رواية شهوة الحلقة الاخيرة

امل:شنو صاار
اسيل:طلعت شنطه وبدت تلم في حوايجها
امل:خيرم اسيل شنو ادير
اسيل:تواااااا طلعي شنطك وتلمي حوايجك كلهم بنروحو
امل:اسيل م…..
اسيل:توااااا قلتتتتتتتتتتتت
امل:خافت من اسيل وطلعت شنطتها وبدت تلم في حوايجها حتى هيا

معتصم:بعد مطلعت منه اسيل خبط الحيط بي يده لانه معنداش حتى دليل واحد يثبت ان هوا بريئ ومدار شي غلط مع نسمه

نسمه:صباحو?❤️
منى:صباح الخير بنتي طولتي في النومه
نسمه:اي والله ونضت دوشت مره وحده
منى:به بسرعه كملو فطوركم اهل معز قريب يوصلو
اماني:ان شاء الله
اسيل:شافت نضره اخيره لي الدار ومسحت دموعها وطلعت هيا وشنطتها
اسيل:تنهدت…هيا امل
امل:طلعت ورا اسيل ونزلو لي الدور اللوطي

منى:شافتهم من الصدمه لين وقفت…له له له وين ع خير؟
اسيل:اهو خليناهولكم وااااسعه وعريضه ولادك يلي خايفه عليهم دسيهم تحت باطك واطمني
نسمه:بي استفزاز….تعالو افطرو ع الاقل قبل متمشو بالك متحصلوش من وين تاكلو
اسيل:مش رح نرد عليك بس تعرفي حسبي الله ونعم الوكيل فيكم الثلاثه هيا امل
امل:طالعه

نسمه:?تتحسب فينا خيرها هادي شن درنالها
منى:ليش روحو مفهمتش
اماني:مش قتلك يا ماما تو تسيب معتصم اهو سيبتلك الحوش كله ارتاحي
منى:بوك لاكن!!
اماني:مدخلناش هيا طلعت بي ارادتها ملزيناهاش
منى:خلي نستقبلو اهل خطيبك اليوم وبعدين ساهل تو نكلمه بوك
نسمه:شبحت لي اماني وضحكت
معتصم:نزل من الدروج …شن جيبها هيا؟
منى:الناس تقول صباح الخير بعدين عيب يلي تقوله البنيه ضيفه عندنا
معتصم:بسيطه انتي وياها تو نعرف كيف نتصرف معاكم
اماني:اياااه عاد صبح يامعتصم خيرك علينا
معتصم:شبح لي امه…وين اسيل وامل؟!
منى:خذو شناطيهم وروحو
معتصم:بصدمه….وين روحو؟!
منى:لحوشهم طلعت اسيل تلعلع زي الملبوسه خذت اختها وروحو
معتصم:تي ككككككيف تخليهم يطلعووو؟
منى:شن دخلني انا بتطلع ع راحتها تقعد ع راحتها
معتصم:ركب لي داره متكنننطي لانه ميعرفش حوشهم وين وكيف بيوصل في اسيل بدل حوايجه وطلع

اسيل:فتحت الباب متع الحوش وتلقائياً اول مخشت هيا وامل بدو دموعهم ينزلو
امل:استاحشت حوشنا هلبا
اسيل:بي اذن الله معادش نطلعو منه يلي يطلع من داره يقل مقداره
امل:قعمزت ع الصالون….اسيل شن صار بينكم؟
اسيل:طلع كذاب وبالله معاد تجيبي سيرته خلاااص وبنهبل انا من فرخه رانيا يلي متردش من امس
امل:بنوض نرتب الحوايج
اسيل:مديري شي استني نطلعو ناخذو بظاعه للحوش قايمه شوية فلوس
امل:خليني نبدل حوايجي قبل طلعتينا زي المتشردين
اسيل:به بسرعه

 

انس:شن تحسي فروحك توا؟
رانيا:احسن الحمد الله
انس:شبحلها وابتسم
رانيا:خلاص انس من امس وانت تشبحلي هكي ?
انس:مش بيدي وحق ربي ?

