رواية حبك غلب انتقامي

الفصل الرابع
رجع باسل وسارة الى المنتجع وفور وصولهم تقدم منهم احد الموظفين قائل
الموظف/بشمهندسة فى تليفون علشانك
سارة/علشانى
الموظف/ايوه البشمهندس حازم
سارة بفرحة/حازم وركضت الى الهاتف
باسل لنفسه/ومالها فرحانه كده ليه كل دا عشان هتكلم ابن عمها…..ثم اتجه للهاتف ايضا
سارة/السلام عليكو ورحمة الله
حازم/وعليكم السلام ورحمة الله وبركاته انت كنت فين ياهانم بكلمك تليفونك مغلق
سارة/كلمتينى امتى…ونظرت لهاتفها فوجدته فاصل
حازم/ممكن اعرف تليفونك مغلق ليه وليه مكلمتنيش اول مانزلتى من الطيارة مكنش دا اتفقنا ياسارة
سارة/والله ياحازم كنت تعبانة ونمت على طول وكمان التليفون فصل ومشفتوش
حازم/واولع انت ياحازم صح اقلق ولا اتفلق
سارة/خلاص ياحبيبى انا اسفة مش هتتكرر
باسل بصدمة لنفسه/حبيبك قال متربية وملتزمة قال كلهم زى بعض طب حتى خالى عندك حياء قدام الناس
حازم/سارة انت فى الريسبشن حسنى كلامك ايه حبيبى دى
سارة/اوك اسفة بس انت مش زعلان صح
حازم/لا خلاص مش زعلان بس ياريت متتكررش تانى انت كنت فين دلوقتى
سارة/كنت بتمشى على البحر انا وباسل
حازم/سارة انا واثق فيكى بس يعنى ينفع تتمشوا لوحدكوا
سارة/لا والله ياحازم انا كنت لوحدى وهو جه يشوفنى بس وكمان كان فى ناس انت عارف انا مش بعمل حاجة تغضب ربنا ياحازم
باسل لنفسه/وكمان غيران ومبتعملش حاجة تغضب ربنا امال دا ايه…..وانت مزعل نفسك ليه لا مش زعلان انا مبسوط انى اثبت انهم كلهم واحد مفيش فرق
سارة/اوك ياحازم هقفل دلوقتى تصبح على خير
حازم/بس اشحنى الموبيل عشان اكلمك اوك
سارة/اوك ثم اغلقت الهاتف ونظرت خلفها فوجدت باسل واقف ورائها
سارة/فى حاجة يابشمهندس
باسل بنظرت الغضب التى لا تفرقه/لا مافيش انا طالع اوضتى ياريت الساعة تسعة تكونى موجودة مش عايز اى تأخير …ثم ذهب دون انتظار اجابتها
سارة/هو ايه دا ازاى يكلمنى كده هو نسى نفسه لا دانا لازم اعرفه مين هى سارة السيوفى وصعدت الى غرفتها ونامت بعد ان طمأنت عائلتها
فى غرفة باسل فى الفندق
باسل/والله انا كويس ياعمتو..وباكل كويس وبتغطى كويس
سرية/اوك ياحبيبى وخالى بالك من نفسك خد اختك ندى/وحشتينى يابسولتى
باسل بأبتسامة/بسولتك وانا لحقت اوحشك يابت
ندى/هههههههه وحشتينى والله
باسل/المهم خالى بالك من نفسك ماشى وادينى ادهم..تناول ادهم الهاتف ورحب بباسل ثم قص عليه باسل ماحدث فى العمل….
