رواية حب إخوات

الحلقه الثانيه :
ليلي : حبيبتسلم ?
خالد : طب يلا البسي وانجزي
ليلي : حاضر 
( ليلي لبست ونزلت لقت خالد نايم علي كبوت العربيه وبيغني )
خالد : ما بلاااااش تغيب عناااا تااني ، مابلاااااش .
ليلي : ايه الصوت ده !
خالد : صوتي عجبك ؟
ليلي : ده انت شبه الفرخه اللي عندها التهاب في الحنجره .
خالد : محسساني ان إليسا واقفه قدامي .
ليلي : قدام صوتي وتقف ، ده انا صوتي يجيبك سابع ارض .
خالد : سااابع ارض ، اركبي اركبي . هنشوف حكايه صوتك دي بعدين .
( ليلي ركبت العربيه وخالد مشي بيها ، وهما في نص الطريق خالد شغل اغنيه حزينه لعمرو دياب )
ليلي : ايه يا عم ده ، احنا رايحين ننتحر .
خالد ( باستهبال ) : سيبيني دلوقتي علشان انا مجروح عاطشيفيا .
ليلي : مين بقه اللي جرحك ؟ ، الكلبه اللي في الجنينه اللي جمبكوا ?
خالد : الكلبه دي تبقي انتي ??
ليلي : يا جزمه ?
خالد : استني بس عليا ، انتي لسه شوفتي حاجه .
ليلي : طب غير الاغنيه الغم دي ، هاتلنا حاجه تفرفشنا .
خالد : انا عارف الدماغ دي عايزه ايه ، ثانيه واحده .
( خالد غير الاغنيه وجاب اغنيه شعبيه )
ليلي : ايوه كده ، فرفشني يا ببلاااااوي .
خالد : طب احنا بتوع ربنا ومعانا شهاده بكده ??
ليلي : احنا بتوع ربنا ? ، احنا بتوع ربنا ومعانا شهاده بكده ?
خالد : اوبااا في لجنه .
ليلي : الحته دي تبع الاغنيه .
خالد : تبع الاغنيه ايه ! ، في لجنه قدامك .
ليلي : طب هنعمل ايه ؟
خالد : بصي انا عندي خطه ، خدي الكوفيه دي وخبيها تحت التيشيرت بتاعك وانفخي بطنك .
ليلي : ليه بقي انشاء الله ؟
خالد : عشان تعملي يعني ، انك حامل واحنا الاتنين متجوزين .
ليلي : ماشي .
( خالد مشي ، والضابط وقفه في اللجنه )
الضابط : الرخص ، وافتحلي الشنطه .
( خالد فتح الشنطه والضابط بص فيها ، ملقاش حاجه )
الضابط : انتوا ايه الحاله بتاعتكوا انشاء الله ، متجوزين ؟
خالد : ايوه يا فندم احنا متجوزين .
الضابط : وايه اللي في بطن المدام ده ، ورم ؟
خالد : لا يا فندم دي حامل .
الضابط : يتربي في عزكوا يا سيدي .
خالد : شكرا يا فندم .
الضابط : اطلع يلا .
( خالد طلع ومشي ، وقف وركن بعيد عن اللجنه )
ليلي : وقفت ليه ؟
خالد : العربيه فيها صوت غريب .
( خالد وقف وفتح الكبوت )
خالد : هاتي ازازه المايه اللي جمبك دي .
ليلي : أنت هتعمل ايه ؟
خالد : هشرب العربيه مايه .
ليلي : ايه ده ! ، هي بتشرب مايه مفكراها بتشرب بنزين بس .
خالد : ده ساعات برضوا بتشرب كابيتشينوا و نسكافيه ، انتي عبيطه يا بنتي مهي لازم تشرب مايه .
ليلي : طب متزقش طاااااه .
خالد : اركبي يلا ، علشان نلحق الفيلم .
ليلي : طااااه
( ليلي ركبت هي وخالد العربيه )
( في الطريق )
ليلي : خالد خالد خالد خالد .
خالد : نعم .
ليلي : ممكن تفتحلي فتحه السقف ؟
خالد : لا ، احنا قربنا نوصل .
ليلي : خالد خالد خالد خالد .
