⁦✍️⁩تمرد صحفيه ⁦✍️⁩

?الفصل الحادى عشر ?

جاء الليل وبدء التوتر يظهر على داليا ودخلت اوضتها وقفلت الباب على نفسها وقعدت تفكر فى الجاى مع ادهم وكل ما تفتكر اللى حصل منه فى اول مقابله تخاف من اللى جاى وقالت
داليا :- لالالا كده كتير والله كتير اوى عليا يعنى ازاى انا اتجوز أدهم الحناوى اكيد بحلم لا بحلم ايه اكيد ده كابوس وفى الوقت ده جرس الباب رن وقفت وقالت د.د.ده شكله هو يا لهووووووى انا هيغمى عليا لا انا اغمى عليا خلاص والباب بتاع الاوضه اتفتح
مؤمن :- لولولولولوى افرحى يا عروسه انا العريس يا عروسه يا عروسه انا العريس لولولولولوى أدهم الحناوى أكبر رجل اعمال شرف فى بيتنا المتواضع بره يلا يا عروسه
داليا :- امشى اطلع بره عرسه لما تعضك من ودانك يا بعيد
مؤمن :- هههههههههه هدى اعضائك يا مزتى ههههههههه
داليا:- اطلع بره يا مؤمن احسن وربنا اطلع كل اللى حاسه بيه فيك دلوقتى ومسكت تحفه وحدفته بيها
مؤمن :- ااااااه يا مجنونه يارب يطلع عينك ها وطلع يجرى وقفل الباب وراه
داليا :- يارب يارب يارب

فى الخارج

وصل أدهم الحناوى لشقة سعيد هو وخالد وإنعام وعلاء وسندس
وكانت انعام وخالد مصدومين من المستوى الاجتماعى لعيلة داليا وبصو لبعض بصدمه وقربت إنعام من ودن خالد وقالت
إنعام :- بتكبر اكيد ابنك اتجن ايه الناس اللى ابنك جاى ياخد بنتهم دول
خالد :- انا مصدوم بجد مش لاقى تفسير لاختيار أدهم ناس بالمستوى ده
إنعام :- ده شغل استفزاز لينا مستحيل يكون وخدها حب والكلام ده
خالد :- انا هعرف اخليه يتراجع عن الموضوع ده ازاى بس فى الوقت ده خرج حمزه من اوضه وكانت صدمه لخالد وقطع كلامه فاجئه
أنعام:- مالك يا خالد سكت فاجئه ليه
خالد :- ده الظابط اللى كنت مكلمه فى قضية أدهم
أنعام :- يا نهارى على الصدفه يعنى العروسه طلعت قريبته
خالد :- شكلها امال ايه هيجيبه فى بيتهم الا لو مكانش قريبهم
سعيد :- منورين اتفضلو يا جماعه
الكل قعد منهم المصدوم ومنهم المتكبر
ادهم :- لحمزه بأستفزاز ايه يا حضرت الظابط اخبار البلاغات معاك ايه
خالد :- كح وبص لحمزه
حمزه :- متفرحش اوى انك نفت المرادى صدقنى انا وراك والزمن طويل يا ادهم
ادهم :- هههههههه مش لما تشوف هتعمل ايه فى التحقيق بتاع بكره
سعيد :- تحقيق ايه ده
حمزه :- انت عرفت منين
ادهم :- هههههه انا مفيش حاجه تستخبه عليا
سعيد:- يا ابنى انطق تحقيق ايه ده
حمزه :- ده تحقيق معايا يا بابا بخصوص السلاح بتاعى
سعيد :- هو انت لسه ملاقتهوش
حمزه:- لاء
ادهم :- هههههههه تعيش وتاخد غيرها يا حضرة الظابط
حمزه :- بعصبيه متفرحش اوى انا وراك مهما حصل ومش هسيبك
علاء :- احم وحدو الله يا جماعه
الكل :- لا إله إلا الله
