رواية كما تدين تدان

كما تدين تدان الحلقه 2

نسرين:نفسيتي تاعبه ومش قادره نفكر في شي اليوم بيجو يخطبوني مش قادره نستوعب اني رح ناخد غير قصي رح نسمع صوت حد غير قصي رح يلمسني واحد غير قصي لالالا مستحيل

نورس(مرت خو نسرين):شنو واتيه 
نسرين:ساكته
نورس:هيا اطلعي سلمي
نسرين:نزلو دموعها
نورس:اسمعيني معندكش خيار غير هادا ره صدقيني خوك بشير مصكر راسه وامك عاجبينها العيله يلا نوضي
نسرين:نضت وانا مقلتش ولا كلمه

سميره:تعالا نسرين حبيبتي
ناديه:مشاء الله مشاء الله كيف حالك
نسرين:كويسه
ناديه:انا ام صهيب العريس انشاء الله
نسرين:نزلت راسها
دنيا:وانا اخته ?
نسرين:ساكته مردتش
سميره:لاحضت ان بنتها متبيش تتكلم ادخلت بسرعه وقالت …اهلين بيكم تشرفنا
سميره:بيك اكتر?

وبدت الضيافه ☕️????والهدرزه

نسرين:ساكته ونفكر بس مفيش حد سألني ع رئي مفيش حد عبرني مفيش حد حاسني اخخخخي الشعور لما كلهم جنبك وانتي مش حاسه بوجود حد مفيش حد يهتم بيك حتا اقرب الناس ليك

سعاد:بوجه مصطنع قدام الضيوف …نسرين حبيبتي يلا خوك ينادي عليك عشان تشوفي عريسك
نسرين:نضت لبست وشاح طبعا كنت لابسه قونه وبلوزه …وطلعت للمربوعه

بشير:خشي متتحشميش
نسرين:خشيت ونشوف العريس?كانت لحيته طوووويله ولابس سوريه قصيره شوي عرفت انه متشدد خشيت قعمزت ومسلمتش حتا عليه
بشير:يلا انا نستأذن

صهيب:كيف الحال
نسرين:شافتله ونزلت عيونها
صهيب:مشاء الله عليك ..انا نبي مرآه تصوني وتاخد عيوني بس عندي شوي حجات منبيهمش لانهم حرام زي النت التالفون التلفزيون ونبيك تلبسي العبايه الشرعيه وحفلات فيها اغاني لا انا واتي بحوشي وسيارتي والحق نبي العرس الشهر الجاي مادا بيا قبل رمضان

نسرين:حسيت وقتها انه فعلا انا خلااااااص منتهيه
صهيب:انتي عندك شروط
نسرين:هزت براصها بمعنى لا
صهيب:به تكلمي ع الاقل نسمع صوتك
نسرين:نستأذن….وطلعت لي داري طول نبكي ع حضي عرفت اني مستحيل نحب غير قصي قعدت نتصل بيه اكتر من الف مره بس مردش بعتله ع النت ونفس الشي معبرنيش بدلة حوايجي ورقدت ع سرسري وفي وجع رررررررهيب في قلبي

بشير:الولد مشاء الله سألت حتا عليه
سميره:به تمام توكلو ع ربي
سعاد:روروروروروري
نورس:الف مبروك يا عمتي
سميره:يبارك فيك ..لازم من غضوا نسحب الفلوس ونطلعو نبضعو وقت ع العرس معش مزال
بشير:اي هضاكا هوا

طق طق طق
نسرين:بصوت وااطي من البكي ..منو
سميره:خشت ..متقوليليش خيرك ؟؟هادي خليقة عروسه
نسرين:قعمزت ..امي بالله عليك نبوس يدك افهميني بالله عليك انا بنتك
سميره:خيرك?
نسرين:منبيشي بالله عليك وررربي منبي
سميره:لالالالا انا شايفاته مناسب ليك تعودي من الشطان وانشاء الله تحبيه بعد الزواج
نسرين:?امي بالله عليك
سميره:خلاااص قلناااا …وطلعت
نسرين:كلمت اختي المتزوجه

نرجس:الووو
نسرين:?نرجس
نرجس:خيررك??
نسرين:سألتك بالله تكلمي امي بالله عليك منبيشي العريس
نرجس:اي تبي واحد صايع مايع مش شيخ ويخاف ربي زيدي قلدي البنات تسحابي روحك بتريحي سلم وخيتي حطي عقلك في راسك وبري تزوجي

نسرين:صكرت الخط وعرفت انه مفيش مخلوق وقف معاي مفيش مخلوق حسني رغم اني طيبه ولا عمري اذيت حد وكلهم وقفت معاهم بس توا ولا شي