خالد : عايزه ايه ؟
ليلي : ممكن اغني ؟
خالد : صوتك عررره .
ليلي : خالد خالد خالد خالد .
( بعد شويه )
خالد : مش سمعلك صوت يعني ?
( ليلي مكنتش عارفه تتكلم علشان خالد كان رابط بقها بالكوفيه ورابط ايديها بالحبل بتاع الشنطه بتاعتها )
ليلي : امممممممم اممممممم
خالد : عايزه ايه ؟
ليلي ( وهي بتبص علي ايديها ) : امممممم
خالد : افكك ؟
ليلي ( وهي بتهز دماغها من فوق لتحت ) : اممممم
خالد : هتتكلمي ؟
ليلي ( وهي بتهز دماغها يمين وشمال ) : امممممم
خالد : حاضر ، هفكك .
( خالد راح فاكك ليلي ، اول ما فكها راحت مصوته )
ليلي : الحقوني يا ناس خطفني ، الحقوووووني .
خالد : اخرسي ، اخرسي .
ليلي : لو عايزني أخرس يبقي ليا شروط ؟
خالد : عايزه ايه ؟
ليلي : كل يوم شوكلاته لمده شهر
خالد : ماشي ، مقدور عليها .
ليلي : عربيت……
خالد : لا لا لا ، كله الا العربيه .
ليلي : بلاش دي ، لما اركب معاك تشغل اللي انا عيزاه مش اللي انت عايزه .
خالد : حاضر ، حاجه تاني .
ليلي : لا شكرا ، وشوف ركنه بسرعه علشان نلحق الفيلم ?
( خالد ركن ، ونزلوا هما الاتنين وطلعوا علي السنيما علطول . وسلموا التذاكر وراحوا قعدوا )
خالد : اوبااااا دي القاعه كلها كابلز .
ليلي : فيها ايه ؟
خالد : لا مفيهاش ، كلي انتي فشار واستمتعي .
ليلي : ما انا هستمتع فعلا .
الراجل ( بصوت عالي وعصبيه ) : ياريت يا جماعه الكل يسكت ، علشان الفيلم هيبتدي واللي هيتكلم هينطرد بره القاعه .
خالد : ما تضربونا بالنار احسن .
ليلي : بس يا خالد .
الراجل : بتقول حاجه يا استاذ .
خالد : لا ، دي أذكار المساء ?
( الفيلم ابتداء وكان دراما كله )
( في نص الفيلم ، القاعه كلها كانت بتعيط الا خالد كان قاعد بيضحك )
( في الاستراحه )
خالد : مالك يا حزينه ، بتعيطي ليه ؟
ليلي ( بعياط ) : انت جبله يا بني ، بطل الفيلم ضحي بنفسه علشان خاطر حبيبته تعيش . وانت بتضحك .
خالد : طب فيها ايه ! ، ما انا قبل كده ضحيت بحته كيكه شوكلاته علشانك .
ليلي : كيكه شوكلاته ايه يا بني ؟ ، اخرس اخرس والنبي .
خالد : اهووو اخرسيت .
ليلي : ويلا بقي قوم جبلي حاجه اشربها ، اصل الفشار كابس علي نفسي .
خالد : كابس علي نفسي ؟ ايه بتكلم مع واحد صاحبي .
ليلي : إذا كان عجبك .
خالد : لا عجبني طبعا ، هو انا اقدر اتكلم . عايزه حاجه تاني ؟
ليلي : متشكرين .
( خالد جاب الحاجه ، والفيلم اشتغل . بعد ما الفيلم خلص ، ليلي وخالد مشيوا علشان الوقت اتأخر )
خالد : ليلي ليلي ، اصحي يلا علشان وصلنا .
ليلي : بس بقا يا ماما ، سيبيني انام .
خالد : ماما مين ؟ البت دي مجنونه .
( خالد شال ليلي وراح علي الفيلا بتاعتها ورن الجرس ، مامت ليلي راحت فاتحه )
مامت ليلي : ايه يا واد يا خالد عامل ايه ؟
خالد : الحمد لله اطنط ، خدي بنت اهيه .