خالد :- لانعام بصوت واطى شكل أدهم ليه أعداء كتير اوى واحنا مش هنتعب فى حاجه
إنعام :- يا مسهل امته بقى نخلص منه
سعيد:- نورتونا يا جماعه
خالد :- شكرآ
إنعام :- بقرف ميرسى
علاء :- ربنا يكرمك يا استاذ سعيد
ادهم :- وهو بيص لحمزه بأستفزاز انا هتجوز بنتكم داليا
حمزه:- بغيظ اسمها اطلب ايد بنتكم
ادهم :- الكلام ده لو باخد رأيكم لكن انا بعرفكم مش اكتر هى مراتى اصلا
الكل :- اتصدم من كلام أدهم
سعيد :- بصدمه مراتك
ادهم :- اه مراتى
حمزه :- بغيظ لاء انت كده زودها وقام مسك فى ادهم وقال طيب مفيش عندنا بنات للجواز واعلى ما فى خيلك اركبه
علاء :- قام يجرى وحاول يبعدهم عن بعض
سعيد :- بصوت عالى حمززززززه
حمزه :- بعد عن أدهم وبص لابوه
سعيد :- طول ما انا موجود مسمعش حسك مفهوم
حمزه:- بس يا بابا
سعيد :- مفهووووووم
حمزه :- بص بغيظ لادهم وقال حاضر وقعد على الكرسى وهو متعصب
سعيد :- بص لادهم وقال ممكن تعرفنى ايه موضوع انها مراتك اصلا دى
ادهم:- حط رجل على رجل ولسه هيتكلم
سعيد :- من الادب والاحترام لما تكون بتكلم واحد قد ابوك تنزل رجلك من على بعض
ادهم :- وانت مش هتعلمنى الادب ومن الاحترام لما يكون واحد فى مستواك ده يكلم اسياده بأدب
سعيد :- انا ليا سيد واحد بس هو ربنا سيد الكون كله غير كده محدش ليه سيد عليا
ادهم :- انا دلوقتى بس عرفت بنتك طالعه لسنها طويل لمين
سعيد :- وده شرف ليا أن انا عرفت اربي بنتى كويس اوى وترد وتاخد حقها بنفسها انا بنتى بمليون راجل وافتخر بده
ادهم :- والله
سعيد :- قطعه وقال قبل ما تقول كلمه واحده تانى لو مكانتش بنتى بمية راجل مكنتش حضرتك جيت لحد عندها هنا لان اكيد قابلة بنات اشكال والوان بس بنتى الوحيده اللى شغلت تفكيرك وخلتك تشغل دماغك وتقول انك متجوزها لأن انا عارف ومتأكد أن مستحيل بنتى تعمل كده لان بنتى عمرها ما خبت عنى حاجه ولا كدبت عليا وده شئ افتخر بي وعلشان كده انا موافق على طلبك مش امرك
حمزه:- بابا ايه اللى حضرتك بتقولو ده
سعيد :- اللى انت سمعته ده روح هات اختك علشان نقرأه الفاتحه
خالد وإنعام :- كانو مستغربين ردت فعل سعيد
علاء :- كان مبسوط جدآ من كلام سعيد وفرح لاخوه علشان ارتبط بناس بالشكل ده
سندس :- اه بسرعه والنبى يا عمو علشان هموت واشوفها
حمزه:- بص بقرف لسندس وبعدين بص لادهم بغيظ ودخل ينادى اخته زى ما قال ابوه
ادهم :- كان حاسس أنه مش مضايق من كلام سعيد وان فيه حاجه من جواه بتشده لسعيد
وبعد شويه جت داليا مع حمزه ومؤمن
داليا :- كانت حاسه بأحاسيس كتيره جدآ خايفه ومتوتره وفرحانه وحزينه ومتحمسه ورافضه كانت مش عارفه تحدد احساسها ايه
سعيد :- تعالى يا حبيبتى ابنى أدهم طلب ايدك وانا وافقت
