رواية عائدة من الموت البارت السادس

البارت السادس

للكاتب المصري محمد مالك

احمد شاف الورقة .. الورقة كانت بخط احلام عبارة عن جدول مقارنة من صفين .. الصف الاول بعنوان الحق والصف التاني بعنوان الباطل ..
ولقي مكتوب في الصف الاول ..أ =  المبادئ + القيم + الاخلاق + القسم..  ولقي مكتوب في صف الباطل مكتوب.. س= القوة + النفوذ + المال + البطش وفي اخر الورقة مرسوم ميزان بكفتين .. كفة منهم ارجح من التانية ومكتوب فوقيها س+ أ+ ه‍  والكفة التانية مكتوب فوقيها أ فقط
وفي الاخر مكتوب لا سبيل الا الاستسلام سحقا عندما ينتصر الباطل  ..
احمد حسان .. ممكن اخد الورقة دي ؟
نها .. اكيد يا فندم اتفضل
احمد .. وايه اخبار الشركة دلوقتي بعد وفاة والدك ؟!!
نها .. اهوه الحمد لله ماشية والفضل يرجع لربنا واشرف بي
احمد .. اشرف بي مين ؟!!
نها .. اشرف بي اخو سعتك
احمد .. وايه علاقة اشرف اخويا بالشركة بتاعتكم ؟!
نها .. ما هو بعد حادثة اغتيال بابا انا عرضت الجروب كله للبيع وعملت اعلان بكدا بس لقيت الاستاذة احلام بتتصل بيا بالليل بعد ما قرت الاعلان وبتقلي ان اخو سعتك عارض يشتري الجروب وبالسعر اللي انا عاوزاه ومالوش لزوم الاعلان ده قلت ماشي انا ليا المصلحة وحددت مقابلة بيني وبينه في مكتبها وبالفعل اشتري الجروب مني وبسعر خيالي وعيني كمان نائب رئيس للجروب وغير الاسم بتاعة من مجموعة شركات مهران للأستيراد والتصدير الي مجموعة شركات اشرف احسان للمقاولات العامة واعمال البناء
احمد .. غريبة !! اول مرة اسمع الكلام ده
نها .. ازاي !! هي مدام احلام ولا مستر اشرف قالولك ؟!
احمد .. لا محدش قالي علي حاجة زي دي .. ع العموم ربنا يوفقك في حياتك العملية ولو عزتي شئ اعتبريني والدك
نها .. شرف كبير يا سيادة اللوا وارجو سعتك ان لو فاقت مدام احلام كلمني علطول عشان ازورها لأنها بجد وحشتني
احمد .. ان شاء الله .. بعد ازنك
ويعود احمد الي المنزل محاولا حل رموز هذا اللغز المرسوم في الورقة فهو يعلم ان احلام عندما تحتار بين امرين تقوم بعمل مقارنه بينهما من ناحية المكسب والخسارة وترسم ذلك علي الورق ولكن بتوضيح اكثر مما فعلت هذه المرة ومما جعله في حيره ايضا ما علاقة اشرف بشركات السيد مهران ؟!! ولماذا توسطت احلام في هذا الموضوع ؟!! ولماذا لم يخبراه اشرف واحلام بذلك ؟ ولكن الشئ الوحيد الذي تيقن منه الان ان اشرف يخفي سرا كبيرا عنه ويا تري هل فعلا اشرف له علاقة بما حدث ل احلام ؟!! ويا تري لماذا ربطت احلام بين اشرف وهند عندما ذكرت اسمهما معا ل احمد في المستشفي وما معني تلك الرموز التي في الورقة واثناء تفكيرة العميق وتركيزه الشديد لحل تلك الرموز يأتيه تليفون من المستشفي ان احلام قد فاقت مره اخري فأخذ الورقة وذهب الي المستشفي مسرعا ..
ماذا حدث ؟ تابعوني والبارت السابع .. تحياتي الكاتب والسيناريست المصري محمد مالك.