رواية نصيبي الحلقـه الثامنه

حقيقيـه

الحلقـه الثامنــه

الكاتبـه : ميـرو الشريـف ?

نضـت الصبـح علئ ريحـةة حليـب و شاهـي _ ?و خبـزه اسـخـون و البلكـونـي مفتـوح و اشعـة الشمـس تضـرب فـي الحـوش ❤
شـبحت ورآي كـان مهيـب مـش قـاعـد _ تكسلـت بـ راحـه و شـبحت للساعـه 8:00صبـاحـآ
نضـت خشـيت للحمـام ” يكـرم القارئ ” غسـلت وجــي و توضيـت وطـلعـت
مهيـب ايحـط فـ الشاهـي و مبتسـم : صـباح الخيـر
انـي ابتسـمـت : صـباح النـور
مهيـب جـانـي و حولـي شعـري من وجـي نـزل عليـا باسنـي و انـي سخنـت من بوستـه ليـآ و انفـاسـه يضـربـن فـي أرقبتـي و جسمـه الـي لاصـق فيـه
قـاطعـني مهيـب : صـح النـوم _هـي الفطـور وتيتـه انـي
انـي : باهـي بنمشـي انصلـي بـس !
مهيـب : البسـي ابتـاع الصـلاه و تعالـي اهـني
هـزيـت راسـي و مشيـت لبسـت ابتـاع الصـلاه و جيـت كـان امفـرش صليتيـن ❤ و علئ جنـب صلايتـه هـو فـي مصحـف
جـي قـدامي وبـدا ايصـلي بيـا فـ الصـبح كـان مهيـب أمـامـي فـي صلاتـي _ كـان يقـرا فـي القـران و ايجـرد فيـا بصـوت ايهـز الكافـر لطـريـق الثـواب _ مـع كل حـرف منـه أدموعـي ينـزلـو من حـلاوةة الشعـور بـعيـد عـن كل شـي ” حلـو زوجـك يبـدئ مثلـك الاعلـئ _ يقرالـك في القـران وايصـلي بيــك ?”
كملنـا الصلاه و سـلمنـا _ و كيـف بنصبـي بـرم عليـا مهيـب و مسـك أيـدي و نـاض حـط أيـدا علئ راسـي و بـدا يـدعـيلـي و يـدعيلنـا بـ الخيـر و ربـي ايبـاركلنـا في زواجنـآ و قـداش مهيـب فـي الموقـف هـذا كبـر فـي عيـنـي اكثر و اكثــر ❤
بـعد ما كمـل باسنـي على راسـي : هـي نفـطرو !
انـي مسكـت فيـه : مهيـب _أقرالـي قـران صوتـك شـفاني
ابتسـملي مهيـب و قعـمز قـدامي وقـعد يقـرالـي _ نضنـا فطـرنـا و كـان هـو ايوكـل فيــآ و مـره مـره يبـوسنـي ?
مهيـب : حنيــن !
انـي التفتت عليـه : نعـم _
مهيـب : عـارفـه ان غـدانا لوطـا صـح
هـزيـت راسـي بـ اهـآ و بـعدين شبحـت للساعـه : حـي الساعـه 12:30
مهيـب هـزلـي راسـه : لـو تلبسـي و ننزلـو
انـي : باهـي شن انطلعلـك ؟
مهيـب : على ذوقـك
حطيـت ريمـوت التلفزيـون و نضـت فتحـت دولابـه ة طلعتـلا،سـروال امريكــي و سوريـه بيضـاء عطـرتهملا و انـي لبسـت سـروال أسـود واســع و سوريـه بيضـاء فيـها،شـده من اليـد و وشـاح احمـر _ درت مكيـاج بسيـط
مهيـب خـش عليـآ و بـ نظرتـه معـجبـاتـش اللبسـه : حنيـن شن بنقـولك
انـي شبحتلـه وكيـف بنبـخ البرفـان خـداه من يـدي
مهيـب قعـمزني على السريـر ومسـك ايـدي واتكـئ بـ ظهـره علئ الزيانـه : منبيـش انعقـدك ولا نبـي انتـامر عليـك بـس نحكيـلك وانتـي اعطـي رائـك _عـلاش مـ تلبسـي وشـاح ثانـي غيـر الاحمـر لان ملفـت للانظـار رغـم ان خـوتي الاثنيـن وبـس قـاعدين و بـوي بـس حـلاة المـراء بـ زينتـهـا الهـادئـه والبرفـان عـلاش اتبخـي فيـه طالمـا بنـقعدو فـي مجمـع مـع رجالـه و هضـا حـرام أن يشمـو ريحتـه عليـك فـ الحـوش نا راجلك بخيـلي و غرقيـني و اخنقيـني و القرار لـكي ! و المكيـاج بـراحتـك لانـك عـروسـه و الحمـدلله جـا هـادي
ابتسـمت و نضـت : تعـرف كلامـك غيـرنـي مهيـب _ صـح معاك حـق
نضـت و غيـرت وشـاحـي بوشـاح ثانـي و نحيـت البرفــان و ابتسـمتـلا !
مدلـي مهيـب الساعـه و خذيتـها لبستـهـاله و اعيـوني في اعيونـا ❤
طلعـنا من الشقـه و احنـي نضحكـو و جـونـا نوعـا ما امليــح ! نزلنـآ وكانـو كلهـم في الداخـل غيـر عمـي و عمتـي طالعيـن لـ مشـوار
خـش مهيـب و انـي وراه تلقـاتـه سنـدس و تغمـراتـا و انـي كذلـك و جـت عيـني فـ عبـدو امقعـمز فـي الصالـه اول مـ خشينـا قعـد يشـبحلـي
سـلم مهيـب على ميـس و اكتفـئ بـ ان ايـمد ايـده و اينـزل راسـه و سـلمت عليـها انـي وقـت وصـلت في عبـدو مدلـي ايـدا و انـي ترددت انـي انمـد ايـدي فـ الاول مديتـها و هـو ضغـط عليهـا بـ القـوه و بصـوت الغـل : مبـروك يـ عروسـه
جبـدت ايـدي منـه و مشيـت جنـب مهيـب : الله ايبـارك فيـك _
ميـس ; شن حـالك حنــو ؟
انـي مرتبـكه : حمـدلله شن حالك انتـي !
ميـس : تمـام بخيــر ❤
جـت سـندس بـ صفـرةة العصيـر
عبـدو رفـع حـاجبـه : حقـا مقتلكـش يـ مهيـب بتولـي عمـو
الرعشـه ركبـت في جسمـي بـ ان عبـدو حيقـعد أب من وحـده غيـري خلـت ايـدي تفلـت و كـانـت طاسـة العصيـر حــ تنكـب غيـر ان مسكتـها فـي اخـر لحظـه
زبطـني عبـدو : شـن فـي مرت خـوي ؟
انـي شبحتلـه لاول مـره بـ كـرهه : سلامتـك _ و الـف مبـروك عليـكم يتـربئ فـي عـزكم و دلالكم
مهيـب : الف الف مبـروك و العقبـه لينـآ
انـي شبحتله و ابتسـمت : إن شاءلله
حـط عبـدو طاسـة العصيـر و نـاض : نستـاذن
و معطـش مجـال لـ حد يسـاله ويـن ماشـي _ بـعد وقـت خشـو عمـي و عمتـي وحطـو الغـدي و ركبـت للشقـه مع جـو العصـر و مهيـب مشـي بـ ايصـلي في الجامـع
توضيـت و صليـت العصـر و غيـرت ادبشـي درت زوز طواسـي شاهـي لكـن مهيـب تاخـر،فـ رقـدت ❤

