اتلفت عبدالله وشافه واقف قدامه بعنجهيته المعهوده وضحكته الجانبيه
عبدالله : نعم اغا ائمرني
الاغا : قرب لعندي
رمى عبدالله الفاس ومسح ايديه بتيابه وتوجه ناح الاغا
الاغا (بيطلع فيه بقرف) انت عندك بنت بتشتغل بسرايا محمد بيك
عبدالله : ايه
الاغا : وليش ماشغلتها هون مو سبق وقلتلك بدي خدامه للبيت
ابتسم عبدالله بدفا وشرع بالحكي
والله يا اغا البنت بتحب الشغل بالارض بتحب ريحة. الارض ومو خرج خدمة البيوت
ضرب الاغا بعصاه عالارض وصرخ… . وانا قلت بدي ياها هوون انت مابتفهم
اتلبك عبدالله وماعرف شو يرد خصوصي انه بيعرف مياسه من صغرها بتهاب الاغا وبتخاف منه ومستحيل تقبل تشتغل ببيته وتضطر تشوفوا كل يوم
عبدالله : بصراحه يا اغا البنت من يومين قرصتها حيه وبعدها تعبانه وانا ماعاد بدي شغلها خلص
تقدم الاغا خطوه من عبدالله ومد ايدو ومسكه من ياقته
الاغا : وقت الاغا يحكي كلمه مابيتنيها … بكرا بنتك بتكون مزروعه قدامي والا رح قلعك انت وابنك ومرتك من الشغل وما اسمح لحدا يشغلكم فهمت
نترو بقوه وفتل جسمه البدين ومشي ناح الحنتور يلي بلش يهتز اول ماحط اجرو عليه وركبه
الاغا : بكرا ياعبدالله مفهوم… .. يالله يا ابني تحرك
تحرك السايس وساق الحنتور لبعيد بينما عبدالله بقي صافن فيه بكسرة نفس وقهر لحتى غاب عن عينه
عبدالله : حسبي الله ونعم الوكيل
*╚══════ღღ══════╝
ومن جهه تانيه كان عمران رايح جاي بالصاله وهو مدايق وبيبرطم مع حاله
عمران : صرلا يومين غايبه ومابعرف شي عنها معقول تكون تعبانه !! ياربي كيف اطمن عليها
شبك اخي عم تحكي مع حالك
تلفت وراه وشاف اخوه محمد فايت لعندو
عمران بلبكه : اههلين اخي انت من ايمت هون
محمد : من ساعة صرلا يومين غايبه ومابتعرف عنها شي.
عمران : ا.. ايه انا قصدي عن ال ال ال الشسما هي
محمد : شبك ماعدت جمعت كلمتين على بعض وقلبت عطا
عمران : مافي شي اخي
محمد : ايواا قلتلي مافي شي ايه طيب بالازن.
عمران : لوين
محمد ( بمكر ) بدي وصل امي ومرتي لبيت العم عبدالله ليطمنوا على مياسه
حس عمران بدقات قلبه بتعلا خفقاته بس انزكر اسم مياسه ونط عن الطاوله وتشعلق بكتاف اخوه
عمران : عنجد اخي
محمد : ايه بس انا من رأيي بلا من هالزياره
عمران : لاا ولو اساسا زيارة المريض. واجب وبعدين عيلة العم عبدالله محسوبه علينا
محمد : عيلة العم عبدالله قلتلي
عمران : اييه لكن اخي
محمد : طيب شو رأيك توصلهم انت ولا لتكون مشغول
عمران : مين اللي مشغول اساسا انا صايع ومافي ورايي شي ثواااني اللبس وبوصلهم
محمد : هههههه طيب ماشي يابكاش
*╚══════ღღ══════╝
وببيت عبدالله
مياسه : لااا يابي دخيلك مابدي اشتغل عند الاغا هات ايدك لبوسا الا الروحه لبيت الاغا ?
عبدالله : يابنتي الاغا معند بدو ياكي تشتغلي عندو
مياسه : يابي كرمال •اللّـہ̣̥ افهمني انا بخاف منه بخاف منه
عبدالله : ليش بتخافي منه !!
مياسه (بتتنشوق) مابعرف بس اول مابشوفوا بحس برعشه جواتي بخاف منه يابي بخاف
دانا : خلص ابن عمي مو شايف البنت كيف مرعوبه بلا من هالشغل كله وازا سألك الاغا قله بنتي ماعاد بدها تشتغل لاعندك ولا عند غيرك
علي : اي ابي لازم تحطه عن حدو هي الشغله بالزور يعني
قعد عبدالله وحط ايديه عراسه
عبدالله : عم تحكوا وكأنكم مابتعرفوا الاغا لك اساسا مافي اسهل من الحكي
علي : يعني شو رح يعمل مثلا
عبدالله : شو رح يعمل !! ابدا بس حكاها بصريح العباره ازا بنتك مابتجي تشتغل عندي رح يقلعني ويقلعك ويقلع امك. من الشغل ويمنع اي حدا من اهل الضيعه يشغلونا
دانا : ولي على امتي لهدرجه الله ينتقم منه الظلالي اللي مابيخاف الله
علي ( ب انفعال ): انا رح روح لعندو وحطوا عند حدو لازم يعرف انه مالنا عبيد عندو
فتل حاله وطلع متجاهل ندا ابوه وامه وانصدم ب ام محمد ومنال وعمران عالباب
عمران : خير اخي علي شبك !!
