رواية كما تدين تدان

كما تدين تدان الحلقه 4

نور:بابا بااابا
صابر:تعالي هنايا يا بنتي
نور:اممممواه كيفو الحلو اليوم
صابر:الحمد الله شنو درتي اليوم
نور:زي العاده كملت محاضراتي وروحت وتوا لازم منتأخرش ع الكافي شنو تغديت ؟؟
صابر:اي امك حطتلي الغداء قبل متطلع
نور:تبي حاجه
صابر:سلامتك يا بنتي ربي معاك

نور:خشيت لي داري دوشت ولبست لبست العمل طبعا نسيت نقوللكم اني نخدم في كافي بس متع عائلات والموضفات يلي ياخدو في الطلبات كلهم بنات قعمزت شوي بنرتاح قبل منطلع نذكر موقف الولد معاي اليوم ياحليلي ع الرجوله ?❤️?محلاااه قاطعت تفكيري واخذت شنطي وطلعت

نور:حبيبي انا طالعه
صابر:ديري بالك ع روحك يا بنت
نور:من عيووني

في حوش نسرين:-

سعاد:ياعمتي لازم تاكلي هكي صحتك وحالتك تسوء
سميره:ياريتني ما وفقت ع الزواج ودرت يلي تبيه ??بنيتي كانت قايمه بي الحوش كله وتتحمل في كل شي مش قادره نصدق اني معش بنشوفها

مهند:الله يرحمها امي خلاص صكري السيره نسرين ليها شهر متوفيا هادا قضاء الله وقدره
سميره:????اااااه يا بنيتي اااه
نورس:في سرها …هادا وين حسيتو بي قيمتها وحبيتوها بعد ما توفت مسكينه شنو ينفع الندم هادا كله توا تستاهلو انشاء الله تلحقيها ?

في الكافي
قصي:هههههه والله إلا زي منقولك تصدق من يومها معادش حطيت لحمت دجاج في فمي
بسام:ياريتك نخنقت ومتت وخديت سيارتك ??
قصي:ههههه حقير قعمز

سامي:نوور سوفي الزباين
نور:حاضر ومشت ?‍♀️?‍♀️

قصي:تي واااااك النم ديما الحاجه يلي نشريها تبيها تي اعقل الزفت وانت زي البنات يطلبو من صاحباتهم باش يمشو الحقله ويطلعو احلا من سميه جارتهم
بسام:???ههههه منو سميه
قصي:تي بلا جو
بسام:تي نحي الخاتم يانم
قصي:هاااك ?

نور:تفضلو شباب?
قصي:نوور؟؟!?
نور:???اه اه اهلين قصي
قصي:اهلين بيك شنو اديري هنايا
نور:وهيا متحشمممه …هادا مكان شغلي نجي هنايا بعد الكليه
قصي:اهاا فهمت عليك ربي يعاونك حلو الشغل ع الاقل متقعديش مكسده
نور:اي الحمد الله طبعا عارفه يقول هكي عشان منتحشمش من خدمتي بس مهما كان اخي اللقطه

نور:اااء اء خدتنا الدوا شنو طلبكم
قصي:وهوا يشبحلهااا قهوه سادا
نور:من عيوني وانت استاذ
بسام:عصير كيوي بلون عيونك يا حليلي نا
قصي:ضرب رجل بسام
بسام:اااخخ
نور:هههه من عيوني هي سلام

بسام:تي منو هادي
قصي:طرف جديد
بسام:الزفت وجها انضف من سمعتي
قصي:ريت ولا ??ضروري نلخبطها
بسام:بالله الناس هيا متشوفش لي واحد صايع زيك
قصي:تراهن؟
بسام:معندي باش نراهن راس مالي 5جني واخدها من امي
قصي:????

نور:خشت للكافي …ايمن واحد عصير كيوي وقهوا ساده
ايمن:خيرك وجهك اصفر هكي
نور:واضح علياا?
ايمن:هلبا شن فيك
نور:ولاشي تو نجيك بنغسل وجهي ….خشيت الحمام غسلت وجهي وقررت نخلي روحي عاديه طلعت خذيت الطلب ومشيتلهم

نور:تفضل قصي? تفضل استاذ
بسام:انا بسام مش استاد الزح يلي يسمعك يقول كنت نقري فيك شاديتهالي من بكري استاذ استاذ
قصي:شبح لي نور متعدليش عليه مش متعود ع حد يحترمه
نور:???
بسام:??

نور:يلا خودو راحتكم

روايات بنووتة الشيخ

نور:طلع قصي وودعني بي ابتسامه طبعا وروح انا اليوم خذيت ساعات شغل اصافيه لاني محتاجه فلوس بناخد شوي ادوات وحجات ضروريه كملت الخدمه الساعه 11ونص سيقت الكافي وطلعت كان الجو. صقعع ومطر بس خفيفه روحو الموضفين كلهم وانا صكرت الكافي وجيت مروحه

نهله:نور يا بنتي وينك
نور:يا ماما به الهم كيف كنتي تكلمي فيا اهو مروحه صكرت الكافي في الطريق
نهله:ردي بالك ع روحك يا بنتي مطر وليل
نور:انشاء الله هي لحضات ونكون عندك
نهله:تمام

قصي:البنت خشتلي دماغ وكنت مخطط نستناها لعند تكمل شغل وندير روحي ع اساس فايت صدفه ونعرض عليها نوصلها بعدها نقلها عندي استراحه قريبه بناخد منها حاجه تو نجيك بعدها نقلها بندور ملقيتهاش انزلي متقعديش بروحك وبعدين بندير يلي في راسي ??