داليا :- بصت لابوها بصدمه وقالت من غير ما تاخد رأى يا بابا
سعيد :- انتى الصبح قولتيلى اللى حضرتك تشوفه وانا شايف أن أدهم اكتر حد مناسب ليكى
داليا :- بس
سعيد :- مفيش بس انا عارف مصلحتك فين ربنا يهنيكم ويسعدكم
حمزه :- قعد وهو بيدوس على سنانه
ادهم :- وهو بيص لداليا قال على اخر الشهر الفرح
داليا :- بصت ليه بصدمه وقالت نعم ده فاضل اسبوعين بس
ادهم :- هتفرق معاكى كتير
داليا :- بصت لابوها وقالت مستحيل يا بابا
سعيد :- انا موافق
داليا:- بصدمه ايه
سعيد :- موافق يلا نقراه الفاتحه
داليا :- استنا يا بابا بس
سعيد :- خلاص يا داليا انا قولت موافق وبدء يقراه الفاتحه والكل بيقراه الفاتحه
داليا :- قعدت تبص لكل بصدمه
ادهم :- ما تقرى يا عروسه الفاتحه
داليا :- ها
ادهم :- اقرى
داليا :- قرت الفاتحه وهى مصدومه من اللى بيحصل
إنعام :- قربت من خالد وقالت لالالا ابنك بجد مش طبيعى شايف منظر البت عامل ازاى
خالد :- مش هيلحق يتهنى بيها
إنعام:- قصدك ايه
خالد :- بعدين المهم خليكى طبيعيه واعملى نفسك فرحانه وباركى ليهم
إنعام :- ماشى وبصت ليهم وقالت مبروك
ادهم:- بصلها ومردش عليها
خالد:- مبروك
داليا :- الله يبارك فى حضرتك
سعيد:- ممكن اعرف بنتى هتعيش فين بالظبط
خالد :- معانا فى الفيلا
ادهم:- بص لابوه وبعدين بص لسعيد وقال عندى الفيلا بتاعتى جاهزه من كل حاجه ومش محتاج تجيب فيها اى حاجه
سعيد :- ازاى يعنى انا بنتى لازم تدخل بحاجتها كامله زى اى بنت
ادهم:- الفيلا مش محتاجه حاجه ممكن تجيب ليها شوية الهدوم وخلاص
علاء :- احنا تقريبآ اتفقنا خلاص على كل حاجه ممكن نسيبهم شويه مع بعض
داليا :- تسيبو مين لا يمكن
إنعام :- بقرف بلاش بليز الشغل ده علشان نقول انك بتتكسفى وكده
داليا :- بغيظ وانا مش محتاجه اعمل كده على فكره انا كل الحكايه أن انا مش حابه اقعد معاه لوحدى مش علشان مكسوفه بس علشان مش بستظرف ابنكم
إنعام :- مش ايه ده على اساس انك محاولتيش بكل طريقه توقعيه فيكى علشان فلوسه
داليا:- فلوس فلوس ايه يا بتاعة الفلوس انتى الفلوس دى اخر همى تغور اصلا الفلوس من اشكالكم
سعيد :- داليا عيب عليكى دول ضيوف عندنا اتكلمى معاهم بأدب وغير كده دول هيبقو اهل جوزك لازم تحترميهم
داليا :- يا بابا حضرتك مش سامع بتقول ايه
سعيد :- مهما تقول مترديش عليها بأسلوب وحش وبص لانعام وقال انا بتأسفلك نيابة عن بنتى اتفضلو معايا بره ونسيب العرسان
داليا :- برضه يا بابا
سعيد :- داليا
داليا :- بصت فى الارض وقالت حاضر يا بابا
حمزه :- كل ده متابع اللى بيحصل ومتغاظ بس مش عارف يرد لان ابوه منعه خرج اول ما سعيد طلب منهم يخرجو وسابهم ودخل اوضه
سندس :- احم ممكن بس ادخل الحمام
