رواية شهوه الحلقه 4

اسيل:مربعه يديها وعيونها ع الروشن
معتصم:وقف ع الاشاره الضوئيه وحط يده ع رجل اسيل جيهت الفخذ?
اسيل:سكرت عيونها لي ثواني بغيييض وشبحتله
معتصم:خلينا نمشو لي استراحة بوي بالك يعجبك الجو?
اسيل:شدت يده ولوحتها….بي اذن الله هادي اخر مره نركب فيها معاك في حياتي
معتصم:يمضغ في المستكه…تو ع اساس بديري جو انا شريفه ..وافقي وارخي روحك وتاخذي يلي يرضيك يعني انتي توا جيتي الجامعه هاذي وتبي حوايج وفلوس وهلبا حجات ولا?
اسيل:جت بتفتح باب السياره لقاته مسكر….افتح باب السياره بننزل
معتصم:وين بتنزلي هبلتي،؟!
اسيل:افتح الباب قتللللك
الاشاره..خضره?

معتصم:هني عمرك اهو تحركو السيارات
اسيل:معش تمسني ياتافه حقير وربي نديرلك العار في الطريق
معتصم:شبحلها …ياويلي من المتوحشه …نبصر عليك اصلا شكالاتك ميعجبوش فيا
اسيل:غمضت عيونها…ربي انزل عليا الصبر في هاذي اللحضه
معتصم:??

رانيا:نزلت من التاكسي وخشت للحوش شافت انس واقف قدام المسبح
انس:اهلين
رانيا:اهلين بيك
انس:منو روح بيك
رانيا:بتوتر…اء كملت بكري وقلت ناخذ تاكسي يعني
انس:ليش مكلمتينيش روحت بيك يعني معندي شي انا
رانيا:مفيش داعي نتعبك عادي…يالله تبي شي ☺️؟
انس:سلامتك ❤️
اسيل:نزلت من سيارة معتصم…شد من عليا خوك الصايع الحقير وإلا وحق ربي نقتله وندفنه ورا الحوش ومحدش يعلم بيه
انس:?معتصم؟!
رانيا:بلعت ريقها ..اسكتي اسيل خلاص
معتصم:اتكى ع السياره..بشويه عليك
اسيل:من….
رانيا:خلااااص اسيل خشي
اسيل:افففف ….وخشت هيا ورانيا

انس:خيرك ع البنت
معتصم:شي نتسهوك عليها وهيا مصدقه روحها
انس:حط يديه في جيوبه ويشوف لي حوض السباحه قدامه….فوتها البنت
معتصم:علاش؟؟?وبعدين انت شن جايك حسيت ادافع عليهم هلبا ومتغير مش انس يلي نعرفه
انس:وعلاش متغير يعني
معتصم:وين انس يلي مش مخلي ولا بنت في حالها؟وغريبه قاعد في الحوش الوقت هوا
انس:معادش عندي نيه في شي
معتصم:حقا مبكري كلمني هاني وحكالي ع العركه يلي درتها في القهوا …علاش شن فيه؟
انس:شي ولاد يلقحو وخشت بعضها

اسيل:خشت لي الدار ولوحت شنطتها….حقيييير مداير راسه من راسي الوسخ
رانيا:تجاهليه منبوش مشاكل يا اسيل
اسيل:افففف المهم شن المصحه الجديد معاك؟
رانيا:عادي اهو ماشيه وانتي تأقلمتي في الجامعه؟
اسيل:خراااا تعرفي كلهم وجوهم عرااايس وهاذاك الكعب والصوت المصطنع اعععع
رانيا:ضحكت…انتي بنت غريبه
اسيل:استاحشت بوي امتا الزياره؟
رانيا:الخميس

طق طق طق
رانيا:خشي
امل:خشت الدار حطت شنطتها ورقدت ع السرير
اسيل:اموله شن جو المدرسه
امل:كويس
رانيا:امل خيرك مضايقه
امل:شي نبي نرقد بس
اسيل:ناضت تبدل في حوايجها
رانيا:وقفت ع الروشن وهيا تفكر في خواتها الواضح انهم رح يواجهو هلبااااا مشاكل?

