رواية الحب المستحيل
#الحب المستحيل
الجزء الثالث
إياد شعر انو غلط في حقها شديد وقام جاط في الناس قال ليهم في شنو بتعاينو ليهو قامو مشو واياد حسه بالجد علطان وحاول يسوقها بالجمبه عشان ما يضحكو فيها أيمن قال ليهو انت مالك من بتين بتهتم بيها قال ليهو اسكت بهتم ليها من الليله طوالي اشواق قالت ليهو ما دايره منك اهتمام وشافت عشه قالت ليها نمشي الحمامات ننظف الفستان عشان ما تتطلعي بيهو في المواصلات كده مشو والبقع أبت كم تتطلع طلعو ماشين جمب باب الجامعه إياد قال ليها تعالو اوصلكم ما اتكلمو معاهو وطلعو فاتو البيت
اليوم التاني الصباح اشواق ما مشت الجامعه لانو اخوها احمد عيان 
عندو حمه وامها وابوها ودوه المستشفى واتصلت لي عشه قالت ليها انا ما بقدر بمشي الجامعه انتي امشي لانو احمد اخوي عيان قالت ليها سلامتو يلا انا اتأخرت بتصل عليك بعدين لانو كنت منتظراك وانت قلتي ما ماشه يلا سلام في الجامعه غريبه إياد شاف عائشه براها ما جات معاها أشواق وكان خايف انها اتأذت من الحصل امس وفكر يمشي يسأل عائشه بس احمد قال ليهو انت مجنون بعد العملتو ده كلو تفكر تسأل منها إياد قال ليهو ما فيها حاجه وطبعا مشي لي عشه قال ليها سلامات قالت اهلا وهي عامله كده 
قال ليها الليله صحبتك وين (هو طبعا ما عارف اسمها ) قالت ليهو أشواق قال ليها هي اسمها اشواق يعني وقال في افكارو ي(ي اشواق انت الشوق وانا اسي مشتاق ليك 
) وقالت ليهو ايوااا قال ليها وينه ما جانت قالت ليهو داير منها شنو بعد الإهانات دي كلها قال ليها عايز اعتذر ليها قالت ليهو اعتذارك بعمل شنو وقالت ليهو هي عيانه شديد (كذبت عليهو دايره تشوف رده فعلو) قال ليها عيانه!!!؟
قالت ليهو ايوااا قال اديني رقمها ممكن قالت ليهو ابدا وهو كان مصر بس رفضت ومشي كلم ايمن قال ليهو لازم نجاسف الرقم ايمن مشي اتكلم مع عائشه وطبعا هي بنت مزه وأيمن كان معجب 
بيها وهي زاتها معجبه مشي عليها قال ليها هلا هي اهلا ممكن نتكلم كيفك بخير وانت الحمدلله قال ليها سلامة صحبتك قال ليهو تسلم رقعد يحنك معاها لحدي ما قال ليها ممكن رقم صحبتك عرفتو رسلو إياد بس قالت احتمال أمورها تزبط مع إياد وادتو الرقم
مشي لي أحمد قال ليهو تسلم ي أغلى صديق..
ناس ام اشواق رجعو من المستشفى بس قالو عندو ملاريا والتهاب ونصحوه بالراحه المساء عائشه جات تكفر لي أحمد سلامتك احمدقاليها الله يسلمك قالت لي اشواق تعالي دايراك في موضوع..
مشو جوه الغرفه يتكلمو تلفون اشواق ضرب…
يتبع….