( مامت ليلي راحت واخداها منه وحاولت تصحهيها )
مامت ليلي : برضوا نامت ، اموت واعرف انت بتحتلها منوم علشان ترجع من الخروجه مقتوله من النوم .
خالد : ابدا والله اطنط .
مامت ليلي : بطل لماضه يلا وروح البيت ، مامتك هارياني اتصالات .
خالد : طب اروح انا بقي ، لتعمل في نفسها حاجه . سلاموا عليكم .
مامت ليلي : سلام يا لمض .
( مامت ليلي بتبص لقت ليلي نايمه علي السلم )
مامت ليلي : هتفضلي طول عمرك كده ، ربنا يناويلك اللي في بالك يارب ?

الحلقه الرابعه :
( الصبح )
( ليلي صحيت وخدت دش ونزلت تحت علشان تفطر )
الام : صباح الخير يا حبيبتي .
ليلي : صباح الخير يا ست الكل ( وراحت بايسه رأسها )
الام : خالد قاعد يتصل من الصبح بيقول علشان تروحوا مع بعض الكليه .
ليلي : ماشي ، هفطر واكلمه .
( ليلي فطرت وكلمت خالد )
ليلي : صباح الخير .
خالد : صباح الزفت علي دماغك .
ليلي : في ايه يا عم علي الصبح ؟
خالد : اكلمك 12 مره ومترديش ، ايه مقتوله مش نايمه ! .
ليلي : والله كنت تعبانه اووي .
خالد : طب يلا يا ست التعبانه مدي ، علشان ورايا محاضره .
ليلي : طااايب .
( ليلي نزلت وركبت مع خالد وراحوا الجامعه وخلص اليوم )
( تعدي الايام ، ليلي صحيت وجهزت واتصلت بخالد )
خالد : ايه يا بنتي مش يلا ؟
ليلي : انا مش هروح النهارده الجامعه .
خالد : ليه ، ايه اللي حصل ؟
ليلي : مفيش ، عليا امتحنات . فهقعد النهارده علشان أذاكر .
خالد : ربنا معاكي ، لما ارجع ابقي أتصل ليكي .
ليلي : ماشي ? ، سلام .
خالد : سلام .
( ليلي قفلت مع خالد ، وفضلت تذاكر )
( خالد خلص الجامعه وراح لبيت ليلي وخبط علي الباب ، راحت مامتها فاتحه )
خالد : اذيك يا طنط عامله ايه ؟
مامت ليلي : الحمد لله يا حبيبي ، وانت عامل ايه ؟ و ماما عامله ايه ؟
خالد : الحمد لله يا طنط ، اومال فين ليلي ؟
مامت ليلي : فوق يا حبيبي بتذاكر ، اطلعلها .
( خالد طلع وخبط علي الباب كذا مره محدش فتح ، فراح فاتح الباب لقي ليلي نايمه وسانده راسها علي المكتب )
( خالد قرب من ليلي وحط ايده علي خدها وصحاها براحه )
خالد ( بصوت هادئ ) : ليلي ليلي
ليلي : اممممممم
خالد : اصحي يلا .
( ليلي اول ما صحيت شافت خالد في وشها . راحت اتفزعت ووقعت علي الارض من كتر الخضه )
ليلي : انت ايه اللي جابك هنا !!
خالد : في ايه يا بنتي ، كنت جاي اشوفك . لقيت صوتك متوتر وانتي بتكلميني في التليفون فقلت اجي اشوفك .
ليلي : واديك جيت ، قومني يلا قومني .
( خالد راح مقومها )
خالد : قوليلي بقا مالك ، شكلك متوتره .
ليلي : انا خايفه اوي يا خالد ، اول مره امتحن في الكليه .
خالد : اهدي بس وقوليلي ايه مشكلتك .
( ليلي راحت اتفتحت في العياط )
ليلي ( بعياط ) : انا مش عارفه الم المنهج يا خالد كل ما احفظ حاجه انسي التانيه ، انا حاسه اني هسقط بجد .
( خالد محسش بنفسه في وهو واخد ليلي في حضنه وبيطبطب عليها . ليلي حست احساس غريب عمرها ما حسته قبل كده ، حضنه كان بالنسبه ليها هو الامان والسلام ❤ )
يتبع………….