طق طق طق
انس:تفضل…
معتصم:السلام عليكم
انس:وعليكم السلام
معتصم:الحمد الله ع السلامه
رانيا:الله يسلمك?
معتصم:شن الاخبار
انس:ماشيه اهو
معتصم:تعال نبيك لحضات
انس:تمام هي ….شبح لي رانيا ابتسملها وطلع

عند اماني:—
جو اهل خطيبها واتفقو ع العرس وكانت بطير من فرحتها وامورها تمااام

نسمه:بنروح
اماني:تي خليك باتي عندي حتى اليوم
نسمه:لالا والله امي متخليني حتى اليوم
اماني:اوكي بالك بكرا نجيك الحوش نهدرزو
نسمه:نستنى فيك
اماني:اوكي باي

منى:والله شن دخلي اناااا
بشير:تي كيف شنو دخلك انتي لما نطلع نخلي فيهم معاك مطمن علاش متصلتيش بيا
منى: انا يالله ندير بالي ع صغارك جايبلي زوز بنات تبيني نقابلهم
بشير:تكنطاااا وطلع

انس:كيف صااار هكي
معتصم:تي وربي منعرف كيف صار نضت لقيتها خاشه بعضها
انس:به وين هما توا ومنو رفعهم وكيف يصير ؟
معتصم:نبيك تخلي رانيا تكلمها اكيد تجي للمستشفى
انس:وكيف بتصدقك؟
معتصم:والله منعرف غير توا نبي نفهم وين حوشهم بس وتو ندير راي
انس :تمام
معتصم:خش كلمها نراجي فيك
انس:خش لي رانيا ….شنو الحلوه متبيش تكلم خواتها؟!
رانيا:اي بالله عليك بنموووت عليهم
انس:عطاها التالفون….سلامت قلبك

اسيل:يا امل هيااااا ساعه تبديل
امل:جااايه

ترن ترن ترن
اسيل:الو
رانيا:اسيل انا رانيا
اسيل:متقوليش وينك انتي من امس وانا نتصل مترديش من….
رانيا:اسيل انا في المستشفى
اسيل:ليش شنو فيه؟!????
رانيا:رمزي امس ضربني وجابني انس للمصحه
اسيل:كككيف ضربك وانس شنو مفهمت شي في اس مصحه انتي
رانيا:مصحة السعاده جنب مدرسة امل
اسيل:جايين هي
رانيا:تمام…وسكرت الخط ….انس بوك خش انتضار
انس:خذي التالفون ورد علي بوه

امل:من في المستشفى ؟
اسيل:رانيا مفهمت شي منها هيا اطلعي

انس:ايوا
بشير:مش قتلك روح نبيك
انس:مشغول توا منقدرش
بشير:البنات طلعو من الحوش
انس:عندي علم
بشير:دمه محروق…..تي والله متجيش يا انس تشوف ره
انس:يصير خير
بشير:نستنا فيك
انس:سكر الخط
رانيا:ان شاء الله خير
انس:مسك يد رانيا وباسها….انا بنمشي لي بوي يبيني شوي معتصم قاعد برا متخافيش من شي
رانيا:دير بالك ع روحك
انس:ابتسملها وطلع

معتصم:وين؟!
انس:بنمشي نشوف بوي دير بالك لين نجي
معتصم تمام

في الحبس:—-
سمير:باله مشغول ع بناته الثلاثه قداااش ليهم مزاروشي ولا شافهم وع قد متصل بي بشير ميردش قريب يهبل وهوا مش فاهم بناته وين

اسيل:خشت للمستفى تجري وشافت معتصم مقعمز قدام الدار
معتصم:وقفلها…اسيل
اسيل:خشت للغرفه بي دون متكلمه هيا وامل وحضنو رانيا ويبكو
اسيل:كيف صااار هكي ليش الاثار هادي ع وجهك
امل:شن صاير معاااك?
رانيا:ابتسمت ….انا بخير اهدو❤️
معتصم:يشبح لي اسيل من بعيد وعيونه معبيات حب ✨

انس:السلام عليكم
منى:ناضت تجري تحضن وتبوس فيه وتبكي ….ليش هكي تخوف فيا عليك بسسس فهمني
انس:امي مش طايق روحي بالله فكيني
بشير:وين كنت؟
انس:عند رانيا
اماني:?
منى:كيف عند رانيا شنو تقول انت؟!
انس:مشي لي حوشها امس ولقيت راجلها قريب يقتلها بي الضرب رفعتها المستشفى
بشير:ساكت ويشبحله
انس:راجلها يلي امنته عليها ضربها امس لو مكنتش وصلت يمكن كانت ماتت بين يديه ترضى الشي هاذا لي اماني يا بوي ؟
بشير:بلع ريقه…اسمع يا ولد انا مقصرتش معاهم الزوز صح حاولت نتخلص منهم لاكن لي مصلحتك انت وخوك ونبيهم ينسترو
انس:رانيا رح نطلقها من راجلها وبنروح بيها لي حوش بوها ايام العده تقعدهم غادي وبناخذهااااا تي وربي لما نتزوجها بي الحلال وكان اضطريت بي الحرام
منى:من صدمتها قعمزت
انس:ولو حاولت يا بوي توقف في طريقي وحق ايات الرحمن نسافر بيها ومعاد شايف وجهي في حياتك لا انا ولا معتصم
بشير:هاذي النهايه؟تاخذ وحده مطلقه؟؟؟؟!!!
انس:انت يلي خليتها مطلقه وبعدين ولو مطلقه يعني ضروري تكون متنفعش ؟!
بشير:لو انت تبيها وراضي بيها خوذها
منى:بدت تبكي…شن تقوووول انت ولدي البكر ياخذ مطلقه خيركم هبلتووو
انس:هاذا يلي عندي….وطلع