منال : كأنه اجينا بوقت مو مناسب
علي : لا لا اهلا وسهلا تفضلو
فاتوا لجوا وعيون عمران بتحوم هون وهون وقلبه ناطف ليلمح مياسه
عبدالله (بهمس). اياكم تجيبوا سيرة. الاغا قدامهم مفهوم
مياسه ودانا : حاضر
طلعت دانا واستقبلت الضيوف مع زوجها وبيقيت مياسه جوا
دانا : مو معقول انا بحلم ولا بعلم الحجه ام محمد بنفسها ببيتنا يامية اهلا وسهلا
ام محمد : تسلمي يا ام علي
دانا : كيفك منال خانوم…
منال : الحمد لله ..مشتاقه
عبدالله : كيفك عمران بيك
عمران : نشكر الله تمام ..
وبقلبه ( يارب شوف مياسه نظره وحده بس ).
ام محمد : شو يا ام علي كيف صارت مياسه
دانا : الحمد لله متل الفل والفضل لله ولعمران بيك يلي انقذها
عمران (بخجل). ماعملت الا واجبي خاله
ام محمد : وينا ست البنات بدي شوفها والله يا ام علي مابتتصوري اديش اشتقتلا والسرايا من دونها مو حلوه
عمران بقلبه ( اي و الله وانا بدي شوفها ? )
دانا : يالله رح ناديلا…
عمران : ?
دانا : مياسه .. ميااسه تعي امي وسلمي عالخوانم
كانت عيون عمران بالارض ووجه محمر من الخجل واول ماسمع خطوات مياسه عم تقرب بلع ريقه وحس انه الدم وصل لراسه وماعاد نزل
مياسه : مسا الخير
ام محمد : مسا الخيرات حبيبتي شبو وجهك
مياسه : مافي شي ياخانوم بس لساتني تعبانه
منال : الف سلامه عليكي
مياسه : الله يسلمك
رفع عمران عيونو ليسترق نظره عليها كان مشتقلا لدرجه مابتنوصف واول ماشافها انصدم وفتح عيونو على وسعهم
كان وجهها متنفخ وعيونها حمر ومورمين وباين عليها انها بكيانه ومو اي بكى ..
عمران : خير ليش هيك عيونك… . بكاينه !!
مياسه ( نزلت راسها بحزن ) مافي شي يابيك انا بس تعبانه شوي
رجعت الدموع اتجمعت بعيونها بدون ارادتها كان نفسها تصرخ وتخبرهم يحموها من بطش الاغا وجبروته لانها عارفه انه اهلها الدراويش مو قد الاغا وظلمه
ام محمد : ايمت رح ترجعي عالسرايا
تلبكت مياسه واطلعت ب ابوها يلي رد فورا
عبدالله : بدك ماتواخزيني ياخانوم مياسه ماعاد تجي عالسرايا
انصدم عمران واطلع بمياسه بذهول بينما منال وام محمد صارو يطلعوا ببعض
منال : ليش !!
عبدالله : ماعاد بدي ياها تشتغل خليها بالبيت افضل
ام محمد : ازا مشان الشي اللي صار فبحب طمنك الشغيله مشطوا كل الارض وامنوا عليها
عبدالله : لا ياخانوم مو مشان هيك بس انا ماعاد بدي ياها تشتغل عند حدا ياريت ماتزعلي م̷ـــِْني
ام محمد : مع اني رح اتفقدلا كتير بس يلي بريحك ابو علي ..
منال : بس اكيد مياسه رح تجي تزورنا كل فتره والتانيه ماهيك مياسه
مياسه (بألم) اكيد ياخانوم
بلعت غصتها بحسره وانكسار وفتلت حالها ورجعت بخطواتها لورى وفاتت لغرفتها ودفنت وجهها بمخدتها لتفرغ القهر والاه يلي عم يختلجوا صدرها
وبس روحوا عمران واهله
منال : شفتي كيف وجه مياسه مرت عمي
ام محمد : اي والله شفت
منال : حسيت انه في شي عم اداريه بعيونها وفي غصه جواتها
ام محمد : وانا متلك حسيت هالشي والجماعه كانو كتير ملبكين
منال : ان شاء الله مايكون في شي
ام محمد : يارب
كان عمران شارد بفكرو لبعيد قلبه مو مطمن ورغم انه اتضايق لانها مياسه ماعاد تجي عالسرايا بس في شي جواته فرح لانه مابدو ياها تشتغل بالبيوت مابدو ياها تتبهدل او تنهان
عمران بقلبه : ليش حسيت بعيونك حزن والم كبير !! ياترى شو صاير معك مياسه !!