 

ع سفرة الغدي:-

بشير:ان شاء الله عجباتك المصحه دكتورتنا
رانيا:بارك الله فيك عمي كويس
بشير:وامل كيف حال المدرسه
امل:ساكته
اسيل:ارتاحت فيها قتلي
اماني:وليش متردش هيا ?
اسيل:براحتها امتى متبي تتكلم باهي شن دخلك انتي
رانيا:نخصت اسيل….تحشمي عيب
اسيل:تاكل….مدخلهاش هيا
منى:تشبحلهم ومتغلله
بشير:حب يغير الجو …يالله شنو يا اماني بكرا عيد ميلادك شنو فكرتي اديري وشنو ناقصك
اماني:ابتسمت….بنعزم صاحباتي وخوات خطيبي كله واتي حجزت فيه
منى:بطول عمرك حبيبتي
اماني:☺️
رانيا:بطول عمرك وكل سنه وانتي بخير
اماني:شكرا…وقلبت عيونها
اسيل:بصوت واطي ….عطيك فقصه ياخامره

كملو غداهم وناضت كل وحده ادير في حاجه امل قعمزت لي دروسها بس كانت مضايقه من يلي صاير معاها في المدرسه واسيل تقرا ورانيا ع النت

اسيل:قعمزت في الحديقه وتقرا فجأه لمحت ولد خش
معز:مساء الخير
اسيل:وقفت…مساء النور
معز:ابتسملها….منو انتي ؟
اسيل:انا انا اسيل وجيت هنايا انا وخواتي الفتره الاخيره
معز:اهاااا بجوده بيك
اسيل:تسلم
معز:ان…
اماني:معززز؟?
معز:اهلين امونه من بكري نتصل مرديتيش
اماني:شن موقفك معاها ….وانتي شنو مقعمزه هنايا باش الخاش والطالع تلصقي فيه ولا شنو
معز:تحشمي البنت كانت تقرا وانا يلي خشيت
اماني:عندها دار هكي كبرها بس حركات البنات نعرفها انا بعدي علي خطيبي احسنلك
اسيل:تحشمت ترد عليها قدام معز خذت اوراقها وخشت
معز:حرام عليك البنت مدارت شي
اماني:انت حسابك بروحك
معز:هههههه به هاك جبتلك يلي طلبتيه الكروت متع العيد ميلاد
اماني:اوكي تفضل قعمز

اسيل:خشت لي الدار …خرااا هيا
رانيا:خيرك
اسيل:وحق ربي يوم تاني الاما تلقوني دابحتها وملوحتها في المجاري
رانيا:منو وانتي كلهم بتقتليهم
اسيل:اماني الكلبه
امل:محبيتهاش
اسيل:به يلي سمعنا صوتك….خيرك في حد ضايقك اليوم
امل:ولا شي…ونزلت عيونها لي كتاباتها
اسيل:بنخش ندوش بالك نروق شويه
رانيا:مفيش اميه سخونه في حمام الدار اليوم بيجيبو عامل يصلحها
اسيل؛جتها فكره جهنميه??…خذت حوايجها وروب الحمام ونزلت لي ياسمين

اسيل:سمونه يا عسل
ياسمين:اطيب..اها حبيبتي
اسيل:معتصم امتا يروح نبي منه حاجه
ياسمين:مزال والله اكيد في الليل متأخر
اسيل:اممم اوكي تمام …وركبت بسرعه

رانيا:شافت من روشن جت عينها ع انس يدخن قعدت تتفرج عليه
انس:بحركه عفويه قام عيونه في الروشن وشافلها❤️
رانيا:ابتسمتله ووخرت
انس:قعد يشوف لي الروشن وافكاره تايها ومشاعره مشوشه

اسيل:خشت لي دار معتصم وفتحت الحمام…خلي نضربه دوش في دار الحقير ياعيني جاكوزي وشامبوات جسم وحجات غريبه مش خياره فيا …وسكرت الباب