سعيد :- اه يا حبيبتى طبعآ وبص لمؤمن وقال وريها الحمام فين
مؤمن:- نعم
سعيد :- ايه بقولك وريها الحمام اسمع الكلام يلا
مؤمن :- نفخ وقال حاضر لما نشوف اخرتها ايه وبص لسندس وقال اتفضلى امشى قدامى
سندس :- امشى ازاى كده
مؤمن :- اوعى كده ومشى قدامها وقال امشى ورايا خلصينى
سندس :- اوك ومشيت وراه مؤمن
مؤمن :- اتفضلى الحمام اهو معلش بقى مش زى بتاعكم حاجه كده مصغره
سندس :- اوك ميرسى ودخلت الحمام وقفلت الباب وفتحته بسرعه وقالت لو سمحت
مؤمن :- امممم
سندس :- ممكن بس تقولى النور منين
مؤمن :- اللهم يطولك يا روح النور على ايدك الشمال اى خدمه تانى
سندس :- لاء ميرسى وقفلت الباب
مؤمن :- بص على الباب وقال شكلهم كلهم عيله مستفزه وخرج راح قعد معاهم بره

فى الصالون

داليا :- كانت قاعده متوتره وبتدعك فى ايديها وبصه الاتجاه التانى
ادهم :- ده على اساس انك بتتكسفى اوى
داليا :- بصت ليه وقالت نعم
ادهم :- اصل كنت مفكرك غير البنات وملكيش فى جو الكسوف والكلام ده
داليا :- ليه مش بنت أن شاءالله وبعدين انت بتكدب الكدبه وبتصدقها ولا ايه انت مفكر نفسك عريس وانا عروسه تبقى حمار لأن انا عمرى ما هعتبرك جوزى مهما حصل لان انا بكرهك يا ادهم
ادهم :- اتعصب وقام وقف وراح عندها مسكها من دراعها وقال بغيظ حسك عينك تغلطى فيا تانى فاهمه وصوتك ده ميعلاش وهتبقى مراتى يا داليا وهخليكى خدامه تحت رجلى وبكره تبوسى ايدى علشان ارحمك من الذل اللى هتشوفيه منى
داليا:- كان دراعها بيوجعها من ايد ادهم بس حاولت تظهر قدامه قويه وقالت ابعد عنى متلمسنيش لو سمحت
ادهم :- كلها كام يوم وتبقى فى بيتى وهوريكى النجوم فى عز الضهر وزقها وقعد على الكرسى وحط رجل على رجل وقال اعملى حسابك مفيش شغل لما تيجى بيتى فاهمه
داليا :- انت بتحلم يا ادهم شغلى مش هسيبه
ادهم:- هتسبيه يا داليا
داليا :- انت مفكر نفسك ايه ها انت واحد معقد ومريض نفسى ولازم تتعالج لان بحالتك دى فيه خطوره على الناس اللى حواليك منك لان ممكن تعمل فيهم اى حاجه علشان تثبت لنفسك انك شخص قوى وان الناس كلها ضعيفه قصادك وتحت امرك بس انا لاء يا ادهم انا خط احمر وعمرك ما هتعرف تعمل معايا كده مهما حاولت فاهم
ادهم:- اتغاظ من كلامها وقال بكره هعرفك مقامك يا داليا وهعرفك مين أدهم الحناوى وهوريكى المرض النفسى ده على أصوله ووقف وقال عدى الايام اللى متبقيه ليكى فى بيت ابوكى وعشيها لأنها هتبقى اخر لحظات ليكى فى الحياة ولأن عندى هعرفك أن الله حق
داليا :- وقفت قصاده وقالت انا عارفه الله من قبل ما اشوف وشك من يوم ما عينى فتحت على الدنيا الدور والباقى على اللى زيك اللى ارهان انك مش حافظ كلمه واحده فى كتاب ربنا ولا عمرك فكرت تمسكه بس صح هتمسكه ازاى واحد نجس زيك حرام لما يمسك كتاب الله الشريف اللى زيك أن شاءالله فى جهنم وبئس المصير