*╚══════ღღ══════╝
تاني نهار كانت مياسه ماشيه ورى ابوها وهي عم تشد على ايديها بخوف وگأنها اضحيه عم تنساق للمذبح عيونها الدبلانه من قلة النوم ووجها الشاحب من الخوف بيسطرو معاني الالم يلي جواتها لكن مالبيد حيله قدام جبروت وسخط الاغا
فاتت بخطوات بطيئة وعيونها بالارض لحتى وصل لمسامعها صوتو المرعب لتنحبس انفاسها وينخطف لونها
الاغا : اخيرا شرفت
عبدالله : هي جبت البنت متل ما امرت اغا
حول الاغا نظره ناح مياسه وتفحصها بنظرات ثاقبه من فوق لتحت
الاغا : اي تمام فيك تنصرف…
عبدالله ( قرب من مياسه وهمسلا ) ديري بالك ع حالك ابي
بعد ماراح ابوها بلش الخوف يتسلل لقلبها اكتر وجبينها عم تتجمع عليه حبات العرق
الاغا : شو اسمك
مياسه (بخوف) مــ مياسه
الاغا : اطلعي فيي وانا بحكي معك
رفعت عيونها لتوقع على وجهو بشكل مباشر .. كانت ملامح وجهو بتولد داخلها الفزع .. عيونو الكبيره الجاحضه وراسه المكور .. اصابعه المنفوخه وكرشه المستدير… كل هالشي خلاها تخاف اكتر وتتراجع بخطواتها لورى
الاغا ( بيحرك ب ايدو لتقرب منه ) تعي لهون
كان بيأشرلا بخنصره يلي فيه خاتم كبير… قربت وبعدت وماعادت عرفت شو تعمل
مياسه : نعم اغا
الاغا : انتي بتعرفي اني بقدر احصل على اي شي بدي ياه و بأشاره وحده مني بجيب ازعم شنب راكع تحت اجري
مياسه :
الاغا : ازا سمعتي الكلمه بوعدك تعيشي ملكه وتنشلي اهلك من الفقر بس ازا… .
ورمقها بنظره تحذيريه لتبلع ريقها ويجف حلقها…
مياسه : انا من ايدك هي لايدك هي اغا
الاغا : تمام تمام… روحي ساويلي قهوه لادوق قهوتك ..
مياسه : حاضر
مشيت مياسه وبقي الاغا يطلع فيها لحتى غابت عن نظرو
الاغا : هالقوام والجمال كله رح اتمتع فيه ومارح تقدري تمانعي يابنت عبدالله المرابعي ههههه
*╚══════ღღ══════╝
الايام بتمر ومياسه بتشتغل عند الاغا والخوف بقي ملازمها
وبيوم كانت مع الخادمات عم بينظفوا المضافه وفجأه فات عليهم الاغا وعيونو مسلطين عليها… تلبكت ونزلت عيونها بالارض
الاغا : اطلعي لبرا انتي وياها
توجهت الخادمات وطلعوا ومن بيناتن مياسه وفجأه تمسمرت مكانها وهي بتسمع اسمها طالع من بين شفايفه
الاغا : مياسه… انتي خليكي
بقيت واقفه مكانها بخوف وعاطيته ضهرها وجسمها بينتفض وهي شايفه خياله عم يقرب منها
الاغا : قلتلك وقت احكي معك اطلعي فيي
بلعت مياسه ريقها وفتلت حالها بخوف وهي بعدها منزله راسها
مياسه : ننعم ااغااا
الاغا : انتي اديش عمرك
مياسه : ع مشارف ال 19
الاغا : حلو كتير… وليش لهلأ ماتجوزتي
مياسه : ما اجى النصيب لسه يا اغا
الاغا (قرب منها بطريقه غريبه) شكلو النصيب واقف قبالك
رفعت عيونها بصدمه وتراجعت لورى
مياسه : شششو قصدك اغا
الاغا (وهو بيقرب منها وبيمد ايدو على حجابها متجاهل سؤالها )
صحيح شو لون شعرك
مياسه ( بعدت ) الله يخليك اغا انا مابشلح حجابي قدام حدا
الاغا : بس انا مو حدا يالله اشلحي هالمنديل لشوف هالشعرات الحلوين
تشبتت مياسه بشالها اكتر ونزلت ع ركبها ومسكت اجرين الاغا
مياسه : لااا لااا مافيي ..ابوووس ايدك يا اغا لاتعمل فيي هيك
رفسها ب اجرو وصرخ فيها
الاغا : الاغا سلمان مابينقلوا لااا فهمتي… يالله اشلحي هالزفت والا بشلحك ياه بالقوه
بلحظه حست انه رح يتمكن منها وهي شايفه عيونو المحمره عم تطلع فيها نظره شهوانيه وما اسعفها الا دقة عالباب ودخول السايس