اماني:الباين انها بتبدا تخرب في حياتها بي يدها
نسمه:اوماي قاد صراحه وصلت في خطيبك،؟شن الوقاحه هاذي
اماني:تو تشوفي شنو ندير فيها وحياتك
نسمه:المهم كلمتي خوك مبكري وقالي انه يبي يتلاقى معاي في عيد ميلادك بكرا
اماني:اوكي ياعمري خلونا غاطصين في التورته واركبي لي داره ديرو العيب?
نسمه:اححححيه وخلاص يهبل خوك ?جماله جمااال
اماني:بس ديري بالك يتمادا وتقعدي حاصله في روحك
نسمه:تمام توا سكري خلي نشوف شنو نلبس
اماني:تمام

معتصم:فتح باب داره وخش رقد ع السرير بي حوايجه
اسيل:طلعت من الحمام بروب الدوش ونصدمت لا شافاته قعدت واقفه في ممر الحمام معرفتنش شنو ادير
معتصم:وقف نحى التيشرت وافتح الاغاني
ترن ترن ترن
معتصم:الوو
نسمه:اها بيبي
معتصم:ها حب سن صار
نسمه:اي كلمت اماني وقتلي تمام رح تغطي عليا ونركبلك
معتصم:به مليح نبيها ليله مليحه ره البسي احلا شي عندك ??
نسمه:اكيد ياعمري
اسيل:الحقير النسونجي تفوو
معتصم:بخ برفاان …تمام امالا امتى بتجي انتي
نسمه:مع المغرب
اسيل:ريحة البرفان قوووويه شدت روحها وفي الاخير عطست …اتشوووو
معتصم:??ترا سكري تو نحكي معاك شوي تاني
اسيل:حطت يديها ع فمها…نهاااري الاحرف شنو درت
معتصم:سكر التالفون وجي للحمام يشوف رجلين اسيل تحت الباب …خش وشافها واقفه بي روب الحمام ومغطيه وجها بي يديها

معتصم:اهلا اهلا اهلا ?
اسيل؛متفهمش غلللط ?معندناش اميه سخونه في دارنا و…
معتصم:يشوفلها ومبتسم ع جنب ونضراته يقتلوو يشبحلها من فوق لا لوطه
اسيل:معش تشبحلي هكي …خليني نشرررحلك
معتصم:يعني وحده واقفه قدامي لابسه روب الحمام كيف تبيني نشبحلها ….هااا؟!
اسيل:تحاول تغطي روحها …وقلبها بيطيح منهااا

طق طق طق
اسيل:ممنو هاذا??حي عليا انا شنو لابسه وانت شنو لابس
معتصم:يضحك
اسيل:بيفهمو غلط …اففففف ياااااا??
معتصم:اسكتي وخليك في الحمام
طق طق طق
معتصم:سكر الحمام …تفضل
منى:خشت…استغربت كيف روحت بكري
معتصم:شويه وطالع
اسيل:حطت وذنها ع الباب تسمع
منى:نبي نتكلم معاك بخصوص البنات يلي جابهم بوك
معتصم:توتر…امي مش وقته انا تاعب توا نحكو بعدين
منى:لا وقته …اسمعني كويس البنت الدكتوره هادي وشكلها حيه من تحت التبن والوسطيه مطفوشه
اسيل:انا مطفوشه؟?مسسسخه
منى:والصغيره عندها مرض نفسي…منبيكش تعطي وجه لي ولا وحده فيهم ريحني
معتصم:به تمام
منى:كويس ولدي خليك تسمع في كلامي
معتصم:به اطلعي امي بنغير حوايجي
منى:تمام …وناضت
اسيل:لبست البيجامه متعها ونحت الروب واول مسمعت الباب تسكر طلعت من الحمام
معتصم:لبستي؟
اسيل:خطت يدها في نصها…خاطري نعرف علاش امك خايفه عليك مني انا وخواتي؟؟؟يعني رانيا اختي دكتووووه ومستحيل تشوف لي واحد تافه زيك
معتصم:وانتي؟?
اسيل:لو تكون اخر واحد في الدنياااااا…بس وصل لي امك ان مش ميتين عليك لا انت ولا خوك ولو بوك ما اصرش مكنتش جينا هنايااا…عليك مرضى..وطلعت وقربعت الباب
معتصم:فيها شي يجذبني…بس شنو هوا منعرفش ?