ادهم :- داس على سنانه وبصلها بغيظ ومشى فتح باب الاوضه وخرج منه من غير ولا كلمه وفتح باب الشقه وسابهم ونزل ونزل الباقى وراه
~•~•~•~•~•~•~•~•~•~•~•~•~•
فى فيلا خالد الحناوى

فى اوضت دينا

كانت نايمه على سريرها على ضهرها وبتبص لسقف وسرحانه وفى الوقت ده تليفونها رن مدت ايديها واخدت تليفونها من جنبها وبصت تشوف مين لاقته رقم تامر قفلت الصوت ومرضتش ترد عليه وحطت التليفون تانى جنبها وبعد وقت التليفون رن تانى بصت فيه لاقته رقم تامر اتنهدت وفتحت السكه وردت عليه وقالت
دينا :- نعم متصل ليه
تامر :- دينا احنا لازم نتقابل ونتكلم مع بعض
دينا :- مفيش ما بنا كلام يا استاذ تامر
تامر :- لاء فيه يا دينا احنا لازم نتكلم مع بعض دينا انا عارف انك لسه مجروحه ومصدومه من اللى حصلك بس انا والله مش زيه انا اختلف عنه عارف ان مبقاش عندك ثقه فى حد بس ياريت تدينى فرصه ارجعلك الثقه دى
دينا:- يا استاذ تامر انا منفعكش انا واحده اتصورت فى حضن شاب
تامر :- قطعها وقال غصب عنك مش برضاكى
دينا :- لاء يا استاذ تامر انا بحمل نفسى كل المسؤوليه للى انا وصلت ليها دى انا اللى اديت الفرصه للحقير ده يعمل اللى عملو معايا
تامر :- طيب تعالى نتقابل ونقعد نتكلم مع بعض نقرب لبعض المسافات ونشوف هنقدر نكون مع بعض ولا لاء
دينا :- انا اسفه جدآ ليك مش هرضاها ليك صدقنى انت تستحق واحده اشرف منى بكتير ربنا يسعدك مع واحده غيرى ياريت تمسح رقمى ومتتصلش بيا تانى مع السلامه وقفلت السكه فى وش تامر
تامر :- الو الو يا انسه دينا بص لتليفون وقال شكلى هتعب اوى وحط التليفون جنبه ونام على السرير
~•~•~•~•~•~•~•~•~•~•~•~•~•
اشرقت شمس صباح يوم جديد بنورها الساطع فى السماء الاسكندريه لتبدء داليا بفتح عيونها مسكت تليفونها بصت فى الساعه وحطته تانى مكانه وفى الوقت ده باب الاوضه بتاعتها خبط ودخل سعيد وقال
سعيد :- لسه نايمه يا حبيبتى
داليا :- لاء يا بابا انا خلاص صحيت
سعيد :- دخل قعد جنبها وقال انا سيبتك امبارح براحتك ومرضتش ادخل وراكى واكلمك
داليا :- تكلمنى على ايه يا بابا
سعيد :- ايه موضوع جوازك من ادهم ده
داليا :- ها ج.ج.جواز ايه
سعيد :- داليا بلاش لف ودوارن عليا انا عارفك لما بتكدبى ولا بدارى حاجه عليا احكيلى ايه الموضوع بالظبط
داليا :- بص والله العظيم يا بابا اللى حصل ده خوف عليكم انت عارف بنتك عمرها ما تعمل حاجه غلط ولا تغضب ربنا
سعيد :- من غير كلامك ده كله انا عارف مربى بنتى ازاى قولى ايه اللى حصل
داليا :- حكت لابوها كل اللى حصل