السايس : حضرة الاغا .. محمد بيك وعمران برا وبدن ياك
الاغا : فوتون للمضافه التانيه وهلأ بلحقك
حست مياسه براحه نفسيه وقت انزكر اسم محمد وعمران
الاغا (مسكها من زندها وسحبها ) وينك ولي ازا بتفتحي تمك بحرف رح قلعك انتي واهلك برات الضيعه فهمتي
هزت راسها بخوف لينترها الاغا ويطلع لبرا وتقدر اخيرا تاخد نفسها
مياسه : ولي على امتك يامياسه هاد شو بدووو مني… شو ساوي بحالي لمين احكي خايفه خبر اهلي يأزيهم هالظلالي…
رفعت راسها للسما وهتفت بإنهيار
ياااارب ساعدني يا الله
بعتم الليل قلوب موجوعه وخايفه .. خوف من المجهول وخوف من الضياع
بعد مارجعت مياسه لبيتها فاتت دغري حطت حالها تحت الدوش وهي حاسه بقرف لانه الاغا لمسها ظلت تفرك وجهها وايديها وعيونها عم يصبوا دموع وحاسه بنار وشاعله جواتها
وللاسف سكوتها وخوفها خلو الاغا يتجاوز معها للمره التانيه
*╚══════ღღ══════╝*
كانت متل العاده عم تنضف المضافه وحريصه كل الحرص تتواجد بين الخادمات لحتى مايرجع الاغا يدايقها من جديد…
وحده من الخادمات : مياسه روحي جيبي الاغراض من السايس ليكو عالباب الرئيسي
ترددت مياسه بالاول لكنها انصاعت للامر وتوجهت لعند السايس وبلشت تنزل الاغراض وفجأه سمعت صوت انحفر جواتها
مياسه !!! شو عم تعملي هون !!
تلفتت مياسه بسرعه لتشوف عمران واقف وراها… تعبوا عيونها دموع كان نفسها تقله خدني من هون انا واهلي مو قد ظلم الاغا وبطشه
عمران : مياسه عم تسمعيني
مياسه : اهلين عمران بيك
عمران : سألتك شو عم تعملي هون
مياسه (بحزن) شوفة عينك عم اشتغل بسرايا الاغا
عمران (نزل حاجبيه ب استغراب) عم تشتغلي !!! مو ع اساس بيك قعدك بالبيت وماعاد بدو يشغلك !! ولا ليكون الشغل عنا ماعجبك
مياسه : لا ابدا انتو مافي منكم بس ?
عمران : بس شو
تلفتت مياسه ناح السايس بخوف ورجعت حكت بضعف… حكم القوي عالضعيف… . اناا صار لازم ارجع لجوا بالازن عمران بيك
تركته وفاتت واخر جمله بترن بدانه (حكم القوي عالضعيف )
شد على قبضته بقهر وفتل حاله ومشي
*╚══════ღღ══════╝
طل الاغا وهو متشيك عالاخر وخانق كرشه بحزام عريض ووقف عالبرندا ونده على عبدالله يلي اجا فورا وامتثل قدامه
عبدالله : ائمرني اغا
الاغا (بدون مبالاه) اليوم بتعمل حسابك وبتجهز حالك لاني نويت اتجوز
عبدالله : الف مبروك اغا وشرف الي امشي بجاهتك
الاغا : تمشي بجاهتي ههههههههههه لا حلوه هي عجبتني…
استغرب عبدالله من اسلوب الاغا وبقي يطلع فيه بصمت لحتى خلص ضحك ومسخره وبعدا رمقه بنظره امره
الاغا : انت لابتروح ولابتجي بس عليك وقت تجهز العروس اتجيبلي ياها لهون
عبدالله : والله ماعم افهم عليك اغا يعني العفو مـڼـڱ العروس بنت مين !!
تلفت الاغا وشاف مياسه فايته عالمضافه وحامله بين ايديها صينية القهوه ابتسم بخبث واشر بحاجبيه ناحها وهمس… . ليكا اجت العروس
ابتسم عبدالله ولف وجهو بسرعه ليشوف العروس واول ماوقع بصره على بنته غابت ضحكته وتوسعوا عيونو ورجفة شفايفه… مياسه !!!
الاغا : ليكون عندك اعتراض ولا في عريس احسن مني لبنتك
تمسمرت مياسه بمكانها وعلقت عيونها علـّۓ ابوها الصدمه كانت قويه علـّۓ تنيناتهم ليسود صمت قاتل
الاغا : اليوم بعد صلاة العشا بتجهزوها لاجي اخدها… مارح قلك جيبلي ياها براسك لاني ناوي دللها وحطها بعيوني
بس ياترى بيصير تخطب وحده مخطوبه يا اغا !!!