اسيل:حقيرر كللب اسمعيني اول متطلعي نمشو لحوشنا خلاص معادش بنمشولهم اصلا غلط من البدايه قعدتنا عندهم
رانيا:مش حاسه انك ضلمتي معتصم؟!حرام شمله يحبك شوفيه كيف يشبحلك
اسيل:تحبه القراده منكذبش عيوني انا المهم توا خلينا لاهيين فيك بعدين ساهل

منى:????ولدي
بشير:اهدي يامراء راهو خلاص والله معاد عندي منديرلهم ولادك خليهم يديرو يلي يبوه
منى:مسحت دموعها….هكي بسهوله تتخلى ع ولادك يا بشير
بشير:نتخلى عليهم لو وقفت في طريقهم المره هادي والله معاد نشوفوهم ردي بالك يا منى راهو بتخسريهم
منى:تنهدت وتبكي بشويه

معتصم:روح للحوش وخش لي دار اسيل قعد يدور فيها لقي صوره هوا ونسمه ع السرير ملوحات خذاهم وتصل بيها

نسمه:الوو?
معتصم:من باعتك وليش درتي هكي
نسمه:ع شنو تتكلم
معتصم:ع يلي صار امس
نسمه:امس كنت بتهبل عليا لو تذكر
معتصم:اي اي اذكرت والصور يلي باعتينهم لي اسيل حلوات شويه وجايك للحوش انا خلي نوريهم لي خوتك ونتفاهمو
نسمه:ااه شنو خيرك انت هبلت؟
معتصم:عابيه بتحرقيني انا بس قصدك؟لالا خليهم يتفاهمو معاك خوتك
نسمه:لالا معتصم رد بالك
معتصم:سكر الخط وطلع

 

انس:الدكتور كتبلك خروج يا اموره هي نوضي يالله
اسيل:اخيراا الحمد الله
انس:ساعدوها تلبس مابين كملت اجراءات المصحه
امل:تمام

نسمه:تتصل بي معتصم الف مره لين في الاخر رد
معتصم:الوو
نسمه:معتصم وينك متردش
معتصم:شوفي من روشن دارك
نسمه:مشت تجري وشافاته مدرس بدت تبكي….بالله عليك لاا?كله من اختك
معتصم:ككيف?
نسمه:بدت تحكيله

انس:خلص المستشفى وروح بي رانيا وخواتها وخذالهم عشي من برا

رانيا:بجد مش عارفه شنو نقولك انس
انس:مسك يدها …متقولي شي لين نطلقك منه وناخذك
رانيا:نصدمت…امك و….
انس:انا بنتزوجك مش هما خلاص طلعيه من راسك الموضوع هوا
رانيا:منبيكش تتبهدل وتصير مشاكل بسببي
انس:رانيا انا نحبك افهمي
رانيا:نزلت عليها الكلمه زي السم ??ومعادش عرفت شنو ترد
اسيل:احممم يالله سلم وخي نوض روح حني بنات بس هنايا
انس:ضحك …هكي تلزيني من حوشكم
اسيل:اي ?
انس:هههههه به به انا قاعد برا في السياره عشان لو جاكم الكلب هداكا نكون هني لازم نقعد جنبكم لين تطلق رسمي
رانيا:شبحتله ودموع الفرح في عيونها

ترن ترن ترن
اسيل:شافت لي الرقم بي استغراب وردت….الوو
نسمه:اسيل؟
اسيل:اي منو؟!
نسمه:انا نسمه بالله متصكريش اسمعيني
اسيل:افففف شن عندك
نسمه:كل شي كان لعبه مني ومن اماني معتصم مدخله في شي ويحبك بجديات
اسيل:اي والمفروض انا نصدق يعني
نسمه:واللله قتلك يموت فيك ومستعده نشرحلك شن درنا بي التفصيل
اسيل:منبي شي وخلوني في حالي….سكرت الخط