---

عنـد ميـس ركبـت بعـدي بـ دقائق نحـت وشاحهـا و انخلعـت من عـبدو الـي كان متمـدد في الصالـه
ميـس ; مـش كنـت بـرا و حتـى ع الغـدي مجيتـش !
عبـدو نفـخ الدخـان : ويـن مشيـت ويـن جيـت مدخلـكش بـعمي
ميـس : شـن الاسلوب هـضا كنـك انت معـاي
عبـدو : ادوري فـي الحـس معـايا انتـي !
ميـس خشـت للـدار وهـو،وراهـآ
عبـدو : وقـت نتكلـم معـاك توقفـي قـدامي و تسـمعيـني فاااهمه ؟
ميـس هـزت راسهـا بـ اهـا و دموعهـا فـ عيـونها : الله لا يسـامحهـآ الـي مكسرتـك هكي
عبـدو وقـت سمعـها تكلـم هكـي خـدئ مفتـاحـه سيارتـه و طـلع

---

مهيـب خـش الحـوش شبحنـي متمـدهه على الكنبـه _ قـام الشاهـي و خـش غيـر ادبشــه و قـعمز بـدا يشبحلـي
فتحـت عيـوني و القيتـه يشبحلـي : امتـى جيت
مهيـب قـام ايـدا : ليـا ساعـه و انـي نشبحلـك ❤اعيـوني مملـوش دقيقـه
انـي نضـت : اممم عـلاش مـ فيقتنـي
مهيـب : محبيتـش نزعـج راحتـك !و قـرب شدلـي ايـدي و بـاسهـا و تنـهد : شـن نهـايـةة الليلـه اهيـا
سكـتت وقـت حسيـت ان مهيـب محتـاجتنـي بجـد ❤و يحبـني و عبـدو خـلاص شطبـت عليـه !
لفيـت ايـديـه عليـا : اي نهايـه
مهيـب شالنـي من وسطـي و حطـني على السريـر و انـي انفـرفـش بيـن ايديـه _ جـي فوقـي وانـي غمضـت اعيـونـي : منقـدرش مهيـب
مهيـب تضـايـق بـس رغـمها ابتسـملي : مفيـش شـي ايجـي بسـرعـه يكفـي ترقـدي فـي حضنـي ” و اتكـئ على السريـر وانـي سحبـت روحـي وحطيـت راسـي على صـدرا و ايـدي علئ بطنـه لفيتـهـا وهـو لـف ايـدا عليـه و يلعبلـي بـ شعــري ❤و لا تلقـائيـا بـدا يحكيـلي فـي قـصص عن الانبيـاء
ليـن طـق عليـنـا البـآب
مهيـب نـاض : نمشـي انشـوف و انجـي !
انـي شبحتلـه : باهـي
طـلع من الـدار و هـو يلبـس فـي تيشرتـه و فتـح كـان عبـدو

يتبـــع❤
الحلقـه الجـايه كشـف الحقيقــه ?❤تفاعلو مرات انزل حلقه في الليل _