تلفت الكل ناح الصوت وشافوا محمد وعمران واقفين عند الباب .. ابتسامه عريضه ارتسمت علـّۓ وجه مياسه وراحه كبيره حست فيها
الاغا : شو بتقصد محمد بيك لمين مياسه مخطوبه
محمد : لاخي عمران وكنت جاي لاعزمك علـّۓ خطوبته
الاغا :……
عبدالله بقلبه : كتر خيرك يامحمد بيك عم تضطر تكزب لتحمي بنتي والله مو عارف وين اودي جمايلك
عمران : شو اغا مافي مبروك
الاغا (بحنق) اه… اي الف مبروك فرحتلك من كل قلبي
ووجه كلامه لمياسه… روحي يابنت اعملي قهوه للضيوف
مياسه : حاضر
فتلت حالها لتطلع واستوقفها صوت عمران
عمران : بدك ماتواخزني اغا مرتي مو خدامه عند حدا وهلأ بدك تسمحلي رح اخدها هيه والعم عبدالله لانن من اليوم ماعاد الهم عيش بهي السرايا
حس الاغا بنار وشعلت جوات قلبه وهو شايف نظرة التحدي بعيون عمران ومحمد والابتسامه يلي ارتسمت علـّۓ وجه مياسه وابوها
هز راسه ورسم ابتسامته الجانبيه وشرع بالحكي
ايه شو عليه فيك تاخدهم عمران بيك ومره تانيه الف مبروك
عمران : الله يبارك فيك… . يالله عم عبدالله هات مياسه لنمشي من هون
عبدالله : يالله بنتي
رمت مياسه نظره اخيره علـّۓ وجه الاغا وحست بالخوف من نظراته يلي كانت تلفظ بالشر وكأنها لفظت من قعر جهنم وفتلت حالها ومشيت
واول ماطلعوا .. مسك الاغا مزهريه كانت قدامه وطبشها بالارض
ان ماوريتكم ياكلاب مابيكون اسمي الاغا سلمان لك انا الاغا يلي مابنحكالي لاااااا
عبدالله : كتر خيركم والله مو عارف وين ودي جمايلكم علينا
محمد : لحظه لحظه…. انت بتفكر انه يلي صار مجرد تمثيل عالاغا
عبدالله : لكن شو يابيك
عمران : عم عبدالله ازا سمحتلي اجيب اهلي ونجي نطلب ايد الانسه مياسه علـّۓ سنة •اللّـہ̣̥ ورسوله
احمرت خدود مياسه وركضت لبعيد وعيون عمران بتلاحقها بحب
عمران : ايه شو قلت عمي
عبدالله : شو بدي احكي يا ابني يامية اهلا وسهلا فيكم احنا بنزيد شرف بمصاهرتكم
*╚══════ღღ══════
رجعت مياسه برفقة ابوها على بيتها وهي حاسه حالها طايره من الفرح
مياسه :بابا انا فرحانه فرحانه كثير شو خفت الاغا بضغط عليك ويعمل اللي براسو
عبدالله : الله يديم الفرح عليكي بنتي… لنشوف ردة فعل امك واخوك بس يخبرو
وبالبيت
دانا : شو سر هالابتسامه انتي وابوكي ست مياسه
علي : فعلا ..امي معها حق انتي اليوم. مو طبيعيه ع عادتك طول نهارك بتندبي حظك
مياسه (بخجل). : عمران يا امي عمران
دانا : شبو عمران بيك
خجلت مياسه وصارت تلعب ب اصابعها : ببصراحه اليوم خطبني امي
دانا (بصدمه ).: عنجد !!!
مياسه : اي امي ا عنجد طلبني هو ومحمد بيك من ابي ورح صير حرم عمران بيك
علي : شو هالاخبار الحلوه هي… والله عمران شب مافي منه وانتي
بتستاهلي كل خير اختي
دانا (حضنت بنتها ): الف مبروك حبيبتي التمام عخير… جوازة الدهر ان شالله
عبدالله : شو رح تقضولي ياها مباركه خوخنا من الجوع
دانا : خسى الجوع ابن عمي تكه وبيكون الاكل جاهز يالله مياسه تعي ساعديني.