بسام:الووو
قصي:ايوا
بسام:متقوليش وينك مختفي
قصي:تي كنت راقد ياراجل
بسام:ديمه وانت متمرقد غير اسمعني شنو بتمشي غضوا
قصي:وين
بسام:الجامعه بنزلو المواد نبيك ترفعني كان بتمشي معنديش سياره
قصي:ووووالله شنو بنقولك تواا
بسام:متبيش تشوف البنات متع الدفعه الجديده
قصي:امتا نخطم عليك
بسام:هههههه حقير

#تسريعفيالاحداث
بعد مرور شهر
نسرين:الشهر هادا كله ضعفت حالتي الصحيه والجسديه رفضت اني نشري او نطلع او ندير اي شي يخص العرس اختي ونساوين خوتي هما طلعو وشرولي كلللل شي

نسرين:اليوم حنتي ?وانا قاعده مش فاقده الامل في قصي نتصل بيه نبيه يقولي سيبي بس وربي نفوت كل شي …بس مردش عليا اصلا اليوم ليا شهر مكلمتاش نحس في قلبي بيتقططططع مسمعتش صوته وانا نفكر في هادا كله وراقده يحنو فيا والحوش ززززحمه عماتي خلاتي وبناتهم وكناينهم الجيران ونساوين خوتي ..كلهم يدربكو ويغنو وانا نحس في روحي بنموت مش بنتزوج

اختي لاهيا في لبسها هيا وصغارها وكل هما تطلع اخت العروسه حلوه
عماتي مركزين ع خالاتي ويستنو في غلطه عشان يحرجو

نساوين خوتي كل وحده هماها تطلع احلا من سلفتها

بنات عماتي يفكرو في لبسهم ومكياجهم وصورهم فقط

به انا ?؟؟؟!!!

الساعه3في الليل :-
جو العراس كلهم صاهرين ويهدرزو ويضحكو وانا رقدت وحنتي عليا رقدت نبي نهرب من الواقع شويه بسس نبي نرتاح

ثاني يوم :-

بسام:صباح الخير خيرك عطلت
قصي:ساعه ندور في الكريمه النم ملقيتهاش
بسام:تي به بسرعه

نسرين:نضت غسلت حنتي وغسلت وجهي وصليت وقعمزت فطرت ونشوف فيهم كلهم فرحانين والمنضومه تحبط من الصبح فرحانين هههههه بديت نضحك بشكل هستيري كلهم لا حضو الشي هادا فقدت الاحساس بديت نشوف في الكل ع حقيقته كذابين منافقين توقفي معاهم ومتلقي حد معاك رفعوني المزين وانا نضحك ونبكي في نفس الدقيقه قعمزت للكوافيره وجنبي هلباااا عرايس البنت يلي جنبي اسمها هدى قعدت نسمع فيها تتكلم ع الفون :-

هدى:كلها ساعات يا قلبي انت صبرت سنه متقدرش تصبر ساعات
هههههه خلاص ياسر خلي نمشي نكمل مكياجي ،،،به حتا انا نحبك باي

نسرين:ابتسمت كانت حلوووه وهيا فرحانه به علاش انا مكنتش هكي اليوم سكتت والدمعه في عيوني مرو 3ساعات وانا جاهزه المغرب اذن وبدو العرايس يطلعو

نرجس:محلااااك???
نسرين:لبست الكاب بدون ولا كلمه وطلعنا للقاعه

روايات بنووتة الشيخ
ممنوع النشر بدون علم

نسرين:وصلنا للقاعه وطبعا صوت المنشطه لا برا خشيت لي غرفة العرايس وقعمزت

سميره:الله وحد علي بنيتي ربي يهنيك
نورس:حيااتي طالعه تهبلي
سعاد:باهيه ماشي حالك

نسرين:طاحت عيني ع شنطت امي ….امي
سميره:نعم
نسرين:نبي نلبس شورت تحت الفيلو ياريت تطلعو شوي
نورس:نساعدك
نسرين:لالا

طلعو كلهم وصكرت نسرين الدار بي المفاتح

نسرين:فتحت الماسنجر ودرت تسجيل لي قصي

نسرين:اليوم عرسي?ونقولهالك حتا اليوم اي اي انا نحبك نحبك لدرجة ما تتخيل حد يحبك فيها بيوم نحبك لدرجة اني معش نقدر ناكل …تبكي نحبك لدرجة مش قادره نرقد ونهااااارت بلبكي ….بعتت التسجيل وفتحت شنطت امها خذت دواء امها وكلت الحكه كلها

كان الدوا تبع القلب من تونس وقوي هلبا لدرجة انك تاخدي نص حبه بس في اليوم

نسرين:حسيت قلبي بيطلع مني ونسمع في

طق طق طق
مفهمتش هادا صوت الباب ولا صوت قلبي يخبط في راسه هههههه تهسترت نضحك ونبكي ويدي ع قلبي لغاية ما خلاص نفسي بدي يثقل ….يتبع