نور:لابسه كبوط اسود وسروال جينز ووشاح ازرق في الاسود وسبيدرو اسود طلعت وهيا صقعاانه درست قدامها سياره

قصي :هوا انتي هههههه اليوم تاني مره نتلاقا معاك
نور:ههههه حض
قصي:اركبي نوصلك
نور:لا عادي متعبش روحك
قصي:تي اوكبي
نور:والله منقدر يشوفني حد ويبدو يقولو في كلام غلط
قصي:ياعمي الساعه 11ومطر الطريق فاضيه منو بيشوفك
نور:شفت يمين يسار ملقيتش حد اصلا الطريق تخوف والريح قوي …امم به وركبت

قصي:في سره ياحليلي ع الجسم وخلاص…اي وين تسكني
نور:نسكن في …..((……))
بنووتة الشيخ :اسفه ممنوع ذكر المنطقه يلي صايره فيها القصه

قصي:اهااا صار غادي…وعرف انه حي فقير بكل …..عندك خوت
نور:لا انا وحيدت امي بابا للاسف بعد جيت دار حادت سببتله اعاقه في رجليه وتوا انا وماما نخدمو عشان نعالجو وعشان نكمل تعليمي

قصي:اهااا
نور:قصي
قصي:عيونه
نور:حبيت نشكرك بجد هداكا اليوم كيف خديت بخاطري في الكليه بجد راجل
قصي:مدرت شي ياهمي انا
نور:ربي يحفضك لي اهلك ويباعد عليك اولاد وبنات الحرام
قصي:منووره ياغاليه علي الدعوات الحلوا ❤️❤️
نور:تسلم

قصي:طبعا منعرفش ميف هديك الليله البنت هيا لعبت فيا وصحت ضميري يلي كان في غيبوبه لغيت الفكره كلللها وروحت بيها علاش تراا؟؟لانها كانت تشوفلي راجل الززح اخي ندير هكي النم وانا في نضرها حاجه تانيه

نور:مشكوور تعبتك معاي بجد
قصي:لا ولا يهمك كنتي علي طريقي اصلا تبي اي حاجه كلميني مش تتحشمي يا مشفشفه
نور: ههههه تسلملي هي تصبح ع خير
قصي وانتي من اهل الخير
نور:سفت الشارع لقيته فاضي نزلت بسررعه عشان ميشوفني حد

قصي:وقعدت يا جحش تستنا من الصبح ع ولا شي …دورت السياره وروحت

نور:امممي
نهله:حضنت نور اااه اخيرا يا بنيتي
نور:واااك يا ماما ديما وانتي خايفه وموسوسه الهم
نهله:عندي حق هيا بدلي امشي غير متمرضي
نور:حاضر
نهله:تعشيتي ولا
نور:اي تعشيت انا والبنات بعد كملنا شغل
نهله:به حبيبتي بدلي وتعالي اشربي القهوا معانا
نور:من عيوني

روايات بنووتة الشيخ
ويلي ينزل الروايه من دون اسمي غبارته سوووده

نور:خشيت داري وانا حاسه بشعور غريب وحلووو ❤️❤️اكيد جوبتوه وين تبدي معجبه بي حد الشعور خيال بس لما نذكر انا شنو وهوا شنو نفوت في الموضوع انا عارفه هوا يعامل فيا هكي عشان ساخف عليا يمكن بدلة حوايجي وطلعت مع ماما وبابا نهدرزو

نهله:عندي ليك بشاره
نور:ااااه محتاجه نسمع خبر حلو بشريني
نهله:بوك وافقو يديروله العمليه ع حساب الدوله
نور:بصوت عاااي تبصررررررررري??
نهله:فتحي ولد خالتك رحاب هوا يلي توصت وقدم الاوراق
نور:حضنت بوها …اخيررررا ياغالي ??يااارب
صابر:هههه خلاص يامجنونه قعمزي
نور:قعمزت وكملنا هدرزه…كنت اسعد بنت في الدنيا مع امي وبوي حتا لو ان حالتنا بسيطه بس بجد فرحانه

ثاني يوم:
نور:في البدايه كنت نسحابه زي اي يوم بس طلع العكس نهااائيا لبست حوايجي وطلعت الكليه بسرررعه

صالحه:تعال افطر
قصي:تو نفطر برا يا امي وقت
صالحه:في حفض الله سوق بشويه
قصي:حااضر

نور:وصلت للكليه وكنت واقفه نراجع في يلي قريته وكان قصي واقف بعد عليا شوي مع صحابه ويشوفلي من بعيد??

فجأه جي واحد يجرررررري ومعاه سلاح والسرطه تجري وراه الولد معش عرف شنو يدير لان الشرطه كانت رح تقبض عليه قعد يجري وشد نور وحط ع راسها السلاح

نور:?????يبست في مكانها والولد شادها
قصي:جي يجرررري نوووور?????
الولد:بااااعدو والله نقتلها والله

الشرطه:سلم نفسك انت محاصر من جميع الجهات خلي البنت
قصي:اهدااا اهدااا
الولد:بعدددد والله نقتلها

جي شرطي من وراء الولد وشد يد الولد يلي فيها السلاح وقعد الولد يقاوم لحد ما طلعت طلقه

طاحت نور وطاح فوقها الولد والناس يلي في الكليه كلللها هربت وتعيط

قصي:نووووور….يتبع

وروني لايكاتكم