#تسريعفيالاحداث

بعد جهددد جهيد وبعد ضرب وتهديد وهلبا حجات دارهم انس اخيرا رمزي طلقها وخشت العده وفرحتها كانت لااااتوصف قعدت في حوش بوها هيا وخواتها وانس مش مخليهم يستحقو شي غير شنو تبو وطبعا اخيرا زارو بوهم وقلبه برد عليهم ببس لما عرف رانيا بتطلق قلبه انكسرررر هلبا وحس روحه ضيع بناته خفف عليه الوجع شويه لما شافها فرحاااانه انها اطلقت وتبي ترجع لي حياتها زي قبل

منى:خافت هلبا تخسر ولادها الزوز ورضت بي الامر الواقع وبتخطبلهم الزوز لاكن اسيل مسكره راسها ومش راضيه تصدق معتصم وهوا ياحليلي قريب يموت كل يوم قدام الحوش وع قد مترجاها ويكلم فيها رافضه رغم انها تحبه وقلبها مكسور

خشت رانيا العده ومازلها شهر بس وخلاص خذو ع الوضع الثلالثه وفرحانين بي حوشهم خاصتا ان بوهم بدت تقصار المده متاعه وبيطلع عن قريب

في يوم من الايام:—-
اماني:قامت حاجبها….ليك قريب 3شهور تتهربي مني اخيرا لقيتك
نسمه:ساكته

ترن ترن. ترن
اماني:ايوا بيبي
معز:ها حبي…بعتلك صور الصالون ع الواتس شوفي احلا واحد وكلميني خلاص العرس مزاله اسبوع بس
اماني:اوكي بس توا عندي حاجه نكملها ونكلمك
معز:تمام
اماني…حطت تالفونها بدون متسكر الخط وبدت تتكلم
نسمه:انا درت هكي لانه قريب فضحني
اماني:انتي عارفه انه حطيناله المنوم مع بعض ورقدتك انا معاه وصورتك كككككيف هكي اديري فياااااا انتي عارفه لحد توا مش راضي يكلمني بكيتله حضنته ع قد مدرتله
معز:سكر الخط
وكملت اماني عياطهااا ع نسمه وروحت

 

اماني:روحت للحوش ورقدت ع السرير وفتحت الواتس اختارت صالون ورااايقه امورها تمام
منى:خشت لي دار اماني وترعش مع بعضها……يابنتي فهميني شن درتي
اماني:خيرك ماما?
منى:شن درتي من عمله ياحي عليا
اماني:عملت شنو ع شن تحكي??
منى:خطيبك اتصل بي بوك وقاله مفيش نصيب ياحشمتتتتي قدام الناس العرس مزاله اسبوع بس???
اماني:ان ان انتي انتي شن تقولي ????????
منى:بدت تبكي….ياااااربي شنو ها المصايب يلي تتحدف عليا من مل تركينا????
اماني:من الصدمه اغمى عليها ولما فاقت بدت تعيط بشكل هستيري

الساعه6العشيه
اسيل:قامت الستار وشافت معتصم مقعمز
رانيا:جت وراها….مش حرام عليك
اسيل:مش حرام عليا خلاص بنطلعه من حياتي

طق طق طق
امل:جاااايه….????
اماني:اسيل قاعده
امل:اااه اي تفضلي
اماني:خشت للحوش وهيا مكسوره ولما شافوها رانيا واسيل نصدمو
اسيل:شنو جايه تبي،؟ليك هلبا مهنتيناش صح؟؟؟جايه تبردي ع قلبك
اماني:مسحت دموعها…لا مش جايه نهينك بس نبيك في موضوع
اسيل:من امتى بيني وبينك مواضيع انااا
رانيا:اسيل عيب البنت في حوشنا
اسيل:تنهدت وسكتت
رانيا:قعمزي اماني
اماني:قعمزت وبدت تحكي…جايا نعترفلك انا ونبيك تسامحيني
اسيل:مفهمتش؟
اماني؛الكلام يلي حكتهولك بسمه صح وانا سبب في كل شي خربت بينكم وربي خرب عليا مع خطيبي والتغي الفرح?كنت نحكي مع نسمه ونهدرزو يلي صار وكيف خططنا لي الشي هاذا وخطيبي ع الخط ورفض حتى يسمعني
اسيل:قعدت ساكته مصدومه
اماني:مسحت دموعها…لازم نمشي انا توا نبي بابا وماما يفرحو بالله عليك خلاص رانيا قريب تكمل العده وبنجي ماما تخطبها فرحي معتصم حتى انتي بالله عليك …يالله سلام
رانيا:خليك اماني اشربي قهوا
اماني:لالا صحتين مستعجله…وطلعت

قعدت اسيل تربط في كلام نسمه وكلام اماني وتصرفات معتصم يلي كلها حب ومش فاهمه شنو ادير ولا كيف تتصرف??