ادهم/يعنى اللى قالته سارة كان صح
باسل بلامبالة/ايوه
ادهم/خف على البت شوية هى مش حملك
باسل/ادهههههم
ادهم/خلاص ياعم بس فكر انا كمان عندك اخت
باسل/ادهم ندى مش زى حد دول كلهم زبالة
ادهم/باااااسل فوق بلاش هبل كفاية لحد كده لان خلاص وصلت لمرحلة الجنون متنساش ندى دى اختى برده وكمان انا اخوها الكبير واخاف عليها اكتر منك
باسل/خلاص ياادهم انا اسف اتعصبت بس شوية
ادهم/اوك انا هقفل دلوقتى وهبلغ بابا باللى قولته تصبح على خير
باسل/وانت من اهله…ثم اغلق الخط ودخل فى ثبات عميق……
فى احد الكافيهات
رن هاتفه فالتقطه بسرعة قائل
سامر/ارغى
——/اخبار جديدة يابيه
سامر/اخلص قول اللى عندك
——-/المزه كانت واقفة مع باسل بيه على البحر وقعدوا يتكلموا شوية وبعدين دخلوا
سامر/احترم نفسك ياكلب ايه مزه دى واقفل دلوقتى واى جديد عرفنى…واغلق الخط
سامر لنفسه/ماشى ياسارة يعنى تعملى عليا برئية ومقضيها مع باسل
شادى/ايه ياكبير الواد دا قالك ايه
سامر/لا ولا حاجة
شادى/طب احنا مش هنسهر انهاردة ولا ايه
سامر/لا مليش مزاج
شادى/دانا محضرلك سهرة هتظبط مزاجك على الأخر
سامر/لا انا هسافر شرم بكره
شادى/شرم اه هى لحقت توحشك
سامر/خف عن دماغى يا شادى
فى قصر السيوفى
فريدة/ياحبيبتى ياسارة وحشيتنى اوى وكمان مش هعرف اطمن عليها
فاطمة/ايوه والتليفون دا مش بيطمنى هعرف منين اذا كانت بتاكل ولالا ولا متغطية ولالا
فادى/فى ايه ياجماعة هى نايمة فى الشارع دى فى فندق خمس نجوم يعنى الو هوم سيرفس عايزة اكل الو عايزة اشرب دا لو قالتلهم عايزة لبن العصفور هيجيبوه
هنا/بس بقى يافادى هما مش متعودين ان سارة تبعد عنهم
فادى/اوك يا هنا انت تؤمورى بس والله سارة اختى بمية راجل وهتخلى بالها من نفسها
ماهر/السلام عليكم ورحمة الله وبركاته
الجميع/وعليكم السلام ورحمة الله وبركاته
ماهر/انهاردة الشغل كان كتير اوى
فريدة/ومتنساش حازم وسارة كانوا بيساعدوك كتير
ماهر/اه والله مش عارف هستنى اسبوع كمان من غيرهم بس انهاردة حصل حاجة غريبة اوى
فادى/خير ياعمو
ماهر موجه حديثه لهنا/هنا انت تعرفى حد اسمه سامى شاكر الدمنورى
فاطمة/ليه خير ياماهر
ماهر/جه هو وباباه انهارده يطلب منى ايد هنا
فادى بعصبيه/نعم لا ولا ايد ولا رجل قوله معندناش بنات للجواز
ماهر/فى ايه يابنى مالك انت اتعصبت كده ليه انت تعرفه يعنى
فادى/لا معرفوش ومش عايز اعرفه
ماهر/بس انا سمعت انه شاب كويس
فاطمة محاولة استفزاز فادى/وانت ايه رأيك ياهنا
فادى/مش موافقة طبعا ولا انت ليكى رأى تانى ياست هنا
فريدة وهى تخاول كتم ضحكتها/بس ماهر بيقول شاب كويس يبقى ليه لا
هنا/ياماما هو فعلا شكله شاب كويس بس انا مش موافقة
فادى/الحمد لله
فاطمة بضحك/يرحمكم الله
فادى/هنا انت عرفتى منين انه شاب كويس
هنا/ولا حاجة هو جه هنا مرة يشوف حازم وهو تعبان وانا اللى فتحت الباب وقالى اسمه بس
فادى/بس وانت تفتحى الباب ليه والخدم فين لا وكمان يقولك اسمه
ماهر/لا انت زاوتها اوى
فادى/معلش ياعمى انا اسف بس لو حد اتقدملها تانى قوله محجوزة واللى اسمه سامى ده خليه يدور على ايد حد تانى وانتى متفتحيش لحد غريب تانى
هنا/حاضر
ماهر/هو ايه اللى حاضر هو اى حاجة يقولها تقوليله حاضر انا اللى ابوكى مش هو
فادى/وايه المشكلة لما تسمع كلامى ياعمى وعلى العموم حضرلك الخير ياهنا
فريدة/اسكت شوية يافادى ها ياحبيبتى موافقة ولا محتاجة تفكرى…صمتت هنا فهى فى موقف لا تحسد عليه
فاطمة/يبقى السكوت علامة الرضا
فادى/وبلا رضا بلافوزى هى قالت مش موافقة صح ياهنا
هنا ومازالت تنظر لأسفل/ايوه صح