سعيد :- امممم
داليا :- ايه مش مصدق كلامى يا بابا
سعيد :- لا طبعآ مصدق كلامك يبقى الموضوع اللى قولتيلى عليه ده من يومين يخصك انتى مش صحبتك
داليا :- ها
سعيد :- يا بت عيب عليكى ده انا شعرى شاب يعنى مش عيل صغير وعرفت ان الموضوع ده يخصك من اول ما اتكلمتى وقولتى بس اخدك على هواكى
داليا :- اه منك انتى يا بابتى مش سهل وربنا
سعيد :- هههههههههه ده انا كنت مجنن امك الله يرحمها
داليا :- هههههههههه ربنا يرحمها
سعيد :- المهم بقى ايه اللى حصل ما بنكم امبارح
داليا :- ولا حاجه حاول يخوفنى بس انا ظهرت قدامه قويه اتغاظ ومشى هههههههههه
سعيد :- وانتى فعلا مخوفتيش
داليا :- حضرتك عارف بنتك مش بتخاف بس منكرش برضه أن بيبقى عندى شوية راهبه لما بيتعصب وعروقو تنط من رقبته بحس أن هو هيفترسنى ولا هيطلع روحى فى ايديه هههههههههه بس عندى سؤال مجننى ايه اللى خلى حضرتك توافق عليه بسهوله كده
سعيد :- لأسباب كتير اولا واضح من عنيه أن هو ضعيف جدآ وبيحاول يتعامل مع الناس بأسلوبه ده علشان يدارى ضعفه والناس تخاف منه ثانيآ من كلامك عليه اللى كنتى قايله ليا ومن كلام صحبه ليكى بيقول أن هو كويس جدآ بس الظروف اللى حكمت عليه يبقى كده انتى مشوفتيش أبوه ومراته الحربايه اللى كانو معا وثالثآ رغم أن هو اندفع فى الكلام معايا بس محاولش يتطاول عليا وده يثبت أن هو بنأدم محترم رابعآ وده الاهم أدهم اتشد ليكى وبيحاول يظهر أن هو عايز يتجوزك انتقام علشان يدارى الحقيقه
داليا :- بصدمه يتشد ليا انا
سعيد :- ايوه يتشد ليكى وده قدرت اشوفه فى عينه اول ما دخلتى علينا نظرت عينه ليكى مش نظره طبيعيه نظرة استغاثه منه ليكى عينه بتحاول تدارى ضعف فيها كبير اوى ان محتاج ليكى علشان تقويه انا شوفت حاجات كتير اوى فى عينه ليكى خلتنى اوافق اديكى ليه بكل سهوله وانا عارف ومتأكد. انك هتكونى سعيده معاه اه هتتعبى معاه وهتتعبى اوى لحد ما تغيرى منه وتخرجى الانسان الكويس اللى جواه على ما تداوى جرح السنين اللى عاشه بس فى الاخر هترتاحى بعد التعب ده كله والنتيجه هتفرح قلبك
داليا :- يااااااااه يا بابا كل ده قدرت تعرفه عنه فى دقايق بجد انت حاجه عظيمه اوى
سعيد :- يا حبيبتى الكبر وشيبة الشعر دول مش بساهل دى مواقف وحكايات مريت بيها فى العمر غلط مره واتعلمت مره بس كل مره كنت بغلط فيها كنت بستفاد بدرس بيتحفر جوه منى علشان لما اوصل لسن ده اقدر افيد بيه حد هيمر بنفس الموقف ده وميغلطش غلطى
داليا :- اترمت فى حضنه وقالت انت اجمل واحلى قدوة فى حياتى بجد مكدبش اللى قال إن الأب هو الراجل الوحيد اللى بيحب بنته بجد من غير مصلحه ومهما حد حبها مش هيقدر يحبها زى ابوها انت السند اللى سانده عليه ضهرى ربنا يخليك ليا يا اجمل واحلى وأعظم اب فى الدنيا دى كلها