مياسه : حاضر امي
*╚══════ღღ══════╝
ببعض الاحيان بنفكر انه خلصنا من متاعبنا والحياه ابتسمتلنا وبننسى انه بعض الظن اثم
رغم فرحة. مياسه وعيلتها بخبر خطوبتها لعمران بس في ناس كانوا يترصدولهم وناويين عالشر ياترى رح تنفد مياسه من مكائدهم
ترقبوا الآتي
*╚══════ღღ══════╝
بتاني نهار وصل عمران وعيلته لبيت عبدالله لتحل عليهم الفرحه بالخطوبه الميمونه
دانا : مياسه انا طالعة لعند الضيوف دقيقتين وبتلحقيني بالقهوة ماشي امي
مياسه: حاضر امي
طلعت ام مياسه ورحبت بضيوفها وبالفعل بعد دقيقتين طلعت وراها مياسه والخجل مكتسي ملامحها
ام محمد : ماشاء الله يخزي العين شو انك حلوة يا بنتي
مياسه: تسلمي يا خانوم هاد من زوقك
قربت لعند عمران لتضيفه القهوة وعيونها بالارض حكالها عمران بهمس: من هاليوم حتصيري الي وملكي انا ..من اليوم انتي اميرتي مياسه
خجلت مياسه زيادة وماعاد عرفت شو بدها تحكي حطت الصينية عالطاولة وقعدت
محمد : اي عم عبدالله نحنا جايين نطلب ايد كريمتكن لاخي عمران…بقى شو قلت
قاطعه عمران : وازا بتحب تسأل عنا مافي اي مانع
عبد الله : تسلم ابني… انتو نار على علم وسمعتكم الطيبه سابقيتكم بالضيعه وانا عطيتك ازا الله عطاك
محمد : لكن خلونا نقرأ الفاتحه على نية التوفيق
روحوا عمران واهله ورتبت مياسه البيت مع امها ونظفته…رغم فرحتها اللي معبيه قلبها بس في شي ماعم تقدر تفسره نغزة بقلبها وعدم ارتياح وخوف… قلبها ناقزها من شي ومو عارفة شو هوه …
مياسه : ياساتر يارب ليش هيك قلبي قامطني !!! يارب اتجيب العواقب سليمه
اندست بفراشها وهي بتفكر بهالموضوع وهالنغزة الغريبة اللي اجتها مع انها بتحب عمران وعمران بيحبها… بس بقي شي مخوفها
اخيرا تعبت من التفكير وحضنت مخدتها ونامت لتعيش بمنامها احلامها الورديه بعيد عن الواقع ومخاوفه
*╚══════ღღ══════╝
بلشت تجهيزات الخطوبه وانتشر الخبر بكل الضيعه .. كانت مياسه طايره على جناح الفرح لانها خلصت من الاغا وحقارته ومن جهه تانيه رح تصير زوجة عمران وتعيش بالسرايا يلي حبتها وحبت ساكنيها من قبلها
ومتل كل يوم طلعوا عبدالله وزوجته وابنه على اشغالهم وبقيت مياسه وحدها بالبيت
بعد ماخلصت تنظيف البيت فكرت تنده لجميله وتتجاذب معها اطراف الحديث
حطت منديلها ع راسها وتوجهت ناح الباب واول مافتحته طلع بوجهها السايس تبع الاغا
السايس : الحقي يامياسه ابوكي وقع عليه الحنتور وغرقان بدمه
مياسه ( ضربت ع خدودها ) ولي على امتي وينووو هلأ
السايس : بالاسطبل تعي الحقيه قبل مايموت
ركضت مياسه ورى السايس وبنفس الوقت شقت جميله الباب ولمحت مياسه عم تركض ورى سايس الاغا
جميله : غريبه لوين رايحه مياسه وليش هيك عم تركض !!!
ظلت مياسه تركض متجاهله انفاسها المتضاربه بصدرها وهي ماعم تفكر الا بشي واحد ( ابوها )
وبدون وعي فاتت عالاسطبل وصارت ادور بحجر عينها وتنده بصوت عالي… ابيييي ابييييي ويينك ابييييي
فجأه باب الاسطبل انقفل عليها من برا… اندفعت بقوه وصارت تضرب عليه ب ايديها الناعمه لحتى يفتحلا حدا واطلعت من بين شقوق الباب ولمحت السايس عم يبعد عن المكان
مياسه : وييين رحت ليششش قفلت عليي الباااب انت يا اخينااا تعا افتحلي الباب
اخيرا صرنا وحدنا… .
جحضت عيونها وفتلت حالها بسرعه بعد ماوصل لمسامعها اكتر صوت بتهابه ومن بين الظلام طل الاغا وهو راسم ابتسامه جانبيه بمسخره
مياسه (بخوف) الاغاا !!!
*╚══════ღღ══════╝
رجع علي عالبيت ولاحظ انه باب البيت مفتوح
علي : غريبه ليش مياسه تاركه الباب مفتوح !!
دخل بخطوات سريعة وهو بينده على مياسه
علي : مياااسه ميااااسه وينك اختي !!!
مالقي رد يجاوب نداه وبسرعه صار يدور بالغرف وبكل زاويه بالبيت
مياااااسه ووووينك !!! ياترى وين راحت معقول تكون عند بيت الجيران !!!
