كلهم نايضين يفطروا ومنوضين ساره لانها بتمشي لبريطانيا?

رمضان/وين بنتي ساره خيرها مجتش?

جوري/?ابدينا

رمضان/ياساره ياساره .

ساره متحشمه /صباح الخير كيف حالك عمي .

رمضان/الحمد لله شن حالك انتي استريحتي في النوم.

ساره/ايه الحمد لله .

حنان/زودي افطري توا بتركبي في الطياره ادوخي ?

قعمزوا يفطروا كلهم وقعدوا ايهدرزو :

حنان/اوليدي محمد ماشاء الله احنين او طيب وتوا ايحبك ويدللك غر انتي قِديه.

ساره?/ان شاء الله.

رمضان/ربي يهنيكم يابنتي .

ساره متحشمه?/ان شاء الله وناضت .

خشت للدار والباب مفتوح وهيا مطبسه اتقيم في لبسها في الشنطه حست بحد واقف اوراها هلباا وتسمع في نفسه تلفتت مخلوعه.

ساره?/عبدو ?

عبدوا كنت خاطم وفجأة شفت ساره امطبسه وكان جسمها مغري ومن غير مانشعر خشيت وكنت ساخن ?

عبدوا/كنت بنقولك توا انوصلك اني للمطار .

ساره وخرت وحست نيته مش اكويسه/لالا توا ايوصلني جاد.

عبدوا/براحتك.
___________________

عند نور فتحت اعيونها القت روحها في حضن احمد ابتسمت وقعدت تشبحله باسته على لحيته بوسه بالشويه.

احمد/صباح العسل ياعسل شن هذا الله نايض على بوسه?

نور/ياعمري انته نايض ?

احمد/لالا نوضتني البوسه السمحه هاذي .

نور كيف جت بتنوض كرها احمد من ايدها وجابها على صدره ❤

احمد/توا اتحملي بوستيني وتدلعي وين هاربه توا ??

نور/احميده حبي خليني نغسل نبي انصلي الصبح وجت ابتهرب منه.

احمد اضغط اعليها /ههه حتى ابتهربي لا مدخنيش باش انوريك على الدلاع ??

نور باستها على………??

احمد/ههه خلاص اندوشوا مع بعض .

نور/?لالا احمد اني نتحشم منبيش .

احمد/?عادي زي امس ارخي روحك وخليه كله اعليا .

نور/باهي خليها مره تانيه ??

احمد /انتي اتماطلي قفاصه وقفها وخش بيها للحمام …

?ومعدش دخلكم في الباقي??قصقصات هاذي اخصوصيات??

_____________________

ساره اتسلم على بوها وتبكي ??(مصعبها طلعت البنت من حوش بوها)

خالد وهوا يبكي /خلاص ياعيوني معدش تبكي وردي بالك من راجلك واني ديما موجود كلميني كان احتجتي حاجه .

جاد الحضن ساره وقعد يمسح على ظهرها ويبكي اما اياد فحضنها ومعدش بي يطلقها .

خالد/خلاص اطلقوا بعض صلوا على النبي ?

ساره وهيا بتطلع بعد مسلمت عليهم كلهم ودموعها على خدها وبيوصلها خالد وجاد وبوها .

في المطار بعد كملولها الاجرائت ومزال على الرحله ساعه ساره بيرفقها صاحب عمها

خالد/يابنتي وصيت ليك اصبري وقوي عزمك بالله.

ساره باست راس بوها وخوها وركبت .

ساره في الطياره اتفكر وكانت فرحانه من ناحيت اتجوزت ومسافره متشوقه اتشوف ابريطانيا وراجله كانت تتخيل فيه شخصيه حلوه وفي نفس الوقت مش هاين اعليها امليها?

_________________________

نور وهما يفطروا :

احمد/نونو الطياره الساعه 4:٠٠

نور /وين ؟

احمد/مفاجاة ??

نور بزعل/اممم باهي خر قولي ?

احمد/ههه صخفتني بنمشوا لدبي اسبوعين بعدين تركيا اسبوع ومصر شرم الشيخ اسبوع ?

نور/???اتبصر???وناضت تجري اتغمرته وباسته??

احمد/مصلحيا ?وباسها على……..??

ومشت نور سلمت على ملايها وسافرو في الطياره:

نور شدت في احمد وترعش ???

احمد/ايدي ياخوافه كان بتجيبي شن ايصير فيك?

نور/??وانته شن فهمك في الجياب ولا امجربه ?

احمد/?السانك وين يبي قص متنسيش اني دكتور ?

نور/اسفه مش قصدي لكن قصدي ايخوف هلباا؟

احمد /ايه قصدي صاعب اني منفهمش فيه مش خاش على حالات لكن انشوف فيهم كيف ايدخلوا فيهم رعب?

نور?/لالا اني منيش انجربه انخاف منحبش ???

احمد/عينك اني نبي عشره اصغار وانتي اتقوليلي منبيش انجربه?

نور/???مش بكيفك اني انقرر?