سعيد :- طبطب عليها وقال ربنا يسعدك ويهنيكى يا نور عيونى
مؤمن :- ابغى ابكى بس الجوع منعنى ده ايه المشهد اللى يقطع القلب على الصبح ده
داليا :- بعدت عن ابوها وقالت انت ايه دخلك اوضى من غير ما تخبط يا بارد
مؤمن :- بطنى اصلها بتصوصو من الجوع وانتو هنا بتعملو مشهد من فيلم الحفيد عارفه انا المشهد ده
سعيد :- روح حضر الفطار بدل ما انت واقف تستظرف كده
مؤمن :- نعم احضر الفطار هى مال الدنيا اتقلبت حالها كده يعنى البنت تقعد والشاب هو اللى يحضر الاكل جرى ايه يا دنيا كفايه بقى
سعيد :- وهتعمل ايه يا حليتها لما اختك تتجوز هتروح تجبها من بيت جوزها علشان تحضرك الاكل اعتمد يا خويه على نفسك
مؤمن :- طيب تحبو البيض مقلى ولا مسلوق
داليا :- هههههههههههه
سعيد:- مقلى بالبسطرمه
مؤمن – عونيا يا حاج هوى وخرج من الاوضه
داليا :- هههههههه والله يا بابا لو عليا مش عايزه اسيبكم ابدآ
سعيد :- دى سنة الحياة يا حبيبتى يلا قومى جهزى نفسك وانا هروح اشوف اخوكى الموكوس احسن ده بيغرق فى شبر مايه وقام وخرج من الاوضه وقفل الباب وراه ودخلت هى الحمام اخدت شاور واتوضت وخرجت لبست هدومها وأدت فرضها وخرجت وكان مؤمن وسعيد حضرو الفطار وقعدو منتظرنها وحمزه قاعد معاهم بس عقله وتفكيره فى التحقيق
داليا :- صباح الخير يا حمزه
حمزه :- سرحان ومش بيرد عليها
داليا :- حمزه يا حمزه
حمزه :- ها عايزه ايه
داليا :- بقولك صباح الخير
حمزه :- صباح النور
داليا :- مالك
مؤمن :- شايل هم التحقيق
داليا :- تحقيق ايه ده
مؤمن :- هو انتى متعرفيش أن حمزه اتحول لتحقيق بسبب السلاح بتاعه
داليا:- بصدمه بجد وانا هعرف منين حصل امته الكلام ده
مؤمن :- لا اعرف سمعته بيكلم صاحبه تامر فى الفون وبيقولو على موضوع التحقيق ده
داليا :- بجد يا حمزه
حمزه :- امال بهزر
داليا :- طيب ايه اللى هيحصل بعد التحقيق ده
حمزه :- هنزل درجه او ممكن تتأجل الترقيه بتاعتى مش اقل من تلاتة سنين او ممكن ينقلو مقر الخدمه بتاعتى لمنطقه الصعيد مع تأخير العلاوة بتاعتى والترقيه حسب وكيل النيابه
سعيد :- ربنا يحنن قلبه عليك يا ابنى ويبقى العقاب خفيف
حمزه :- يارب ووقف وقال يدوب الحق وقتى
سلام وسابهم ومشى
داليا :- زعلت اوى علشانه يا ترى السلاح راح فين
مؤمن :- يعنى انتى مش عارفه حمزه ممكن يكون وقع منه بس بيأوح
داليا :- ربنا يحنن قلب وكيل النيابه عليه يارب
ووقفت وقالت هروح انا بقى عايزين حاجه
سعيد :- لاء يا حبيبتى ربنا يكفيكى شر طريقك يارب
داليا :- بسته من خده وقالت ربنا يخليكى ليا يا بابتى يا رب
مؤمن :- ايه ده وانا مليش بوسه زى دى ولا ايه