 

رانيا:وين كنتي???
اسيل:دوشت قي الحمام متع الضيوف
رانيا:اففف فكينا من الدوه الزايده ومعش تستعمليه الحمام اللوطي
اسيل:اياااه علينا يا رانيا حسيتينا ان في حبس مش حوش
رانيا:ااااه اي والله حبس?

جي الليل ورقدنا ال3مع بعض كل وحده تفكر في شي

رانيا:خايفه قلبها يتعلق بي انس رغم ان متعرفاش غير يومين لاكن اسلوبه معاها جذبها ليه

اسيل:تفكر في كلام منى يلي قالته لي ولدها معتصم..ووجعها الكلام هلبااا وحيت روحها رخيصه هيا وخواتها في عيونهم

امل:تفكر كيف بتقابل البنات والاولاد يلي يقرو معاها بعد معرفو ان بوها محبوس بتهمة الخنبه?

ثاني يوم زي العاده ✨✨

طلعت امل مع بشير يوصلها للمدرسه واسيل طالعه بسيف مع معتصم واماني للجامعه اما رانيا ممشتش لي للمصحه وخشت للمطبخ تساعد في ياسمين

انس:خش المطبخ…ياسمين ترا القهوا متعي
ياسمين:حاضر
رانيا:شافتله…صباح الخير ☺️
انس:صباح النور خيرك مش واتيه عشان نرفعك
رانيا:لا معنديش اليوم لقيتهم مدايرينلي يوم بيوم
انس:اهااا اي احسن عشان ترتاحي شوي
ياسمين:تفضل القهوا
انس:شكراا..بعدين بيجو مجموعة شباب ومعاهم بنت بينضمو الحديقه برا عشان عيد ميلاد اماني وريهم كل شي تمام؟
ياسمين.حاضر
انس:اوكي متبو شي
رانيا:سلامتك❤️
انس:طلع وهوا عيونه علي رانيا

الاستاذ:مشاء الله امل ثاني يوم ليك والمسائل يلي عطيتها امس حليتيها
معاذ:بالك خانبه الحل …لان الناس يلي هكي ساهله الخنبه عندهم
الاستاذ:معاااد التزم الصمت
امل:شافت لوطه ومردتش
الاستاذ:درسنا اليوم كمل متنسوش الاختبار بكرا ومحدش يطلع من الفصل لين يرن الجرس…وطلع

ميار:معاااذ
معاذ:ها
ميار:تبي نكملك حكاية البنوته يلي جتنا جديده
الطلاب كلهم تنبهو لي كلام ميار
ميس:ليش شنو فيه تاني غير بوها الخناب يلي في الحبس
بسمله:خلاااص حرام عليكم البنت
معاذ:اسكتي انتي …شنو فيه عير بوها
امل:تحاول تهدي روحها
ميار:احممم …في امها
امل:ناضت من مكانها وقعدت تشوفلها
ميار:معدلتش وكملت كلامها…امها اجنبيه تخيل هربت وخلت بناتها معقوله في ام هكي ادير في صغارها توا حتى تتلاقى معاهم متعرفهمش
امل:جت لي ميار جبدتها بقوه وشدتها من رقبتها ولصقتها ع الحيط

البنات والاولاد كللللهم مصدومين ويشوفو??????????????

ميس:البنت بتقتليها بعددددي
امل:ماسكه ميار من رقبتها وخانقتها…..سيرة ماما وبابا مزال تجيبيها ع لسانك نقتتتلك فاهمه
ميار:تهز براسه لانها مش قادره تتكلم
معاد:يشوفلها بي اهتمام
امل:طلقتها وطلعت من الفصل وطاحت ميار وجوها صاحباتها

 

اسيل:طالعه من المحاضره
هاني:اهلين
اسيل:بيك
هاني:كيف الاوضاع ان شاء الله فهمتي كل شي
اسيل:اي تمام صحيت☺️

معتصم:يكلكس من بعيد
اسيل:يالله سلام
هاني:سلام

وصلو امل واسيل للڤيلا ولقو الدنيا مززززينه استعداد لي حفلة عيد ميلاد اماني ✨

اسيل:تتكلم في سرها..اهااا وانا نقوول امس معتصم في منو يكلم شكله مداير موعد مع وحده جايه للحفله والله إلاما نفسد عليه ?…يتبع