احمد وهوا عاض شاربه /السانك اني راجلك اصلا حاجه زي هادي انقراروها مع بعض .

نور ? بصوت واطي/شن واصل فيك ?

احمد/اسمعتك على فكره ?

نور?????
_________________

عند ساره وهيا نازله من الطياره لاحظت ولد يشبه لعبدوا قعدت امركزه فيه لكن هوا درق وجهه بعدين نزلت وقعدت تضحك على روحها قالت في نفسها شن بيجيب عبدوا اهني?‍♀️?‍♀️

ودارلها الراجل صاحب عمها غادي الاجراءت وقعدت في غرفت الانتظار لن شافت اسمها في لافته شادينها زوز راجل ومراء .

ساره/السلام عليكم اني ساره .

ايلاف/وعليكم السلام وسلمت اعليها بالوجه.

ساره/وين محمد.

ايلاف/عنده شغل امشي قتله اني وجوزي توا انجبوها احني جيرانك في العماره .

ساره/بالجوده بارك الله فيكم .

ايلاف/ما شاء الله اعليك على الزين الي عاطهولك ربي سعدود محمد بيك??

ساره تحشمت?/ههه شكرا اعيونك الحلوات.

طبعا خلي انقوللكم ساره شن لابسه كانت لابسه املايا اطويله ياجوريه والوشاح ياجوري ودايره بودره وملامع على الخفيف.

امشت امعاهم للشقه وصلت داخلتها المراءه لشقتها :

ايلاف /انتي هاذي شقتك في الدور التاني رقم 27واني في الممر التاني رقمها 35 تعاليلي كان احتجتي حاجه وفي عائلات ليبيه اهني .

ساره/ان شاء الله بارك الله فيك .

وخشت ساره للشقه وتفاجات انها كانت امسخه وحايسه مش امتع استقبال اعروسه بكل .

ساره كنت مستغربه كيف الدنيا لكن قولت يلا عادي مرات ميعرفش ايضم وقعمزت اتراجي فيه وتفكر زعما كيف منظره زي اصيل ??لالا مستحيل لعند اخداها النوم ناضت تاني يوم ملقتش حد في الشقه كانت في حالت تعجب صلت الصبح وقضت الفجر من التعب مناضتش وقعدت تدعي لعند ابكت حست بالوحده?

_______________

في ليبيا العيله كل واحد في حوشه ومكسدين في حوش خالد:

خالد يتفرج على التلفزيون وجي بينادي /ياساره ياساره ??
خالد ناض يبكي لانه انسيه ومصعبها الي كانت اتقول انعم معدش اهناك .

والحوش كله حاس بفراغ ساره وخصتاً اياد لانها كانت اقرب وحده منه .

اما جاد كانت فترت امتحانات وجود متكلمش فيه الي في الصبح قبل الامتحان وهوا كان امرايف اعليها بكل ?

اياد كان ايكلم في روبين وحس بانها متغيره وكان يسال فيها لكن هيا اتقوله مفيش شيء .

_______________

عند ساره ناضت خشت اكلت تون وحاجات جافه وقعمزت تقرا في قراءن وسبحان الله هيا تقرا والصده ايرد على الحوش حست انه الحوش يهتز وستمرت في القراءه والصوتها كان في الحوش كله وراجت ساعه اتنين تلاته يوم اتنين تلاته لعند تمت النواشف وكانت اتصلي وتدعي وخلاص خافت على محمد هلبااااااا.

ساره امشت لجارتها :

ايلاف/ اهلا اتفضلي .

ساره/لالا صحيتي نبي نسالك محمد مروحش بكل خيره إعلاش ؟

ايلاف ناضت تتخضر وتتصفر وعرفت ساره متعرفش شيء على محمد/قصدي انتي مقلولكش شيء على محمد .?

ساره انخلعت/لالا خيره ?

ايلاف زبطت انها في فخ/اممم لا خر ديما يتاخر قصدي ايعطل في المرواحه توا اني ننزل انجيبلك اكل من السوبر ماركت ونجيك .

ساره/باهي تمام .

وساره وهيا اموليه للشقتها القتها مفتوحه وواقف شاب ايجنن ايهبل???? ههه هوا اني وانتم اهبلنا إملا هيا شني ??.

ههه ساره تتخيل في واحد ليبي اطلع مليشي علاقه بكل ?

محمد كان ابيض هلبااا وعيونه املونات وعنده لحيه صفره وشعره اصفر والطويل ومعبي ولابس تشيرت اسود وسروال بيج❤?

محمد/وين كنتي ؟

محمد اعرفها بحجابها?

ساره/مني انته?

محمد /اني محمد ?

ساره في خاطرها قصدي هذا كله ليا اني وفي نفس الوقت جت بتقوله انته الي وين كنت هذا كله لكن سكتت مش من بدايتها امشاكل.

ساره/كنت عند ايلاف نسال فيها اعليك ?

خشوا اللداخل سلم محمد على ساره بالوجه باسها بوستين وقعمز على الكنبه .

ساره استغربت فيه وقعمزت ولما ركزت القت رقبته زرقاء????