داليا:- يا سلام انت تأمر يا سى مؤمن ومسكت وشه وقعدت تبوس فى خده وتقول عسولتى يا ناس قمورتى يا ناس
مؤمن :- عسولتى وقمورتى انتى بدلعى ابن اختك روحى يا داليا روحى
داليا :- هههههههههه وربنا بموت فيك تشاو وشاورت ليهم ومشيت
مؤمن :- وقف وقال يدوب انا كمان الحق وقتى
سعيد :- استنا هنا رايح فين
مؤمن :- ماشى
سعيد :- كتك مشش فى ركبك شيل معايا الاطباق
مؤمن :- صلاة النبى احسن انا بقول بلاها دراسه والكلام الفارغ ده الواحد ملوش غير بيته والجواز هات يا عم الحاج هات واخد الاطباق وقال اه يا وسطى المقسوم يا انى هلاقيها من الراجل ولا البيت ولا العيال
سعيد :- استرجل يلا
مؤمن :- واحد بيريل هنا لو سمحت علشان استرجل
سعيد :- حدفه بالمعلقه وقال غور يا اخرة صبرى
مؤمن :- طلع يجرى وقعد يضحك وبعد وقت نزل راح مدرسته
~•~•~•~•~•~•~•~•~•~•~•~•~•
فى الجريده

وصلت داليا الجريده وكانت منتهى وفاطمه قاعدين على مكاتبهم
داليا:-صباح الخير ياشلة نحس
منتهى :- صباح الجمال يا عروسه
فاطمه :- بطلتو ده واسمعو ده ياما لسه هنشوف وياما الغراب يا وقعه سوده جوزو احلى يمامه بطلوده واسمعو ده
داليا ومنتهى :- ههههههههههه
داليا :- يا اختى اتنيلى بلا عروسه بلا نيله ده ابن المنكوبه زرق دراعى وربنا
فاطمه :- لالالا شغل أجرى وانا الحق ده مش بحبه احكى لينا ادق التفاصيل
داليا :- احكى ايه مفيش حاجه تتقال
منتهى :- متحاوليش دى مسبتنيش غير لما قولت كل حاجه عن علاء الحناوى فى المقابله
داليا :- علاء وجمال علاء امبارح كان منور فى القعده
منتهى :- بالهفه بجد كان موجود امبارح عندكم
داليا :- بصت لفاطمه ورجعت بصت لمنتهى وغمزت ليها وقالت ايه الحكايه
منتهى :- ها ح.ح.حكاية مفيش حكايه ولا روايه انا بسأل عادى
فاطمه :- والله واشمعنا سى علاء اللى سألتى عليه
منتهى :- اتلمى يا فاطمه
داليا :- وهى بتكتم ضحكتها قالت عمومآ هو شكله متجوز
منتهى :- لالالا خالص ده لسه مش متجوز
فاطمه :- عرفتى منين
منتهى :- احم م.م.من الحوار ما انا سألته
داليا :- هههههههههه ايوه بقى يا جامد وقعتى ولا حد سمى عليكى وبعدين حلو هنبقى احنا الاتنين واخدين الاخوات ونبقى مع بعض علطول
فاطمه :- يا حلاوتكم يعنى انتو الاتنين هتتجوزو الاخوات وانا همسك ليكم الشمع أن شاءالله
داليا :- هههههههههه ليه بس يا طمطم أن شاءالله ربنا يكرمك بعريس ونتجوز مع بعض
فاطمه :- فين بس انا عايزه عريس عايزه اتجوز يا خلق عايزه اتجوز يا هووووووو يارب ابعتلى عريس دلوقتى حالا
أكرم :- السلام عليكم
فاطمه :- الله عريس وبتلف قالت هو انت تانى
منتهى وداليا :- بصو لبعض وقعدو يضحكو
~•~•~•~•~•~•~•~•~•~•~•~•~•
بقلمى #دودومحمد