فادى/طب اطلعى فوق الوقتى ياهنا عشان عايز عمى فى موضوع
هنا/حاضر
ماهر/هو انا كيس جوافة خدى يابت هو انا قولتلك امشى
فادى/طيب ياعمى انا عايز اكلمك فى موضوع مهم
ماهر/تعالى معايا على المكتب
فادى/اوك
عايزين تعرفوا فادى كلم ماهر فى ايه هقولكوا بس مش دلوقتى…..نرجع مره تانى لسامر
فى غرفة سامر الدسوقى
يجلس ويقوم بالإتصال بأحد الارقام
——-/تليفونى نور يابيه
سامر/فى اخبار جديدة
——–/لايابيه مفيش
سامر/طيب انا جاى بكره
——-/وانا فى انتظارك ياباشا..ثم اغلق الهاتف واعاد الاتصال على سارة ولكن لا رد
سامر لنفسه/ماشى ياسارة مترديش بس انا هعرف اوصلك ازاى
تشرق شمس جديدة على ابطالنا
استيقظت سارة وارتدت فستان صيفى بالون الاصفر مغطى بطبقة من الجينز عند الصدر اسفه قميص ابيض وحجاب بالونين ونزلت فوجدت باسل قد استيقظ ايضا وارتدى برمودة جينز واعلاه تيشيرت باللون الابيض القط ويقف فى وسط العمال..فذهبت اليهم
سارة/السلام عليكم ورحمة الله وبركاته
الجميع/وعليكم السلام ورحمة الله وبركاته
اخذ باسل يشرح للعمال مع عليهم فعله وسارة تساعده فى بعض الاحيان وقد لاحظت قلق احد العمال وتوتره وهو ممسك بهاتفه كانه ينتظر مكالمه هاتفية فنال شكها ثم
سارة بصوت منخفض/باسل…فالتفت لها بإستغراب فهو يعمل الان وايضا نادته بأسمه فقط
باسل بإستغراب/فى ايه…اشارت له بعينه على العامل
باسل/مش فاهم…… همست له ببعض الكلمات
باسل/اوك انا هتصرف ثم صرف كل العمال
سارة/مشيتهم ليه قولتلك انا شكه فيه
باسل بسخرية/بابا كان معاه حق عايزة تتعلمى كتير لسه
سارة بسخط/طب ماتفهمنى انت
باسل/تعالى نفطر وانا هفهمك….ثم اتجهوا للمطعم….
فى مطار شرم كان يخرج يسحب حقيبته خلفه واستقبله احد رجاله
رضا/شرم نورت ياباشا
سامر/اهلا يارضا…عايز فندق قريب منهم
رضا/اوامرك ياباشا
سامر/وكده اللعب بدأ وانت اللى بدأتى الحرب …..واتجهوا الى الفندق
فى المتتجع
سارة/يعنى انت ناوى تراقبه عشان تعرف ناوى عليه ومين اللى وراه
باسل/بالظبط كده
سارة دون وعى/دماغ عصابات
باسل/افندم
سارة/هه لا اقصد يعنى فكرة حلوه
باسل/طيب يلا على الشغل مش هنقضيها كلام
فى شركه الصاوى
حمدى/كلمت باسل
ادهم/ايوه كلمته وكل اللى سارة قالته طلع صح وان شاء الله مش هيرجعوا غير وهما عارفين الفاعل مانت عارف باسل
حمدى/المصيبه انى عارف
ادهم/مالك يابابا
حمدى/والله ياادهم خايف على البت المسكينه منه
ادهم/متخفش ياعمى ان شاء الله نقابل اللى تروض باسل
حمدى/وامتى هنقابل اللى هيروض ادهم
ادهم/قريب برده ههههههههه
فى المنتجع اثناء عمل باسل وسارة
الموظف/لو سمحتى يابشمهندسة الورد دا عشانك
سارة بإستغراب/عشانى من مين
الموظف/مش عارف بس فى كارت
سارة/طيب حاته اخذت سارة الورد والكارت قرأت الكارت فوجدت كلمتين “انت بتاعتى” ظهر القلق على وجه سارة وامرت بإلقاء الورد فى الخارج
استغرب باسل تصرفها واحس قلقها
باسل/فى حاجة يابشمهندسة لم ترد سارة فنادى مرة اخرى وايضا لا رد فعلا صوته
باسل/سااااارة
سارة/ها فى حاجة
باسل/انا اللى بسأل فى حاجة ومالك سرحتى كده ليه وبنادى عليكى مش بتردى
سارة/لا ولا حاجة ثم رمت الكارت ورحلت فالتقطه باسل وقرأ مابه
باسل لنفسه/تلاقيه حبيبها الاولانى ولا حاجة… اكملوا عملهم وسارة تفكر هل هو نفسه من يتصل بها دائما ايعرف مكانها هل ياترى يراقبها..هل تبلغ حازم لا فهى لاتريد اقلاقه جاء موعد الغداء ودخل الموظف الى سارة برساله فوجدت بداخلها الكثير من كلام الغزل والحب وكلام لا يقوله غير زوج لزوجته واحد يخبرها انها ملكه ولن تكون لغيره وانه يعلم ما تفعله ويعلم كل تحركاتها…فعاد لسارة خوفها وقلقها واستمر هذا لمده اسبوع كامل ورود وهدايا وايضا رسائل ورقيه وهاتفيه فأخذت سارة تهمل فى اكلها وايضا تعمل دون تركيز