الساعه11في الليل :-
رانيا:راقده احلا نومه انس يكمل في حوشه وامورها تمام والحب يزيد بينهم

امل:قاعد يلحق فيها الولد يلي اسمه معاذ وهيا مش عاطياته وجه

اسيل:ماشيه جايه في وسط الحوش وقريب تعبل معتصم متصلش ومش قادره تكلمه هياا لين طق الباب فجأه

اسيل:منو؟!
طق طق طق
اسيل:منووو
طق طق طق
اسيل:فتحت الباب…معتصم?؟
معتصم:حضنها قبل متتكلم….استاحشتتتتتك ومش قادر نصبر عليك اكتر من هكي وربي خلاص فديت
اسيل:ابتسمت …ترا حول من عليا الد نيا نوو
معتصم:شد راسها وقعد يبوس فيها في كلللل مكان
اسيل:خلاااص قتلتني
معتصم:الاسبوع الجاي بيجو يخطبو اختك ويخطبوك حتى انتي اقسم بالله متوافقيش نحرقك وانتي حيه
اسيل:ابتسمتله
معتصم:استااااحشتك الززززح….ويبوس يبوس
اسيل:ههههه خلاص عاد ياسر
معتصم:مسح علي شعرها…تحبيني صح؟
اسيل:اي رغم انك صايع ومعفن بس القلب وميريد
معتصم:عمره حبي ليك مكان شهوه وبس …كيف جي بيقرب عليها دفاته ….
اسيل:خلاص عاد بتغتصبني ….وسكرت الباب
معتصم:من ورا الباب نغتصبك لو موافقتيش
اسيل:ضحكت ومشت لي سريرها

#تسريع_في _الاحداث

بعد ما رانيا رمت العده جت منى وبشير خطبوهم رسمي طبعا بعد موافقت بوهم يلي فررررح انهم وح ياخذو ولاد بشير ويأمن ع مستقبلهم بس الفرح اجلوه لين يطلع من الحبس لان خلاص مزال شهور وبس

اماني:تحااااول انها تتقرب منهم وتكفر ع يلي صار كلللله رانيا قلبها طيب بسرعه ماسامحتها بس اسيل منست شي

بعد مطلع بوهم عاد مش رح نقدر نوصف الفرحه في كتيبه بجد كان لقاء مش عاااادي وبعدها العرررس طووول دارو عرس مشترك كبير هلبا وطبعا طووول فترت العرس امل تعيط لانها بتقعد بروحها???وبدت تملم في معاد عشان تتزوج حتى هيا?
وياحليلي ع حب انس ورانيا ورومنسيتهم وع هبال معتصم واسيل حتى في الكوشه مسكين مطوله لسانها عليه لاكن ديمه يسكت فيها بس بوساته ياكبدي??

اماني :نخطبت في الجديد بس لي واحد متعرفاش لان هلباااا ناس تشمتو فيها كيف خطيبها يلي تتجكتر بيه سيبها قبل الفرح بي اسبوع …النهايه

حاولي تصفي نيتك عشان كل شي يجيك زي متحبي واحسن ومتنقلبش عليك الامور مهما كنتي في القمه تنقلب عليك الدنيا في دقايق وتكوني في القااااع

الفلوس متجيبش الراحه والسعاده رانيا مشافتش يوم حلو رغم انها تلبس في الالماس وتاكل في اغلى الحجات بس ديمه الحب هوا يلي يريح ويسعدنا❤️

متقعديش تتجكتري ع الناس بنعمه يلي عطاهولك ربي ومش عطيها لي غيرك لانك ممكن في ثانيه بس تختفي

مهما كان الانسان سيئ عطوه فرصه لانه رح يجي يوم ويتغير ع خاطر ناس يحبهم

حاول نختصر القصه بقدر الامكان عشان متملوش وزي منقول ديما انا بنووته الشيخ (اروى)الحب في كل مكان بس دورو كووويس واختارو صح