*╚══════ღღ══════╝
مياسه : مشان الله ماتقرب علي ابوس ايدك بعد عني
كانت عيونو حمره مالو بوعيو كان بيشبه الوحش مستئذب عم يغرس انيابو بشراهة …
قرب منها وبقيت مياسه تتراجع بخطواتها لورى لحتى لزقت بالحيط
مياسه : ااازا بببتقرب مني رح اصرخ ولم عليك الدنيا ورح خلي عمران واخي يدفنوك ب ارضك
ضحك الاغا وقهقه وبقي يقرب منها وهي تحاول تفلت حالها من بين ايديه
الاغا : حاج تغلبي الاغا خليكي بنت مطيعه
مياسه : لك. مافشرت تلمس مني شعره ياواطي
قبل ماتخلص كلمتها كان ضاربها كف متل فراق الوالدين لحتى سال خط رفيع من الدم بحد تمها
الاغا : لتكوني مفكره كالك شي شغله كبيره… يلي متلك خلقوا لحتى اللي متلي يتمتعوا فيهم ومن بعدا بينزتوا بالطريق… لحمك ماله ديه يابنت المرابعي هه
اطلعت فيه مياسه وعيونها محمرين : ازا كانت لحمتك رخيصه فلحمتي مو رخيصه بنوب جرب قرب مني وشوف بنت المرابعي شو ممكن تعمل فيك
الاغا : و •اللّـہ̣̥ وطلعلك صوت ياخدامه ياوضيعه بس شو عليه كل ماكنتي شرسه كل ما ابسطتيني اكتر
قرب م̷ـــِْنها ومد ايدو لينزع عنها حجابها لتهجم عليه وتعضه بكل قوتها
الاغا : اااااخ عم تعضيني يابنت الكلب انا رح فرجيكي مقامك
سحب الكرباج وضربه عالارض بقوه لينتفض جسم مياسه برعبه وبعدا لفه حوالين ايدو وهو بيهمس بصوت اشبه للفحيح
رح اخليكي تتمنى الموت وما اطوليه رح انبسط كتير وانا شايف لحمك الرخيص بيتمزع قدام عيني
مسكها من حجابها ونزعوا عنها بالقوه وشد شعرها ورماها عالارض بقوه ورفع ايدو ليضربها بينما مياسه غمضت عيونها مستسلمه لمصيرها
بلحظه سطع ضو قوي بعيونه ..وصوت جهوري بينده عليه وهو عم يكسر الباب ليتهاوى قدامه ويدب الرعب بقلبه
علي : اغااااااااااااا بعدعن اختييي ياكلب
الاغا : شو ياصوص ايمت كبرت وصرت رجال
علي : هالصوص رح يطالع روحك النجسه
هجم علي عالاغا وقبل مايآتي ب اي حركه للدفاع عن نسفه كان علي لاكمه بوجهو بقوه ليوقع فوق الروث والزبل
الاغا : رح تدفع التمن غالي يا ابن المرابعي… ياحراااااااس
مافي داعي تنده لزلمك لانه ماحدا رح يخلصك منا
تلفت الاغا وشاف عبدالله وعمران ومحمد وكل اهل الضيعه مجتمعين وعيونهم مابتنبأ بالخير
الاغا (بخوف) اانتتتو شششوو بدكم انااا ماسساويت شي
جميله : كزاااب انت بعتت الكلب تبعك ليضحك على مياسه ويجيبها لهون انا شفت كل شي وخبرت علي وكل اهل الضيعه
الاغا : وووانا شو بدي بهي الوضيعه
عبدالله : يلي بتحكي عنها وضيعه بتكون بنتي… شرفي وعرضي وانا بعرف شو مربي وبعرف كمان مين انت من الناس
احمرت عيون عبدالله وهو بيقرب من الاغا والكل ساكت وبيراقب وعلي تحرك بخطوات سريعة ناح اخته وسترها
عبدالله : سنين طويله وانت عم تعزبني وتهيني وانا صابر ومتحمل سنين طويله وانا بخدمتك من تم ساكت رغم بطشك وظلمك بعمري ماحكيت ولاشكيت… لكنك اليوم تجاوزت كل الحدود وغلطت غلطة عمرك وقت فكرت انه لحمة الفقرا رخيصه وسهل تنهشها
طالع حبل من تيابه وقرب من الاغا اكتر وبلش يلفه حوالين رقبته والاغا يصارع بدون فايده
اتحمل عبدالله كلشي الظلم والتجويع والاهانه لكن الاخيره كانت الشعره يلي قسمت ضهر البعير كلشي بيسكت عنه الا هتك العرض
بقي يشد بالحبله على رقبة الاغا وعيونهم معلقين ببعضها البعض واخيرا تهاوت ايدين الاغا المشبتين بقوه على ايدين عبدالله وجحض عيونو ولفظ انفاسه الاخيره ليكون عبره لكل الناس ولحتى كل طاغيه ومتجبر يعرف انه لحمة الفقراء مره ومابتتاكل بالساهل
*╚══════ღღ══════╝