فى احد الايام
كانت سارة تعمل فى وقت مبكر جدا كما هى فى الاونه الاخيرة تعمل مبكرا وتنتهى متأخر…نزل باسل فوجدها
باسل/انت مش ملاحظة انك مش مركزة فى شغلك اليومين دول
سارة بعصبية غير معهودة فهى اعتادت معاملته لها/لا اللى انا ملاحظة انك شاغل نفسك باللى ميخصكش ارجوك يابشمهندس ركز فى شغلك انا اقدر اهتم بشغلى وبطل تتعدى حدودك….وتركته وذهبت فما تمر به فوق طاقتها
باسل/انا تعالى صوتها عليا وتقولى بتعدى حدودى ماشى يابنتى السيوفى انا هوريكى مين هو باسل الصاوى…اخذت سارة تعمل دون كلل ولا ملل وايضا اهملت طعامها فأحست بدوار شديد ولكن تجاهلته ولكن زاد عليه ادى الى فقدانها الوعى فأمر احد الموظفات بالإعتناء بها واتى الطبيب وقال انها اهملت صحتها مما ادى الى فقدان الوعى
فى قصر السيوفى
فادى/برده مش بترد على الموبيل
فاطمة/طب كلم الفندق….اتصل فادى بالفندق واخبره ما لقنه لهم باسل انها تعبت قليلا فذهبت لترتاح
فادى/بيقولوا تعبت شوية وطلعت ترتاح
فريدة/انا مش مرتاحة
ماهر/كلملى باسل يافادى
فادى/حاضر…….واتصل به
باسل/الو سلام عليكم ازيك ياعمو ماهر
ماهر/ازيك ياباسل ايه اللى حصل لسارة
باسل/ولا حاجة تعبت شوية وراحت ترتاح شوية تعب بساط متخفش ياعمى هى معاها موظفة هتنام معاها للصبح (فهو لم يرد اقلاقهم)
ماهر/ماشى يابنى وعموما حازم هيجى من دبى عليكوا على طول
باسل/يوصل بالسلامة ان شاء الله
ماهر/ماشى يابنى تصبح على خير
باسل/وحضرتك من اهله…واغلق الهاتف
باسل لنفسه/مش قادر يستتى هيجى جرى عشان يشوف حبيبة القلب
فى الصباح استيقظت سارة فوجدت احدهم ينام بجوارها على الكنبة
قامت سارة ودخلت الحمام وتوضأت وادت فريضتها فهى تذكرت انها لم تصلى الفجر كما اعتادت وايقظت الموظفة وسألتها
سارة/هو ايه اللى حصل امبارح وانت نايمة هنا ليه
قصت لها الموظفة ماحدث فقالت سارة
سارة/متشكر جدا تقدرى تروحى تشوفى شغلك
ونزلت سارة تتابع عملها بعد ان تحدثت مع حازم واخبرها انه سوف يأت اليوم مساءا فرحت كثيرا فالأن لن تشعر يالخوف….
ذهبت الى مكان العمل فلم تجد احد فأخذت تعمل بمفردها وبعد فترة بدأ العمال يأتون ونزل باسل ايضا
باسل/صباح الخير اتمنى تكونى كويسة انهاردة
سارة/صباح النور ايوه الحمد لله وشكرا على اهتمامك امبارح
باسل/انا معملتش غير الواجب وكمان عشان الشغل ميتعطلش
سارة/على العموم شكرا برده….ثم رحلت تتابع عملها
باسل لنفسه/قال اهتمام قال
فى قصر السيوفى
فى غرفة ماهر وفريدة
فريدة/انا قلقانه على سارة اوى ياماهر
ماهر/متخفيش حازم رايح لها انهاردة
فريدة/تعرف ياماهر لو ان سارة وحازم اخوات فى الرضاعة مكنتش سيبتها ابدا بس كله نصيب
ماهر/اديكى قولتى نصيب واللى هيتجوز سارة لازم يكون شخص مختلف وحبه كمان مختلف
فريدة/زى فادى كده
ماهر بضحك/فادى دا عيل اهبل مفكر اننا مش عارفين انه بيحب هنا من هما عيال
فريدة/اه والله تصدق دا مكنش بيبعد عنها هنا متلعبش غير معاه ومتروحش المدرسة غير معاه دا هو اللى كان بيأكلها ويشربها كنت بحس ان هو اللى امها بس انت كنت عايز تجوزها سامى دا
ماهر/هو انا اهبل يافريدة يعنى اسيب ابن اخويا اللى مربيه واديها لحد بره
فريدة/امال ليه قولت كده
ماهر/عشان يتحمل المسؤلية عشان يستحقها ويحس انها غاليه
فريدة/والله انت ممرمط العيال دى
ماهر/لازم اعمل كده والا مبقاش ماهر ههههههه
فريدة/يارب صبرنى
فى المنتجع
فى غرفة سارة
سارة بصريخ/باااااااااااااااسل