وبعد مرور ثلاث شهور…
انفتح باب السجن وطل منه عبدالله… كانت الفرحه مو سايعه مرته وولادو وهنن شايفين ابوهم حظي بالحريه اخيرا
انسجن عبدالله ثلاث شهور حق عام واعتبر الشي اللي عمله حق شرعي ودفاع عن النفس والشرف وبدل مايلتصق فيه وصمة عار واسم قاتل صار الكل يحترمه ويحييه عالشي اللي عمله والحكومه حكمتله بنص ميراث الاغا كتعويض عالجريمه الشنعاء يلي اقترفها الاغا بحقهم
*╚══════ღღ══════╝
تزينت الحاره ي اجمل زينه وادلت الاضويه من كل بيت ابتهاجا بعرس مياسه وعمران
كانت مياسه ماسكه ايد ابوها بفخر وراسها مرفوع بالعالي لحتى وصلت لعند عريسها
عبدالله : اليوم انا زوجتك بنتي درة بيتي المصونه… صونها ودير بالك عليها
عمران : مياسه بعيوني عمي
عبدالله : وانتي بنتي من اليوم صرتي على ذمة عمران صونيه واحفظيه وبري اهله وكأنهم اهلك
نزلت مياسه وباست ايد ابوها وعيونها بتقطر منهم الدموع
مياسه : ارضى عليي ابي
عبدالله ( حط ايدو علـّۓ راسها ) ربي يرضى عنك وعن اخوكي ياضي عيني يالله بنتي روحي مع زوجك
فلتت مياسه ايد ابوها ومكست ايد زوجها ومشيت معه لمكان العرسان وهنه بيحيوا كل الموجودين
دانا : اااخ يابنتي والله فراقك مو سهل عليي ربي يسعدك ويبعتلك ايام حلوه
عبدالله : عرفتي تربي يادانا الله يعزك ويكرمك بالدارين
دانا : نحنا كلنا من بعدك ياتاج راسي
وعند مياسه وعمران
عمران. : مو مصدق حالي اخيرا صرتي الي
مياسه (بخجل) اي اخيرا
عمران : ممكن اسألك سؤال
مياسه : اكيد
عمران : شو نفسك تعملي لاعملك جيبلك لبن العصفور انتي بس اطلبي واتمني
ابتمست مياسه بدفا واطلعت ب ابوها وهمست … . نفسي احج لبيت الله الحرام انا وامي وابي واخي
*╚══════ღღ══════╝
بعد مرور فتره من الزمن
محمد : ادعيلي امي
ام محمد : مهونه ياروحي الله يردكم الي بالسلامه
منال : وصاتك روان مرت عمي
ام محمد : لاتخافي على روان هي حبيبة ستها
محمد : جاهزه منال
منال : اي
محمد : لكن خلينا نتحرك ونلتحق مع افواج الحجاج على بركة الله
نزلت مياسه وركضت لعند منال وحضنتها
مياسه : الله يتقبل منكم تروحوا وترجعوا بالسلامه يارب
منال : حبيبة قلبي… تسلمي وعقبالك
مياسه : ان شاء الله… يالله اتسهلو مابدي عطلكم
شو مياسه مابدك تودعي امك وابوكي واخوكي
تلفتت مياسه وشافت اهلها بلباس الاحرام ومستعدين للسفر
مياسه ( بصدمه ) طالعين عالحج !!!
دانا : اي امي
مياسه ( دمعوا عيونها) وليش ماخبرتوني
انا طلبت منهم مايخبروكي لاعملك ياها مفاجأه
مالت براسها وابتسمت لكلمات زوجها رغم الدموع يلي تجمعت يعيونها
مياسه : هيك لكن ابن عمي اقل مافيها خبرني قبل بيوم لاودعهم. واشبع منهن
عمران : وليش تشبعي منهم وانتي رح تروحي معهم
مياسه : شو !!! انا رح روح عالحج !!!
اشر عمران للخادمه تنزل الشناتي وحول عيونو ناح مياسه وغمر وجهها بين ايديه
عمران : قلتلك ياروحي مارح خلي شي بنفسك واول هديه مني حج لبيت الله الحرام لحتى ربنا يباركلنا بهالزواج
مياسه : مو عارفه شو قلك انت بتجنن ابن عمي ربي مايحرمني منك
عمران : ولا منك يا اميرتي… يالله طلعي اغتسلي والبسي تيابك كلشي جاهز بغرفتنا
بقلب طفله ركضت مياسه اغتسلت واطيبت وعقدت النيه للحج
كانت تحلم انها تحج من لما كانت طفله واليوم تحول حلمها حقيقه لتمتزج دموع الفرح ب ابتسامتها العريضه وهي بتردد بقلب خاشع… لبيك اللهم لبيك
اللهم لاتحرمنا زيارة بيتك الحرام انا ومن قال امين
#تمت_بحمد_الله
وكل عام وانتم الى الله اقرب
#بقلم_امل_احمد_سلوم
❤